CDF-Palangvum Kasabawm

12/27/2025

“ရင်ကွဲ့ရပါပြီ 💔

Rest in peace 🪦💔😢

ဝမ်းနည်းမှတ်တမ်း

၂၀၂၅ ခုနှစ်၊ ဒီဇင်ဘာလ ၂၇ ရက်

ချင်းလဲန်းကာကွယ်ရေးတပ်ဖွဲ့-ပလက်ဝတွင် တာဝန်ထမ်းဆောင်နေသည့် ကိုယ်ပိုင်အမှတ်၊ PLW-1112 Corporal ဆလိုင်းနန်းယိုက်သည် မိမိသစ္စာပြုထားသည့် အမိမြေချင်းလဲန်းနှင့် ချင်းလူမျိုးများအတွက် အမျိုးသားရေး တာဝန်ကို ကျေပွန်စွာထမ်းဆောင်ရင်း ၂၀၂၅ ခုနှစ်၊ ဒီဇင်ဘာလ ၂၇ ရက်နေ့ ရှေ့တန်းတစ်နေရာတွင် တိုင်းပြည်နှင့် လူမျိုးအတွက် မြင့်မြတ်စွာ အသက်ပေးလှူသွားခဲ့ပါသည်။

အမျိုးသားတော်လှန်ရေးအတွက် ဆလိုင်းနန်းယိုက်၏ ပေးဆပ်မှုအပေါ် ချင်းလဲန်းကာကွယ်ရေးတပ်ဖွဲ့-ပလက်ဝမှ လေးစားဂုဏ်ပြုပါကြောင်းနှင့် ကျန်ရစ်သူမိသားစုနှင့်အတူ တပ်ဖွဲ့ဝင်များအားလုံး ဝမ်းနည်းကြေကွဲရပါကြောင်း မှတ်တမ်းတင်အပ်ပါသည်။

#ချင်းလဲန်းကာကွယ်ရေးတပ်ဖွဲ့_ပလက်ဝ
Defense Force - Paletwa

12/27/2025

Happy Merry Christmas 🎄 🎁
ပါ အမျိုးတို့ရယ်!!

နှစ်သစ်ရောက်ရောက်ပါတော့မယ် စိတ်သစ် ခွန်အား အသစ်
တွေနဲ့ ရှေ့ဆက်ကြတာပေါ့ ။

God will plans for Our turn !
#မျိုးချစ်

12/26/2025

ချင်းပြည်နယ်၊ ပလက်ဝမြို့ပေါာ် ခရစ်စ္စမတ်ပွဲ့ကို ရခိုင်ရိုးရာဝတ်စုံနှင့် ရခိုင် Logo “တွေနဲ့ ရခိုင်အဖွဲ့ချုပ်က ကျင့်ပပေးသတဲ့။

ဒီဟာတွေကြည့်ပြီး IKACC/PC /CDF-paletwa ကိုထပ်ဆဲ့ကြဖို့ တင်ပေးပါတယ်။
အချင်းချင်း ကိုက်ကြရင်း အာသာ​ဖြေကြတဲ့ လူမျိုးများ
ဆို​တော့ ကိုက်ကြ​စေ 🫵🫵

#မျိုးချစ်

12/25/2025

Happy Merry Christmas to you all
ကိုယ့်နိူင်ငံ ၊ ကိုယ့်လူမျို့ အတွက် ဒီထက်မက လုပ်ဆောင် နိူင်ကြပါစေ !

12/23/2025

အဖိနှိပ်ခံဘဝမှာ သာယာနေကြတော့ မပြောတတ်ဘူး၊ လွတ်မြောက်ချင်ကြရန် ရုန်းထွက်ပေးဆပ်ကြရမှာပဲ့။

အနာဂတ်ကို လိုချင်ရင် ယနေ့ တာဝန်ယူပါ။
တာ၀န်ယူဖို့ တစ်ယောက်တည်း မလုံလောက်ဘူး—
အတူတကွ စည်းစည်းလုံးလုံးနဲ့ ဆောင်ရွက်ရမယ်။

ပေးဆပ်မှုမရှိရင် အောင်မြင်မှုမရှိဘူး၊
စည်းလုံးမှုရှိရင် မဖြစ်နိုင်တာ မရှိပါ။✊️👇

PCရံပုံငွေကံစမ်းမဲဖြတ်ပိုင်းရောင်းချရသည့် အစီအစဥ္အကြောင်း👇
https://www.facebook.com/share/p/17WU7rgGA9/

PCရံပုံငွေကံစမ်းမဲဖြတ်ပိုင်းအားပေးလိုသူများ
👉Aimin Aimin
https://www.facebook.com/aiman.aiman.745687

👉Paletwa Council Page Messagerမှာလည်း ဆက်သွယ်ဝယ်ယူအားပေးနိုင်ပါတယ်ခင်ဗျာ

Paletwa Council-PC

12/22/2025

Let’s go “ အမျိုးတို့ “ ပါဝင်ကြပါ 💪

ပလက်ဝလူငယ်များ မိမိဒေသအဖွဲ့၌သာ တာဝန်ထမ်းဆောင်သင့်ဟု ပလက်ဝကောင်စီ AGS နှင့် ကာကွယ်ရေးတာဝန်ခံ ဆလိုင်းဂျေမီလုကာ ဆို
================

ကီမိုမီဒီယာ

ဒီဇင်ဘာလ ၂၂ ရက်၊ ၂၀၂၅ ခုနှစ်

ချင်းပြည်နယ်၊ ပလက်ဝမြို့နယ်အတွင်းရှိ လူငယ်လူရွယ်များအနေဖြင့် မိမိတို့၏ မျိုးနွယ်စုနှင့် နယ်မြေဒေသကို ကာကွယ်ရန်မှာ သမိုင်းပေးတာဝန်ဖြစ်ကြောင်း၊ ဒေသပြင်ပသို့ ထွက်ခွာခြင်းထက် ဒေသတွင်း တော်လှန်ရေးအင်အားစုများတွင် ပါဝင်သင့်ကြောင်း ချင်းလဲန်းကာကွယ်ရေးတပ်ဖွဲ့–ပလက်ဝ (CDF-Paletwa) က တာဝန်ခံ ဆလိုင်းဂျေမီလုကာ ပြောသည်။

စစ်သင်တန်း ပြီးဆုံးပြီးသော လူငယ်များအား သူတို့၏ ကျွမ်းကျင်မှုနှင့် ကိုက်ညီသည့် ကဏ္ဍအသီးသီးတွင် စနစ်တကျ တာဝန်ပေးအပ်လျက်ရှိကြောင်း သိရသည်။ အထူးသဖြင့် ပါဝင်နိုင်သည့် ကဏ္ဍများအဖြစ် စစ်ရေးနှင့် လုံခြုံရေးတာဝန်၊ ပညာရေး၊ ကျန်းမာရေး၊ အုပ်ချုပ်ရေးတာဝန်၊ သတင်းနှင့် ပြန်ကြားရေးတာဝန်၊ ဆေးဝါးနှင့် ရိက္ခာထောက်ပံ့ရေးများကို စနစ်တကျ စီမံခန့်ခွဲသည့် ထောက်ပို့တာဝန်၊ လူမှုရေးနှင့် ပြည်သူ့ဝန်ဆောင်မှုတာဝန်၊ လူထုစည်းရုံးရေးတာဝန် စသည့် အလုပ်တာဝန်များကို သူတို့၏ အရည်အချင်းနှင့် အညီ တာဝန်ပေးအပ်ထားကြောင်း ပြောသည်။

ကျန်းမာရေးနှင့် ပညာရေးကိစ္စရပ်များမှလွဲ၍ ဆိုသည်မှာ ကျန်းမာရေးမကောင်းသူများ၊ ဆေးဝါးကုသမှု လိုအပ်နေသူများနှင့် ပညာရေးကျောင်းတက်နေသည့် လူငယ်များကို ရည်ညွှန်းပြောကြားခြင်း ဖြစ်ကြောင်း သိရသည်။ အရွယ်ရောက်ပြီးသော လူငယ်များကို ဒေသပြင်ပသို့ ထွက်ခွာခြင်း ကန့်သတ်ထားရခြင်းမှာ လူငယ်များအနေဖြင့် သမိုင်းပေးတာဝန်ကို ထမ်းဆောင်စေလိုသည့် ရည်ရွယ်ချက်ကြောင့် ဖြစ်ကြောင်း ဆိုသည်။

လက်ရှိကာလသည် တော်လှန်ရေးအရှိန်အဟုန် မြင့်တက်လာသည့် အချိန်ဖြစ်ပြီး လူငယ်များ ပါဝင်မှသာ တော်လှန်ရေး လျင်မြန်စွာ အောင်မြင်ပြီးဆုံးနိုင်မည်ဖြစ်ကြောင်း၊ ဒေသတွင်း လူငယ်များအနေဖြင့် ရန်ကုန် သို့မဟုတ် မလေးရှားကဲ့သို့ ပြည်ပနိုင်ငံများသို့ သွားရောက် အလုပ်လုပ်ကိုင်ခြင်းသည် ကိုယ်ပိုင်အကျိုးအမြတ်ရှိနိုင်သော်လည်း မိမိလူမျိုးနှင့် နယ်မြေကို ကာကွယ်ခြင်းကဲ့သို့ သမိုင်းတန်ဖိုးရှိသည့် လုပ်ရပ်မဟုတ်ကြောင်းကို ရှုမြင်ကြောင်း ၎င်းက ဆက်လက် ပြောကြားသည်။ ထို့အပြင် မည်သည့်နေရာတွင် အလုပ်လုပ်ကိုင်နေပါစေ အခက်အခဲများ ကြုံတွေ့ရမည်ဖြစ်ပြီး ၎င်းသည် နိုင်ငံရေးအခြေအနေကြောင့် ဖြစ်ကြောင်းကိုလည်း သိစေလိုကြောင်း ပြောသည်။

ယခု ကန့်သတ်ချက်နှင့် ဖိတ်ခေါ်ချက်သည် အသက် ၁၈ နှစ်မှ ၃၅ နှစ်အတွင်းရှိ လူငယ်များအတွက် ဖြစ်ပြီး အမျိုးသမီးများအတွက်လည်း အကျုံးဝင်ကြောင်း၊ အမျိုးသမီးများအနေဖြင့် ဆေးဝါးပိုင်း၊ ရုံးလုပ်ငန်းနှင့် ထောက်ပို့လုပ်ငန်းများတွင် အဓိက တာဝန်ထမ်းဆောင်ရန် လိုအပ်ကြောင်း ပြောသည်။

အာရက္ခတပ်တော် (AA) က ပလက်ဝဒေသအတွင်း အသက် ၁၈ နှစ်မှ ၄၅ နှစ်အတွင်းရှိ လူငယ်များကို စစ်မှုထမ်းရန် စုဆောင်းနေခြင်းနှင့် ပတ်သက်၍ CDF-Paletwa က မှတ်ချက်ပြုရာတွင် AA နှင့် CDF-Paletwa အကြားတွင် မဟာမိတ်အဆင့်မဟုတ်ဘဲ အခြေခံဆက်ဆံရေးသာ ရှိနေသဖြင့် AA ၏ ထိန်းချုပ်နယ်မြေအတွင်း စစ်သားစုဆောင်းမှုကို တားဆီးနိုင်ခြင်း မရှိကြောင်း ပြောသည်။ သို့သော် လူငယ်များအပေါ် အတင်းအကျပ် စုဆောင်းခြင်းများ မဖြစ်ပွားစေရန်အတွက် ဖြစ်နိုင်သမျှ ဆွေးနွေးပြောဆိုလျက် ရှိကြောင်းကိုလည်း ပလက်ဝကောင်စီ AGS နှင့် ကာကွယ်ရေးတာဝန်ခံ ဆလိုင်းဂျေမီလုကာ က ကီမိုမီဒီယာသို့ ပြောကြားခဲ့သည်။

ထို့အပြင် ပလက်ဝလူငယ်များအနေဖြင့် အခြားလူမျိုးတစ်မျိုး၏ လက်အောက်တွင် စစ်မှုထမ်းခြင်းထက် မိမိတို့ လူမျိုးနှင့် နယ်မြေကို ကာကွယ်သည့် ဒေသကာကွယ်ရေးအဖွဲ့အစည်းဖြစ်သော CDF-Paletwa တွင်သာ တာဝန်ထမ်းဆောင်လိုကြမည်ဟု ယုံကြည်ကြောင်းနှင့် ဒေသကာကွယ်ရေးအင်အားများ အပြည့်အဝ ပါဝင်လာစေရန် မျှော်လင့်ကြောင်း ပြောကြားခဲ့သည်။

ဓာတ်ပုံ − ချင်းလဲန်းကာကွယ်ရေးတပ်ဖွဲ့–ပလက်ဝ
#ချင်းပြည်နယ် ပလက်ဝ
#ကီမိုမီဒီယာသည် ချင်းပြည်နယ် ပလက်ဝအခြေစိုက် သတင်းဌာနတစ်ခုဖြစ်သည်။

12/21/2025

ချင်းပြည်နယ် ပလက်ဝဒေသတွင်းရှိ လူငယ်များ ပြင်ပ ထွက်ခွာခြင်း ကန့်သတ်၊ ဒေသကာကွယ်ရေး တာဝန်ထမ်းဆောင်ရန် CDF–Paletwa ၏ ထုတ်ပြန်ချက်အပေါ်
IKACC− ဥက္ကဋ္ဌ ဆလိုင်းစောမြ နှင့် အင်တာဗျူး

မေး .. ချင်းလဲန်းကာကွယ်ရေးတပ်ဖွဲ့–ပလက်ဝ အနေဖြင့် တော်လှန်ရေးအင် အားစုတစ်ရပ်အဖြစ် ယနေ့အချိန်ထိ ရပ်တည်လာနိုင်ခဲ့သည့် အဓိက အကြောင်းရင်းများကို ရှင်းပြပေးနိုင်ပါသလား။

ဖြေ ။ ။ ချင်းလဲန်းကာကွယ်ရေးတပ်ဖွဲ့–ပလက်ဝ အနေနဲ့ တော်လှန်ရေးအင်အားစု တစ်ရပ်အဖြစ် ယနေ့အထိ (၅) နှစ်တာ ရပ်တည်လာနိုင်တယ်ဆိုတာ အကြောင်းရင်းတွေ ရှိပါတယ်။ အဲဒီထဲမှာမှ ကျွန်တော် မှန်းဆမိသလောက် ပြောရရင် ကိုယ်ကျိုးစွန့် ပေးဆပ်လာတဲ့ လူငယ်တွေကြောင့်လို့ ပြောချင်ပါတယ်။
ဒါက ပထမအချက်ပါ။ ဘယ်လိုမှ မငြင်းနိုင်တဲ့ အချက်လည်း ဖြစ်ပါတယ်။ စတင်ဖွဲ့စည်းလာကတည်းက ပါဝင်လာကြတဲ့ လူငယ်တွေအနေနဲ့ ကိုယ်ကျိုးမျှော်ကိုးတာမျိုး မရှိဘဲ စစ်အာဏာရှင်စနစ် ချုပ်ငြိမ်းရေးနဲ့ ဖက်ဒရယ်ဒီမိုကရေစီစနစ် တည်ဆောက်ရေးဆိုတဲ့ တော်လှန်ရေး ရည်မှန်းချက်တစ်ခုတည်းကို အခုထိ တစိုက်မတ်မတ် လိုက်ကိုင်ထားတုန်းပါ။
ဒုတိယအချက်ကတော့ ပြည်သူပါဝင်မှုပါ။ ပြည်သူ့တော်လှန်ရေးဆိုတဲ့အတိုင်း ပြည်သူတွေက ဒီတော်လှန်ရေးကို ပံ့ပိုးပေးတဲ့ ကဏ္ဍကနေ မဆုတ်မနစ် ပါဝင်လာခဲ့ကြသလို အခုထိလည်း ပါဝင်နေဆဲပါပဲ။

မေး ..” ပြည်သူ့တော်လှန်ရေးကာလအတွင်း ကြားကာလ ခူမီးချင်းမျိုးနွယ်စုများရေးရာ အတိုင်ပင်ခံကောင်စီ/ ပလက်ဝကောင်စီ၏ နိုင်ငံရေးနှင့် အုပ်ချုပ်ရေးစီမံခန့်ခွဲမှု ဦးဆောင်မှုသည် CDF–ပလက်ဝ၏ လှုပ်ရှားမှုများအပေါ် မည်သို့ အရေးပါပါသလဲ။

ဖြေ ။ ။ ပြည်သူ့တော်လှန်ရေးကာလမှာ ကြားကာလ ခူမီးချင်းမျိုးနွယ်စုများရေးရာ အတိုင်ပင်ခံကောင်စီ (IKACC) / ပလက်ဝကောင်စီ (PC) ရဲ့ နိုင်ငံရေးနဲ့ အုပ်ချုပ်ရေး ဦးဆောင်မှုက CDF–PLW အပေါ် အင်မတန် အရေးပါတဲ့ အခန်းကဏ္ဍမှာ ရှိပါတယ်။

ဘာဖြစ်လို့လဲဆိုရင် IKACC ဆိုတာက ပထမအကြိမ်နဲ့ ဒုတိယအကြိမ် ခူမီးဖိုရမ်ကနေ ပေါ်ပေါက်လာတဲ့ KACC ကို တော်လှန်ရေးကာလ နိုင်ငံရေးဦးဆောင်မှု အခန်းကဏ္ဍကနေ ပါဝင်ဖို့ အစီအမံရေးဆွဲပြီး ဦးဆောင်မှုပေးတာ ဖြစ်ပါတယ်။ အားလုံးသိတဲ့အတိုင်း တော်လှန်ရေးမှာ နိုင်ငံရေးဦးဆောင်မှုက တော်တော်လေး အရေးကြီးပါတယ်။ ဒီလိုပဲ ဒီတော်လှန်ရေးကာလမှာ ထိန်းချုပ်နယ်မြေရှိလာတဲ့အခါ ပြည်သူ့ရေးရာ ဝန်ဆောင်မှုပေးဖို့ လိုအပ်လာတဲ့အတွက် စီမံအုပ်ချုပ်ရေး ဆောင်ရွက်ဖို့ ပလက်ဝကောင်စီ (PC) ဆိုတာ ပေါ်ပေါက်လာတာ ဖြစ်ပါတယ်။ ကာကွယ်ရေးကိုလည်း Civilian Supremacy မူဝါဒအရ CDF–PLW ဆိုတာက ပလက်ဝကောင်စီရဲ့ ဌာနတစ်ခုအနေနဲ့ပဲ ရပ်တည်နေတာ ဖြစ်ပါတယ်။ ဒီတော့ နိုင်ငံရေး၊ အုပ်ချုပ်ရေးနဲ့ ကာကွယ်ရေးဆိုပြီး ဟန်ချက်ညီညီ သွားနေတာ ဖြစ်ပါတယ်။

မေး။ ။ ဒေသကာကွယ်ရေးတာဝန် ထမ်းဆောင်ခြင်းကို “ပြည်သူတိုင်း၏ သမိုင်းပေးတာဝန်” ဟု သတ်မှတ်ထားခြင်း၏ အဓိပ္ပာယ်နှင့် နောက်ခံအမြင်ကို ရှင်းလင်းပေးနိုင်ပါသလား။

ဖြေ ။ ။ အခု ၂၀၂၁ မှာ ပေါ်ပေါက်လာတဲ့ ဒီနွေဦးတော်လှန်ရေးဆိုတာ တစ်နည်းပြောရရင် ပြည်သူ့တော်လှန်ရေးပါပဲ။ ပါတီတစ်ခု၊ အစုအဖွဲ့တစ်ခု၊ လူမျိုးစုတစ်စု လွတ်မြောက်ရေး မဟုတ်ဘူး။ တစ်နိုင်ငံလုံး၊ တစ်မျိုးသားလုံး စစ်အာဏာရှင်စနစ်က လွတ်မြောက်ပြီး ပြည်သူတွေလိုလားတဲ့ ဖက်ဒရယ်ဒီမိုကရေစီစနစ် တည်ဆောက်ဖို့ ရည်မှန်းတဲ့ ပြည်သူ့တော်လှန်ရေး ဖြစ်ပါတယ်။ ဒီတော့ ဒေသကာကွယ်ရေးတာဝန် ထမ်းဆောင်ခြင်းကိုက “ပြည်သူတိုင်းရဲ့ သမိုင်းပေးတာဝန်” ဖြစ်ပါတယ်။ ပြည်သူ့တော်လှန်ရေးမှာ ပြည်သူတိုင်းပါဝင်ဖို့က ပြည်သူတိုင်းရဲ့ သမိုင်းပေးတာဝန် ဖြစ်တယ်ဆိုတာ ပြည်သူတိုင်းက ခံယူရမှာပါ။

မေး။ ။ လက်ရှိအချိန်တွင် ဒေသတွင်း လူငယ်လူရွယ်များအနေဖြင့် ချင်းလဲန်းကာကွယ်ရေးတပ်ဖွဲ့–ပလက်ဝတွင် မည်သို့သော အခန်းကဏ္ဍများဖြင့် ပါဝင် ဆောင်ရွက်နိုင်ပါသလဲ။

ဖြေ ။ ။ ဒီနွေဦးတော်လှန်ရေးမှာ (တစ်နည်း ပြည်သူ့တော်လှန်ရေးမှာ) စစ်တိုက်ဖို့ တစ်ခုတည်း မဟုတ်ပါဘူး။ တကယ်တော့ စစ်တိုက်တယ်၊ တိုက်ပွဲဖြစ်တယ်ဆိုတာ တော်လှန်ရေးရဲ့ ၁ ရာခိုင်နှုန်းပဲ ရှိတယ်။ ကျန်တဲ့ ၉၉ ရာခိုင်နှုန်းက တပ်ပိုင်းဆိုင်ရာ အုပ်ချုပ်ရေး အစီအမံတွေပါပဲ။ စစ်သားတစ်ယောက်က စစ်မြေပြင်မှာ သေနတ်တစ်ချက် ဖောက်ဖို့ နောက်ကွယ်မှာ လူ ၉၉ ယောက် ပံ့ပိုးပေးရတယ်ဆိုတဲ့ သဘောပါပဲ။
ဒါကြောင့် ပလက်ဝလူငယ်တွေအနေနဲ့ ပညာသင်စရာရှိတာ သင်ပါ။ မဟုတ်ရင် CDF–PLW မှာ တာဝန်ထမ်းဆောင်ပါ။ ခူမီးချင်းတွေ လူဦးရေ တစ်သိန်းမက ရှိတယ်။ လူငယ်တွေအနေနဲ့ သေနတ်ကိုင်ဖို့ မဟုတ်ဘဲ အခြား ကာကွယ်ရေးနဲ့ သက်ဆိုင်တဲ့ လုပ်စရာတွေ အများကြီးပါ။ အနည်းဆုံးတော့ ကာကွယ်ရေးမှာ ၂၀ ရာခိုင်နှုန်းလောက်တော့ ထမ်းဆောင်ရမှာပေါ့။ ဒီတော့မှ ကိုယ့်လူမျိုးကို ကိုယ်တိုင် စောင့်ရှောက်တတ်တဲ့ လူမျိုးပါလားဆိုတာ အခြားလူမျိုးစုတွေနဲ့ ရင်ဘောင်တန်းနိုင်မှာပါ။

မေး။ ။ လူငယ်များ ပူးပေါင်းပါဝင်လာခြင်းသည် ဒေသလုံခြုံရေးနှင့် ပြည်သူ့ကာကွယ်ရေးအပေါ် မည်သို့သော အကျိုးသက်ရောက်မှုများ ရှိနိုင်ပါသလဲ။

ဖြေ။ ။ လူငယ်တွေမှာ မှန်းဆရခက်တဲ့ အင်အားရှိတယ်။ အနှောင်အဖွဲ့ကင်းတယ်၊ သွတ်လက်တယ်၊ ဆုံးရှုံးသွားတဲ့ အားအင်တွေ ပြန်ပြည့်လွယ်တယ်။ ဒီလောက်ဆိုရင် လူငယ်တွေရဲ့အား ဘယ်လောက်အရေးပါတယ်ဆိုတာ မှန်းဆနိုင်မယ် ထင်ပါတယ်။ အချို့က ပြောလိမ့်မယ်၊ ခေတ်တာဝန်ကို လူငယ်တွေပုခုံးပေါ် ပစ်တင်တယ်လို့။ ဒါပေမဲ့ ဒီတာဝန်ကို လူငယ်တွေမှ မထမ်းရင် ဘယ်သူထမ်းမှာလဲ။

မေး။ ။ ကျန်းမာရေးနှင့် ပညာရေးကိစ္စရပ်များမှအပ အရွယ်ရောက်ပြီး လူငယ်များ ပလက်ဝဒေသပြင်ပသို့ ထွက်ခွာခြင်းကို ကန့်သတ်လိုက်ရသည့် အကြောင်းရင်းများကို ရှင်းပြပေးနိုင်ပါသလား။

ဖြေ ။ ။ ပြီးခဲ့တဲ့ လပိုင်းမှာ IKACC/PC မဟာမိတ်ဆက်ဆံရေးအဖွဲ့ အဆက်အသွယ်နဲ့ ULA ခေါင်းဆောင်တွေနဲ့ တွေ့ဆုံဆွေးနွေးခဲ့တာ ရှိတယ်။ အဲဒီဆွေးနွေးမှုမှာ Document Agreement လိုမျိုး မရှိပေမဲ့ အနာဂတ် ပလက်ဝအရေးအတွက် အပြုသဘောဆောင်တဲ့ ဆွေးနွေးမှုတွေ ပြုလုပ်နိုင်ခဲ့တယ်။ အဲဒါနဲ့ တစ်စပ်တည်း ပလက်ဝမှာ အခြေပြုတဲ့ အာရက္ခအုပ်ချုပ်ရေးအဖွဲ့က ဒေသတွင်း လူငယ်စာရင်းတွေ ကောက်ခံတဲ့အခါ လူငယ်တွေက ကြောက်ကြောက်လန့်လန့်နဲ့ နေရပ်စွန့်ပြီး ဒေသပြင်ပ ထွက်ခွာမှုတွေ အများကြီး ရှိလာတယ်။ အဲဒါကိုလည်း IKACC/PC နဲ့ ULA/AA သဘောတူညီမှုတစ်ခုခုကြောင့် ဖြစ်မယ်ဆိုပြီး ထင်ကြေးနဲ့ ပြောဆိုတာတွေ ရှိတယ်။ တိုက်ဆိုင်ချင်တော့ IKACC/PC ဘက်ကလည်း တပ်ဖွဲ့ဝင်အင်အား တိုးချဲ့တာတွေ ရှိတာပေါ့။ ဘာပဲဖြစ်ဖြစ် ကိုယ့်ဒေသကို ကာကွယ်စောင့်ရှောက်ဖို့ တာဝန်က အခြားအင်အားစု တစ်ရပ်ရပ်အပေါ်မှာ အပ်နှင်းတာထက် ကိုယ့်ဟာကိုယ် လုပ်ရမှာပါ။

မေး။ ။ ယင်းကန့်သတ်ချက်သည် အသက်အရွယ် ဘယ်လောက်ကို ဆိုလိုတာပါသလဲ။ အမျိုးသမီးများအတွက် အကျုံးဝင်ပါသလား။

ဖြေ ။ ။ ကျွန်တော်တို့ အသက် ၁၈ နှစ်နဲ့ ၃၅ နှစ်ကြားပါပဲ။

မေး။ ။ ယင်းကန့်သတ်ချက်သည် လူငယ်များ၏ အနာဂတ်၊ အသက်မွေးဝမ်းကျောင်းနှင့် လူမှုဘဝအပေါ် မည်သို့ သက်ရောက်မှုများ ရှိနိုင်မည်ဟု ထင်မြင်ပါသလဲ။

ဖြေ ။ ။ လူငယ်တွေရဲ့ အနာဂတ်၊အသက်မွေးဝမ်းကျောင်းနဲ့ လူမှုဘဝအပေါ် အဆိုးဘက်က ကြီးကြီးမားမား သက်ရောက်လာတာ ၁၉၆၂ ဦးနေဝင်း အာဏာသိမ်းကတည်းကပါ။ အဲဒီကတည်းက ဘယ်လူငယ်မှ စာကောင်းကောင်း မသင်ခဲ့ကြရပါဘူး။ ဖြစ်လိုက်တဲ့ အရေးအခင်း၊ ပိတ်လိုက်တဲ့ ကျောင်း၊ သေလိုက်တဲ့ ကျောင်းသားတွေဆိုတာ သိပ်အဝေးကြီး မဟုတ်ဘူး၊ ဆယ်စုနှစ် ၅ ခုလောက်ပဲ ရှိဦးမယ်။

မေး ။ ။ ဒေသတွင်း လူငယ်များအား တော်လှန်ရေးနှင့် ဒေသကာကွယ်ရေး လုပ်ငန်းများတွင် ပါဝင်လာစေရန် ဘယ်လို လမ်းညွှန်မှုများ၊ စည်းရုံးရေးလုပ်ငန်းများ ဆောင်ရွက်ထားပါသလဲ။
ဖြေ ။ ။ လူငယ်တွေ ပါဝင်လာဖို့ စည်းရုံးလှုံ့ဆော်မှုတွေ ပုံမှန်လုပ်နေပါတယ်။ နိုင်ငံရေးဘက်ကလည်း စည်းရုံးရေး လုပ်ငန်းစဉ်တွေ လုပ်နေသလို ကာကွယ်ရေးဘက်ကလည်း စိတ်ဓာတ်စစ်ဆင်ရေး ဌာနခွဲဖွဲ့စည်းပြီး လုပ်နေတာတွေ ရှိပါတယ်။

မေး။ ။ လူငယ်များ ပူးပေါင်းပါဝင်လာသည့်အခါ စည်းကမ်းထိန်းသိမ်းရေး၊ လုံခြုံရေးနှင့် လူ့အခွင့်အရေးဆိုင်ရာ အချက်များကို မည်သို့ စီမံခန့်ခွဲထားပါသလဲ။
ဖြေ ။ ။ စည်းကမ်းထိန်းသိမ်းရေး၊ လုံခြုံရေးနဲ့ လူ့အခွင့်အရေးဆိုင်ရာ အချက်တွေကို အကုန်ပြီးပြည့်စုံအောင် လုပ်ဖို့ဆိုတာတော့ စိန်ခေါ်ချက်တွေ ရှိပါတယ်။ အဖွဲ့အစည်း သဘောသဘာဝကိုက စစ်ဘက်အဖွဲ့အစည်းဆိုတာ တည်ဆောက်ရအခက်ဆုံးနဲ့ ငွေကုန်ကြေးကျ အများဆုံးဆိုတာ အတွေ့အကြုံအရ တဖြည်းဖြည်း နားလည်လာတယ်ပေါ့။ ဒါပေမဲ့ လိုအပ်တဲ့ ကျင့်ဝတ်တွေ၊ ဥပဒေတွေ၊ လုပ်ထုံးလုပ်နည်းတွေကို အတတ်နိုင်ဆုံး ချမှတ်ပြီးတော့ ဆောင်ရွက်နေပါတယ်။ ဒီလိုဆောင်ရွက်တဲ့နေရာမှာလည်း တတ်သိပညာရှင်တွေရဲ့ အကြံပြုချက်တွေကို အများကြီး ရယူခဲ့ပါတယ်။

မေး။ ။ နောက်ဆုံးအနေဖြင့် ဒေသတွင်း လူငယ်လူရွယ်များနှင့် ပြည်သူလူထုအား ပေးလိုသည့် သတင်းစကား သို့မဟုတ် မေတ္တာရပ်ခံချက် ရှိပါသလား။

ဖြေ ။ ။ ဒီပြည်သူ့တော်လှန်ရေး ဆင်နွှဲလာတာ ၅ နှစ်ထဲ ရောက်လာပါပြီ။ တော်လှန်ရေးဆိုတာ တစ်ဖွဲ့တည်း တစ်စုတည်း လုပ်လို့မရပါဘူး။ မဟာမိတ်တွေရဲ့ အားကိုလည်း လိုအပ်သလို ရယူရပါတယ်။ ဒီဘက်ခေတ်မှာ ပိုဆိုးတာပေါ့။ မဟာမိတ်မရှိရင် ရေရှည်မခံဘူး၊ ကျဆုံးမှာပဲ။ဒါကြောင့် လူငယ်တွေ ဒေသကာကွယ်ရေးတပ်ဖွဲ့ထဲ ပါဝင်လာဖို့ အားပေးပါ။ ဟိုးအဝေးကြီး အာဖကန်နစ္စတန်လိုမျိုး စစ်မြေပြင်ကိုသွားပြီးတော့ ကမ္ဘာကြီးတစ်ခုလုံးကို ကယ်တင်ဖို့ သွားရတာမျိုး မဟုတ်ပါဘူး။ ကိုယ့်ဒေသ ကိုယ့်မြေ၊ ကိုယ့်ဆွေမျိုးတွေကြားထဲမှာပဲ နေပြီး ကိုယ့်ဒေသကာကွယ်ရေးအတွက်၊ ကိုယ့်တိုင်းပြည် လွတ်မြောက်ရေးအတွက် တစ်နိုင်ငံလုံးက လူငယ်တွေနဲ့အတူ လုပ်ရတာ ဖြစ်ပါတယ်။ နိုင်ငံရေးရေစီး အပြောင်းအလဲမှာ အတူတူ စီးမျောနိုင်ဖို့ လိုပါတယ်။

#ပုံ_ပလက်ဝကာကွယ်​ရေး
Media

12/21/2025

ငါသေရဲတယ် ၊ တိုက်ရဲတယ် ဆိုတဲ့သူတွေ ပြည်ပပြေးကုန်တော့ ကိုယ့်နယ်မြေ ကာကွယ်မယ့်သူတွေ မရှိတော့ CDF-Paletwaက ခေါာ်နေပြီ။

လေလိူင်းသူရဲကောင်းတွေလည်း ပြန်လာကြပြီး ကာကွယ်ကြဖို့ အခွင့်​ရေး​ကောင်းပဲ့။

အာ​ချောင်တာ ရပ်ပြီး ကိုယ်တိုင်ဝင်တိုက်ကြပါ။


#မျိုးချစ်

ထုတ်ပြန်ချက်အမှတ်(၁/၂၀၂၅)

လူငယ်များပြင်ပထွက်ခွါခွင့်ကန့်သတ်ခြင်း

#၂၀၂၅ခုနှစ်_ဒီဇင်ဘာလ၂၀ရက်
#ချင်းလဲန်းကာကွယ်ရေးတပ်ဖွဲ့_ပလက်၀

12/17/2025

မလေးစားလို့ မနေ နိူင်ဘူး “ လေးစားဂုဏ်ယူပါတယ်။ 💪

စစ်အာဏာရှင်ချုပ်ငြိမ်းရေးနှင့် စစ်မှန်သောဖက်ဒရယ် ဒီမိုကရေစီစနစ်ဖြင့် နိုင်ငံတော်သစ် ပေါ် ပေါက်လာရေးရည်ရွယ်ကာ CDF-Paletwa ကာကွယ်ရေးအတွက် "ဒေါ်တင်းပ"မှ ပါဝင်အားဖြည့် ကူညီထောက်ပံ့ပေးမှုပေါ် အထူးကျေးဇူးတင်ရှိကြောင်း မှတ်တမ်းတင်ဂုဏ်ပြုအပ်ပါတယ်။

ယခုလိုအားဖြည့် ကူညီထောက်ပို့ပေးမှုကြောင့် ကိုယ်စိတ်နှလုံး ကျန်းမာချမ်းသာပါစေခင်ဗျာ🙏


Council-PC

12/15/2025

Page “ထောင်ပြီဆိုရင် ကိုယ်ပိုင် Brand “ (သို့မဟုတ်) ကောင်းတဲ့ intention တွေကို ရည်စူးပြီး လုပ်ကြပါ လူတိုင်း အား​ပေးကြမှာပါ။

ခူမီး”လူမျိုး အချင်းချင်းတိုက်ခိုက် ထိုးနက်ဖို့ Followers “များတဲ့ page ကို အသုံးပြုပြီး အောက်တန်း ကျတဲ့လုပ်ရပ်ဟာ Patriotic person "မဟုတ်ဘူးဗျာ!!

ဒီလို ဆိုးယုတ်တဲ့ လုပ်ရပ်တွေကို အချိန်ကုန်ခံရေးတင်တာ ဘာကောင်းကျိုးမှ မရှိပဲ admin"မင်းလည်း နာမည် မကြီးသွားပါဘူးဆိုတာ ပြောချင်ပါတယ်။

#မျိုးချစ်
်ဝ

12/14/2025

ပြည်သူ့အတွက် ကူညီပေးကြတဲ့ ရဲဘော် CDF တို့ရယ် ကျေးဇူးတင်ပါတယ် ဗျာ !🙏✌️

12/12/2025

ဒီအချိန်အထိ မားမားမက်မက် ရပ်တည် ထောက်ပံ့ပေးကြတဲ့ ထောက်ပို့ ညီအစ်ကို ၊မောင်နှစ်မတွေကို အထူးကျေးဇူးတင် လေးစားပါတယ်။

#မျိုးချစ်
်ဝ