06/14/2026
Waxabajjii 7/2018 Oromia 11 Media
Kora Gadaa Oromoo Tuulamaa Dhakaa Koraatti taasifameen Halangeen gadaa Meelbaa ciisuun halangeen gadaa Muudanaa kaateerti.
Ummanni Oromoo Tuulamaa akkuma uummata Oromoota biroo, Jaarraa hedduuf Sirna Gadaan bulaa turan; ammas ittiin bulaa jiru. Sirni Gadaa sirna bulchiinsa walqixxummaa, dimokraasii uumamaa fi qindoomina hawaasummaa irratti hundaaโeedha.
Akka Gadaa Tuulamaatti, gosoonni gurguddoon Tuulamaa sadan Daaccii, Bacho fi Jiillee sirna
kana keessatti qooda fudhatu. Gosoonni kunneen Luba Gadaa tokko jalatti hiriiruun, marsaa
waggaa saddeet saddeetiin BAALLII walharkaa fuudhu. Luba Gadaa tokko irraa gara isa itti aanuutti osoo hin ceโin dura sirni addaa tokko ni raawwatama. Sirni kun Sirna Godaannaa jedhama. Sirni Godaannaa Gadaa duraanii irraa gara Gadaa itti aanuutti karaa nagaa, seeraa fi tokkummaa eeguun baallii dabarsuuf dursee sirna gaggeeffamuudha. Haaluma kanaan, Waxabajjii bara darbee Tuulamni miseensa Gadaa Michillee/Muudanaa waliin Odaa Nabeetti kora taaโee Caffee Tumaatiin seera tumate. Adeemsa sirna Gadaa keessatti kun ijoodha.
Gogeessa Gadaa Muudanaa filachuuf SAGLII Gadaa Tuulamaatiin hayyoonni akka
raggaasisan ni taasifama. Filannoon kunis Bokkuu Ilmaan Sadeen Tuulamaa jalatti raawwatama.
Kaadhimamtoonni gosoota sadan Tuulamaa keessaa akka armaan gadiitti dhiyaatu:
Daaccii keessaa nama 5-Bacho keessaa nama 2 -Jiille keessaa nama 2
Saglii kana keessaa Hayyuun Gogeessa Gadaa Muudanaa/ Michillee kan waggaa saddeettan
dhufu Tuulamaa bulchu ni filatama.
Gadaan Muudanaa nama waggoota saddeettan dhufuuf Tuulama gaggeessu bakka buusummaa Abbaa Bokkuu Daaccin raggaasifateera.
Haaluma kanaan jila waxabajjii 7/2018 Dhakaa Booratti taasifameen Abbaan Gadaa Meelbaa Goobana Hoolaa alangee gadaa dabarsii Abbaa Gadaa haarawa Muudanaa/Michillee Abbaa Gadaa Geetuu Taliilaatiif dabarsanii kennuun gulantaa gadaa isaaniitiin gara yuubaatti ceโaniiru.
Gadaan Muudanaa Alangee fudhates dhimma nageenyaafi tokkummaa Oromoo irratti cimsee hojjachuun nageenyi obbolaa lamaan gidduutti akka buusu dhaamaniiru.
Abbaan Gadaa Tuulamaa haaraan Geetuu Taliilaa bara Gadaa isaanitti ardaalee jilaa misoomsuu, aadaafi duudhaalee Oromoo cimsuufi dhimmoota nageenyaarratti cimsanii akka hojjatan dubbataniiru.
