Oromo Voice Media

Oromo Voice Media https://youtube.com/?si=EihwuE7exxgG3DLT
(2)

Oromo Voice Media is a distinguished platform committed to elevating awareness of the historical narratives, cultural heritage, economic endeavors, and promoting peace in the Horn of Africa.

: Dhuguma Adda!, Kambataatti, Haati Muuzii Gurgurtu Maallaqa Karaarraa Argatte Poolisiif Kennuun Amanamummaa Dinqisiisa...
06/20/2026

: Dhuguma Adda!, Kambataatti, Haati Muuzii Gurgurtu Maallaqa Karaarraa Argatte Poolisiif Kennuun Amanamummaa Dinqisiisaa Agarsiiste

OVM Waxabajjii 13/10/2018: Naannoo Kibba Itoophiyaa Godina Kambataatti, haati jireenya ishee jijjiiruuf jecha karaarratti muuzii gurguruun bultu, maallaqa hedduu lafaarraa argatte birriin kun akka abbaa gateef deebi'u waajjira poolisiitti geessuun amanamummaa guddaa argisiiste.

Haati tun halkanii guyyaa osoo hin jetti muuzaa gurguruun jireenya qorqortuun tattaafachaa kan jirtu ta'us, maallaqa dhuunfaa ishee hin taane kana garaa bal'inaan qabeenya nama biraa ta'uu isaa hubachuun gocha seena-qabeessa kanaan namoota biratti dinqisiifannaa guddaa argatte.

Osoo qarshii baay'ee argachuuf hawaasa keessatti tattaafachaa jirtu, maallaqa lafatti gatamee argame kana fudhattee dhimma dhuunfaa isiif osoo hin oolfatin amanamummaan akka ummata keessatti baballatu fakkeenya taatee jirti.

Haati tun yeroo tarkaanfii kana fudhattu sababa ishee yeroo ibsitu, "Ani waan namaa hin barbaadu; ammaan tana abbaan qabeenya kana gate yaaddoo hamaa keessa waan jiruuf deebisuufiin qaba" jechuun qalbii qulqulluun yaaduu ishee agarsiisteetti. Haaluma kanaan, maallaqa argatte kana kallattiin Waajjira Poolisii Magaalaa Doyogenaatti geessuun seeraan galmeessitee dabarsitee kennitee jirti.

Gochi haadha kanaa wayta rakkina dinagdee fi qormaanni jireenyaa baay'atetti, faayidaa dhuunfaa dura naamusaa fi amanamummaaf iddoo guddaa kennuu ishee qabatamaan kan agarsiiste yoo ta'u, Qabeenyi dhugaa eenyummaa ofii eeggachuu fi qalbii amaanaa eeguu qabaachuu akka ta’e mirkaneessuun hawaasa birattis fakkeenya gaarii taatee jiraachuu gabaasni komunikeeshinii naannichaa addeessee jira.

#ታማኝነት #ካምባታ #ዶዮገና #ኢትዮጵያ

Brazil 3:0 Haiti Tapha Boqonnaa Boodaa taphachaa jiru. Brazil haadha Waancaa Addunyaa dursa qabattee deemaa jirti.
06/20/2026

Brazil 3:0 Haiti Tapha Boqonnaa Boodaa taphachaa jiru. Brazil haadha Waancaa Addunyaa dursa qabattee deemaa jirti.

: 🇪🇹Ethiopia💪🇪🇹Injifannoo Boonsaa Atleetota Itiyoophiyaa Daayimand Liigii Doohaa Irratti Atleetotni Itiyoophiyaa dorgom...
06/19/2026

: 🇪🇹Ethiopia💪🇪🇹Injifannoo Boonsaa Atleetota Itiyoophiyaa Daayimand Liigii Doohaa Irratti Atleetotni Itiyoophiyaa dorgommii Daayimand Liigii Doohaa dhiheenya kana gaggeeffame irratti injifannoo boonsaa galmeessisaniiru. Keessattuu, dorgommii fiigicha meetira 5000 dubartootaan atleetotni Itiyoophiyaa sadarkaa 1ffaa hanga 5ffaa jiru hunda guutummaatti dhuunfachuun olaantummaa isaanii argisiisaniiru.

Dorgommii kanaan Atleet Madiinaa Iisaa sa'aatii 14:53.91n tokkoffaa kan baate yoo tahu, Liqinaa Ambaawu fi Maartaa Alamaayyehu lammaffaa fi sadaffaa ba'uun xumuraniiru; akkasumas Birnash Dassee fi Haawwii Abarraa sadarkaa arfaffaa fi shanaffaa qabachuun injifannoo seena qabeessa kana guutuu taasisaniiru.

Haaluma walfakkaatuun, dorgommii meetira 1500 dubartootaan Atleet Birqee Hayyilom dandeettii dinqisiisaa fi addaa argisiisuun tokkoffaa baatee yoo xumurtu, Saaron Barhee fi Haragawayin Kaala'ayyuu sadarkaa lammaffaa fi sadaffaa qabachuun badhaasa addaa Itiyoophiyaadhaf goonfachiisaniiru.

Gama biraatiin, dorgommii fiigicha meetira 800 dubartootaan atleetii dandeettii addaa qabdu Atleet Tsigee Duguumaa dorgommii cimaa taasifameen sadarkaa lammaffaa irratti xumuruun madaallii milkaa'ina dubartootaa caalaatti ol guddisteetti.

Gama dhiirootaatiin, dorgommii meetira 3000 gufachiisaan Atleet Saamu'eel Firew sa'aatii gaarii waggichaa (Best Season) 8:10.44 ta'e galmeessisuun, atleetii beekamaa Marookoo Suufiyaan El Baakaalii hordofuun sadarkaa lammaffaa boonsaa ta'e qabatee xumureera.

Dorgommii kanaan atleetotni biroon kanneen akka Abirihaam Simee sadarkaa shanaffaa akkasumas Hayilamaariyaam Amaree sadarkaa torbaffaa qabachuun kan xumuran yoo ta'u, waliigala dorgommii Doohaa irratti gareen atleetiksii Itiyoophiyaa seenaa gootummaa fi calaqqee injifannoo addaa galmeessaniiru.

#የኢትዮጵያአትሌቶች #ዶሀዳይመንድሊግ #ደማቅድል #መዲናዒሳ #ብርቄኃየሎም #አትሌቲክስ #ፅጌዱጉማ #የኢትዮጵያክብር #ሳሙኤልፍሬው #ኢትዮጵያያሸንፋል

06/19/2026

: Barataa Gaafa Qormaanni Biyyaalessaa Jalqabu Harmeensaa Boqotte, Inniis Gadda qooddachaa qormaata qoramee xumure ll SHARE godhaa akka Mucaan kun gargaaramu taatee kana namoota biraan gahaa.

Humna Bahara Itoophiyaa: Humni Bahara Itiyoophiyaa kan bara 1954 hundaa’ee fi Galaana Diimaa irratti dandeettii cimaa qa...
06/19/2026

Humna Bahara Itoophiyaa: Humni Bahara Itiyoophiyaa kan bara 1954 hundaa’ee fi Galaana Diimaa irratti dandeettii cimaa qabaachaa ture, jiijiirama siyaasaa bara 1991 hordofee biyyattiin buufata galaanaa dhabuun isheetiin guutummaatti diigamee ture. Kanaan walqabatee doonileen waraanaa hafan biyya alaatti faca’anii gurguramuun ogeessonni leenji’an hundis bitinnaa’anii jiru.

Ta’us, Itiyoophiyaan dhiibbaa ishee deebistee cimsachuu fi mirga ishee kabachiisuuf bara 2019 keessa humna baahraa haaraa seeraan deebistee hundeesiteetti. Yeroo ammaas dippilomaasii faayidaa waliinii irratti hundaa’uun karaa galaanaa argachuuf carraaqqii bal’aa gochaa jirti.

#የኢትዮጵያባሕርኃይል #ቀይባሕር #ኢትዮጵያ #የባሕርኃይል #የኢትዮጵያመከላከያ

: Barataa ganama Qormaanni Biyyaalessaa jalqabamu Harmeen isaa jalaa duute, Gadda Qooddachaa Qormaata isaa Har'a Xumure...
06/19/2026

: Barataa ganama Qormaanni Biyyaalessaa jalqabamu Harmeen isaa jalaa duute, Gadda Qooddachaa Qormaata isaa Har'a Xumuree jira. Dubbisaa SHARE waliif godhaa Mucaa kana akka gargaaramu taasisaa.

OVM Waxabajjii 12/10/2018: Magaalaa Eekkaa Xaafootti, taateen gaddisiisaa fi onnee nama tuqu barataa kutaa 8ffaa Kaaliid Qaasim jedhamu mudatus, obsa fi murannoo addaatiin qormaata ministirii isaa fudhaatee jira. Kaaliid baataa umriin isaa ganna 14, guyyuma qormaanni jalqabu ganama haati isaa yeroo jalaa boqottu, gorsa cimaa harmeen isaa yeroo lubbuun jirtu kenniteef kan akka jedhu yaadate: "ilma koo yoo akkam rakkatteeyyuu barnoota kee addaan hin kutin" gaafa isiin jettu yaadate.

Yeroo kana Barataa Kaalid reenfa haadha isaa manatti dhiisee imimmaaniin gara daree qormaataa kan deeme yoo ta'u, sa'aatii laaqanaatti ammoo ariitiidhaan galee erga sirna awwaalchaa raawwateen booda, gaddaa fi dadhabbiitiin osoo rurukutamu waaree booda deebi'ee qormaata isaa fudhachuun deddeebi’ee guyyaa har’aa xumurate.

Yeroo ammaa kana Kaaliid fi obboolaan isaa quxisuu lamaan haala yaaddessaa fi gargaarsa malee kan hafan yoo ta'u, ijoollee kunniin yeroo amma abdii nama kutachiisu akka ta'e ollaan isaanii Aadde Misraan ragaa bahanii jiru. Gochi Kaaliid kunis gadda dachaa ta'u obsa, murannoo fi ija-jabummaa seenaa keessatti dhaloota fuulduraatiif fakkeenya guddaa ta'u argisiiseera.

#ብርታት #ጀግና #አሳዛኝ #ትጋት #መፅናናት #አጋርነት #ፈተናን

Gondaritti, hidhattoonni kumaatamaan lakkaa’aman hidhannoo isaanii hiikkatanii gara jireenya nagaatti deebi’aa akka jira...
06/19/2026

Gondaritti, hidhattoonni kumaatamaan lakkaa’aman hidhannoo isaanii hiikkatanii gara jireenya nagaatti deebi’aa akka jiran fi kanaanis nageenyi godinichaa haala gaariin fooyya'aa dhufuu Hoogganaan Nagaa fi Tasgabbii godinichaa Obbo Antanaah Taaddasaa beeksisaniiru.

Hidhattoota gara nagaatti deebi'an kana keessaa baay’een isaanii leenjii haaromsaa (rehabilitation) erga fudhatanii booda hawaasatti kan makaman yoo ta’u, carraan hojii fi deeggarsi addaa akka taasifamuuf, akkasumas namoonni kunneen keessaa tokko tokko caasaa nageenyaa keessatti makamanii nagaa eegsisuuf hojjechaa akka jiran eerame.

Hidhattoonni hafanis waldhabdeen badii qofa akka ta'e hubatanii karaa nagaa akka filatanii fi hawaasnis gorsa fi tattaaffii namoota bosona jiran gara nagaatti deebisuuf gochaa jiru akka jabeessu waamichi dhiyaateera.

#ጎንደር #የአማራክልል #ኢትዮጵያ #የሰላምጥሪ #ተሃድሶ #ዘላቂሰላም #ትጥቅመፍታት #ሰላም #የጎንደርሰላም

: Humni Qilleensa Itoophiyaa gara Dhaloota 5ffaatti (5th Gen) Caasaa fi Teknoloojii isaa guddisuuf Cimee hojjachaa jira...
06/19/2026

: Humni Qilleensa Itoophiyaa gara Dhaloota 5ffaatti (5th Gen) Caasaa fi Teknoloojii isaa guddisuuf Cimee hojjachaa jira

OVM Waxabajjii 12/10/2018: Humni Qilleensaa Itiyoophiyaa birmadummaa biyyaalessaa fi boona uummataa kabachiisuuf dhaadannoo "Samiin Kan Keenya" jedhu dhiiga goototaatiin gadi dhaabe umrii jaarraa tokkootti dhiyaatu qaba.

Seenaa isaa keessatti, waraana bara 1969 xiyyaarota waraanaa F-5E'n xiyyaarota diinaa 25 (MiG-17 fi MiG-21) kuffisuun olaantummaa kan argatan ta'uu seenaan galmeessee jira. Gootonni akka Birgaadier Jeneraal Legesee Teferraa, Koloneel Baaccaa Hundeessaa fi Koloneel Bazaabhih Pheexros seenaa gootummaa boonsaa hojjetaniiru

Akkasumas waraana bara 1991-1993 gidduutti taasifameen xiyyaarotni Su-27 Itiyoophiyaa xiyyaarota diinaa MiG-29 akka hurriitti bittinneessuun biyyattiin gonkumaa kan hin tuqamne ta'uu ishee mirkaneessaniiru. Har'a immoo, ergaa Muummichi Ministeeraa birmadummaa biyyaa samii fi lafarratti kabachiisuu ilaalchisee dabarsan bu'uureffachuun, caasaa fi teknoolojii isaa ammayyeessuun gara dhaloota 5ffaa (5th Gen) tti ce'uuf xiyyeeffannoodhaan hojjechaa jira.

#የኢትዮጵያአየርኃይል #5ኛውትውልድ #ሰማዩየኛነው #ማዘመን #የኢትዮጵያሉዓላዊነት #የኢትዮጵያጀግኖች #የጦርነትታሪክ #የጦርጄት

Qixxee 1:1'n Bahan"Afrikaan Kibbaa tapha itti aanu yoo moo'amte gara biyyaa galti". Tapha galgala kana gaggeeffameen, ga...
06/18/2026

Qixxee 1:1'n Bahan
"Afrikaan Kibbaa tapha itti aanu yoo moo'amte gara biyyaa galti".

Tapha galgala kana gaggeeffameen, gareen kubbaa miilaa Afrikaa Kibbaa fi Cheek qixxee 1-1n kan gargar bahan yoo ta'u, bu'aa kanaan walqabatee Afrikaan Kibbaa dorgommii keessa turuuf taphni itti aanu isiif murteessaadha.

Yoo tapha itti aanu injifatamte (mo'amte), qodaa waan qabdu fudhattee dorgommii keessaa bahuun gara biyya isiitti kan deebitu ta'a.

#ደቡብአፍሪካ #ቼክ #እግርኳስ #አቻ #ስፖርት

: Finfinneetti, Hattuun Gurmoofte Furtuu Walfakkaatu qabachuu Mana Hojii fi Manneen Jireenyaa Banuun Qabeenya Addaa add...
06/18/2026

: Finfinneetti, Hattuun Gurmoofte Furtuu Walfakkaatu qabachuu Mana Hojii fi Manneen Jireenyaa Banuun Qabeenya Addaa addaa Hanga Konkolaataa gahutti hataa turan too'ataman.

Magaalaa Finfinneetti, yakkamtoonni 9 gurmaa'un bantuu (furtuu) walfakkaatu qabatanii gamoowwan jireenyaa fi suuqii daldala moobaayilaa banuun meeshaalee hedduu hatanii fi bitan jedhamanii shakkaman Qajeelcha Poolisii Kutaa Magaalaa Qirqosiin to'annoo jala oolaniiru.
Shakkamtoonni kunneen Tasfaalidet H/Maariyaam, Miiliyeen Hadgu, Kibrom Asgedom, Awet Timano, Saamu'eel Mengiste-ab, Andinet Negese, Daani'eel Damxawu, Hamzaa Tenkir fi Yaared Timano jedhaman yoo ta'an,

Ji'oota Caamsaa fi Waxabajjii keessa Gamoo Debre Warq, Jambo Real Estate, naannoo Dembel fi Flamingo Apaartama keessaa bilbiloota ammayyaa 100 ol, laaptooppota, doolaara, qarshii biyya keessaa, sa'aatiiwwan, warqee fi meeshaalee biroo halkanii fi guyyaa kan hatan yoo ta'u, gocha walfakkaatu Kutaa Magaalaa Bolee, Kolfee Qaraaniyo, Araadaa fi Lemmii Kuraa keessattis akka raawwatanii jiran qorataa poolisiif amananiiru.

Poolisiin eeruu uummataatiin hordoffii taasiseen shakkamtoota afur naannoo Saari Beetti bilbiloota 99 gurguruuf yeroo daldalanitti konkolaataa koodii 2C-74-6-23 A/A Iksikiyutiiv waliin harkaaf harkatti erga qabamanii booda, yakkamtoota hafan dabalatee waliigala namoota 9 to'annoo jala oolchuun meeshaalee hedduu fi maallaqa deebisuun danda'amee jira;

Dhumarrattis Poolisiin Finfinnee uummanni eegumsa isaa cimsatee wantoota shakkisiisoo yeroo argu eeruu kennuun yakka ittisuu irratti akka waliin hojjatu waamicha dhiyeessera.

Address

Minneapolis, MN

Website

Alerts

Be the first to know and let us send you an email when Oromo Voice Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Oromo Voice Media:

Shortcuts

Share

Category