02/26/2026
Xisaabta Qaldan ee Itoobiya, Xulufada Imaaraatka Iyo Xaqiiqada Soomaaliya✍️Elmi Osman Farah Boodhari👇
✔️Riyada Itoobiya ee ku aaddan galitaanka badda Soomaaliya oo soo noolaata
✔️Raadinta gooni u goosadoon badan oo sii xoogaysta Iyo Soo rogaalcelinta kooxaha Argagixisada
✔️Intaba waxay noqon karaan rajooyinka aan mala,awaal aheyn oo rumeynteedu ay ku xiran tahay Isbadel ku yimaada hogaanka Soomaaliya.
Raadinta Itoobiya ee helitaanka badda waxay ahayd safar dheer oo buuq badan taasoo lagu suntay kakanaanta xaaladihii uu wajahay Madaxweyne Hassan Sheikh Mohamud Iyo xeeladaha istaraatiijiyadeed ee uu kaga dabaashay
Talaabooyinkiisa geesinimada leh ee Isu-dheelitirka awoodda Geeska Afrika ee Madaxweyne Xasan - Laga bilaabo kor u qaadista militariga ilaa marinnada ganacsiga ee waaweyn Iyo dagaalka kaabayaasha dhaqaalaha qarsoon oo dhacaya waqtiga dhabta ah, Ilaa dhammaadka meesha aad u malaynayso in ciyaartan juqraafiyeed ee chess-ka ay ku socoto ayaa qeyb ka ah Sababaha qasbaya sii joogitaanka talada Soomaaliya Dr: Xasan Shiikh Maxamud, Iyadoo dhinaca kale ay jirto hubanti la,aanta laga qabo siyaasiinta xulufada dhow la ah Imaaraatka carabta kuwaas hadaba bilaabay inay ka sii deyriyaan wax walba oo horumar Amni,siyaaysad iyo dhaqaale ee dalku ku talaabsaday kadib ku soo laabashadii xukunka Madaxweyne Xasan Shiikh Maxamuud ee 4 sano ka hor.
📌Xulufada Imaaraatka" Dabin Siyaasadeed oo Soomaaliya loo daadiyay !!
Waxaa laga yaabaa in siday oo kale aad Isweeydiineysid nooca caddaaladdeed ee u oggolaanaya 80 milyan oo Itoobiyaan kala luuqado, diimo, iyo dhaqamo ah inay midoobaan oo kala qaybinaysa 20 milyan oo Soomaali ah oo isku Af, diin, iyo dhaqan ah.
Jawaabtu waa mid fudud Isku dayada wax ka badel lagu sameeyo joqoraafiga siyaasadeed ee Soomaaliya si loo dhaawaco midnimada iyo wadajirkooda dhuleed waxaa horkacaya siyaasiin fulinaya ajandayaal shisheeye oo laga quudiyo dariishada dhaqaale ee Imaaraatka Carabta, kuwaas ooy ugu horeeyaan hogaamiyaasha maamulada Putland Iyo Somaliland, Inkastoo Diidamada ugu weeyn ee hortaagan ay tahay Ummad horey u socod ah oo dooneysa inay ka soo kabato haarihii burburka.
Qoto-dheerida khilaafyada taariikhiga ah iyo kuwa dublamaasiyaddeed ee Gobolka geeska Afrika ooy ka jiraan xafiiltan ay ku lug leeyihiin khuwado shisheeye ayaa sii wada dareen kobcinaya Soomaaliyada dagalka ugu jirta difaaca Istaraatijaddeeda joqoraafi bad ,dhul iyo siyaasad kaas oo inaba aan ogoleeyn in ay howl u dirsato hogaamiye daris damac badan ugu yeera "Big Brother"ama siyaasada ugu jira dano shisheeye.
Kuwa hada ay la foolxun tahay horumarka amni dhaqaale iyo siyaasadeed, ee dalku gaaray, Islamarkaasna uu huguri uga jiro xukunka isweydii waxa hadhow laga filan karo oo aan aheyn in ay noqdaan xujooyinka ugu adag ee bari u baahan in uu dalku la lagatamo sidii looga gudbi lahaa.
Ka Ilaalinta Soomaaliya in aysan ku Iman Isbadel Joqoraafiyadeed ayaa dhexmartay sheeko ku calaamadeysan hoos u dhigista awoodda dibolmaasiyadeed ee Itoobiya oo dhiirigalineysay mudo dheer aragtida Gooni-u-goosadoonka gobolka waqooyi galbeed Soomaaliya ee Somaliland.
📌Xeeladaha Xasan Shiikh Iyo Xisabaata Qaldan ee Itoobiya
Xasan Sheekh waxa uu Ilka la,aan dhigay Itoobiya oo isku haleynteeda raadinta bada Soomaaliya iin mudo ahba ka dhiganeysay aqoonsi ay Adis-ababa siiso gooni u goosadka gobolka waqooyi galbeed Soomaaliya ee Somaliland
Hada Adis-ababa waxay ogsoon tahay in Tallaabo kasta ooy ku taageereyso kala qaybinta deriskeeda Soomaaliya in ay tahay mid si dhakhso ah looga dalaban karo gudaha oo dhiirigalineysa halganada Madaxbannaani doonka ah ee Qowmiyadaha Tigray iyo Amxaarada, oo dagaal wadajir ah kula jira maamulka Abiy.
Sidaas aawgeed taaageerada kala goynta meel kale ooy ku lug leedahay Adis-ababa k**a badbaadi karto Itoobiya inay u horseedo kala go,id xaqiiqo ah
Adeyga duruufaha qalafsan ee maanta ku hareereysan dalkeena oo lagu daray tilmaamaha xaqiiqooyin sheegeysa in xeyndaabka siyaasada Soomaaliya uusan ku jirin hogaamiye sida Xasan Shiikh fahamsan soo afjarista Xisabaata Qaldan ee Itoobiya ayaa ah arin tixgalinteeda leh oo dib ugu noqoneysa 2024-tii iyo sida Madaxweyne Xasan uga hortagay xadgudubkii MOU-ga.
Soomaaliya ayaa Albaabada ka soo xirtay Rajadii badraadinta toobiya Iyo Riyadii gooni-u-goosadka Iyadoo rucla orodka badeed ee Itoobiya ee ku aadan biyaheena uu ahaa mid xoogeeystay intii lagu jiray 2018-kii markaas oo Abiy axmed uu Farmaajo ka sixiiday maalgashi Adisababa ay ku sameeysato 4 dakadood.
Fudeeydka helitaanka Dakadahaas oo ay riixeeysay Imaaraatka Carabta ayaa Itoobiya ku dhiiragalisay dhismaha Ciidan badeed oo Faransiisku ka caawiyay, laakiin Isbadelkii Soomaaliya ee Talada dalka ku soo celiyay Madaxweyne Xasan Sheekh ayaa dagaal adag la gashay sidii ay meesha uga saari laheyd damaca galintii Farmaajo ee Itoobiya ku soo jeediyay bada Soomaaliya
📌Maxaa Nala Gudboon ?
Soomaaliya oo hoos u dhigitay rabshadihii Argagixisada ee dilalka Iyo qaraxyada ayaa lskaashi difaac iyo mid dhaqaale ooy ku jirto ilaalinta bada la gashayTurkiga taas oo abuurtay fursad uu dalku sii fiiriyo yoolalka horumar Mustaqbal oo 230-ka ah oo qeyb ka ah qodosita shidaalka, xili Itoobiya ay dhexda uga jirto Colaado salka ku haya halgano ay gooni-isu-taagg ku raadinayaan qowmiyadaha Tigray-ka Iyo Amxaarada.
Imaaraatka carabta Iyo Itoobiya ayaa ku soo daray Israel loolanka geeska Afrika Iyadoo Soomaaliya oo Isu diyaarineysa inay gasho xili kala guur ah aysan u baahneyn Isbadel ma dhaleys ah
Dib u soo kicinta khilaaf cusub oo badeed oo uu baryahan hadalhayo reysilwasaaraha Itoobiya kadib aqoonsigii xadgubka ahaa ee Israel ayaa soo muuqday Iyadoo Xeebaha Soomaaliya ay noqotay xarunta isku dhacyada siyaasadeed ee aadka u sareeya
Isku soo duub Soomaaliya waxaa la gudboon ku sii socoshada wadadeeda horumarka inay ka wareejiso qodxaha daadsan, xili ay jiraan dad ka digaya suurtagalnimada waxa walba Inay u laabaan karaan meel ka sii fog halkii laga keenay hadii uusan dalku ku guuleeysan in uu sii heysto Madaxweyne Xasan Shiikh oo aan talada loo deyn.
