Chilalo Media

06/14/2026

Cilaaloo Media : ODUU : Yaa'a Gadaa Oromoo Tuulamaa Gadaa Geetuu Taliilaa Tufaa.

06/12/2026

ODUU : Guyyoota dhufan Mootummaa Federaalaa irratti weerara banuufi" jechuudhan Aangawootni lama himan.

Hoggantoonni Ol'aanoon Itoophiyaa Sadarkaa Gorsaa Dr. Abiyy Ahimad irraa jiran lama, Addi Bilisa baasaa Ummata Tigraay (ABUT) Mootummaa Federaalaa irratti Guyyoota dhufan keessatti weerara eegaluufi qophaa’aa jira jechuun himatanii, Mootummaa Federaa fi Bulchiinsa Naannoo Tigraay gidduutti Waraanni deebi’ee akka hin kaane jechuudhaan yaaddoo qaban ibsanii jiru.

05/26/2026

Cilaaloo Media : ODUU DANSAA :
Caamsaa 25/2026

Jaarrotii Booranaa Chief Dabassaa Dambiitiif Aabba Gurraachi Dambalaa kanneen Solooloo irraa Mootummaa Keeniyaatiin too'atamanii turan Guyyaa kaleessaa Nagaan hiikanii gara maatiitti deebi'anii jiru.

Jaarroleen kunneen dheeda Booranaa gama Keeniyaatti mataa Booranaa yoo taatu falmii Lafaatiin shakkamanii Humnoota Nageenyaa Mootummaa Keeniyaatiin ergaa Ukkanfamtee booda Soololoo fi Mootyaleetti mormiin cimaan Mootummaa irratti geggeeffamtee hordofee gadi dhiisuudhaaf dirqamanii jiru. Akkasumas, Lafootni duraan falmanis Booranaa deebi'uun Jaarrotilleen Nagaan hiikamtee jirti.

05/18/2026

Cilaaloo Media : ODUU : Keeniyaa keessatti gatiin Boba'aa gar-malee dabaluu hordofee mormiin Ummataa Naayiroobii keessatti adeemsifamaa jira. Akka jiraattonnii fi Hooggantoonni Paartilee mormituu tokko tokko jedhanitti gatiin Boba'aa gar-malee ol ka'uudhaan geejjiba baay'ee dabalaa akka jiru kaasan.

05/15/2026

Cilaaloo Media : ODUU : Caamsaa 15/2026

"Ministeerri Biyya Keessaa wal-dhabdeen Bulchiinsa Marsabeet fi Waajir gidduutti uumame dabalaa dhufuun Naannoo falmisiisaa Tituu/Basir keessatti ijaarsa Dhaabbata Humna Nageenya ejensii hedduu ijaaruuf yaadame addaan kutee jira j"edhe.

Ibsa Gaazexeessitootaaf kenneen Ministeerichi Hoggantoonni Bulchiinsota lamaan irraa dhufan ijaarsi amma jiru akka addaan cituu fi bakki amma jiru guutummaatti akka gatamu murteessuu isaanii ibsee ira.

Mootummaan dabalataan Gareewwan Nageenya naannoo naannolee Kaaba bahaa fi Bahaa irraa dhufan Mana Maree Nageenya Biyyaalessaa waliin mari’achuun bakka haaraa dhaabbatichaaf ta’u adda baasuuf qajeelfama kennee jira.

Ministeerichi dhaabbii nageenyaa kun dhaabbata mootummaa biyyaalessaa ta’ee kan itti fufu yoo ta’u, falmiin daangaa Bulchiinsa Marsabit fi Wajir gidduu jiru ammoo IEBC dabalatee dhaabbilee Mootummaa dhimmi ilaallatuun kan ilaalamu ta’uu ibsee jira.

Hoggantoonni fi Qondaaltonni Bulchiinsa Mootummaa Biyyaalessaas waldhabdee salphisuufi Ummata rakkoo kanaan miidhaman gidduutti Nageenyi akka uumamu Marii Ummataa akka gaggeessan qajeelfamni kennamee jira.

05/15/2026

05/14/2026

Cilaaloo Media : ODUU : Caamsaa 14/2026 Keeniyaa Kaabaa Bulchiinsa Marsaabeet Magaalota akka Sololoo, Marsabeet, Mooyyaleefi kanneen biroo keessatti hiriirri Mormii guddaan adeemsifamaa oole.

Sababni Hiriira mormii kanaa Saamicha lafa Booranaa daangaa Waajir wajjiin wal qabatee mormiin guddaan Bulchiinsa Marsabeet guutumatti hanga jedhamu takka dhohee jira..

Hooggantoota dabalatee Hawaasni Saamichi Lafaa akka Burraa dhaabbatu jechuudhaan Mootummaaf ergaa dabarsee jira. Hanga lafti isaanii Saamamte deebitutti gara Manaa akka hin deebines Hiriirtoonni kaasanii jiru.

Dhimma kana ilaalchisee Mootummaan hanga ammaatti deebii homaatuu hin kennine.

Yaada bakka bu'aa Dargaggoota Bulchiinsa Marsabeet kana dhageeffadhaa .

05/13/2026

Godina Wallagga Bahaatti barsiiftuun sababa jijjiirraa iddoo hojii barsiisaatiin lubbuu ofii dabarsuun dhagahame.

Barsiiftuun lubbuu ofii dabarsite Lalisee Tufaa jedhamti. Barsiiftuun kun Magaalaa Naqamteetti mana barumsaa Daaloo Sadarkaa 2ffaa barsiisaa turte jedhan.

Jalqaba ergisaan achi deemtee booda irra jijjiirraaa xumurattee dhaabbiin achi galtee turte jedhu namoonni beekan.

Booda irra jijjiirraa isaanii Biiroon barnoota seera maleessa jechuun haquu himan

Barsiistuun kun Biiroo Barnootaa Oromiyaa fi Waajjira Barnootaa Magaalaa Naqamtetti deddeebitee furmaata erga dhabdee booda abdii kuttee guyyaa kaleessa galgala lubbuu ofii balleessite jedhan.

Jijjiirraan barsiisotaa hedduun sababa seera maleen haqamu illee kan seera guutanii jijjiirraan raawwatameefis walumaan jalaa haqame jedhan.

Dhimmi jijjiirraa bakka hojii barsiisotaa dhimma barsiisonni dararaa guddaa itti argan akka ta'e barsiisonni yaada isaanii kennan himan.

Jijjiirraa bakka hojii nama maallaqa yookii fira aangawaa mootummaa qabutu argataa jedhu.

Sababa kanaan barsiisonni hedduun haqni isaanii jallatee jireenyi akka jalaa faca'e himatan.

Mirga keenyaaf falmanna yeroo jennu qaamni nama dhagahu hin jiru kan jedhan barsiisonni yaada isaanii kennan, seenaan barsiiftuu Lalisee Tufaa seenaa barsiisota hedduu akka ta'e dubbatan.

Nama maallaqa yookin fira aangawaa mootummaa hin qabne namni abbaa kanaatuu hin jedhuun jedhan.

05/13/2026

: Saamicha Lafaa Daangaa Kaaba baha Keeniyaa, Bulchiinsa Marsaabeet akka dhaabbatu Bakka buutuun Dubartoota Aade Ma'oomii Waaqoo akeekkachiifte. Aadde Ma'oom qaamaan Ummata gidduutti argamuun ergaa kana jabeessanii Mootummaa fi gosa Saamicha lafa Booranaatti gamaniif dabarsan.

05/12/2026

ODUU GADDAA : Qabsaa'aan Mirga Qonnaan Bultootaa fi farra Fiwudaaliziimii Obbo Zagayyee Asfaaw Abdii du'aan Addunyaa kana irraa boqatan.

Warraqasa Barattootaa bara 1960moota fi gaafii “Lafti Qotee bulaaf (Land To The Tillar) kan bara 1970 keessatti shora olaanaa kan qaban Obbo Zagayyee Asfaaw Abdii du'aan boqatan.

Obbo Zagayyee Asfaw Abdi Hayyoota Oromoo dhiibbaa guddaa uumuun jijjiirama siyaasaa fi gaafiin qonnaan bultootaa deebii akka argatu hojjatuun seenaa Itoophiyaa keessatti warra tarree duraa irratti eeramaniidha.

Obbo Zagayyeen riifoormii lafaa seena qabeessa bara 1975 "Lafa Qotee Bulaaf" jedhu keessatti qooda guddaa fudhataniiru. Qabsoon qonnaan bultootaaf, mirga Oromoof, dimookiraasii fi riifoormii hawaasummaaf taasisan hayyoota Oromoo, qabsaa’otaa fi jijjiirama siyaasaa Itoophiyaa keessatti kabaja guddaa isaan goonfachiise jira.

​Gootichi haqa qonnaan bultootaaf qabsaa'ee labsiin raggaasise, labsichi yeroo gabaabaa keessattii hojii irra akka ooluuf qabsoo jabaa taasisee ture obbo Zagayyee Asfaaw Abdii Guraandhala 12, 2026 tasa du'aan Addunyaa kana irraa boqachuun isaanii dhagahame.

Obbo Zagayyee Asfaaw Abdii bara 1942 Godina Shawa Lixaa, Aanaa Walmaraa, Ganda Bukusamii jedhamutti dhalatan.

Labsii lafaa Bitootessa 1975 labsame irratti Fulbaana 1976 miidiyaalee biyyaa alaa fi biyya keessaatiif ibsa kennuun lafti qotee bulaaf akka ta'u goota mirkaneesseedha.

Labsiin lafaa sun akka dhugoomuuf gurguddoon ABO hundeessan fi hogganan qooda guddaa qabu turan.

Keessumaa jaal Baaroo Tumsaa, namni bara jireenya isaa dhaadannoo Land To The Tiller jedhu dhageessisaa turee fi sirna fiwudaalaa dhabamsiisuun lafti kan qonnaan bulaa akka ta'uuf qooda olaanaa bahate, Zagayyee Asfaaw waliin labsii sana qopheessan.

Yeroo gabaabduu jijjiramaa sanitti seera wixinee qondaalota waraana Darguu fudhachiisuu qofa osoo hin taane, seerri bahe sun affisaan hojitti akka hikkamu qabsaa'ota biroo waliin duula guddaa geggeesse. Itti milkaa'e.

Obbo Zagayyeen lafa qonnaan bulaaf deebisiisuu qofa osoo hin taane, mirgi abbaa biyyummaa Oromoofi saboota cunqurfamaa biroo guututti galma akka gahuuf ejjannoo qabuun, Dargiin wagoota 10f mana hidhaatti darare.

Hidhaa boodas jijjirama yeroo lammataaf bara 1991 dhufe keessatti hogganoota ABO biroo waliin ta'uun carraa dhiphaa argameen Oromiyaan akka uummamtu warra dandeessise keessaayi.