Zehabesha

Zehabesha The official page of Zehabesha Newspaper and Zehabeshanews.com Ze-habesha is a free bilingual newspaper with production based in the Minnesota.

Ze Habesha LLC is an Ethiopian American media company based in Minnesota, with presence in the print and broadcast media. Zehabesha strives to provide unbiased information to the ever-growing Ethiopian American community and works toward bridging cultures
Ze-Habesha is a diversified news and information newspaper that represents America’s local and national Ethiopian community. Zehabesha, published bi-monthly by the Ze-Habesha LLC, has been in publication for 7 years. As of early 2008, Ze-Habesha has non paid subscribers, with a total circulation of 10,000 copies in Major Twin cites areas, including South Dacota, Chicago, Dallas, Atlanta, Las Vegas, and etc...
Ze-Habesha Newspaper has a number of blogs that are updated regularly with community events and news. Please Visit us www.Zehabeshanews.com

(ዘ-ሐበሻ ዜና) ሄሚቲ በአዲስ አበባ ሚስጥራዊ ጉብኝት ማድረጋቸው ተዘገበ፡፡ ማዳ ማስር የተሰኘው ጋዜጣ ዛሬ ባቀረበው ዘገባ የሱዳን ፈጥኖ ደራሽ ሀይል አዛዥ የሆኑት መሀመድ ሀምዳን ዳጋሎ ወ...
09/07/2026

(ዘ-ሐበሻ ዜና) ሄሚቲ በአዲስ አበባ ሚስጥራዊ ጉብኝት ማድረጋቸው ተዘገበ፡፡ ማዳ ማስር የተሰኘው ጋዜጣ ዛሬ ባቀረበው ዘገባ የሱዳን ፈጥኖ ደራሽ ሀይል አዛዥ የሆኑት መሀመድ ሀምዳን ዳጋሎ ወይንም ሄሚቲ በአዲስ አበባ ሚስጥራዊ ጉብኝት ማከናወናቸውን አስታውቋል፡፡ እንደዘገባው ሄሚቲ ይህንን ጉብኝት ያደረጉት ኦገስት 26 ቀን ወይንም ነሀሴ 20 መሆኑን ገልፆ ከጦርነቱ ወዲህ ወደአዲስ አበባ ሲጓዙ ይህ 2ተኛቸው መሆኑን አስረድቷል፡፡፡ ዘገባው እንዳለው መጀመሪያ ጉብኝት ያደረጉት በዲሴምበር ወር 2023 ሲሆን ያኔ በሌተና ጄኔራል አልብሩሀን ከተባረሩት የቀድሞው ጠቅላይ ሚኒስትር አብደላ ሀምዶክ ጋር በመሆን ፖለቲካዊ መግለጫ በማውጣት ያጠናቀቁት መደበኛ ጉብኝት ነበር፡፡

ይህኛው ግን በኢትዮጵያና ሱዳን ድንበር ላይ ውጥረት በሰፈነበትና የካርቱምና አዲስ አበባ መንግስታት አንዳቸው ሌላኛውን ተቃዋሚዎችን በማደራጀት በሚከሱበት ወቅት የተደረገ መሆኑንም ገልጿል፡፡ አንድ የፈጥኖ ደራሽ ሀይሉ አመራር የሆኑ ምንጭ ለጋዜጣው ሲናገሩ ሄሚቲ በዚህኛው ጉብኝታቸው ከጠቅላይ ሚኒስትር አብይ አህመድ ጋር ተገናኝተው መነጋገራቸውን የጠቀሰው ዘገባው የኢትዮጵያ መንግስት ምንጮች ግን ይህንን አለማረጋገጣቸውን አስረድቷል፡፡ የኢትዮጵያ ምንጮች በደፈናው ከከፍተኛ ባለስልጣናት ጋር መነጋገራቸውን እንደተናገሩ ዘግቧል፡፡

ሁለቱም ምንጮች የጉብኝቱ አላማ ፖለቲካዊ ሁኔታዎችን፣ የሰላም ተስፋዎችንና የጦርነቱን ሂደት መገምገም እንደሆነ መግለፃቸውንም አስታውቋል፡፡ ነገር ግን የሱዳን የደህንነት መስሪያ ቤት ምንጮች ደግሞ ጉብኝቱ በኢትዮጵያና ሱዳን ድንበር አቅራቢያ እየጨመረ በመጣው ውጊያና ውጥረት ላይ ያተኮረ መሆኑን እንደነገሩት አስረድቷል፡፡

(ዘ-ሐበሻ ዜና) የኩምሩክ ከተማ አስተዳዳሪ በኢትዮጵያ ላይ ክስ አቀረቡ፡፡ የሱዳን ኩምሩክ ካውንቲ ኮሚሽነር አብደላቲ መሀመድ አልፋቂ ‹‹ኢትዮጵያ የተፋላሚውን ፈጥኖ ደራሽ ተዋጊዎችን እያስጠ...
09/07/2026

(ዘ-ሐበሻ ዜና) የኩምሩክ ከተማ አስተዳዳሪ በኢትዮጵያ ላይ ክስ አቀረቡ፡፡ የሱዳን ኩምሩክ ካውንቲ ኮሚሽነር አብደላቲ መሀመድ አልፋቂ ‹‹ኢትዮጵያ የተፋላሚውን ፈጥኖ ደራሽ ተዋጊዎችን እያስጠለለችና እያስታጠቀች ነው›› ሲሉ ክስ አቀረቡ፡፡ በብሉናይል ግዛት ደቡብ ምስራቃዊ ክፍል የሚገኘው ኩምሩክ ካውንቲ አስተዳዳሪው በመግለጫቸው የውጭ አገር ተዋጊዎች በኢትዮጵያ ድንበር አቅራቢ በሚገኝ ካምፕ መድረሳቸውንም ገልፀዋል፡፡ አልፋቂ እንዳሉት በትላንትናው እለት ተዋጊዎችን የጫነ አውሮፕላን በአሶሳ አየር ማረፊያ ከደረሰ በኋላ ተዋጊዎቹ በቤኒሻንጉል ጉምዝ ወደሚገኘው ፋና የጦር ካምፕ እንዲገቡ ተደርጓል፡፡

ይህንን በረራ ያመቻቸው የዩናይትድ አረብ ኤመሬትስ መንግስት መሆኑንም አስረድተዋል፡፡ የሱዳን ወታደራዊ መንግስት በተደጋጋሚ እንደዚህ አይነት አቤቱታዎችን የሚያቀርብ መሆኑ ይታወቃል፡፡ የአልብሩሀን መንግስት ኢትዮጵያና ኤመሬትስ ተቀናቃኙን ፈጥኖ ደራሽ ሀይል እንደሚደግፉ የሚገልፅ ሲሆን የአዲስ አበባና የአቡዳቢ መንግስታት ግን ይህንን ያስተባብላሉ፡፡

09/07/2026

ትራምፕ ባለፉት ወራት በስደተኞች ላይ የወሰዱት እርምጃ፣ የፊታችን ኖቬምበር በሚደረገው ምርጫ ላይ ምን ያመጣ ይሆን? - የጠበቃ ሙሉዓለም ዕይታ! 🇺🇸

(ዘ-ሐበሻ ዜና) "ወደኢትዮጵያ ሄጄ ሰላም እንዲሆን አውጃለሁ›› ያሉት ኬንያዊቷ ሰባኪ በአዲስ አበባ የመጀመሪያ ፀሎታቸውን ጀመሩ፡፡ ከ3 ቀናት በፊት ኬንያዊቷ ታዋቂ ሰባኪ ዶክተር ሉሲ ናታሻ...
09/07/2026

(ዘ-ሐበሻ ዜና) "ወደኢትዮጵያ ሄጄ ሰላም እንዲሆን አውጃለሁ›› ያሉት ኬንያዊቷ ሰባኪ በአዲስ አበባ የመጀመሪያ ፀሎታቸውን ጀመሩ፡፡ ከ3 ቀናት በፊት ኬንያዊቷ ታዋቂ ሰባኪ ዶክተር ሉሲ ናታሻ ‹‹ወደኢትዮጵያ ሄጄ ሰላም እንዲሆን አውጃለሁ›› ማለታቸውን መዘገባችን ይታወሳል፡፡ እኚህ ኬንያዊት የክርስቲያን ሰባኪ፣ ደራሲና የሰብአዊ መብት ተሟጋች ትላንት ምሽት አዲስ አበባ ገብተዋል፡፡

ቦሌ አለም አቀፍ አየር ማረፊያ በመገኘት ፓስተር እዩ ጩፋና ቤተሰቦቻቸው ደማቅ አቀባበል ያደረጉላቸው ሲሆን የኢትዮጵያን ባህላዊ ቡናና ጥሬ ስጋ ጭምር እንዲቀምሱም ማድረጋቸውን ለመረዳት ችለናል፡፡ ዶክተሯ በዛሬው እለት ደግሞ በአዲስ አበባ በሚገኘው ክሪስት አርሚ ቸርች የመጀመሪያ ፀሎታቸውን አድርገዋል፡፡ በዚህ የፀሎት ስነስርአት በርካታ ሰዎች ተገኝተው ነበር፡፡፡

ዶክተሯ ሰባኪ ወደአዲስ አበባ ከመነሳታቸው በፊት በማህበራዊ ሚዲያቸው ላይ ‹‹ወደኢትዮጵያ ሄጄ በአገሪቱ አዲስ ጣእም፣ ውዳሴ፣ ሰላምና ብልፅግና እንዲሰፍን አውጃለሁ፡፡ ይህ የኢትዮጵያ አዲስ አመት የበለጠ ክብርና አዲስ ጅማሮ እንዲኖረው እመኛለሁ›› ማለታቸው ይታወሳል፡፡ ዛሬ ደግሞ በአማርኛ ቋንቋ ‹‹ቃሌን አስታውሱ፣ እግዚአብሄር በዚህ ወር ፀሎታችንን ይመልሳል›› በማለት ፅፈዋል፡፡

(ዘ-ሐበሻ ዜና) በደቡብ አፍሪካ ለፖሊስ ጉቦ ለመስጠት የሞከረው ኢትዮጵያዊ 5 አመት ተፈረደበት፡፡ የደቡብ አፍሪካ ፖሊስ አገልግሎት ዛሬ ባሰራጨው መረጃ ለፖሊስ ጉቦ የመስጠት ሙከራ ያደረገው...
09/07/2026

(ዘ-ሐበሻ ዜና) በደቡብ አፍሪካ ለፖሊስ ጉቦ ለመስጠት የሞከረው ኢትዮጵያዊ 5 አመት ተፈረደበት፡፡ የደቡብ አፍሪካ ፖሊስ አገልግሎት ዛሬ ባሰራጨው መረጃ ለፖሊስ ጉቦ የመስጠት ሙከራ ያደረገው ኢትዮጵያዊ ፍርድ እንዳገኘ አስታውቋል፡፡ እንደመረጃው የ35 አመቱ ኢትዮጵያዊ ይህንን ድርጊት የፈፀመው እ.ኤ.አ ጁላይ 27 ቀን 2026 ነበር፡፡ በእለቱ በህገ ወጥ መንገድ አገር ውስጥ በመግባት ተጠርጥሮ የታሰረውን ጓደኛውን እንዲለቁለት ለፖሊሶች ጉቦ ለመስጠት መሞከሩን አስረድቷል፡፡

ፖሊሶቹ ግን ያቀረበውን የገንዘብ መደለያ ውድቅ በማድረግ በቁጥጥር ስር እንዳዋሉት አስታውቋል፡፡ ተሻለ አወል እርገጤ የተባለው ይህ ኢትዮጵያዊ ከዚያን ቀን ጀምሮ በእስር ላይ ቆይቶ ጉቦ በመስጠት ክስ ቀርቦበት ጉዳዩን ሲከታተል ቆይቷል፡፡ ፍርድ ቤቱም ዛሬ በዋለው ችሎት በተከሳሹ ላይ የ5 አመት እስራት ቅጣት የጣለበት ቢሆንም ቅጣቱ ለ5 አመት በገደብ እንዲቆይ የሚል ውሳኔ አስተላልፏል፡፡ በመሆኑም ከእስር የሚለቀቅ ሲሆን ገደብ በተጣለበት አመታት ተመሳሳይ ድርጊት ከፈፀመ ቅጣቱ ተፈፃሚ እንደሚሆን የፖሊስ መግለጫ አስረድቷል፡፡

የዕለቱ ዜና እንዳያመልጣችሁ!VOEA Tv ላይ ይገኛል።
09/07/2026

የዕለቱ ዜና እንዳያመልጣችሁ!
VOEA Tv ላይ ይገኛል።

09/07/2026

ኢትዮጵያውያንን ጨምሮ በ75 ሃገራት የሚመጡ ዜጎች "በአሜሪካ መንግስት ላይ ጥገኛ ይሆናሉ " በሚል ቪዛ እየተከለከሉ፣ በሪፍዩጂ ወደ አሜሪካ የሚገቡ የደቡብ አፍሪካ ስደተኞች ግን $$ ሊከፈላቸው መሆኑ እንዴት ነው የሚታየው? - ጠበቃ ሙሉዓለም ጌታቸው

(ዘ-ሐበሻ ዜና) በኦሮሚያ ክልል፣ ቄለም ወለጋ ዞን ውስጥ የሚገኘው የጂማ ሆሮ ወረዳ የጸጥታና የሚሊሺያ ጽሕፈት ቤት ኃላፊ አቶ መርጋ መገርሳ፣ ራሱን "የኦሮሞ ነጻነት ሠራዊት" ብሎ በሚጠራው...
09/07/2026

(ዘ-ሐበሻ ዜና) በኦሮሚያ ክልል፣ ቄለም ወለጋ ዞን ውስጥ የሚገኘው የጂማ ሆሮ ወረዳ የጸጥታና የሚሊሺያ ጽሕፈት ቤት ኃላፊ አቶ መርጋ መገርሳ፣ ራሱን "የኦሮሞ ነጻነት ሠራዊት" ብሎ በሚጠራው ታጣቂ ቡድን በተፈጸመ ድንገተኛ ጥቃት መገደላቸው ተሰማ። ዋዜማ ራድዮ ከምንጮቿ እንዳረጋገጠችው፣ የጸጥታ ኃላፊው የተገደሉት ዛሬ ሰኞ እኩለ ቀን ላይ መሆኑን ዘግባለች።

ታጣቂ ቡድኑ ይህንን ጥቃት የፈጸመው አቶ መርጋ በወረዳው ቶንፊ ጫሪ ቀበሌ፣ ልዩ ስሙ "ጋረ ኮሎ" በተባለ አካባቢ ለጸጥታ ማስከበር ሥራ በመንቀሳቀስ ላይ በነበሩበት ወቅት መሆኑን ምንጮች አረጋግጠዋል። በዚህ የታለመ ጥቃት ከጽሕፈት ቤት ኃላፊው በተጨማሪ አብረዋቸው የነበሩ እና ለጊዜው ቁጥራቸው በውል ያልታወቀ ሌሎች የክልሉ የጸጥታ ኃይል አባላትም ሕይወታቸውን ማጣታቸው ታውቋል።

ይህ ከፍተኛ የጸጥታ ኃላፊን ኢላማ ያደረገ ግድያ፣ በኦሮሚያ ክልል በተለይም በምዕራቡ ክፍል (በወለጋ ዞኖች) ለዓመታት የቀጠለውን የጸጥታ መደፍረስ እና በመንግሥት የአስተዳደር መዋቅር ላይ የተጋረጠውን ከባድ ፈተና ዳግም አጉልቶ የሚያሳይ ነው። የኦሮሞ ነጻነት ሠራዊት (በመንግሥት ኦነግ ሸኔ እየተባለ የሚጠራው) በተደጋጋሚ የታችኛውን የመንግሥት መዋቅር አመራሮች እና የጸጥታ ኃይሎችን ኢላማ ማድረጉ፣ በአካባቢው የሕግ የበላይነትን ለማስከበር የሚደረገውን ጥረት እጅግ አዳጋች አድርጎታል።

የዛሬው ጥቃት በአካባቢው ሰላም ለማስፈን እና የተረጋጋ አስተዳደር ለመገንባት የሚደረገው ጥረት አሁንም በከፍተኛ የደኅንነት ስጋት ውስጥ መሆኑን የሚያሳይ ነው። ከዚህም ባሻገር፣ በታችኛው የመንግሥት መዋቅር ላይ የሚሰሩ አመራሮች እና የጸጥታ አካላት በየቀኑ የሚገጥማቸውን የሕይወት አደጋ ፍንትው አድርጎ የሚያሳይ አሳሳቢ ክስተት ሆኖ አልፏል።

09/07/2026

የበርካታ አመታት ሰቀቀን ያበቃበት ታሪካዊ መፍትሔ CBE Connect በደቡብ አፍሪካ!
የኢትዮጵያ ንግድ ባንክ ባህር ተሻግሮ በSouthAfrica ታሪክ ሰራ!!

(ዘ-ሐበሻ ዜና) የፌዴራል ከፍተኛ ፍርድ ቤት አርብ ዕለት ለእያንዳንዳቸው በ50 ሺህ ብር የዋስትና መብት በፈቀደላቸው የኢትዮጵያ ሕዝባዊ አብዮታዊ ፓርቲ (ኢሕአፓ) አመራሮች እና ጠበቃ ላይ ...
09/07/2026

(ዘ-ሐበሻ ዜና) የፌዴራል ከፍተኛ ፍርድ ቤት አርብ ዕለት ለእያንዳንዳቸው በ50 ሺህ ብር የዋስትና መብት በፈቀደላቸው የኢትዮጵያ ሕዝባዊ አብዮታዊ ፓርቲ (ኢሕአፓ) አመራሮች እና ጠበቃ ላይ የፌዴራል ፖሊስ ይግባኝ መጠየቁ፣ በሀገሪቱ የፍትሕ ሥርዓት ውስጥ ያለውን የተቋማት ሽኩቻ እና የፖለቲካ ጫና ዳግም አጋልጧል። የተጠርጣሪዎቹ ቤተሰቦች በፍርድ ቤቱ የተቆረጠውን የዋስትና ገንዘብ ከፍለው ሲያጠናቅቁ ፖሊስ ይግባኝ ማለቱ፣ እንዲሁም ተጠርጣሪዎቹን አዲስ አበባ ወዳለ ሌላ ማረሚያ ቤት ማዛወሩ የተጠርጣሪዎችን ሕገ-መንግሥታዊ መብት የሚጥስ እና የፍርድ ቤቶችን ነፃነት ጥያቄ ውስጥ የሚከት አካሄድ መሆኑን የሕግ ባለሙያዎች ይተቻሉ።

ይህ ክስተት በኢትዮጵያ የፖለቲካ እስረኞች ላይ በተደጋጋሚ የሚስተዋለውን አሳሳቢ አዝማሚያ ያንጸባርቃል። የፌዴራል ከፍተኛ ፍርድ ቤት ልደታ ምድብ 1ኛ ጊዜ ቀጠሮ ችሎት የኢሕአፓ የሕዝብ ግንኙነት ኃላፊ አቶ ይስሓቅ ወልዳይ፣ የፓርቲው አባል አቶ አበበ አካሉ እና ጠበቃ አበራ ንጉሥ በዋስ እንዲፈቱ የወሰነው የቀረበባቸውን ክስ እና የፖሊስን የምርመራ ሪፖርት መዝኖ ነው። ሆኖም መርማሪ ፖሊስ ተጠርጣሪዎቹ በደቡብ ኢትዮጵያ ክልል፣ አርባምንጭ ዙሪያ ወረዳ (ዘይሴ ብሔረሰብ ውስጥ) ታጣቂ በማደራጀት ለ23 ንጹሃን ዜጎች መገደል፣ ለመቶዎች መፈናቀል እና ለንብረት ውድመት ተጠያቂ ናቸው የሚል እጅግ ከባድ ውንጀላ አቅርቦባቸዋል። ከዚህም ባለፈ ከህወሓት እና "ጽምዶ" ከተባለ ኃይል መሪዎች ጋር በመገናኘት "የአገርን አንድነት በሚያፈርስ ውስብስብ የሽብር ወንጀል" ጠርጥሬያቸዋለሁ ማለቱ፣ ክሱ ከወንጀል ምርመራ ይልቅ የፖለቲካ ተቃዋሚዎችን የማሸማቀቅ ዓላማ እንዳለው ጠንካራ እንድምታ ይሰጣል።

በተለይም የክሶቹ ክብደት (ሽብርተኝነት፣ መንግሥትን ማፍረስ እና የታጠቀ ኃይል ማደራጀት) እና ፍርድ ቤቱ የፈቀደው አነስተኛ የዋስትና ገንዘብ (50 ሺህ ብር) ሲነጻጸሩ፣ አቃቤ ሕግ እና ፖሊስ ለክሶቹ የሚያስረዳ ጠንካራ መነሻ ማስረጃ ማቅረብ አለመቻላቸውን በግልጽ ያሳያል። ማስረጃው ጠንካራ ቢሆን ኖሮ ፍርድ ቤቱ የዋስትና መብትን በዚህ የገንዘብ መጠን አይፈቅድም ነበር። በተጨማሪም የፖለቲካ ፓርቲ አመራሮችን ከሕግ አማካሪያቸው (ጠበቃ አበራ ንጉሥ) ጋር አብሮ ማሰር፣ በሀገሪቱ ውስጥ የሕግ ጠበቆች ሙያዊ ግዴታቸውን በነፃነት እንዳይወጡ የማስፈራራት መልዕክት የሚያስተላልፍ አደገኛ አካሄድ ነው።

ባለፈው ሐምሌ 27 ቀን 2018 ዓ.ም. በፖሊስ በቁጥጥር ሥር የዋሉት እነዚህ የፖለቲካ ሰዎች እና ጠበቃ፣ አሁን ላይ የዋስትና መብታቸው ታግዶ ከፌዴራል ወንጀል ምርመራ ቢሮ ወደ ሌላ ማረሚያ ቤት መዛወራቸው፣ የፍትሕ ሥርዓቱ የፖለቲካ ፍላጎት ማስፈጸሚያ መሣሪያ እየሆነ መምጣቱን የሚያመላክት ነው። በቀጣይ ተከሳሾቹ ከጠበቃቸው ጋር በመሆን ለፖሊስ ይግባኝ ምላሽ እንዲሰጡ መጥሪያ የሚጠብቁ ቢሆንም፣ ይህ ዓይነቱ የ"እስር ማራዘሚያ" ስልት የዜጎችን በነፃነት የመዳኘት መብት የሚሸረሽር እና የሀገሪቱን የፖለቲካ ምህዳር ይበልጥ የሚያጠብ መሆኑን ክስተቱ አጉልቶ ያሳያል።

Address

Minneapolis, MN

Website

Alerts

Be the first to know and let us send you an email when Zehabesha posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zehabesha:

Shortcuts

Share

Category