http://www.somalilandleaks.com/

Somaliland Leaks, 2109 Nicollet ave s, Minneapolis, MN (2026)

06/24/2018

( )

Kooxda ayaa gacanta ku dhigtay qoraal xisaabeedyada rasmiga ah ee Wasiirka Maaliyadda Puntland, Mudane Cabdilahi Caarshe, oo lacag boqolaal kun oo dollar ah kala baxay qasnadda Dawladda Puntland.

Sanduuq xisaabeedka gaarka ah ee wasiirka waxa ku jirtay $1000 markii la magacaabay bishii August 2017, haatana waxa ku jira $ 155,100, sida ay muujinayso qoraalada xasaasiga ah ee la helay.

Inta badan lacagta ku soo dhacday sanduuq xisaabeedka wasiir Cabdilaahi Caarse ayaa waxa ay ka soo bilaabmaysaa horraantii sannadkan 2018, taas oo ku beegan markii Somaliland la wareegtay gacan ku haynta Tukaraq.

"Lacagahan la dhacay waa miisaaniyadii dawladda Puntland ugu talogashay in ay ku maalgaliso dagaalka Tukaraq," ayuu noo sheegay xubin sare oo ka tirsan Wasaaradda Maaliyadda Puntland.

Wasiir Cabdilaahi Caarshe oo ka soo jeeda beesha Cismaan Maxamuud (Majeerteen) ee Deegaanka Qardho, ayaa lagu tilmaama in aanu la dhacsanayn siyaasadda colaadeed ee ay Puntland ku waajahayso deegaanka Tukaraq.

'Waayo dagaalku wuxuu muddo kordhsiimo siinaya Cabdiweli Gaas, wuxuuna meesha ka saarayaa damaca hoose ee musharaxa beesha Cismaan Maxamuud kursiga ku fuulayso,' ayuu noo sheegay xubin madaxbanaan oo u waramay xubin ka tirsan Kooxda .

06/24/2018

Maamul-goboleedyada Soomaaliya Oo Si Wadar ah Markale Uga Hor yimid 'Hab-macaamilka Gaarka ah ee Somaliland'.

Kooxda ayaa mardhawayd heshay waraaq qoraal ah oo loo diray Kooxda Caawimada Soomaaliya (Somalia Donor Group), oo ay ku saxeexan yihiin dhammaan madaxweynayaasha maamul-goboleedyada Soomaaliya, laguna dalbanayo in in la joojiyo 'habmacmiilka gaarka ah ee Somaliland deeqaha lagu siiyo'.

Warqadan oo lagu sheegay in ay tixraac u ahayd warqad 13kii June u qoray Wasiirka Qorshaynta Soomaaliya Mudane Jamaal Xasan, ayaa lagu nuuxnuuxsaday ' in hab-macmiilka gaarka ah ee deeqaha lagu siiyo Somaliland ka hor imanayo midnimada, madaxbanaanida iyo qaranimada Soomaaliyeed.'

'Sidaas darteed waa in aad ka dignootaan in dalka [Soomaaliya] la sii kala qoqobo,' ayaa lagu yidhi qoraalka.

Warqadan ayaa ka mid ah dadaalo diblumaasiyadeed oo ay Dawladda Farmaajo ugu jirto in Somaliland lagu hoos keeno nidaamka Federaalka, laguna wiiqo xaqiijinteeda riyada goosasho ee Somaliland.

Xukuumada KULMIYE ee uu gadhwadeenka ka yahay Muuse Biixi Cabdi ayaa u muuqata mid tabar daran oo tahli kari la' in shacabka Somaliland lagu soo dabaalo midnimo cusub, lagana saaro kala qaybsanka ku yimid beelaha Somaliland kadib doorashadii madaxtooyo ee qabsoontay dabyaaqadii 2017.

Waxa isa soo taraya salluug xoogan oo laga qabo Xukuumadda Muuse Biixi oo lagu eedaynayo in ay yihiin ' koox aan lahayn hoggaamin siyaasadeed oo ku dhisan hal-abuur iyo aragti fog, balse taas lidkeeda ku mashquulsan siyaasadda gudaha.'

Wixii warar ah ee soo kordha kala soco .

06/20/2018

Beesha Caalamka Oo Ku Gacansaydhay Dalabkii Xukuumadda Farmaajo Ku Joojinaysay ‘Hab-mcaamilka Gaarka ah ee Somaliland’

MOQDISHO- Kooxda ayaa maanta oo Arbaca ah heshay nuqul kamid ah jawaabtii ay beesha caalamku ka bixisay warqad Wasiirka Qorshaynta Soomaaliya Jamaal Xasan uu ku codsanayey in la joojiyo hab-macaamilka gaarka ah ee Somaliland.

Jawaabta beesha caalamka oo soo baxday 13kii June, ayaa laga soo saaray Safaaradda Dawladda Ingiriisku ku leedahay Muqdisho.

‘Anaga qabna dareenka hufnaanta iyo xaqsoorka, kanna duulayna danta Soomaalida, waxaanu aaminsanahay in ay tahay lagamamarmaan , in aan sii joogtayno hab-macaamilada soo guulaystay laga soo bilaabo 2003.’ ayaa lagu sheegay jawaabta Qadhaanbixiyaashu u soo direen dawladda Federaalka Soomaaliya.

‘Sidaas darteed, waxaanu kuula soo xidhiidhaynaa in aanu kugu wargelino in aanad marnaba naga hor istaagi karin in aanu heshiis la gaadho maamulka Somaliland si aanu dib ugu cusboonaysiino hab-macaamilkan,’ayaa lagu yidhi jawaabta qoraalka.

Jawaabta waxa si wadajir ah u saxeexay Phil Evan, Agaasimaha DFID ee Soomaaliya, Per Karisson, Madaxa Qaybta Iskaashiga Horumarineed ee Safaaradda Iswiidah ee Soomaaliya, Gugilemon Giordano, Madaxa Wakaalada Iskaashiga Horumarineed ee Talyaaniga Xaruntooda Soomaaliya.

Qadhaanbixiyayaashu waxa ay ku nuuxnuuxsadeen in duruufaha caawimaad ee ka jira Somaliland aanu la mid ahayn ka ka jira Maamulka Federaalka Soomaaliya. Sidaas darteed dawladda FS waxa laga codsaday in aanay xagal-daacin kalsoonida dhisantay iyo dareenka wanaagsan ee ka dhexjira qaadhaanbixiyaasha iyo bulshada Soomaalida.

Isha ku hay

06/20/2018

WARBIXINXASIISI ( )

Dawladda Fedraalka Soomaaliya Oo Joojinaysa Hab-Macmiilka Gaarka ah ee Somaliland Mucaawimada Loogu Siiyo

Kooxda ayaa ku guulaystay in ay gacanta ku soo dhigto warqad ay Wasaaradda Qorshaynta iyo Maalgashiga Soomaaliya Juun 9keedii u dirtay Qaandhaanbixiyaasha Soomaaliya oo lagu dalbanayo 'in la joojiyo hab-macmiilka gaarka ah ee caawimada loogu siiyo Somaliland.'

'Dawladda Federaalku waxa ay dareen ka qabtaa in gobol amma maamul-goboleed loola macaamilo si gaar ah, taas oo yeelan karta saamayn taban oo wiiqaysa dadaalada loogu jiro hirgelinta nidaamka fedraaliga ah iyo qaran-dhiska Soomaaliya,' ayaa lagu yidhi warqada.

'Sidaas darteed, aniga [Jamaal Maxamed Xasan] oo ku hadlaya afka Dawladda Federaalka Soomaaliya, k**a raalin nihin qorshaha dib loogu cusboonaysiinayo Hab-macmiilka gaarka ah ee Somaliland'.

Warqada ayaa qayb ka ah dadaalo ka dhan ah Somaliland oo lagu hoos geynayo nidaamka Fedraaliga ah, taas oo ku soo beegantay maalmo kadib markii dawladda Farmaajo dhawaaq dheer ka bixisay heshiiskii Somaliland iyo DP World ku wada saxeexdeen maalgeshiga Dekadda Berbera iyo saldhiga militari ee Berbera.

Wasiir Jamaal ayaa ahaa safiirkii h**e ee Soomaliya u fadhiyey Kiiniya, kaas oo dagaal diblumaasiyadeed oo guulaystay ku joojiyey heshiis ganacsiga qaadka la xidhiidhay oo ay dawladda Kiiniya damacsanayd in ay la yeelato Somaliland.

Horraantii sannadkan 2018 ayuu wasiir Jamaal socdaal xiisad ka dhaliyey Somaliland iyo maamul-goboleedka Soomaaliyeed ee Puntland ku yimid deegaanadda Sanaag Beri oo uu dhalasho ahaan ka soo jeedo. Taas oo ilaa iminka saamayntiisii weli ka sii qoyan tahay deegaanka Tukaraq.

Xukuumadda Muuse Biixi Cabdi oo aad loogu dhaliilayo in aanay xulan gole wasiireed oo leh khibrad u dhiganta dhigooda Soomaaliya ayey arrrint culays kale ku sii kordhin doonta. Wasiirka Wasaaradda Qorshaynta Somaliland Cawaale Ibraahim Shirwac ayaa u muuqata mid aan lahayn dadaal iyo qorshe uu kaga baajin karo culaysyadda kaga soo waajahan dhanka dawladda Farmaajo.

06/19/2018

Fadeexado Musuqmaasuq Oo Ka Dhashay Dayactir Lagu Samaynayo Qasriga Madaxtooyadda JSL.

Xoggo xasaasi ah oo aan ka helnay ilo wareedyo u dhuun daloola qasriga madaxtooyadda Somaliland ayaa mardhawayd noo xaqiijey in dabaqa labaad ee qasriga madaxtooyadda oo ku socdo dayactir loogu badalayo xafiisyo cusub. Dabaqaas oo h**e u ahaan jiray hoyga gaarka ah ee qoyska madaxweynaha kadib markii madaxweyne Biixi ka doorbiday in qoysaskiisu ku noolaadaan guryahoodii h**e ee gaarka ahaa.

"Mashruuca dayactirka iyo dhismayaasha cusub ee madaxtooyada ayaa waxa loo igmaday shirkad gaar ah oo uu dilaalayo Cabdiqafaar." ayuu noo sheegay xubin ka shaqaysa madaxtooyada oo magaciisa qariyey xasaasiyadda arrintan awgeed.

Cabdiqafaar waa wakiilka Shirkada duulimaadka Itoobiya (Ethiopian Airlines) u qaabilsan Somaliland. Waxa abti rumma u ah Madaxweyne Muuse Biixi Cabdi Xildiid isla mar ahaantana ka soo jeeda jilibka hoose ee madaxweynaha.

Tan iyo bilawgii sannadkan 2018 waxa si weyn layskula dhexmarayey warar odhanaya in Qasriga madaxtooyada loo rarayo duleedka galbeed ee Magaaladda Hargeysa, taas oo aan ilaa iminka wax ka qabsoomay aanay jirin.

Xukuumadda Muuse Biixi ayaa durba bilawday mashaaric lagu naas-nuujinayo qoyska iyo xigtada gaarka ah ee Madaxweynaha, laguna xalaalaysanayo dhaqaalaha itaalka daran ee Somaliland.

Kooxda ayaa h**e u baahisay mashaariic la musuqmaasuqay oo si gaar ah loogu naasnuujiynayo Wakiilka Shirkada daabacadda ee SagalJet oo xidhiidh qaraabo la leh Madaxweyne Biixi.

Xukuumadda Kulmiye ayaa dib u bilawday musuqmaasuq baahsan oo s baalmarsan sifaha dastuurka loo bixinayo mashaariicda dawliga ah.

La soco wixii warar ka soo kordha fadeexaddan.

06/19/2018

Madaxweyne Biixi Oo u Socdaalaya Magaaladda Addis Ababa.

Madaxweyne Muuse Biixi wuxuu u safrayaa dalka Itoobiya todobaadka foodda inagu soo haya, kadib markii uu ka helay martiqaad rasmi ah Raysal-wasaaraha Dawladda Itoobiya Dr. Abiya Axmed. Sidaas waxa mardhawayd u soo wariyey xubin sarre oo ka tirsan Qasriga Madaxtooyadda Somaliland.

‘ Waa kulan isbarasho balse waxa lagaga hadli doona xaaladaha ku soo cusboonadayd xidhiidhka labada dal oo ay ugu horaysayso isticmaalka dekada Berbera iyo bilawga mashruuca dhismaha waddada Wajaale ilaa Berbera (Berbera Corridor)'.

Martiqaadkan ayaa ku soo beegmaya maalmo kadib socdaalkii dood badan dhaliyey ee Raysal-wasaare Abiya Axmed ku tagay Muqdisho. Socdaalkaas ayaa siyaalo kala duwan loo fasirtay taas oo guux weyn ka dhalisay Somaliland oo h**e dekadeeda saami dhan 19 % ka siisay Itoobiya.

Faahfaahinta safarka Madaxweyne Biixi ayaa intaas ku daraya in Itoobiya la soo hadal qaadi doonto xiisada ka taagan Tukaraq ee u dhexeeya Somaliland iyo maamul-goboleedka Soomaaliyeed ee Puntland, taas oo ay Itoobiya ka gashay dadaalo dhexdhexaadin oo lagu baajinayey dhiig danbe oo daata.

Dalka Itoobiya ayaa baahi weyn oo dhaqaale u qaba in uu helo dekaddo cusub oo ay addeegsadaan si ay uga baxaan dhibaatada ka haysta bad la’aanta, si loo xaqiijo in kor loo sii qaado dhaqaalaha Itoobiya ee xawaaraha dheer ku socda.

La soco wixii warar ah ee ka soo kordha arrintan bartaydan .

06/19/2018

Puntland Oo Martiqaad u Fidisay Kooxaha Mucaarida Somaliland

GAROWE: Xoggo ay heshay SomalilandLeaks ayaa xaqiijey
in maamul-goboleedka Soomaaliyeed ee Puntland martiqaad u fidiyey qaar ka mid ah Kooxaha mucaarida qaranimada Somaliland ee dibad-wareega ah 'si ay ugu ansixiyaan qadiyada sheegashada beelnimada ku dhisan ee maamulkooda.'

Dadka lagu martiqaaday Garoowe oo la filayo in kooxda koowaad soo gaadhi doonto 20ka bishan June waxa hoggaaminaya Mustafe Maxamed Martin oo ka soo jeeda beesha Habaryoonis (Xirsi Cismaan), h**ena isugu caleemo saaray madaxweynaha dawladda dibad-wareega ah ee Somaliland. Waftigooda waxa ku wehelinaya xubno kale oo ka tirsan qurbojoogta beeshiisa oo qadiyad ahaan ka soo horjeeda Somaliland, kanna kala imanaya dalka Maraykanka iyo Ingiriiska.

Magaaladda Garoowe waxa haatan ku sugan Suldaan Cabdi Gahayr Jaamac oo ah suldaan isku caleemo saaray magaaladda Muqdisho, kanna soo jeeda beesha Samaroon (Reer Nuur) ee gobolka Awdal.

" Dagaalka Tukaraq ma ay soo qaadin beelaha Somaliland oo dhan. Waxa soo qaaday beel qudha [Isaaq]" ayuu sheegay Suldaan Gahayr oo shir-jara'id ku qabtay Garoowe.

Maamulka Puntland ayaa si xawli ah u wada dacaayado ka dhan ah Somaliland, laguna maalgelinayo falal ku lidi ah qaranimada Somaliland.

Ilaa haatan ma jirto warar rasmi ah oo ku saabsan sida ay Somaliland uga hortagayso dacaayadaha ay fidanayso maamulka Garoowe.

06/17/2018

Markii aan Dawladii Imaaraadka kala dhimanay, markii aan walaalaheen Somaliland nafta ku dhibnay, markii aan Baarlamaankeenii xiijinay oo Xeer Gobonimo dhowr soo saareen, ayaa Abiy Ahmed oo sadkiisii horay u soo qaatay saacado kooban nooga saxiixay. Karti darida iyo hoggaan xumida siyaasadeed ee Farmaajo iyo Kheyre waxay dunida inteeda kale u dirtay fariin ah

“Wadada Soomaaliya loo maro Addis ayey ka soo bilaabataa”. Abdirahman Abdishakur

06/17/2018

Ilo xogogaal ah oo u dhuundaloola qasriga Madaxtooyada JSL ayaa mar dhawayd noo xaqiijey in ay Wasiirka Deegaanku, Marwo Shukri Xaaji Ismaaciil Baandare (Habaryoonis, ) ay u gudbisay warqadii istiqaaladda Madaxweyne Muuse Biixi Cabdi.

Tabashada wasiirka ayaa ka dhalatay cabasho maamul oo la xidhiidha in aanay ku lahayn tixgelin xukuumadda Muuse Biixi, taas oo aan lala socodsiin tiraba dhawr shir oo aan caadi ahayn oo madaxweynuhu la yeeshay haldoorka beesha Garxajis ee ay wasiiraddu ka soo jeedo.

Ilaa iminka ma jirto war rasmi ah oo sheegaya in Madaxweyne Biixi aqbalay istiqaaladdeeda iyo inkale.

Dhanka kale warar hoose oo ay heshay ayaa tibaaxaya in Wasiirka Xanaanada Xoolaha JSL Mudane Xasan Gaafaadhi (Habarjeclo, ) isna dhawaan gudbiyey istiqaaladdii balse aanu madaxweynuhu ka aqbalin.Faahfaahimuhu waxay intaas ku darayaan in aanu Wasiirku soo shaqo tagin bishii ugu danbaysay.

Isha ku hay warbixinaha .

06/17/2018

: Isku Shaandhaynta La Naawilayo ee Xukuumada Muuse Biixi

Xoggo lagu kalsoon yahay oo u dhuundaloola qasriga madaxtooyada JSL ayaa u xaqiijeyey in xubno ka tirsan Xisbiga WADDANI loo magacaabi doono mansabyo wasiireed todobadada foodda inagu soo haya.

Xubnaha cusub ee ka iman doona WADDANI waxa ka mid noqon doona Siciid Sulub (Habar Yoonis, ), Ibraahin Mahdi Buuba (Ciidagale- ), Axmed Cumar Xamarje (Sacad Muuse- ) iyo Cabdirisaaq Khaliif (Dhulbahante- ).

"Madaxweynuhu waa salluugsan yahay golihiisa wasiiradda. Runtiina falcelinta kaga timid shacabku ma ay farxad gelin," ayuu noo sheegay xubin sare oo xogogaal u ah aqalka looga taliyo JSL.

Kooxda waxa ay rumaysan tahay in xubnahan ay badali doonaan dhammaan wasiiradada xilalka ka haya xukuumada ee hayb ahaan is xigaan sida: Wasiirka Caafimaadka Dr. Xasan Ismaaciil, Wasiirka Maaliyadda Yuusuf Cabdi Raagge, Wasiirka Warfaafinta Cabdiraxmaan Gurri Barwaaqo iyo Wasiirka Waxbarashada Yaasiin Maxamuud Xiir Faratoon.

"Waa muhiim in madaxweynuhu dhiig cusub ku shubo xukuumadiisa, soona xusho koox adag oo dalka ka samatabixisa xaaladdaha adag ee uu ku jiro," ayuu noo sheegay xubin sare oo ka tirsan Xisbiga KULMIYE.

Xukuumadda Muuse Biixi ayaa la kowsatay duruufo siyaasadeed, dhaqaale iyo kuwo bulsheed oo ka dhashay daymo ay uga tagtay xukuumadii Kulmiye ee ka horaysay, colaadaha Ceel Afweyn iyo Tukaraq iyo xanaftii ka dhalatay doorashadii madaxtooyada ee qabsoontay dabayaaqadii 2017.

Faahfaahimo dheeraad oo ay heshay ayaa sheegaya in uu jiro loolan maamul iyo hirdan awoodeed oo u dhexeeyaa Agaasimaha Madaxtooyada Maxamed Cali Bile (Sacad Muuse, ) iyo Xoghayaha gaarka ah ee Madaxweynaha Mubaarig Ismaaciil Taani (Sacad Muuse- ), taas oo gebi-ahaanba gaabis gelisay hawlaha shaqo ee ka socda madaxtooyada oo awalba la dhaliilsanaa in labada masuul la hayb noqdaan madaxweyne Biixi.

"Maxamed Bile waa laga wareejin doonaa madaxtooyadda waayo malaha waayoaragnimo maamul dawladeed oo uu ku dhaqaajin karo shaqada qasriga madaxtooyada. Wuxuu u muuqda shaqsi jecel amaanta iyo kasoo muuqashada warbaahinta," ayuu noo sheegay xubin ka tirsan shaqaalaha Xarunta Madaxtooyada oo ka gaabsaday in aan magaciisa xusno.

Waxa la naawilayaa in dib loo magacaabo Wasiirka Wasaaradda Madaxtooyada oo h**e Muuse Biixi xukuumaddiisa uga saaray. Wasiirkaas oo la filayo in uu noqon doono wasiirka awoodda badan ee Maxamed Kaahin (Habarjeclo, ).

Dhanka kale waxa la filayaa in loo magacaabo wasiir cusub wasaaradda Arrimaha Dibadda oo shaqadeedu hoos u dhacday bilihii u danbeeyey. Wasiirka aadka loo hadal hayo ayaa la filayaa in uu noqdo Mudane Cabdilahi Maxamed Ducaale (Habarjeclo, .)

Wixii warar dheeraad ah ka soo kordha, isha ku hay

06/12/2018

"Falal argagixiso oo lagu bar-tilmaamsanayo dadka reer Galbeedka ah ee ku sugan Somaliland ayaa la qorsheeyey," sidaas waxa lagu sheegay warbixin xasaasi ah oo lagu daabacay bogga gaarka ah ee Dawladda Ingiriiska maanta 11kii June.

Digniinta ayaa ka digaysa in laga feejignaado booqashada meelaha samxada badan ee layskugu yimaado sida hudheelada gaarka ah, munaasibadaha dawladda iyo goobaha kale ee ay booqdaan dadka ajaanibka ah (gaar ahaan garoonka diyaaradaha ee Cigaal).

Digniintan ayaa ku soo beegmaysa laba maalmood kadib markii ciidamada bilayska ee Somaliland la galiyey heegan culus oo lagu ilaalinayo ammaanka caasimada Hargeysa, gaar ahaan suuqyada waaweyn ee WAAHEEN iyo GOBONIMO.

Sida ay noo soo wariyeen xubno ka tirsan Kooxda ayaa noo xaqiijiyo xoggo sirdoon oo la xidhiidh falal is-miidamin ah oo lagu beegsanayo saddex kamid ah hudheelada caanka ah ee Hargeysa, Maansoor Hotel, Ambassador Hotel iyo Guuleed Hotel. Hudheeladan ayaa sida la sheegay kamid ah saddexda hudheel ee ay madaxda Somaliland sida joogtada ah kulanada ugu qabsadaan, waqtiyada gaarka ahna ku bixiyaan.

Dabyaaqadii October 2008, ayaa saddex qarax oo is-miidaam ah laga fuliyey gudaha magaaladda Hargeysa, halkaas oo 24 qof oo ay ku jiraan mas'uuliyiin ka tirsan Xukuumaddii Daahir Rayaale iyo saddex qof oo u dhashay Itoobiya lagu khaarajiyey. Halka 31 qof oo kalena lagu dhaawacay, kadib weeraro lagu qaaday qasriga madaxtooyada, xafiiska ganacsi ee Itoobiya ku leedahay Hargeysa iyo Hayadda Qaramada midoobay ugu xilsaaran Barnaamijka Horumarinta(Undp).

06/10/2018

Guddida Xulista xubnaha Komishanka Xuquuqul Iinsaanka Somaliland ayaa kulan ay shalay ku yeesheen Qasriga Madaxtooyada ku go'aamiya liiska rasmiga ah ee 14ka xubnood ee loo gudbinayo Madaxweyne Muuse Biixi, sidaas waxa u xaqiijey Gudoomiyaha Guddida Yuusuf Kirix.

La soco liiska hordhac ah oo aan halkan idiinku soo gudbin doono.

Somaliland Leaks

06/24/2018

06/24/2018

06/20/2018

06/20/2018

06/19/2018

06/19/2018

06/19/2018

06/17/2018

06/17/2018

06/17/2018

06/12/2018

06/10/2018

Address

Website

Alerts

Shortcuts

Share

Category