10/02/2026
An👇🏾
Jiruu kiyya keessatti qabsoon hamman dandahuun, garaafi qalbii guutun itti hirmaadhe qabsoo Qeerrooti. Gaafa Wayyaanen ni kufti moo hin kuftu jedhamaa ture sanitti hamma Oromoon tokkoometti wayyaanen inuma kufti jennee abdiin dubbataa turre.
Gaafa OPDOn daandii walakkaa dhaabattee bitaaf mirga laalaa turte, hamma dandeenyuun utubnee, jajjabeessinee, tokkummaa Oromoo yoomuu caala wayyaaye uumnee alagaa injifanne.
Abiy gaafa dhufu, hamileen isaa, miirri isaa, onneen isaa, haasaan isaa hundi hedduu nama hawwataa ture. Hedduu keenyatu deeggare, ittiin gammade. Ilaalchi tarkaanfataan inni calaqqisu, egeree abdachiisaa akka biyyaaf tahu abdachaa turre.
Waan hedduu dubbachuun barbaachisaa tahuus baatu, gaafa Qabsaa’aa Ummataa ajjeesuuf murteessee hojiitti seenerraa garaan irraa na cite. Hammamuu gaarii Abiy natti himan, waan gaarii inni hojjate dinqisiifachuu mala taha malee, akka namaatti ilaalchi ani isaaf qabu Fundamentally gaafas jijjiirame.
Inuu nin yaadadha, waggoota muraasaan dura, Magaala Chikaagoo jedhamtu takkatti waahilli, bar isaan keessaa inni xiqqoos taatu fooyyee qaba naan jennaan, rifadhee, sila ni irraanfattemoo bar namtichi kanuma si ajjeesuuf halkaniin iyyaala sitti erge sanii jechuunii kiyya nin yaadadha. Hammam Waahilli aarsaa akka kanfale waanin beekuf, hammamuu siyaasaan waliigalamuus baatu, isa ajjeesuun garuu cubbuu guddaa akka tahetti amana.
Waan sanii as tahe hunda warri beeku inuma beeka. Shira hedduu, cubbuu hedduutu raawwatame, osoo Abiy argu! Kan inni dalage silaafuu heddu! Kan ofii dalageef guyyaan fala haa kennuuf, isa innumti sirreessuu dandahu, waan sirreessuu hin feeneef, dantaa isaa waan hin taaneef malee osoo ajandaa isaa tahee akkuma Pirojektiiwwan mimmiidhagoo hedduu hojjatetti dhimmoota ijoo Ummanni komatuuf irrattis hojjachuu ni dandaha ture.
Amma Waan biraattu dhufaa jira!
Hammamuu wal jaalannus, wal jibbinus, diina fuulduratti Oromoon Oromooma, Sidaamni Sidaamuma, Hadiyyaan Hadiyyuma, inni kuunis akkasuma. Warra Kaabaa ( Tigraayifi Amaara) biratti nuti diinuma. Warri Tigraay xinnoo fooyyee qabaachuu malu. Hamma dandahameen aangoo siyaasaa deeffachuun isaanif abjuu yoomiyyuuti ( keessattuu Amaarri). Tigreen Federaalatti deebi’uu waan hawwitu hin sehu. Amaarri garuu, ji’ootaaf waggootaaf mitii Torbee tokkoof osoo nu bulchitee akkamiin akka nu bulchitu Oromoon numa beeka!
Ammaaf nuti akka Oromootti isaaniif Diina! Abiyyis, Sabni Oromoo bal’aanis, Mormaanis, Mufataanis, Faarsee Bulaanis isaan biratti Tokkoma. Hundi keenyaa diina isaaniti. Akka ilaalcha isaaniitti isaan injifataa tahuuf nuti cabuun dirqama. Kan kana wallaalu ni jira natti hin fakkaatu.
Oromoon guutuun ejjannoo hin daddaaqne qabaachuun isaa dirqama. Hammamuu Abiyyis tahee sirna isaatis jibbinu, diina nutti as deemu ( sababa kamiinuu rakkoo kana keessa seennus), yaadaaf ilaalcha tokkoon fuuldura dhaabbachuun dirqama.
Eeyyen
Warri Kaabaa gadi Mootummaa Federaalaa waraanaa jiru Diina Oromooti! Mootummaa Federaalaatu keenyaaf miti, Xiyyeeffannaan guddaan waraanichaa balaan guddaan inni fidee dhufu nurratti kan fuulleffate waan taheefi. Kanaaf, qaama Kaaba kallattuma isaan irraa ka’anitti deebisu kamuu deeggaruun filmaata waan qabuu miti. Kana dubbachuun ulfaataas tahu, kana malee karaan biraa hin jiru!
Waraanni Bilisummaa Oromoo, hammamuu garee tumsaa waliin hojjachuuf fedhii agarsiisus agarsiisuus baatu waan Kaabaa gadi deemu kana waansaa ni wallaala jedhee ani hin yaadu. Kan Kaabaa gadi deemu osoo taheefii milkaayee handhuura ejjatee WBO kaampii tokkotti naqeet, beenzila itti firfirsee guba!
Dogongorri siyaasaa mooraa keenya keessatti, osoo uumamuun irra hin jiraanne uumamee har’aaf nu saaxile osoo durirraa furameera tahee har’a kuni hundi hin dhufu ture. Erga dhufee, seenawuun falaa miti, of dura tarkaanfachyufi of dura mil’achuutu fala. Qaamni hundi, ilalcha kanarra dhaabbatee herrega siyaasaa herreguu qaba📍📌
Siyaasarraa afaan 🤐 godhadhus, tuni garaatti nan hafini jechumaafi!
Kanuma
Keenyas Oluma
