07/16/2025
تعد/بت وسفرت مدينة اخرى باش نتعلم صنعة 4 سنوات انا نتعلم صنعة كان يعطيني داك سيد 50 درهم في نهارجمعت منها شي براكة والد باع بݣر وشي حولا باش عوني درت محال ديالي راسي وصبرت وخدمت كنت نصور مليون مليون ونص في شهر كنت خدام مزيان وبخير ولكن سخي ونية بزااف كنت نعاون خوتي خسرت عليهم شي 7 مليون ونعاون صحاب دار وكنت نشري طونبيلات مكانش عندي خبرة في حديد خليت فيهم فلوس كنت نبيعهم با نص ثامن وكانت عاد خرجت داك كليو شريتها با با تقسيط سبق 6, وبقيت كل شهر نخلص صدق داك سيد لي شريتها عليه ينصب على ناس وكيزور وطونبيل لي شريت عليها حجز وانا وصلتها شي 10 مليون بلا اصلاحات لي صوبت فيها رجعت باغي غير نتفك بيعتها با 6 عمري مفكرت ولا ندمت هكا كانت عقليتي وكنت خدام بخير حتى واحد نهار واحد عمي رغبني باش نجيب ولدو نعملو معيا جبتو بقا يبات مع صحاب دار يوكلو فيه يشربو فيه ناعس مرتاح ندور معاه وهو كان مراهق يتبع شمكارة في حومة فين ساكنين ويدير والدين مشاكل هضرت معاه عيت نصح فيه على مصلاحتو وهو يهضر مع والديه راه مابغيتش نبقا راه يجري عليا مهم داك ولد عمي دابزنا انا وياه غير با هضرة وصافي طلع ليه دم مشا بحالو مورها بشي سيمانة مبقيش نخدم مع ناس وليت معݣز وليت نكره خدمة نكره مدينة لي حال فيها محال ديالي وليت نحس با صدري مزير عليا ممرتاحش ݣلت والدة نمشي شمال نحل شي محال تما والدة عيات تنصح فيا عيات تݣولي لا لا متمشيش معيشا غالية كرية غالية مهم انا مقدرش نبقا ماشي خاطري مهم مشيت درت مشروع ديالي تما وكان عندي شي بركة وزاد خوتي عونين وشريت برطمة تما ودرت مشروع ديالي وليت عطيها غير نعاس معندي خطر خدمة واصلان وخا نفتح مشروع ميجي عندي حاد جوج دناس في نهار مهم مرة تا واحد مهم قررت نتزوج طحت في بنت الله يعمرها دار صلاة ودين واداب وحشمة تزوجت وتأزمت مبقا عندي تا ريال خوتي رجعو مرة مرة يصيفطو ليا باش نتقدا من بعد مكنت بخير وعلى خير كنصور مليون جوج في شهر وليت كتجيني 100 درهم بحال مليون بنت ناس صابرة معيا مسكينة وليت تا انا نصلي فجر وليت نحل بكري مشروع ديالي ولكن والو ريال منصوروش من بعد مدة قديمة داك محال ديالي قديم لي كنت فيه كان جا واحد يخدم فيه ݣلس فيه شي 3 سنوات واحد نهار بغا يصبغ محال جاب صباغ وداك صباغ لقا سحر تما وهو يتصل بيا ݣالي واش كنت داير نتا شي حاجة محال ݣتلو لا صورلي داكشي ديتو فقيه ݣالي والدي سحرين ليك باش متبقاش حمل مدينة وخدمة ديالك انا عمرني اديت شي واحد ولا ضحكت على شي حد ولا درت شي حاجة غلاط مع شي حد ݣاع ناس يشكروني دمرو ليا حياتي مستقبلي ومشروع ديالي لي كنت فرحان بيه كنت باغي نمشي بعيد فيه دابا وليت نتعشا با شعرية با حليب مع بنت ناس مكرفسين علاش ربي علاش هد ناس محسادين قباحين ومفيهمش رحمة والدة منين عرفت هدشي تبكي ليل ونهار ونفسيتها مريضة ومعندهم خطر خوتي كدالك والدة تحلف وتقبل الى عمي دار داكشي حيث هيا تعرفهم مزيان ݣاتلي دوزو عليا جحيم منين تزوجت با باك دابا ها انا لا خدمة لا مستقبل تزدت ليا بنية مقدرش تا مصروف من بعد مكنت با سيرات وبا فلوس وبا خدمتي وبا مشروعي ولكن غدا امام الله نلتقي الله يأخد حق فلي كان سباب دمار دحياتي تبقا فيا غير هد بنت ناس الله يعمرها سلعة كن عرفت راسي فيا هدشي والله منتزوج بيها ونكرفصها
