Abdelghani bg

Abdelghani bg Contact information, map and directions, contact form, opening hours, services, ratings, photos, videos and announcements from Abdelghani bg, Digital creator, Morocco, IN.

"مرحبًا بكم في صفحتي على فيسبوك! أنا مهتم بنشر مواضيع اجتماعية تهم المجتمع وتحفز على النقاش البناء. سأشارك معكم مقالات، أفكار، وآراء حول قضايا اجتماعية مهمة، بهدف تعزيز الوعي والتفاهم بين الأفراد. تابعوني لتبقوا على اطلاع بأحدث المواضيع والمناقشات!"

احساس مبقاش كيحس
07/18/2025

احساس مبقاش كيحس

هادي 4 شهور ملي تزوجت ببنت عندها 19 لعام وأنا عندي 37 ولكن من بعد العرس عاد عرفت بلي تقولبت ، البنت صغيرة وزوينة شكلا ول...
07/14/2025

هادي 4 شهور ملي تزوجت ببنت عندها 19 لعام وأنا عندي 37 ولكن من بعد العرس عاد عرفت بلي تقولبت ، البنت صغيرة وزوينة شكلا ولكن عقلها مازال بحال دراري صغار مبهللة ، فاش كنهضر معاها غير كتضحك وماكتسكتش، وشي مرات الأب ديالي كيطلب منها شي حاجة بحال جيبيلي قهوة كتجاوبو والله منجيبها ليك وتبقى تضحك بحال شي هبيلة مني كيجيونا الضياف ماكتعرفش تستقبلهم كتجلس وتحل رجليها و تبدا تخربق فالهدرة لدرجة الناس لاحظوها وقالوها ليا. اللباس ديالها كتخليه مخربق، ما كتغسل ما كطيب والو. واحد النهار عرضت على شي صحابي الأم ديالي هي اللي طيباتو هي بقات ناعسة من الضهر حتى للمغرب، وفاش ناضت مشات للكوزينة وقالت ليا كب ليا شي كاس ديال القهوة الحلوف وبقات كضحك ، والله اخوتي راني قانط منها ماقديتش نصبركنفكر نرجعها لدارهم ونسالي، حيث ماقديش نكمل حياتي مع شي وحدة بحالها. عطاوني آرائكم الله يرحم ليكم الوالدين.

انا حاليا عمري 33 سنة، أشتغل كأستاذ للتعليم الابتدائي.. قبل 2022 كنت كأي شخص وصل للثلاثين تيبحث عن فتاة الي يعيش هو وايا...
07/14/2025

انا حاليا عمري 33 سنة، أشتغل كأستاذ للتعليم الابتدائي.. قبل 2022 كنت كأي شخص وصل للثلاثين تيبحث عن فتاة الي يعيش هو واياها الحياة بحلوها ومرها.. للأسف ملقيتش ومكناش غالبا تنتفاهمو بسبب السكن. بحكم تنخدم فجبل.. فهاد السنة 2022 غادي يتم تشخيص الاب ديالي بسرطان. الامر الي خلاني نلتازم معاه ونعطي وقتي وجهدي له، لدرجة مبقيتيش تنفكر فموضوع الزواج..
2023 غادي يتوفي الاب الله يرحمو الأمر الي غادي يدخلني فواحد الحالة نفسية لدرجة مبقيتش عارف الوقت متى داز، وگاع الايام عندي بحال بحال، كي الصيف كي الشتاء... حتى لهاد رمضان فاش غادي نكون تنفطر مع امي وخوتاتي وهي تقول لي: هذا رمضان التاني الي داز على باك الله يرحمه!! هنا بحال شي واحد صرفقني ومعرفتش كيف دازت تقريبا عامين ... وعرفت أن العمر لعب لعبتو بيا، وانني وصلت ل33 سنة بلا منشعر.. ورجعت تاني تنقلب على بنت للزواج، والله منكذب عليكم الا تقريبا من رمضان الا الان شي ستة البنات تنتقدم لهم كلهم تيرفضو... انا من اللول تنشرط عليهم الخدمة لا، الي حتاجيتها وكانت قدر المستطاع نوجدها لك، قابلي غير دارك ووليداتك والي ثقالت عليك خفافت عليا، وقرايتك الا بيتي تكمليها معنديش مشكل... الاجابات ديالهم الي تتقرا بغات تخدم.. وهذا من حقها. الي مكتقراش حتى هي بغات تخدم... وتاهي من حقها. وحدة قالت لي انا بغيت نحبس من القرايا ومبغيتش نخدم. قلت لها مزيان وفين المشكل؟ جاوبتني متنفكرش في الزواج من دابا!! وحدة قالت لي بغيت نسكن بوحدي وماشي في جبل بغيت المدينة...
الحاجة المشتركة بين هاد البنات كاملين انهم من عائلات فقيرة وعادية، وانا نتساءل مع نفسي لو انني نويت نمشي عند شي وحدة عائلتهم لباس عليهم، كن عيطو ليا على البوليس....
حاجة اخرى تأكدت منها ومزال عندي امال نلقى العكس والي هي تاوحدة فهادو تقريبا مكانت عاطية اهمية لشخص الرجل الي غادي تزوج به، بمعنى واش تيصلي ولا لا، تيكمي ولا لا، ترضون خلقه، يقدر على القوامة.. الخ من الامور الي وصى عليها الدين في اختيار الزوج او الزوجة.. مع العلم تقريبا هادو والديهم الله يعمرها دار ودراوش ومتدينين..
نتمنى منكونش طولت عليكم.
بغيت نسمع أراءكم
والله يوفق الجميع

سلام عفاك بلا سمية انا خطبني واحد ولكن شرط عليا واحد الشرك، هوا من الناحية المادية ميسور الحمدلله غي طموبيل ساوية شي 50م...
07/13/2025

سلام عفاك بلا سمية
انا خطبني واحد ولكن شرط عليا واحد الشرك، هوا من الناحية المادية ميسور الحمدلله غي طموبيل ساوية شي 50مليون ، وقاليا ندير لك احسن عرس والصداق دكشي اللي شرطي نعطيه ليك،ولكن شرطو هوا اللي وسوسني وخلاني مخربقة ،قالي نبات عندو فالليل وفالصباح يجيبني لدارنا ندوز عندهم النهار حتى الليل مور العشا ويجي يديني تاني نبات معاه فالدار وصباح يرجعني .فاش سولتو علاش قالي باش نبقاو عزاز ونتفاداو الصداع بناتنا وقالي ندير لك صالير ديالك كلا شهر ويوفر ليا كلشي حوايج ماكلة ويفي باش منقولش زعما راه غي طامع فيا وباغي دوز الوقت ولا باغي غي يستافد مني ،وعاود زاد قالي تاني منولدوش الدراري.
صراحة انا تخربقت معرفتش واش نتيقو ولا لا جاني هدشي فشكل وفنفس الوقت مباغاش نتفارق معاه💔🥺

انا مزوجة ومزال مامشيت عندو كنهضرو ابيل ڤيديو وكيعيب فيا عصبني تفو شحال فيه دتعياب ، كرهتو شي سيمانة ماهضرنا فيديو وليوم...
07/12/2025

انا مزوجة ومزال مامشيت عندو كنهضرو ابيل ڤيديو وكيعيب فيا عصبني تفو شحال فيه دتعياب ، كرهتو شي سيمانة ماهضرنا فيديو وليوم هضرنا ومقادة ليه زعما وشادة شعري جامعاه غير خفيف وكلو مطلوق المهم شافني قالك مالكي دايرا كي الخلعة دوزتها ضحكت قاليا سدي غير فمك وهوا فيه كولوميط وكايضحك شوية تاني قاليك ضعافيتي علاش ضعافيتي وانا نقطع هضر معايا جوج مساجات وغبر من تما حتا تصبحي على خير مقالها ليا فقصني تفو شنو ندير معاه البنات وهادشي كلو عندو غير ضحك ولكن البنات الضحك مكايجرحش
#رسائلكــــــــم

خطيبتي عندها 4 الخواتات وكلهم مزوجين ،لاحظت ان خطيبتي كتضحك على اي حاجة كيقولها راجل ختها وكتجاوب معاه فالهضرة واي حاجة ...
07/12/2025

خطيبتي عندها 4 الخواتات وكلهم مزوجين ،لاحظت ان خطيبتي كتضحك على اي حاجة كيقولها راجل ختها وكتجاوب معاه فالهضرة واي حاجة كيقولها كتموت بالضحك وحتى هوا كيبات بزاف عندهم ، وحنا كعائلة مختالفين بزاف فهاد الأمور، معندناش شي حد كيبات ولا نباتو عند شي حد وهادشي خلاني منكري ومعجبني حال ، خصوصا الضحك والهضرة الزايدة وكتوصل بيه شي مرات كيبقا يقيسها كاع، وكتلها هدشي راه معجبنيش وميمكنش نبقاو على هاد الحال ، قالت ليا صافي مبقيتش نضحك معاه اللي كلتيه انديرو ،والغد ليه عيطات ليا الأم ديالها بقات كتغوت عليا وكالت ليا رجل بنتي محترم وهما بحال الخوت وقاتلي باغي تفرق بين بناتي وبقات كتغوت،قلت لها بنت كدوز قدامو بشعرها مطلوق قاتلي راه عادي هوا فحال خوها راجل بنتي محتارم، دبا اللي زاد قلقني هوا خطيبتي كتعاود كلشي لمها وخواتاتها حتى الأمور الشخصية بناتنا ونبهتها ولكن مزال كتعاود ليهم ،
زيد عليه الرد ديال الأم ديالها اللي معجبنيش وكان جارح، كنفكر نلغي هاد الخطوبة نكولها الله اسهل عليك شنو تنصحوني ندير فهاد الحالة؟

🔴 عتقوني راني فمصيبة كحلة 🥺… راجلي دخل لواتساب ولقى واحد المحادثة بيني وبين ختي، كنا كنهدرو على واحد السيد لي كنت معاه ف...
07/10/2025

🔴 عتقوني راني فمصيبة كحلة 🥺… راجلي دخل لواتساب ولقى واحد المحادثة بيني وبين ختي، كنا كنهدرو على واحد السيد لي كنت معاه فواحد الوقت وكان ناوي يخطبني، وكان ميسور ماديا (لاباس عليه). ختي قالت ليا كون تزوجتي بيه، كون راكي دابا راكي عايشة بحال الملكة وأنا جاوبتها الله غالب ندمت، كون تزوجتو كون دابا راني فداري وماشي فالكراء، كل مرة طالعين نازلين مع المشاكل ديال الكرا والمصروف ، المهم راجلي سمع كلشي حتى الفوكالات، وجابني للكوزينة وسمعني ليهم واحد بواحد. وقف في وجهي وقاليا بيناتنا المحكمة آ بنت الناس، سيري عند داك صاحبك لي لاباس عليه وتزوجي بيه باش تعيشي ملكة، أنا هدا هو لي قدرت نوفر ليك، وراني كنتقا.تل باش نعيشك بخير، وانتيا وصلتي لدرجة تجبدي راجل آخر من فمك وتعيري العيشة لي عندك؟ الله يعاونك، ما بقا عندي مندير بيك.
أنا دابا حاسة براسي غادي نتفركع من الندم والخوف، شنو ندير؟ عفاكم نصحوني 🥺💔

#رسائلكــــــــم

عتقوني 😭😭😭😭😭😭 كنحس براسي تقولبت راجلي شرا دار بسميتو غزاااالة ولكن الكريدي ديالها غالي بزاف ما كيشيط والو يالله كيبقى لي...
07/10/2025

عتقوني 😭😭😭😭😭😭 كنحس براسي تقولبت راجلي شرا دار بسميتو غزاااالة ولكن الكريدي ديالها غالي بزاف ما كيشيط والو يالله كيبقى ليه فلوس الطوموبيل ديالو وانا لي كانخلص كلشي فالدار لحكم هو متكلف بالكريدي وانا الشي لخور،كنا كنهضرو البارح قال ليا واش ممكن تسلفيني قلت ليه ما كيبقى لي والو فالصالير كلو كيمشي على الدار والدراري قال ليا باركة من الكدوب ضروري تكوني كتجمعي باش ديري دارك قلت ليه علاش غنديرها هدي معجباتكش قال ليا هدي داري انا ماشي خاسر عليها د_م جوفي باش تفطحي فيها انت لا بغيتي دارك جمعي ليها.عرفتو بحال الى صرفقني شداتني البكية والشمتة عشر سنين كانصرف فالدار مغنخرج بوالو حتى طوموبيل ما عندشي.....😭

راجل ختي ف 2021 كان عايش مزيان عندو طموبيل ساوية 170 مليون وساكنين فيلا تسوا الملاين وأراضي ومحلات بلا حساب .....ولكن ف ...
07/09/2025

راجل ختي ف 2021 كان عايش مزيان عندو طموبيل ساوية 170 مليون وساكنين فيلا تسوا الملاين وأراضي ومحلات بلا حساب .....
ولكن ف 2025 حياتو كاملة تبدلات ولا داير كروسة كيجمع الخبز يبيعو باش يعيش مشا ليه كلشي💔💔

#رسائلكــــــــم #أخبار #اختراعات #اخبارالمغرب #اخباراليوم #المغرب

أنا مهندس مزوج وعايش فالدار البيضاء تقريبا من 5 سنوات حنا 2 خوت و البنت. العادة ديما، إلا جا شي واحد من عائلتي، كيبقى ن...
07/09/2025

أنا مهندس مزوج وعايش فالدار البيضاء تقريبا من 5 سنوات حنا 2 خوت و البنت. العادة ديما، إلا جا شي واحد من عائلتي، كيبقى نهار ولا يبات ليلة ويمشي، وعلى فترات متباعدة.
من عام ما**ت خويا فحادث هو ومراتو وولادهم، ومن بعد بشهر من الصدمة الوالد طاحت عليه جلطة وما**ت حتىى هو ، وبقات الوالدة الله يصبرها ، فشهر رمضان جبت الوالدة تجلس معانا. والله كتنوض تصاوب لينا الفطور والصحور، وتنظف وتعاون فالمطبخ، وولادي كيبغيوها بزاف. ماكان حتى مشكل، كلشي كان مزيان.

فجأة مراتي قالت ليا واش أمك غادي تبقى معانا الشهر كامل؟ خليها تمشي تجلس شوية عند بنتها جاوبتها هي فدار ولدها، إلا بغات تمشي أنا نوصلها بسيارتي"
قالت لي لا ركبها فالطران ولا الكار ماشي ضروري توصلها"
قلت ليها هاد الدار داري ودار أمي، وما نقدرش نقول ليها تمشي، إلا شي حد بغا يمشي يمشي براحتو"
مشات، خذات ولادها ومشات.

الوالدة منين عرفت قالت لي ما بغيتش نخلق ليك مشاكل غادي نرجع لداري"
مشيت وصلتها للفاس ورجعت و مشيت لعند نسيبتي باش نرجع مراتي وقلت ليها دابا وخا وقع لي وقع الله يسامح قالت ليا انت كتفضل أمك على بنتي؟ بنتي هادي"
قلت ليها آه هادي أمي، وهذا غير موقف وداز وخلاص"
قالت لي دار بنتي ما يدخلها حتى حد من عائلتك مرة أخرى!" قلت ليها شنو؟ الدار ديالي أنا وديال أمي وإذا جات غادي نبوس رجليها صباح وعشية ونهزها فوق راسي"
قالت لي هزها بعيد على دار بنتي."
جاوبتها بنتك ما عندها لا دار لا زفت، وهادي ماشي تربية ولا أصل عيطت على مراتي قلت ليها غادي ترجعي معايا ولا لا "
قالت لي أنا وماما متافقين، نرجع بشرط أمك ما تدخلش عندنا، و مك ماكتعرفش حتى تهضر و اللهجة ديالها ماكنفهموهاش بحكم الام ديالي أصلها من الريف
قلت ليها أمي ولهجتها تاج فوق راسك وراس امك ، ورميت عليها الطلاق ومشيت.
دبا واش أنا غلطان ؟

#رسائلكــــــــم

عكوزتيي كاتمـ/وت وطلبت مني السماحة ولكن أنا ما بغيتش حتى نشوفها ولا نسامحها، حيث كانت السبب الرئيسي فطلاق ديالي وأنا عند...
07/09/2025

عكوزتيي كاتمـ/وت وطلبت مني السماحة ولكن أنا ما بغيتش حتى نشوفها ولا نسامحها، حيث كانت السبب الرئيسي فطلاق ديالي وأنا عندي 4 ديال الولاد.
زوجات ولدها بوحدة أخرى وأنا باقي مراتو، ومرمدت حياتي واتهماتني فشرفي، وقالت باللي الولاد ماشي ولادو وباللي جبتهم من رجال خرين، وظلماتني بزاف.
دابا عندهم سيمانة وهما كيجيبوا ناس كبار وحتى الإمام باش يسولوني نسامحها، ولكن أنا ما قادراش، قلبي عامر وما قدرش نغفر ليها. واش أنا غالطة؟

إنا لله وإنا إليه راجعون... اليوم إنتهت "القصة" وأعْلنَتِ 😢الخيول "الحداد"
07/09/2025

إنا لله وإنا إليه راجعون... اليوم إنتهت "القصة" وأعْلنَتِ 😢الخيول "الحداد"

Address

Morocco, IN

Website

Alerts

Be the first to know and let us send you an email when Abdelghani bg posts news and promotions. Your email address will not be used for any other purpose, and you can unsubscribe at any time.

Shortcuts

Share

Category