Oromia Stars

08/21/2025

Ergaa
Guyyoota itti-aanan Roobni lolaa hamaa qabu uumamuu malaa jedhame.

OS - Hagayya 21, 2025:
Guyyoota 11'n dhufan keessatti roobni biyyattii bakka adda addaatti roobu balaa loala tasaa geessisuu kan danda’u ta’uu Dhaabbanni Raaga Haala Qilleensaa Itoophiyaa akeekkachiise.

Dhaabbatichi guyyoota kudha tokkoon dhuma ji’a Hagayya kanatti mallattoowwan rooba cimaa mudachuuf jiru agarsiisan jabaatanii mul'achaa jiru jechuun hawaasni of eeggannoo gochuu akka qabu akeekkachiiseera.

Huurrii jabaa aduun uumaman hordofee, bakkeewwan tokko tokkottis lageen guutuu fi darbees balaa lolaa tasaa mudachuu danda’us jedhe.

Kutaalee biyyatti Naannolee lixaa, Kaaba lixaa, kaabaa fi giddu galeessa biyyattiitti bokkaan miilimeetirri 30, sa’aatii 24 keessatti roobuu akka danda’us ragaan jiru ni agarsiisaa jedhe.

Dabalatas, kaabaa bahaa fi baha biyyattiitti haaluma wal fakkaatuun bokkaan hammaan giddu galeessaa fi cimaan roobuu akka danda’us ibseera.

Hordoftoota keenya Odeeffannoowwan dabalataa biroo argachuuf YouTube Oromia Stars :👇https://youtube.com/?si=_5Nhin7bOq5YfCKk
Telegram: https://t.me/OromiaStarsà0à0,

08/21/2025

Raashiyaan haleellaa diroonii fi misaa'elaa Yukireen irratti raawwatte.

OS - Hagayya 21/2025
Angawoonni Yukireen akka himanitti Raashiyaan haleellaa guddaa hanga ammaatti raawwattee hin beekne Yukireen irratti raawwattetti jedhan.

Akka gabaasa BBCtti Raashiyaan diroonii 574 fi misaa'ela 40 gara Yukireenitti furguggifteetti. Haleellaa kanaan namni tokko yoo du'u 15 ammoo madaa'aniiru.

Haleellaan Miilanaa kun daran Dubbii hammeessuun isaa hin oolle.
Yaaliin Presidaanti Tiraamp haraaraaf taasisaa jiranis milkii malee hafuu isaati.

Zeleniskiin Tiraamp Waliin wal-arguuf eeyyamamaa ta'uu isaa himeera ture, ta'us Dubbiin gara Raashiyaatii dhaga'ame faallaa kanaati.

08/21/2025

✍️Waraanni humni eeggataan kumni 60 waamame...,
✍️Erteraan waa'ee ulaa galaanaa dubbachuu dura walabummaakoo kabajaa jette...,
✍️Waraanni Yuukireeniifi Raashiyaa yaalii Tiraamp taasisaa jiraniin Abdiin xumuramuu isaa shakkiin uumame...,
✍️Daangaan Oromiyaa Kara Aanaa baabbileen MN Somaaleen sarbamuun himame
Oduuwwan kanneeniifi kan biroo kunoo asii argattu👇
https://youtu.be/QtcnWP-qYwY?si=5-0Q62WNcvF2ZfuX

Waraanni kumni 60 waamamuun yaaddoo uumeera.

08/20/2025

Harargee Bahaa Aanaa Baabbilleetti Mootummaa Naannoo Somaalee Lafa 60km darbuun Uummata qubsiisaa jiraa jedhame.

Hagayya.20/2025
Godina Harargee Bahaa Aanaa Baabbilleetti mootummaan naannoo Somaalee lafa kiilomeetira 60 darbee dhufee uummata qubsiisee magaalaa ijaarratee jiraa jedhame.
Oromiyaa keessa kiilomeetira 60 seenanii magaalaa Baabbillee irraa gama Kibbaatiin kiilomeetira 8 irratti uummata fidanii qubsiisuu maddeen himuun,Akkuma bara Wayyaanee Abdii Ileen godhaa turetu ammas itti fufee jiraa jedhaniiru.

Toftaan mootummaa naannoo Somaalee fageenya dheeraa darbanii uummata qubsiisuun qubsuma ijaaruu lafa qubannaa sana duuba jiru bira darbanii dhufan immoo ergasii kan ofii taasifachuu akka ta'e Jiraattonni Naannoo sanii himaniiru.

Hordoftoota keenya Odeeffannoowwan dabalataa biroo argachuuf YouTube Oromia Stars :👇https://youtube.com/?si=_5Nhin7bOq5YfCKk Telegram: https://t.me/OromiaStarsà0à0,

08/20/2025

Awustiraaliyaan "Yihudoota biyya ishee jiran tiksuu hin dandeenye" - MM Israa'el.

OS - Hagayya 20/2025
Muummichi Ministiiraa Israa'eel Beeniyaamiin Netaaniyaahuu Awustiraaliyaan "Yihudoota biyya ishee jiran tiksuu hin dandeenye" jechuun komatan.

Inumaayyuu kan ta'an Antoonii Albaanis arraba jabaan tuqe.

Kanuma hordofees Ministiira Muummee Awustiraaliyaa Antoonii Albaanis "nama siyaasaa dadhabaa ta'uusaatiin" seenan isa yaadata jechuunis qeeqan.

Awustiraaliyaan Filisxeemiif beekamtii biyyummaa kennuu qofa osoo hin taane, namni siyaasaa leellistummaan beekamuufi kaabinee bulchiinsa Netaaniyaahuu ta'e Simootirich Bizaali'eel biyyattii akka hin seenne uggurtee ture.

Kuni ammoo Netaaniyaahuu heddu aarse. Ministiirri Muummee Awustiraaliyaa Antoonii Albaniis "Israel ganeera", Hawaasa Yuhudootaa Awustiraaliyaa keessa jiranis "ganeera" jechuun ibse.

Dubbii Netaaniyaahu kana booda Antoonii Albaaniis dhimma kana "dhimma dhuunfaa godhee hin fudhu" jedhan. Nagaa Ajjeesuunis guddummaa ofii agarsiisuun hin danda'amuu jedhan Albaaniis.

Israa'el waraana gaazaatti heggeessaa jirtuufi, yeroo dhihoo ammoo gaazaa dhuunfachuuf wixineen murteessite boyyoota hedduu biratti mufii uumeera.

Hordoftoota keenya Odeeffannoowwan dabalataa biroo argachuuf YouTube Oromia Stars :👇https://youtube.com/?si=_5Nhin7bOq5YfCKk
Telegram: https://t.me/OromiaStarsà0à0,

08/20/2025

Waraana Yuukireen dhaabuuf yaalii Presidaat Tiraamp taasisaa jiran milkii dhabuu danda'aa jedhame.

OS - Hagayya 20/2025
Presidaantiin U.S Donaald Tiraamp waraana yuukireenitti xumura gochuuf kallattii hundaan yaalaa jiru.

Torbanuma kana jalqa Alaaskaatti Puutiin waliin erga dubbatan booda, Presidaanti Yuukireeniifi Hoggantoota biyyoota Awurooppaa waliin haasa'aniiru.

Turtii geggeessitoota biyyoota Awurooppaa presidaantii yookireen Zeleniskii waliin dubbatan boodas Puutinitti bilbiluun marii marsaa biraa Presidaantii yuukireeniifi Raashiyaa waliin haasa'uuf akka jiran dubbatanii turan.

Ta'us amma oduun bahaa jiru puutiin Waamicha marii Tiraamp Zeleniskii waliin akka wal-argan dhiyeessan Raashiyaatti fudhatamummaa argachaa hin jiruu jedhame.

Pirezidant Tiraamp Puutiinii fi Zeleeniskiin walitti dhufanii akka waraana dhaabuuf mari'atan yaada dhiyeessan, Raashiyaan busheessiteetti.

Presidaantii Faransaayi Imaanuel Maakiroon Raashiyaan fedhii nagaa buusuu hin qabdu jedhanii turani. Kunis isa amma Raashiyaan jechaa jirtu mirkaneessa.

Silaa hoggantoonni kunniin Hangaariitti wal-argu jedhamee ture. Haala amma jiruun garuu Mariin nageenyichaa waan milkaa'u hin fakkaatu.

Hordoftoota keenya Odeeffannoowwan dabalataa biroo argachuuf YouTube Oromia Stars :👇https://youtube.com/?si=_5Nhin7bOq5YfCKk Telegram: https://t.me/OromiaStarsà0à0,

08/20/2025

Waraana Bobbaasna...,

08/19/2025

Puutiniifi Zeleniskiin Hangaariitti wal arguuf jiru jedhame

OS - Hagayya 19/2025
Pireezidaantiin Raashiyaa, Vilaadmir Puutiniif giti isaanii Yuukireen Volodmiir Zeleniskiin, Hangaarii Budaapestitti wal arganii akka mari’achuu danda’an gabaasaleen agarsiisaa jiru.

Zeleniskiin marii kaleessa Tiraamp waliin Waayit Haawusitti taasisan hordofuun Pireezidaant Puutin waliin mari’achuuf qophaa’aa ta’uu isaanii beeksisaniiru.

Pireezidaant Tiraamp dhimmoota Zeleniskii waliin irratti mari’atan ilaalchisee Puutiniif bilbilanii, daqiiqaa 40 ta’u waliin dubbatanii jiru.

Puutiin, Yuukireen miseensa NATO hin taatu jechuun irra deddeebiin ibsuu isaanii itti fufaniiru.

Zeleniskiin kanaan dura Puutin, ifaajjii nagaa, waraana dhaabuutti bishaan naqaa jira jedhan, amma garuu Raashiyaa waliin mari’achuuf fedhii qabaachuu isaanii beeksisaniiru.

Pireezidaant Tiraamp mariin Waayit Haawusitti Zeleniskiifi gaggeessitoota Awurooppaa waliin taasisan milkaa’aa ta’uu isaa ibsaniiru.

Tiraamp haala kan mijeessan yoo ta’u, mariin Puutiniifi Zeleniskiin irratti hirmaatan Budaapestitti adeemsifamuu akka malu CGTN gabaaseera.

Hordoftoota keenya Odeeffannoowwan dabalataa biroo argachuuf YouTube Oromia Stars :👇https://youtube.com/?si=_5Nhin7bOq5YfCKk
Telegram: https://t.me/OromiaStarsà0à0,

08/18/2025

Presidaant Tiraamp Zeleniskii erga simatan booda Marii Hoggantoota Awurooppaa Waliin taasisan;

Tiraamp marii Zeleniskii waliin gaggeessuu dura, gaggeessitoota biyyoota Awurooppaa waliin marii taasisaniiru.

Tiraamp marii Zeleniskii waliin erga taasisee booda Puutiinif akka bilbilu beeksisuun, Puutinifi Zeleniskiin wal-arguun akka mariyatan gochuuf akka yaalu waadaa gale.

Gaggeessitoonni biyyoota Awurooppaa Puutin dhukaasa akka dhaabuuf Tiraamp dhiibbaa akka godhu gaafataniiru.

Tiraamp ammoo "Hundi keenyayyuu dhukaasi akka dhaabatu ni barbaanna," jechuun waraanichi akka dhaabatuufi biyyoonni lamaan akka waliigalan gochuuf akka hojjatu dubbate.

08/18/2025

✍️Hariiroon TPLF, Faannoo fi Shaabiyaa Mirkanaa'aadha, Qophii waraanaarra jiru - Let/J/Yohannis
✍️Murtoo jabduu Presidaantii Bu/Y/Tigiraayi...,
✍️Waajjira Paartii Mootummaa Mormitootaan gubatee...,
✍️Tiraamp, Zeleniskiifi Hoggantoota Awurooppaa...,
Oduuwwan kanaafi kanneen biroo argachuuf kunooti👇
https://youtu.be/5YU6ZQf5xNw?si=Db8EDt7VmCArkD1C

Qindeessummaa Isaayyaasiin Shaabiyaa, TPlF fi Faannoo hariiroo tolfataniiru J/ Yohannis

08/18/2025

Hezboollaan hidhannoo kan hiikkatu yoo ta’e, Israa’elis Liibanos keessaa bahuu qabdi jette US.

OS - Hagayya 18/2025
Hezbollaan hidhannoosaa hiikkatee mootummaa Libaanositti akka kennuuf karoora qophaa'etti Israa'el walii galuu akka qabdu dippilomaatii US kan ta'an Toomaas Baaraak ibsan.

Akkaataa laroora dhiyaate jedhameetti, Hezbollaan dhuma bara kanaatti hidhannoo akka hiikkatuufi Israa'el ammoo haleellaa Libaanos keessatti gaggeessitu dhaabun loltootashee Kibba Libaanos keessaa guutummaan akka baastudha.

Hezbollaan hidhannoo akka hiikkatuuf kaabineen Libaanos jalqaba ji'a kanaa murteessee ture.
Hezbaollaan garuu hidhannoo akka hin hiikkanne ibsuun, inumaayyuu hidhannoo kan hiikkatu yoota’e waraanni waliiwaliinii ka’uu danda’a jechuun akeekkachiisee ture.

Hordoftoota keenya Odeeffannoowwan dabalataa biroo argachuuf YouTube Oromia Stars :👇https://youtube.com/?si=_5Nhin7bOq5YfCKk
Telegram: https://t.me/OromiaStarsà0à0,

08/18/2025

Yuukireen miseensa 'NATO' hin taatu jedhan Tiraamp
‎
OS - Hagayya.18/2025
Pireezidaantiin Ameerikaa Doonaald Tiraamp wayita gita isaanii Yuukireen Volodimir Zelesinkii simachuuf qophaa’aa jiranitti Yuukireen Miseensa Miseensa NATO ta’uu akka hin dandeenye dubbatan.
‎
Dabalatas ‎Raashiyaan, kutaa biyya Yuukireen keessaa Kirimiyaa bara 2014 weeraruun humnaan fudhattes deebisuu akka hin dandeenye dubbatan Tiraamp.
‎
‎Zeleniskiin Marii Tiraamp waliin qabaniif har’a Waashigitan DC galaniiru.
‎
‎Marii Zeleniskiin Pirezidaant Tiraamp waliin Waayit Haawusitti mari'atan kanarratti qondaalonni Awurooppaa hedduun akka argaman himamaa tureera.