DS TV7

DS TV7 DS TV7,Est un Média en Ligne Dans le monde Médiatique.Information,Formation et Divertir.
☎️:+50941784654/+50946845542

Jodia Ann pale de move enèji Move enèji kapab pase nan touche oubyen menm nan lè (l’air) paske enèji se yon vibrasyon. L...
10/12/2025

Jodia Ann pale de move enèji

Move enèji kapab pase nan touche oubyen menm nan lè (l’air) paske enèji se yon vibrasyon.

Lè w pran move enèji pa touche
1. Touche dirèk: Lè w manyen yon moun ki gen gwo chay emosyonèl (tristès, rayisab, jalouzi), enèji sa ka transfere sou ou, sitou si ou ouvè espirityèlman.

2. Objè oubyen bagay yo touche: Move enèji ka rete nan bijou, rad, mèb, telefòn, elatriye. Si w manyen yo, ou ka pran ti pati nan vibrasyon sa.

Lè w pran move enèji pa lè (l’air)
1. Vibrasyon nan espas: Chak kote gen frekans. Si yon espas chaje ak move panse, diskisyon, oubyen jalouzi, lè a vin lou, e w ka absòbe enèji sa lè w antre ladan.

2. Respirasyon: Lè w respire nan yon plas ki gen move vibrasyon (tankou kote moun ap plenyen, kriye, or fè rityèl negatif), kò ou pran enèji sa tou.

3. Sans espirityèl ou: Si w gen anpil sansiblite (tankou yon moun espirityèl or klèvoyan), w ka santi enèji yo menm san w pa manyen anyen.

Kijan pou pwoteje tèt ou
toujou pirifye tèt ou ,bazilik, sèl, dlo ,florida .

Fè beny pwoteksyon .

Ou ka Pote wòch pwoteksyon, tankou obsidian, tourmaline.

Limen balèn blan pou netwaye vibrasyon ‘w .

Priyè chak swa pou retire sa w ka pran pandan jounen an.

✍🏾✍🏾✍🏾:katemètrèsla abòne ak DS TV7

1. Jwenn non bitasyon w (premye granmoun nan lakou a)Pou konnen ki lwa ki mache nan lakou w, ou dwe premye idantifye zan...
10/12/2025

1. Jwenn non bitasyon w (premye granmoun nan lakou a)

Pou konnen ki lwa ki mache nan lakou w, ou dwe premye idantifye zansèt ou oswa moun ki te responsab nan fanmi an:
• Non Manman ak non Papa: se premye etap pou konnen “bitasyon” ou.
• Sa mande obsèvasyon, pale ak granmoun nan fanmi oswa moun ki toujou viv nan lakou a.
• Rekòlte detay sou yo: sa yo te renmen manje, koulè yo te renmen, jan yo te abiye, sa yo te renmen bwè.
• Egzanp: si yon granmoun te renmen pwa nwa ak dlo kokoye, sa ka fè pati rityèl ou lè w ap fè ofrann.
• Koulè oswa bagay fizik yo te renmen sèvi kòm senbòl nan travay ak lwa yo.

2. Idantifye ki lwa ki mache ak yo
• Lè ou konnen abitid ak preferans granmoun lan, ou ka wè ki lwa oswa “spirit” li te konekte avèk yo.
• Ou ka konsilte Baron oswa lòt lwa ki gen nan pantheon ou travay avèk yo pou verifye:
• Ki lwa ki ka enfliyanse oswa gide travay ou.
• Ki ofrann oswa rit ki mache ak chak lwa.
• Konsèy la se toujou fè demann pou enfòmasyon, montre respè, epi peye oswa fè ofrann jan tradisyon mande pou pa kite “detè” oswa defo nan transmisyon konesans.

3. Konsilte avèk respè
• Lè w konsilte yon lwa tankou Baron, ou dwe fè sa ak onètete:
• Di ki objektif ou: aprann, rekonèt bitasyon, oswa travay espirityèl.
• Fè demann pou “ti ide” oswa gidans, san ou pa mande tout detay dirèkteman.
• Fè yon ofrann oswa yon pawòl rekonesans pou montre respè.

Egzanp pawòl:
“Mwen vini avèk respè pou m konprann bitasyon mwen ak lwa ki mache avèk yo. Tanpri, montre m yon siy oswa bay yon ti gidans pou m fè sa ak respè.”

4. Evite konfli ak moun vivan
• Ou pa bezwen depann sou gangan oswa manbo fanmi yo pou chak etap; yo ka gen enterè oswa kondisyon yo.
• Konsilte lwa yo dirèkteman oswa fè rityèl ki respekte bitasyon ou.
• Sa evite konfli, epi li garanti ke enfòmasyon ou jwenn yo pa twonpe w oswa kite “detè” nan jenerasyon yo.

5. Aplike konesans nan aksyon
• Lè ou gen non granmoun yo, sa yo te renmen, ak lwa ki mache avèk yo, ou ka fè rityèl oswa ofrann ki onore zansèt ou pandan w ap travay ak lwa yo.
• Sa fè yon chemen klè epi kout, paske ou konnen ki lwa ki gide chak aksyon, san ou pa depanse fòs nan konfli oswa move enfòmasyon.

✍🏾✍🏾✍🏾: Marie Avila Pierre-Saint

Abòne ak DS TV7

Aux Gonaïves, le journaliste Salomon Noël fait l’objet de menaces de mort de la part d’un policier de l’Unité de Maintie...
10/07/2025

Aux Gonaïves, le journaliste Salomon Noël fait l’objet de menaces de mort de la part d’un policier de l’Unité de Maintien d’Ordre (UDMO). Le policier a même dégainé son arme à feu sur le journaliste, qui a failli y laisser sa peau sans l’intervention de plusieurs passants.

Les faits :
Ce lundi matin, au guidon de sa motocyclette, le journaliste de la radio Antenne Continentale aux Gonaïves, également correspondant de la radio Zénith FM, venait de déposer un de ses enfants à l’école. Sur le chemin du retour, sa moto a failli entrer en collision avec celle d’un chauffeur de taxi-moto transportant un policier de l’UDMO. Heureusement, l’accident a été évité et personne n’a été blessé.

Cependant, le policier, se sentant investi d’une autorité excessive, a ordonné au conducteur du taxi-moto de ralentir. Aussitôt, il a dégainé son arme et l’a pointée sur le journaliste. Heureusement, de nombreux passants assistaient à la scène.

Le policier aurait alors lancé : « Je te tuerai ! », avant de repartir.

Salomon Noël qui se dit être traumatisé, compte porter plainte contre ce caïd en uniforme.

Aux Gonaïves, les journalistes font souvent l’objet de menaces de mort de la part de certains policiers mal formés et irrespectueux de la liberté de la presse.

Ronel PAUL.

́delapresse



Maison des journalistes MDJ

🌟✨ Diferans ant Anj gadyen ak Yon Gad! 👼🏾⚔️💫M sezi wè anpil ougan 🧙🏾‍♂️ ak manbo 🔮 ki gen gwo renome 🌍 anndan peyi a 🇭🇹 ...
10/07/2025

🌟✨ Diferans ant Anj gadyen ak Yon Gad! 👼🏾⚔️💫

M sezi wè anpil ougan 🧙🏾‍♂️ ak manbo 🔮 ki gen gwo renome 🌍 anndan peyi a 🇭🇹 paka fè diferans ant yon anj gadyen 👼🏾 ak yon gad 🛡️💥

🕊️ Yon anj gadyen se yon espri limyè 🌞💎 ki bò kote chak moun depi 1 jou moun sa soti nan vant manman l 👶🏾💖
Anj gadyen an la pou l gide moun sa 🌈✨, pwoteje l 🛡️🌿, avèti l lè l an danje ⚠️🔥
Se yon fòs diven 🌠👑 ki pat janm viv sou tè a 🌍, li travay ak limyè 💫, priyè 🕯️, ak bon aksyon 💖🌸
Moun ka santi prezans li nan rèv 🌙💭, entuisyon 🌟, oubyen lè w fè yon priyè entans 🙏🏾💫 pou li
Se li menm ki oryante moun sou bon direksyon ➡️🌿 san yo menm pa toujou rann yo kont 🌈💎

⚔️ Gad la, li menm 💥🔥, soti nan sistèm espirityèl tradisyon vodou 🌿🇭🇹✨
Se yon fòs pwoteksyon pèsonèl 🛡️💪🏾 ou genyen ki ka soti nan yon lwa ⚡🌀 oubyen nan yon espri zansèt 💀🌺
Gad sa ou ka plase l pou l mache dèyè w 🚶🏾‍♀️💨, ou ka mete l nan majorite pati nan kò w 🧍🏾‍♂️🌟 tankou: tèt 🧠, ponyèt ✋🏾, vant 💥, kou 💎, do 🌀, senti 🧿, pye 🦶🏾, elatriye 🌍✨
Majorite gad yo se te moun ki t ap viv sou tè a 👤🌎 tankou nou, lè yo travèse ⚰️💫 yo resevwa fòs swa nan men yon lwa 🔮🌿, oubyen kosmos la 🌌🌠 fè apèl ak yo 🗣️✨ bay yo fòs pou yo vin defann nou 🛡️🔥💖

Gad sa yo konn bay ak jilèt ⚔️, kouto 🔪, egwi 🪡, kòn bèf 🐂, zo pwason 🐟, elatriye 🌀💫 selon tip de gad li ye a 🌿🔮✨

💫🌟 NB: 🕯️ Yon Anj gadyen se yon Gad, men yon Gad pa yon Anj gadyen, paske Anj gadyen aji atravè priyè 🙏🏾✨ ak limyè 💎🌞, pandan Gad la aji atravè lwa ⚡, rityèl 🔮, ak manifestasyon fizik 💥🔥🌿

📞 +509 4732 4277 📱
👑 Yo rele m Servante Ti Ninie 💖🌺🌈

💬 Si w renmen kontni m yo 🌿💫, pa neglije abone 🩵✨, like 👍🏾🔥, pataje pòs yo 📲🌸, konsa wap ka toujou jwenn yon nouvo bagay pou aprann 📖🌟 de mwen chak jou ☀️💫
🌺💎🌙🔥 Salut! 🙏🏾👼🏾⚡🌈

10/05/2025

Moun Gonayiv men yon bòn nouvèl Winter ETIENNE Pòt Pawòl Nou se Revolisyonè Raboto/Gonayiv pote nou.

Ann koute!

Gonayiv, Samdi 4 Oktòb 2025 – Delege Depatmantal Latibonit la,Mesye Ivens Nérélus, te fè premye reyinyon ofisyèl li samd...
10/05/2025

Gonayiv, Samdi 4 Oktòb 2025 – Delege Depatmantal Latibonit la,Mesye Ivens Nérélus, te fè premye reyinyon ofisyèl li samdi 4 Oktòb 2025 lan ak nouvo Direktè Depatmantal Latibonit Polis Nasyonal Dayiti (PNH), Mesye Max Vital Altis.

Reyinyon akeyan sa a, ki te fèt an prezans Sekretè Jeneral Delegasyon an, Mesye Tchawel César, ansanm ak Vis-Delege Gonayiv, Gros-Morne, ak Dessalines yo, make kòmansman yon nouvo dinamik enstitisyonèl. Anfèt, li te pèmèt de otorite yo poze fondasyon pou yon kolaborasyon fran e konstriktif.

Delege Ivens Nérélus, nan diskou li a, te mete aksan sou ke sekirite se yon kondisyon esansyèl pou devlopman ekonomik ak sosyal Artibonit. Se poutèt sa, li te ensiste sou enpòtans yon kowòdinasyon sere ant Delegasyon an ak PNH la pou bay repons rapid ki adapte ak bezwen popilasyon an.

Pou pati pa li, nouvo Direktè Depatmantal PNH la, Mesye Max Vital Altis, te eksprime satisfaksyon li pou akèy sa a epi li te afime volonte li pou travay ansanm ak Delegasyon an. Dapre li, se sèlman yon koperasyon sensè ak kontinyèl ant enstitisyon yo ki pral efektivman adrese defi sekirite depatman an.

Kidonk, reyinyon sa a, ke patisipan yo te kalifye kòm pwofitab, louvri chemen pou yon kolaborasyon ranfòse. Li reflete tou detèminasyon pataje Delege Depatmantal la ak Direksyon Depatmantal PNH la pou etabli yon klima konfyans ak estabilite pou benefis sitwayen Latibonit yo.

Biwo Kominikasyon Delegasyon an.

Gede yo se yon nasyon lwa nan Vodou ki gen rapò ak lanmò, lavi, senfoni, plezi, ak verite. Yo se espri ki chita sou bary...
10/05/2025

Gede yo se yon nasyon lwa nan Vodou ki gen rapò ak lanmò, lavi, senfoni, plezi, ak verite. Yo se espri ki chita sou baryè ant mond vivan yo ak mond mò yo. Yo reprezante zansèt ki deja pati, men ki toujou veye sou moun ki vivan yo.

📌 Kisa Gede ye?

Gede yo se lwa ki pote lavi nan mitan lanmò, yo fè moun sonje ke lanmò pa fen total, se yon pasaj.

Yo se espri ki renmen fè blag, pale verite ki dwòl, mete moun ri, men yo toujou gen yon sajès ki kache dèyè pawòl yo.

Yo toujou prezante ak linèt nwa ak blan, baton, oswa baton kachò, epi pafwa ak chapo twadò.

📌 Wòl Gede nan Vodou

1. Pwoteksyon: Yo veye sou fanmi yo, espesyalman timoun piti ak moun ki pi fèb.

2. Lanmò ak reenvansyon: Yo fè moun sonje ke lanmò se pa destriksyon, men yon lòt etap nan lavi.

3. Gerizon: Gede yo gen gwo fòs nan zafè medsin, geri moun ki malad, epi leve lespri moun ki dekouraje.

4. Verite ak jistis: Yo pa pè di laverite, menm si li fè mal. Yo dekouvri sa ki kache.

5. Joie de vivre: Yo pote kè kontan, blag, dans, ak chante. Yo montre ke menm nan doulè gen yon ti limyè.

📌 Kilè Gede yo parèt?

Tradisyon Gede yo soti depi nan Afrik Ginen, men nan Ayiti yo pran plis fòs pandan esklavaj.

Yo tounen yon nasyon lwa ki lye ak kilt zansèt.

Nan kalandriye Vodou a, yo gen gwo fèt yo nan 1er ak 2 Novanm (Fèt Gede, ki se tou Fèt Mòt nan legliz katolik). Nan jou sa yo, moun pote kafe, piman, tafya, sigarèt, ak manje bay Gede yo.

👉 Gede yo se mèt baryè, sa vle di se yo ki kontwole pòt ant lavi ak lanmò. Se pa etonan anpil moun pale ak yo lè yo bezwen konsèy, verite, oswa fòs pou fè fas ak difikilte lavi.

`Relem Toro Begle`

Gen anpil relasyon ki pa dire, gen anpil relasyon fanm pa vle wè nèg la , nèg la pa vle wè fanm nan aprè yo fin marye , ...
10/05/2025

Gen anpil relasyon ki pa dire, gen anpil relasyon fanm pa vle wè nèg la , nèg la pa vle wè fanm nan aprè yo fin marye , yo toujou nan kont , yap monte lesyèl pa do , anyen pa janm mache pou yo Aprè maryaj la , fanm ansent Pitit pa janm ka Fèt, San toujou vide sou li aprè yon rèv . Pafwa Rezon ki fè sa se paske anpil nan Moun sa yo gen yon seri lwa bitasyon ki marye avèk yo , yo pa mande yo pasaj avan yo kouri ale marye , pafwa lwa a Kapab nan bitasyon fi'a , pafwa li Kapab nan bitasyon gason an , Moun sa yo konn marye avèk Espri yo San yo pa konnen , pafwa se paran , pafwa se mèt tèt Moun nan ki bloke relasyon an . Lwa bitasyon menm si'w te di'w konvèti ale Legliz 10 FWA par Jou paske'w di'w pa deside sèvi lwa sa paka an peche lwa yo bloke'w , paske yo nan Zantray ou , pafwa paran'w konn menm fè yo gwo pwomès pran angajman sou tèt ou sitou lè yo konn difikilte fè Pitit epi yo vin resi fè ou . Pafwa Nou bliye si Nou se yon pèp vodwizan gen rèv Nou fè Nou pa ba yo enpòtans, pafwa yo vin pale avèk nou klè epi Nou menm Nou fè afè pa Nou, Chak Moun Lavi yo gen yon direksyon paske entèl se pastè ou menm si'w se yon chwazi pa fòseman ou oblije Pastè tou, 2 fòs opoze pa goumen , you'n ap toujou repouse lòt.

Toujou chèche konnen kiyès ki mèt tèt ou , Chak Moun gen mèt tèt pa yo , depi'w konnen kijan pou adrese mèt tèt ou pa genyen'w pap abouti nan lavi'a , pito tout bagay bloke'w , bitasyon w pa bloke'w , si'w pa Mete'w an amoni avèk bitasyon w gen anpil kap toujou rete twoub e flou pou ou , wap toujou soufri nan relasyon w , pafwa se pa Moun ki nan vi'w la kap maltrete'w vre men Fòk li maltrete'w pa mande BONDYE si yo pa vle Moun sa , e gen fason'w Kapab adrese bitasyon'w pou konnen Èske Moun sa ou Kapab avanse fè lawout avè'l , si li pap lage'w Nan wout.

Ayibobo!
Remèd fèy

🔥 5 bagay k’ap detui gason Ayisyen an silans 🔥1️⃣ Mank lajanOu fini lekòl, ou deja granmoun, men toujou sou kont paran w...
10/05/2025

🔥 5 bagay k’ap detui gason Ayisyen an silans 🔥

1️⃣ Mank lajan
Ou fini lekòl, ou deja granmoun, men toujou sou kont paran w. Ou santi w initil, san valè. Men solisyon an pa twò lwen: chèche yon sèl aksyon ki ka mete w sou wout endepandans. Pou mwen, se te kòmanse yon ti biznis, epi piti piti m te fè plasman nan biznis k’ap mache.

2️⃣ Mank konfyans nan avni
Travay, etid, efò… men andedan ou santi lavi a pa gen sans. Se konsa anpil gason pèdi direksyon. Ekri yon sèl objektif ki vrèman enpòtan pou ou, epi kraze l an ti etap. Mwen sonje lè m te vle fè 500 pompes nan 1h. Mwen te kòmanse ak seri 5 sèlman. Fè 5 fasil, epi yon nan 56 minit Mwen te rive nan 500. (Videyo a sou YouTube: Donson14)

3️⃣ Feblès seksyèl
Twòp gason mezire valè yo ak sa yo fè nan kabann. Lè sa febli, ego yo kraze. Pa neglije kò ou: manje byen , fè egzèsis, al konsilte si sa nesesè. Yon gason ki pran swen tèt li toujou gen plis fyète.

4️⃣ Depandans ak plezi fasil
Domino, foutbòl, bwason, rezo sosyal… yo bay plezi rapid, men yo vòlè tan ou ak rèv ou. Gade byen: chak èdtan w gaspiye ap rale w pi lwen libète w ap chèche a. Disipline tèt ou sòlda.

5️⃣ Izòlman emosyonèl
Nou aprann kache doulè nou dèyè blag, bri, ak fyète. Se gason w ye w pa dwe kriye🤣 Men dèyè souri anpil gason ap pote depresyon an silans. Se pa wont pou w pale ak yon moun ou fè konfyans. Pran yon espò konba ( boxe 🥊 se yon bon opsyon) aprann yon bagay pou w libere kreyativite w( mizik, penti, dans)… pa kite sa pi mal.

👉🏾 Gason, lavi ap detwi w dousman si w kite 5 bagay sa yo kontwole w. Men si w pran responsabilite jodi a, ou ka ekri yon lòt istwa.

Jedi 2 Oktòb 2025 nan kad antèman Wilfort Ferdinand di Tiwil Nap raple 'w Tiwil kite fèt 8 jen 1976 ki mouri 16 septanm...
10/02/2025

Jedi 2 Oktòb 2025 nan kad antèman Wilfort Ferdinand di Tiwil Nap raple 'w Tiwil kite fèt 8 jen 1976 ki mouri 16 septanm 2025,Trible pa bal a Kanal bwa gonayiv ala laj de 49 Lane.

Abòne ak nou !

10/02/2025

Se konsa moun Gonayiv rann Tiwil dènye Omaj li,Jounen Jedi 2 Oktòb 2025.

10/02/2025

Ann reviv Fineray Wilfort FERDINAND alyas Tiwil, Kite chante nan Katye Raboto/Gonayiv.

Jounen Jedi 2 Oktòb 2025

Address

New York, NY

Website

Alerts

Be the first to know and let us send you an email when DS TV7 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DS TV7:

Shortcuts

Share

Category