អង្គរជ័យ Angkorchey

Home
United States
New York, NY
អង្គរជ័យ Angkorchey

ព័ត៌មានថ្មីៗ នឹងទាន់ហេតុការណ៍ ANGKORCHEY News is an online news was created to provide a general news to Cambodia society.

In the age of Digital Technology, ANGKORCHEY News has been contributed significantly to the media in Cambodia. ANGKORCHEY News has been provide an important ‘s general highly news to the public, what are happening right now in Cambodia as around the world. ANGKORCHEY News also has to provided the development of young ‘s Cambodian who wish to find the field of journalism to receive training, know

ledge to be career in their future. ANGKORCHEY News is very important of online news that has release disseminating news as accuracy, quality and professional ethics to become a professional media which can benefits the whole Cambodian society. Recognizing this need, on February 28, 2019 Mr. Seth Soo who was a chairman, has initiated to register this online news organization By giving the name ANGKORCHEY and got a license from the ministry of Information on April 22, 2019. The head office of ANGKORCHEY is at # 88, Street 16, Borey New World, Trapeang Thleung 4 Village, Sangkat Choam Chao I, Khan Por Senchey, Phnom Penh, Cambodia.

12/02/2025

ប៉ូលិសថៃ រឹបអូសថ្នាំញៀនជាង៣លានគ្រាប់ ដែលគេសង្ស័យថាយកមកបោះចោលនៅតាមផ្លូវ

ប៉ូលីសក្នុងទីក្រុង Chiang Rai កាលពីថ្ងៃទី ២ ខែធ្នូ បានឱ្យដឹងថា ការរឹបអូសបានថ្នាំញៀនមេតំហ្វេតាមីនប្រហែល ៣ លានគ្រាប់ដែលបានរកឃើញនៅក្នុងបាវដែលគេបោះបង់ចោលនៅជិតផ្លូវសាធារណៈដែលឆ្ពោះទៅសារមន្ទីរសិល្បៈសហសម័យ Chiang Rai នៅ Rim Kok ។នេះបើយោងតាមសារព័ត៌មាន khaosod English ចេញផ្សាយនៅព្រឹកថ្ងៃអង្គារនេះ។

ថ្នាំគ្រាប់ត្រូវបានខ្ចប់ក្នុងថង់ហ្ស៊ីបពណ៌ស្វាយ និងរុំក្នុងក្រដាសដែលមានត្រាផ្កាយប្រាំ និងពណ៌ក្រហម “999” ដែលជាការវេចខ្ចប់ដែលត្រូវគ្នាប្រើប្រាស់ដោយបណ្តាញគ្រឿងញៀននៅតាមព្រំដែន។

មន្ត្រីជឿជាក់ថា ទីតាំងនោះជាកន្លែងឈប់បណ្ដោះអាសន្ន ថ្នាំញៀនទាំងអស់ត្រូវបានរឹបអូស ខណៈប៉ូលិសបើកការស៊ើបអង្កេត ដើម្បីស្វែងរកអ្នកទទួលខុសត្រូវ។

12/01/2025

កូនទីពីររបស់អតីតនាយករដ្ឋមន្ត្រីថាក់ស៊ីន រួមជាមួយនឹងប្អូនថ្លៃបង្កើតរបស់នាង Pidok Suksawat បានទៅសួរសុខទុក្ខលោក Thaksin នៅពន្ធនាគារ

យោងតាមប្រភពសារព័ត៌មានថៃ khaosod Englishកាលពីថ្ងៃទី ១ខែធ្នូ ឆ្នាំ២០២៥ បានឱ្យដឹងថា លោកស្រី Pinthongta Shinawatra Kunakornwong ដែលជាកូនទីពីររបស់អតីតនាយករដ្ឋមន្ត្រីថាក់ស៊ីន រួមជាមួយនឹងប្អូនថ្លៃបង្កើតរបស់នាង Pidok Suksawat បានទៅសួរសុខទុក្ខលោក Thaksin នៅពន្ធនាគារ Klong Prem ។

លោកស្រីបានបញ្ជាក់ថា នេះគឺជារយៈពេលបីខែចាប់តាំងពីលោក ថាក់ស៊ីន បានជាប់ពន្ធនាគារ ហើយអ្វីៗនៅដដែល។

លោកស្រី បានថ្លែងអំណរគុណដល់មហាជន និងអ្នកគាំទ្រដែលបន្តផ្ញើការលើកទឹកចិត្តដល់គ្រួសារ ។ ក្នុងដំណើរចុះសួរសុខទុក្ខថ្ងៃនេះ នាងបាននាំយកសៀវភៅព្រះធម៌ចំនួន ២ ក្បាលមកជូនឪពុករបស់នាង ដើម្បីប្រើប្រាស់ក្នុងការប្រតិបត្តិខាងវិញ្ញាណក្នុងពេលនៅក្នុងពន្ធនាគារ។ បន្ទាប់ពីផ្តល់បទសម្ភាសន៍រួចមក នាងបានជួបជាមួយនឹងរលក និងការលើកទឹកចិត្តពីអ្នកគាំទ្រអាវក្រហម ដែលបានប្រមូលផ្តុំពេញមួយព្រឹក។

12/01/2025

សម្ដេចតេជោ ចូលរួមដង្ហែ ព្រះករុណាព្រះបាទសម្តេចព្រះបរមនាថ នរោត្តម សីហមុនី ស្តេចយាងចូលរួម Académie des Sciences d'out ces d'outre-mer និង Réception នៅប្រទេសបារាំង

នៅព្រឹកថ្ងៃទី ១ ខែធ្នូ ឆ្នាំ ២០២៥ សម្ដេចតេជោ ហ៊ុន សែនប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញ ទូលព្រះបង្គំ ចូលរួមដង្ហែ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្តេចយាងចូលរួម Académie des Sciences d'out ces d'outre-mer និង Réception នៅប្រទេសបារាំង។

12/01/2025

សម្ដេចធិបតី ចូលរួមដង្ហែ ព្រះករុណាព្រះបាទសម្តេចព្រះបរមនាថ នរោត្តម សីហមុនី ស្តេចយាងចូលរួម Académie des Sciences d'out ces d'outre-mer និង Réception នៅប្រទេសបារាំង

នៅព្រឹកថ្ងៃទី ១ ខែធ្នូ ឆ្នាំ ២០២៥ សម្ដេចបវរធិបតី ហ៊ុនម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញ ទូលព្រះបង្គំ ចូលរួមដង្ហែ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្តេចយាងចូលរួម Académie des Sciences d'out ces d'outre-mer និង Réception នៅប្រទេសបារាំង។

12/01/2025

ប្តីប្រពន្ធវ័យចំណាស់ត្រូវភ្លើងឆេះផ្ទះនៅសង្កាត់ចោមថង ក្រុងបាងកក

អគ្គីភ័យបានឆាបឆេះនៅក្នុងសហគមន៍លំនៅដ្ឋានដ៏ធំមួយដែលគេស្គាល់ថា Lang Suan ស្ថិតនៅខាងក្រោយវត្ត Sala Khruen ចេញពី Soi Wutthakat 42 Yak 14 ផ្លូវ Wutthakat សង្កាត់ Bang Kho ស្រុក Chom Thong ទីក្រុងបាងកក។

ហេតុការណ៍នេះបានកើតឡើងនៅព្រលប់ថ្ងៃទី៣០ ខែវិច្ឆិកា។រថយន្តពន្លត់អគ្គីភ័យរបស់នាយកដ្ឋានបង្ការ និងកាត់បន្ថយគ្រោះមហន្តរាយរបស់រដ្ឋបាលក្រុងបាងកកបានពង្រាយរថយន្តទឹកជាង១០គ្រឿងទៅកាន់កន្លែងកើតហេតុ ហើយប្រើពេលប្រហែលមួយម៉ោងទើបអាចគ្រប់គ្រងបាន ។

យោងតាមប៉ុស្តិ៍នគរបាលបឹងឃុនធាន បានឲ្យដឹងថា អគ្គិភ័យនេះ ផ្តើមចេញពីផ្ទះឈើចំនួន២ជាន់ ស្ថិតនៅលើដីទំហំ១០០ម៉ែត្រការ៉េ ត្រូវបានបំផ្លាញទាំងស្រុង។ បន្ទាប់មកភ្លើងបានឆាបឆេះបណ្តាលឱ្យខូចខាតផ្ទះ២ខ្នងនៅជាប់គ្នាបន្តិចបន្តួច ។

ជារឿងគួរឲ្យសោកស្ដាយ មនុស្សពីរនាក់ពីផ្ទះដែលភ្លើងបានកើតមានប្ដីប្រពន្ធអាយុ ៨៤ និង ៧៦ ឆ្នាំបានស្លាប់។ កូនស្រីទាំង២នាក់ត្រូវបានបញ្ជូនទៅមន្ទីរពេទ្យ ចំណែកកូនប្រុសរបស់ពួកគាត់ដែលរស់នៅមិនទាន់ត្រឡប់មកពីធ្វើការនៅឡើយ ។

តាមការស្រាវជ្រាវបឋមរបស់មន្ត្រីជំនាញបានសន្និដ្ឋានថាមូលហេតុនៃការឆេះគឺឆ្លងចរន្តអគ្គិសនី។

12/01/2025

រាជរដ្ឋាភិបាល មិនបានលាក់ព័ត៌មាន ហើយ ការវាស់វែង និង បោះបង្គោលព្រំដែននេះ គឺមិនធ្វើឱ្យកម្ពុជាបាត់ដីនោះទេ

12/01/2025

ទំនប់ដូនទ្រី ជាអាងស្ដុកទឹកបានប្រមាណ ១៦៣លានម៉ែត្រគូប ស្ថិតក្នុងស្រុករុក្ខគីរី ខេត្តបាត់ដំបង។

ទំនប់ដូនទ្រី ជាអាងស្តុកទឹកដ៏ធំមួយទៀត ក្នុងចំណោមអាងស្តុកជាច្រេីននៅខេត្តបាត់ដំបង ពោរពេញដោយសក្កានុពលកសិកម្ម អាចផ្គត់ផ្គង់ទឹកស្រោចស្រពផ្ទៃដីកសិកម្មរដូវវស្សាចំនួន ៣៣០០០ហិកតា និងរដូវប្រាំងចំនួន ៤៥០០ហិកតា គ្របដណ្តប់លើឃុំចំនួន ១១នៃស្រុកមោងឫស្សី និងស្រុករុក្ខគិរី ខេត្តបាត់ដំបង និងស្រុកបាកាន ខេត្តពោធិ៍សាត់ ព្រមទាំងចូលរួមចំណែកនៅក្នុងការផ្គត់ផ្គង់ទឹកស្អាត និងកាត់បន្ថយទឹកជំនន់តាមតំបន់មួយចំនួននៅផ្នែកខាងក្រោម។ នេះបើយើងតាមការចេញផ្សាយរបស់ page ផ្លូវការរបស់សម្ដេចបវរធិបតី នាយករដ្ឋមន្ត្រីនៃព្រះរាជាណាចក្រកម្ពុជាចេញផ្សាយនៅថ្ងៃ ខែធ្ន ឆ្នាំ ២០២៥នេះ

ទំនប់ដូនទ្រី បានសម្រេចការសាងសង់ ១០០% ក្រោយពីបានចាប់ផ្តើមការដ្ឋានកាលពីឆ្នាំ២០១៨ ដោយមានហេដ្ឋារចនាសម្ព័ន្ធសំខាន់ៗ៖
ទី១/ ទំនប់ស្នូលដីថ្មបំពេញ Earth-Core Rockfill Dam (ECRD) ដែលមានខ្នងលើទទឹង ៨ ម៉ែត្រ កម្ពស់ ៦០ ម៉ែត្រពីគ្រឹះ និងប្រវែងសរុប ៦៥៤ ម៉ែត្រ ដែលមានសមត្ថភាពផ្ទុកទឹកប្រសិទ្ធភាពបាន ១៣៣ លានម៉ែត្រគូប។
ទី២/ សំណង់បង្អៀរ (Spillway) ដែលមានប្រវែងសរុប ៤១៤ ម៉ែត្រ និងសមត្ថភាពដោះទឹកបាន ៨៥០ ម៉ែត្រគូប/វិនាទី។
ទី៣/ រូងក្រោមដីបង្វែរទឹក (Diversion Tunnel) ដែលមានអង្កត់ផ្ចិត ៤ ម៉ែត្រ និងប្រវែង ៤៦២ ម៉ែត្រ។
និងទី៤/ សំណង់ប៉មគ្រប់គ្រងទឹកមានទ្វារទឹកច្រើនថ្នាក់ (Multi-Stage Intake Tower) ដែលមានវិមាត្រ ៨ ម៉ែត្រ (ទទឹង) × ២៤ ម៉ែត្រ (ប្រវែង) × ៤៩ ម៉ែត្រ (កម្ពស់) បំពាក់ដោយទ្វារសំរាប់ប្រតិបត្តិការចំនួនបួន ដែលនីមួយៗមានទំហំ ២,២ ម៉ែត្រ x ២,២ ម៉ែត្រ។

រាជរដ្ឋាភិបាល បានបន្តផ្តល់អាទិភាព និងយកចិត្តទុកដាក់ខ្ពស់បំផុតក្នុងការពង្រឹង និងពង្រីកប្រព័ន្ធធារាសាស្ត្រ ពិសេសបង្កេីតអាងស្តុកទឹក ដែលជាប្រភពនៃតម្រូវការយ៉ាងសំខាន់សម្រាប់បម្រេីដល់វិស័យកសិកម្ម និងពហុបំណងនៃការរស់នៅប្រចាំថ្ងៃរបស់ប្រជាជនផងដែរ។ ទឹក ជាអាទិភាពមួយក្នុងចំណោមអាទិភាពទាំង៥ នៃយុទ្ធសាស្ត្រចតុកោណ ហេីយក៏បានបន្តជំរុញអនុវត្តយ៉ាងសកម្ម តាមរយៈក្រសួងធនធានទឹក និងឧតុនិយមជាប្រតិបត្តិករ។

11/29/2025

គណៈរដ្ឋមន្ត្រីថៃ បានអនុម័តថវិកាចំនួន ៣.៨៨ ពាន់លានបាតពីមូលនិធិកណ្តាលសម្រាប់ជំនួយបន្ទាន់

មជ្ឈមណ្ឌលបរិច្ចាគដែលត្រូវបានបង្កើតឡើងដើម្បីជួយជនរងគ្រោះដោយទឹកជំនន់នៅភាគខាងត្បូងនៃប្រទេសថៃកាលពីថ្ងៃទី ២៩ខែវិច្ឆិកា ឆ្នាំ ២០២៥។ ការត្រួតពិនិត្យបានធ្វើឡើងនៅបន្ទប់ Rattanakosin រដ្ឋបាលក្រុងបាងកក (BMA) City Hall (Sao Chingcha) ដែលមន្ត្រីពាក់ព័ន្ធបានផ្តល់ព័ត៌មានថ្មីៗអំពីកិច្ចខិតខំប្រឹងប្រែងជួយសង្គ្រោះ។នេះបើយោងតាមសារព័ត៌មានថៃ the nation thailand ចេញផ្សាយនៅព្រឹកថ្ងៃសៅរ៍នេះ។

ដោយឡែក លោក អានុទីន ឆានវីរៈគុល នាយករដ្ឋមន្រ្តីថៃ បានបញ្ជាក់ថា គណៈរដ្ឋមន្ត្រីបានអនុម័តថវិកាចំនួន ៣.៨៨ ពាន់លានបាតពីមូលនិធិកណ្តាលសម្រាប់ជំនួយបន្ទាន់ និងបានណែនាំទីភ្នាក់ងារនានាឲ្យធានាថាគ្មានជនរងគ្រោះណាម្នាក់ត្រូវបានមើលរំលងឡើយ ពាក់ព័ន្ធនឹងគ្រោះទឹកជំនន់។

ជាមួយគ្នានេះ លោកក៏បានដាក់សំណើសម្រាប់ការផ្អាកបំណុលរយៈពេលមួយឆ្នាំលើប្រាក់កម្ចីរហូតដល់ ១ លានបាតនឹងត្រូវបានដាក់ជូនដើម្បីបន្ធូរបន្ថយបន្ទុកដល់គ្រួសារដែលរងផលប៉ះពាល់ដោយទឹកជំនន់។

11/29/2025

ក្រុមហ៊ុនប្រេង PTT ដ៏ធំរបស់ថៃប្រកាសថាខ្លួននឹងវេចបង្វេចចាកចេញពីប្រទេសកម្ពុជាក្នុងពេលឆាប់ៗ

យោងតាមការចុះផ្សាយរបស់សារព័ត៌មាន The Nation ថ្ងៃទី២៨ ខែវិច្ឆិកា ឆ្នាំ២០២៥ បានឲ្យដឹងថា ក្រុមហ៊ុនប្រេង PTT ដ៏ធំរបស់ថៃ បានបង្ហាញពីការខាតបង់របស់ខ្លួនថាមានការធ្លាក់ចុះពី ៥០% ទៅ ៦០% ចាប់តាំងពីមានជម្លោះព្រំដែនរវាងកម្ពុជានិងថៃ និងប្រកាសថាខ្លួននឹងវេចបង្វេចចាកចេញពីប្រទេសកម្ពុជាក្នុងពេលឆាប់ៗ ប្រសិនបើស្ថានភាពនៅតែមិនប្រសើរឡើង។ ដូច្នេះលោកចាត់ទុកកម្ពុជា គឺជាតំបន់ដែលមានហានិភ័យខ្ពស់បំផុតសម្រាប់ទីផ្សាររបស់ខ្លន។

បន្ទាប់ពីបានធ្វើការវា.យតម្លៃលើការលក់សរុបរបស់ក្រុមក្រុមហ៊ុន PTT នៅក្នុងរយៈពេលចុងក្រោយនេះ លោក Peekthong Thongyai នាយកប្រតិបត្តិរបស់ក្រុមហ៊ុន បានលើកបង្ហាញថា ការលក់ប្រេង សាំងរបស់ PTT នៅក្នុងប្រទេសកម្ពុជាបានធ្លាក់ចុះពី ៥០-៦០% ចាប់តាំងពីជម្លោះព្រំដែនបានផ្ទុះកាលពីចុងខែកក្កដាឆ្នាំ ២០២៥ មក ដោយក្នុងនោះមានចំនួនសាខានៃស្ថានីយ៍ប្រេងឥន្ធនៈ បានថយចុះមកត្រឹមតែ១៥០ ប៉ុណ្ណោះ។

11/28/2025

ឯកឧត្តមនាយឧត្តមសេនីយ៍ សៅ សុខា ក្នុងការបង្ក្រាបបទល្មើសបំផ្លាញធនធានធម្មជាតិដែលមកដល់ពេលនេះនៅតែមានសុពលភាពអនុវត្តន៍នៅឡើយ

នៅថ្ងៃទី ២៨ ខែវិច្ឆិកាឆ្នាំ ២០២៥ នេះយោងទៅលើគណនេយ្យហ្វេសប៊ុក page ផ្លូវការរបស់លោក ផែង វណ្ណៈ ដែលជាអ្នកសារព័ត៌មានដ៏ល្បីឈ្មោះរូប ដោយលោកបានលើកជា សារសំឡេងរបស់ ឯកឧត្តមសេនីយ៍ សៅ សុខា ដែលបានដាក់បទបញ្ជាយ៉ាងមឺងម៉ាត់ក្នុងការបង្ក្រាបបទល្មើសបំផ្លាញធនធានធម្មជាតិ។

នៅក្នុងនោះលោក ផែង វណ្ណៈ បានសរសេរថា! រំលឹកបទបញ្ជារដ៏ម៉ឺងម៉ាត់របស់ឯកឧត្តមនាយឧត្តមសេនីយ៍ សៅ សុខា ក្នុងការបង្ក្រាបបទល្មើសបំផ្លាញធនធានធម្មជាតិដែលមកដល់ពេលនេះនៅតែមានសុពលភាពអនុវត្តន៍នៅឡើយ

ដោយឡែកនាពេលថ្មីៗនេះ នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានចេញសេចក្តីសម្រេចស្តីពីការបង្កើតក្រុមការងារចំពោះកិច្ច ដើម្បីធ្វើអធិការកិច្ច និងត្រួតពិនិត្យនូវសកម្មភាពមិនប្រក្រតី នៃការប្រតិបត្តិតួនាទី-ភារកិច្ច របស់ មេបញ្ជាការកងរាជអាវុធហត្ថខេត្តក្រចេះ។
‎
យ៉ាងណាមិញ យោង‎តាមរយៈសេចក្តីសម្រេច បានបញ្ជាក់ថា ក្រុមការងារមានសិទ្ធិ ជួបពិភាក្សាជាមួយអាជ្ញាធរ ស្ថាប័ន និងអង្គភាពដែលមានការពាក់ព័ន្ធ, ចេញលិខិតអញ្ជើញនាយទាហាន នាយទាហានរង និងពលទាហាននៃកងរាជអាវុធហត្ថ ព្រមទាំង អ្នកដែលមានការពាក់ព័ន្ធមកធ្វើការសាកសួរ-បំភ្លឺ ដើម្បីស្រាវជ្រាវរកឱ្យឃើញការពិតជាក់ស្តែង។

11/28/2025

ទឹកជំនន់នៅប្រទេសថៃពេលនេះបានផ្ដាច់ជីវិតមនុស្ស ១០៤នាក់ខណៈប៉ូលិសបានរៀបចំកុងតឺន័រចំនួន៦ទូ ដើម្បីដាក់សពសម្រាប់ការធ្វើកោសល្យវិច័យ

ទឹកជំនន់ដ៏សាហាវនៅប្រទេសថៃ ពេលនេះបានផ្តាច់ជីវិតមនុស្ស១០៤នាក់ហើយ ខណៈប៉ូលិសបានរៀបចំកុងតឺន័រចំនួន៦ទូ ដើម្បីដាក់សពសម្រាប់ការធ្វើកោសល្យវិច័យ។

យោងតាមការផ្សាយរបស់ Khaosod កាលពីថ្ងៃព្រហស្បតិ៍ទី២៧ខែវិច្ឆិកាឆ្នាំ២០២៥ ប៉ូលិសខេត្ត Songkhla និងមន្ត្រីជំនាញ នឹងចាប់ផ្តើមដំណើរការពិនិត្យសាកសព រួចជូនដំណឹងដល់សាច់ញាតិ។

រដ្ឋបាលខេត្ត Songkhla បានចេញបញ្ជាដកតំណែងអភិបាលស្រុក Hat Yai លោក Ek Yang-aphai Na Songkhla ព្រោះថា លោកបាត់ដំណឹងមួយសប្តាហ៍ហើយមិនដឹងសំងំនៅឯណា ពេលស្រុករងការវាយប្រហារចាស់ដៃដោយគ្រោះធម្មជាតិ។

11/27/2025

កងរាជអាវុធហត្ថ បានចេញសេចក្តីសម្រេច ស្តីពីការបង្កើតក្រុមការងារចំពោះកិច្ច ធ្វើអធិការកិច្ច និងត្រួតពិនិត្យនូវសកម្មភាពមិនប្រក្រតី នៃការប្រតិបត្តិតួនាទី-ភារកិច្ច របស់ មេបញ្ជាការកងរាជអាវុធហត្ថខេត្តក្រចេះ
‎
‎ដោយមានការវែកញែកតឹងសរសៃកដាក់គ្នា នៅតាមបណ្ដាញសង្គមដ៏គួរឲ្យភ្ញាក់ផ្អើល ជាមួយ លោកអគ្គបញ្ជាការកងរាជអាវុធហត្ថខេត្តក្រចេះ និងលោកតាំង គឹមសួរ ជាអ្នកឃ្លាំមើលព្រៃឈើ នៅក្នុងករណី ដឹកឈើខុសច្បាប់ ។
‎
‎យោងតាម facebook ផេកផ្លូវការរបស់លោក Tan Kimsourដែលបានបង្ហោះនៅលើបណ្ដាញសង្គមកាលពីថ្ងៃទី ២៧ ខែវិច្ឆិកាឆ្នាំ ២០២៥ នេះទៅលោកបានលើកឡើងថា ខ្ញុំបានដាក់ពាក្យបណ្ដឹងទៅកាន់អង្គភាពប្រឆាំងអំពើពុករលួយ (ACU) យូរហើយអំពីករណីអន្តរាគមន៍បទល្មើសធនធានធម្មជាតិរបស់លោកឧត្ដមសេនីយ៍ត្រី សាក់ សារាំង មេបញ្ជាការកងរាជអាវុធហត្ថខេត្តក្រចេះ ភ្ជាប់ជាមួយទាំងភ័ស្តុតាង តែអង្គភាពប្រឆាំងអំពើពុករលួយនៅមិនទាន់មានការឆ្លើយតបនៅឡើយ។
‎
‎ក្រោយពីទទួលបានដំណឹងនេះភ្លាម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានចេញសេចក្តីសម្រេចស្តីពីការបង្កើតក្រុមការងារចំពោះកិច្ច ដើម្បីធ្វើអធិការកិច្ច និងត្រួតពិនិត្យនូវសកម្មភាពមិនប្រក្រតី នៃការប្រតិបត្តិតួនាទី-ភារកិច្ច របស់ មេបញ្ជាការកងរាជអាវុធហត្ថខេត្តក្រចេះ។
‎
‎ក្នុងនោះដែរលោកផែងវណ្ណៈចេញមកប្រតិកម្មយ៉ាងខ្លាំងហើយ លោក បានលើកឡើងថា មុននឹងសម្រេចចិត្តធ្វើកិច្ចការអ្វីមួយ ឬ និយាយអ្វីមួយ ខ្ញុំបានដឹង រឿងដែលត្រូវកើតឡើងចំពោះខ្ញុំរួចទៅហើយ តែបើខ្ញុំនៅស្ងៀម បុគ្គលមានតួនាទី ឋានៈបុណ្យស័ក្តិមួយក្តាប់តូច នឹងរួមគ្នាបំផ្លាញធនធានធម្មជាតិដោយធ្វើមិនដឹង មិនឮចំពោះ ឧក្រិដ្ឋកម្មព្រៃឈើ ដែលកើត
‎ឡើងពេញបន្ទុកនៅខេត្តក្រចេះ ។
‎
លោកបានបន្តទៀតថា ‎បើអនាគតខ្ញុំត្រូវគេចាប់ដាក់គុក ឬ ត្រូវបាញ់សម្លាប់ចោលក៏ខ្ញុំគ្មានស្តាយស្តាយស្រណោះដែរ ព្រោះខ្ញុំបានបំពេញ កាតព្វកិច្ចជាពលរដ្ឋល្អការពារប្រយោជន៍ជាតិរួចទៅហើយ ។ភស្តុតាងអ្វីខ្លះពាក់ព័ន្ធទង្វើរបស់លោកឧត្តមសេនីយ៍ត្រី សាក់ សារ៉ាងខ្ញុំនឹងបង្ហាញក្នុងការបំភ្លឺនៅយប់នេះ ។
‎
‎ក្នុងនោះដែរលោកក៏បានចោទសួរជាសំណួរថា ខ្ញុំឆ្ងល់ណាស់ ខ្ញុំផ្សាយរឿងបុគ្គល ឬ ជេរបុគ្គលដែលធ្វើខុសសោះហេតុអ្វីស្ដាប័នចូលចិត្តចូលខ្លួនមកពាក់ព័ន្ធម៉្លេះ ?
‎
‎
‎ជាមួយគ្នានេះដែរ កងរាជអាវុធហត្ថលើផ្ទបទសស្នងការដា្ឋនទំនាក់ទំនងកិច្ចការសាធារណៈញត្តិថ្កោលទោស ខ្ញុំបាទ ឧត្តមសេនីយ៍ត្រី អេង ហ៊ី ស្នងការ ស្នងការដ្ឋានទំនាក់ទំនងកិច្ចការសាធារណៈ កងរាជអាវុធហត្ថលើផ្ទៃប្រទេស សូមប្រកាសថ្កោលទោសយ៉ាងដាច់អហង្ការចំពោះសម្ដីជេរប្រមាថមកលើបុគ្គលនិងអង្គភាពកងរាជអាវុធហត្ថ ពីលោក ផែង វណ្ណៈ តាមភេក Pherg Varrak News កាលពីយប់ថ្ងៃទី២៦ខែវិច្ឆិកា ឆ្នាំ២០២៥។
‎
‎ កងរាជអាវុធហត្ថ ទទួលខុសត្រូវរាល់សកម្មភាពក្នុងការអនុវត្តតួនាទី ភារកិច្ចរបស់ខ្លួន ប្រសិនបើប្រព្រឹត្តអំពើល្មើសច្បាប់នឹងទទួលទោសចំពោះមុខច្បាប់ ប្រសិនបើប្រព្រឹត្តខុសវិន័យកងទ័ពនឹងទទួលវិន័យទណ្ឌកម្ម។ខ្ញុំបាទ - សុំឱ្យលោក ផែង វណ្ណៈ ធ្វើការបកស្រាយ និងបង្ហាញភស្តុតាងជាសាធារណៈ ចំពោះពាក្យសម្តីដែលបានផ្សព្វផ្សាយនិងការជេរប្រមាថមកលើកងរាជអាវុធហត្ថយើងខ្ញុំ។
‎
យោង‎តាមរយៈសេចក្តីសម្រេច បានបញ្ជាក់ថា ក្រុមការងារមានសិទ្ធិ ជួបពិភាក្សាជាមួយអាជ្ញាធរ ស្ថាប័ន និងអង្គភាពដែលមានការពាក់ព័ន្ធ, ចេញលិខិតអញ្ជើញនាយទាហាន នាយទាហានរង និងពលទាហាននៃកងរាជអាវុធហត្ថ ព្រមទាំង អ្នកដែលមានការពាក់ព័ន្ធមកធ្វើការសាកសួរ-បំភ្លឺ ដើម្បីស្រាវជ្រាវរកឱ្យឃើញការពិតជាក់ស្តែង។ បូកសរុបលទ្ធផលការងារ ធ្វើរបាយការណ៍ជូនមេបញ្ជាការកងរាជអាវុធហត្ថលើផ្ទៃប្រទេស ដើម្បីពិនិត្យ-សម្រេច៕

Address

195 Broadway
New York, NY
10007

Telephone

+85510347998

Website

http://www.angkorcheyhotnews.com/

Alerts

Be the first to know and let us send you an email when អង្គរជ័យ Angkorchey posts news and promotions. Your email address will not be used for any other purpose, and you can unsubscribe at any time.

Contact The Business

Send a message to អង្គរជ័យ Angkorchey:

Shortcuts

Want your business to be the top-listed Media Company in New York?

អង្គរជ័យ Angkorchey

12/02/2025

12/01/2025

12/01/2025

12/01/2025

12/01/2025

12/01/2025

12/01/2025

11/29/2025

11/29/2025

11/28/2025

11/28/2025

11/27/2025

Address

Telephone

Website

Alerts

Contact The Business

Shortcuts

Share

Category