Rawalpindi Social Media

09/17/2026

*پیٹرول سبسڈی اسکیم میں رجسٹریشن کے میسج کو بالکل مفت کردیا گیا*

وزیراعظم محمد شہباز شریف کی جانب سے غریب و متوسط طبقے کیلئے پیٹرولیم سبسڈی اسکیم میں مزید سہولت فراہم کردی گئی ہے۔

تفصیلات کے مطابق وزیرِ اعظم کی ہدایت پر پیٹرول سبسڈی اسکیم میں رجسٹریشن کے میسج کو بالکل مفت کردیا گیا ہے۔اسکیم کے تحت موٹر سائیکل، رکشہ اور 800 سی سی تک کی گاڑیوں کے مالکان کو فیول سبسڈی فراہم کی جا رہی ہے

پورے ملک بشمول آزاد جموں و کشمیر اور گلگت بلتستان میں وزیرِ اعظم فیول سبسڈی سکیم کے تحت عوام تک ریلیف کی فراہمی جاری ہے۔

09/17/2026

*اسلام آباد میں ایک ہزار سے زائد کنٹینرز کی پکڑ دھکڑ ناقابلِ قبول، فوری رہائی کا مطالبہ*

اسلام آباد: آل پاکستان گڈز ٹرانسپورٹ اونرز ایسوسی ایشن کے صدر اویس چودھری نے حکومت کی جانب سے اسلام آباد میں سڑکیں بند کرنے کے لیے شپنگ کنٹینرز اور گاڑیاں تحویل میں لیے جانے پر احتجاج کیا ہے۔

اویس چودھری نے مطالبہ کیا کہ پکڑے گئے تمام کنٹینرز اور گاڑیوں کو فوری طور پر چھوڑا جائے۔ ان کا کہنا تھا کہ اسلام آباد میں ایک ہزار سے زائد کنٹینرز کی پکڑ دھکڑ ٹرانسپورٹرز کے لیے ناقابلِ قبول ہے۔ انہوں نے حکومت سے مطالبہ کیا کہ ٹرانسپورٹرز کو درپیش مشکلات کا فوری ازالہ کیا جائے۔

09/16/2026

*ملک بھر میں پیٹرول ریلیف اسکیم کا آغاز کب سے ہوگا؟ حکومت نے تاریخ بتادی*
وزیراعظم کی خصوصی پیٹرول ریلیف اسکیم کی تیاریاں مکمل کرلی گئیں جب کہ رجسٹریشن بھی شروع کردی گئی ہے

وزیراعظم شہباز شریف کی جانب سے اعلان کردہ خصوصی پیٹرول ریلیف اسکیم کا ملک بھر میں آغاز 16 ستمبر سے ہوگا، جس کی تیاریاں مکمل کرلی گئی ہیں اور رجسٹریشن بھی شروع کردی گئی ہے جب کہ اسلام آباد میں اسکیم پہلے ہی فعال ہے۔

منگل کو نائب وزیراعظم و وزیر خارجہ سینیٹر محمد اسحاق ڈار کی زیر صدارت وزیراعظم کی خصوصی پیٹرول ریلیف اسکیم پر انتظامی پیش رفت اور ملک گیر لانچنگ کی تیاریوں کے حوالے سے نیشنل اسٹیئرنگ کمیٹی برائے فیول سبسڈی کا 9 واں اجلاس ہوا، جس میں اسکیم پر مؤثر عملدرآمد اور مستحق افراد تک ریلیف پہنچانے کے اقدامات کا جائزہ لیا گیا۔

اجلاس میں بتایا گیا کہ خصوصی پیٹرول ریلیف اسکیم اسلام آباد میں پہلے ہی فعال ہے جب کہ *ملک بھر میں اسکیم کا نفاذ 16 ستمبر 2026 کی رات 11 بج کر 59 منٹ سے کردیا جائے گا۔* اجلاس کو یہ بھی بتایا گیا کہ فیول ٹوکن کے ذریعے رعایتی پیٹرول کے حصول کا عمل بدھ اور جمعرات کی درمیانی شب شروع ہوگا۔

اسحاق ڈار نے ہدایت کی کہ اسکیم کے لیے رجسٹریشن کا عمل آسان اور ہر شخص کی دسترس میں رکھا جائے تاکہ زیادہ سے زیادہ مستحق افراد اس سہولت سے فائدہ اٹھا سکیں۔ ملک بھر میں اسکیم کے لیے رجسٹریشن شروع کردی گئی ہے اور اہل افراد 9771 پر ایس ایم ایس کے ذریعے اپنی رجسٹریشن کرا سکیں گے۔

09/16/2026

*پیٹرولیم مصنوعات کی قیمتوں میں ایک بار پھر اضافہ کر دیا گیا*

ہائی اسپیڈ ڈیزل کی قیمت میں 6 روپے 41 پیسے فی لیٹر اضافہ

ہائی اسپیڈ ڈیزل کی نئی قیمت 415 روپے 83 پیسے فی لیٹر مقرر

پیٹرول کی قیمت میں 4 روپے 10 پیسے فی لیٹر اضافہ

پیٹرول کی نئی قیمت 384 روپے 34 پیسے فی لیٹر مقرر

پیٹرولیم مصنوعات کی نئی قیمتوں کا اطلاق 16 ستمبر 2026 سے ہوگا

09/15/2026

اسلام آباد ایک بار پھر کنٹینرز کا شہر بننے لگا، 27 ستمبر احتجاج کی تیاریاں شروع

ڈی چوک پر کنٹینرز پہنچ گئے، تاحال سڑک پر نصب نہیں کیے گئے

نادرہ چوک بند، احتجاج کے پیش نظر کنٹینرز بھی پہنچا دیے گئے

ایمبیسی روڈ پر بھی سکیورٹی انتظامات کے تحت کنٹینرز پہنچ گئے

27 ستمبر کے احتجاج کے پیش نظر اسلام آباد میں سکیورٹی تیاریاں شروع

اسلام آباد کے داخلی و خارجی راستوں کی بندش کے لیے کنٹینرز لگائے جائیں گے

احتجاج کے پیش نظر اسلام آباد میں ایک ہزار سے زائد کنٹینرز لگانے کی تیاری

ڈی چوک، نادرہ چوک اور ایمبیسی روڈ پر کنٹینرز کی آمد شروع ہوگئی

09/15/2026

پیٹرولیم مصنوعات کی بڑھتی قیمتوں کے باعث حکومت کا ملک میں ہفتہ وار 3 چھٹیاں دینے کی تجویز پر غور شروع

09/15/2026

Follow our WhatsApp channel for latest update

Follow Rawalpindi Social Media's WhatsApp channel. Join our whatsapp channel for latest news update about Rawalpindi And Islamabad. Join 30 followers for the latest updates.

09/15/2026

*پیٹرول پر 100 روپے کا ریلیف لینے کا طریقہ کار سامنے آگیا*

وزارت انفارمیشن ٹیکنالوجی (آئی ٹی) نے فی لیٹر پیٹرول پر 100 روپے کا ریلیف حاصل کرنے کا طریقہ کار جاری کردیا ہے۔

وزارت آئی ٹی نے موٹر سائیکل، رکشہ، چنگچی اور چھوٹی گاڑیوں کےلیے خصوصی اسکیم کا طریقہ کار بتایا ہے، شہری رجسٹریشن کرائیں۔

وزارت آئی ٹی کے مطابق شہری REG لکھ کر شناختی کارڈ نمبر 9771 پر بھیجیں، گاڑی نمبر، صوبائی کوڈ، رجسٹریشن تاریخ بھی درج کرنا ہوگی۔

*📢 پیٹرول ریلیف اسکیم — رجسٹریشن کا طریقہ*

مثال کے طور پر اگر CNIC: 35202-1234567-1
موٹر سائیکل نمبر: ABC-21-1234
صوبہ: Punjab (P)
رجسٹریشن تاریخ: 14-09-2021

*تو SMS اس طرح لکھیں:*

REG 3520212345671 ABC-21-1234 P 14092021

📱 یہ SMS 9771 پر بھیجیں۔
رجسٹریشن کامیاب ہونے کے بعد ہدایات کے مطابق اگلا مرحلہ مکمل کریں۔

وزارت آئی ٹی کے مطابق فیول ٹوکن کےلیے TOK لکھ کر 9771 پر مسیج کریں، فیول ٹوکن دکھا کر رعایتی پیٹرول حاصل کیا جاسکے گا۔

اسلام آباد میں پیر اور منگل کی درمیانی شب سے ریلیف شروع ہوگا جبکہ ملک کے دیگر علاقوں میں بدھ اور جمعرات کی درمیانی شب سے ریلیف ملے گا۔

وزارت آئی ٹی کے مطابق مستحق شہریوں کو فی لیٹر پیٹرول پر 100 روپے رعایت ملے گی۔ موٹر سائیکل، چنگی کےلیے ماہانہ 20 لیٹر اور 800 سی سی تک کی گاڑیوں کو ماہانہ 30 لیٹر رعایتی پیٹرول کی حد ہوگی۔

09/15/2026

راولپنڈی میں طوفانی بارش موسم خوشگوار ہو گیا

09/15/2026

17 ستمبر تک گرج چمک کے ساتھ بارشیں، این ڈی ایم اے نے الرٹ جاری کردیا*

نیشنل ڈیزاسٹر مینجمنٹ اتھارٹی (این ڈی ایم اے) کے نیشنل ایمرجنسیز آپریشن سینٹر (این ای او سی) نے خطہ پوٹھوہار اور بالائی خیبر پختونخوا میں ممکنہ شدید بارش کے پیش نظر الرٹ جاری کردیا۔

این ای او سی کی جانب سے جاری الرٹ کے مطابق 14 سے 17 ستمبر تک خطہ پوٹھوہار اور بالائی خیبر پختونخوا میں گرج چمک کے ساتھ شدید بارش متوقع ہے۔

مزید پڑھیں: ملک بھر میں موسم کا بدلتا رنگ، اسلام آباد اور راولپنڈی میں آندھی، سندھ میں بارش کی پیشگوئی

*اسلام آباد، راولپنڈی، اٹک، چکوال، جہلم، مری، گلیات اور ملحقہ پہاڑی علاقوں* میں بھی گرج چمک کے ساتھ بارش کا امکان ہے۔

این ڈی ایم اے کے مطابق متوقع بارش کے باعث نشیبی علاقوں، ندی نالوں اور شہری علاقوں میں مقامی سطح پر سیلابی صورتحال پیدا ہونے کا خدشہ ہے۔

بالائی خیبر پختونخوا کے اضلاع دیر، سوات، بونیر، مالاکنڈ، شانگلہ، بٹگرام، کوہستان، مانسہرہ، ایبٹ آباد، ہری پور، نوشہرہ، صوابی، مردان، پشاور اور ملحقہ علاقوں میں بھی شدید بارش متوقع ہے۔

این ای او سی کے جائزہ ماڈلز کے مطابق اچانک بننے والے موسمی نظام کے نتیجے میں مختصر دورانیے میں شدید بارش ہوسکتی ہے۔

پہاڑی علاقوں میں شدید بارش کے باعث ندی نالوں میں تیز بہاؤ، مقامی سیلاب اور لینڈ سلائیڈنگ کا خطرہ بڑھ سکتا ہے۔

این ڈی ایم اے نے عوام کو ہدایت کی ہے کہ شدید بارش کے دوران نشیبی علاقوں، ندی نالوں اور آبی گزرگاہوں سے دور رہیں اور غیر ضروری سفر سے گریز کریں۔

عوام کو ممکنہ سیلابی صورتحال اور لینڈ سلائیڈنگ کے خطرے کے پیش نظر محتاط رہنے کی بھی ہدایت کی گئی ہے۔

این ڈی ایم اے نے مقامی انتظامیہ، محکمہ موسمیات اور این ڈی ایم اے کی جانب سے جاری کردہ تازہ ترین موسمی و ہنگامی ہدایات پر عمل کرنے کی ہدایت کی ہے۔

مستند موسمی معلومات، ممکنہ خطرات اور احتیاطی تدابیر کے لیے پاک این ڈی ایم اے ڈیزاسٹر الرٹ موبائل ایپ سے رہنمائی لینے کا بھی کہا گیا ہے۔