07/17/2026
'PADILLA 'DI UMANO SUMAGOT SA SUMMONS NG OMBUDSMAN'
Sinabi ni Ombudsman Boying Remulla na hindi umano tumugon si Senador Robin Padilla sa ipinadalang summons ng Office of the Ombudsman kaugnay ng reklamong isinampa laban sa kanya dahil sa umano'y pagtulong sa umano'y pagtakas ni Senador Ronald "Bato" dela Rosa.
Ayon kay Remulla, binigyan ng pagkakataon si Padilla na magsumite ng kanyang paliwanag ngunit hindi ito nagawa sa itinakdang panahon. Sa kabila nito, magpapatuloy ang proseso ng imbestigasyon batay sa umiiral na mga patakaran ng Ombudsman.
Nauna nang inihain ang reklamo kaugnay ng umano'y papel ni Padilla sa isyu ng sinasabing pagtulong sa posibleng pag-iwas ni Dela Rosa sa mga awtoridad. Wala pang inilalabas na pahayag si Padilla hinggil sa naturang ulat sa oras ng paglalathala nito.
