09/07/2025
أنا موظف، ما غاديش نذكر السمية ديالي. فالأول ملي تعرفت على مراتي، بانت ليا بواحد الصورة زوينة : الماكياج، الروائحالكعب العالي... قلت مع راسي: "صافي هادي هي لي غادي تصلح ليا". دوزنا عامين ديال الزواج، ولكن منين ولات عندنا الولد، كلشي تبدل. صراحة وليت كنهرب منها، حتى ولا كيوقع ليا نخرج من الخدمة نمشي للقهوة ونبقا قاعد تماء ومن بعد نطلع نتعشى ونعس. أنا ما كنحرمهاش كنعطيها 80 ولا 90 درهم فالشهر باش تمشي للحمام وتنقي راسها وتتقاد. ولكن مع ذلك ما كاينش التغيير. يمكن شي ناس يقولو ليا : 90 درهم آش غادي تدير ؟ " . بصح أنا كنشوف حتى فالبنات فالبوادي، غير بالسواك والكحل كيبانو منورين ونقيين. المشكل دابا أنني بديت نفكر فالطلاق ولكن الحيرة الكبيرة عندي هي ولدي اللي -باقي صغير. ما عرفت اش ندير، واش نصبر ولا نطلق. بغيت منكم النصيحة.
#رسائلكــــــــم
