Urdu Hay Jis ka Naam - اردو ہے جس کا نام

07/15/2025

07/15/2025

کبھی کبھی سب سے بہترین کام یہ ہوتا ہے کہ کچھ نہ کرو۔ ایک دن کے لیے سب چیزوں سے الگ ہو جاؤ - نہ کام کی فکر، نہ گھر کے جھگڑے، نہ دوستوں کے مسائل۔ یہ کوئی بھاگنے کی بات نہیں، بلکہ اپنے آپ کو ٹھیک کرنے کا موقع ہے۔ دنیا تو چلتی رہے گی تمہارے بغیر بھی، لیکن تم اپنے بغیر نہیں چل سکتے۔

جب ہم ہر وقت دوسروں کے لیے جیتے ہیں، کبھی اپنے لیے نہیں جیتے تو اندر سے خالی ہو جاتے ہیں۔ ایک دن صرف اپنے لیے نکالو - نہ کوئی پلاننگ، نہ کوئی ٹینشن۔ بس موجود لمحے میں جیو۔ یہ ایک چھوٹی سی چھٹی نہیں، یہ تمہارا حق ہے۔ کیونکہ تم بھی انسان ہو، مشین نہیں۔

— عمر

07/15/2025

جس پیڑ کے سائے میں تھکن دور ہو میری
سوکھا ہی سہی وہ ، مجھے درکار وہی ہے

مظفر وارثی

07/15/2025

نکول اسمتھ-لوڈوک، وہ باہمت خاتون ہیں جنہوں نے دنیا کی بلند ترین عمارت، برج خلیفہ (828 میٹر بلند) کی چوٹی پر کھڑے ہو کر ایمریٹس ایئرلائن کے ایک اشتہار میں حصہ لیا۔

اسمتھ-لوڈوک کو برج خلیفہ کی چوٹی پر مکمل حفاظتی اقدامات کے تحت محفوظ کیا گیا تھا، اور اس شوٹنگ کے دوران سخت حفاظتی پروٹوکولز پر عمل کیا گیا۔ مطلوبہ مناظر کو فلمانے کے لیے ایمریٹس کا A380 طیارہ برج خلیفہ کے گرد 11 مرتبہ چکر لگا چکا، جس کی رفتار 145 ناٹ تھی — جو کہ A380 کے لیے نسبتاً کم رفتار ہے۔ طیارہ عمارت سے تقریباً آدھے میل کے فاصلے پر رہا اور اس کی پرواز کی بلندی برج خلیفہ کی چوٹی کے برابر تھی۔

07/15/2025

ہمیں ایک نئی طرز کی جنگ کی ضرورت ہے
جس کا ہتھیار، کتابیں ہوں
اس کے رہنما، دانشور ہوں
اور اس کا شکار جہالت اور پسماندگی ہوں

07/15/2025

اگر آپ کو خدا سے کوئی ایک سوال پوچھنے کی اجازت مل جاۓ تو آپ کیا پوچھیں گے؟

07/15/2025

اہم پیغام تمام دوست احباب کیلئے

شدید بارشوں کی وجہ سے قبریں بیٹھ جاتی ہیں زیادہ تر کچی قبروں کو نقصان زیادہ پہنچتا ہے حالیہ بارشوں کا سلسلہ زیادہ ہونے کی وجہ سے بہت سے قبرستانوں میں پانی کھڑا ہوگیا ہے آپ سب سے اپیل ہے قبرستانوں کا چکر لگائیں اپنے پیاروں کی قبروں کی دیکھ بھال کریں جہاں پانی کھڑا ہے پانی کو نکالنے کیلئے محفوظ راستہ دیں دوسرں کی قبروں کا بھی خیال رکھیں اپنوں غیروں کا فرق ختم کرکے سب قبروں کو برساتی پانی سے محفوظ رکھیں ہم سب کا حق ہے جیسے ہی بارش رکے جا کر دیکھ آئیں کہیں پانی کی وجہ سے کسی قبر میں پانی تو نہیں جا رہا یا کسی قبر کو نقصان تو نہیں ہو رہا ایک خاص بات قبرستان کے قریبی رہائشیوں سے اپیل ہے بڑے جانوروں کو آزاد نہ چھوڑیں بارشوں کی وجہ سے قبروں پر جانوروں کے چڑھنے سے کچی قبریں بیٹھ جاتی ہیں مٹی نرم ہونے کے سبب جانوروں کی ٹانگیں قبروں میں گھس جاتی ہیں اپنے گھروں کی دیکھ بھال کے ساتھ ان کے مکانوں کی بھی دیکھ بھال یقینی بنائیں جنہوں نے ہمارے لیئے سر ڈھانپنے کیلئے اپنی پوری زندگی محنت مشقت میں گزار کر دنیا فانی سے رخصت ہو گئے ہیں

تحریر ✍️ سانول آف نورا شریف بھکر

07/15/2025

زندگی ایک آرٹ ہے۔
برش لیں اور اداسی کے ہر حصے میں
خوشیوں کے رنگ بھرتے جائیں
کسی کو اتنا حق نہ دیں کہ۔۔۔۔!!!
وہ آپ کی زندگی کو بےرنگ کر دے ۔۔

07/14/2025

"جب آپ پیچھے مڑ کر دیکھنے میں دلچسپی کھو دیتے ہیں تو آپ جانتے ہیں کہ آپ صحیح راستے پر ہیں."

07/14/2025

ذہنی پسماندگی، فکری انتشار ، جہالت اور بے حسی کی ایک نشانی یہ بھی ھے کہ ایسی قوم victim blaming کرتی ھے-یعنی مظلوم پہ ہی اُلٹا الزام کہ قصور اسی کا ھے-
کسی کے ساتھ ریپ ہو جائے تو “یہ عورت اس وقت یہاں کیا کر رہی تھی”یا کہ “اگر عورت لباس ہی ٹھیک نہ پہنے تو مرد کوئی روبوٹ تو نہیں” -

کسی کے گھر ڈاکہ پڑ جائے تو ہمدردی کرنے والے آپ سے کہیں گے-
“کنڈا کیوں ٹھیک سے نہیں لگایا تھا”-
یا کہیں گے کہ ؛ “کیمرے کیوں نہیں لگائے “

کسی کی بچی بیماری سے بھی مر جائے تو؛
“باپ نے بروقت علاج ہی نہیں کرویا-“
آگر علاج کروایا ہو تو؛
“یہ فلاں ہسپتال یا فلاں ڈاکٹر کے پاس نہیں گئے”

اگر بچہ محنت کے باوجود بھی امتحان میں کم نمبر لے یا فیل ہو جائے تو ؛ کتنا منع کیا تھا کہ صبح سویرے پڑھا کر، رات کو پڑھنے کا انجام دیکھ لیا”-

اگر بلوچستان میں مزدور قتل ہو جائیں تو! “ یہ لوگ نوکری پنجاب میں کیوں نہیں کرتے”-
“یہ لوگ اتنی دور کر کیا رہے تھے”-

آگر پندرہ بیس لوگ ڈوب رہے ہوں دو گھنٹے کوئی مدد نا پہنچے تو ان کے مرنے کے بعد کہیں گے یہ جاہل وہاں کرنے کیا گیا تھے

اور ایسے لوگوں کا کوئی علاج بھی نہیں-

تباہی ان کا مقدر ہے جسے کوئی نہیں روک سکتا -

منتخب