Naw Phaw

04/08/2025

ကူ Share ပေးပါအုန်းနော်

အသက်21အရွယ်
ဘယ်ဖက် မျက်လုံးအောက်နားမှာ 2005 လို့ tattoo ထိုးထားပါတယ်
လက်ရှိလုပ်နေတဲ့ အလုပ်ကနေ27ရက်နေ့က ထွက်သွားပြီး အိမ်လည်း ပြန်မရောက်သေးပါ
အခုထိ သူ့ မိန်းမ
မိသားစု သူငယ်ချင်းများနဲ့ လုံးဝ အဆက်သွယ် မလုပ်သဖြင့် စိတ်ပူနေပါသည်
တွေ့ရှိသူများ cb မှာ သတင်းလာပေးပေးကြပါအုံး
တတ်နိုင်သလောက်ကျေးဇူးဆပ်ပါမည်🙏🙏🙏

#လူပျောက်

29/07/2025

လွမ်းလိုက်တာ အမေရယ်

15/07/2025

ဒီသတင်းအရေးကြီးလို့ ကျေးဇူးပြု၍ Share ပေးပါအုန်း

တိုက်ပြီးထွက်ပြေးသွားတဲ့ကား
အတိုက်ခံရသူမှာ ၅၀/၅၀ ဆိုတော့
ကူညီရှာဖွေပေးကြပါလို့အကူအညီ
တောင်းခံလာပါတယ်

၁၄.၇.၂၀၂၅ရက်
မနက်၃.၄၀ အချိန် စံပြစျေးတံတား
အနီးလူနှင့်လှည်းပါ တိုက်ပြီး
ထွက်ပြေးသွားသည့်
Probox ff/2334 အဖြူရောင်ကား
တွေ့ရှိအောက်ပါဖုန်းဆက်သွယ်ပေးပါအတိုက်ခံရသူမှာ
စံပြဆေးရုံ အရေးပေါ်လူနာစိုးရိမ်ရ
50/50 အခြေအနေဖြစ်နေပါတယ်

ကူညီရှာဖွေပေးကြပါခင်ဗျာ
တွေ့ရှိကဆက်သွယ်ရန်။
09/451114511

12/03/2025

စစ်ကောင်စီ၏ လေကြောင်းတိုက်ခိုက်မှုကြောင့် Free Burma Ranger ဆေးမှူး နော်ဆေးမူးဖော သေဆုံး

YT
မဇ္ဈိမ။ ။ကရင်ပြည်နယ်နှင့်ပဲခူးတိုင်းအစပ်တွင် စစ်ကောင်စီတပ်၏ လေကြောင်းတိုက်ခိုက်မှုကြောင့် ဆေးမှူး နော်ဆေးမူးဖောသေဆုံးခဲ့ကြောင်း Free Burma Ranger(FBR)မှ ယမန်နေ့(မတ်လ ၁၁ ရက်) က သတင်းထုတ်ပြန်သည်။

တောင်ငူခရိုင်၊ ထန်းတပင်မြို့နယ်(ထောတထူး)ရှိကျေးရွာများအတွင်း စစ်ကောင်စီ၏ လေကြောင်းတိုက် ခိုက်မှုများကြောင့် ထိခိုက်ဒဏ်ရာရသူများအား ဆေးမှူးနော်ဆေးမူးဖောအပါအဝင် FBR အဖွဲ့နှင့်ဒေသ တွင်းဆေးကုသရေးအဖွဲ့များ ဆေးကုသမှုပေးနေရာနေရာကို စစ်ကောင်စီက မတ်လ ၈ ရက်နေ့တွင် မီး လောင်ဗုံးများ ကြဲချခဲ့ခြင်းဖြစ်သည်။

အဆိုပါဗုံးကြဲခံရမှုကြောင့် ဆေးမှူးတဦးမှာနေရာ၌ပင်သေဆုံးခဲ့ပြီး တဦးမှာဒဏ်ရာအပြင်းအထန်ရခဲ့ကာ အသက် ၂၅ နှစ်အရွယ် နော်ဆေးမူးဖောသည် ခန္တာကိုယ်အနှံ့ မီးလောင်ဒဏ်ရာများဖြင့် မတ်လ ၁၀ ရက် နေ့တွင်သေဆုံးခြင်းဟု သိရသည်။

ထန်းတပင်မြို့နယ်ဒေသခံဖြစ်သူ နော်ဆေးမူးဖောသည် Jungle School of Medicine Kawtholei (JSMK)သင်တန်းကို ၂၀၂၃ ခုနှစ်တွင် ပြီးဆုံးခဲ့ပြီးနောက် ထန်းတပင်မြို့နယ်ရှိ ဟုမုဒယ်ဆေးခန်း (Hu Mu Del Clinic)တွင် ဆေးမှူးတဦးဖြစ်လာခဲ့သည်။ ထို့နောက် FBR နှင့်အတူ တောင်ငူခရိုင်အတွင်း ကရင် အမျိုးသားလွတ်မြောက်ရေးတပ်မတော်(KNLA) ရဲဘော်များအား ဆေးကုသမှုများပေးခဲ့သည့် ဆေးမှူးတဦးဖြစ်သည်ဟု FBR က ဆိုသည်။

စစ်ကောင်စီသည် သံတောင်ကြီးမြို့နယ်နှင့် ထန်းတပင်မြို့နယ်အစပ်၊ သပြေညွန့်ရွာရှိ တပ်စခန်းတိုက် ခိုက်ခံရမှုကြောင့် မတ်လ ၆ ရက်မှ ၉ ရက်နေ့အထိ အဆိုပါဒေသအနီးတဝိုက်ကို လေကြောင်းမှ ဗုံးသီး၊ မီးလောင်ဗုံး၊ စက်လက်တို့ဖြင့် တိုက်ခိုက်မှုများ လေးရက်ဆက်တိုက်လုပ်ဆောင်ခဲ့သည်။ စစ်ကောင်စီ၏ လေကြောင်းတိုက်ခိုက်မှုများကြောင့် ရွှေပြည်သာမကျည်းတောရွာမှ အမျိုးသမီးတဦးနှင့် အမျိုးသားတဦး၊ ကျောက်ကြီးပေါက်ရွာမှ အမျိုးသမီးတဦး၊ ကွေ့ကြီး(စံပြ)ကျေးရွာမှ သက်ကြီးပိုင်း အမျိုးသမီးတဦး စုစု ပေါင်း လေးဦးသေဆုံးပြီး ခုနစ်ဦးထက်မနည်း ထိခိုက်ဒဏ်ရာရခဲ့သည်ဟု ဒေသခံများက ပြောသည်။

ဓါတ်ပုံ-စစ်ကောင်စီ​၏ မီးလောင်ဗုံး ကြဲချတိုက်ခိုက်မှုအတွင်း သေဆုံးခဲ့သည့် ဆေးမှူး နော်ဆေးမူးဖော​ (ဓါတ်ပုံ- Free Burma Ranger (FBR))

12/03/2025

ထိုင်းနိုင်ငံတွင် တရားမဝင် မြန်မာဆောက်လုပ်ရေးလုပ်သား ၁၆ ဦးနှင့် အထောက်အထားမဲ့ မြန်မာနိုင်ငံသား ၉ ဦးတို့ကို ထိုင်းရဲများက ဖမ်းမိ

မတ် ၁၂

ထိုင်းနိုင်ငံတွင် တရားမဝင် အလုပ်လုပ်ကိုင်နေသော မြန်မာဆောက်လုပ်ရေးလုပ်သား ၁၆ ဦးနှင့် အထောက် အထားမဲ့ ဝင်လာသူ မြန်မာနိုင်ငံသား ၉ ဦးတို့ကို ထိုင်းရဲများက ဖမ်းဆီးရရှိကြောင်း ထိုင်းသတင်းဌာနများက သတင်းဖော်ပြသည်။

မတ်လ ၁၁ ရက်နေ့ ထိုင်းနိုင်ငံ၊ ပတ္တရားရှိ ရေကူးကန်ဆောက်လုပ်ရေးလုပ်ငန်းခွင်များသို့ ထိုင်းအာဏာပိုင်များက ဝင်ရောက်စစ်ဆေးခဲ့ရာ တရုတ်နိုင်ငံသား ၆ ဦးနှင့် မြန်မာတရားမဝင် ဆောက်လုပ်ရေးအလုပ်သမား ၁၆ ဦးတို့ကို ဖမ်းဆီးရရှိခဲ့ကြောင်း သိရှိရသည်။

မြန်မာနိုင်ငံသားများမှာ တရားဝင် စာရွက်စာတမ်း အထောက်အထား ခိုင်လုံစွာ မရှိသည့်အပြင် အလုပ်လုပ်ခွင့် မရှိဘဲ ဆောက်လုပ်ရေးလုပ်ငန်းခွင်များတွင် အလုပ်လုပ်နေခြင်းဖြစ်သည်ကို စိစစ်တွေ့ရှိရကြောင်း ထိုင်းအာဏာပိုင်များက ပြောဆိုသည်။

အလားတူ ထိုင်းနိုင်ငံ၊ ကန်ချနပူရီခရိုင်တွင် ကားတစ်စီးအတွင်း ပြွတ်သိပ်၍ တရားမဝင် လိုက်ပါလာသော မြန်မာနိုင်ငံသား ၉ ဦးကို ထိုင်းအာဏာပိုင်များက ဖမ်းဆီးရရှိကြောင်း သိရှိရသည်။

တရားမဝင် ဝင်ရောက် မြန်မာနိုင်ငံသား ၉ ဦးတွင် အမျိုးသား ၃ ဦးနှင့် အမျိုးသမီး ၆ ဦးပါဝင်ပြီး ထိုင်းနိုင်ငံတွင် အလုပ်လုပ်ရန်အတွက် ဘုရားသုံးဆူလမ်းမှတစ်ဆင့် ဝင်ရောက်လာခြင်းဖြစ်ကြောင်း၊ အဆိုပါ မြန်မာနိုင်ငံသား ၉ ဦးကို ထိုင်းနိုင်ငံအတွင်းသို့ တရားမဝင် ဝင်ရောက်မှုဖြင့် အမှုဖွင့် အရေးယူထားကြောင်း သိရှိရသည်။

12/03/2025

ဖလမ်းမြို့မှာ တိုက်ပွဲများ ပြင်းထန်နေ

|| စစ်ကောင်စီက ဖလမ်းမကျစေရေး လေကြောင်းပစ်ကူ အများပြားဖြင့် ခုခံ

၁၂ မတ်လ ၂၀၂၅

ချင်းပြည်နယ်မြောက်ပိုင်း၊ ဖလမ်းမြို့ကို အပြီးသတ်သိမ်းနိုင်ရေးအတွက် ခလရ - ၂၆၈ တပ်ကုန်းတွင် ယနေ့ တိုက်ပွဲများ အပြင်း အထန်ဖြစ်ပွားနေပြီး စစ်ကောင်စီက လေယာဉ်ပစ်ကူအများအပြားဖြင့် ခုခံလျက်ရှိသည်ဟု သိရသည်။


ယနေ့ မတ်လ ၁၂ ရက်တွင် တိုက်ပွဲများ အပြင်းအထန်ဖြစ်ပွားနေရာ စစ်ကောင်စီက မနက်ပိုင်းကတည်းက ဂျက်ဖိုက်တာများ၊ Y -12 နှင့် Y – 8 လေယာဉ်များအသုံးပြုပြီး ပေါင် ၅၀၀ ဗုံးအပါအဝင် လေကြောင်းမှ တနေကုန် ဗုံးကြဲတိုက်ခိုက်နေသည်ဟု ချင်းအမျိုးသား ကာကွယ်ရေးတပ်ဖွဲ့ - CNDF ပြောရေးဆိုခွင့်ရှိသူ ဆလိုင်းတီမီက ပြောသည်။

“ဒီနေ့ကတော့ နှစ်ဖက်တိုက်ပွဲက တော်တော်ပြင်းထန်ပါတယ်။ ပြင်းထန်တော့ တနေ့ကုန်ပါပဲ။ မနက်မိုးလင်းကတည်းကနေ အခုထိ ဂျက်ဖိုက်တာနဲ့ ပေါင် ၅၀၀ ဗုံးတွေ ချပြီး တိုက်ခိုက်နေတယ်။ တော်တော်လေး များပါတယ်။ ဂျက်အစီးရေနဲ့ လာနေ တာတောင် ၁၀ ခေါက်ထက် ကျော်တယ်။ Y- 12 နဲ့ရော၊ ကင်းထောက်လေယာဉ်တွေ Y – 8 တို့လည်း အခုထိ လာနေတုန်းပါ။ တော်တော်ပြင်းထန်တဲ့ တိုက်ပွဲဖြစ်ပါတယ်” ဟု ဆလိုင်းတီမီက ပြောသည်။

ဖလမ်းမြို့သိမ်းတိုက်ပွဲကို ချင်းညီနောင်စစ်ဆင်ရေးအဖြစ် သတ်မှတ်၍ ချင်းညီနောင်နှင့် တော်လှန်ရေး ပူးပေါင်းတပ်များက ၂၀၂၄ နိုဝင်ဘာလ ၉ ရက်မှ စတင်ထိုးစစ်ဆင်နေရာ နောက်ဆုံးလက်ကျန်စခန်းကုန်ကို သိမ်းနိုင်ရေး ဆောင်ရွက်နေခြင်းဖြစ်သည်။

ချင်းပူးပေါင်းတပ်ဖွဲ့သည် ဖလမ်းမြို့ပေါ်က စစ်ကောင်စီစခန်းအားလုံးကို သိမ်းပိုက်ထားပြီး တောင်ကုန်းပေါ်တွင် တည်ရှိသော ခလရ - ၂၆၈ တပ်ရင်းသာ ကျန်ရှိသောကြောင့် ၎င်းစခန်းကို သိမ်းနိုင်ရေးအတွက် ဝိုင်းဝန်ပိတ်ဆို့၊ ဖြတ်တောက်ကာ တိုက်ခိုက် နေခြင်းဖြစ်သည်ဟု သိရသည်။

စစ်ကောင်စီသည် ရဟတ်ယာဉ်ဖြင့် နောက်ဆုံးကျန်ရှိနေသော ခလရ - ၂၆၈ တပ်ကုန်းကို ပြီးခဲ့သည့် ဇန်နဝါရီလတုန်းက စစ်ကူအင်အား ပေးပို့ခဲ့သည်။

ဖလမ်းမြို့သိမ်းစစ်ဆင်ရေးအတွင်း စစ်ကောင်စီလက်အောက်ခံ ရဲအရာရှိကြီးများအပါအဝင် စစ်သုံ့ပန်း ၁၀၀ ကျော်ကို ဖမ်းဆီး ရမိထားပြီး နိုင်ငံတကာ ဥပဒေများအတိုင်း ထိန်းသိမ်းစောင့်ရှောက်ထားသည်ဟု သိရသည်။

ဖလမ်းမြို့သိမ်းတိုက်ပွဲတွင် CDF – မင်းတပ်နှင့် PDF – Zoland အပါအဝင် တော်လှန်ရေးပူးပေါင်းတပ်က ရဲဘော်များ ထိခိုက် ကျဆုံးမှုများ ရှိကြောင်း၊ စစ်ကောင်စီဘက်မှလည်း ထိခိုက်အကျအဆုံး များပြားသည်ဟု သိရသည်။

11/03/2025

ဖလမ်းမြို့ နောက်ဆုံးလက်ကျန် စစ်အုပ်စုကို ချင်းညီနောင်က ဝိုင်းပတ်ပိတ်ဆို့ ရိက္ခာ ဖြတ်တောက်ထား၊ ဖလမ်းမြို့သိမ်းတိုက်ပွဲ လေးလကြာ ရှိလာပြီး စစ်ကောင်စီက လေကြောင်းဗုံးကြဲ ခုခံနေ
=========
၂၀၂၅ မတ်လ ၁၁ ရက်
ချင်းပြည်နယ်ရဲ့ ဒုတိယအကြီးဆုံးမြို့ဖြစ်တဲ့ ဖလမ်းမြို့ကို သိမ်းပိုက်နိုင်ရေး ထိုးစစ်ဆင်နေပြီး နောက်ဆုံးလက်ကျန် စစ်စခန်းကို ဝိုင်းပတ်ပိတ်ဆို့ကာ ရိက္ခာဖြတ်တောက်ထားတယ်လို့ ဒေသခံ စစ်ရေး သတင်းရင်းမြစ်တွေက ပြောပါတယ်။

ဖလမ်းမြို့ကို သိမ်းပိုက်နိုင်ရေး ချင်းညီနောင် စစ်ဆင်ရေး (Operation CB)အဖြစ် ချင်းညီနောင် (Chin Brotherhood – CB) နဲ့ ရခိုင့်တပ်တော်-အေအေ တွေက ၂၀၂၄ နိုဝင်ဘာလ ၉ ရက်က စတင်ကာ ထိုးစစ်ဆင် တိုက်ခိုက် နေတာ ဖြစ်ပါတယ်။

ဖလမ်းမြို့သိမ်း စစ်ဆင်ရေးအတွင်း မြို့တွင်းက စစ်စခန်း အများအပြားကို သိမ်းပိုက်ထားနိုင်ပြီ ဖြစ်ပေမယ့် တောင်ကုန်းပေါ်မှာ တည်ရှိတဲ့ စစ်အုပ်စု ခြေလျင်တပ်ရင်း ခလရ -၂၆၈ ကို သိမ်းပိုက်နိုင်ဖို့ ကျန်ရှိနေတာ ဖြစ်ပါတယ်။

"သူတို့ ဒီ စစ်ပွဲ မတိုင်ခင်ကနေ ထောက်ပို့ ပစ္စည်းတွေကတော့ သိုလှောင်ထားတာတော့ ရှိမှာပေါ့လေ။ ဒါပေမယ့် သူတို့ (လေယာဉ်) ချတဲ့ ပစ္စည်းတွေထဲမှာ ငပိတို့၊ ဘာတို့တော့ ပါလာတဲ့ဟာ တွေ့ရတယ်။ ဒါပေမယ့်လည်း သူတို့ဘက်မှာလည်း စားနပ်ရိက္ခာ အခက်အခဲတွေ ကြုံရတယ်လို့ ခန့်မှန်းလို့ ရပါတယ်" ဟု ချင်းကာကွယ်ရေးတပ်ဖွဲ့ (CNO/CNDF)ပြောရေးဆိုခွင့်ရရှိသူ ဆလိုင်းတင်မီက ပြောပါတယ်။

အဲ့ဒီ ဖလမ်းမြို့တောင်ကုန်ပေါ်က နောက်ဆုံးလက်ကျန် စစ်စခန်းမှာ စစ်ကောင်စီတပ် အင်အား ၁၂၀ ကျော်ရှိပြီး ပိတ်ဆို့၊ ရိက္ခာဖြတ်ကာ အလုံးစုံသိမ်းပိုက်နိုင်ဖို့ ကြိုးစားနေတယ်လို့ ဆလိုင်းတင်မီ က ပြောပါတယ်။

11/03/2025

တမူးမြို့နယ်၊ကဘော်ချိုင့်ဝှမ်းဒေသ ကို ပြန်လည်သိမ်းယူပြီး မဏိပူရ်ပြည်နယ်ထဲ ထည့်သွင်းပေးဖို့ မဏိပူရ်အမတ်က အိန္ဒိယလွှတ်တော်မှာ အဆိုတင်သွင်း

မတ်လ ၁၁ ရက်။

အိန္ဒိယ-မြန်မာနယ်စပ်မှာတည်ရှိကာ ချင်းလူမျိုးတွေအများအပြားနေထိုင်တဲ့တမူးမြို့နယ်၊ ကဘော်ချိုင့်ဝှမ်းဒေသ (Kabaw Valley) ကို ပြန်လည်သိမ်းယူပြီး မဏိပူရ်ပြည်နယ်ထဲ ထည့်သွင်းဖို့ မဏိပူရ်ပြည်နယ်ပါလီမန်လွှတ်တော်အမတ် Leishemba Sanajaoba က မနေ့မတ်လ ၁၀ ရက်နေ့ကကျင်းပတဲ့ အိန္ဒိယအထက်လွှတ်တော်(Rajya Sabha ) အစည်းအဝေးမှာ အိန္ဒိယအစိုးရကို အဆိုတင်သွင်းခဲ့ပါတယ်။

၁၈၃၄ ခုနှစ် ကဘော်ချိုင့်ဝှမ်း သဘောတူညီမှု နဲ့ ၁၈၂၆ ခုနှစ် ရန္တပိုစာချုပ် (Treaty of Yandaboo) အရ သတ်မှတ်ထားတဲ့ လျော်ကြေးကို မြန်မာနိုင်ငံအား ဆက်လက်ပေးချေစေခြင်း ဒါမှမဟုတ် လက်ရှိမြန်မာနိုင်ငံပိုင်နက်ထဲ ရှိနေတဲ့ ကဘော်ချိုင့်ဝှမ်းဒေသ ကို ပြန်လည်သိမ်းယူပြီး မဏိပူရ်ပြည်နယ်ထဲကို ထည့်သွင်းဖို့ မဏိပူရ်ပြည်နယ်ပါလီမန်လွှတ်တော်အမတ် Leishemba Sanajaoba က
အိန္ဒိယ ဗဟိုအစိုးရကို မတ်လ ၁၀ ရက်နေ့ က ပါလီမန် အထက်လွတ်တော် အစည်းအဝေးမှာ တိုက်တွန်းလိုက်ပါတယ်။

အမတ် Sanajaoba က “ ကဘော်ချိုင့်ဝှမ်းဒေသဟာ ၂၂.၂၁၀ စတုရန်းကီလိုမီတာ ကျယ်ဝန်းပြီး ၁၄၅၀ ခုနှစ်ကတည်းက မဏိပူရ်ရဲ့ အစိတ်အပိုင်းတစ်ခုဖြစ်ကာ မဏိပူရ်ရဲ့ အုပ်ချုပ်မှုအောက်မှာရှိခဲ့ကြောင်း၊
၁၉၅၃ ခုနှစ် မတ်လ ၃ ရက်နေ့မှာ အိန္ဒိယရဲ့ ပထမဦးဆုံး ဝန်ကြီးချုပ် ဂျဝါဟာလာလ်နေရူးက မြန်မာဝန်ကြီးချုပ် ဦးနုနဲ့ ကျင်းပခဲ့တဲ့ အစည်းအဝေးတစ်ခုမှာ ကဘော်ချိုင့်ဝှမ်းဒေသကို မဏိပူရပြည်နယ်အစိုးရနဲ့ တိုင်ပင်မှုမရှိဘဲ မြန်မာနိုင်ငံထံ လက်ဆောင်အဖြစ် ပေးအပ်ခဲ့ကြောင်း၊
အခုလိုပေးအပ်ခဲ့တဲ့ ဂျဝါဟာလာလ်နေရူးရဲ့ လုပ်ရပ်ဟာ မဏိပူရ ပြည်နယ်ရဲ့ သမိုင်းမှာအမှောင်ဆုံးအချိန် “လို့ လွှတ်တော်မှာ စွတ်စွဲပြောဆိုပါတယ်။

နေရူးရဲ့လုပ်ရပ်ကို "သမိုင်းဝင် အမှားကြီးတစ်ခု" လို့ သူက ခေါ်ဆိုပြီး မဏိပူရ်ပြည်သူများကလည်း ဒီလုပ်ရပ်အတွက် နေရူးနဲ့ ကွန်ဂရက်ပါတီကို ဘယ်တော့မှ ခွင့်မလွှတ်နိုင်ကြောင်း ပြောဆိုပြီး ကဘော်ချိုင့်ဝှမ်းဒေသ ပြန်လည်သိမ်းယူဖို့ ဒါမှမဟုတ် ၁၈၃၄ ခုနှစ် ကဘော်ချိုင့်ဝှမ်းဒေသ သဘောတူညီချက်အရ မြန်မာနိုင်ငံက မဏိပူရ်ဘုရင်ခံကို လစဉ် ရူပီးငွေ ၅၀၀ ကို လျော်ကြေးငွေအဖြစ် ပေးဆောင်ရန် သဘောတူထားခဲ့ကြကြောင်း၊မြန်မာဘက်က လျော်ကြေးငွေတွေကို ဆက်လက်ပေးချေနိုင်ဖို့ ကြားဝင်စေ့စပ်တာတွေလုပ်ဆောင်ပေးဖို့ မဏိပူရ်ပြည်နယ်ပါလီမန်လွှတ်တော်အမတ် Leishemba Sanajaoba က အိန္ဒိယအထက်လွှတ်တော်မှာ အိန္ဒိယအစိုးရကိုအဆိုတင်သွင်းခဲ့ပါတယ်။

https://t.me/realchinworldmedia/5861

11/03/2025

မော်စကိုမြို့ကို ယူကရိန်းက ဒရုန်းမိုးရွာပြီး တပြိုက်နက်တိုက်ခိုက်
-----------

ယမန့်နေ့ညက ရုရှားနိုင်ငံမော်စကိုမြို့တော်အား ယူကရိန်းက အကြီးမားဆုံးသော မောင်းသူမဲ့ဝေဟင်ပျံ (ဒရုန်း) စစ်ဆင်ရေးဖြင့် တိုက်ခိုက်ခဲ့ကြောင်း မော်စကိုမြို့တော်ဝန် ဆာဂျေးဆိုဗျန်နင်က ပြောဆိုသည်။

ရုရှားလေကြောင်းရန်ကာကွယ်ရေးတပ်ဖွဲ့များက ယူကရိန်းဒရုန်း ၃၃၇ စင်းကို ပစ်ချခဲ့ကြောင်းလည်း ရုရှားကာကွယ်ရေးဝန်ကြီးဌာနက ထုတ်ပြန်သည်။

အဆိုပါတိုက်ခိုက်မှုအတွင်း အဆောက်အဦးတချို့နှင့် မော်တော်ကားများ ထိခိုက်သွားသည်ကို ကနဦးထွက်ပေါ်လာသော ရုပ်သံမှတ်တမ်းများအရ သိရှိရသော်လည်း ထိခိုက်မှုအသေးစိတ်အခြေအနေကို မသိရသေးပေ။

ဤတိုက်ခိုက်မှုကြောင့် ယူကရိန်းဘက်က အဆိုပြုထားသော တာဝေးပစ်ဒုံးကျည်များပစ်ခတ်ခြင်းနှင့် လေကြောင်းတိုက်ခိုက်မှုများ နှစ်ဖက်ရပ်စဲကြရန်အဆိုကို ရုရှားသမ္မတပူတင်က ပို၍လက်ခံသင့်ကြောင်းလည်း ယူကရိန်းတာဝန်ရှိသူတစ်ဦးအား ကိုးကား၍ ဥရောပအခြေစိုက် သတင်းဌာနများက ရေးသားထားသည်။

ဆုံးရှုံးသွားသည့် နယ်မြေများစွန့်လွှတ်ပြီး ယူကရိန်း-ရုရှားစစ်ပွဲ ရပ်စဲရန် အမေရိကန်ဖိအားပေးနေသည်ကို ရင်ဆိုင်နေရသည့် ယူကရိန်းက ဝေဟင်နှင့်ရေပြင်တိုက်ခိုက်မှုများကို ရပ်တန့်ရန် ရုရှားကို အဆိုပြုထားသည်။ သို့ရာတွင် ရုရှားသမ္မတ ပူတင်က ထိုကမ်းလှမ်းချက်ကို ပယ်ချထားသည်။

ယူကရိန်းနှင့် အမေရိကန်တာဝန်ရှိသူများသည် ယခုအချိန်တွင် ဆော်ဒီအာရေးဗီးယားနိုင်ငံတွင် စစ်ပွဲနှင့်ပတ်သက်၍ တွေ့ဆုံဆွေးနွေးနေကြသည်။

ထို့ပြင် ယူကရိန်း-ရုရှားစစ်ပွဲအတွက် နိုင်ငံပေါင်း ၃၀ မှ ကာကွယ်ရေးဆိုင်ရာဝန်ကြီးများနှင့်အရာရှိများလည်း ပြင်သစ်နိုင်ငံ ပဲရစ်မြို့တွင် ယနေ့အစည်းအဝေးပြုလုပ်ကြမည်ဖြစ်သည်။

ပုံစာ- ယူကရိန်း၏ ဒရုန်းစစ်ဆင်ရေးကြောင့် မော်စကိုမြို့ရှိ အဆောက်အအုံတချို့ ပျက်စီးခဲ့ပုံ။ (ဓာတ်ပုံ-EPA)