https://www.facebook.com/108788262306265/

Novel Vibes Cambodia, New York, NY (2025)

07/21/2025

🎯 ៥ ចំណុចសំខាន់ក្នុងការរៀបចំគោលដៅជីវិត

១. ដឹងថាអ្វីជារឿងសំខាន់សម្រាប់ខ្លួនឯង
👉 ការរៀបចំគោលដៅចាប់ផ្តើមពីការស្គាល់ខ្លួន។ តើអ្វីធ្វើឲ្យអ្នកគិតថាជោគជ័យ? តើអ្វីដែលអ្នកស្រឡាញ់ពិតប្រាកដ? កុំដាក់គោលដៅទៅតាមបណ្តាញសង្គម ឬដើរតាមគំនិតអ្នកដទៃ ប៉ុន្តែត្រូវមើលទៅលើក្តីប្រាថ្នាពិតប្រាកដរបស់យើង។

២. ចែកគោលដៅធំ ជាដំណាក់កាលតូចៗ
👉 មិនបាច់ដាក់គោលដៅ “ធំ” ហួសពីសមត្ថភាពពេកទេ។ ចែកវាជាចំណុចតូចៗ ទៅតាមពេលវេលា៖
• គោលដៅប្រចាំថ្ងៃ
• ប្រចាំខែ
• ប្រចាំឆ្នាំ
ការសម្រេចគោលដៅតូចៗ អ្នកនឹងមានកម្លាំងចិត្តបន្តទៅកិច្ចការធំៗបន្ថែមទៀត។

៣. សរសេរគោលដៅ និងកំណត់ឲ្យច្បាស់
👉 កុំសរសេរតែ “ខ្ញុំចង់បានជីវិតល្អ” ប៉ុន្តែត្រូវសរសេរឲ្យច្បាស់៖
“ខ្ញុំនឹងអានសៀវភៅ ២ក្បាលក្នុង១ខែ” ឬ
“ខ្ញុំនឹងសន្សំប្រាក់ ១០% ពីប្រាក់ចំណូលក្នុង៣ខែខាងមុខ”។
អ្វីដែលវាស់វែងបាន = អាចគ្រប់គ្រងបាន ✅

៤. ទោះពេលខ្លះធ្លាប់ខុសក៏មិនអីដែរ តែសូមក៉ំបោះបង់
👉 ការធ្វើខុសគឺជារឿងធម្មតា។ តែកុំបោះបង់គោលដៅបើគ្រាន់តែខកចិត្តម្តង ឬ២ដង។ បើខុសគួរកែប្រែ ហើយកុំឲ្យខ្លួនឯងអស់ក្តីសង្ឃឹម។ ពេលខ្លះ យើងមិនចាំបាច់ទៅលឿនពេកក៏បាន តែសំខាន់យើងនៅតែបន្តដំណើរទៅមុខជានិច្ច។

៥. ជ្រើសរើសមនុស្សនៅក្បែរ ដែលជួយជម្រុញគោលដៅរបស់អ្នក
👉 ពេលអ្នកនៅជាមួយមនុស្សដែលមានគោលដៅរួម ឬគាំទ្រការរីកចម្រើនរបស់អ្នក អ្នកនឹងកាន់តែមានកម្លាំងចិត្ត។
💬 *“នៅជិតមនុស្សខុស គោលដៅអាចបែកខ្ញែក ប៉ុន្តែប្រសិនបើនៅជិតមនុស្សត្រូវ គោលដៅអ្នកអាចទៅដល់លឿនជាងការរំពឹងទុក។

#ម៉ាញប៊ុក្ស

05/09/2025

៥ចំណុច ដែលអ្នកគួរតែឈប់ធ្វើដើម្បីឱ្យជីវិតអ្នកកាន់តែរីករាយ៖ ✨🕊

១) ឈប់ស្ដីបន្ទោសខ្លួនឯង៖ ការស្ដីបន្ទោសខ្លួនឯងនៅពេលដែលអ្នកធ្វើខុស គឺជារឿងដែលល្ងង់មួយដែលយើងតែងតែធ្វើ អ្នកគួរតែគិតឡើងវិញថានៅលើលោកនេះគ្មាននរណាម្នាក់ដែលកើតមកមិនចេះខុសនោះទេ សំខាន់គឺនៅពេលដែលអ្នកខុសអ្នកត្រូវទទួលស្គាល់កំហុសរបស់ខ្លួនហើយកែប្រែវាទើបជារឿងប្រសើរ។

២) ឈប់ខ្វល់នូវពាក្យដែលមិនបានការពីអ្នកដទៃ៖ មនុស្សមួយចំនួនតែងតែចូលចិត្តនិយាយអាក្រក់ពីយើង ទោះបីជាយើងខំធ្វើល្អយ៉ាងណាក៏ដោយ ហើយវាតែងតែប៉ះពាល់ដល់អារម្មណ៍អ្នក តែអ្នកគួរតែគិតឡើងវិញថាពួកគេទាំងនោះនិយាយអាក្រក់ពីអ្នក ព្រោះតែគេច្រណែននឹងអ្នក មិនមែនមកពីអ្នកធ្វើអ្វីមិនបានល្អនោះទេ។

៣) កុំងាយចុះចាញ់៖ ដំណើរជីវិតរបស់មនុស្សម្នាក់ៗ មិនមែនសុទ្ធតែងាយស្រួលនោះទេ រាល់ផ្លូវដើរទាំងអស់គឺតែងតែមានភាពលំបាក ដូចនេះអ្នកត្រូវតែតស៊ូឱ្យដល់ទីបំផុត មិនគួរចុះចាញ់ដោយងាយៗនោះទេ ទើបជីវិតអ្នកទទួលបាននូវភាពជោគជ័យ។

៤) កុំព្យាយាមធ្វើអ្វីដែលអ្នកមិនអាចទៅរួច៖ មនុស្សយើងកើតមកតែងតែមានសមត្ថភាពខុសៗគ្នា មិនមែនថាអ្នកដទៃធ្វើបាន អ្នកក៍អាចធ្វើបានដូចគេ ហើយក៏មិនមែនរាល់អ្វីដែលអ្នកអាចធ្វើបាន អ្នកដទៃអាចធ្វើបានដូចអ្នកនោះដែរ ដូចនេះបើសិនជាអ្នកដឹងច្បាស់ហើយថា ខ្លួនឯងមិនអាចទៅរួចសូមកុំចំណាយពេលទៅធ្វើវាបន្តទៀត ព្រោះវាគ្មានប្រយោជន៍នោះទេ។

៥) កុំខ្ជះខ្ជាយពេលវេលាជាមួយមនុស្សខុស៖ ជីវិតមនុស្សអាចនិយាយបានថាខ្លីហើយមិនទៀងទាត់នោះទេ ដូចនេះអ្នកគួរតែចំណាយពេលវេលារបស់អ្នកឱ្យបានត្រឹមត្រូវជាមួយមនុស្សជុំវិញខ្លួនដែលខ្វល់ពីអ្នក បារម្ភពីអ្នក លើកទឹកចិត្តអ្នក ជៀសវាងចំណាយពេលឥតប្រយោជន៍ជាមួយមនុស្សមួយចំនួនដែលអាត្មានិយម គិតតែប្រយោជន៍ផ្ទាល់ខ្លួនហើយកេងចំណេញលើអ្នក។

👉រូបភាព: Pinterest
👉ដកស្រង់ចេញពីសម្ផស្សកូនខ្មែរ

05/09/2025

បើជីវិតមិនអាចរកចំណុចងាយស្រួលឃើញ មានន័យថាអ្វីដែលយើងធ្វើកន្លងមក មុខជាមានកំហុសឆ្គងអ្វីម៉្យាងៗមិនខាន ចូររកចំណុចខុសឆ្គងនោះឲ្យឃើញ។ #គរុវិភាគគរុ_អូសូ🥰📚
អូសូ (OSHO) មានកេរ្តិ៍ឈ្មោះល្បីល្បាញនៅអុឺរ៉ុប អាមេរិក និងឥណ្ឌាតាំងពីយូរណាស់មកហើយ តែសម្រាប់ប្រជាជនខ្មែរយើង អ្នកដែលស្គាល់គាត់មានតែក្រុមមនុស្សមួយចំនួនតូចប៉ុណ្ណោះ។ ប៉ុន្តែយ៉ាងហោចណាស់ក៏ គ្រឹះស្ថានបោះពុម្ពផ្សាយម៉ាញប៊ុក្សយើងបានប្រែសម្រួល និងបោះពុម្ពផ្សាយចេញមកសម្រាប់ប្រិយមិត្តដែលចូលចិត្តទស្សនៈរបស់គាត់បានប៉ុន្មានចំណងជើងមកហើយដូចជា៖
📚 បញ្ញា-Intelligence
📚 តៅ-មគ្គវិធីគ្មានលំអាន
📚 ឥស្សរភាព-Freedom
📚 ហ៊ាន-Courage
📚 វុឌ្ឍិភាវៈ-Maturity
📚 និង គរុវិភាគគរុ ។

Ref:

05/06/2025

អ្វីដែលអ្នកគិតនឹងកំណត់ពីអ្វីដែលអ្នកប្រព្រឹត្ត✨
អ្វីដែលអ្នកប្រព្រឹត្តនឹងកំណត់ពីអ្វីដែលអ្នកដទៃតបស្នងចំពោះអ្នក។

📖សៀវភៅ អានុភាពនៃការគិតវិជ្ជមាន ជាសៀវភៅដែលជួយឲ្យអ្នកអានជាច្រើនរាប់លានសម្រេចជោគជ័យក្នុងជីវិត គន្លឹះផ្សេងៗមានដូចជា...
* មើលឲ្យឆ្ងាយ ឈោងឲ្យដល់
* មានជំនឿជាក់លើខ្លួនឯង
* បង្កើនថាមពលជំរុញឲ្យឈានទៅដល់គោលដៅ
* ឈប់ធ្វើជាមនុស្សខ្វល់ច្រើន ប្រើជីវិតតាមសម្រួល
* អភិវឌ្ឍទាំងសម្ពន្ធភាពផ្ទាល់ខ្លួននិងមិត្តរួមការងារ
* ធ្វើជាអ្នកគ្រប់គ្រងស្ថានការណ៍
* ចេះអាណិតស្រលាញ់ខ្លួនឯង

ណរម៉ែន វិនសិនត៍ ភីល នឹងចង្អុល់ប្រាប់ពីអានុភាពដ៏អស្ចារ្យ ផ្ដល់កម្លាំងចិត្តដែលមិនចេះរីងស្ងួត កម្ចាត់ក្ដីខ្លាចនិងបរាជ័យ ប្រែក្លាយជាជោគជ័យដ៏អស្ចារ្យដែលនឹកស្មានមិនដល់...📚📚

-----------------------------
#អានុភាពនៃការគិតវិជ្ជមាន

05/06/2025

🔎 ការស្វែងរក អាចពុំមែនជាការធានាថាយើងត្រូវតែជួបអ្វីដែលខ្លួនចង់បាន តែយ៉ាងហោចណាស់ការចាប់ផ្តើមស្វះស្វែងរកក៏នឹងធ្វើឲ្យយើងបានដឹងថាការពិត តើយើងចង់បានអ្វីពិតប្រាកដ ហើយថាតើអ្វីដែលកំពុងស្វែងរកនោះ វានឹងបង្កជាប្រយោជន៍អ្វីខ្លះសម្រាប់ជីវិតរបស់អ្នក។

📚 សៀវភៅទាំងប៉ុន្មានក្បាលនេះ ណែនាំជាពិសេសសម្រាប់យុវវ័យក្នុងការអភិវឌ្ឍន៍សមត្ថភាពរបស់ខ្លួនឲ្យកាន់តែល្អ ស្វែងរកចំណុចខ្លាំង និងចំណុចខ្សោយរបស់ខ្លួន ដើម្បីរកឲ្យឃើញថា តើចំណុចខ្លាំងរបស់អ្នកគឺជាអ្វី។

📖 #ស្វែងរកចំណុចខ្លាំង
📖 #គិតឡើងវិញ
📖 #ត្រឹមតែពូកែមិនគ្រប់គ្រាន់ទេ
📖 #កុំចុះចាញ់ខ្លួនឯង

05/06/2025

✍មនុស្សភាគច្រើនតែងតែយល់ច្រឡំលើបញ្ហាធំៗពីរយ៉ាងអំពីភាពឆ្លាតគឺ៖
១. វាយតម្លៃខួរក្បាលខ្លួនឯងទាបពេក
២. វាយតម្លៃខួរក្បាលអ្នកដទៃខ្ពស់ជ្រុលពេក។

ដោយសារតែការវាយតម្លៃខុសបែបនេះហើយ ទើបធ្វើឲ្យមនុស្សជាច្រើនគិតថាខ្លួនឯងមិនសូវឆ្លាត មិនសូវមានសមត្ថភាព ដែលជាហេតុធ្វើឲ្យខ្លាច មិនហ៊ានប្រថុយធ្វើកិច្ចការបែបច្នៃប្រតិដ្ឋ ដោយសារតែគិតថា កិច្ចការទាំងនេះត្រូវការ មនុស្សមានខួរក្បាលឆ្លាតពូកែ។ តាមពិតទៅ អ្នកដែលមិនខ្វល់ពីរឿងឆ្លាតល្ងង់ក៏បានធ្វើកិច្ចការទាំងនោះ។
តាមពិតវាមិនសំខាន់លើអ្នកឆ្លាតកម្រិតណានោះទេ តែវាសំខាន់នៅត្រង់ថាអ្នកចេះប្រើសមត្ថភាពរបស់ខ្លួនដូចម្តេច។ ❤📚

#គិតធំឈ្នះធំ #ការគិតវិជ្ជមាន #ហ៊ានសម្រេចហ៊ានធ្វើ #សុបិនក្លាយជាការពិត

Novel Vibes Cambodia

07/21/2025

05/09/2025

05/09/2025

05/06/2025

05/06/2025

05/06/2025

Address

Website

Alerts

Contact The Business

Shortcuts

Share

Category