Alex's Vlog

11/25/2025

Nano Banana Pro မှာမြန်မာစာမှန်ပြီ 🍌 ✅
သိပ်မကြာသေးခင်ကထွက်ထားတဲ့ Google ရဲ့ Image Generation Model ဖြစ်တဲ့ Nano Banana Model ကိုအခုဆိုရင် Update တစ်ဆင့်မြှင့်ပြီး Pro အနေနဲ့တွေ့မြင်ရတော့မှာဖြစ်ပါတယ်။

ထူးခြားတဲ့အချက်ကတော့ ဒီ Model ဟာ အင်္ဂလိပ်စာသာမက တခြားဘာသာစကားတွေကိုပါ ပုံထဲမှာ မှန်ကန်စွာ ရေးသားပေးနိုင်စွမ်းရှိလာပါတယ်။ မြန်မာစာ (Myanmar Text) ကိုလည်း ပုံတွေထဲမှာ ယခင် AI တွေထက် ပိုမိုတိကျစွာ "Render" လုပ်ပေးနိုင်တာကို တွေ့ရပါတယ်။ (ဥပမာ - ပိုစတာဒီဇိုင်းဆွဲခိုင်းတာမျိုး၊ ဆိုင်းဘုတ်ရေးခိုင်းတာမျိုးတွေမှာ စမ်းကြည့်လို့ရပါတယ်)

စမ်းသပ်ချင်တဲ့သူတွေအတွက်ဖုန်းကဆိုရင် Google Gemini App နဲ့ Desktop ဆိုရင် Browser ကနေ Gemini လို့ရိုက်ရှာပြီး Nano Banana Pro Model ကို‌ရွေးပြီးစမ်းသပ်လို့ရပါပြီ။

#နည်းပညာ ်းပညာ #မြန်မာစာ

11/20/2025

🚀 Google ရဲ့ Gemini 3 တကယ်ရော Game Changer ဟုတ်ရဲ့လား ?
Google DeepMind ကနေ နောက်ဆုံးထွက်ရှိလာတဲ့ Gemini 3 ဟာ မျှော်လင့်ထားတာထက် ပိုမိုက်ပါတယ်။ Tech သမားတွေအတွက် အဓိက Update တွေနဲ့ သတိထားစရာတွေကို အနှစ်ချုပ်ဖော်ပြပေးလိုက်ပါတယ်။

✨ New Features (ဘာတွေသစ်လာလဲ?)
🧠 Reasoning Capabilities: သင်္ချာနဲ့ Coding ပုစ္ဆာခက်ခက်ခဲခဲတွေကို လူတစ်ယောက်လို အဆင့်ဆင့် စဉ်းစားတွေးခေါ်ပြီး ဖြေရှင်းနိုင်စွမ်း အလွန်မြင့်မားလာပါတယ်။

💻 Vibe Coding: Code ရေးရာမှာ Command အတိအကျပေးစရာမလိုဘဲ ကိုယ်လိုချင်တဲ့ ပုံစံ/ခံစားချက် (Vibe) ကို ပြောလိုက်တာနဲ့ App တွေ၊ Game တွေ ချက်ချင်းဖန်တီးပေးနိုင်ပါတယ်။

🕵️ Deep Research Agent: အကြောင်းအရာတစ်ခုကို Google Search, Maps, Flight စတာတွေအကုန်လုံးသုံးပြီး အသေးစိတ် Research လုပ်ပေးနိုင်တဲ့ Agent စနစ် ပါဝင်လာပါတယ်။

⚡ Multimodal: စာ၊ ပုံ၊ အသံ နဲ့ ဗီဒီယိုတွေကို အရင်ထက် ပိုမြန်မြန်နဲ့ တိတိကျကျ နားလည်လာပါတယ်။

⚠️ Limitations (ဘာတွေ ကန့်သတ်ချက်ရှိသေးလဲ?)

Early Access: လက်ရှိမှာ Feature အပြည့်အစုံကို သုံးနိုင်ဖို့ Google One AI Premium လိုမျိုး Plan တွေ လိုအပ်နိုင်ပါတယ်။
Accuracy Issues: Reasoning ကောင်းလာပေမယ့် တချို့ ရှုပ်ထွေးလွန်းတဲ့ အချက်အလက်တွေမှာ အမှား (Hallucination) ပါနိုင်သေးလို့ ပြန်စစ်ဆေးဖို့ လိုပါမယ်။
Resource Intensive: ဒီလောက် စွမ်းဆောင်ရည်မြင့်တဲ့အတွက် Compute Power အများကြီးသုံးရတာမို့ ရိုးရိုးအကောင့်တွေ‌ရော Pro Student အကောင့်တွေမှာပါ Usage Limit ရှိပါတယ်

💡Gemini 3 ဟာ လက်ရှိအချိန်မှာ စမ်းသပ်လို့အကောင်းဆုံး AI Model တစ်ခုဖြစ်နေပါပြီ။
Vibe Coding ကို စမ်းသုံးကြည့်ချင်နေပြီလား? Comment မှာ ဆွေးနွေးသွားကြပါဦး! 👇

11/15/2025

ဒီတစ်ခေါက်မှာတော့ Prompt Engineering ကိုလိုင်းပေါ်ကလေ့လာချင်သူတွေအတွက်အခမဲ့လေ့လာလို့ရမယ့် Online Course တွေနဲ့မိတ်ဆက်ပေးလိုက်ပါတယ်။ 🖋️

✅ Course: Alison - Prompt Engineering for AI Applications (Beginner Level)

သင်ယူရမည့်အကြောင်းအရာများ
- Introduction to Prompt Engineering

- Understand Language Models

- Techniques for Effective Prompt Engineering

- Ethical Considerations and Advanced Prompt Engineering Applications

- Applications of Prompt Engineering

Course ယူရန်
https://shorturl.at/z8RYz

-------------------------------------------

✅ Course: datacamp - Understanding Prompt Engineering (Mid Level)

သင်ယူရမည့်အကြောင်းအရာများ
Prompting unveiled

Prompting Strategies and Techniques

Advanced Prompt Engineering

Course ယူရန်
https://www.datacamp.com/courses/understanding-prompt-engineering

-------------------------------------------

✅ Course: Deeplearning. AI - ChatGPT Prompt Engineering for Developers (Beginner Level)

သင်ယူရမည့်အကြောင်းအရာများ
- Prompt Engineering Best Practices

- Using LLMs for Text Tasks- Iterative Prompt Refinement

- Iterative Prompt Refinement

- Building Custom Chatbots

- Integrating LLMs into Applications

Course ယူရန်
https://www.deeplearning.ai/short-courses/chatgpt-prompt-engineering-for-developers/

11/09/2025

🚀 AGI ခေတ်ကို ရောက်နှင့်ပြီလား?
ပြီးခဲ့တဲ့အပတ်က လန်ဒန်မှာကျင်းပခဲ့တဲ့ FT’s Future of AI Summit မှာ‌တော့လက်ရှိခေတ် လူသားတွေရဲ့ AI အသုံးပြုနိုင်စွမ်းကို လုံးဝပြောင်းလဲစေခဲ့တဲ့ Godfathers of AI သုံးဦးအပါအဝင် Nvidia CEO Jensen Huang နဲ့ ထိပ်တန်းပညာရှင်တွေတတ်ရောက်ခဲ့ပါတယ်။

ဒီနေရာမှာစိတ်ဝင်စားဖို့ကောင်းတာကသူတို့ အကုန်လုံးတစ်ညီတစ်ညွတ်ထဲ AGI ခေတ်ကိုရောက်ပြီလို့ အသံထွက်လိုက်တာပါပဲ။

ဒီဆွေးနွေးပွဲက အဓိကအချက်တချို့ကို ကောက်နှုတ်ဖော်ပြပေးလိုက်ပါတယ်-

1️⃣ Jensen Huang (Nvidia CEO) ရဲ့ အမြင်:
AGI ဆိုတာ တစ်ညတည်းနဲ့ ဖြစ်လာမယ့် ပွဲကြီးမဟုတ်ပါဘူး။ "ကျွန်တော်တို့ အဲ့ဒီခေတ်ထဲမှာ ရောက်နေနှင့်ပြီ"လို့ သူကပြောပါတယ်။ AI ဟာ လူသားတွေကို ဖြည့်စွက်ကူညီပေးပြီး အလုပ်တွေကို လုပ်ကိုင်ပေးနေပါပြီ။

2️⃣ Yann LeCun (Meta AI Chief) ရဲ့ အမြင်:
AGI ရောက်ပြီ၊ မရောက်သေးဘူး ငြင်းခုန်နေတာဟာ "ပညာရပ်ဆိုင်ရာ မေးခွန်း (academic question)" တစ်ခုသာဖြစ်ပြီး၊ အရေးကြီးတာက ဒီနည်းပညာကို လက်တွေ့အသုံးချနေပြီ ဆိုတာပါပဲ။

3️⃣ စက်တွေက လူထက် ဘာတွေ သာသွားပြီလဲ?
Fei-Fei Li (World Labs တည်ထောင်သူ) က "စက်တွေရဲ့ ဉာဏ်ရည်ဟာ လူသားတွေထက် သာလွန်တဲ့ အပိုင်းတွေ ရှိနေပြီ။ ဥပမာ - ပစ္စည်းပေါင်း ၂၂,၀၀၀ ကို မှတ်မိတာ၊ ဘာသာစကား ၁၀၀ ကျော် ပြန်ဆိုနိုင်တာ... ဘယ်လူသားက ဒါကို လုပ်နိုင်မလဲ?" လို့ မေးခွန်းထုတ်ခဲ့ပါတယ်။

4️⃣ အနာဂတ်မှာ ဘာဆက်ဖြစ်မလဲ?
Geoffrey Hinton က "နောက်အနှစ် ၂၀ အတွင်း၊ လူတစ်ယောက်ဟာ AI စက်တစ်လုံးနဲ့ အငြင်းအခုံလုပ်ရင်၊ လူပဲ အမြဲတမ်းရှုံးလိမ့်မယ်" လို့ ခန့်မှန်းထားပါတယ်။

ဒါပေမဲ့၊ ဒီပညာရှင်တွေက လူသားတွေရဲ့ ဉာဏ်ရည်ဟာ လူ့အဖွဲ့အစည်းအတွက် အရေးပါနေဦးမှာပါလို့လည်း ထောက်ပြခဲ့ကြပါတယ်။

ဒီအပေါ်မှာ ဘယ်လိုမြင်ကြလဲ? AGI ခေတ်ကို ကျွန်တော်တို့ တကယ်ပဲ ခြေချမိသွားပြီလို့ ထင်ပါသလား?
Comment မှာ ကိုယ့်အမြင်လေးတွေ မျှဝေခဲ့ပါဦး။

11/05/2025

📣📣 အခုဆိုရင်တော့ Open AI ရဲ့ Sora 2 ကို Android သမားတွေလည်း အခမဲ့ သုံးလို့ရတော့မှာဖြစ်ပါတယ်။

အကောင်းဆုံးကတော့ Invite Code လုံးဝမလိုတာပါပဲ။
ပြီးတော့ကိုယ့်ရဲ့ Google Account နဲ့ချိတ်ဆက်ပြီးတော့အလွယ်တကူအသုံးပြုလို့ရမှာဖြစ်ပါတယ်။ Invite Code မလိုပေမယ့်တခြားသူတွေကို Invite ၆ ခါလုပ်ပေးလို့ရပါတယ်။

မှတ်ချက်။ Google Account Location က US ဖြစ်ရပါမယ်။ 👌

ဒေါင်းလော့လုပ်ဖို့ လင့်ကိုကောမန့်မှာယူပါ။

11/04/2025

ပြီးခဲ့တဲ့အပတ်တုန်းက Adobe 🛑 ကသူ့ရဲ့ 2026 Product တွေမှာပါလာမယ့် AI Update တွေကိုချပြသွားပါတယ်။
အချိန်ကုန်တဲ့ Editing အလုပ်တွေက AI သုံးတတ်ရင်လူတိုင်းလုပ်လို့ရနိုင်တဲ့အ‌ခြေအနေဖြစ်ပြီးတော့ အရင်ထပ်ပိုပြီးလွယ်ကူလာဖို့ရှိနေပါပြီ။

AI Update တွေထဲကတစ်ချို့ကို‌ ဗီဒီယိုထဲမှာ ကောက်နုတ်ဖော်ပြလိုက်ပါတယ်။ 👇

#နည်းပညာ

10/29/2025

Wikipedia ဆီကပြန်ကူးနေတဲ့ Grokipedia 🙄
Elon Musk ရဲ့ xAI ကနေ "Grokipedia" ဆိုတဲ့ AI-powered encyclopedia အသစ်တစ်ခုကို မိတ်ဆက်လိုက်ပါတယ်။ Musk ကတော့ လက်ရှိ Wikipedia ဟာ "ဘက်လိုက်မှုတွေများတယ်" (especially left-leaning) လို့ ဝေဖန်ပြီး၊ သူ့ရဲ့ Grokipedia က "အမှန်တရားကိုသာ" ရှာဖွေမယ့် platform လို့ ဆိုပါတယ်။

ဒါဆို ဒီနှစ်ခု ဘာကွာလဲ? ဘယ်ဟာက ပိုကောင်းမလဲ?

1. Content ကို ဘယ်သူရေးသလဲ? (AI vs. Human)
🌐 Wikipedia: ကမ္ဘာတစ်ဝှမ်းက Volunteer တွေ (လူတွေ) က စုပေါင်းရေးသားတည်းဖြတ်ကြပါတယ်။ ဘယ်သူ၊ ဘယ်အချိန်မှာ ဘာပြင်သွားတယ်ဆိုတာ (Edit History) အကုန် ကြည့်လို့ရတယ်။ Non-profit အဖွဲ့အစည်းက run ပါတယ်။

🤖 Grokipedia: အဓိကအားဖြင့် Grok ဆိုတဲ့ AI model ကနေ အကြောင်းအရာတွေကို generate လုပ်ပြီး "fact-check" လုပ်ထားတာပါ။ User တွေက တိုက်ရိုက်ဝင်ပြင်လို့မရသေးပါဘူး။ For-profit ကုမ္ပဏီ (xAI) အောက်မှာ ရှိပါတယ်။

2. ဘက်လိုက်မှု (Bias)
🌐 Wikipedia: Musk နဲ့ တချို့က Wikipedia ကို "left-leaning" (လက်ဝဲယိမ်း) ဘက်လိုက်တယ်လို့ စွပ်စွဲကြပါတယ်။

🤖 Grokipedia: သတင်းသမားတွေရဲ့ သုံးသပ်ချက်အရ Grokipedia ကလည်း "right-leaning" (လက်ယာယိမ်း) ဘက်ကို ပိုအားသာပြီး Elon Musk ရဲ့ ကိုယ်ပိုင်အမြင်တွေ၊ သူ့ရဲ့ အငြင်းပွားဖွယ်ရာတွေကို ချန်လှပ်ထားတာ၊ သူ့ပြိုင်ဘက်တွေအကြောင်းကို ပိုအလေးပေးဖော်ပြတာမျိုးတွေ တွေ့ရတယ်လို့ ဆိုပါတယ်။

3. Source (ရင်းမြစ်) နဲ့ အချက်အလက်
🌐 Wikipedia: ဆောင်းပါးတစ်ပုဒ်မှာ ခိုင်မာတဲ့ ရင်းမြစ် (Citations) တွေ အများကြီး သုံးလေ့ရှိပါတယ်။ (ဥပမာ - ဆောင်းပါးတစ်ခုမှာ source ၁၀၀ ကျော်)

🤖 Grokipedia: လက်ရှိမှာတော့ ရင်းမြစ်ကို သိပ်အများကြီးမပြဘဲ အပေါ်ယံပဲ ဖော်ပြတာများတယ်လို့ ဝေဖန်ခံရပါတယ်။ (Wikipedia မှာ source ၁၀၀ ကျော်သုံးတဲ့ ဆောင်းပါးကို Grokipedia မှာ source ၃ ခုလောက်ပဲ သုံးထားတာမျိုး)

🚨 အရေးကြီးတဲ့အချက်က Copy ကူးထားသလား?
အခုထွက်လာတဲ့ သတင်းတွေအရ Grokipedia မှာရှိတဲ့ ဆောင်းပါးတော်တော်များများဟာ Wikipedia ကနေ "ကူးယူဖော်ပြထားတာ" (adapted from Wikipedia) တွေ ဖြစ်နေတာကို တွေ့ခဲ့ရပါတယ်။ Creative Commons လိုင်စင်အရ သုံးခွင့်ရှိပေမယ့်၊ Wikipedia ကို ဝေဖန်ပြီးမှ Wikipedia ပေါ်မှာ ပြန်အခြေခံနေတာကတော့ လောလောဆယ်မှာ အဓိကပြောစရာ ဖြစ်နေပါတယ်။

🤔 ဘယ်ဟာ ပိုကောင်းလဲ?
တကယ်တော့ "ဘယ်ဟာပိုကောင်းလဲ" ဆိုတာထက် "ဘယ်ဟာက ဘာအတွက်ကောင်းလဲ" ဆိုတာက ပိုမှန်ပါလိမ့်မယ်။

🌐 Wikipedia က လူအများရဲ့ ပူးပေါင်းပါဝင်မှု၊ ခိုင်မာတဲ့ ရင်းမြစ်တွေနဲ့ ဘက်မလိုက်မှုကို (အတတ်နိုင်ဆုံး) ကြိုးစားထားတဲ့၊ နှစ်ပေါင်းများစွာ ယုံကြည်မှုရထားတဲ့ စွယ်စုံကျမ်းပါ။

🤖 Grokipedia ကတော့ AI ကနေ generate လုပ်ထားတဲ့၊ အကြောင်းအရာတစ်ခုကို စကားပြောသလို ဖတ်ချင်သူတွေအတွက်၊ ဒါမှမဟုတ် Musk ရဲ့ အမြင် (perspective) ကို သိချင်သူတွေအတွက် စိတ်ဝင်စားစရာ ဖြစ်နိုင်ပါတယ်။

Tech နဲ့ AI ကို စိတ်ဝင်စားသူတစ်ယောက်အနေနဲ့ ဒီ Platform နှစ်ခုရဲ့ ပြိုင်ဆိုင်မှုက ရှေ့ဆက် ဘယ်လို developer တွေ၊ user တွေအပေါ် သက်ရောက်မှုရှိလာမလဲဆိုတာ စောင့်ကြည့်ရမှာပါ။

Grokipedia က Wikipedia လိုပဲ အားကိုးရတဲ့ source တစ်ခု ဖြစ်လာမယ်လို့ ထင်ပါသလား?

10/26/2025

လူတွေရဲ့ Browser အသုံးပြုတဲ့ပုံစံတွေကိုလုံးဝပြောင်းလဲပစ်တော့မယ့် AI Browser များ 🌐

ကျွန်တော်တို့ Google Chrome, Firefox, Safari တို့လို Web Browser တွေကို သုံးခဲ့ကြတာ နှစ်ပေါင်းများစွာ ကြာခဲ့ပါပြီ။ တစ်ခုခုသိချင်ရင် Keyword တွေနဲ့ 'Search' လုပ်တယ်၊ ထွက်လာတဲ့ Link တွေထဲကမှ အရေးကြီးဆုံးထင်ရတဲ့ Link တွေကို တစ်ခုချင်းစီ ဝင်ဖတ်တယ်၊ ကိုယ်တိုင် အဖြေရှာ အကျဉ်းချုပ်ရတယ်။

ဒါပေမဲ့ အခု... Artificial Intelligence (AI) က ဒီအဆင့်ဆင့်လုပ်ရတဲ့ အလုပ်တွေကို ကျော်ဖြတ်ပြီး၊ ကျွန်တော်တို့ သတင်းအချက်အလက် ရှာဖွေတဲ့ပုံစံကို အကြီးအကျယ် ပြောင်းလဲပစ်တော့မယ့် "AI Browser" တွေ ပေါ်ထွက်လာပါပြီ။

AI Browser ဆိုတာဘာလဲ။ 🌐

AI Browser ဆိုတာ ရိုးရိုး Search Engine လိုမျိုး ကိုယ့်ကို Website Link တွေပဲ ချပြတာမဟုတ်ပဲနဲ့ မေးတဲ့မေးခွန်းကို "နားလည်" ပါတယ်။ ပြီးတော့ အင်တာနက်ပေါ်က သက်ဆိုင်ရာ သတင်းအချက်အလက်တွေကို သူ့ဘာသာသူ ဝင်ရောက်ဖတ်ရှု၊ ခွဲခြမ်းစိတ်ဖြာပြီး၊ ကိုယ့်အတွက် လိုအပ်တဲ့ "တိုက်ရိုက်အဖြေ" ကို အကျဉ်းချုပ်ပြီး ပြန်ပေးနိုင်တဲ့ Browser မျိုးပါ။

၁။ Perplexity Comet 🌐
Comet က AI ကို အဓိကထားတည်ဆောက်ထားတဲ့ "AI-Native Browser" တစ်ခုပါ။ Perplexity ကို Search Engine တစ်ခုအနေနဲ့ လူသိများပြီးသားဖြစ်ပြီး၊ အခု "Comet" ဆိုတဲ့ Browser ကတော့ အင်တာနက်ကို ရှာဖွေရုံသက်သက်မဟုတ်တော့ဘဲ၊ ကိုယ်သိချင်တဲ့အကြောင်းအရာတွေကို တိကျတဲ့အဖြေတစ်ခုတည်းအနေနဲ့ တန်းထုတ်ပေးနိုင်ပါတယ်။

သူ့ရဲ့အားသာချက်က: ရှုပ်ထွေးတဲ့သတင်းအချက်အလက်တွေကို အကျဉ်းချုပ်ပေးနိုင်တာ၊ ဆောင်းပါးတွေကို နားလည်အောင်ရှင်းပြနိုင်တာ၊ သုတေသနလုပ်ငန်းတွေအတွက် အချက်အလက်တွေကို စုစည်းပေးနိုင်တာတွေမှာ အရမ်းကောင်းပါတယ်။

၂။ OpenAI Atlas (ChatGPT-based Web Agent) 🌐
ChatGPT ကိုဖန်တီးခဲ့တဲ့ OpenAI ကနေ "Atlas" ဆိုတဲ့ AI Browser အသစ်ကို မကြာသေးခင်ကပဲ မိတ်ဆက်လိုက်ပါတယ်။ ဒါက Browser သက်သက်ဆိုတာထက် "Web Agent" (ဝဘ်ဆိုဒ်တွေပေါ်မှာ ကိုယ့်ကိုယ်စား အလုပ်လုပ်ပေးမယ့် AI လက်ထောက်) တစ်ခုလို အလုပ်လုပ်ပါတယ်။

သူ့ရဲ့အားသာချက်က: ကိုယ်လုပ်ခိုင်းတဲ့အလုပ်တွေကို Website တွေအများကြီးပေါ် ဖြတ်ကျော်ပြီး သူကိုယ်တိုင်လုပ်ပေးနိုင်ပါတယ်။ ဥပမာ - "ငါ့အတွက် ခရီးစဉ်တစ်ခုရှာပြီး ဟိုတယ်ဘွတ်ကင်လုပ်ပေး"၊ "ဒီပစ္စည်းကို ဈေးဝယ်စာရင်းထဲထည့်ပေး" ဆိုတာမျိုးတွေကို သူ့ဘာသာသူ ဝင်ရောက်လုပ်ဆောင်ပေးနိုင်မှာပါ။

၃။ Google (Gemini in Chrome & Search) 🌐
လက်ရှိ Browser ဈေးကွက်ကို ဦးဆောင်နေတဲ့ Google ကလည်း နောက်ကျမကျန်ခဲ့ပါဘူး။ သူတို့ကတော့ Browser အသစ်ထုတ်တာထက်၊ လူသုံးအများဆုံး Chrome Browser နဲ့ Google Search ထဲကို သူတို့ရဲ့ Gemini AI ကို တိုက်ရိုက်ထည့်သွင်းပေါင်းစပ်လာပါတယ်။

သူ့ရဲ့အားသာချက်က: Google Search မှာ ရှာလိုက်တာနဲ့ အဖြေတွေကို AI က အကျဉ်းချုပ်အနေနဲ့ (AI Overviews) တန်းဖော်ပြပေးတာ၊ Chrome Browser ထဲမှာတင် Website တွေကို အကျဉ်းချုပ်ခိုင်းတာ၊ စာတွေရေးခိုင်းတာတွေကို တန်းလုပ်နိုင်ပါတယ်။

အချုပ်အားဖြင့်ပြောရရင် ✅

အချိန်ကုန်သက်သာခြင်း:Website ၁၀ ခု ဝင်ဖတ်ရမယ့်အစား၊ အဖြေကို စက္ကန့်ပိုင်းအတွင်း တိုက်ရိုက်ရရှိပါမယ်။
ပိုမိုတိကျသော မေးခွန်းများ: "Thailand visa" လို့ ရိုက်ရှာတာထက်၊ "မြန်မာနိုင်ငံသားတစ်ယောက် ထိုင်းနိုင်ငံမှာ Non-B Visa ပြောင်းဖို့ ဘာစာရွက်စာတမ်းတွေလိုလဲ" ဆိုပြီး စကားပြောသလို အရှည်ကြီး မေးလာနိုင်ပါပြီ။
Productivity တက်လာခြင်း: Article တွေ၊ PDF တွေကို အကျဉ်းချုပ်ခိုင်းတာ၊ Email တွေ ပြန်ရေးခိုင်းတာတွေကို Browser ကနေပဲ တိုက်ရိုက်လုပ်ဆောင်နိုင်မှာပါ။

AI Browser တွေဟာ ကျွန်တော်တို့ အင်တာနက်ကို အသုံးပြုပုံ၊ သတင်းအချက်အလက် ရယူပုံကို အခြေခံကစပြီး ပြောင်းလဲပစ်တော့မှာပါ။ ဒါဟာ "ရှာဖွေခြင်း" ခေတ်ကနေ "သိရှိခြင်း" ခေတ်ကို ကူးပြောင်းသွားတဲ့ တော်လှန်ရေးတစ်ခုပါပဲ။

AI Browser တွေကို စပြီး သုံးကြည့်နေပြီလား။ ဘယ်တစ်ခုကို အကြိုက်ဆုံးလဲ။

#နည်းပညာ

10/21/2025

FYI par 📣📣📣 AI ကိုအခြေခံကနေစပြီးလေ့လာချင်သူတွေအတွက် လာမယ့် 23 ရက်နေ့ Genplex ကနေဖွင့်မယ့် Artificial intelligence 101 Class ရှိပါမယ်။ FYI

10/20/2025

Google ရဲ့ Veo 3.1 ထွက်ပါပြီ၊ Sora 2 အတိုင်းပဲ Character Consistency (တူညီတဲ့လူပုံစံ) မှာတော်‌တော်ကောင်းလာပြီ၊ အစပိုင်းမှာတော့ မြန်မာလိုသိပ်မမှန်ပေမယ့် အခုတော့တစ်ဖြည်းဖြည်းမှန်လာပြီပြောလို့ရတယ်။

အခု Video ကို Veo 3.1 သုံးပြီးထုတ်ထားပါတယ်။ 👇
Google AI Studio ၊ Gemini ၊ Flow တို့မှာစမ်းကြည့်လို့ရပါပြီ။

10/15/2025

AI စ*စ်အေးတိုက်ပွဲ 🔥 တစ်နှစ်မပြည့်ခင်မှာ ကမ္ဘာကို တုန်လှုပ်စေခဲ့တဲ့ တ*ရု*တ်ရဲ့ AI များ [စာဖတ်ချိန် ၂ မိနစ်]

ကျွန်တော်တို့အများစု OpenAI ရဲ့ ChatGPT, Google ရဲ့ Gemini, Midjourney တို့ကို အာရုံစိုက်နေချိန်မှာ တ*ရု*တ်က AI နယ်ပယ်မှာ တိတ်တဆိတ်နဲ့ အရှိန်အဟုန်ပြင်းပြင်း လှုပ်ရှားနေခဲ့ပါတယ်။ ဒါဟာ "AI စ*စ်အေးတိုက်ပွဲ" လို့ခေါ်ရလောက်အောင် ပြိုင်ဆိုင်မှု ပြင်းထန်လာနေပြီး အနောက်အုပ်စုတွေ အိပ်မောကျနေချိန်မှာ တ*ရု*တ်ကုမ္ပဏီကြီးတွေက အံ့အားသင့်စရာ AI မော်ဒယ်တွေကို တစ်ခုပြီးတစ်ခု ထုတ်ပြခဲ့ပါတယ်။

ပြီးခဲ့တဲ့ တစ်နှစ်အတွင်း တ*ရု*တ်ကနေ ကမ္ဘာကို မိတ်ဆက်ခဲ့တဲ့ အဓိက AI နည်းပညာတွေကတော့...

🤖 DeepSeek & DeepSeek V3.1
OpenAI ကို တိုက်ရိုက်စိန်ခေါ်တဲ့ 100% open-source မော်ဒယ်ပါ။ သူ့ရဲ့ နောက်ဆုံးထွက် DeepSeek v3.2 ဟာ GPT-5 အဆင့်နဲ့တောင် ယှဉ်နိုင်တယ်လို့ ဆိုထားတာကြောင့် AI developer လောကမှာ အကြီးအကျယ် ရိုက်ခတ်ခဲ့ပါတယ်။

🎬 OmniHuman-1
ByteDance (TikTok ပိုင်ရှင်) က ထုတ်လုပ်တဲ့ ဒီ AI ဟာ လူသားနဲ့ခွဲမရလောက်အောင် လက်တွေ့ကျတဲ့ ဗီဒီယိုတွေကို ဖန်တီးပေးနိုင်ပါတယ်။ Video generation နယ်ပယ်မှာ Veo တို့ Sora တို့ရဲ့ တကယ့်ပြိုင်ဘက်တစ်ခုပါပဲ။

🧠 Manus AI (ကိုယ်တိုင်စဉ်းစားနိုင်တဲ့ AI Agent)
ဒီဟာက chatbot သို့မဟုတ် assistant သီးသီးမဟုတ်တော့ပါဘူး။ သူ့ဘာသာသူ "စဉ်းစား၊ စီစဉ်၊ အကောင်အထည်ဖော်" (THINK, PLAN, EXECUTE) နိုင်တဲ့ ပထမဆုံး ကိုယ်ပိုင်အသိဉာဏ်ရှိ AI Agent ဖြစ်ပါတယ်။ ကိုယ်အိပ်နေချိန်မှာ တောင်ကိုယ့်အတွက် အလုပ်လုပ်ပေးနိုင်တဲ့ အနာဂတ်ရဲ့ နည်းပညာပါ။

🌐 Qwen 3 (Alibaba ရဲ့ AI)
Alibaba က မိတ်ဆက်လိုက်တဲ့ ဒီ AI ဟာ စာသား၊ ရုပ်ပုံ၊ ဗီဒီယိုတွေကနေ ဝဘ်ဆိုဒ်တစ်ခုလုံးအထိ ဖန်တီးနိုင်တဲ့ စွမ်းရည်မြင့် AI တစ်ခုပါ။

🎥 Kling AI
လက်ရှိဈေးကွက်ထဲက အကောင်းဆုံး video generator တွေထဲက တစ်ခုဖြစ်ပြီး နာမည်ကြီး SORA ထက်တောင် နည်းပညာပိုင်းမှာ သာလွန်တဲ့အချက်တွေ ရှိနေပါတယ်။

🔍 Ernie 4.5 (တ*ရု*တ် Google)
"တရုတ် Google" လို့ လူသိများတဲ့ Baidu က ထုတ်လုပ်ထားပြီး GPT-4o နဲ့ Claude 3 တို့ကို စွမ်းဆောင်ရည်စံနှုန်း (benchmark) အများအပြားမှာ အနိုင်ယူပြခဲ့ပါတယ်။

🎨 Seedream 4.0 (Midjourney ရဲ့ ပြိုင်ဘက်)
ByteDance ရဲ့ အဆင့်အမြင့်ဆုံး ရုပ်ပုံဖန်တီးမှု AI ဖြစ်ပြီး Midjourney ကို တိုက်ရိုက်စိန်ခေါ်နိုင်တဲ့ အရည်အသွေးမြင့် ရုပ်ပုံတွေကို ထုတ်ပေးနိုင်ပါတယ်။ ဒါဟာ တ*ရု*တ်ရဲ့ visual AI နယ်ပယ်အတွက် ကြီးမားတဲ့ ခုန်ပျံကျော်လွှားမှုတစ်ခုပါပဲ။

ဒီအချက်တွေက တ*ရု*တ်ဟာ AI နယ်ပယ်မှာ နောက်ကလိုက်နေတာမဟုတ်တော့ဘဲ ဘာသာစကားမော်ဒယ် (LLM)၊ ဗီဒီယို၊ ရုပ်ပုံ၊ ကိုယ်ပိုင်အသိဉာဏ်ရှိ AI Agent အထိ နယ်ပယ်စုံမှာ ဦးဆောင်သူနေရာကို ရောက်လာနေပြီဆိုတာကို သက်သေပြနေပါတယ်။ ဒါ့အပြင် တ*ရု*တ်ရဲ့ AI တွေဟာ အနောက်နိုင်ငံ‌တွေရဲ့ AI တွေထပ်ပိုပြီးဈေးသက်သာပါတယ်။ ဆိုတော့ကမ္ဘာ့ AI နည်းပညာပြိုင်ဆိုင်မှုကတော့ ပိုပြီးပြင်းထန်လာတော့မှာ သေချာပါတယ်။

ဒီ AI တွေထဲမှာ ဘယ်တစ်ခုကို စိတ်အဝင်စားဆုံးလဲ? တ*ရုတ်*ရဲ့ AI တိုးတက်မှုတွေအပေါ် ဘယ်လိုမြင်ကြလဲ? comment မှာ ဝင်ရောက်ဆွေးနွေးပေးခဲ့ကြပါဦး။ 👇

#နည်းပညာ ်အေးတိုက်ပွဲ

10/10/2025

ချင်းမိုင်မှာရှိမယ့်မိတ်ဆွေတွေ လာခဲ့ဖို့ဖိတ်ခေါ်ပါတယ်။ 🙋🙋🙋

လာမယ့် Sunday ကျရင်တော့ ကျွန်တော်နဲ့ ko Alex's Vlog ပေါင်းပြီး AI video creation workshop လုပ်ဖို့ ရှိပါတယ်

4 Seas Nimman Co working Space မှာ FREE လုပ်ပေးသွားမှာပါ ( အအေးတစ်ခွက်တော့ အားပေးနိုင်ပါတယ် )

Workshop ဖြစ်လို့ Idea စဉ်းစားတာကနေ၊ Prompt ရေးတဲ့ Framework တွေ၊ Storyboard ဆွဲတာတွေကအစ နောက်ဆုံး Video ထွက်တဲ့အထိ Process တစ်ခုလုံးကို အတူလုပ်ပြပေးမှာပါ။

ကျွန်တော်တို့ Digital nomad club က Community တစ်ခု လေး တည်ဆောက်နေတာမို့

ချင်းမိုင်ရောက် မြန်မာတို့ စိတ်ဝင်စားရင်လာ ရောက် Join နိုင်ပါတယ်

🤖 The Future of Content! AI Video Creation Workshop is Here!

Ready to level up your content game?
The Digital Nomad Club - CNX is excited to partner with 4Seas Co-working Space for an exclusive in-person FREE workshop!

🚀 AI Powered Content & Video Creation 🚀

Join our instructors,
WayneJr ( Founder of GuruTechX AI Marketing Agency )&
Alex ( Digital Creator_ AI Evaluator & Researcher ) ,

as we will guide you through the entire creative process: from brainstorming ideas and mastering prompt frameworks to storyboarding and final video editing.

We’ll be exploring the absolute latest AI tools like Sora 2, Google Gemini & Veo 3, Suno, and Kling AI to turn your vision into reality.

This workshop is perfect for content creators, marketers, freelancers, and anyone curious about the power of AI video.

🗓️ Date: Sunday, October 12th
⏰ Time: 3 PM - 5 PM
📍 Location: 4Seas Co-working Space, Nimman, Chiang Mai
🎟️ Ticket: Just buy one drink at the cafe!

Register here
https://forms.gle/oCQcinZoQ4mZvp3R7

Event Link
https://www.facebook.com/share/17NwST2r82/