Clicky

Gospel Voice News USA

Operating as usual

ഐ.പി.സി കുടുംബ സംഗമം ഒരുക്കങ്ങൾ പുരോഗമിക്കുന്നു.ഒക്കലഹോമ : ഇൻഡ്യാ പെന്തക്കോസ്ത് ദൈവസഭ 18 മത് നോർത്തമേരിക്കൻ കോൺഫ്രൻസിന്റ...
05/05/2022

ഐ.പി.സി കുടുംബ സംഗമം
ഒരുക്കങ്ങൾ പുരോഗമിക്കുന്നു.

ഒക്കലഹോമ : ഇൻഡ്യാ പെന്തക്കോസ്ത് ദൈവസഭ 18 മത് നോർത്തമേരിക്കൻ കോൺഫ്രൻസിന്റെ വിജയകരമായ നടത്തിപ്പിനായുള്ള ഒരുക്കങ്ങൾ പുരോഗമിക്കുന്നു. വിവിധ സംസ്ഥാനങ്ങളിൽ നിന്നുമുള്ള പ്രാർത്ഥനാ സഹകാരികളെ പങ്കെടുപ്പിച്ചുകൊണ്ട് പ്രയർ ലൈനും പ്രമോഷണൽ യോഗങ്ങളും നടന്നുവരുന്നു. പാസ്റ്റർ പോൾ തോമസ്‌ (ഉദയ്പുർ), പാസ്റ്റർ ജോ തോമസ് (ബാംഗ്ലൂർ), പാസ്റ്റർ സാം സ്റ്റോസ് (യു.എസ്.എ), ഡോ. എയ്ഞ്ചലാ സ്റ്റിവെൻസൻ, ഡോ. മറിയാമ്മ സ്റ്റീഫൻ എന്നിവരായിരിക്കും മുഖ്യ പ്രഭാഷകർ.

റവ. ഡോ. പോൾ തോമസ് മാത്യൂസ്, രാജസ്ഥാനിലെ ഉദയ്പൂരിലുള്ള രാജസ്ഥാൻ പെന്തക്കോസ്ത് ചർച്ചിന്റെ സീനിയർ പാസ്റ്ററും ഫിലാഡൽഫിയ ഫെല്ലോഷിപ്പ് ചർച്ച് ഓഫ് ഇന്ത്യയുടെ നാഷണൽ ഓവർസിയറുമാണ്. തന്റെ പിതാവ് പരേതനായ ഡോ. തോമസ് മാത്യൂസ് ഉദയ്പൂർ ആരംഭിച്ച ആത്മീയ പ്രവർത്തനനങ്ങളുടെ പിൻഗാമിയായി തുടരുന്ന ഡോ. പോൾ, സാധ്യമായ എല്ലാ മാർഗങ്ങളിലൂടെയും ക്രിസ്തുവിന്റെ സന്ദേശം പ്രചരിപ്പിക്കാൻ ശ്രമിച്ചുകൊണ്ടിരിക്കുന്നു.

ബാംഗ്ലൂരിലെ സതേൺ ഏഷ്യ ബൈബിൾ കോളേജിൽ നിന്ന് എം.ഡിവും ബാംഗ്ലൂരിലെ സതേൺ ഏഷ്യ ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് ക്രിസ്ത്യൻ സ്റ്റഡീസിൽ നിന്നും പുതിയ നിയമ പഠനത്തിൽ ദൈവശാസ്ത്രത്തിൽ (M. Th) ബിരുദവും നേടിയ പാസ്റ്റർ ജോ തോമസ്, ഒരു അനുഗ്രഹീത കൺവെൻഷൻ പ്രസംഗകനും അധ്യാപകനുമാണ്. മറ്റ് പ്രസംഗികരെ കൂടാതെ ഇൻഡ്യാ പെന്തക്കോസ്ത് ദൈവ സഭയിലെ സീനിയർ ശുശ്രുഷകന്മാരും ദൈവ വചനം പ്രസംഗിക്കും.

ഭാരവാഹികളായ പാസ്റ്റർ പി.സി.ജേക്കബ് (നാഷണൽ ചെയർമാൻ), ബ്രദർ ജോർജ് തോമസ് (നാഷണൽ സെക്രട്ടറി), ബ്രദർ തോമസ് കെ. വർഗീസ് (നാഷണൽ ട്രഷറാർ), സിസ്റ്റർ ഗ്രേസ് സാമുവേൽ (ലേഡീസ് കോർഡിനേറ്റർ), ബ്രദർ ജസ്റ്റിൻ ഫിലിപ്പ് (യൂത്ത് കോർഡിനേറ്റർ) എന്നിവരുടെ നേതൃത്വത്തിൽ വിപുലമായ കമ്മറ്റി പ്രവർത്തനങ്ങൾ വിലയിരുത്തുന്നു.

2022 ആഗസ്റ്റ് 4 മുതൽ 7 വരെ ഒക്കലഹോമയിൽ നോർമൻ എംബസി സ്യൂട്ട് ഹോട്ടലിൽ വെച്ചാണ് കോൺഫ്രൻസ് നടത്തപ്പെടുക. മെച്ചമായ താമസ്സ സൗകര്യം ആഗ്രഹിക്കുന്നവര്‍ക്ക് ഒരു രാത്രിയ്ക്ക് 99 ഡോളര്‍ നിരക്കില്‍ മുറികള്‍ ഇപ്പോൾ ലഭ്യമാണ്. പരിമിതമായ മുറികള്‍ മാത്രമേ ഈ നിരക്കില്‍ ലഭിക്കൂ എന്നതിനാല്‍ മുറികള്‍ ആവശ്യമുള്ളവര്‍ മെയ് 15 നകം പ്രതിനിധികളുമായി ബന്ധപ്പെടുകയോ വെബ്ബ്‌സൈറ്റ് വഴി രജിസ്റ്റര്‍ ചെയ്യുകയോ ചെയ്യേണ്ടതാണ്.

ഓണ്‍ലൈന്‍ രജിസ്റ്റര്‍ ചെയ്യുന്നവര്‍ക്ക് ക്രെഡിറ്റ്കാര്‍ഡ് വഴിയും, പേപാല്‍ അക്കൌണ്ട്‌ വഴിയും തുക അടക്കുവാനുള്ള സംവിധാനങ്ങള്‍ ക്രമീകരിച്ചിട്ടുണ്ട്. രജിസ്‌ട്രേഷനും കൂടുതൽ വിവരങ്ങൾക്കും ipcfamilyconference.org എന്ന വെബ്സൈറ്റ് സന്ദർശിക്കുക.

വാർത്ത: നിബു വെള്ളവന്താനം

ബി.സി.പി.എ പ്രസിഡന്റ് ചാക്കോ കെ തോമസിന്റെ പിതാവ് തോമസ് വർഗീസ് നിത്യതയിൽ.
04/27/2022

ബി.സി.പി.എ പ്രസിഡന്റ് ചാക്കോ കെ തോമസിന്റെ പിതാവ് തോമസ് വർഗീസ് നിത്യതയിൽ.

മേഴ്‌സി തോംസൺ ഫ്ലോറിഡയിൽ നിര്യാതയായി. സംസ്ക്കാരം 30 ന്  ശനിയാഴ്ച  ലേക്ക്ലാന്റ് : പനംപറ്റ കൊട്ടാരത്തിൽ റോക്ക്  വില്ലയിൽ ക...
04/27/2022

മേഴ്‌സി തോംസൺ ഫ്ലോറിഡയിൽ നിര്യാതയായി. സംസ്ക്കാരം 30 ന് ശനിയാഴ്ച

ലേക്ക്ലാന്റ് : പനംപറ്റ കൊട്ടാരത്തിൽ റോക്ക് വില്ലയിൽ കുടുംബാഗം പാസ്റ്റർ തോംസൺ ജോർജിന്റെ ഭാര്യ മേഴ്‌സി തോംസൺ (67) ഫ്ലോറിഡയിൽ നിര്യാതയായി.

കുമ്പനാട് കാരിയാലിൽ പരപ്പാട്ട് പരേതനായ പാസ്റ്റർ പി.എസ് ഫിലിപ്പോസിന്റെയും പൊടിമല മേരിക്കുട്ടി ഫിലിപ്പോസിന്റെയും സീമന്ത പുത്രിയാണ്.

മക്കൾ: ഡോ. റ്റോണി, ഡോ. റ്റീന, ഡോ. റ്റോബി
മരുമകൻ: ഡോ. സോണി

സഹോദരങ്ങൾ: ഗ്രേസ് ജോൺ, സാം ഫിലിപ്പ്, പാസ്റ്റർ റെജി ഫിലിപ്പ്

സംസ്കാര ശുശ്രൂഷയോട് അനുബദ്ധിച്ചുള്ള പൊതുദർശനം ഏപ്രിൽ 29 വെള്ളിയാഴ്ച വൈകിട്ട് 6 മുതൽ 9 വരെ ലേക്ക് ലാന്റ് ഇന്ത്യാ പെന്തക്കോസത് ദൈവസഭയിൽ (4525 Clubhouse Rd, Lakeland, FL 33812, USA) നടക്കും.

30 ന് ശനിയാഴ്ച രാവിലെ 8.30 മുതൽ സംസ്ക്കാര ശുശ്രൂഷകൾ ആരംഭിക്കുന്നതും തുടർന്ന് 12.30ന് ഭൗതീക ശരീരം ഓക്ഹിൽ സെമിത്തേരിയിൽ (4620 Hwy. 98S Lakeland, Polk County, Florida, 33810 USA) സംസ്ക്കരിക്കും.

വാർത്ത : നിബു വെള്ളവന്താനം

ഐ.പി.സി ഫാമിലി കോൺഫ്രൻസ്‌ :ഹ്യൂസ്റ്റൺ പ്രമോഷണൽ യോഗം 24 ന് ന്യുയോർക്ക്: നോർത്തമേരിക്കയിലെയും കാനഡയിലെയും ഐ.പി.സി സഭകളുടെ ...
04/19/2022

ഐ.പി.സി ഫാമിലി കോൺഫ്രൻസ്‌ :
ഹ്യൂസ്റ്റൺ പ്രമോഷണൽ യോഗം 24 ന്

ന്യുയോർക്ക്: നോർത്തമേരിക്കയിലെയും കാനഡയിലെയും ഐ.പി.സി സഭകളുടെ കുടുംബസംഗമത്തിന്റെ അനുഗ്രഹത്തിനായും വിജയകരമായ നടത്തിപ്പിനും വേണ്ടി 24ന് ഞായറാഴ്ച വൈകിട്ട് 6 മണിക്ക് ഹൂസ്റ്റൺ ഹെബ്രോൻ ഐ.പി.സി സഭാലയത്തിൽ പ്രമോഷണൽ യോഗവും സംഗീത ശുശ്രുഷയും നടത്തപ്പെടും. റവ. ഡോ. സാബു വർഗീസ് മുഖ്യ പ്രഭാഷണം നടത്തും.

2022 ആഗസ്റ്റ് 4 മുതൽ 7 വരെ ഒക്കലഹോമയിൽ നോർമൻ എംബസി സ്യൂട്ട് ഹോട്ടലിൽ വെച്ചാണ് കോൺഫ്രൻസ് നടത്തപ്പെടുക.

പാസ്റ്റർ പി.സി.ജേക്കബ് (നാഷണൽ ചെയർമാൻ), ബ്രദർ ജോർജ് തോമസ് ( നാഷണൽ സെക്രട്ടറി), ബ്രദർ തോമസ് കെ. വർഗീസ് (നാഷണൽ ട്രഷറാർ), സിസ്റ്റർ ഗ്രേസ് സാമുവേൽ (ലേഡീസ് കോർഡിനേറ്റർ), ബ്രദർ ജസ്റ്റിൻ ഫിലിപ്പ് ( യൂത്ത് കോർഡിനേറ്റർ) എന്നിവരുടെ നേതൃത്വത്തിലായിരിക്കും കോൺഫ്രൻസ് നടത്തപ്പെടുക.

രജിസ്‌ട്രേഷനും കൂടുതൽ വിവരങ്ങൾക്കും ipcfamilyconfernce.org എന്ന വെബ്സൈറ്റ് സന്ദർശിക്കണ മെന്ന് മീഡിയ കോർഡിനേറ്റർ ബ്രദർ ഫിന്നി രാജു അറിയിച്ചു.

വാർത്ത: നിബു വെള്ളവന്താനം
#ipcfamily

കുഞ്ഞുഞ്ഞമ്മ കുരുവിള നിര്യാതയായിസംസ്കാരം 12 ന് ചൊവ്വാഴ്ച്ചഫ്ലോറിഡ: അഞ്ചേരി പാടത്തുമാപ്പിള്ള ഇട്ടിമാണിൽ പരേതനായ കെ.സി കുര...
04/11/2022

കുഞ്ഞുഞ്ഞമ്മ കുരുവിള നിര്യാതയായി
സംസ്കാരം 12 ന് ചൊവ്വാഴ്ച്ച

ഫ്ലോറിഡ: അഞ്ചേരി പാടത്തുമാപ്പിള്ള ഇട്ടിമാണിൽ പരേതനായ കെ.സി കുരുവിളയുടെ ഭാര്യ കുഞ്ഞുഞ്ഞമ്മ കുരുവിള (87) നിര്യാതയായി.

സംസ്കാര ശുശ്രുഷ 12 ന് ചൊവ്വാഴ്ച്ച രാവിലെ 8 .30 ന് മകൾ റൂബി രാജുവിന്റെ മണർകാട് മാലം പുതുപ്പള്ളിപറമ്പിൽ വസതിയിൽ ആരംഭിക്കുന്നതും തുടർന്ന് 12 ന് മാങ്ങാനം ചിലമ്പ്രക്കുന്ന് ചർച്ച് ഓഫ്‌ ഗോഡ് സഭാ സെമിത്തേരിയിൽ സംസ്കരിക്കുന്നതുമാണ്. തൃക്കോതമംഗലം ചിറപ്പുറത്ത് കുടുംബാഗമാണ് പരേത.

മക്കൾ : റൂബി രാജു, സോഫി ബാബു (യു.എസ്.എ), സുജ ഫിന്നി (യു.എസ്.എ), സുമ കുര്യൻ (യു.എസ്.എ).

മരുമക്കൾ: രാജു മാത്യു , ബാബു കുറിയാക്കോസ് (യു.എസ്.എ), ഫിന്നി മാത്യു (ഫ്ലോറിഡ), ജോസഫ് കുര്യൻ (കൊച്ചുമോൻ ഫ്ലോറിഡ)

Sanam Tv യൂട്യൂബ് പേജിൽ സംസ്കാര ശുശ്രുഷകളുടെ ലൈവ് ഉണ്ടായിരിക്കും.

വാർത്ത: നിബു വെളളവന്താനം

മുളമൂട്ടിൽ തോമസ് ഉമ്മൻ (പാപ്പച്ചൻ -79) നിര്യാതനായിഡാളസ് : അറ്റ്ലാന്റ കാൽവറി അസംബ്ലി ഓഫ് ഗോഡ് സഭാ ശുശ്രൂഷകൻ പാസ്റ്റർ ഷിബു...
04/03/2022

മുളമൂട്ടിൽ തോമസ് ഉമ്മൻ (പാപ്പച്ചൻ -79) നിര്യാതനായി

ഡാളസ് : അറ്റ്ലാന്റ കാൽവറി അസംബ്ലി ഓഫ് ഗോഡ് സഭാ ശുശ്രൂഷകൻ പാസ്റ്റർ ഷിബു തോമസിന്റെ പിതാവ് തിരുവല്ല വെണ്ണിക്കുളം കവുങ്ങും പ്രയാർ മുളമൂട്ടിൽ തോമസ് ഉമ്മൻ (പാപ്പച്ചൻ -79) ഡാളസിൽ വെച്ച് ഏപ്രിൽ 2 ന് കർതൃസന്നിധിയിൽ ചേർക്കപ്പെട്ടു. ഡാളസ് മെട്രോ ചർച്ച് ഓഫ് ഗോഡ് അംഗമായിരുന്നു. സംസ്കാരം പിന്നീട് .

മക്കൾ: പാസ്റ്റർ ഷിബു തോമസ് അറ്റ്ലാന്റ, ഷിബി സജിത്ത്, ബിജു തോമസ്.

മരുമക്കൾ: ബിനി തോമസ്, സജിത്ത് മാത്യു, ഷീജ ഡാനിയേൽ

ഏലിയാമ്മ ജോർജിന്റെസംസ്കാരം ഏപ്രിൽ 4ന് തിങ്കളാഴ്ച ഫ്ലോറിഡ: മെഴുവേലി പാലത്തുംപാട്ട് പരേതനായ യോഹന്നാൻ ജോർജിന്റെ ഭാര്യ നിര്യ...
03/28/2022

ഏലിയാമ്മ ജോർജിന്റെ
സംസ്കാരം ഏപ്രിൽ 4ന് തിങ്കളാഴ്ച

ഫ്ലോറിഡ: മെഴുവേലി പാലത്തുംപാട്ട് പരേതനായ യോഹന്നാൻ ജോർജിന്റെ ഭാര്യ നിര്യാതയായ ഏലിയാമ്മ ജോർജ് (85) ന്റെ സംസ്‌കാരം ഏപ്രിൽ 4 ന് തിങ്കളാഴ്ച രാവിലെ 9.30ന് സഹോദരൻ ജോസഫ് തോമസിന്റെ ഭവനത്തിലെ ശുശ്രുഷകൾക്ക് ശേഷം 12.30 ന് കുഴിക്കാല ഐ.പി.സി ശാലോം സഭാ സെമിത്തേരിയിൽ നടത്തപ്പെടും.
ആലക്കോട്ട് കുടുംബാഗമാണ് പരേത.

മക്കൾ: പാസ്റ്റർ ബിനോയ് ജോർജ് (ഹ്യൂസ്റ്റൺ), പാസ്റ്റർ ജോർജ് തോമസ് (ഫ്ലോറിഡ), വത്സമ്മ രാജു, പാസ്റ്റർ ജോസഫ് ജോർജ് (ഫ്ലോറിഡ)

മരുമക്കൾ: ദീനാമ്മ ബിനോയ്, ആശ തോമസ്, മേരി ജോസഫ്, പരേതനായ രാജു മാമ്മൻ തോട്ടുങ്കര.

Central studio kumbanad യൂട്യൂബ് പേജിൽ സംസ്കാര ശുശ്രുഷകളുടെ ലൈവ് ഉണ്ടായിരിക്കും.

വാർത്ത: നിബു വെള്ളവന്താനം

മേരി ഫിലിപ്പോസ് ഫ്ലോറിഡയിൽ നിര്യാതയായിസംസ്ക്കാര ശുശ്രൂഷ 26 ന്  ശനിയാഴ്ച  ഒർലാന്റോ: ലേക്ക്ലാന്റ് ഇന്ത്യാ പെന്തക്കോസ്ത് ദൈ...
03/22/2022

മേരി ഫിലിപ്പോസ് ഫ്ലോറിഡയിൽ നിര്യാതയായി
സംസ്ക്കാര ശുശ്രൂഷ 26 ന് ശനിയാഴ്ച

ഒർലാന്റോ: ലേക്ക്ലാന്റ് ഇന്ത്യാ പെന്തക്കോസ്ത് ദൈവസഭയുടെ സ്ഥാപക ശുശ്രുഷകൻ കുമ്പനാട് കാരിയാലിൽ പരപ്പാട്ട് പരേതനായ പാസ്റ്റർ പി.എസ് ഫിലിപ്പോസിന്റെ സഹധർമ്മിണി മേരിക്കുട്ടി ഫിലിപ്പോസ് (86) നിര്യാതയായി. കുമ്പനാട് പൊടിമല കുടുംബാംഗമാണ്. 1982ൽ ഫ്‌ലോറിഡയിൽ എത്തിയ മേരിക്കുട്ടി ഫിലിപ്പോസ് ഭർത്താവ് പാസ്റ്റർ പി.എസ് ഫിലിപ്പോസിനോടൊപ്പം സഭയുടെ പരിപാലന ശുശ്രുഷകളിൽ സജീവ പങ്കാളിയായിരുന്നു.

മക്കൾ: ഗ്രേസ് ജോൺ , മേഴ്‌സി തോംസൺ , സാം ഫിലിപ്പ് (മിഷൻ ഡയറക്ടർ, ഐ.പി.സി ഒർലാന്റോ) പാസ്റ്റർ റെജി ഫിലിപ്പ് (എല്ലാവരും യു.എസ്.എ). മരുമക്കൾ: പാസ്റ്റർ തോംസൺ ജോർജ്, റോയി ജോൺ , ലിജി ഫിലിപ്പ്, നിത ഫിലിപ്പ് (എല്ലാവരും യു.എസ്.എ)

സഹോദരങ്ങൾ: അന്നമ്മ തോമസ്,
പ്രൊഫ. മാത്യു പി. തോമസ്, ബെഞ്ചമിൻ തോമസ് (ഡാളസ്), ജോസഫ് തോമസ്

സംസ്കാര ശുശ്രൂഷയോട് അനുബദ്ധിച്ചുള്ള പൊതുദർശനം മാർച്ച് 25 വെള്ളിയാഴ്ച വൈകിട്ട് 6 മുതൽ 9 വരെ ലേക്ക് ലാന്റ് ഇന്ത്യാ പെന്തക്കോസത് ദൈവസഭയിൽ (4525 Clubhouse Rd, Lakeland, FL 33812, USA) നടക്കും.

26 ന് ശനിയാഴ്ച രാവിലെ 9 മുതൽ സംസ്ക്കാര ശുശ്രൂഷകൾ ആരംഭിക്കുന്നതും തുടർന്ന് 12.30ന് സീനിയർ ശുശ്രൂഷകൻമാരായ റവ. കെ.ജെ കുരിയാക്കോസ്, റവ.ജേക്കബ് മാത്യൂ എന്നിവരുടെ കാർമ്മികത്വത്തിലും വിവിധ സഹ ശുശ്രൂഷകന്മാരുടെ നേതൃത്വത്തിലും ഭൗതീക ശരീരം ഓക്ഹിൽ സെമിത്തേരിയിൽ (4620 Hwy. 98S Lakeland, Polk County, Florida, 33810 USA) സംസ്ക്കരിക്കും.

വാർത്ത : നിബു വെള്ളവന്താനം

ഒർലാന്റോ ഐ.പി.സി സുവിശേഷ യോഗവും സംഗീത ശുശ്രുഷയും മാർച്ച് 23 മുതൽഫ്ളോറിഡ: ഒർലാന്റോ ഇന്ത്യാ പെന്തക്കോസത് ദൈവസഭയുടെ  ആഭ്യമു...
03/16/2022

ഒർലാന്റോ ഐ.പി.സി സുവിശേഷ യോഗവും
സംഗീത ശുശ്രുഷയും മാർച്ച് 23 മുതൽ

ഫ്ളോറിഡ: ഒർലാന്റോ ഇന്ത്യാ പെന്തക്കോസത് ദൈവസഭയുടെ ആഭ്യമുഖ്യത്തിൽ ഉപവാസ പ്രാർത്ഥനാ യോഗവും സംഗീത ശുശ്രുഷയും മാർച്ച് 23 ബുധനാഴ്ച മുതൽ 26 ശനി വരെ സഭാഹാളിൽ നടത്തപ്പെടും. ദിവസവും വൈകിട്ട് 7 ന് നടക്കുന്ന ഉപവാസ പ്രാര്‍ത്ഥന യോഗങ്ങളിൽ അനുഗ്രഹിത ഗായകനും വർഷിപ്പ്‌ ലീഡറും സംഗീതഞ്ജനുമായ ഡോ. ബ്ലസ്സൻ മേമനയും, ചർച്ച് ക്വയർ ലീഡേഴ്‌സ് റോണി വർഗീസ്‌, ഡാറിൽ സിങ് തുടങ്ങിയവരും ഗാന ശുശ്രുഷകൾക്ക് നേതൃത്വം നൽകും.

ആത്മീയ പ്രഭാഷകൻ ഇവാൻഞ്ചലിസ്റ് സിംജൻ ജേക്കബ് (ജോർജിയ) തിരുവചന സന്ദേശം നൽകും. 27-ന് ഞായറാഴ്ച തിരുവത്താഴ ശുശ്രൂഷയും ആരാധനയോടും കൂടെ യോഗം സമാപിക്കും.

സഭയുടെ സീനിയർ ശുശ്രൂഷകൻ പാസ്റ്റർ ജേക്കബ് മാത്യു, വൈസ് പ്രസിഡൻറ് പാസ്റ്റർ ജോർജ് തോമസ്, സെക്രട്ടറി ബിജോയ്‌ ചാക്കോ, ട്രഷറർ എ. വി ജോസ്, ബോർഡ് അംഗങ്ങളായ രാജു പൊന്നൊലിൽ, നിബു വെള്ളവന്താനം, രാജു ജേക്കബ്‌, ജോസഫ് ജോൺ, അലക്‌സ് യോഹന്നാൻ തുടങ്ങിയവർ ക്രമീകരണങ്ങൾക്ക് നേതൃത്വം നൽകും.

കൂടുതൽ വിവരങ്ങൾക്ക് : ipcorlando.org

വാർത്ത: നിബു വെള്ളവന്താനം

ഐ.പി.സി ഫാമിലി കോൺഫ്രൻസ്‌ : മാർച്ച് 19ന് ഡാളസിൽ പ്രമോഷണൽ യോഗം ; ദേശീയ പ്രാർത്ഥനാ ദിനം മാർച്ച് 27 ന്ന്യുയോർക്ക്: ഐ.പി.സി ...
03/14/2022

ഐ.പി.സി ഫാമിലി കോൺഫ്രൻസ്‌ : മാർച്ച് 19ന് ഡാളസിൽ പ്രമോഷണൽ യോഗം ; ദേശീയ പ്രാർത്ഥനാ ദിനം മാർച്ച് 27 ന്

ന്യുയോർക്ക്: ഐ.പി.സി ഫാമിലി കോൺഫ്രൻസിന്റെ അനുഗ്രഹത്തിനായി നോർത്തമേരിക്കയിലെയും കാനഡ യിലെയും മുഴുവൻ ഐ.പി.സി സഭകളും മാർച്ച് 27 ഞായറാഴ്ച പ്രത്യേക പ്രാർത്ഥനാ ദിനമായി വേർതിരിക്കണമെന്നും അന്നേദിവസം ലഭിക്കുന്ന സ്തോത്ര കാഴ്ചയും പ്രത്യേക സംഭാവനകളും അതത് സഭകളുടെ സംഭാവനയായി നൽകി സഹായിക്കണമെന്നും ഭാരവാഹികൾ അറിയിച്ചു.

കോൺഫ്രൻസിന്റെ വിജയകരമായ നടത്തിപ്പിനു വേണ്ടി മാർച്ച് 19ന് ശനിയാഴ്ച വൈകിട്ട് 6 മണിക്ക് ഡാളസ് ഐ.പി.സി ടാബർനാക്കിൾ സഭാലയത്തിൽ പ്രമോഷണൽ യോഗവും സംഗീത ശുശ്രുഷയും നടത്തപ്പെടും. പാസ്റ്റർ ഷിബു തോമസ് ഒക്ലഹോമ മുഖ്യ പ്രഭാഷണം നടത്തും.

നാഷണൽ - ലോക്കൽ തലത്തിൽ പ്രവർത്തിക്കുന്ന വിവിധ കമ്മറ്റികൾ തങ്ങളിൽ ഏൽപ്പിച്ചിരിക്കുന്ന ഉത്തരവാദിത്വങ്ങൾ നിറവേറ്റുവാനായി അക്ഷീണം പരിശ്രമിച്ചു കൊണ്ടിരിക്കുന്നു.

2022 ആഗസ്റ്റ് 4 മുതൽ 7 വരെ ഒക്കലഹോമയിൽ നോർമൻ എംബസി സ്യൂട്ട് ഹോട്ടലിൽ വെച്ചാണ് കോൺഫ്രൻസ് നടത്തപ്പെടുക. പാസ്റ്റർ ജോ തോമസ് (ബാംഗ്ലൂർ), പാസ്റ്റർ സാം സ്റ്റോസ് (യു.എസ്.എ), ഡോ. എയ്ഞ്ചലാ സ്റ്റിവെൻസൻ, ഡോ. മറിയാമ്മ സ്റ്റീഫൻ എന്നിവരായിരിക്കും മുഖ്യ പ്രഭാഷകർ.

പാസ്റ്റർ പി.സി.ജേക്കബ് (നാഷണൽ ചെയർമാൻ), ബ്രദർ ജോർജ് തോമസ് ( നാഷണൽ സെക്രട്ടറി), ബ്രദർ തോമസ് കെ. വർഗീസ് (നാഷണൽ ട്രഷറാർ), സിസ്റ്റർ ഗ്രേസ് സാമുവേൽ (ലേഡീസ് കോർഡിനേറ്റർ), ബ്രദർ ജസ്റ്റിൻ ഫിലിപ്പ് ( യൂത്ത് കോർഡിനേറ്റർ) എന്നിവരുടെ നേതൃത്വത്തിലായിരിക്കും കോൺഫ്രൻസ് നടത്തപ്പെടുക.

രജിസ്‌ട്രേഷനും കൂടുതൽ വിവരങ്ങൾക്കും ipcfamilyconfernce.org എന്ന വെബ്സൈറ്റ് സന്ദർശിക്കണ മെന്ന് മീഡിയ കോർഡിനേറ്റർ ബ്രദർ ഫിന്നി രാജു അറിയിച്ചു.

വാർത്ത: നിബു വെള്ളവന്താനം

സാഹിത്യ സംഗമവും ബ്രദർ ജോർജ് മത്തായി പുരസ്‌കാര സമർപ്പണവും മാർച്ച്‌ 19 ന്സാംസ്കാരിക വകുപ്പ് മന്ത്രി സജി ചെറിയാനും, മലയാള മ...
03/10/2022

സാഹിത്യ സംഗമവും ബ്രദർ ജോർജ് മത്തായി പുരസ്‌കാര സമർപ്പണവും മാർച്ച്‌ 19 ന്

സാംസ്കാരിക വകുപ്പ് മന്ത്രി സജി ചെറിയാനും, മലയാള മനോരമ മുൻ എഡിറ്റോറിയൽ ഡയറക്ടർ തോമസ് ജേക്കബും
മുഖ്യാതിഥികൾ.

തിരുവല്ല : സഭാ ഭേദമെന്യേ ലോകമെമ്പാടും പാർക്കുന്ന മലയാളി പെന്തക്കൊസ്തു മാധ്യമ പ്രവർത്തകരുടെയും എഴുത്തുകാരുടെയും കൂട്ടായ്മയായ ഗ്ലോബൽ മലയാളി പെന്തക്കൊസ്തു മീഡിയ അസോസിയേഷന്റെ ആഭിമുഖ്യത്തിൽ സാഹിത്യ സംഗമവും ജോർജ് മത്തായി പുരസ്‌കാര സമർപ്പണവും മാർച്ച്‌ 19 ന് വൈകിട്ട് 5 മണിക്ക് തിരുവല്ല വൈ എം സി എ ഹാളിൽ നടക്കും.

പ്രമുഖ ക്രൈസ്തവ മാധ്യമ പ്രവർത്തകനും ജീവ കാരുണ്യ രംഗത്തെ സജീവ സാന്നിധ്യവും ആയിരുന്ന ബ്രദർ ജോർജ് മത്തായി സി പി എ യുടെ സ്മരണക്കായി ഏർപ്പെടുത്തിയ പ്രഥമ പുരസ്കാരം സാംസ്‌കാരിക വകുപ്പ് മന്ത്രി സജി ചെറിയാൻ ഗുഡ്ന്യൂസ് ചീഫ് എഡിറ്റർ ബ്രദർ സി വി മാത്യുവിനു സമ്മാനിക്കും.

അസോസിയേഷൻ ചെയർമാൻ പാസ്റ്റർ പി ജി മാത്യൂസ് അധ്യക്ഷത വഹിക്കും. പ്രശസ്ത പത്രപ്രവർത്തകനും മലയാള മനോരമ മുൻ എഡിറ്റോറിയൽ ഡയറക്ടറുമായ തോമസ് ജേക്കബ് മുഖ്യ പ്രഭാഷണം നടത്തും. ജോൺസൺ മേലേടം (ഡാളസ്സ്) ആമുഖ സന്ദേശം നൽകും. ജോർജ് മത്തായിയുടെ അനുഭവങ്ങളും പ്രമുഖരുടെ ഓർമ്മക്കുറിപ്പുകളും അടങ്ങുന്ന പുസ്തകം പ്രകാശനം ചെയ്യും.

വിവിധ സഭാ നേതാക്കൾ, മാധ്യമ പ്രവർത്തകർ, എഴുത്തുകാർ, അഭ്യൂദയകാംക്ഷികൾ എന്നിവർ പങ്കെടുക്കുമെന്ന് ജനറൽ സെക്രട്ടറി ഷിബു മുള്ളംകാട്ടിൽ അറിയിച്ചു.

02/23/2022
Sis. Susan George  - Boston promoted to glory She was a prayer warrior and was instrumental in building up Boston Prayer...
02/19/2022

Sis. Susan George - Boston
promoted to glory

She was a prayer warrior and was instrumental in building up Boston Prayerline. Please uphold Dr. Roby and the kids and all the prayerline families..

02/18/2022

MATRIMONIAL

Pentecostal parents settled in US are prayerfully inviting proposals for their Son born and raised in USA. (Born Again and Baptized, Age 29/ 5'11). He is working as a US Federal employee. Seeking proposals from parents of born again, God-fearing, professionally qualified girls from USA.

Mobile: 470 546 4255
Email:[email protected]

Address

New York, NY
34744

Alerts

Be the first to know and let us send you an email when Gospel Voice News USA posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Gospel Voice News USA:

Videos

Nearby media companies


Other Media/News Companies in New York

Show All

Comments

#IPCFAMILY #2019ORLANDO
ഐ.പി.സി കുടുംബ സംഗമം ഫ്ലോറിഡയിൽ: റവ. ആൻറണി റോക്കി ചെയർമാൻ; സിഎം. ഏബ്രഹാം സെക്രട്ടറി, ജോൺസൺ ഏബ്രഹാം ട്രഷറാർ വാർത്ത: നിബു വെള്ളവന്താനം ഒർലാന്റോ : പതിനോഴാമത് നോർത്ത് അമേരിക്കൻ ഐ.പി.സി കുടുംബ സംഗമം 2019 ജൂലൈ 25 മുതൽ 28 വരെ അമേരിക്കയിലെ കൊച്ചു കേരളം എന്നറിയപ്പെടുന്ന ഫ്ലോറിഡയിലെ ഒർലാന്റോ പട്ടണത്തിൽ വെച്ച് നടത്തപ്പെടും. ലക്ഷക്കണക്കിനു ആഭ്യന്തര യാത്രികരും വിദേശ സഞ്ചാരികളും ദിവസേന സന്ദർശിക്കുന്നതും ലോക വിനോദ സഞ്ചാരികൾ ഏറ്റവും കൂടുതൽ ഇഷ്ടപ്പെടുന്നതുമായ വിശ്വവിഖ്യാതമായ ഡിസ്നി വേൾഡ്‌ - സീ വേൾഡ് തീം പാർക്കുകൾക്ക് സമീപമുള്ള ഡബിൾ ട്രീ ഹിൽട്ടൻ ഹോട്ടൽ സമുച്ചയമാണ് കോൺഫ്രൻസിനായി സംഘാടകർ തിരഞ്ഞെടുത്തിരിക്കുന്നത്. അമേരിക്കയിലും കാനഡയിലുമുള്ള ഇന്ത്യാ പെന്തക്കോസ്ത് ദൈവസഭ വിശ്വാസികളുടെ ഒത്തുചേരലിനും ആത്മീയ ആരാധനയ്ക്കും സംഗമവേദിയാകുന്ന ഐ.പി.സി ഫാമിലി കോൺഫ്രൻസിന്റെ ദേശീയ ഭാരവാഹികളായി പാസ്റ്റർ ആൻറണി റോക്കി (ചെയർമാൻ), ബ്രദർ സി.എം. ഏബ്രഹാം (സെക്രട്ടറി), ബ്രദർ ജോൺസൺ ഏബ്രഹാം (ട്രഷറാർ), ഫിൻലി വർഗീസ് (യൂത്ത് കോർഡിനേറ്റർ), സിസ്റ്റർ ജെസ്സി മാത്യൂ ( ലേഡീസ് കോർഡിനേറ്റർ) എന്നിവർ തിരഞ്ഞെടുക്കപ്പെട്ടു. ചെയർമാനായി തിരഞ്ഞെടുക്കപ്പെട്ട പാസ്റ്റർ ആൻറണി റോക്കി ലേക്ക്ലാന്റ് ഐ.പി.സി സഭയുടെ അസോസിയേറ്റ് പാസ്റ്ററാണ്. പുനലൂർ ബെഥേൽ ബൈബിൾ കോളേജിൽ നിന്നും വേദവചന പഠനം പൂർത്തിയാക്കിയതിനു ശേഷം ഇന്ത്യയിലെയും അമേരിക്കയിലെയും വിവിധ ദൈവസഭകളിൽ ശുശ്രൂഷകനായും, ന്യുയോർക്ക് ഇന്ത്യാ ക്രിസ്ത്യൻ അസംബ്ലി സഭയുടെ സീനിയർ ശുശ്രൂഷകനായും പ്രവർത്തിച്ചിട്ടുണ്ട്. ഭാര്യ: കുഞ്ഞുമോൾ. മക്കൾ: അലക്സ്, ആൻഡ്രു, ആൻസൺ. സെക്രട്ടറിയായി തിരഞ്ഞെടുക്കപ്പെട്ട ബ്രദർ സി.എം. ഏബ്രഹാം അമേരിക്കയിലെ ആദ്യ മലയാളി പെന്തക്കോസ്ത് സഭയായ ന്യുയോർക്ക് ഇന്ത്യാ ക്രിസ്ത്യൻ അസംബ്ലി സഭയുടെ സജീവ അംഗമാണ്. എം.ടി.എ സർവ്വീസിൽ ഭൗതീക ജോലി നിർവ്വഹിക്കുന്നതിനോടൊപ്പം വിവിധ മിഷൻ - ചാരിറ്റി പ്രവർത്തനങ്ങളിൽ നേതൃത്വം വഹിക്കുന്നു. ഭാര്യ: ഷീബ. മക്കൾ: സാറ, ഷാർലിൻ, കെസിയ. ട്രഷറാറായി തിരഞ്ഞെടുക്കപ്പെട്ട ബ്രദർ ജോൺസൻ ഏബ്രഹാം ഡാളസ് ഹെബ്രോൻ ഐ.പി.സി സഭയുടെ സജീവ പ്രവർത്തകനാണ്. കാൽനൂറ്റാണ്ടിലധികമായി അമേരിക്കയിൽ നടത്തപ്പെടുന്ന വിവിധ ആത്മീയ പ്രവർത്തനങ്ങളിൽ പങ്കാളിയാണ്. ഐ.പി.സി. ഫാമിലി കോൺഫ്രൻസിന്റെ യൂത്ത് കോർഡിനേറ്ററായും മിഡ് വെസ്റ്റ് റീജിയൻ പി.വൈ.പി.എ യുവജന സംഘടനയുടെ പ്രസിഡൻറായും പി.സി.എൻ.എ.കെ കോൺഫ്രൻസിന്റെ നാഷണൽ ട്രഷററായും പ്രവർത്തിച്ചിട്ടുണ്ട്. ഭാര്യ: ഡോ. ഡയാന ഏബ്രഹാം. മക്കൾ: ഗബ്രിയെൽ, അനബെൽ. ലേക്ക്ലാന്റ് ഐ.പി.സി സഭാംഗം ബ്രദർ ഫിൻലി വർഗീസാണ് യൂത്ത് കോർഡിനേറ്ററായി തിരഞ്ഞെടുക്കപ്പെട്ടത്. ഫ്ളോറിഡ സൗത്ത് ഈസ്റ്റ് യൂണിവേഴ്സിറ്റിയിലെ പൊളിറ്റിക്കൽ സയൻസിൽ ബിരുദ വിദ്യാർത്ഥിയാണ്. 16 മത് ഐ.പി.സി ഫാമിലി കോൺഫ്രൻസിന്റെ സെൻട്രൽ ഫ്ളോറിഡ പ്രതിനിധിയായിരുന്നു. സഹോദരി വിഭാഗം കോർഡിനേറ്ററായി തിരഞ്ഞെടുത്ത സിസ്റ്റർ ജെസ്സി മാത്യൂ, പാസ്റ്റർ ബെന്നി മാത്യൂവിന്റ സഹധർമ്മിണിയും ടൊറന്റോ യുണൈറ്റഡ് ക്രിസ്ത്യൻ പെന്തക്കോസ്തൽ ഫെലോഷിപ്പ് സഭാംഗവുമാണ്. ഭാരതത്തിലും വിദേശ രാജ്യങ്ങളിലുമായി ആത്മീയ ജീവകാരുണ്യ മേഖലകളിൽ പ്രവർത്തിക്കുന്നു. മക്കൾ: കെവിൻ, ജോനാഥൻ, നോയൽ. ചതുർദിന കോൺഫ്രൻസിന്റെ വിജയകരമായ നടത്തിപ്പിനും അനുഗ്രഹത്തിനുമായി എല്ലാ വ്യാഴാഴ്ചകളിലും വൈകിട്ട് 9 മുതൽ 10 വരെ (EST) പ്രത്യേക പ്രാർത്ഥനയ്ക്കായി വേർതിരിച്ചിട്ടുണ്ട്. 16054725249 എന്ന ഫോൺ നമ്പറിലൂടെ 790379 എന്ന ആക്സസ് കോഡ് നൽകി പ്രാർത്ഥനാ ലൈനിൽ പ്രവേശിക്കാവുന്നതാണെന്ന് ഭാരവാഹികൾ അറിയിച്ചു. കൂടുതൽ വിവരങ്ങൾക്കായി www.ipcfamilyconference.org എന്ന വെബ്സൈറ്റ് സന്ദർശിക്കാവുന്നതാണ്. വാർത്ത: നിബു വെള്ളവന്താനം
https://www.pcnak2018.org/files/pcnakvoice1.pdf