11/06/2025
ក្តីស្រមៃរបស់មនុស្សសាមញ្ញ តែងតែប៉ងប្រាថ្នាចង់រស់នៅជួបជុំគ្រួសារដ៏កក់ក្តៅ។ ពេលវ័យចំណាស់ គឺបានវិលត្រឡប់ទៅស្រុកកំណើតវិញ ធ្វើស្រែចម្ការ ចិញ្ចឹមសត្វពាហនៈ មាន់ ទា ត្រី តាមលទ្ធភាពដែលអាចធ្វើបាន ដែលជាជីវិតមួយពោរពេញទៅដោយក្ដីសុខ។
ក្ដីសុខពិតប្រាកដ គឺការបានជួបជុំជាមួយអ្នកមានគុណ ឪពុកម្ដាយ បងប្អូន ញាតិមិត្តទាំងអស់គ្នា សើចសប្បាយ រីករាយ ជជែកគ្នាពីនេះពីនោះ។ ក្ដីសុខមិនចាំបាច់ទៅស្វែងរកនៅទីឆ្ងាយឯណាទេ គឺវាស្ថិតនៅជុំវិញខ្លួនយើងនេះឯង។ ឲ្យតែយើងចេះយល់ ចេះធ្វើនូវអ្វីដែលនាំមកនូវភាពសប្បាយរីករាយជុំបងប្អូន នោះទើបជាអត្ថន័យនៃជីវិតដ៏មានន័យបំផុត។
