05/01/2024
ភាគច្រើននៃបញ្ហាគឺកើតមកពីការប៉ងប្រាថ្នាយ៉ាងងប់ងល់និងចំណងជាប់ជំពាក់ដោយការស្រឡាញ់ស្អប់របស់យើងនេះឯង ដែលបានត្រឹមតែបង្កើតការឈឺចាប់ឲ្យខ្លួនឯងតែប៉ុណ្ណោះ ។ លោកនេះមានតែជីវិតនេះមួយគត់ជាទីស្រឡាញ់ ប៉ុន្តែយើងបែរជាថែទាំវាដោយរបៀបខុសឆ្គងទៅវិញ ធ្វើឲ្យវាមានការភ័យខ្លាច ការព្រួយបារម្ភ មិនចេះរីករាយក្នុងខណៈបច្ចុប្បន្ន ។ បើអ្នកចេះបញ្ឈប់ការព្យាយាមខុសឆ្គង ហើយមកយល់ពីទស្សនៈផ្ទាល់ខ្លួន មកយល់ពីអ្វីដែលនៅជុំវិញខ្លួនអ្នក នោះសេរីភាពនៃគំនិតមិនអាចបំផ្លាញអ្នកបានឡើយ ។ បើចេះតែគិត ហើយចេះតែចង់ធ្វើតាមចិត្តទាំងមិនដឹងខុសត្រូវ ឬ ដឹងថាខុសហើយប៉ុន្តែនៅតែចង់ធ្វើមិនអាចយកឈ្នះចិត្តបាន នេះហើយគឺជាមូលហេតុដែលមិនចេះគ្រប់គ្រងចិត្ត លទ្ធផលគឺមិនអាចគេចជៀសផុតបានឡើយ ។
