11/14/2025
🎯ချဲလ်ဆီးကွင်းလယ်ကစားသမားဟောင်း အော်စကာ နှလုံးရောဂါကြောင့် ဘောလုံးကစားမှုမှ အနားယူရနိုင်
ချဲလ်ဆီးကွင်းလယ်ကစားသမားဟောင်း အော်စကာသည် ကျန်းမာရေးပြဿနာများကြောင့် ပရော်ဖက်ရှင်နယ်ဘောလုံးလောကမှ အနားယူရန် စဉ်းစားနေကြောင်း သတင်းရင်းမြစ်များက ESPN Brasil ကို ပြောကြားခဲ့သည်။
အသက် ၃၄ နှစ်အရွယ် အော်စကာသည် နိုဝင်ဘာ ၁၂ က သူ၏ကလပ် ဆော်ပေါလိုတွင် ရာသီအကြိုဆေးစစ်မှုပြုလုပ်နေစဉ် ပုံမှန်မဟုတ်သော နှလုံးတုံ့ပြန်မှုကို ခံစားခဲ့ရပြီးနောက် ဘရာဇီးလ်ဆေးရုံတစ်ခုတွင် စစ်ဆေးကုသမှုခံနေရဆဲဖြစ်သည်။
ဘရာဇီးလ်ကွင်းလယ်ကစားသမားသည် ခေတ္တသတိလစ်သွားကာ အော်စကာ နှင့်သူ၏မိသားစုအတွက် အလွန်စိုးရိမ်ပူပန်စရာ ဖြစ်ခဲ့ကြောင်း၊ အော်စကာ၏ နှလုံးအခြေအနေက ကစားကွင်းထဲသို့ ပြန်ရန်အတွက် စိုးရိမ်စရာ ဖြစ်ခဲ့ကြောင်း သတင်းရင်းမြစ်များက ESPNကို ပြောကြားခဲ့သည်။
ဥရောပနှင့် တရုတ်တို့တွင် ၁၃ နှစ်ကြာ ကျင်လည်ပြီးနောက် အော်စကာသည် ဘဏ္ဍာရေးဆိုင်ရာ အကြောင်းအတွက် ဆက်လက်ကစားရန် မလိုအပ်ဟု သတင်းရင်းမြစ်က ဆိုသည်။
ထို့အပြင် အော်စကာသည် ဇနီးသည်က သူ၏ တတိယမြောက်သားကို မွေးဖွားချိန်ကို စောင့်ဆိုင်း
မျှော်လင့်နေသဖြင့် သူ၏ ကိုယ်ရေးကိုယ်တာဘဝအတွက်ကိုလည်း တွေးတောနေကြောင်း သတင်းရင်းမြစ်များက ပြောကြားခဲ့သည်။
ဆော်ပေါ်လိုသည် ၂၀၂၇ ခုနှစ် ဒီဇင်ဘာလတွင် ကုန်ဆုံးမည့် အော်စကာ၏ စာချုပ်ကို ဖျက်သိမ်းရန် စဉ်းစားနေခြင်းမရှိပေ။
လက်ရှိအချိန်တွင် ဘရာဇီးကလပ်က ကစားသမား၏ကျန်းမာရေးအတွက်သာ ပူပန်နေပြီး စာချုပ်သက်တမ်း မကုန်ဆုံးခင် အော်စကာကို ကန်ထရိုက်ရပ်ဆိုင်းရမှုမှ ကလပ်အတွက် စုဆောင်းငွေများ ရရှိနိုင်မည်ကို စိုးရိမ်နေခြင်း မရှိဟုဆိုသည်။
အော်စကာသည် တရုတ်နိုင်ငံတွင် ရှစ်နှစ်ကြာကစားပြီးနောက် ၎င်း၏ ငယ်ဘဝကလပ် ဆော်ပေါလိုကို ၂၀၂၄ ဒီဇင်ဘာတွင် ပြန်လည်ရောက်ရှိခဲ့သည်။
သူသည် ဆော်ပေါလိုတွင် အလွန်ရေပန်းစားသော ကစားသမားတစ်ဦးဖြစ်ပြီး သူ စ,ရောက် ကတည်းက ပရိသတ်များက သူ့အတွက် ကလပ်ကို ဝိုင်းအုံ အားပေးလာခဲ့ကြသည်။
ဆော်ပေါလိုဥက္ကဋ္ဌ ဂျူလီယို ကာဆာရက်စ်သည် ဗုနိုဝင်ဘာ ၁၃ တွင် အော်စကာရှိရာ ဆေးရုံသို့ သွားရောက်ခဲ့သည်။
အော်စကာ၏ အခြေအနေသည် သူ နှစ်အတော်ကြာ ကစားခဲ့သည့် ရှန်ဟိုင်းဆိပ်ကမ်းကလပ်မှ ဒါရိုက်တာများ၏ အာရုံစိုက်မှုကိုပင် ဖမ်းစားခဲ့သည်။
ရှန်ဟိုင်းဆိပ်ကမ်းကလပ်က သူတို့နိုင်ငံ၌ သီးခြားကုသမှုခံယူရန် လိုအပ်ပါက အော်စကာအတွက် တံခါးဖွင့်ထားကြောင်း အသိပေးခဲ့သည်။
