سول قبل ما تشري

01/10/2025

غا نستأنفو المحتوى فالصفحة التانية وغايتم التخلي على هاد الصفحة بشكل شبه كلي

الناس اللي مهتمة تلتاحق بالصفحة التانية

sowel9belmatchri 👈

صفحة خاصة في مجال السيارات
( الصفحة الرسمية الإحتياطية )
للتواصل الخاص أو التجاري : [email protected]

29/09/2025

هاد البلاد الا ماعطاتش اشارات ديال بصح ونية فالإصلاح راه غاتبقا نفس المشاكل كاتعاود

هاد الأحزاب السياسية خاصها تسالي ماتبقاش بمرة
والبرلمان خاصو يتهدم ويتبنا فبلاصتو جامعة ولا مستشفى

ويتكلفو واحد 10 الناس عندهم الحكمة والعدل والكفاءة
يجيريو أمور الأمة
كل واحد خاص بمجال درس فيه وعارفو
ويكونو أبناء عائلات وأصل وواليديهم معروفين بدون نواقص
الإجتماعات يكونو فمكان خاص صغير

ويكونو لجن مراقبة ومحاسبة ومكافحة الفساد

من غير هادشي هاد البلاد لي فيها المقدم والقايد والشيخ والمخزني والباشا و99 برلماني عمرها غاتزيد لقدام

29/09/2025

هدا واحد من بزاف الفاسدين فهاد البلاد
قاطعو أي حاجة تابعة للشركات ديالو

كل التضامن مع الشباب المعتقلين ⛔️

29/09/2025

هادشي اللي وقع كيجيب الكآبة ويدمي القلب
على هادشي لي واقع فهاد البلاد وهاد الفساد والطغيان اللي وصل لمستويات تاريخية سابقة فتاريخ البشر

هاد المسؤولين والناس لي حاكمين كيقلبو على الفتنة فهاد البلاد
عوض يصلحو مشاكل المواطنين ويحاكمو الفاسدين

راه بنادم مابقاش كيخاف
والآداة القمعية ماغدومش

27/09/2025

ردو البال للمازوط لي كاديرو راه أغلبيتو مخلوض وجودة عيانة ديما خارجين ليكم على لبومبا وليزانجيكتور بلاما تعيقو
راس بسبب الجود الرديئة وبسباب تخلاط المازوط بالما

لا حسيتي بشي مشكل فالطموبيل مباشرة مورا ما عمرتي عرف راك درتي مازوط مخلط بالما
وراه يقدر يتكولا ليك الموطور

هاد العصابات راه مابقاوش كيحشمو طغاو

سول قبل ما تشري

27/09/2025

هاد كيا ريو مزيانة فيابل جودة مزيانة مشاكل قليلة كونصوماسيو مزيانة
لا لقيتيها عند مولاها وماشي شناق وبياع وشراي وبتمن معقول ونقية دخل عليها

كاينين طموبيلات مزيانين غير بنادم ماعارفش وتابع شي موديلات طالين السوق وسالات ساعتهم

سول قبل ما تشري

27/09/2025

الدراري لي كيسولو على فيات باندا
كنا درنا منشور على المشاكل لي فيها

من غير مشاكل الزيت وجودة الصنع الرديئة ومشاكل الاسيستي الفولون كيتقال ولا كيتبلوكا ليك فالطريق على غفلة

اللي خطر من هادشي هوا الكاروسري

لي خدات صفر نجمة فتجارب التصادم والأمان
ودخلات مع أكفس السيارات فتاريخ الصناعة العالمية للسيارات
هيا وبونتو وسيارات فيات بشكل عام
بصفر نجمة ❌️⛔️

الخلاصة كانصحوك تبعد على فيات كاملة بدون إستتناء .

سول قبل ما تشري

24/09/2025

العروض لملاح لي كيشجعونا نبقاو فهاد لبلاد 😃😃😭😂

سول قبل ما تشري

23/09/2025

الناس اللي باغا تشري طموبيل جديدة
نصيحة

ما عمرك تكون عاطفي مع شي شركة عزيزة عليك ولا كاتحبها

واخا تكون الشركة سميتها مسمنة كارز
المهم خاصها توفر ليك شي حوايج ضروريين

* الجودة ديال الصنع
* الموتوقية
* قيمة مقابل سعر
* تمن مناسب
* بياس متوفر
* التعامل قبل وبعد

نتا هادشي لي خاصك تركز عليه ماشي
ماشي لا مارك

وركز على التعامل لا باليك التعامل ماشي هوا هداك عرف تا مورا الشرا غايكون كفس

ودير فبالك راك نتا المشتري الملك نتا خاصك تعزل وتخير
وبيك نتا ولوخرين باش عايشين دوك الشركات
فرتاح مع راسك وخود وقتك فالتسوال والتفاوض

وقلب على الشركة اللي غاتوفرليك الموديل المتالي اللي نتا مرتاح فيه ومحتاجو بجودة مقابل سعر

ختار بالعقل والمنطق ماشي بالعاطفة 🤌🏻

سول قبل ما تشري

23/09/2025

هيونداي 2025 دايرين عروض وأتمنة فمتناول لاعبين ريال بيتيس
ديزاينات ناقصين كونفور ناقص فشي موديلات
الأتمنة جد مبالغ فيها وغير متوازنة مع الجودة
خير متال
I10 moteur 1.0 essence 67 cv 3 cylindre l'entrée de gamme 16.5 🤦🏻‍♂️

يالاه عندهم شي جوج ولا تلاتة الموديلات لي شوية دايزين مقارنة مع التمن

المهم ماكنصحوش ب هيونداي فالجديد
إلا فحالة نقصو وقادو هاد الأتمنة ديال الضحك

دبا المشتري راه ولات عندو فكرة اولا عارف الشركات كيربحو كتر من الشركة اللي صنعات وطورات

وتعلمو أي شركة مطلعة الأتمنة ماتشريوش من عندها عطا الله الشركات .

والشركات خاص يعرفو هادشي باش يعاودو التفكير ديالهم

سول قبل ما تشري

21/09/2025

كون شدو الطولوريات والميكانيسيانات غير شهر
الطموبيل طيح فيها 2 المليون فالمستعمل
اكبر شناقة منين كاتبدا الشنقة هوما الطولوريات والميكانيسيانات
⛔️💯
خاص الدولة تشوف فجيهتهم شوية وتزير معاهم
خاصة دوك الطولوريات لي كيخدمو المقسوم والمسودي
وزايدينها بالشنيق
وخدامين مرتاحين لا مراقبة لا محاسبة عوض مايكونو فالحبس كيضريو لعدس 👎🏻👎🏻⛔️

la création de chen9a 🤷‍♂️😅

سول قبل ما تشري

20/09/2025

تاشو هاد وجوه البختة 🤦🏻‍♂️
مهرس وخارج يشفر راجل قد باه
نتمناو يتشدو فهاد 24 ساعة