10/26/2024
https://www.youtube.com/watch?v=Ra6C76_729g
ईण्डोनेशियाको पर्यटकीय शहर बालीमा यो बर्षको दशैंमा यतै बरालिदा मैले काठमाडौंको कोरसिटीलाई झलझल्ती सम्झे । काठमाडौंको कोरसिटीमा नेवार परम्पराग अनुसार, विहान उठ्नासाथ आमा तथा छोरी–बुहारीहरुले घरको आँगन कुचोले सफा गरेर आँगन देवता अर्थात कुमारको पूजा गरेजस्तो प्रत्येक विहान यहाँ पनि त्यस्तै चलन देख्दा मैले आफूलाई बालीमा होइन, काठमाडौंैकै कोरसिटीमा भएको अनुभव गरे ।
अझ अर्को मिल्दोजुल्दो कुरामा बालीमा एक घर–एक मन्दिरको अवधारणा रहेछ । जुन हाम्रो देशमा एक टोल एक मन्दिर भएजस्तै यहाँ सबै घरहरूमा आफ्नो गच्छे अनुसारको मन्दिर बनाएको पाएँ । नेपालमा जस्तै प्रत्येक दिन आफ्नो घर आंगनमा, पसल अगाडि नरिवलको पातको दूना÷बोतामा रंगिचंगीफूहरू, फलफूल, खानेकुरा राखेर, धूप सल्काएर, जल सिंचन गरेर भगवानको प्रार्थना गर्ने चलन यहाँ पनि रहेछ । जसवाट पनि अत्यन्त प्रभावित भए । धार्मिक परम्परा र मेल पाउंदा म आफू ईण्डोनेशियाको बाली शहरमा नभइकन नेपाल अझ काठमाडौंमा नै रहेको अनुभव गरे । काठमाडौंसंग धेरै मेल खाने शहरको रुपमा मैले बालीलाई पाए ।
कालजयी गीतकार प्रकाश कुइँकेलको बाली अनुभव ।। हरेक विहान आँगन देवताको पूजा ।। केराको पातमा भात ।।–प्रकाश कुइँकेल ...
