نقطة تحول

نقطة تحول 💛 افرح قلبك، يستحق ذلك.
بعد كل ما مرّ به من خيبات وصبرٍ طويل،
امنحه لحظة فرح خالصة،
ابتسم، وقل: الحمد لله دائمًا وأبدًا. 🌿

ﻣﺎ ﺍﺟﻤﻞ ﺍﻻﺣﺴﺎﺱ ﻋﻨﺪﻣﺎ ﻳﻜﻮﻥ ﺻﺎﺩﻗﺎً ﻣﺘﺤﺮﺭﺍً ﻣﻦ ﻗﻴﻮﺩ ﺍﻟﻤﺼﺎﻟﺢ
ﻭﺣﺐ ﺍﻟﺬﺍﺕ ﻳﺼﻨﻊ ﻟﻨﺎ ﻣﻦ ﺧﻄﻮﺍﺗﻨﺎ ﺍﻟﻤﺮﺗﻌﺸﻪ ﻣﻦ ﺍﻟﻤﺠﻬﻮﻝ ﺑﺴﺎﻃﺎً
ﻧﺮﻛﺒﻪ ﻭﻧﺤﻠﻖ ﺑﻪ ﻓﻮﻕ ﺳﺤﺎﺏ ﺍﻟﺰﻣﻦ ﻭﻳﺤﻮﻝ ﻛﻮﺥ ﺍﺣﻼﻣﻨﺎ ﺍﻟﻰ
ﻗﺼﺮﺍً ﺳﻮﺭﻩُ ﺍﻻﻣﻞ ﻭﺑﻮﺍﺑﺘﻪ ﺍﻟﻠﻬﻔﻪ ﻟﻐﺪﺍً ﻫﺬﺍ ﻫﻮ ﺍﻻﺣﺴﺎﺱ ﺍﻟﺬﻱ
ﻳﺠﻌﻞ ﻣﻦ ﺧﻴﺎﻟﻨﺎ ﺳﻔﻴﻨﺔ ﺗﺮﻛﺐ ﺻﻌﺎﺏ ﺍﻟﻤﻮﺝ ﻻ ﻳﺨﻴﻔﻬﺎ ﺍﻟﻠﻴﻞ ﻭﻻ
ﺗﺨﺸﻰ ﺍﻟﺮﻳﺎﺡ ﻳﺒﻨﻲ ﻟﻨﺎ ﻋﺎﻟﻤﺎً ﺛﺎﻧﻲ ﻏﻴﺮ ﻫﺬﺍ ﺍﻟﻌﺎﻟﻢ ﻳﻠﻮﻥ ﺍﻟﺪﻧﻴﺎ ﻓﻲ
ﺍﻋﻴﻨﻨﺎ ﻟﻜﻲ ﻧﺮﺍﻫﺎ ﺟﻤﻴﻠﻪ ﺑﺴﻴﻄﻪ ﻳﻤﺴﺢ ﺍﻟﺪﻣﻊ ﺍﻟﺤﺰﻳﻦ ﺑﻜﻒ ﺍﻟﺤﻨﺎﻥ
ﻳﺠ

ﻌﻞ ﻣﻦ ﺍﻟﻤﺎﺿﻲ ﺫﻛﺮﻯ ﺟﻤﻴﻠﻪ ﻭﻣﻦ ﺍﻟﻤﺴﺘﻘﺒﻞ ﺑﺴﺎﻃﺎً ﺍﺧﻀﺮﺍً
ﻭﺳﻤﺎﺀﺍً ﺻﺎﻓﻴﻪ ﻭﺩﺭﺑﺎً ﻳﻌﺎﻧﻖ ﺧﻄﻮﺍﺗﻨﺎ ﺑﻜﻞ ﻭﺩ ﻭﺷﻮﻕ ﺍﻣﺎ ﺍﻟﺤﺎﺿﺮ
ﻓﻬﻮ ﻟﺤﻈﻪ ﺗﻌﺎﻧﻖ ﺛﻮﺍﻧﻴﻬﺎ ﺣﺮﻭﻑ ﺍﻟﻐﺰﻝ ﺍﻟﺘﻲ ﺗﺮﻗﺺ ﻋﻠﻰ ﺷﻔﺎﻫﻨﺎ
ﻃﺮﺑﺎً ﺑﻠﺤﻦ ﺍﻟﺒﺮﺍﺋﻪ ...

كفارة الغيبةاللهم اغفر لي ولمن اغتبتُه و ظلمته وأسأتَ إليه وتجاوز عنّي وعنه.❤️
10/12/2025

كفارة الغيبة
اللهم اغفر لي ولمن اغتبتُه و ظلمته وأسأتَ إليه وتجاوز عنّي وعنه.❤️

10/12/2025

اللهم طمّن قلبي، واصلح حالي، وحقق لي ما أتمنى، واجعل لي من كل همٍّ فرجًا ومن كل ضيقٍ مخرجًا 🤍❤️❤️

الصباح أنا متعوِّد أشرب جبنة الصباح عند زول في طرف السوق،زول بسيط لكن جبنتو كاربة ✨المهم، قاعد أشرب في الجبنة وجاي رايق،...
10/12/2025

الصباح أنا متعوِّد أشرب جبنة الصباح عند زول في طرف السوق،
زول بسيط لكن جبنتو كاربة ✨

المهم، قاعد أشرب في الجبنة وجاي رايق،
جا زول سلّم على بتاع الجبنة، وقعدوا يتونسوا ويتحاورو في الكلام.

في نص الونسة، سألوا:
– "يا زول، فلان داك ما بقيت أشوفو،خبرو شنو؟"
ردّ عليهو بتاع الجبنة بهدوء وقال:
– "والله ياخ اتوفى."

الزول سكت شوية وقال:
– "الله يرحمو ويغفر ليه."
اثنا الونسه سأل سؤال غريب:
– "إنت هسع بتخاف من الموت؟"

ابتسم بتاع الجبنة وقال ليه جملة والله دخلت جوّا قلبي:
"طول ما أنا بصلي الصبح حاضر، مابخاف من أي حاجة." ❤️

الكلمة دي نزلت عليّ كأنها نسمة في حرّ الهجير…
حسّيت إنو الطمأنينة ما في الدنيا،
الطمأنينة في سجدة الفجر، في دعوة صادقة قبل الشروق 🌅

من اليوم داك، بقيت كل ما أسمع الأذان، أتذكّر الجملة دي:
"طول ما بصلي الصبح حاضر… مابخاف من أي حاجة."

ووالله من يومها قلبي بقى مرتاح…
لقيت راحتي ما بين الأذان والتسليم،
وكل يوم بصحى على يقين واحد:
إنو القُرب من ربك هو الأمان الحقيقي. 🤍

"مؤلم لما تكون داير تحكي وجعك لزول.. وهو ذاتو سبب وجعك." 💔
10/12/2025

"مؤلم لما تكون داير تحكي وجعك لزول.. وهو ذاتو سبب وجعك." 💔

🌌 "في هدوء الليل، الحاجات الوجعتنا بتجي كأنها بتحكي نفسا من جديد."💔بس خليك قوي 💪💪
10/11/2025

🌌 "في هدوء الليل، الحاجات الوجعتنا بتجي كأنها بتحكي نفسا من جديد."💔

بس خليك قوي 💪💪

بعد تعب يوم طويل بالرقشة والشمس حارة شديد لقيت نفسي جنب بيت أختي الكبيرة ✨إتصلت عليها وقلت ليها أنا جنبكم عاوز لي كباية ...
10/11/2025

بعد تعب يوم طويل بالرقشة والشمس حارة شديد
لقيت نفسي جنب بيت أختي الكبيرة ✨
إتصلت عليها وقلت ليها أنا جنبكم عاوز لي كباية شاي حمراء كاااااربة أزبط بيها راسي
بعد شوية إرتباك ولمحة حزن في صوتها قالت لي :
تعال ياخوي في إنتظارك
مشيت عليهم وقبل ما أدخل البيت غشيت الدكان الجنبهم
إشتريت سكر وشاي ولبن بودرة وبسكويت وشوية حلويات لي أولادها
لما أختي فتحت لي الباب ما كانت بتعاين لي في وشي كانت بتعاين للأكياس الفي يدي
ولما إتأكدت إني جبت معاي السكر والشاي شوية حزنها وإحراجها بدأ يتلاشى وحضنتني وقدت تبكي
بعد كدة عرفت أنه ما كان في بيت أختي لا شاي لا سكر لا لبن لا غيره لأن زوجها موظف بسيط وراتبه يا دوب يكفي الأساسيات لأنه الشاي أصبح رفاهية لأغلب الأسر
حزنت جدا وكتمت دموعي بالعافية
و ندمت شديد إني مقصر مع أختي كدة
وقررت إني كل كم يوم أمر عليها وأشوفهم محتاجين لي شنو؟
والشي القليل ممكن افرحهم
رجاءا إتفقدوا أخوانكم وأهلكم وجيرانكم ❤️❤️

😏 "ما بقتل لا الفراق لا الوجع… البقتل العشم الكان في الزول الغلط."💔
10/11/2025

😏 "ما بقتل لا الفراق لا الوجع… البقتل العشم الكان في الزول الغلط."💔

✨ غرسٌ طيّبٌ لا يموت ✨كان يستعدّ للوضوء قبل صلاة الجمعة،فلمح طفلًا صغيرًا في مكان الوضوء، يعبث بالماء – كما ظنّ – فاقترب...
10/11/2025

✨ غرسٌ طيّبٌ لا يموت ✨

كان يستعدّ للوضوء قبل صلاة الجمعة،
فلمح طفلًا صغيرًا في مكان الوضوء، يعبث بالماء – كما ظنّ – فاقترب منه بهدوء.
لكنّه سمع صوته الصغير يعدّ بثقةٍ وهو يغسل يديه:
"واااحد، اثنااان، ثلاااثة..."

ابتسم وقال له:
– ما شاء الله! تتوضأ بإتقانٍ يا صغيري.
فردّ الطفل بابتسامةٍ بريئة:
– الوضوء سهل عليّ، لا أخطئ فيه أبدًا، لكن المشكلة في الصلاة…
حين أريد أن أقف مع الرجال، يطلبون مني أن أرجع للصفوف الخلفية، لأنني صغير!
وأنا لا ألهو مثل أصدقائي، فقط أريد أن أصلّي 🙏

فسأله الرجل:
– إذن قف بجانب أبيك، هكذا يكون الأمر أجمل.
خفض الطفل رأسه وقال بصوتٍ خافت:
– أبي رحل…
أتيت مع أمي، هي تصلي في مكان النساء،
وقالت لي: “إذا دعوتَ لأبيك، وحافظت على صلاتك، ستلقاه في مكانٍ جميلٍ جدًا.” 💛

سكت الرجل ودمعةٌ بللت خده،
وقال في نفسه:
"اللهم بارك في من غرس غرسا طيبا… فأنبت قلبًا نقيًا كهذا." 🌿

💫 اللهم ارزق أبناءنا قلوبًا عامرةً بالإيمان، واجعلنا ممن يزرعون فيهم حبّك يا رحيم.
إذا لامستك القصة، صلِّ على النبي ﷺ 🤍

عندي دكان جمبه فرن و شغال في أمانة الله بلقط في ارزاقي ...يوم جانا شاب عمر 24 سنة معاهو زوجته و طفل مولود لسة قريب جا س...
10/11/2025

عندي دكان جمبه فرن و شغال في أمانة الله بلقط في ارزاقي ...
يوم جانا شاب عمر 24 سنة معاهو زوجته و طفل مولود لسة قريب جا سكن جمبنا و بقا يومي يجيني في الدكان يشيل مني حاجات البيت ...
الزول دا زول طيبان و مهذب و تقي و ظريف شديد و وناس ونسة جد باختصار مكمل اي حاجة ..
ناس الحلة كلهم عن بكرة ابيهم اتكيفوا من الزول دا و زوجته..
في لحظة بس قدر خشا في ناس الحلة و بقا يشكل حضور عجيب في جميع مناسبات الحلة...
بالمساء يوميا كان بجي يشتري الرغيف و يجيني ياخد معاي عشرة ونسة كدة أنا احتراما ليهو بقوم ليهو من الكرسي حقي و أنا أكبر منو هو طوالي بقعد و يقعد يتونس معاي لمن أموت من الضحك و كان عندو حاجة تانية لاحظت ليها بعملا طوالي كان في أثناء ونستنا بقول لي جيب كيس من الدكان بجيب ليهو الكيس يطلع ليهو عيشتين و يقعد يفتفتها صغاااار كدة و يتم ونسته و يمشي بيته ..
أنا بجد متكيف منو شديد لكن بصراحة بقيت أكش منو اول حاجة انا اكبر منو و هو طوالي بقعد في الكرسي حقي يعني ما مديني احترامي
تاني حاجة كل يوم شايل مني كيس و يقعد يفتفت العيش زي الراجل الدرويش و ما عندو زول كبير في البيت الزول دا ما نصيح شكلو ....
اها يوم كدة براهو قال لي يا خال عمر أنت بتكون مأخد عني فكرة سيئة أنا والله بقعد في كرسيك بس عشان احسسك انو انت ما كبير ...
طوالي اتذكرت لمن اكون في المواصلات و انا واقف شماعة و في شاب صغير قاعد في المقعد و ما قام لي أنا كنت بتكيف من الحركة دي معناتا يا عمر انت ما عجوز تقوم معنوياتي تناطح الثريا هههه...
اها يوم كدة جاتني زوجته في الدكان يا خالو عمر عاوزة حاجات لبعدين لمن راجلي يجي جوني ضيوف والله العظيم
قلتا في نفسي بخساسة كدة أنا اقوم استغل الموقف ...
قلت ليها أنا بديك لكن على شرط ..
و قبل ما تعمل اي حاجة باغتها ليك سريع أنتي راجلك دا يومي بشيل العيش بفتفتو لشنو و ما عندكم زول كبير في البيت ؟
ابتسمت على خفيف كدة و قالت والله العظيم راجلي ما برضى لكن انا حاليا مع نسوان و محتاجة للحاجات
يا خالو عمر زوجي بفتفت العيش عشان يبقا ساهل للطير يأكلو و بخط ليهم الموية و بجدع ليهم العيش دا مش بشيل منك كيس ؟
جاوبت باستغراب :-
حتى الكيس عارفاهو ؟
قالت بحب و ثقة :-
راجلي ما بدس مني اي حاجة
انت عارف بشيل منك الكيس لأنو مبسوط منك منك شديد و بقول خالى عمر دا لازم ادخلو في الأجر بتاع الطير ...
قلتا ليها بحماس كدة على بالطلاق راجلك دا ارجل واحد هنا و انا على بالطلاق كنت بديك الحاجات حتى لو ما جاوبتيو هسي على بالطلاق تشيليها ساي هدية مني لضيوفك ...
قامت قالت على بالطلاق( البت طلعت زي راجلها ظريفة كمان )راجلي دا والله يساوي الدنيا دي كلها
و بي حزن كدة قالت أتمنى و أدعو الله عز و جل أموت قبله لأنو بجد يا خالو لو مات قبلي والله العظيم ما عارفة البحصل لي شنو .....
و بعد 3 شهور و جمب دكاني حصل حادث حركة و ماتت الزوجة ...
و لمن كلموا راجلها و هو في الشغل قالوا فقد الوعي و ودهو المستشفى مشيت عليهو في المستشفى لقيتو فارق الحياة ...
مسافة اهلو و أهل زوجته جو و شالوا الجثامين و تم الدفن..
لمن رجعت الحلة لقيت صيوان منصوب قدر الليلة و بكرة اولاد الحلة قالو لي الزول دا نحن بنعمل ليهو عزاء ما عندنا شغلة بعزاء أهله..
في الصباح جو خالات الرضيع عشان يشيلنه نسوان حلتنا وقفن عود احمر وقالن بلسان واحد والله الطفل ما بتشيلنه الا أي واحدة فينا متزوجة ترضعه عشان يكون اخو أولادنا...

بقلم الأستاذ عمر الجعلي

كل "يا رب" تهمس بها، تُكتب في السماء وتُستجاب في الوقت الأجمل. 🌙قول يارب ❤️
10/10/2025

كل "يا رب" تهمس بها، تُكتب في السماء وتُستجاب في الوقت الأجمل. 🌙

قول يارب ❤️

❤️ ان تعيش سعيدا بوحدتك خيرا لك من ألف منافق حولك ❤️
10/10/2025

❤️ ان تعيش سعيدا بوحدتك خيرا لك من ألف منافق حولك ❤️

❤️ "ابتسم، يمكن اللحظة دي ما تتكرر تاني."❤️
10/10/2025

❤️ "ابتسم، يمكن اللحظة دي ما تتكرر تاني."❤️

Address

New York, NY

Website

Alerts

Be the first to know and let us send you an email when نقطة تحول posts news and promotions. Your email address will not be used for any other purpose, and you can unsubscribe at any time.

Shortcuts

Share

Category