06/27/2025
សុំបញ្ចេញយោបល់បន្តិច!
តាមព័ត៌មានដែលខ្ញុំទួលបាន ប្អូនស្រីម្នាក់នេះ មានឪពុកជាជនជាតិថៃ(*កែតម្រូវ ឪពុកចុង) តែមានម្តាយជនជាតិខ្មែរ។ ឪពុកម្តាយបង្កើតនាង (ខ្មែរដូចគ្នា) បានបែកបាក់គ្នា ហើយម្តាយនាងក៏មានប្តីទី២ជាជនជាតិថៃ។ នាងក៏បានទៅរស់នៅជាមួយម្តាយនៅប្រទេសថៃ ហើយក៏ធំធាត់នៅទីនោះ ក្រោយនាងទើបតែបានចូលធ្វើការរោងចក្រនៅថៃបាន២ឆ្នាំ។ (សំណួរមិនច្បាស់ ចម្លើយមិនពេញលេញ)
មានន័យថានាងលូតលាស់ធំធាត់ស្ទើរពេញមួយជីវិតនៅប្រទេសថៃ តែនាងនៅតែចងចាំស្រុកកំណើត ដែលជាខ្មែរ ព្រោះនាងមានឈាមខ្មែរក្នុងខ្លួននាង។
នៅពេលប្រទេសថៃនិងខ្មែរមានបញ្ហា មានន័យថា ក្មេងស្រីម្នាក់ហ្នឹងត្រូវជ្រើសរើសម្ខាង រវាងឪពុកជាថៃ(ចុង) និងម្តាយជាខ្មែរ។ នាងជ្រើសរើសត្រឡប់មកខ្មែរ!
ពិតណាស់ រស់នៅស្រុកថៃ លូតលាស់ក្នុងស្រុកថៃ ប្រាកដជានិយាយខ្មែរមិនច្បាស់នោះទេ តែនាងព្យាយានិយាយខ្មែរដោយលាយឡំសំនៀងថៃ ដោយសារមានអ្នកសារព័ត៌មានទៅសួរសំណួរពីនាង។
នាងមិនបានរៀនភាសាខ្មែរ នាងមិនស្គាល់ មិនយល់ពាក្យខ្មែរសូម្បី "ដាក់មួយយូរ" ដែលបងប៊ុនធៀនបានសួរក្នុងន័យលេងសើច។
បើអ្នកដែលមានឈាមខ្មែរ មកចុះចូលខ្មែរ បង្ហាញសមានចិត្តជាខ្មែរ បែរជាទទួលការប្រមាថបែបនេះ តើឱ្យខ្មែររស់នៅបរទេសណាហ៊ានមកចូលនិងប្រកាសខ្លួនជាខ្មែរទៀត?
ហើយថាតើបងប្អូនមានបានគិតគូរដល់អារម្មណ៍គ្នាជាក្មេងស្រី ដែលបែកឪពុក បែកម្តាយ គ្រាន់តែចូលស្រុកភ្លាម ត្រូវគេជេរពេញហ្វេសប៊ុកបែបនេះទេ?
ចុះអ្នករស់នៅខ្មែរដែលរៀនភាសបរទេស? អង់គ្លេស ឬចិន? បែរជានិយាយខ្មែរមិនច្បាស់នោះ យើងត្រូវថ្កោលទោសទេ? ចុះកូនខ្មែរ ដែលនិយាយភាសាអង់គ្លេសដាក់គ្នារាល់ថ្ងៃ ហើយមិនយល់ភាសាខ្មែរនោះ តើគួរថ្កោលទោសទេ?
អ៊ីស្រាអែលបាត់ដី៣០០០ឆ្នាំ តែគេនៅអាចប្រមូលជនជាតិគេដែលមានឈាមអ៊ីស្រាអែលចូលស្រុកបង្កើតទៅជាប្រទេសមួយបាន ដោយគេមិនខ្វល់ថានិយាយភាសាជ្វីហ្វ ឬភាសាអង់គ្លេស ភាសាបារាំង អាឡឺម៉ង់នោះទេ?
បងប្អូនធ្វើបែបនេះ ប្រៀបដូចជារុញមនុស្សខ្មែរ ឱ្យស្អប់ខ្មែរគ្នាឯង ដោយគ្រាន់តែគ្នានិយាយមិនច្បាស់។
បើខ្មែរគ្នាឯង ជាន់ខ្មែរគ្នាឯងដល់ម្លឹង តើឱ្យនរណាស្ម័គ្រចិត្តមកនៅខាងខ្មែរ?
