សារព័ត៌មាន អង្គរជ័យ Angkorchey News

សារព័ត៌មាន អង្គរជ័យ Angkorchey News អង្គរជ័យ ព័ត៌មានថ្មីៗ នឹងទាន់ហេតុការណ៍មាននៅលើកញ្ចក់ទូរស័ព្ទដៃរបស់លោកអ្នក

អង្គភាពព័ត៌មាន អង្គរជ័យ គឺជាស្ថាប័នព័ត៌មាន អនឡាញមួយ (ONLINE) ត្រូវបានបង្កើតឡើងក្នុងគោលបំណង ដើម្បីធ្វើការផ្សព្វផ្សាយនូវព័ត៌មានទូទៅជូនដល់សង្គមកម្ពុជា។ អង្គភាពព័ត៌មាន អង្គរជ័យ បានចូលរួមចំណែកយ៉ាងសំខាន់ជាប្រព័ន្ធផ្សព្វផ្សាយនៅក្នុងប្រទេសកម្ពុជា នាយុគសម័យបច្ចេកវិទ្យាឌីជីថល (Digital)។

អង្គភាពព័ត៌មាន អង្គរជ័យ នឹងធ្វើការផ្សព្វផ្សាយនូវព័ត៌មានទូទៅឲ្យមានភាពទូលំទូលាយជូនដល់មហាជន ក្នុង និងក្រៅប្រទេសឲ្យទទួលបាននូ

វការយល់ដឹង នឹងបានជ្រាបនូវអ្វី ដែលកំពុងតែបានកើតឡើងនាពេលបច្ចុប្បន្នជុំវិញពិភពលោក។

អង្គភាពព័ត៌មាន អង្គរជ័យ ជាស្ថាប័នមួយ ដែលបានចូលរួមចំណែកក្នុងការជួយអភិវឌ្ឍន៍ដល់យុវជន យុវនារី ប្រជាជនកម្ពុជា ដែលមានបំណង នឹងស្រលាញ់វិស័យជាអ្នកសារព័ត៌មាន ឲ្យទទួលបានការបណ្តុះបណ្តាល ចំណេះដឹង និងការងារធ្វើជាអាជីបក្នុងពេលអនាគតរបស់ពួកគេ។

អង្គភាពព័ត៌មាន អង្គរជ័យ បានដើរតួនាទីយ៉ាងសំខាន់ក្នុងការផ្សព្វផ្សាយនូវព័ត៌មានពិត សុក្រឹតភាព គុណភាព ក្រមសីលធម៌ ប្រកបដោយវិជ្ជាជីវៈ ដើម្បីក្លាយជាប្រព័ន្ធផ្សព្វផ្សាយមួយឈានមុខគេ ដែលអាចផ្ដល់ជាប្រយោជន៍ដល់សង្គមជាតិកម្ពុជាទាំងមូល។

ដោយមើលឃើញពីភាពចាំបាច់នេះ នៅថ្ងៃទី២៨ ខែកុម្ភៈ ឆ្នាំ២០១៩ អង្គភាពមួយនេះ ក៏ត្រូវបានផ្ដួចផ្ដើមគំនិតបង្កើតឡើងដោយប្រធានស្ថាបនិក លោក សិទ្ធ ស៊ូ ដោយដាក់ឈ្មោះថា អង្គរជ័យ នឹងទទួលបានអាជ្ញាប័ណ្ណពីក្រសួងព័ត៌មាន នៅថ្ងៃ២២ ខែមេសា ឆ្នាំ២០១៩។

ការិយាល័យកណ្តាលរបស់អង្គភាពព័ត៌មាន អង្គរជ័យ ស្ថិតនៅផ្ទះលេខ៨៨ ផ្លូវ១៦ បុរីពិភពថ្មី ភូមិត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ កម្ពុជា។

09/30/2025

នេះជាវីដេអូបង្ហាញពីហេតុការណ៍រញ្ជួយ​ដី​កម្រិត​៦.៩​រ៉ិ​ច​ទ័​រ ខណៈមនុស្សម្នាកំពុងតែចរាចរ នៅលើស្ពាន Lapu-Lapu វេលា​ម៉ោង​៩​និង​៤៤​នាទី​យប់ ថ្ងៃទី៣០ ខែកញ្ញា ឆ្នាំ២០២៥ ក្នុងប្រទេសហ្វីលីពីន។

បន្ទាន់! ពលរដ្ឋនាំគ្នារត់ចេញមកក្រៅ ដោយមានការព្រមានពីគ្រោះរញ្ជួយដីកម្រិត ៦,៩ រ៉ិចទ័រ វាយប្រហារនៅក្នុងទីក្រុង សេប៊ូ ប្រទេស...
09/30/2025

បន្ទាន់! ពលរដ្ឋនាំគ្នារត់ចេញមកក្រៅ ដោយមានការព្រមានពីគ្រោះរញ្ជួយដីកម្រិត ៦,៩ រ៉ិចទ័រ វាយប្រហារនៅក្នុងទីក្រុង សេប៊ូ ប្រទេសហ្វីលីពីន

នៅយប់ថ្ងៃទី៣០ ខែកញ្ញា នេះ ពលរដ្ឋហ្វីលីពីនបាននាំគ្នារត់ចេញពីផ្ទះ និងអគារ បន្ទាប់ពីអាជ្ញាធរបានរាយការណ៍ថា មានគ្រោះរញ្ជួយដីកម្រិត ៦,៩ រ៉ិចទ័រ វាយប្រហារនៅក្នុងទីក្រុង សេប៊ូ និងតំបន់មួយចំនួនទៀត ក្នុងប្រទេសហ្វីលីពីន ។

អាជ្ញាធរហ្វីលីពីនបានប្រកាសបិទសាលារៀន និងកន្លែងការងារ ដែលស្ថិតក្នុងតំបន់ប្រឈមនឹងគ្រោះរញ្ជួយដីនេះផងដែរ។ នេះបើតាមសេចក្ដីរាយការណ៍ដោយសារព័ត៌មានក្នុងស្រុក ហ្វីលីពីន។

ថ្ងៃនេះ ជាថ្ងៃចុងក្រោយ នៃការបញ្ចប់តួនាទីមេភូមិភាគ២ថៃ លោក ប៊ុនស៊ីន ផាដក្លាង តើមានអ្វីជូនពរគាត់ទេ?ដូចការគ្រោងទុក ក្រោយពីធ្...
09/30/2025

ថ្ងៃនេះ ជាថ្ងៃចុងក្រោយ នៃការបញ្ចប់តួនាទីមេភូមិភាគ២ថៃ លោក ប៊ុនស៊ីន ផាដក្លាង តើមានអ្វីជូនពរគាត់ទេ?

ដូចការគ្រោងទុក ក្រោយពីធ្វើព្យុះធ្វើភ្លៀងមុនអស់តំណែង ដើម្បីទទួលបានប្រជាប្រិយភាពពីប្រជាជនថៃ និងការឆ្ពោះទៅរកទ្រនំថ្មីនៅក្នុងជម្លោះរវាង កម្ពុជា-ថៃ ដែលកំពុងបន្តនូវភាពតានតឹងនៅឡើយ ថ្ងៃនេះគឺជាថ្ងៃចុងក្រោយហើយ ក្នុងការបញ្ចប់មុខតំណែង និងតួរនាទីរបស់លោក ប៊ុនស៊ីន ផាដក្លាង ពីមេយោធាភូមិភាគ២ថៃ។

មេទ័ពចោរព្រៃ មុខភ័យ សម្ដីឡូយ ដែលមហាជនបានដាក់រហស្សនាមឲ្យនេះ និងទៅជ្រកកោននៅក្នុងឧត្តមក្រុមប្រឹក្សាព្រះមហាក្សត្រ ក្នុងតួនាទីជាអង្គរក្សពិសេសរបស់ព្រះមហាក្សត្រថៃ។ ហើយអ្នកដែលបន្តតំណែងរបស់លោកប្រចាំតំបន់ភូមិភាគ២ថៃ គឺឧត្តមសេនីយ៍ឯក វីរ៉ាយុទ្ធ រ៉ាក់ស៊ីល ដែលជាមេបញ្ជាការរងប្រចាំភូមិភាគ២ និងជាមនុស្សជំនិតរបស់លោក ប៊ុនស៊ីន ផាដក្លាង។

លោក ប៊ុនស៊ីន ផាដក្លាង ក៏បានធ្លាប់បាននិយាយដែរថា ទោះបីជាលោកបានចូលនិវត្តន៍ក៏ដោយ តែលោកនៅតែអាចជួយប្រឹក្សាដល់កងកម្លាំងទាហាថៃ ដើម្បីផ្ដល់យោបល់ក្នុងជម្លោះរវាងកម្ពុជា-ថៃ បានដដែល។

09/29/2025

ផ្សាយបន្តផ្ទាល់ (LIVE) ៖ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា អញ្ជើញថ្លែងសុន្ទរកថាបិទ មហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស នៅក្រសួងមហាផ្ទៃ រាជធានីភ្នំពេញ។

ថ្ងៃចន្ទ ៧កើត ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៩ ខែកញ្ញា ឆ្នាំ២០២៥

09/28/2025

លោក ប្រាក់ សុខុន បានរាយការណ៍ប្រាប់អង្គការសហប្រជាជាតិ រឿងថៃគំរាមកំហែង និងឈ្លានពានកម្ពុជា

ក្រោយទន្ទឹងរងចាំ ដើម្បីឲ្យអន្តរជាតិជួយដោះស្រាយរឿងជម្លោះព្រំដែនកម្ពុជា-ថៃ ពេលនេះកម្ពុជាបានរាយការណ៍ប្រាប់អង្គការសហប្រជាជាតិហើយ រឿងថៃគំរាមកំហែង និងឈ្លានពានកម្ពុជា នៅក្នុងមហាសន្និបាតអង្គការសហប្រជាជាតិ នៅថ្ងៃសៅរ៍ ទី២៧ ខែកញ្ញា ឆ្នាំ២០២៥ នេះ។

រដ្ឋមន្ត្រីការបរទេស លោកប្រាក់ សុខុន បានប្រាប់ដល់​មហាសន្និបាត​អង្គការសហប្រជាជាតិថា កម្ពុជាគឺជាប្រទេសតូច ដែលផ្តោតលើការកសាងសេដ្ឋកិច្ច និងធ្វើឲ្យប្រសើរសុខមាលភាពប្រជាជន ហើយមិនបង្កការគំរាមដល់ប្រទេសណាឡើយ ប៉ុន្តែត្រូវបានប្រទេសថៃ ដែលជាអ្នកជិតខាងមកគំរាមកំហែង និងឈ្លានពានកម្ពុជា ដោយសារតែជម្លោះព្រំដែន។

លោក ប្រាក់ សុខុន បានបន្តថា សន្តិភាពដែលកម្ពុជាសម្រេចបាន​​ គឺខិតខំចែករំលែក​ជាមួយពិភពលោក​ និងប្រទេសជិតខាង តែមិននឹកស្មានថាអ្នកជិតបែរជាមកគំរាមកំហែង និងឈ្លានពានកម្ពុជាទៅវិញ។ លោកបន្ថែមថាការប្រើប្រាស់អាវុធគឺជាជម្រើសចុងក្រោយប៉ុណ្ណោះ។

ឯចំណែកភាគីថៃវិញ រដ្ឋមន្ត្រីការបរទេស​ថៃ​លោក​ Sihasak Phuangketkeow ក៏បានថ្លែងសុន្ទរកថារបស់ខ្លួនទៅ​កាន់​មហាសន្និបាត​អង្គការ​សហប្រជាជាតិ​ ដោយបានចោទកម្ពុជាថាជាអ្នកបង្កបញ្ហា​ព្រំដែន​ ហើយ​ពង្រីក​ទៅ​ជា​ថ្នាក់​ជាតិ​ និង​យក​ទៅ​ជាបញ្ហា​អន្តរជាតិ។

កម្ពុជាស្នើឲ្យក្រុម IOT ធ្វើកិច្ចការពីរចំនុច ក្រោយពីទាហានប្រើល្បិចចោទកម្ពុជាថាជាអ្នកបាញ់មុនបន្ទាប់ពីទាហានថៃបានបើកការវាយប...
09/27/2025

កម្ពុជាស្នើឲ្យក្រុម IOT ធ្វើកិច្ចការពីរចំនុច ក្រោយពីទាហានប្រើល្បិចចោទកម្ពុជាថាជាអ្នកបាញ់មុន

បន្ទាប់ពីទាហានថៃបានបើកការវាយប្រហារមកលើកម្ពុជាសារជាថ្មីនៅច្រកអានសេះ ក្នុងថ្ងៃទី២៧ ខែកញ្ញា ឆ្នាំ២០២៥ រួចហើយបានប្រើល្បិចចោទប្រកាន់កម្ពុជាថាជាអ្នកបង្កហេតុបាញ់មុននោះ សម្ដេចតេជោ ហ៊ុន សែន បានប្រើភាពវ័យឆ្លាតដោយស្នើឲ្យកងទ័ពម៉ាឡេស៉ី​ ដែលជាក្រុម IOT ធ្វើកិច្ចការពីរចំនុច ដើម្បីបកស្បែកមុខភាគីថៃ និងទង្វើរថោកទាប ថាពិតជាបានរំលោភលើបទឈប់បាញ់ និងច្បាប់អន្តរជាតិដោយមិនអាចប្រកែកបាន។ ទី១ គឺធ្វើកោសល្យវិច័យគ្រាប់ ទី២ គឺចុះពិនិត្យដល់ទីតាំងគ្រាប់ធ្លាក់ផ្ទាល់។

សម្ដេចតេជោ ហ៊ុន សែន បានបញ្ជាក់លម្អិតយ៉ាងដូច្នេះថា៖

ថ្ងៃនេះមានការរំលោភលើបទឈប់បាញ់ដោយប្រើកាំភ្លើងត្បាល់ និងកាំភ្លើងយន្ត។ នាយករដ្ឋមន្ត្រី ហ៊ុន ម៉ាណែត និងខ្ញុំបានកោះប្រជុំបន្ទាន់ តាមអនឡាញណែនាំឲ្យកងទ័ពអត់ធ្មត់មិនតបត។

ក្រោយស្ងាត់កាំភ្លើងភាគីទាំងសងខាងចោទគ្នាទៅវិញទៅមកថា បានរំលោភលើបទឈប់បាញ់។ ភាគីទាំងសងខាងសុទ្ធតែបានប្តឹងទៅក្រុមអ្នកសង្កេតការណ៍ (IOT) ជាពិសេសកម្ពុជាបានសុំយ៉ាងទទូចដើម្បីឲ្យក្រុម IOT ចុះទៅពិនិត្យផ្ទាល់។

ដើម្បីធានាសុចរិតភាព តម្លាភាព អព្យាក្រឹត្យភាព និងភាពជឿទុកចិត្តបាន ខ្ញុំសូមជូនយោបល់ទៅថ្នាក់ដឹកនាំកងទ័ពម៉ាឡេស៉ី​ ដែលជាប្រធាន និងសមាជិក មកពីបណ្តាប្រទេសអាស៊ាននៃក្រុម IOT ធ្វើនូវកិច្ចការពីរ៖

១. ធ្វើកោសល្យវិច័យគ្រាប់ ព្រោះប្រទេសទាំងពីរមានប្រើគ្រាប់ខុសគ្នា។
២. ជាចំណុចសំខាន់គឺចុះពិនិត្យដល់ទីតាំងគ្រាប់ធ្លាក់ គេនិងអាចដឹងបានថាគ្រាប់ចេញពីទិសដៅណា? បាញ់ពីកម្ពុជាទៅថៃ ឬបាញ់ពីថៃមកកម្ពុជា? គេមិនអាចទៅបង្វិលរណ្តៅគ្រាប់បានទេ។

សូមកងទ័ពកម្ពុជារក្សាទុករណ្តៅគ្រាប់ឲ្យបានល្អ និងជួយបង្កលក្ខណៈឲ្យអ្នកសង្កេតការ IOT បានធ្វើកោសល្យវិច័យគ្រាប់ និងពិនិត្យរណ្តៅគ្រាប់ឲ្យបានត្រឹមត្រូវ និងច្បាស់លាស់។ ខ្ញុំសង្ឃឹមថា ភាគីថៃនិងបង្ហាញនូវកាយវិការដូចគ្នា។ មាសសុទ្ធមិនខ្លាចភ្លើង ការបដិសេធណាមួយចំពោះការត្រួតពិនិត្យដោយអ្នកសង្កេតការណ៍ IOT មានន័យថា ខ្លួនជាអ្នកបាញ់រាប់ទាំងកម្ពុជា និងថៃ៕

ថៃ បានបំពានបទឈប់បាញ់ និងបានបើកការវាយប្រហារមកលើកម្ពុជា ។
09/27/2025

ថៃ បានបំពានបទឈប់បាញ់ និងបានបើកការវាយប្រហារមកលើកម្ពុជា ។

បន្ទាន់! ទាហានថៃកំពុងបើកប្រតិបត្តិការបាញ់ប្រហារមកលើទីតាំងកងកម្លាំងកម្ពុជា នៅច្រកអានសេះ នៅព្រឹកថ្ងៃទី២៧ ខែកញ្ញា ឆ្នាំ២០២...
09/27/2025

បន្ទាន់! ទាហានថៃកំពុងបើកប្រតិបត្តិការបាញ់ប្រហារមកលើទីតាំងកងកម្លាំងកម្ពុជា នៅច្រកអានសេះ

នៅព្រឹកថ្ងៃទី២៧ ខែកញ្ញា ឆ្នាំ២០២៥ វេលាម៉ោងប្រមាណ ១១:៥២នាទី យោធាថៃបានចាប់ផ្តើមធ្វើការបាញ់ប្រហារមុនមកលើទីតាំងកងកម្លាំងកម្ពុជា ដោយបានបាញ់កំាភ្លើងត្បាល់និងកាំភ្លើងដៃជាច្រើន គ្រាប់មកតំបន់មូលដ្ឋានកងទ័ពកម្ពុជានៅតំបន់អានសេះ។ កងទ័ពកម្ពុជាបានឈរគោលការណ៍អត់ធ្មត់ខ្ពស់និងមិនបានតបតទៅវិញទេ។ រហូតមកដល់ម៉ោងនេះ ភាគីថៃនៅបន្តបាញ់ប្រហារមកលើកងទ័ពកម្ពុជា មិនទាន់បញ្ឈប់នៅឡើយទេ។ នេះបើយោងតាមការបញ្ជាក់របស់ក្រសួងការពារជាតិ នៅរសៀលនេះ។

កងកម្លាំងរបស់កម្ពុជា សូមបញ្ជាក់សាជាថ្មីនូវការប្តេជ្ញាចិត្តយ៉ាងម៉ឺងម៉ាត់ ក្នុងការគោរព និងការអនុវត្តនូវកិច្ចព្រមព្រៀងបទឈប់បាញ់រវាងកម្ពុជានិងថៃ ឱ្យបានពេញលេញនិងខ្ជាប់ខ្ជួនបំផុត ដោយបន្តសហការគ្នាឱ្យបានជិតស្និទ្ធនៅគ្រប់កម្រិត និងស្វែងរកកិច្ចសហប្រតិបត្តិការជាក់ស្តែង សំដៅលើកកម្ពស់សន្តិភាពនិងស្ថិរភាពរវាងប្រទេសទាំងពីរ ក៏ដូចជាការវិលត្រឡប់ទៅរកប្រក្រតីភាពឡើងវិញឱ្យបាន ឆាប់រហ័ស និងអំពាវនាវឱ្យភាគីថៃអនុវត្តនិងគោរពឱ្យបានម៉ឹងម៉ាត់ដូចគ្នា។

09/27/2025

កំពុងផ្ទុះអាវុធនៅច្រកអានសេះ ដោយទាហានថៃបានបាញ់មកលើកងទ័ពកម្ពុជា។
២៧ កញ្ញា ២០២៥!

ប្រិយមិត្តជាទីគោរពនិងស្រឡាញ់​ ចាប់ពី​ថ្ងៃទី​២៥​ខែកញ្ញា​នេះ​ យើងមានសំណូមពរ​ពីរ៖ទី១៖ បើនៅ​សហរដ្ឋ​អាមេរិក​សូមប្រិយមិត្ត​ទូរ...
09/25/2025

ប្រិយមិត្តជាទីគោរពនិងស្រឡាញ់​ ចាប់ពី​ថ្ងៃទី​២៥​ខែកញ្ញា​នេះ​ យើងមានសំណូមពរ​ពីរ៖

ទី១៖ បើនៅ​សហរដ្ឋ​អាមេរិក​សូមប្រិយមិត្ត​ទូរសព្ទ​ទៅកាន់​សមាជិក​សភា​នៅ​មណ្ឌល​របស់​អស់លោក-លោកស្រី​ដើម្បី​ប្រាប់​គាត់​ឲ្យ​យកចិត្ត​ទុកដាក់​ដល់​បញ្ហា​កម្ពុជា​-ថៃ​ដែល​ហាក់ដូចជាកើនកំដៅ​។ ប្រិយមិត្ត​អាច​រក​លេខ​ទំនាក់​ទំនង​បាន​តាម​គេហទំព័រនេះ៖
https://www.house.gov/representatives/find-your-representative

ទី២៖ ប្រសិនបើ​ប្រិយមិត្ត​នៅ​កម្ពុជា​សូម​ចូលទៅ​ហ្វេសប៊ុក​របស់​សមាជិក​រដ្ឋសភា​ទាំង៤​រូបនេះ​ដោយ​សរសេរ​ប្រាប់​គាត់​ពី​អ្វី​ដែល​ប្រិយមិត្ត​ចង់​ឲ្យ​គាត់​ជួយ​កម្ពុជា។ សមាជិក​រដ្ឋសភា​ទាំង៤​នាក់​នេះ​បាន​ទៅប្រទេស​កម្ពុជា​កាលពី​ចុងខែ​សីហា​ហើយ​បាន​ឃើញ​ជាក់ស្តែង​អំពី​ស្ថានភាព​ពលរដ្ឋ​ភៀសសឹក​កម្ពុជា។

Richard Mc Cormick:
https://www.facebook.com/richard.mccormick3
Terri Sewell:
https://www.facebook.com/RepSewell
Suhas Subramanyam
https://www.facebook.com/RepSuhasSubramanyam
Beth Van Duyne:
https://www.facebook.com/RepBethVanDuyne

នេះ​ជាពេល​ដែល​ខ្មែរ​ទាំងក្នុង​និងក្រៅ​ប្រទេស​ត្រូវ​រួមកម្លាំង​គ្នា​ដើម្បី​ជួយ​មាតុភូមិ​ខ្លួនហើយ។
Thanks, Michael B Alfaro, for the update from the field in Cambodia.

ដោយ៖ Men Kimseng

អ៊ុយក្រែន៖ ច្បាប់អន្តរជាតិគ្មានប្រសិទ្ធភាពឡើយ ទាល់តែមានអាវុធខ្លាំង ទើបអាចជួយខ្លួនឯងបានប្រធានាធិបតីអ៊ុយក្រែន លោក វ៉ូឡូឌីម...
09/25/2025

អ៊ុយក្រែន៖ ច្បាប់អន្តរជាតិគ្មានប្រសិទ្ធភាពឡើយ ទាល់តែមានអាវុធខ្លាំង ទើបអាចជួយខ្លួនឯងបាន

ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានរិះគន់អង្គការសហប្រជាជាតិ ដែលហៅកាត់ថា UN រួមទាំងស្ថាប័នអន្តរជាតិផ្សេងៗទៀត ថាមានភាពទន់ខ្សោយក្នុងការបញ្ឈប់សង្រ្គាមដែលកំពុងកើតមានឡើងនៅជុំវិញពិភពលោក។

ការថ្លែងសុន្ទរកថានៅក្នុងមហាសន្និបាត UN នៅឯសហរដ្ឋអាមេរិក កាលពីថ្ងៃពុធ ទី២៤ ខែកញ្ញា ប្រធានាធិបតីអ៊ុយក្រែន លោក ហ្សេលេនស្គី បានរិះគន់ចំៗថា ច្បាប់អន្តជាតិគ្មានប្រសិទ្ធភាពនោះទេ លុះត្រាតែអ្នកមានមិត្តដែលមានឥទ្ធិពលធំ ហើយមានឆន្ទៈពិតប្រាកដក្នុងការគាំទ្រអ្នក ទើបអ្នកអាចការពារខ្លួនបាន។

លោកបានបន្តថា៖ ប្រទេសមួយដែលចង់បានសន្តិភាព ចាំបាច់ត្រូវប្រឹងពង្រឹងសព្វាវុធរបស់ខ្លួនឱ្យខ្លាំង។ វាមិនមែនជារឿងល្អទេ ប៉ុន្តែវាជាការពិត។ មិនមែនច្បាប់អន្តរជាតិ ឬក៏កិច្ចសហប្រតិបត្តិការឡើយ គឺសព្វាវុធទេដែលជាអ្នកសម្រេចជោគវាសនាស្លាប់រស់របស់ប្រទេសមួយ។

គួរបញ្ជាក់ថា ប្រទេសអ៊ុយក្រែនបច្ចុប្បន្ន កំពុងធ្វើសង្គ្រាមតទល់ជាមួយប្រទេសរុស្ស៊ី ដោយបានអូសបន្លាយចាប់តាំងពីខែកុម្ភៈ ឆ្នាំ២០២២មកម្ល៉េះ។ អង្គការសហប្រជាជាតិ រួមទាំងស្ថាប័នអន្តរជាតិផ្សេងៗទៀត បានត្រឹមតែចេញសេចក្តីថ្លែងការណ៍ តែមិនអាចបញ្ឈប់រុស្ស៊ី ដែលកំពុងបង្ករសង្គ្រាមឈ្លានពានទៅលើអ៊ុយក្រែនបាននៅឡើយ។

លោក អាន់វ៉ា អ៉ីប្រាហ៊ីម បានទូរស័ព្ទទៅកាន់លោក ដូណាល់ ត្រាំ ដើម្បីបញ្ជាក់ពីជំហរក្នុងការធានាសុខសន្តិភាពទាក់ទងនឹងបញ្ហាកម្ពុជ...
09/25/2025

លោក អាន់វ៉ា អ៉ីប្រាហ៊ីម បានទូរស័ព្ទទៅកាន់លោក ដូណាល់ ត្រាំ ដើម្បីបញ្ជាក់ពីជំហរក្នុងការធានាសុខសន្តិភាពទាក់ទងនឹងបញ្ហាកម្ពុជា-ថៃ

ប្រធានអាស៊ានប្ដូរវេន លោក អាន់វ៉ា អ៉ីប្រាហ៊ីម បានទូរស័ព្ទទៅកាន់លោក ដូណាល់ ត្រាំ បញ្ជាក់ពីជំហរក្នុងការប្តេជ្ញាចិត្តយ៉ាងសកម្ម ដើម្បីការធានាសុខសន្តិភាពទាក់ទងនឹងបញ្ហាជម្លោះ កម្ពុជា-ថៃ ដែលកំពុងតែតានតឹង នៅតាមបណ្តោយព្រំដែននៃប្រទេសទាំងពីរ។ នេះបើយោងតាមសំណេរនៅលើទំព័រហ្វេសប៊ុកផ្លូវការរបស់លោក អាន់វ៉ា អ៉ីប្រាហ៊ីម ដែលបានបង្ហោះនៅល្ងាចថ្ងៃទី២៥ ខែកញ្ញា ឆ្នាំ២០២៥ នេះ។

លោក អាន់វ៉ា អ៉ីប្រាហ៊ី បានបញ្ជាក់យ៉ាងដូច្នេះថា៖ នៅក្នុងកិច្ចសន្ទនាតាមទូរស័ព្ទជាមួយប្រធានាធិបតី ដូណាល់ ត្រាំ មុននេះបន្តិច ខ្ញុំបានបញ្ជាក់ជាថ្មីពីការប្តេជ្ញាចិត្តរបស់ម៉ាឡេស៊ី ក្នុងនាមជាប្រធានអាស៊ាន ដើម្បីបន្តដើរតួនាទីយ៉ាងសកម្មក្នុងការធានាសុខសន្តិភាពក្នុងតំបន់ ជាពិសេសទាក់ទងនឹងបញ្ហាកម្ពុជា-ថៃ។

ប្រធានាធិបតី Trump ទទួលស្គាល់ភាពជោគជ័យរបស់ម៉ាឡេស៊ី ក្នុងការសម្រួលកិច្ចព្រមព្រៀងឈប់បាញ់រវាងកម្ពុជា និងថៃ ជាសមិទ្ធផលដ៏ធំធេង ដែលបង្ហាញពីអធិបតេយ្យភាព និងភាពរឹងមាំរបស់ម៉ាឡេស៊ី

ខ្ញុំក៏សរសើរគាត់ដែរចំពោះតួនាទីដែលសហរដ្ឋអាមេរិក កំពុងតែធ្វើការធានាថាបទឈប់បាញ់គ្នាបានសម្រេច ។

ម៉ាឡេស៊ី ទន្ទឹងរង់ចាំវត្តមានរបស់លោកប្រធានាធិបតី ត្រាំ ក្នុងកិច្ចប្រជុំកំពូលអាស៊ាន នៅខែក្រោយ ដែលនឹងក្លាយជាវេទិកាសំខាន់មួយ ដើម្បីពង្រឹងកិច្ចសហប្រតិបត្តិការ ដើម្បីសន្តិភាព ស្ថិរភាព និងវិបុលភាពក្នុងតំបន់

ការសន្ទនាតាមទូរស័ព្ទនេះបានធ្វើឡើងនៅពេលដែលខ្ញុំបានទទួលការសម្តែងការគួរសមពី Jamieson Greer តំណាងពាណិជ្ជកម្មសហរដ្ឋអាមេរិក (USTR) ដែលកំពុងស្ថិតនៅក្នុងប្រទេសម៉ាឡេស៊ី ស្របពេលកិច្ចប្រជុំសេដ្ឋកិច្ចអាស៊ាន (AEM) លើកទី៥៧ និងកិច្ចប្រជុំពាក់ព័ន្ធ។

គួរបញ្ជាក់ថា ទោះបីជាមានបទឈប់បាញ់យ៉ាងណាក្ដី ភាគីថៃហាក់នៅតែបន្តពង្រីកវិសាលភាពដែនជម្លោះដាក់កម្ពុជាអោយរីករាលដាលនៅតាមបណ្តោយព្រំដែន ព្រមទាំងបញ្ជូនកម្លាំងយោធាទៅកាន់តំបន់ភូមិជោគជ័យ និងភូមិព្រៃចាន់ របស់កម្ពុជាក្នុងគោលបំណងឈ្លានពានដែនអធិបតេយ្យកម្ពុជា។

Address

Https://maps. App. Goo. Gl/xLuokSb41TnvehHk 7
New York, NY
10004

Telephone

+85512347998

Website

Alerts

Be the first to know and let us send you an email when សារព័ត៌មាន អង្គរជ័យ Angkorchey News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to សារព័ត៌មាន អង្គរជ័យ Angkorchey News:

Shortcuts

Share

Category

អង្គរជ័យ ANGKORCHEY NEWS

អ្នកសារព័ត៌មានកុំបំពានសិទ្ធិអ្នកដទៃ កុំបំភ្លៃការពិត ។ មិនត្រូវចាត់ទុកអ្នកសារព័ត៌មានជាសត្រូវឡើយ ត្រូវចាត់ទុកអ្នកសារព័ត៌មានជាដៃគូរដែលមិនអាចខ្វះបាន ។

បុព្វកថា

អង្គភាពព័ត៌មាន អង្គរជ័យ ត្រូវបានបង្កើតឡើងក្នុងគោលបំណង ដើម្បីធ្វើការផ្សព្វផ្សាយនូវព័ត៌មានទូទៅជូនដល់សង្គមកម្ពុជា ក៏ដូចជានូវបណ្ដាជុំវិញពិភពលោក នឹងដើម្បីចូលរួមចំណែកយ៉ាងសំខាន់ នៃប្រព័ន្ធផ្សព្វផ្សាយនៅក្នុងប្រទេសកម្ពុជា នាយុគសម័យបច្ចេកវិទ្យាឌីជីថល (Digital) ។

អង្គភាពព័ត៌មាន អង្គរជ័យ នឹងធ្វើការផ្សព្វផ្សាយនូវព័ត៌មានទូទៅឲ្យមានភាពទូលំទូលាយជូនដល់មហាជនក្នុង និងក្រៅប្រទេសឲ្យទទួលបាននូវការយល់ដឹង នឹងបានជ្រាបនូវអ្វីដែលកើតឡើងនាពេលបច្ចុប្បន្នជុំវិញពិភពលោក។ អង្គភាពព័ត៌មាន អង្គរជ័យ ជាស្ថាប័នមួយដែលបានចូលរួមចំណែកក្នុងការជួយអភិវឌ្ឍន៍ដល់យុវជន យុវនារី ប្រជាជនកម្ពុជា ដែលមានបំណង នឹងស្រលាញ់វិស័យជាអ្នកសារព័ត៌មាន ឲ្យទទួលបានចំណេះដឹង និងការងារធ្វើជាអាជីបក្នុងពេលអនាគតរបស់ពួកគេ ។