សារព័ត៌មាន អង្គរជ័យ Angkorchey News

សារព័ត៌មាន អង្គរជ័យ Angkorchey News អង្គរជ័យ ព័ត៌មានថ្មីៗ នឹងទាន់ហេតុការណ៍មាននៅលើកញ្ចក់ទូរស័ព្ទដៃរបស់លោកអ្នក
(1)

អង្គភាពព័ត៌មាន អង្គរជ័យ គឺជាស្ថាប័នព័ត៌មាន អនឡាញមួយ (ONLINE) ត្រូវបានបង្កើតឡើងក្នុងគោលបំណង ដើម្បីធ្វើការផ្សព្វផ្សាយនូវព័ត៌មានទូទៅជូនដល់សង្គមកម្ពុជា។ អង្គភាពព័ត៌មាន អង្គរជ័យ បានចូលរួមចំណែកយ៉ាងសំខាន់ជាប្រព័ន្ធផ្សព្វផ្សាយនៅក្នុងប្រទេសកម្ពុជា នាយុគសម័យបច្ចេកវិទ្យាឌីជីថល (Digital)។

អង្គភាពព័ត៌មាន អង្គរជ័យ នឹងធ្វើការផ្សព្វផ្សាយនូវព័ត៌មានទូទៅឲ្យមានភាពទូលំទូលាយជូនដល់មហាជន ក្នុង និងក្រៅប្រទេសឲ្យទទួលបាននូ

វការយល់ដឹង នឹងបានជ្រាបនូវអ្វី ដែលកំពុងតែបានកើតឡើងនាពេលបច្ចុប្បន្នជុំវិញពិភពលោក។

អង្គភាពព័ត៌មាន អង្គរជ័យ ជាស្ថាប័នមួយ ដែលបានចូលរួមចំណែកក្នុងការជួយអភិវឌ្ឍន៍ដល់យុវជន យុវនារី ប្រជាជនកម្ពុជា ដែលមានបំណង នឹងស្រលាញ់វិស័យជាអ្នកសារព័ត៌មាន ឲ្យទទួលបានការបណ្តុះបណ្តាល ចំណេះដឹង និងការងារធ្វើជាអាជីបក្នុងពេលអនាគតរបស់ពួកគេ។

អង្គភាពព័ត៌មាន អង្គរជ័យ បានដើរតួនាទីយ៉ាងសំខាន់ក្នុងការផ្សព្វផ្សាយនូវព័ត៌មានពិត សុក្រឹតភាព គុណភាព ក្រមសីលធម៌ ប្រកបដោយវិជ្ជាជីវៈ ដើម្បីក្លាយជាប្រព័ន្ធផ្សព្វផ្សាយមួយឈានមុខគេ ដែលអាចផ្ដល់ជាប្រយោជន៍ដល់សង្គមជាតិកម្ពុជាទាំងមូល។

ដោយមើលឃើញពីភាពចាំបាច់នេះ នៅថ្ងៃទី២៨ ខែកុម្ភៈ ឆ្នាំ២០១៩ អង្គភាពមួយនេះ ក៏ត្រូវបានផ្ដួចផ្ដើមគំនិតបង្កើតឡើងដោយប្រធានស្ថាបនិក លោក សិទ្ធ ស៊ូ ដោយដាក់ឈ្មោះថា អង្គរជ័យ នឹងទទួលបានអាជ្ញាប័ណ្ណពីក្រសួងព័ត៌មាន នៅថ្ងៃ២២ ខែមេសា ឆ្នាំ២០១៩។

ការិយាល័យកណ្តាលរបស់អង្គភាពព័ត៌មាន អង្គរជ័យ ស្ថិតនៅផ្ទះលេខ៨៨ ផ្លូវ១៦ បុរីពិភពថ្មី ភូមិត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ កម្ពុជា។

04/15/2025

ស្ត្រីជនជាតិវៀតណាមម្នាក់ ត្រូវសមត្ថកិច្ចហៅមកអប់រំ ក្រោយដោះអាវបង្ហាញដើមទ្រូង និងសុដន់ ក្នុងព្រឹត្តិការណ៍សង្ក្រាន្តស្វាយរៀង

(ស្វាយរៀង)៖ ស្ត្រីជនជាតិវៀតណាមម្នាក់ ដែលរាំលេងសប្បាយដោះអាវបង្ហាញដើមទ្រូង និងសុដន់នៅក្នុងព្រឹត្តិការណ៍សង្ក្រាន្តស្វាយរៀង ត្រូវបានអ្នកលេងបណ្ដាញសង្គមថតវីដេអូបង្ហោះចែកចាយ កាលពីនៅថ្ងៃទី១៤ ខែមេសា ឆ្នាំ២០២៥ នាំឲ្យផ្ទុះការរិះគន់យ៉ាងខ្លាំងនោះ ត្រូវបានសមត្ថកិច្ចហៅមកអប់រំ ដើម្បីកុំឲ្យធ្វើបែបនេះទៀត។

បើតាមនគរបាលខេត្តស្វាយរៀង បានឲ្យដឹងថា នៅត្រង់ចំណុចរង្វង់មូលខេត្តស្វាយរៀងទល់មុខកន្លែងប្រគុំតន្ត្រីមានស្រ្តីជនជាតិវៀតណាមម្នាក់ ឆ្លងដែនចូលមកលេងក្នុងព្រឹត្តិការណ៍សង្ក្រាន្តស្វាយរៀង ដោយរាំលេងសប្បាយខ្លាំងពេក រហូតដោះអាវបញ្ចេញសាច់សខ្ចី ដើមទ្រូង និងសុដន់ ធ្វើឱ្យអ្នកលេងបណ្ដាញសង្គមតាមថតយករូបភាព និងវីដេអូ ហើយបង្ហោះនាំឲ្យមានការរិះគន់យ៉ាងខ្លាំង។

សមត្ថកិច្ចបានបន្តថា ស្រ្តីជនជាតិវៀតណាមនេះ គឺគាត់ពាក់អាវពីរជាន់ ដោះអាវក្រៅចេញនៅអាវក្នុងពណ៌សាច់ (អាវហ្គេននារី) មើលទៅដូចសាច់ពិតៗតែតាមពិតគឺអាវហ្គេន និងមានបិទបាំងចុងសុដន់ផងដែរ៕

ប្រភព៖ ស៊ន សុភក្ដ្រ-Sorn Sopheak

02/20/2025

លោក ផែង វណ្ណៈ ៖ រិះគន់រឿងច្បាប់ចាប់ផាកពិន័យបានលុយយកទៅចែកគ្នា

លោក ផែង វណ្ណៈ បានរិះគន់រឿងច្បាប់ចាប់ផាកពិន័យបានលុយយកទៅចែកគ្នា ធ្វើឲ្យមន្ត្រីនគរបាលចរាចរណ៍មួយចំនួនគ្មានវិធានអប់រំប្រជាពលរដ្ឋឲ្យគោរពច្បាប់នោះទេ ព្រោះការចាប់ផាកពិន័យ គឺបានលុយយកទៅចែកគ្នា លោកស្នើសុំឲ្យពិនិត្យ និងកែសម្រួលច្បាប់នេះឡើងវិញ។ នេះបើយោងតាមការផ្សាយ (LIVE) នៅលើហ្វេសប៊ុករបស់លោក កាលពីថ្ងៃទី១៨ កុម្ភៈ ថ្មីៗនេះ។

លោក ផែង វណ្ណៈ បន្ថែមថា នៅលើពិភពលោកគ្មានប្រទេសណាធ្វើច្បាប់ចាប់ផាកពិន័យយកលុយទៅចែកគ្នាចាយចឹងទេ លោកស្នើសុំឲ្យពិចារណា និងពិនិត្យឡើងវិញ ដើម្បីយកលុយដែលបានពីការផាកពិន័យទាំងអស់នេះ ចូលទៅជាថវិការជាតិ។

លោក ផែង វណ្ណៈ បន្តថា បើធ្វើបៀបនេះ ប្រៀបបានបង្កើតច្បាប់ចិញ្ចឹមមន្រ្តីនគរបាលចរាចរណ៍ ខណៈដែលមន្ត្រីនគរបាលចរាចរណ៍ទាំងអស់សុទ្ធតែមានប្រាក់ខែគ្រប់ៗគ្នា។

02/20/2025

សម្ដេចធិបតី ហ៊ុន ម៉ាណែត ៖ បានផ្ញើសារទៅអ្នកនយោបាយទាំងខ្មែរ និងថៃ សូមកុំយករឿងនយោបាយមកលាយឡំជាមួយនឹងកិច្ចការបច្ចេកទេសដោះស្រាយបញ្ហាព្រំដែន

សម្ដេចធិបតីបានបញ្ជាក់ថា កិច្ចការដោះស្រាយបញ្ហាបច្ចេកទេសព្រំដែននេះ គឺជាភារកិច្ចនៃយន្តការថ្នាក់ជាតិទាំងពីរ មិនមែនជាតួនាទីរបស់អ្នកនយោបាយ ឬកងទ័ពក្នុងការដោះស្រាយបញ្ហាបច្ចេកទេសព្រំដែននោះទេ។ ដូច្នេះត្រូវទុកកិច្ចការនេះឲ្យគណៈកម្មការចម្រុះព្រំដែន កម្ពុជា-ថៃ ជាអ្នកដោះស្រាយដោយផ្អែកលើកមូលដ្ឋានបច្ចេកទេស លិខិតតុបករណ៍នានា និងច្បាប់អន្តរជាតិ ដែលភាគីទាំងពីរបានឯកភាពគ្នា។

02/19/2025

រំលឹកប្រសាសន៍នាយឧត្តមសេនីយ៍ ស ថេត ពាក់ពន្ធ័ការចុះអនុវត្តចរាចរណ៍របស់សមត្ថកិច្ចនគរបាលចរាចរណ៍នៅតាមដងផ្លូវ។

02/18/2025

នៅតំបន់ ប្រាសាទតាមាន់ មានសភាពការណ៍ប្រក្រតីជាធម្មតា បន្ទាប់ពីអាជ្ញាធ៌រទាំងពីរបានជួបជជែកគ្នា

អភិបាលខេត្តឧត្តរមានជ័យ លោក មាន ចាន់យ៉ាដា បានចេញនូវវីដេអូ បង្ហាញពីសភាពការណ៍នៅក្នុង តំបន់ ប្រាសាទតាមាន់ គឺមានសភាពការណ៍ប្រក្រតីជាធម្មតា បន្ទាប់ពីអាជ្ញាធ៌រទាំងពីរបានជួបជជែកគ្នានៅថ្ងៃទី ១៨ ខែកុម្ភៈ នេះ។

វីដេអូ៖ លោក មាន ចាន់យ៉ាដា

លោក សយ សុភាព៖ លោកបណ្ឌិត សុខ ទូច ប្រធានរាជបណ្ឌិតសភាកម្ពុជាកំពុងដឹកនាំបញ្ញវ័ន្តខ្មែរសរសេរប្រវត្តិសាស្រ្តរបស់ខ្មែរឡើងវិញដើម...
02/18/2025

លោក សយ សុភាព៖ លោកបណ្ឌិត សុខ ទូច ប្រធានរាជបណ្ឌិតសភាកម្ពុជាកំពុងដឹកនាំបញ្ញវ័ន្តខ្មែរសរសេរប្រវត្តិសាស្រ្តរបស់ខ្មែរឡើងវិញដើម្បីឱ្យកូនខ្មែរបានស្គាល់ប្រវត្តិសាវត្តារបស់ខ្លួនឡើងដើ្បម្បីទុកឱ្យយើងអាននិងក្មេងជំនាន់ក្រោយបានដឹងថាជាតិសាស្ត្រខ្លួនមកពីណាទៅណា ។

ខ្មែរស្ទើរមួយនគរស្គាល់លោកបណ្ឌិតច្បាស់ណាស់ ចុះហេតុអ្វីបានជាបុគ្គលសមត្ថកិច្ចមួយក្រុមនេះបែរជាមិនស្គាល់ហើយបញ្ចេញអត្តចរិកមិនមែនជាមន្ត្រីអនុវត្តន៏ច្បាប់។

ស្នងការដ្ឋាននគរបាលរាជធានីភ្នំពេញត្រូវចាត់ប្រតិភូនគរបាលនិង អភិបាលរងក្រុងម្នាក់ទៅសម្តែងការគោរពចំពោះលោកបណ្ឌិតនៅរាជបណ្ឌិតសភាផ្ទាល់ រឿងអ្វីទៀតទុកស្ថានប័នខាងលើដោះស្រាយ។

ការលើកយោបល់នេះដោយសារលោកបណ្ឌិតជាប្រធានស្ថាប័នរបស់ជាតិហើយ តួនាទីឋានៈរបស់លោកខ្ពស់ណាស់។

មិនត្រូវហៅលោកបណ្ឌិតមកស្នងការដ្ឋាននគរបាលរាជធានីទេ។

នេះអាចចាត់ទុកថាជាករណីទី១ហើយដែលសមត្ថកិចរំលោភច្បាប់ទាំងកំរោលលើរូបកាយ ពាក្យសម្តីគ្មានសីលធ៌មលើមន្ត្រីជាន់ខ្ពស់ទាំងមិនមានរឿងរ៉ាវបទល្មើសព្រហ្មទ័ណ្ឌ។

សូមអស់លោកមន្ត្រីជាន់ខ្ពស់ផ្សេងទៀតត្រូវមានការប្រុងប្រយ័ត្ន មានបញ្ហាហើយ គេថាអត់ស្គាល់។

02/18/2025

រូបភាពវីដេអូបន្ថែម អំពីសកម្មភាពរបស់មន្ត្រីចរាចរណ៍ និងកងកម្លាំងសមត្ថកិច្ចធ្វើមកលើលោក បណ្ឌិត សុខ ទូច

លោក បណ្ឌិត សុខ ទូច ស្រែកហៅរកអ្នកកាសែត ខណៈកងកម្លាំងសមត្ថកិច្ចបាននាំគ្នាឡោមព័ទ្ធ និងរុនច្រានពីមុខពីក្រោយ។

ប្រជាពលរដ្ឋមានការថ្នាំងថ្នាក់ផ្លូវចិត្ត ចំពោះការអនុវត្តច្បាប់របស់កងកម្លាំងសមត្ថកិច្ចខណ្ឌសែនសុខ ហើយបានលើកឡើងថា សកម្មភាពធ្វើទៅលើលោកបណ្ឌិត សុខ ទូច ធ្វើមើលតែបង្ក្រាបឧក្រិដ្ឋជន។

ប្រជាពលរដ្ឋមានការសោកស្តាយជាខ្លាំង បន្ទាប់ពីបានឃើញសកម្មភាពវីដេអូខាងលើ និងសែនសង្វេគចំពោះលោកបណ្ឌិត សុខ ទូច ក្នុងការអនុវត្តច្បាប់របស់មន្ត្រីនរគបាលចរាចរណ៍ និងកងកម្លាំងសមត្ថកិច្ចខណ្ឌសែនសុខ។

ឧត្តមសេនីយ៍ឯក ជួន ណារិន្ទ បានបញ្ជារឲ្យការិយាល័យបុគ្គលិក អញ្ជើញមន្រ្តីនគរបាលចុះអនុវត្តច្បាប់ចរាចរណ៍គោលដៅខណ្ឌសែនសុខ និងលោ...
02/18/2025

ឧត្តមសេនីយ៍ឯក ជួន ណារិន្ទ បានបញ្ជារឲ្យការិយាល័យបុគ្គលិក អញ្ជើញមន្រ្តីនគរបាលចុះអនុវត្តច្បាប់ចរាចរណ៍គោលដៅខណ្ឌសែនសុខ និងលោកបណ្ឌិត សុខ ទូច មកសួរនាំនៅស្នងការដ្ឋាននគរបាលរាជធានីភ្នំពេញ ដើម្បីចូលដោះស្រាយបញ្ហា ដែលមានការបង្ហោះផ្សព្វផ្សាយតាមបណ្តាញសង្គម ដោយចោទប្រកាន់មកលើសមត្ថកិច្ចថាបានប្រើពាក្យមិនសមរម្យ

ស្នងការដ្ឋាននគរបាលរាជធានីភ្នំពេញ លោកឧត្តមសេនីយ៍ឯក ជួន ណារិន្ទ បានបញ្ជារឲ្យការិយាល័យបុគ្គលិក អញ្ជើញមន្រ្តីនគរបាលចុះអនុវត្តច្បាប់ចរាចរណ៍គោលដៅខណ្ឌសែនសុខ និងលោកបណ្ឌិត សុខ ទូច មកសួរនាំនៅស្នងការដ្ឋាននគរបាលរាជធានីភ្នំពេញ បន្ទាប់ពីមានការបង្ហោះផ្សព្វផ្សាយនៅលើបណ្ដាញសង្គម ចោទថាសមត្ថកិច្ចប្រើពាក្យពេចន៍មិនសមរម្យចំពោះលោកបណ្ឌិត សុខ ទូច ។ អ្នកនាំពាក្យស្នងការស្នងការដ្ឋាននគរបាលរាជធានីភ្នំពេញបានបញ្ជាក់ដូចខាងក្រោមថា៖

អ្នកនាំពាក្យនៃស្នងការដ្ឋាននគរបាលរាជធានីភ្នំពេញ: តាមបញ្ជារបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ចំពោះករណីដែលសមត្ថកិច្ចចុះអនុវត្តច្បាប់ចរាចរណ៍ផ្លូវគោក និងត្រួតពិនិត្យជាតិស្រវឹងនៅខណ្ឌសែនសុខ កាលពីយប់ថ្ងៃទី១៧ ខែកុម្ភៈ ឆ្នាំ២០២៥ ដែលមានបញ្ហានៅគោលដៅអនុវត្តច្បាប់ចរាចរណ៍ផ្លូវគោក ជាមួយលោកបណ្ឌិត សុខ ទូច ដោយឯកឧត្តមស្នងការបានឲ្យការិយាល័យបុគ្គលិក អញ្ជើញមន្រ្តីនគរបាលចុះអនុវត្តច្បាប់ចរាចរណ៍គោលដៅខណ្ឌសែនសុខ មកសួរនាំនៅស្នងការដ្ឋាននគរបាលរាជធានីភ្នំពេញ ហើយឲ្យលោកស្នងការរងផែនការងារនគរបាលចរាចរណ៍ និងលោកស្នងការរងទទួលដឹកនាំពង្រឹង ការងារអធិការដ្ឋាននគរបាលខណ្ឌសែនសុខ អញ្ជើញលោក បណ្ឌិតសុខ ទូច ដើម្បីចូលដោះស្រាយបញ្ហាដែលមានការបង្ហោះផ្សព្វផ្សាយតាមបណ្តាញសង្គមដោយចោទប្រកាន់មកលើសមត្ថកិច្ចថាបានប្រើពាក្យមិនសមរម្យចំពោះគាត់៕

02/18/2025

លោក សុខ ទូច ត្រូវសមត្ថកិច្ចហៅផ្លុំអាល់កុល រហូតប៉ះទង្គិចសម្តី

(ភ្នំពេញ)៖ លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា ត្រូវបានកម្លាំងនគរបាលហៅផ្លុំរកជាតិអាល់កុល រហូតកើតជាជម្លោះពាក្យសម្តី។ លោក សុខ ទូច បានរៀបរាប់លើបណ្តាញសង្គមរបស់លោកថា ក្រោយពីចុះស្រាវជ្រាវអស់រយ:ពេល៣ថ្ងៃ ដោយដើរឡើងភ្នំផង បើកឡានផង មកដល់ភ្នំពេញគឺយប់ទៅហើយ ប៉ុន្តែរីករាយណាស់បានទៅដល់ទិសដៅដែលគ្រោងទុក និងបានណាត់អ្នកប្រវត្តិសាស្រ្តប្រជុំថ្ងៃស្អែក បន្ទាប់មកក៏បានចូលហូបបាយ និងបានហូបបីយ៉ែមួយកំប៉ុងប៉ុណ្ណោះ ដើម្បីរំសាយការហត់នឿយ ហូបរួចបានបើកឡានជូនមន្រ្តី ដែលទៅជាមួយទៅយកម៉ូតូនៅកន្លែងធ្វើការ ទើបចេញដំណើរមកផ្ទះនៅបាសិត។ លោកបន្តថា នៅតាមផ្លូវមកផ្ទះបានជួបសមត្តកិច្ចអនុវត្តន៍ច្បាប់ត្រួតពិនិត្យជាតិអាល់កុល ពួកគាត់ឃាត់ឡាន និងឱ្យរូបលោកផ្លុំវាស់កម្រិតជាតិអាល់កុល។

ពេលនោះ បានចុះទៅសហការ តែលោកស្នើសុំហែកទុយោថ្មី ព្រោះខ្លាចរបស់អ្នកចាស់ឆ្លងរោគ។ លោក សុខ ទូច បានបញ្ជាក់ថា សំណើរបស់លោក ត្រូវបានសមត្ថកិច្ចស្រែកកំហកថា «ហែងស្អីបានមកបញ្ជាកងកម្លាំង»។ លោក សុខ ទូច បានរៀបរាប់ថា កំពុងតែហត់នឿយផង ឮបែបនេះ លោកទប់មិនជាប់ក៏ឆេវឆាវកើតជារឿង តែក្រោយមក សហការផ្លុំចំនួន៣ដង តែមិនឃើញកម្រិតជាតិអាល់កុលដែលសមត្ថកិច្ចចង់បាន សមត្ថកិច្ចចោទថា ផ្លុំមិនត្រឹមត្រូវ ហើយឱ្យរូបលោកផ្លុំម្តងទៀត។ ដោយផ្លុំច្រើនដងមិនចេញ លោក សុខ ទូច ក៏លែងសហការ។

ពេលនោះ លោកក៏បាននិយាយថាបើលោកខុសចង់ដាក់ខ្នោះដាក់ទៅ។ លោក សុខ ទូច បានបញ្ជាក់ថា កាយវិការច្រលោតរបស់លោក ព្រោះខឹងណាស់ ហត់ណាស់ លោកបានប្រាប់ថា រូបលោក សុខ ទូច ទើបមកពីព្រំដែនទេ តែគេចោទថាស្រវឹងជោកជាំ ប្រហែលឃើញភ្នែកក្រហម។ លោក សុខ ទូច បានឱ្យដឹងថា ភ្នែកក្រហម ព្រោះលោកដើរផង បើកឡានដោយខ្លួនឯងជាង៦០០គីឡូម៉ែត្រ និងមានបញ្ហាភ្នែកស្ងួត លុបមុខញីភ្នែកជាច្រើនដង ហត់នឿយជាប់មិនមានបានសម្រាក។ «មានប៉ូលីស ដៀលខ្ញុំធ្វើដល់បណ្ឌិតចារិកអីចឹង ខ្ញុំជាពលរដ្ឋម្នាក់បើខ្ញុំខុសខ្ញុំទទួលទោស បើខ្ញុំមិនបានទទួលទានដល់កម្រិតដែលបង្កបញ្ហាផងតើឱ្យខ្ញុំផ្លុំរបៀបម៉េចទៀត? គេថតខ្ញុំបាន តែពេលខ្ញុំឱ្យគ្រួសារខ្ញុំថតវិញ គេមិនឱ្យថតទេ»។ នេះជាការបញ្ជាក់របស់លោក សុខ ទូច។

បើតាមការរៀបរាប់របស់លោក សុខ ទូច បានឱ្យដឹងថា ក្រោយមានបញ្ហានោះ លោកបានទុកឡាននៅទីនោះ រួចដើរមកផ្ទះ គ្រួសារលោក ហៅកង់បីជិះបានបន្តិច ទើបដឹងថាផ្ទះឆ្ងាយគេមិនដឹកទេ ក្រោយមកទើបមានកង់បីមួយទៀតព្រមដឹកមកផ្ទះ ព្រោះគេបានស្គាល់រូបលោក។ លោក សុខ ទូច បានបញ្ជាក់ថា លោកមិនចង់បង្ហោះរឿងរ៉ាវនេះទេ ប៉ុន្តែមកដល់ផ្ទះហើយដេកមិនលក់ ទើបរៀបរាប់ជាសាធារណ:បែបនេះ។ ក្នុងសាររបស់លោក សុខ ទូច មានប្រជាពលរដ្ឋជាច្រើន ចេញមកលាតត្រដាងរឿងរ៉ាវរបស់ពួកគេ និងលើកឡើងពីភាពខ្វះសីលធម៌ពេលបំពេញការងារ និងប្រៀបខ្លួនដូចរាជសីក្នុងពេលអនុវត្តន៍ច្បាប់របស់មន្ត្រីនគរបាល៕

ខ្ញុំបាទសែនសុខ សូមគេារពរាយការណ៍ជូនមេ វេលាម៉ោង១១-៥៥នាទី ថ្ងៃទី១៧ ខែកុម្ភៈ ឆ្នាំ២០២៥ ត្រង់ចំណុចមុខសាលាបឋមសិក្សាភ្នំពេញថ្មី លើផ្លូវភ្នំពេញ ហាណូយ កំលំាងចំរុះអធិការដ្ឋាននគរបាលខណ្ឌសែនសុខ សហការណ៏ជាមួយកំលាំងស្នងការដ្ឋាននគរបាលរាជធានីភ្នំពេញ រឹតបន្តឹងការអនុវត្តច្បាប់ចរាចរណ៍ត្រួតពិនិត្យជាតិស្រវឹង នៅវេលាម៉ោង ដូចខាងលើកំលាំងយើង បានធ្វើការឃាត់រថយន្តមួយគ្រឿង ម៉ាកFORT ពណ៌ទឹកប្រាក់ ផ្លាកលេខរដ្ឋ 052-0431 ជិះគ្នា២នាក់ ប្រុសម្នាក់ ស្រីម្នាក់ ដោយអ្នកបើកបរ លោកបណ្ឌឹត សុខ ទូច ដើម្បីសហការត្រួតពិនិត្យជាតិស្រវឹង កំលាំងយើងបានអោយគាត់ផ្លុំ តែគាត់ផ្លុំខ្យល់មិនដល់កំរឹតនៃម៉ាស៊ិន ទើបម៉ាស៊ិនមិនចេញទិន្ននយ័ជាតិស្រវឹង ហើយគាត់មិនព្រមសហការផ្លុំបន្តទៀត រួចគាត់ក៏ចោទកំលាំងយើងហៅគាត់(អា) និងប្រើប្រាស់កាយវិការមិនសមរម្យទៀតផង គាត់ក៏បានរើ យកអីវ៉ាន់ វ៉ាលី និងសំភារៈ ចេញពីក្នុងរថយន្ត រួចហៅ ផាស់អេប ជិះចេញទៅបាត់ដោយបន្សល់ទុករថយន្តនៅគោលដៅត្រួតពិនិត្យជាតិស្រវឹង ។

សមត្ថកិច្ចនគរបាលយើងក៏បានយករថយន្តខាងលើមករក្សាទុកនៅអធិការដ្ឋាននគរបាលខណ្ឌសែនសុខដើម្បីអនុវត្តន៍និតិវិធីបន្ត។ សេចក្តីដូចបានគោរពជំរាបខាងលើ សូមឯកឧត្តម អគ្គស្នងការរង និងជាស្នងការនគរបាលរាជធានីភ្នំពេញ មេត្តាជ្រាបជារបាយការណ៍ ដោយក្តីអនុគ្រោះ ។

ដោយ៖ ស៊ន សុភ័ក្រ

02/11/2025

សម្ដេចតេជោ ៖ មានអ្នករៀបចំផែនការភេរវកម្មវាយប្រហារដោយដ្រូន មកលើសម្ដេចនៅផ្ទះតាខ្មៅ ខេត្តកណ្តាល

ស្ថានភាពខ្យល់ពុលបន្តមាននៅក្នុងខេត្តចំនួន៤ នៅឡើយ គឺខេត្តបន្ទាយមានជ័យ ពោធិ៍សាត់ សៀមរាម និងកោះកុងយោងតាមសេចក្តីជូនដំណឹងរបស់ក...
01/25/2025

ស្ថានភាពខ្យល់ពុលបន្តមាននៅក្នុងខេត្តចំនួន៤ នៅឡើយ គឺខេត្តបន្ទាយមានជ័យ ពោធិ៍សាត់ សៀមរាម និងកោះកុង

យោងតាមសេចក្តីជូនដំណឹងរបស់ក្រសួងបរិស្ថាន នាព្រឹកថ្ងៃទី២៥ ខែមករា ឆ្នាំ២០២៥ នេះ ស្ថានភាពខ្យល់ពុលគឺនៅតែបន្តមាននៅក្នុងខេត្តចំនួន៤ នៅឡើយ គឺខេត្តបន្ទាយមានជ័យ ពោធិ៍សាត់ សៀមរាម និងកោះកុង។ ដោយឡែកនៅរាជធានីភ្នំពេញ​ បានបន្តវិលទៅរកសភាពធម្មតាឡេីងវិញ។ ចំណែក ខេត្តកំពង់ចាម តាកែវ ព្រៃវែង និងឧត្តរមានជ័យ ស្ថិតក្នុងបន្ទាត់ពណ៌ទឹកក្រូច។

ពណ៌ខៀវ > គុណភាពខ្យល់ល្អណាស់។ សមស្របសម្រាប់សកម្មភាពខាងក្រៅផ្ទះ និងទេសចរណ៍។

ពណ៌ប៉ៃតង > គុណភាពខ្យល់ល្អ។ អាចធ្វើសកម្មភាពទៅខាងក្រៅ និងការធ្វើដំណើរដូចធម្មតា។ បុគ្គលដែលមានប្រតិកម្មអាលែហ្សីតិចតួចគួរតែកាត់បន្ថយពេលវេលាសម្រាប់សកម្មភាពខាងក្រៅ។

ពណ៌លឿង > មនុស្សទូទៅ៖ អាចធ្វើសកម្មភាពក្រៅផ្ទះធម្មតា។ អ្នកដែលមានសុខភាពទន់ខ្សោយ ៖ ប្រសិនបើមានរោគសញ្ញាដំបូងដូចជាការក្អក ការដកដង្ហើមពិបាក រលាកភ្នែកនោះ សូមកាត់បន្ថយរយៈពេលនសកម្មភាពខាងក្រៅរបស់អ្នក។

ពណ៌ទឹកក្រូច > មនុស្សទូទៅ៖ គួរតែតាមដានសុខភាពប្រសិនបើមានរោគសញ្ញាដំបូងដូចជាការក្អក ការពិបាកដកដង្ហើម រលាកភ្នែក សូមកាត់បន្ថយរយៈពេលនៃសកម្មភាពខាងក្រៅរបស់អ្នក ឬប្រើប្រាស់ឧបករណ៍ការពារផ្លូវដង្ហើម ប្រសិនបើចាំបាច់។ អ្នកដែលមានសុខភាពទន់ខ្សោយ៖ គួរកាត់បន្ថយរយៈពេលនៃសកម្មភាពខាងក្រៅរបស់អ្នក។ ឬប្រើប្រាស់ឧបករណ៍ការពារផ្លូវដង្ហើមប្រសិនបើចាំបាច់។ ប្រសិនបើមានស្ថានភាពសុខភាពដូចជាការក្អក ការពិបាកដកដង្ហើម ឈឺទ្រូង ឈឺក្បាល ចង្វាក់បេះដូងលោតខុសប្រក្រតី ក្អួតចង្អោរ អស់កម្លាំងនោះគួរតែពិគ្រោះជាមួយវេជ្ជបណ្ឌិត។

ពណ៌ក្រហម > មនុស្សគ្រប់គ្នាគួរតែជៀសវាងសកម្មភាពខាងក្រៅ ជៀសវាងតំបន់ដែលមានការបំពុលខ្យល់ខ្ពស់ ឬប្រើប្រាស់ឧបករណ៍ការពារផ្លូវដង្ហើមប្រសិនបើចាំបាច់។ ប្រសិនបើមានរោគសញ្ញាសុខភាពនោះ គួរតែពិគ្រោះជាមួយវេជ្ជបណ្ឌិត។

ពណ៌ស្វាយ > ការព្រមានអំពីស្ថានភាពអាសន្នចំពោះសុខភាព។ សូម្បីតែមនុស្សដែលមានសុខភាពល្អនឹងពិបាកការស៊ូទ្រាំក្នុងកំឡុងពេលនេះ។ វាអាចមានការរលាកខ្លាំង និងរោគសញ្ញាជាច្រើនទៀត។ ដូច្នេះមនុស្សទាំងអស់គួរតចៀសវាងសកម្មភាពចេញទៅខាងក្រៅ។

យើងខ្ញុំជាថ្នាក់ដឹកនាំ សមាជិកសមាជិកា និងក្រុមការងាទាំងអស់ នៃអង្គភាពសារព័ត៌មានអង្គរជ័យ សូមគោរពជូនពរ សម្ដេច ទ្រង់ ឯកឧត្តម ...
12/31/2024

យើងខ្ញុំជាថ្នាក់ដឹកនាំ សមាជិកសមាជិកា និងក្រុមការងាទាំងអស់ នៃអង្គភាពសារព័ត៌មានអង្គរជ័យ សូមគោរពជូនពរ សម្ដេច ទ្រង់ ឯកឧត្តម លោកជំទាវ លោក លោកស្រី នាងកញ្ញា ព្រមទាំងប្រជាជនកម្ពុជាទាំងអស់ នូវក្នុងឱកាស នៃពិធីឆ្លងចូលឆ្នាំថ្មី ឆ្នាំសកល ឆ្នាំ២០២៥ ខាងមុខនេះ សូមទទួលបានសិរីសួស្ដី ជ័យមង្គល បវរមហាប្រសើរ ប្រកបដោយសុភមង្គល វិបុលសុខ គ្រប់ប្រការ។

សូមគុណបុណ្យ និងវត្ថុស័ក្តិសិទ្ធិទាំងអស់ តាមបីបាច់ថែរក្សាការពារ សម្ដេច ទ្រង់ ឯកឧត្តម លោកជំទាវ លោក លោកស្រី នាងកញ្ញា ព្រមទាំងប្រជាជនកម្ពុជាទាំងអស់ ឲ្យជៀសឆ្ងាយពីជំងឺផ្សេងៗ និងប្រកបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សិរីសួស្តីឆ្នាំថ្មី ឆ្នាំសកល ឆ្នាំ២០២៥ Happy New Year 2025 ។

អាកាសយានដ្ឋានអន្តរជាតិតេជោ នឹងបើកដំណើរការ ដំណាក់កាលទី១ នៅក្នុងអំឡុងខែកក្កដា ឆ្នាំ២០២៥ (កណ្ដាល)​៖ លោកបណ្ឌិត ម៉ៅ ហាវណ្ណាល់...
12/18/2024

អាកាសយានដ្ឋានអន្តរជាតិតេជោ នឹងបើកដំណើរការ ដំណាក់កាលទី១ នៅក្នុងអំឡុងខែកក្កដា ឆ្នាំ២០២៥

(កណ្ដាល)​៖ លោកបណ្ឌិត ម៉ៅ ហាវណ្ណាល់ រដ្ឋមន្ដ្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល បានបញ្ជាក់ឲ្យដឹងថា អាកាសយានដ្ឋានអន្តរជាតិតេជោ លំដាប់ថ្នាក់ 4F ក្រុងតាខ្មៅ ខេត្ដកណ្ដាល នឹងបើកដំណើរការ ដំណាក់កាលទី១ នៅក្នុងអំឡុងខែកក្កដា ឆ្នាំ២០២៥ខាងមុខនេះ។

ការបញ្ជាក់ឲ្យដឹងបែបនេះ ធ្វើឡើងក្នុងឱកាសដែល លោកបណ្ឌិត ម៉ៅ ហាវណ្ណាល់ ដឹកនាំកិច្ចប្រជុំ និងដឹកនាំក្រុមការងារ ចុះត្រួតពិនិត្យវឌ្ឍនភាព នៃគម្រោងសាងសង់ អាកាសយានដ្ឋាន អន្ដរជាតិតេជោលំដាប់ 4F ដំណាក់កាលទី១ ដើម្បីត្រៀមខ្លួនបញ្ចប់ការងារ និងបើកដំណើរការនៅឆ្នាំក្រោយ នាព្រឹកថ្ងៃទី១៨ ខែធ្នូ ឆ្នាំ២០២៤នេះ។

កិច្ចប្រជុំនេះ ការចូលរួមពីថ្នាក់ដឹកនាំ និងក្រុមការងារបច្ចេកទេស នៃរដ្ឋលេខាធិការដ្ឋានអាកាសចរណ៍ស៊ីវិល ក៏ដូចជាថ្នាក់ដឹកនាំ និងសមាជិកគណៈកម្មការដឹកនាំគ្រប់គ្រង និងសម្របសម្រួលដោះស្រាយការងាររៀបចំប្រតិបត្តិការ អាកាសយានដ្ឋានអន្តរជាតិតេជោ និងតំណាងក្រុមហ៊ុន ខេមបូឌា អ៊ែរផត អ៊ិនវេសមិន ខូអិលធីឌី (CAIC)។

ថ្លែងប្រាប់ក្រុមអ្នកសារព័ត៌មាន ក្រោយបញ្ចប់កិច្ចប្រជុំ, លោក ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) បានបញ្ជាក់ថា «នៅក្នុងកិច្ចប្រជុំថ្ងៃនេះ ឯកឧត្ដមរដ្ឋមន្ដ្រី ម៉ៅ ហាវណ្ណាល់ បានកំណត់ក្នុងការបើកដំណើរការ អាកាសយានដ្ឋានអន្ដរជាតិតេជោ នៅក្នុងខែកក្កដា ឆ្នាំ២០២៥»។

លោក ឆារស៍ វ៉ាន់ បានឲ្យដឹងថា រាល់ដំណើរការសាងសង់ នៃអាកាសយានដ្ឋានអន្តរជាតិតេជោ គឺដំណើរការទៅតាមផែនការ ហើយពុំមានបញ្ហាអ្វីធំដុំនោះទេ គឺនៅសល់តែបញ្ហាតិចតួចតែប៉ុណ្ណោះ ដើម្បីត្រៀមរៀបចំបន្ដ ក្នុងការបញ្ចប់ការងារសាងសង់ នៅឆ្នាំ២០២៥។

ក្នុងកិច្ចប្រជុំនេះ លោកបណ្ឌិត ម៉ៅ ហាវណ្ណាល់ បានបង្ហាញក្ដីរីករាយសប្បាយចិត្ដ ដោយក្រុមការងារទាំងអស់ រួមទាំងក្រុមហ៊ុនសាងសង់ អាកាសយានដ្នានអន្ដរជាតិតេជោ រួមសហការគ្នាបានល្អ ហើយក៏បានដំណើរការទៅតាមផែនការ ដែលបានគ្រោងទុក។

លោក សយ សុខាន់ រដ្ឋលេខាធិការនៃលេខាធិការដ្ឋានអាកាសចរណ៍ស៊ីវិល បានបញ្ជាក់ឲ្យដឹងថា វឌ្ឍនភាពគម្រោងអាកាសយានដ្ឋានអន្តរជាតិតេជោ ដែលបានបើកការសាងសង់ តាំងពីឆ្នាំ២០២០ ដែលគិតរហូតមកដល់ថ្ងៃទី១៨ ខែធ្នូ ឆ្នាំ២០២៤ សម្រេចបានប្រមាណ ៩២ភាគរយហើយ។

បន្ថែមពីនោះទៀត លោក សយ សុខាន់ បានគូសបញ្ជាក់ថា «យើងនឹងខិតខំប្រឹងប្រែង បំពេញការងារ ដែលនៅសល់ប្រមាណ៨ភាគរយ ឲ្យបានរួចរាល់ នៅក្នុងអំឡុងថ្ងៃទី៣០ ខែមីនា ឆ្នាំ២០២៥»។

សូមបញ្ជាក់ថា អាកាសយានដ្ឋានអន្តរជាតិតេជោ គឺជាអាកាសយានដ្ឋាន Greenfield ដែលមានផ្ទៃដីសរុប ២,៦០០ហិកតា ស្ថិតនៅចម្ងាយ ១៩គីឡូម៉ែត្រ ពីរាជធានីភ្នំពេញ។ វាត្រូវបានចាត់ថ្នាក់ជាអាកាសយានដ្ឋាន 4F ហើយនឹងត្រូវបានអភិវឌ្ឍជា ៣ដំណាក់កាល។

ថវិកាវិនិយោគសម្រាប់ដំណាក់កាលទី១ គឺ ១៥០០លានដុល្លារ ដោយមិនរាប់បញ្ចូលដីព្រលានយន្តហោះ។

អាកាសយានដ្ឋានអន្តរជាតិតេជោ ជាប្រភេទ 4F គឺប្រភេទព្រលានយន្តហោះធំ ដែលអាចនឹងស្រូបយក និងទទួលបានការហោះហើរពីឆ្ងាយឆ្លងទ្វីប ដែលអាចឲ្យប្រភេទយន្តហោះធុនយក្ស រហូតដល់ Airbus A380-800 និង យន្តហោះ Boeing 747-800 ចុះចតបាន។

ក្រុមហ៊ុនវិនិយោគ មានមហិច្ឆិតាអភិវឌ្ឍន៍ជាព្រលានយន្តហោះថ្មីនេះ ឲ្យធំ និងទំនើបជាងគេ នៅតំបន់អាស៊ី៕

ដោយៈ វ៉ាន់ សារាយ Vann Saray

12/06/2024

លោកបណ្ឌិត សុខ ទូច ៖ “ដល់ពេលដែលខ្មែរត្រូវចេះស្រលាញ់គ្នា និងឈប់ឈ្លោះគ្នា ព្រោះពេលឈ្លោះគ្នា ខ្មែរបាត់បង់ទឹកដីស្ទើរតែរលាយជាតិសាសន៍ឯង

Address

Https://maps. App. Goo. Gl/xLuokSb41TnvehHk 7
New York, NY
10004

Telephone

+85512347998

Website

Alerts

Be the first to know and let us send you an email when សារព័ត៌មាន អង្គរជ័យ Angkorchey News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to សារព័ត៌មាន អង្គរជ័យ Angkorchey News:

Shortcuts

Share

Category

អង្គរជ័យ ANGKORCHEY NEWS

អ្នកសារព័ត៌មានកុំបំពានសិទ្ធិអ្នកដទៃ កុំបំភ្លៃការពិត ។ មិនត្រូវចាត់ទុកអ្នកសារព័ត៌មានជាសត្រូវឡើយ ត្រូវចាត់ទុកអ្នកសារព័ត៌មានជាដៃគូរដែលមិនអាចខ្វះបាន ។

បុព្វកថា

អង្គភាពព័ត៌មាន អង្គរជ័យ ត្រូវបានបង្កើតឡើងក្នុងគោលបំណង ដើម្បីធ្វើការផ្សព្វផ្សាយនូវព័ត៌មានទូទៅជូនដល់សង្គមកម្ពុជា ក៏ដូចជានូវបណ្ដាជុំវិញពិភពលោក នឹងដើម្បីចូលរួមចំណែកយ៉ាងសំខាន់ នៃប្រព័ន្ធផ្សព្វផ្សាយនៅក្នុងប្រទេសកម្ពុជា នាយុគសម័យបច្ចេកវិទ្យាឌីជីថល (Digital) ។

អង្គភាពព័ត៌មាន អង្គរជ័យ នឹងធ្វើការផ្សព្វផ្សាយនូវព័ត៌មានទូទៅឲ្យមានភាពទូលំទូលាយជូនដល់មហាជនក្នុង និងក្រៅប្រទេសឲ្យទទួលបាននូវការយល់ដឹង នឹងបានជ្រាបនូវអ្វីដែលកើតឡើងនាពេលបច្ចុប្បន្នជុំវិញពិភពលោក។ អង្គភាពព័ត៌មាន អង្គរជ័យ ជាស្ថាប័នមួយដែលបានចូលរួមចំណែកក្នុងការជួយអភិវឌ្ឍន៍ដល់យុវជន យុវនារី ប្រជាជនកម្ពុជា ដែលមានបំណង នឹងស្រលាញ់វិស័យជាអ្នកសារព័ត៌មាន ឲ្យទទួលបានចំណេះដឹង និងការងារធ្វើជាអាជីបក្នុងពេលអនាគតរបស់ពួកគេ ។