BOB News

09/20/2026

🔴 | د ډرونونو په برخه کې د ا.ا د وړتیاوو د پراختیا ادعا

د «غږ امریکا» په یوه راپور کې د افغانستان د ملي امنیت د پخواني رییس احمد ضیا سراج له قوله ادعا شوې چې ا.ا د پوځي ډرونونو د کارونې او جوړولو په برخه کې خپلې وړتیاوې پراخوي.

د راپور له مخې، ا.ا هڅه کوي ځینې بهرني ډرونونه د پوځي موخو لپاره وکاروي او د خپلو بې‌پیلوټه الوتکو د جوړولو لپاره له افغان انجنیرانو او تخنیکي متخصصینو څخه هم کار واخلي.

احمد ضیا سراج ادعا کړې چې د ا.ا فعالیتونه یوازې د ډرونونو تر کارونې محدود نه دي، بلکې د جوړولو تخنیکي وړتیاوو او پوځي استعمال ظرفیتونو ته هم پراختیا ورکول کېږي.

#افغانستان #ا.ا #ډرون

09/20/2026

🚨 پولیسو ته نوي موټرونه؛ ډېر ژر به ولایتونو ته هم ورسېږي!

د کورنیو چارو وزارت د ملي پولیسو لپاره نوي موټرونه انتخاب کړي دي.

د معلوماتو له مخې، ټاکل شوې چې دغه موټرونه ډېر ژر د کابل په ګډون د هېواد په بېلابېلو ولایتونو کې اړوندو پولیسو ته هم وسپارل شي.

#افغانستان #کابل

09/20/2026

په غزني کې د یو میلیون ډالرو په پانګونه د موټرو د پرزو د تولید نوی شرکت فعال شو

په غزني ولایت کې د شاوخوا یو میلیون امریکايي ډالرو په پانګونه د موټرو د کمانیو، بېلچو او نورو اړوندو پرزو د تولید یو نوی صنعتي شرکت فعالیت پیل کړی دی.

مسوولین وايي، دغه شرکت به د کورنیو تولیداتو د پراختیا او د هېواد د صنعتي ظرفیت د لوړولو ترڅنګ، د ګڼ شمېر خلکو لپاره د کار او عاید زمینه برابره کړي.

د دې فابریکې په فعالیت سره به د موټرو د ځینو پرزو د کورني تولید کچه لوړه شي او هېواد به د دغو توکو په برخه کې تر یوه بریده له وارداتو څخه بې‌نیازه شي.

د یاد شرکت پیل د غزني د صنعتي سکتور د پراختیا ترڅنګ، د پانګونې، تولید، کارموندنې او اقتصادي ودې په برخه کې یو مهم ګام بلل کېږي.

09/19/2026

په برېتانیا کې «محمد ﷺ» نوم د درېیم پرله‌پسې کال لپاره د ماشومانو تر ټولو مشهور نوم په توګه لومړی مقام خپل کړی دی.

د ماشومانو د نومونو د کلني شهرت په لېست کې «محمد ﷺ» نوم یو ځل بیا لومړی ځای خپل کړی او په دې سره پرله‌پسې درې کاله د لېست په سر کې پاتې شوی دی.

09/19/2026

یوه اذربایجاني هنرمندې درې کاله پر یوې ځانګړې هنري پروژې کار کړی او د قرآن کریم بشپړه نسخه یې پر ورېښمو لیکلې ده.

هغې د قرآن کریم آیتونه په ډېر دقت او ښکلي عربي خطاطۍ سره، پاڼه پر پاڼه پر ورېښمو لیکلي دي. دا ځانګړی اثر د عربي خطاطۍ او لاسي هنر ګډ ترکیب بلل کېږي او د هنرمندې د اوږدې مودې زغم، دقت او هنري مهارت څرګندونه کوي.

09/19/2026

09/18/2026

🇺🇸🇮🇶 له عراق څخه د امریکايي ځواکونو د وتلو لړۍ روانه ده

په عراق کې د امریکا د ۲۳ کلن پوځي حضور د پای ته رسېدو په درشل کې، له دغه هېواد څخه د امریکايي ځواکونو او پوځي تجهیزاتو د وتلو لړۍ روانه ده.

تازه، د عراق د کردستان له سیمې څخه د امریکا د پوځي تجهیزاتو یو کاروان د اردن پر لور د حرکت په حال کې لیدل شوی دی.

د راپورونو له مخې، ټاکل شوې امریکايي ځواکونه د سپټمبر تر ۳۰مې له عراقه ووځي او په دغه هېواد کې د امریکا ۲۳ کلن پوځي حضور پای ته ورسېږي.

09/17/2026

🇹🇷 د ترکیې د استخباراتو مشر کابل ته تللی

د ترکیې د ملي استخباراتو مشر ابراهیم کالین کابل ته د سفر پر مهال د طالبانو له لوړپوړو چارواکو سره لیدلي دي.

د راپورونو له مخې، په دې لیدنو کې د افغانستان او پاکستان ترمنځ د ترینګلتیا کمولو، امنیتي همکاریو او سیمه‌ییزو مسایلو په اړه خبرې شوې دي.