10/26/2025
🚨ENFO Zafem | Jan nou aprann sa…..Se 2 sitwayen Ayisyen :🇭🇹Wiss Joseph ak Marie Joseph, ki te lanse yon akizasyon lajistis kont DENER CEIDE, nan New York.🇺🇸2 moun sa yo se pwopriyetè yon antrepriz ki rele « World Entertainment », ki te kreye nan mwa novanm 2015. Estrikti sa a espesyalize nan fè evenman, mizik ak konsè. Anndan konpayi sa a, yo menm gen yon jazz ki rele « Zafem Band ».🎼Nan lane 2021, Wiss ak Marie ta pral trademark Zafem nan, sa vle di se sèl yo menm ki ka itilize non an pou fè lajan. Nan dat 18 septanm 2024, 2 moun yo lanse yon aksyon lajistis, pou te mande Zafem sispann itilize non an. Selon dokiman tribinal distrik New York ki tap trete dosye a, gwoup Zafem ki gen nan tèt li Dener Ceide, pat janm reponn, e te kontinye ap itlize li. 2 moun sa yo pwouve tribinal la ke se yo ki legalman otorize pou itilize non an, e mande jij la poul tranche. Poutèt pa parèt oubyen defann tèt yo, jij la deside fè yon jijman « pa defo », e kondane Dener pou peye 1 milyon dola domaj-enterè, epi sispann itilize non Zafem nan. Nap presize, nan moman nap pale a, chanèl YouTube Zafem nan pa disponib sou teritwa ameriken an ankò. Jiska samdi 25 oktòb 2025 lan (9:40pm), gwoup Zafem potko janm reyaji ofisyèlman sou sa .
