07/22/2025
✍🏾Nan nòt sa ki pibliye, aswè lendi 21 jiyè 2025 lan, U.S Immigration and Customs Enforcement (ICE), fè konnen yo arete Pierre Reginald Boulos, aprè yon ankèt tèt kole, sèvis sekirite diplomatik nan Depatman Deta,🇺🇸Direksyon deteksyon fwod ak sekirite nasyonal nan USCIS. Otorite ICE yo ki di Boulos gen rezidans pèmanan, deklare aktivite òm dafè Ayisyen an ta gen konsekans negatif nan kesyon politik etranjè Etazini. ICE di nan demann rezidans li, Boulos pat janm di li enplike nan fòmasyon yon pati politik an Ayiti ki rele « Mouvement pour la Transformation et la Valorisation d'Haiti - MTV ». ICE ki site Depatman Deta, presize Boulos te angaje l nan yon kanpay vyolans epi sipò a gang yo, ki vin destabilize peyi Dayiti.🇭🇹Otorite amerikèn yo pale tou de pouswit jidisyè ki te gen dèyè l an Ayiti pou koripsyon. Pou kounya, Pierre Reginald Boulos nan yon sant detansyon ICE, men yo pa di kisa yo pral fè avèl | LSV
