Axumawian Media Network

Axumawian Media Network Contact information, map and directions, contact form, opening hours, services, ratings, photos, videos and announcements from Axumawian Media Network, Media/News Company, 1239 S 52nd Street, Philadelphia, PA.

AMN (Axumawian TV ) is an independent platform committed to informing and empowering the public through truthful journalism and civic storytelling focused on Tigray, Ethiopia, Eritrea, and the Horn of Africa.

መግለፂ ሳልሳይ ወያነ ትግራይእዛ ዕለት እዚ ክፍለዘበን ንዝመዝገቦ ኣይሂ ጨፍጫፍን ዘርኢ ምፅናትን መፈለምታ እያሞ ክንዝክራ ግድን ይብለና። እዛ ዕለት ኢትዮጵያ ንመላፍንታ ኣኪባ ብዕሊን መዳር...
11/03/2025

መግለፂ ሳልሳይ ወያነ ትግራይ

እዛ ዕለት እዚ ክፍለዘበን ንዝመዝገቦ ኣይሂ ጨፍጫፍን ዘርኢ ምፅናትን መፈለምታ እያሞ ክንዝክራ ግድን ይብለና። እዛ ዕለት ኢትዮጵያ ንመላፍንታ ኣኪባ ብዕሊን መዳርግቲ ኣልቦ ጭካነን ኹናት ኣፅንቶት ኣብ ልዕሊ ብሄረ ትግራይ ዝኣወጀትሉ መዓልቲ እያሞ መመሊስና ብመሪር ጣዕሳን ሕራነን ክንዝክራ እውን ግድን ይብለና።

ብነዊሕ ትልሚ ፀላእቲ ዝተኸፍተ ኹናት ፅንተት፡ ማእለያ ዘይብሎም ንፁሃት ደቂ ብሄረ ትግራይ ብግፍዒ ዝቐተለ፣ ዝደፈረ፣ ዘፈናቐለን ሕሱም ጭካነ ደመኛታት ፀላእቲ ትግራይ ብቕሉዕ ዝተርኣየሉን ከም ዝኾነ እንትነስተብህል ዛጊድ እውን መልክዑ ቐይሩ ይቕፅል ከምዘሎ ልቢ ንብል።

24 ጥቅምቲ እንትንዝክር፡ ፍፃመ ሓደ እዋን ጥራይ ዝገልፅ ዘይኮነስ ትግራይ ሎሚ እውን ካብ ሰላሕታዊ ፅንተት ዘይወፀት ከምዝኾነት ንሓስብ፤ ሓሲብና እውን ብትብዓት ንመዋፅኦ ኣብ ዝጥምቱ መገድታት ክንሓብር ግድን ይብል።

ግዳያት ግፍዓዊ ቅትለት፣ ሓያሎ ፆታዊ ጥቕዓትን ዓመፅን ሓይልታት ስርዓት ኢትዮጵያ፣ ሻዕብያን ሓይልታት ኣምሓራን ክንዝክሮ፣ ዓው ኢልና ክንጠርዐሉን ክንስንዶን ከም ዝግባእ ኹሉ፤ እዚ ፀላም ታሪኽ ከይድገመ ናብዚ ኣይሂ መዓት ዘሳጠሐና ውሽጣዊ ፖለቲካዊ ሕመቕ ብሱር በቆስ ለውጢ መሊእና ክንቕይሮ ኣብ ዝግባእ ቀጣን መዓልቲ ከም ዘለና እውን ክንግንዘብ ግድን ይኸውን።

ፅንተት ተፈፂሙሉ፡ ሐዚ እውን ንባዕሉ ካብ ሓደጋ መሊእኻ ምጥፋእ ከርሕቕ ዘይከኣለ ብሄር፡ መገዲ ብሄራዊ ድሕነት ብህፁፅ ከናዲ ግድን ይብሎ። ድሕነት ብሄረ ትግራይ ኹሎም ደቂ ብሄረ ትግራይ ኣብ ሓደ ጠረጴዛ ተኣኪቦም ካብ ምልዛብ ከም ዝጅምር ዝኣምን ሳልሳይ ወያነ ትግራይ፡ ሐዚ እውን ነዚ ዕዮ ኣብ ዘቀላጥፉን ንብሄራዊ ጉባኤ ኣብ ዝጥምቱን ዕዮታት ሕድሕድ ሊሂቅ ብሄረ ትግራይ ብሓያሎ ክነጥፍ ይፅውዕ።

ሳልሳይ ወያነ ትግራይ
24 ጥቅምቲ 2018
ትግራይ ፡መቐለ

ካብ ውድብ ናፅነት ትግራይ ዝተውሃበ እዋናዊ መግለፂእዚ ቅንያት ትግራይና ካብ ምእዋጅን ምፍፃምን ጆኖሳይድ ክሳብ ምፍርራም ስምምዕ ፕሪቶሪያ ዝኣመሰሉ ዓበይቲ ክስተታት ዘተኣናገደትሉ ቅንያት እ...
11/03/2025

ካብ ውድብ ናፅነት ትግራይ ዝተውሃበ እዋናዊ መግለፂ

እዚ ቅንያት ትግራይና ካብ ምእዋጅን ምፍፃምን ጆኖሳይድ ክሳብ ምፍርራም ስምምዕ ፕሪቶሪያ ዝኣመሰሉ ዓበይቲ ክስተታት ዘተኣናገደትሉ ቅንያት እዩ። ቅድሚ 5 ዓመት ኣብዚ ቅንያት እዚ ትግራይና ፅንተት ብዕሊ ተኣዊጁዋ፤ ብተግባር ተፈፂሙዋ፤ ሳላ ቀያሕትን ፀለምትን ደቓ ዝተዋደቑ ድማ ቅድሚ 3 ዓመት ኣብዚ ተመሳሳሊ ወቕቲ ኣብ ቅድሚ ዓለም ኣብ ፕሪቶርያ ተፃብኦ ጠጠው ናይ ምባል ስምምዕ ዝተፈራረመትሉ ቅንያት እዩ። ግና ሎሚ ድሕሪ 5 ዓመት ኣዋጅን ፍፃመን ጀኖሳይድን ድሕሪ 3 ዓመት ምፍርራም ስምምዕ ተፃብኦ ጠጠው ምባል ፕሪቶሪያ እውን ደበና ፅንተት ከይፀሓየ፤ መከራ ህዝብና ከይዛረየ፤ ዝተወረረ መሬትና ከይተመለሰ፤ ተመዛባላይና ካብ ኬንዳ ከይወፀ፤ ውግእን ወረ ውግእን ከይሃድአ፤ ፍትሒ ከይተረጋገፀ፤ እንዝክሮ ቅንያት ኮይኑ ኣሎ። ሰብና ካብ ኣውራ ብሔራዊ ዕማማትን ዋኒናትን ወፂኡ፤ ንፋስ ኣብ ዘምፅአሉ ኣጀንዳ 'ቃለይ ቃልካ' ክበሃሃል ይውዕል ኣሎ። ፖለቲካ ትግራይ ካብ ሃዲድ ወፂኡ ኣብ ጓል መንገዲ ሕምብቲት ክንብል ብዙሓት ሓደጋታትን ሓደሽቲ ምዕባለታትን ክንሪኦም ኣይከኣልናን። ብምዃኑ ድማ ውድብ ናፅነት ትግራይ፡

ንመላእ ህዝብና፤ ብፍላይ ድማ ንዳያስፖራ ትግራይ፣ ንኩሎም ሓይልታት ፖለቲካ ትግራይ፣ ንኩሎም ሚድያታት ትግራይ፣ ከምኡ እውን ንኩሎም ፖለቲካዊ፣ ወታደራዊ፣ ማሕበራዊ፣ ቁጠባዊ ልሂቃን ትግራይ፡ ትግራይ ወዲ ገዛን ወዲ ወሰንን ከም ዘይብላን ተረዲእና፤ ደቂ ሓንቲ ትጠፍእ ዘላ ብሔር ከም ምዃንና መጠን ንጎኒ ምትኹዃስን ሕድሕዳዊ ምጥቕቓዕን ምፅልላምን ገዲፍና፤ ኣብ ሓበራዊ ብሔራዊ ዋኒናትና ክንሰምርን ከም ህዝቢ ክንድሕንን ኣብ ዘኽእሉና ዕማማት ጥራሕ ትኹረት ክንገብር ብሔራዊ ፃዊዕትና ነቕርብ።

ንፕረዚደንት ግዝያዊ ምምሕዳር ትግራይ፣ ንላዕለዎት ኣዘዝቲ ሰራዊት ትግራይ፣ ከምኡ እውን ንመራሕትን ኣባላትን ህወሓት፡ ክሳብ ሐዚ ብዝተኸተልኩምዎ ስሑት ገምጋምን መንገድን ምኽንያት፡ ትግራይ ክትከፍሎ ዘይግባእ ዋጋ ኣኽፊሉዋ እዩ። ብዙሓት ዕድላትን ዓቕምታትን እውን ባኺኖምን ተሓሺሾምን እዮም። ኮይኑ ግና ሎሚ እውን ብሔራዊ ዘተን ዕርቅን ተሓሲምካ፤ ሓድነት ህዝብን ሰራዊትን በታቲንካ፤ ዝኽየድ ናይ 'ዓይኒ ዕሙተይ' ኣካይዳ ተወሳኺ ዋጋ ዘኽፍልን ግጉይን ምዃኑ ተገንዚብኩም፤ ቅቡል፣ እሙንን ናይ ምግባር ዓቕሚ ዘለዎን ሓቛፊ መንግስቲ ንምትካል፤ ብኡ ኣቢልካ ድማ ስምምዕ ሰላም ፕሪቶሪያ ብምልኣት ንምፍፃምን፤ ትግራይና ናብ ንቡር ክንምልሳን ከም ብሔር ኩልና ክንድሕንን ካብ ኩሉ ሸነኽ ዝቐርብ ዘሎ ፃውዒት ብቕንዕና ክትሪእዎን ክትቅበልዎን ሐዚ እውን ብሔራዊ ፃውዒትና ነቕርብ።

ን ጠቅላይ ሚኒስተር ኢትዮጵያ፡ ኣብዚ ሒዝናዮ ዘለና ወርሒ ዕለት 18/2018 ኣ/ግ ኣብ ፓርላማ ኢትዮጵያ ቀሪቦም ኣብ ዘስምዕዎ መደረ፡

1) ተመዛባላይ ክምለስ ከም ዘለዎ፣ ወሰን ዝምልከት ግና ሪፈረንደም ክካየድ ከም ዝግበእ ገሊፆም እዮም። እንተኾነ ግና ተመዛበልቲ እንትምለሱ ብመሰረት ዓለምለኻዊ ሕጊ ስብኣውነት ድሕንነቶም፣ ስብኣዊ መሰሎምን ክብሮምን ተሓልዩ፥ እቲ ኣብ መረበቶም ፅንተት ዝመርሐ፣ ዝፈፀመን ዘፈፀመን ምሕደራን በዓል ስልጣንን ክህሉ ከም ዘይብሉ እውን ግልፂ ክኸውን ይግባእ። ታሪኻዊ ግዝኣታት ትግራይ ካብ ግዜ ናብ ግዜ እናተሻራረፈ ከም ዝመጸ እሙናት መዛግብቲ ታሪኽ ይሕብሩ እዮም። ትግራይ እትሓቶ ብሓይሊ ተቖሪሱ ዝተወሰደ ታሪኻዊ ግዝኣታታ እምበር መሊሳ እትህቦ ግዝኣታት የብላን። ስለዚ ትግራይ ዝተመረፀ መንግስቲ ኣብ ዘይብላ፣ ውቃበ መሬት ትግራይ ቆሪሶም ንዝይረወዩ ተስፋሕፋሕቲ ሓይሊታት ንምምላእ ተባሂሉ ዝሕሰብ ህዝበ ውሳነ/referendum ስምምዕነት ፕሪቶርያን ከይፍጸም ንምትእጉጓልን ሰላሕታዊ ጽንተት ትግራይ ንምቅጻልን ዝተፍሓሰ ውዲት ምዃኑ ግልጺ እዩ። ስለዚ ግዛኣት ትግራይ ብዘይ ውዓል ሕደርን ብዘይተሸራረፈ መንገዲን ናብ ባዓል ዋንኡ ክምለስ ውድብ ናጽነት ጻውዒቱ የቕርብ።

2) ኲናት ትግራይ ትሕቲ ናይ ወለጋ ኲናት ከም ዝኾነ እውን ገሊፆም እዮም። እዚ ድማ ኣብ ቁስልና ግራጭ ምምላስ እዩ። ኣብ ወለጋ ዝተገበረ ኲናትን ዕንወትን እናውገዝና፤ ግን ድማ ህዝቢ ትግራይ ታራ ኲናት ዘይኮነስ ብኣዋጅ ዝተዓጀበ ጀኖሳይድ ተፈፂሙዎ፤ መሬቱ ተመንጢሉ፤ 5 ዓመት ሙሉእ ኣብ ከቢድ ሓሰረ መከራ ኮይኑ ፍትሒ ዘናዲ ዘሎ ህዝቢ ምዃኑ ዓለም ዝፈልጦ ሓቂ እዩ።

3) ስምምዕ ፕሪቶሪያ ነቶም ዝተፈራረሙ መራሕቲ ከም ዝምልከት እውን ኣአንፊቶም እዮም። እዚ መደረ እዚ እውን ሓላፍነት ዝጎደሎ መደረ እዩ። እዚ ስምምዕ ጉዳይ ህዝቢን ዓድን ድኣ እምበር ናይ ዝኾኑ ውልቀ መራሕቲ ይኹን ናይ ዝኾነ ጉጅለን ውድብን ክኸውን ኣይኽእልን። ህዝቢ ድማ ብመንግስቱ እዩ ዝውከል። ጉዳይ ትግራይ ካብ ህዝቢ ትግራይ ኣውፂኻ ናይ ውልቀ ሰባትን ጉጅለታትን ምግባር ልክዕ ስለ ዘይኮነ ግቡእ እርማት ክግበረሉ ይግባእ ንብል። ኩሉ ትግራዋይ ድማ እዘን ነጥብታት እዚአን ብውነ ክግንዘበንን ግቡእ ቃልሲ ክገብረለንን ንፅውዕ።

እቲ ትግራይና ብውሽጣ ዘፍርሳ ዘሎ ኮርን ካብ ኮር ንላዕልን ኢሉ ንባዕሉ ዝሰመየ ሓይሊ ምስ ናይ ጉጅለ ህወሕት ብምዃን ኢሉ እውን ፅንታ ምስ ዝፈፀመልና ስርዓት ሸዓብያ ኾይኖም ናይ ኲናት ጎስጓስን ምፍርራሓትን የካይድ ኣሎ። ናይዚ ሓይሊ ኣካይዳ ብሔርና ናብ ሓደጋ ዘአቱ ስለዝኾነ እዚ ሓይሊ እዙይ ዓቅሚ ትግራይ ክእከብን ሓቀይና ብሔራዊ ዘተ ተገይሩ ሓቋፋይ መንግስቲ ንኽምስረት ህዝብና ፀቅጢ ክፈጥርን ኣብ ጎንና ክስለፍን ፂዊዒትና ነቅርብ።

እቲ ሐዚ ኣብ መንጎ ኢትዮጵያን ትግራይን ዝምዕብል ዘሎ መሊስካ ናብ ኲናት ንምእታው ዝግበር ዘሎ ጎስጓስ ነዚ ኸባቢና ጥራሕ ዘይኮነስ ሙሉእ ቀርኒ ኣፍሪካ ናብ ሕምስምስ ዘአቲ ሓደገኛ ምዕባለ ስለዝኾነ ስምምዕ ፕሪቶርያ ንኽፍረም ዝከኣለኩም ዝነበርኩም መዳራደርቲ ኣካላት ሎሚ እውን ብውነ ተገንዚብኩም ውዕል ፕሪቶርያ ብሙሉእነት ንኽትግበር እጃምኩም ክተወፍዩ ፃዊዒትና ነቅርብ።

ኣብ መወዳእታ ጥቅምቲ 24 2013 ኣ/ግ ናይ ትግራይ ፅንታ ዝተኣወጀትላ ዕለት እያ። ነዚ ሲዒቡ ድማ ህዝብናን ሰራዊትናን ትግራይ ትስዕር! ሃገረ ትግራይ! እናበለ ምስ ናይ ፅንታ ሓይልታት ገጢሙ ክባር መስዋእቲ ኸፊሉ እቲ ኲናት ፅንተት ጠጠው ከብሎን ስምምዕ ፕሪተርያ ኣብ ቅድሚ ዓለም ክፍረም ኣኽኢሉ እዩ። ምእንተ ትግራይ ክብሉ ክባር ሂወቶም ዝኸፈሉ ሰማእታትን ግዳይ ጆኖሳይድ ዝኾኑን ደቂ ብሔረ ትግራይና ክንዝክሮምን ክነኽብሮምን ስለዝግባእ እነሆ 5ይ ዓመት ፅንታ ትግራይ ከይርሳዕ ከይድገም ኢሉ ኣብ ውሽጥን ደገን ዘሎ ህዝብና ክዝክሮ ይግባእ።

ስመር፥ ... ተመዓራረ፥ ... ... ... ናብ ናጽነት ጠምት!
ውድብ ናፅነት ትግራይ(ናፅነት)
ጥቅምቲ 24 2018 ኣ/ግ
መቐለ - ትግራይ

Address

1239 S 52nd Street
Philadelphia, PA
19143

Telephone

+12675185116

Website

Alerts

Be the first to know and let us send you an email when Axumawian Media Network posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Axumawian Media Network:

Shortcuts

Share

Category