Axumawian Media Network, 1239 S 52nd Street, Philadelphia, PA (2025)

06/22/2025

መግለፂ ሳልሳይ ወያነ ትግራይ

ሰማእታት ትግራይና!

መዓልቲ ሰማእታት እንትንሓስብ፡ ጀጋኑ ትግራይ ንበይዛ ህዝቢ ዝወፈረ ውፍይነትኹም፣ ብሄራዊ ሓልዮትኹምን መዳርግቲ ኣልቦ ጅግንነትኹምን ንዝክር። ክጠፍእ ዝተፈረዶ ብሄረ ትግራይ፡ መሊኡ ንኸይጠፍእ እታ እንኮ እተሰስዕ ህይወትኹም ዝሃብኹም ኢኹም እሞ ምስጋናናን ሞሳናን ዕሙቕ እዩ።

ሕድርኹም ዘኽብርን ዝሕሉን ፖለቲካዊ ብልሒ ኣይነበረንሞ፡ ሓዘና መሪር ሕራነና ድማ ርሱን እዩ። ትግራዋይ ነነሻዕ ደም ዝኸፍለሉ ኩነት ንዝንተዓለሙ ጠጠው ክብል፡ ሰማእትነትኹም፣ ሕድርኹምን ባህግኹምን ዋጋ ክህልዎ ከም እንቃለስ ክነረጋግፀልኹም ንፎቱ።

ሕድርኹም፡ ሕድሪ ረብሓ ብሄረ ትግራይ ምኽባር፣ ሕድርኹም ሕድሪ ልምዕቲ ሰላማዊትን ዲሞክራሲያዊትን ትግራይ ምግሃድ፣ ሕድርኹም ሕድሪ ምውናን ነፃ ሃገረ ትግራይ ከም ዝኾነ ዝኣምን ሳልሳይ ወያነ ትግራይ፤ ዱሑር ፖለቲካ ትግራይ ንሓዋሩ ኣልዩ ሕድርኹም ንፖለቲካዊ ጨለነት እንተይኾነስ ናይ እማን ተቓሊሱ ከዐውቶን ክሕልዎን ድማ ቃል ይኣቱ።

ዘለኣለማዊ ክብርን ሞገስን ንኹለኹም ናይ ትማልን ሎምን ሰማእታት ብሄረ ትግራይ!!

ሳልሳይ ወያነ ትግራይ
15 ሰነ 2017
ትግራይ፣ መቐለ

06/22/2025

መን ምስ ፈተኖ?

ጉዳይ ምምላስ #ተመዛበልትን ምውሓስ ቀንዲ ጉዳይ ትግራይ እዩ ኢለ እየ ዝሓስብ። ካብ ምዕራብ ትግራይ፣ ሰሜን ምዕራብ፣ ማእኸላይን ምብራቕን ዞባታት ትግራይ ዝተመዛበሉ ተጋሩ ወዲ ሰብ ክፀሮ ኣብ ዘይኽእሎ ኹነታት ኣለኹም። እዚ ከይኣክል ኣብ #ሱዳን ናበይ ከምዘብል ኣብ ዘይፍለጥ ናይ ሕድሕድ ኲናት ማእኸል ፅባሕዶ ሎሚ መፂኦም ከጥፍኡና ኢሎም ዝጭነቑ ስድራ ኣለዉኹም። ካብዚ በተወሳኺ ኣብ ኢድ ጨካናት ወረርቲ ስቃዩ ዝረክብ ዘሎ ህዝብና ኣዝዩ ብዙሕ እዩ። ስለዚ ኣብ ልዕሊ ተመዛበልትን ዝተሰደዱ ተጋሩ ዝበፅሕ ዘሎ ግፍዒ ኣዝዩ ከቢድ ምዃኑ ኣይኮነን ትግራዋይ ዝኾነ ሰብ እውን ዝርድኦ ሓቂ እዩ።

ይኹን እንበር እቲ ዝዓበየ ፀገም ናይ ተመዛበልቲ ጉዳይ ኣብ ኢድ ክልተ ሓይልታት #ተቋመርቲ ፖለቲካ ወዲቁ ምህላዉ እዩ። እዞም ክልተ ሓይልታት ናይ ህዝቢ ጉዳይ ከይኾነ ናይ ባዕሎም ፖለቲካ ኹነታት ኣዝዩ ስለዝጨንቆም ጉዳይ ተመዛበልትን ዝተሰደዱን ክፍታሕ ኣይከኣለን። ኣብዞም ክልተ ሓይልታት ኣብ ጉዳይ ተመዛበልቲ ዘሎ ርክብ ኩልሻብ #ሕቡእ እዩ። ህዝቢ ኣይፈልጦን፣ ተነሓናሕቲ ፖለቲካ ፓርትታት ኣይፈልጥኦን፣ ሲቪክ ማሕበራት ኣይፈልጥኦን ኮታስ ካብ ጉጅለታት ህወሓትን ፌደራል መንግስቲ ዝመርሕ ዘሎ ስርዓትን ካልእ ኣይፈልጦን። እዚ እንትበሃል ንምፍላጥ ፃዕሪ ስለዘይተገብረ ኣይኮነን። ክፍለጥ ስለዘይድለ ኩሉ ብሕቡእ እዩ ዝግበር።

ስለዚ ምምላስ ናይዞም ዝተወረሩ ከባብታትን ህዝብን ካብ ዓይኒ ህዝቢ ትግራይ ዝተሓብአ እዩ። እዚ ዝኸውን ብዘይምኽንያት ኣይኮነን፡ ክሕባእ ዝድለ ነገር ስለዘሎ እዩ። ኩሎም ኣብ ዝብልዎ ህዝቢ ሃለዋትን መፃእን ይቋመሩ ስለዘለዉ እዩ። ናይ ስርዓት ኢትዮጵያ ክገድፎ ምኽንያቱ እንታይነቱ ፍሉጥ ድልየቱ ኣፍሊጡ ዝሓደረ ስለዝኾነ።

ብወገን ትግራይ ነዚ ጉዳይ ብሕታዊ ብዓልዋና ካልኦት ቀጥተኛ ስራሕ ከይሰረሑ ዓጊቱ ዝነበረን ዘሎን #ህወሓት ዝበሃል ናይ መለኽቲ እኩብ እዩ። ኣብ ጉዳይ ተመዛበልትን ግዝኣታዊ ሓድነትን ኣብዚ እኩብ ዘለዉ ጉጅለታት ኣፈላላይ የብሎምን። እንተነኣሰ ኩሎም እቲ ምስ ናይ ኢትዮጵያ ስርዓት ዘሎ ርክብ ህዝቢ ከይፈልጦ ገይሮም እዮም። ብውፅኢት እውን ህዝብና ሐዚ እውን ኣብ ስቃይ ክነብር ዝገበሩ እዮም። ልዕሊ እዚ ግና ኣብ ግዝኣት ትግራይ ይኹን ተመዛበልትን ስዱዳትን ዝገበርዎ ክሕደት ዝተወሰኑ ክጠቅስ፡

• ኣብ ምዕራብ ትግራይ ንሶም መሬትን #ሰሊጥን ንክሰርቁ ነቲ ህዝቢ ደጋፍን ዘይደጋፍን ውድቦም ኢሎም ኣብ ክልተ ፈልዮም ቅርሕንቲ ኣዋሊዶም ሓብሒቦም አዕብዮም። ኣብ ሞንጎ ሓደ ህዝቢ ዝፈጠርዎ ናይ ሓድነት ምልሕላሕ ድማ ሃፍቲ ህዝቢ ንዓርሶምን መቃርቦምን ክዕድሉ ኣኽኢልዎም። ነዚ ዘኽኣሎም ቅርሕንቲ ድማ ራርዮም ኣዕብዮም ንጥፍኣት ኣዳልዮሞ

• እኩባት ህወሓት ሽዑ ኣብ ዶባት ትግራይ እንታይ ይእለም ከምዘሎ ብፍላይ ኣብ ምዕራብ ትግራይ እንታይ ይጥጀው ከምዘሎ ህዝቢ እናተዛረበ ዕሽሽ ኢሎም ኣብ ዘይተዳለዉሉ ዂናት ኣትዮም ህዝብና ብጨፍጨፍቲ #ክብላዕ ገይሮም። እዚ ከይኣኽሎም ህዝብና ግድን ኮይኑ ናብ ካልእ ከባብታት ትግራይ ብስርዓት ክመዛበል ዝኽእለሉ ኹነታት ከይፈጠሩ ህዝቢ ንበላዒ ሂቦም ሃዲሞም። ሰብና ብዝወዓሎ ተበታቲኑ ቐርዩ

• ህዝቢ ትግራይ ብዝተፈፀሞ ጀኖሳይድ ተቆጢዑ ደቁ ናብ በረኻ ሰዲዱ ብዝፈፀሞ ጅግንነት ሰነ 21, 2013 ንመቐለን ካልኦት ከባብታትን ሓራ ኣውፂኡ። ቐፂሉ እውን ብወፍሪ ኣዴታት ከባብታት ዞባ ደቡብን ፀለምትን ሓራ ወፂአን። ደሓር ግና እዞም ሸቀጥቲ ምዕራብ ትግራይ ሓራ ክወፅእ ኣይኮነን ዝወሰኑ፡ ዓዱ ሓራ ከውፅእ ዝተጋደለ መንእሰይ ትግራይ ኣሰሊፎም ናብ ዘለኣለማዊ ዓዶም #ሸዋ ገሰገሱ እንበር። ኣብኡ ዝተኸፍለ ዋጋ ሕድሕድ ገዛን ኬንዳን ይቁፀሮ። ኣብዚ ጉዳይ ወታደራዊ ጉዳያት ዘልዕል ሰብ ብዙሕ ኣይወሓጠለይን ምኽንያቱ በየናይ መለክዒ ድኣ እዩ ሐዚ ኣብምንታይ ወታደራዊ ቁመና ተኾይኑ እዩ ግዝኣትን ክንመልስ ዝብል ፈኸራ ዝስማዕ ዘሎ?

• ድሕሪ ብዙሕ ገልታዕታዕን ሞትን #ብሚልየን ዝቁፀር ህዝብና ተመዛቢሉ ኣብ ኬንዳታት ኣዕቑቡ። እዞም ፅግዕተኛ እኩባት ህወሓትን ካድረታቶምን ዓለም ሓልዩ ካብ ዝሃቦ ረድኤት ሰሪቆም ረድኢት ጠጠው ክብል ገይሮም። ብውፅኢቱ እውን ብዙሓት ኣብ ኬንዳ ሰኣን መግብን መድሓኒትን ጠፊኦምና።

• ተመዛባላይ ኣብቲ ዘይብሉ ኣብ ዝሰኣነ ከብዱ ኮይኑ #ብረድኤት ዝረኽበን እኽሊ ሸይጡ ፣ እናበሉ ካብ ደቁ ኣፍ መንጢሎም ገንዘብ ኣኪቦምን ይእክቡን ኣለዉ

• ልዕሊ ክልተ ዓመት ደቂሶም ፖለቲካ እናተቋመሩ ፀኒሖም ሐዚ ሳላ ብስርውንኦም ምስተኸልኡ ጉዳይ ተመዛበልቲ ኣጀንዳ ገይሮም ህዝቢ መተኣኻኸቢ (mobilizing factor) ገይሮም ብሽም ህዝቢ ሓዊ ክውልዑ ሃንደፍደፍ ይብሉ ዘለዉ

• ተመዛባሊ ኢሉ ብምባል ነቲ ጉዳይ ተመዛበልቲ እውን መሕብኢ ኣጀንዳ እኩብ ህወሓትን ተመዛባሊ ንከይምለስ ክገብርዎ ብግልፂ ይሰርሑ ዘለዉ

• ተመዛበልትን ነቶም ተመዛበልቲ ዝውክሉ ሲቪክ ማሕበራት ቅድሚ ኣብ ጉዳይ ዓዶም ከም ጓና ዝኾነ ነገር ከይፈልጡ ዝተኸልከሉ ሐዚ ኢሎም ሰልፊ እንትፅውዑ፡ ብመሓውራቶም ኣቢሎም ህዝብን ተመዛባልን ሰልፊ ከይወፅእ ዝገበሩ። እዚ ከይኣክል ብዘይ ፍቃድ እቶም ሲቪክ ማሕበራት ብመሓውሮም ኣቢሎም ብሽም ተመዛበልቲ ሰልፊ ኣዳልዮም እቲ ቀንዲ መልእኽቲ ድማ ዝብል ሸፈጥ ክኸውን ዝገበሩ

• ድሕሪ ምስራዝ ውድቦም ዘሎ ኩሉ ህዝባዊ በዓላት ምስ ምምላስ ተመዛበልቲ ክራኸብ #ጭርሖታትን ወታደራዊ ምርኢታትን እናገበሩ ወራሪ ብዝበለፀ ንክዳለውን ደጊሙ ኣብ ልዕሊ ህዝቢ ትግራይ ክበፅሕ ዝኽእል ሓደጋ ኣዝዩ ዝኸፍአ ክኽውን ዝገብሩ ዘለዉ

• ኣብ ትግራይ ንሶምን መሻርኽቶም ዝሓፍስዎ ዘለዉ #ወርቂ ብዕላዊ ዝፍለጥ እዩ። ገለ ፀብፃባት እስካብ 300 ቢልየን ብር ኣብ ሓደ ዓመት ይግምትዎ። እዚ ገንዘብ ኣብዚ እዋን ተመዛባላይ ብሰንኪ ናይ ድጋፍ ምስኣን ኣብ ኬንዳ ኮይኑ እታ ንሓደ ሰብ እትወሃብ እኽሊ ለገስቲ ካብ 15 ኪሎ ናብ 9 ኪሎ እንትወርድ እንተነኣሰ እታ ዝተረፈቶም 6 ኪሎ ንሕና ንሽፍና ኣይበሉን። ብሓቂ ብዛዕባ ተመዛበልቲ ዝሓስቡ ተዝኾነ ተመዛበልትና ናብ መረብቶም እስካብ ዝምለሱ ኣብ ዘለዉዎ ቀዋሚ መፅለሊ ኣስሪሑ ብስርዓት ዘንብሮም ገንዘብ እዮም ካብ ከርሲ ትግራይ ዝጉሕጉሑ ዘለዉ። ግን ንሶም ኣይገብርዎን ኣይንታዮምን።

• ካልእ ካልእ ካልእ ንፈልጦን ዘይንፈልጦን

ስለዚ ምስ’ዞም እኩባት እዚኦም ኮይኑ ናብ መሬተይ ክምለስ እየ ብሰላም ኣብ ገዛይ ክነብር እየ ኢሉ ዝሓስብ ተመዛባላይ ጠጠው ኢሉ ዝሓስበሉ ኣዝዩ ወሳኒ ሰዓት ዝበፃሕና ይመስለኒ። እዚኦም ዘሳውርዎ #ሓዊ ንዓርሶም ጥራይ ኣይኮነን ዝበልዕ ንመላእ ህዝቢ ትግራይ እንበር። ብውፅኢቱ ድማ ተወሳኺ ተመዛባላይ ክፍጠር፣ ኣብ ኢድ ወረርቲ ዘሎ ህዝብና ብጨካናት ብዘይ ንሕስያ ክጭፍጨፍ፣ ተወሳኺ መንእሰይ ክሃልቕ፣ እቲ ኹናት ናብዚ ኣበለ ናብቲ ብዘይ ዕርቅን ይቕሬታን ዝህሉ ምትሕውዋስ ኣብ ሞንጎ ሓደ ህዝቢ ካልእ ደም ምፍሳስ ዝፈጥር፣ መን እንታይ ሒዙ ናብቲ ሓዊ ከምዝሕወሶ ዘይፍለጦ ከባቢ ቀርኒ ኣፍሪካ ኮይንኻ ዝውላዕ ኲናት ንትግራይ ናብ መራገፂ ሓራምዝ ዝቕይራ፣ ልዕሊ ዝኾነ ድማ በዚ መንገዲ ህዝብና ናብ መረበቱ ዝምለሰሉ ባይታ እስካብ #መወዳእታ ክዕፀወሉ ዝኽእል ኩነታት ክፈጥር ይኽእል እዩ።

ስለዚ ኣብዚ ጉዳይ ቅድሚ ኩሉ ክግበር ዘለዎ ናይ ግዝኣትና ይኹን ምምላስ ተመዛበልቲ ጉዳይ ካብ ኢድ እኩባት ህወሓት ክወፅእ ምግባር እዩ። እስካብ ሐዚ ዝተኸደ ክያዶ ኣፃርዩ ብግልፂ ድማ መን ይኣብን የጓትቶን ከምዘሎ ንህዝቢ ዕላዊ ዝገብር #ሓይሊ ክጣየሽ ኣለዎ። እቲ ዝብል ላግፂ ሰበ-ህወሓት ክንፀግ ኣለዎ። እዚ ብዛዕባ ሕጋውን ሕገመንግስታውን መሬትናን ግዝኣትና ምስ ዝኾነ ኣካል #ተሓቢእና ንገብሮ ኣይኮነን። ብግልፂ ህዝቢ ትግራይን ዓለም ብዝፈልጦ እዩ ጉዳይና ክተሓዝ ዘለዎ። እዚታት ጌርና ኣለና ንብሎ ብሰላማዊ ቃልሲ ክቃለስ ዝኽእል ኩሉ ዓቅሚ ሰብና ተጠቂምና ምስ ኣበየና እዩ ሰላማዊ ቃልሲ ኣይከኣልን ዝበሃል። ሽዑ እንታይ ንግበር? ዝብል ሕቶ ትርጉም ይህልዎ። ኣብቲ መልሲ እውን ህዝቢ ይዓስል።

ስለዚ ኩሉ ትግራዋይ ብፍላይ ድማ ተመዛበልቲ ነቶም #ደፋእቲ ኹነታት ተፃዊሩ ናብታ ሐዚ ዘለናያ ኹነታት ምምላስ #ዓቀብ ዝኾነሉ ኩነታት ከየዋለድና ህድእ ኢልካ ምሕሳብ ኣብ ዘድልየሉ ወሳኒ ኹነታት ኣለና።

#ሰላም
ብኣሉላ ሃይሉ

06/22/2025

"ምሳና ወይ ፀላኢና" ኣብ ዝሓለፈ 30 ዓመት ዝተኣታተወ ማሕለኻ ተጋሩ

https://www.youtube.com/live/SDCfm9DYTYA?si=hMLqGM6voQrM5pwc

Donate- https://donorbox.org/amnsatellitefundTo be a member- https://www.patreon.com/axumawiaAMN educates on the Horn of Africa, addressing its history, po...

06/22/2025

*15 ሰነ በዓለ ዝኽሪ ሰማእታት ኣመልኪቱ ካብ ኪዳን ተጋሩ ንብሄራዊ ድሕነት ዝተውሃበ መግለፂ*

ሰማእታትና ብቃል ዘይኮነስ ብግብሪ ይደበሱ!
************************************
በቢ ምዕራፉ፣ በቢ መድረኹ፣ ንስለ ህልውናን ቀፃሊ ውሕስናን ትግራይን ህዝባን እልፊ ኣእላፍ መላምል ተሰንኪሎም፣ ደምዮምን ተሰዊኦምን 'ዮም። ንዝሓለፉ 36 ዓመታት ድማ "ሕድሪ ሰማእታትና ኣይነዕብርን" እንዳበልና ነዛ ዕለት እናዘከርናያ መፂእና ኢና፡ ይግባእ እውን።

ኮይኑ ግና ሰማእታትና ዝድበሱ ካብ ቃል ዝሓለፈ ብግብሪ ዕላማ መስዋእቶም ክነኽብር እንከለና 'ዩ። ቃል ኣየዕበርናን ዝበሃል ሕቶ ህዝቢ እንትምለስን ፍትሒ እንትነግስን እዩ። ስለ ዝኾነ ሰማእታትና ልዕሊ መቓብር ዝገደፉልና ቃለ ሕድሪ ከይነዕብር እዛ ካብ ኢድና ወፂኣ ዘላ ትግራይ ናብ ኢድና ክንመልሳን፤ ተግባራዊ ቃልሲ ክነቀፃፅልን ይግባእ::

ህዝቢ ትግራይ ካብ ፀላእቱ ንዝተበገሱ ኩሎም ዓይነት ዓፆቦታት ሳላ ዘይኽበስ ፅንዓት ሰኒቑ ክባር መስዋትነት ዝኸፈለ ህልውንኡ ኣረጋጊፁ ነቲ ሕዚ ዝተፈጠረ ኣንፃራዊ ናይ ሰላም ሃዋህው ክፍጠር እውን ኣኽኢሉ እዩ። ነዚ ዝተፈጠረ ኣንፃራዊ ሰላማዊ ሃዋህው ብምጥቃም ግዝኣታዊ ሓድነት ትግራይ ንኽምለስ፣ ተመዛበልቲ ወገናት ናብ መረበቶም ንኽምለሱ፣ ዳግመ-ህንፀትን ሕውየትን ትግራይ ንምስላጥን ትግራይ ናብ ፍትሓውን ዴሞክራስያውን ስርዓት ዘሳግር፤ ናይ ምግባር ዓቕምን ቅቡልነትን ዘለዎ ቤት-ምኽሪ ዘካተተ ሓቛፊ ግዚያዊ መንግስቲ ንኽህልወና ካብ መፈለምትኡ ጀሚርና ከም ኪዳን እንዳተቓለስና ምምፃእና ይፍለጥ።

እንተኾነ ግን ነቲ ዘበግስናዮ ቅኑዕን ቅሉዕን ሕቶ ንጎኒ ገዲፉ ካብ ኮር ንላዕሊ ብዝበሃል ዕጡቕ ውዳበ ተደጊፉ ስርዓት ዘፍረሰ ጉጅለ ንዘቕረብናዮም ቅኑዓት ኣማራፅታት ብምንፃግ ናብ ኣፈሙዝን ጉልበትን ተሰጋጊሩ እዩ ጥራሕ ዘይኮነስ ኣብ ልዕሊ ህዝብና ዘይተደላዪ ኲናት ከዋልድ እውን ብሽም ፅምዶ ብቓልዕ ምስ ሻዕብያ እንዳሰርሐ ይርከብ። እዚ ብፖለቲካ ተሳዒሩ ህዝባዊ ቅቡልነት ዝሰኣነ ሓይሊ ሎሚ እውን ትግራይ አብ ፍፁም ናይ ጥፍኣት መንገዲ ኣእትይዋ ይርከብ።

ስለዝኾነ ሎሚ መበል 37 ዓመት ሰማእታትና እንትንዝክር ዳግማይ ናብ ዘይምልከተና ኲናት ከእትወና ዝህንደድ ዘሎ ሓይሊ ኣደብ ምትሓዝ የድሊ። ዝኾነ ጉጅለ ይኹን ወተሃደራዊ ኣዛዚ ልዕሊ ህላወ ህዝቢ ክኸውን ምንም ዓይነት ሞራላዊ ይኹን ሕጋዊ ምኽንያት ከምዘይብሉን ብመስዋእቲ ደቅኻን ብስቓይካን ዕድመ ስልጣኑ ንምንዋሕ መጋበርያ ውሽጣውን ግዳማውን ኵናት ክገብረካ ንዝኽእል ሓደገኛ ሃቐነ ብምብርዓን መላእ ህዝብና ብውነ ተረዲእኻ ኣብ ጎንና ተሰሊፍካ ክትቃለስ ንፅውዕ።

ዘልኣለማዊ ክብርን ሞጎስን ንኹሎም ሰማእታትና
ሰነ 15, 2017 ዓ/ም
መቐለ - ትግራይ

06/22/2025

15 ሰነ በዓለ ዝኽሪ ሰማእታት ኣመልኪቱ ካብ ኪዳን ተጋሩ ንብሄራዊ ድሕነት ዝተውሃበ መግለፂ

ሰማእታትና ብቃል ዘይኮነስ ብግብሪ ይደበሱ!
************************************
በቢ ምዕራፉ፣ በቢ መድረኹ፣ ንስለ ህልውናን ቀፃሊ ውሕስናን ትግራይን ህዝባን እልፊ ኣእላፍ መላምል ተሰንኪሎም፣ ደምዮምን ተሰዊኦምን 'ዮም። ንዝሓለፉ 36 ዓመታት ድማ "ሕድሪ ሰማእታትና ኣይነዕብርን" እንዳበልና ነዛ ዕለት እናዘከርናያ መፂእና ኢና፡ ይግባእ እውን።

ኮይኑ ግና ሰማእታትና ዝድበሱ ካብ ቃል ዝሓለፈ ብግብሪ ዕላማ መስዋእቶም ክነኽብር እንከለና 'ዩ። ቃል ኣየዕበርናን ዝበሃል ሕቶ ህዝቢ እንትምለስን ፍትሒ እንትነግስን እዩ። ስለ ዝኾነ ሰማእታትና ልዕሊ መቓብር ዝገደፉልና ቃለ ሕድሪ ከይነዕብር እዛ ካብ ኢድና ወፂኣ ዘላ ትግራይ ናብ ኢድና ክንመልሳን፤ ተግባራዊ ቃልሲ ክነቀፃፅልን ይግባእ::

ህዝቢ ትግራይ ካብ ፀላእቱ ንዝተበገሱ ኩሎም ዓይነት ዓፆቦታት ሳላ ዘይኽበስ ፅንዓት ሰኒቑ ክባር መስዋትነት ዝኸፈለ ህልውንኡ ኣረጋጊፁ ነቲ ሕዚ ዝተፈጠረ ኣንፃራዊ ናይ ሰላም ሃዋህው ክፍጠር እውን ኣኽኢሉ እዩ። ነዚ ዝተፈጠረ ኣንፃራዊ ሰላማዊ ሃዋህው ብምጥቃም ግዝኣታዊ ሓድነት ትግራይ ንኽምለስ፣ ተመዛበልቲ ወገናት ናብ መረበቶም ንኽምለሱ፣ ዳግመ-ህንፀትን ሕውየትን ትግራይ ንምስላጥን ትግራይ ናብ ፍትሓውን ዴሞክራስያውን ስርዓት ዘሳግር፤ ናይ ምግባር ዓቕምን ቅቡልነትን ዘለዎ ቤት-ምኽሪ ዘካተተ ሓቛፊ ግዚያዊ መንግስቲ ንኽህልወና ካብ መፈለምትኡ ጀሚርና ከም ኪዳን እንዳተቓለስና ምምፃእና ይፍለጥ።

እንተኾነ ግን ነቲ ዘበግስናዮ ቅኑዕን ቅሉዕን ሕቶ ንጎኒ ገዲፉ ካብ ኮር ንላዕሊ ብዝበሃል ዕጡቕ ውዳበ ተደጊፉ ስርዓት ዘፍረሰ ጉጅለ ንዘቕረብናዮም ቅኑዓት ኣማራፅታት ብምንፃግ ናብ ኣፈሙዝን ጉልበትን ተሰጋጊሩ እዩ ጥራሕ ዘይኮነስ ኣብ ልዕሊ ህዝብና ዘይተደላዪ ኲናት ከዋልድ እውን ብሽም ፅምዶ ብቓልዕ ምስ ሻዕብያ እንዳሰርሐ ይርከብ። እዚ ብፖለቲካ ተሳዒሩ ህዝባዊ ቅቡልነት ዝሰኣነ ሓይሊ ሎሚ እውን ትግራይ አብ ፍፁም ናይ ጥፍኣት መንገዲ ኣእትይዋ ይርከብ።

ስለዝኾነ ሎሚ መበል 37 ዓመት ሰማእታትና እንትንዝክር ዳግማይ ናብ ዘይምልከተና ኲናት ከእትወና ዝህንደድ ዘሎ ሓይሊ ኣደብ ምትሓዝ የድሊ። ዝኾነ ጉጅለ ይኹን ወተሃደራዊ ኣዛዚ ልዕሊ ህላወ ህዝቢ ክኸውን ምንም ዓይነት ሞራላዊ ይኹን ሕጋዊ ምኽንያት ከምዘይብሉን ብመስዋእቲ ደቅኻን ብስቓይካን ዕድመ ስልጣኑ ንምንዋሕ መጋበርያ ውሽጣውን ግዳማውን ኵናት ክገብረካ ንዝኽእል ሓደገኛ ሃቐነ ብምብርዓን መላእ ህዝብና ብውነ ተረዲእኻ ኣብ ጎንና ተሰሊፍካ ክትቃለስ ንፅውዕ።

ዘልኣለማዊ ክብርን ሞጎስን ንኹሎም ሰማእታትና
ሰነ 15, 2017 ዓ/ም
መቐለ - ትግራይ