Peace International TV

06/07/2026

05/21/2026

“Ico kibanza si ico kunyweramwo itabi, urumogi canke inzoga canke za Furaha. Uwuzofatwa ariko ahanywera ivyo bintu azohanwa”

Ivyo bishikirizwa na buramatari w'intara ya Gitega Liboire Bigirimana aho muri iyo ntara hugururwa ikibanza ndangakaranga kirimwo umuhora wa interineti yo ku buntu.

Uwo mugambi watwaye ayarenga imiliyoni 80, ukaba ugiye no kurangurwa mu bibanza bishika bine biri mu gisagara ca Gitega nkuko bishikirizwa na buramatari.

Abantu 50 barashobora kuronka aho bicara, umwe wese afise aho asharija terefone. Iyo internet ishika ku metero 200, ikagira umuvuduko wa mega 400 kw'isegonda. Abantu bagera ku 600 ni bo bashobora kuyivoma, vuba cane bakazokwongerwa bagashika ku 1000.

Buramatari arashimira Perry Saxe Gateka (Gasape) asanzwe yitunganiriza imigambi kuba yarafashije kwiyumvira iyo shusho, agahamagarira n’urundi rwaruka rufise impano kuzozana mu ntumbero yo guteza imbere igisagara ca Gitega.

‎
‎
‎

05/19/2026

Inama Nkenguzamateka y'uburundi kuri uyu wa 19 Rusama 2026 yemeje 100% Thierry kuba umwe mu bagize umurwi w'igihugu ujejwe gutunganya amatora mu gisata kijejwe ibikoresho.

Uyu yahoze ari umumenyeshamakuru kw'iradiyo nkuru y'igihugu ahava aba umwunganizi w'umushikiranganji wo gutumatumanako amakuru akaba asubiriye kandi ikibanza cahoramwo nyakwigendera uwahoze ari umushikiranganji wo kumenyesha amakuru, Gabby Bugaga

05/19/2026

Umukuru w'igihugu yagenye kuri uyu wakabiri Nancy Ninette Mutoni nk'umuvuguzi wiwe akaba asubiriye Rosine Guilene yari asanzwe ari muri ayo mabanga kuva 2022.

Nancy Ninette atowe inyuma y'igihe ari mu mabanga y'ubuvugizi no gutanga amakuru. Yarabaye umumenyeshamakuru mu nyuma aba umuvugizi w'icegera ca mbere c'Umukuru w'igihugu, mu mugambwe Cndd-Fdd.

Uwundi yagenywe ni Col retraité Floribert Biyereke akaba subiriye Sébastien Ntahongendera yagizwe umuhanuzi muri urwo rwego nyene.

Muri iki gihe yakora mu mugwi ujejwe kurondera ukuri no kurekuriranira

05/03/2026

Amakuru makuru makuru yaranze iyi ndwi twaraye dusozereye mu .

1) Ku musi wakabiri igenekerezo rya 28/04 niho uwahoze ari umushikiranganji ajejwe itumatumanako n'ibimenyeshamakuru , Gabby yashinguranwa iteka mw'itongo ry'abapfuye ku . Ni umugirwa witabiriwe n'abategetsi batandukanye bagize reta y'Uburundi.

2) Kuri uwo musi nyene, umukuru w'igihugu yarahinduye yongera aragena abashikiranganji bashasha. Muganga Fidèle yagenywe kuba umushikiranganji w'amagara y'abantu asubirira Dr. Lyduine . Naho Ir. Égide yasubiriye Damien mu bushikiranganji muvyo bujejwe harimwo inyubako mu gihe ambassadeur Evelyne yahora aserukira Uburundi mu gihugu ca yagenywe mu bushikiranganji bw'itumatumanako no kumenyesha amakuru. Abo bose baciye barahira imbere y'umukuru w'igihugu kuwa 29/04 mu ngoro y'amakoraniro mu imbere y'umukuru w'igihugu.

3) Ku musi wagatanu igenekerezo rya 01 Rusama 2026, Uburundi bwarifadikanije n'amakungu mu guhimbaza umusi mukuru wahariwe abakozi n'akazi. Ibirori ku rwego rw'igihugu bikaba vyatunganijwe ku murwa mukuru w'igihugu, Gitega vyatewe iteka n'umukuru w'igihugu Evariste Ndayishimiye. Célestin aserukira urunani mpuzamasendika y'abakozi akaba yavuze ko uwo musi mukuru wash*tse abakozi ba reta n'abigenga bahanzwe n'ibibazo bikomeye vy'ubutunzi harimwo iduga ry'ibiciro, ikena ry'igitoro, amazi n'umuyagankuba, kamwanawamama kibonekeza mw'itangwa ry'akazi n'ibindi. Agasaba ko vyotorerwa umuti. Umukuru w'igihugu akaba yavuzeko iduzwa ry'umushahara ridakunda mu gihe umwimbu mu kigega ca reta udashemeye kubw'ivyo atawohembwa atinjije. Akaba yabasavye nyabuna kwijukira ibikorwa bizana umwimbu.

4) Ejo ku musi wagatandatu, umukuru w'igihugu yarafashe urugendo rw'akazi rumushikana mu gisagara ca aho ni mu gihugu ca .

04/27/2026

Umugambwe CNDD-FDD waraye wongeye kwizera umukuru w'igihugu Evariste Ndayishimiye ngo azowuserukire mu matora y'umukuru w'igihugu yitezwe mu mwaka 2027.

Iyo ngingo yavuye muvyapfunditswe mu mwiherero ugizwe n'ikoraniro kaminuza ry'umugambwe ejo ku musi wamungu I Gitega ku murwa mukuru wa poritike w'igihugu.

Ni ibirori vyari vyitabiriwe n'abaje baserukira imigambwe iri ku butegetsi mu bihugu vya Uganda, Nigeria, Tanzania, Afurika y'Epfo, Tchad n'ahandi nkuko bimenyeshwa n'umugambwe CNDD-FDD.

Prezida Ndayishimiye akaba yaciye arahira imbere y'abanywanyi bagize umugambwe yiyemeza "kubandanya ikivi, yongerako " turi kumwe twese kugira umurundi wese atunge kandi atunganirwe"

Ivyo bibaye inyuma y'urukurukuru ku mbuga hwaniro ko ariwe yari yitezwe kugenwa.

Prezida Ndayishimiye w'imyaka 57 yinjiye mu mabanga yiwe muri 2020 asubiriye mugenzi wiwe umuhisi prezida Pierre Nkurunziza.

Kuva ibwirizwashingiro ryo 2018 rihinyanyuwe, ikiringo c'umukuru w'igihugu cavuye ku myaka 5 gishirwa ku myaka 7.

📷: Umukuru w'igihugu/ X

-fdd

04/23/2026

Musenyeri wa Diyosese nkuru ya Bonaventure Nahimana ahamagarira indongozi kwitwararika abo zirongoye mu kuzironsa ivyo bipfuza mu bisata vyose vy'igihugu.

Mu nkuka y'imisa yugurura icese amasengesho y'imisi itatu y'amashimwe y'umugambwe uri ku butegetsi CNDD-FDD kuri uyu wakane igenekerezo rya 23 Ndamukiza 2026, Nahimana abahamagarira kurongora ababizigiye bakabatora mu rukundo n’ubwira.

Abategetsi batandukanye bagize reta bari bitavye iyo nkuka y'imisi harimwo n'umukuru w'igihugu Evariste Ndayishimiye. Ayo masengesho atagekanijwe gusozerwa kuwa 25/04/2026 aje akurikira iyugururwa ry'inyigisho zijanye n'inyifato ibereye mu matora y'umukuru w'igihugu ya 2027.

Musenyeri abahamagarira kubera akarorero keza abanyagihugu mu kubatunganiza barondera ineza yabo. Yabibukije ko aribo barongoye ibisata nka vyose bigize ubuzima bw’abanyagihugu.

Arangiza abasaba rero kugwaniriza hamwe ivyoshobora kuzingamika iterambere ry’igihugu canke kugisubiza inyuma. Afatiye kw'ijambo ry'Imana yibutsa ko basabwa kugwanya akarenganyo, ka mwana wa mama bagashira imbere ineza ya bose.

📸Le Renouveau

04/22/2026

Reta y'Uburundi imenyesha ko uwahoze ari umushikiranganji wo kumenyesha amakuru n'itumatumanako , umuhisi Gabby BUGAGA azoshinguranwa iteka ku musi wa Kabiri igenekerezo rya 28/04/2026 mw'itongo ry'abapfuye ryo ku nkuko biri mw'itangazo ryayo kuri uyu wagatatu.

Umuhisi yatowe ikiziga kuwa 16/04/2026 ari mu muduga wiwe w'akazi mu murima w'ibigazi mu Kivoga aho ni mu buraruko bw'igisagara ca Bujumbura.

Reta y'Uburundi yavuze yuko urupfu rwiwe rwaturutse kw'isanganya ariko ntiyatomora neza ubwoko bw'iryo sanganya.

04/22/2026

Umukuru w’igihugu c’Uburundi, Evariste atera akamo abarundi kwirinda amakuru y’ibihuha aba afise intumbero yo guhuvya no gucanishamwo abanyagihugu akunze kwibonekeza mu bihe vy’amatora.

Mu birori vyo kwugurura icese inyigisho zijanye n’amatora y’umukuru w’igihugu kuri uyu wagatatu ku murwa mukuru wa poritike I Gitega, perezida Ndayishimiye yagabishije abanyagihugu kuhagabira atanga uturorero nka barukoti, agashinge twaranze amatora yo muri kahise.

“Iyo twimirije amatora murazi yuko hakunda kuba ibihuha vyinshi navyo birahungabanya imitima y’abantu ugasanga imitima iri mu kirere. Muravyibuka muri kahise himirije amatora waza wumva abantu ngo hariho abantu bakurana amenyo. Ukabona abantu barahungabanye ngo hariho abatera agashinge, ba rukoti. Abo bose ni kugira bahungabanye imitima y’abantu”.

Ivyo birori vyari vyitabiriwe n’isinzi ry’abanyagihugu, abategetsi batandukanye bagize reta, abaserukira ibihugu vyabo, imigambwe n’amashirahamwe yigenga.
Prosper Ntahorwamiye arongoye umurwi w’igihugu ujejwe gucungera amatora yamenyesheje ko ikirangamisi c'amatora y'umukuru w'igihugu kizomenyeshwa mu kwezi kwa Rusama kwimirije, inyuma y'inama umurwi CENI uzogirana n'aberwa n'amatora bose.

Asigura yuko abazokwandikwa kugira bitabire ayo matora ari abatari bwakwize imyaka 18 igihe haba itora ryo mu mwaka uheze wa 2025, abahungutse bakwije ibisabwa n'amategeko kugira baronke uburenganzira bwo gutora hamwe n’abandi banyagihugu batashoboye kwiyandikisha mu matora aheze ya 2025 bafise imvo zumvikana.

Uburundi bwaheruka vuba mu matora y’abashingamateka, abakenguzamateka n’abahanuzwajambo b’amakomine mu mwaka 2025. Umugambwe uri ku butegetsi CNDD-FDD niwo watahukanye intebe nyishi. Imigambwe itavuga rumwe na reta ntiyashimye ivyavuye mu matora ivuga yuko yaranzwe n’utunenge dutandukanye.

Amasamu : Iris News/ Jimbere Magazine

04/21/2026

Kuri uyu wakabiri, umukuru w'igihugu Evariste Ndayishimiye yaganutse mu gihugu inyuma y'ingendo zigera kuri zitatu mu makungu.

Kuwa 16/04/2026 yafashe urugendo yerekeza mu gihugu ca Congo Brazzaville gushigikira mugenzi wiwe , perezida Denis Sassou N'Guesso mu birori vyo kurahira nk'umukuru w'igihugu mu kiringo kigira gatanu ari ku butegetsi.

Kuwa 17 Umukuru w'igihugu yaciye yerekeza muri Turukiya yitavye inama ijanye n'imigenderanire Antaya ( ADF 2026). Muri ico gihugu, prezida Ndayishimiye yarabonanye na mugenzi wiwe Recep Tayyip Erdogan aho baganiriye ibijanye n'inyungu hagati y'ibihugu vyabo na cane cane mu gisata c'indero.

Nkuko tubikesha ibiro vy'umukuru w'igihugu c'Uburundi, perezida Ndayishimiye yarabonanye n'abandi bategetsi batandukanye aho yahaye umubonano M. Barham Salih umukuru w'ishirahamwe ryitaho impunzi kw'isi. Uwo nawe yarakeje Uburundi ku twigoro tujanye no gutsimbataza amahoro no kwitaho impunzi. Barham yasavye prezida Ndayishimiye asanzwe arongoye ishirahamwe ry'ubumwe bw'Afrika gutorera inyishu ingorane zihanze umugabane wa Afrika nkuko asanzwe "abikora neza mu bihugu vya Repuburika Iharanira Demokarasi na Somalia" .

Urugendo rwiwe rwa nyuma yarusozereye mu gihugu ca Burkina Faso kuwa 20/04 aho yabonanye na mugenzi wiwe Traoré igihugu ciwe gisa nkicahariwe ivomo mw'ishirahamwe ry'ubumwe bwa Afrika inyuma yo gutembagaza ubutegetsi muri 2022. Traoré asanzwe arongoye kandi umugwi wishize hamwe w'ibihugu vya Sahel nawo utabona kumwe na UA inyuma yo gufata igihugu bakoresheje inguvu za gisirikare.

Isanamu: Ntare Rushatsi