01/02/2025
“ចំណូលចិត្តក្នុងវិស័យសិល្បៈរបស់ (ហ្លួងតា) គឺជាផ្នែកមួយនៃហេតុផលដែលខ្ញុំជ្រើសរើសអាជីព សម្តែង” សារក្នុង IG របស់អ្នកអង្គម្ចាស់ នរោត្តម រស្មីខែមុនី ក្នុងឱកាសខួប ៣ឆ្នាំ នៃការយាងចូលទីវង្គតរបស់ ព្រះបាទសម្ដេចព្រះ នរោត្តម សីហនុ ដោយផ្ជាប់ជាមួយរូភាពរបស់ ព្រះបរមរតនកោដ្ឋ និងអ្នកអង្គម្ចាស់ Muni Norodom។
នៅឆ្នាំ ២០១៧ អ្នកអង្គម្ចាស់ នរោត្តម រស្មីខែមុនី បានបញ្ចប់ការសិក្សាពី American Academy of Dramatic Arts នៅសហរដ្ឋអាមេរិក។ ក្នុងឆ្នាំ២០២២ អ្នកង្គម្ចាស់ រស្មីខែមុនី មានស្នាព្រះហស្តសម្តែងជាតួអង្គឯក ឈ្មោះ ដេនី (Danny) ក្នុងរឿងហូលីវូដ ដែលមានចំណងជើងថា 1660 VINE ហើយនេះក៏ជាតួងអង្គដំបូងរបស់ទ្រងផងដែរ។
អ្នកអង្គម្ចាស់ នរោត្តម រស្មីខេមុនី ត្រូវជាព្រះបុត្រាបង្កើតនៃ សម្តេចរាជបុត្រី នរោត្តម អរុណរស្មី និងឯកឧត្តម កែវ ពុទ្ធរស្មី ។ ត្រូវជាព្រះនត្តា(ចៅ) ព្រះករុណា ព្រះបរមរតនកោដ្ឋ និងសម្តេចព្រះមហាក្សត្រី ព្រះវិររាជមាតាជាតិខ្មែរ និងត្រូវជាព្រះភាគិនេយ្យ(ក្មួយប្រុស) ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនីព្រះមហាក្សត្រ នៃព្រះរាជាណាចក្រកម្ពុជា។
#សាទរកម្ពុជា #អ្នកអង្គម្ចាស់ #អ្នកអង្គម្ចាស់នរោត្តមរស្មីខែមុនី #ព្រះបរមរតនកោដ្ឋ #ព្រះបាទនរោត្តមសីហនុ
