09/17/2025
iOS26 ကို အဆင့်မြှင့်တင်ပြီးကြပြီလားခင်ဗျ။ အကယ်၍ တင်ပြီးပြီဆိုရင် အလွန်အရေးကြီးတဲ့ setting လေးတစ်ခုကို ပြောပြချင်ပါတယ်။ မြန်မာနိုင်ငံက iPhone အသုံးပြုသူတွေအတွက် ပိုပြီး အရေးပါပါတယ်။
iOS 26 မှာ "Screen Unknown Callers" ဆိုတဲ့ feature အသစ်တစ်ခု ပါလာပါတယ်။ ဒီ feature က သင့်ဖုန်းထဲမှာ contact အဖြစ် မသိမ်းထားတဲ့ နံပါတ်ကနေ ဖုန်းခေါ်ဆိုလာတဲ့အခါ သင့်ဖုန်းက အလိုအလျောက် Call Screening လုပ်ပြီး "ဟေး၊ ခင်ဗျားဘယ်သူလဲ၊ ဘာကိစ္စနဲ့ ဆက်တာလဲ” လို့ E လိုအရင်မေးမြန်းပါတယ်။ တဖက်က ခေါ်ဆိုသူက အင်္ဂလိပ်လို ပြန်ပြောနေတာကို ကြားတဲ့အခါ ဘာလဲဟ ဆိုပြီး ဖုန်းချသွားတာမျိုးတွေ ဖြစ်တတ်ပါတယ်။ ဒါ့ကြောင့် အရေးကြီးတဲ့ ကိစ္စ (ဥပမာ Delivery service) တွေဆိုရင် ဖုန်းလက်ခံသူဟာ အခက်အခဲတွေနဲ့ ကြုံတွေ့ရနိုင်ပါတယ်။ Missed Calls တော့ ကျန်ခဲ့ပေမယ့် ပြန်ခေါ်ရတာ၊ အချိန်ကုန်တာမျိုးတွေ ဖြစ်နိုင်ပါတယ်။
ဒီတော့ Unknown Callers တွေ ခေါ်ဆိုတဲ့အခါ သင့် iPhone က အလိုအလျောက် မဖြေဆိုဘဲ သင့်ဆီ တိုက်ရိုက်ဝင်ရောက်နိုင်အောင် ဒီ setting လေးကို မြန်မြန်ပြင်ဆင်ထားသင့်ပါတယ်။
၁။ Phone App ထဲကို သွားပါ။
၂။ Call Filtering ကနေ Unknown Callers ကို Off ထားပါ။ (ပုံမှာပြထားတဲ့အတိုင်း လုပ်ဆောင်နိုင်ပါတယ်။ On ထားမယ်ဆိုရင် သင့်ဖုန်းထဲမှာ မမှတ်ထားတဲ့ ဖုန်းနံပါတ်တွေက သင့်ကို ခေါ်ဆိုလို့ ရမှာမဟုတ်ပါဘူး။)
၃။ Phone App အောက်မှာပဲရှိတဲ့ Screen Unknown Callers ကို ဆက်သွားပါ။ iOS Setting အရ Ask Reason for Calling က Default ဖြစ်နေပါလိမ့်မယ်။ အဲဒါကို Never ကို ပြန်ပြီး ရွေးပေးလိုက်ပါ။
ဒီအချက်တွေကို လိုအပ်နေတဲ့သူတွေ အချိန်မီ ပြင်ဆင်နိုင်ဖို့အတွက်လည်း ဆက်လက်မျှဝေပေးကြပါဦးခင်ဗျာ။
မူရင်းတင်သူ ပန်းသီးဖီလင်
