https://www.facebook.com/692709317528705/

Ethio Daily ኢትዮ ዴይሊ, 4320 Cascade Falls Court, Royse City, TX (2025)

11/17/2025

ደረቅ እንጀራ በሸቀጣ-ሸቀጥ መደብሮች እንዳይሸጥ የሚከለክል መመሪያ ሊዘጋጅ ነው ተባለ

ደረቅ እንጀራን በየሰፈሩ በሚገኙ የሸቀጣ-ሸቀጥ ሱቆች ውስጥ ለጤና ጎጂ ከሆኑ ምርቶች እና ንጥረ-ነገሮች ጋር ለገበያ ማቅረብን የሚከለክል አዲስ መመሪያ በቅርቡ ሥራ ላይ እንደሚያውል የአዲስ አበባ ምግብና መድኃኒት ቁጥጥር ባለሥልጣን አስታውቋል።

ይህ ውሳኔ የደረቅ እንጀራን ንጽሕና እና የሸማቹን ጤና ለመጠበቅ ያለመ መሆኑ ተገልጿል።

በተቋሙ የምግብና ጤና ነክ ተቋማት ቁጥጥር ዳይሬክተር አቶ እስጢፋኖስ ጌታቸው የመመሪያውን አስፈላጊነት አስመልክቶ ለአሐዱ ሬድዮ በሰጡት ማብራሪያ፤ በሸቀጣ-ሸቀጥ መደብሮች ውስጥ እንደ ሳሙና እና ኦሞ ያሉ የጽዳት እቃዎች፤ እንደ ፊሊት፣ በረኪና እና የአይጥ መርዝ ያሉ አደገኛ ኬሚካሎችን ጨምሮ ሌሎችም ከምግብ ጋር መቅረብ የማይገባቸው ምርቶች ለሽያጭ ስለሚቀርቡ ደረቅ እንጀራን ከእነዚህ አደገኛ ይዘት ካላቸው ጎጂ ንጥረ-ነገሮች ማራቅ አስፈላጊ ሆኖ በመገኘቱ እንደሆነ ገልጸዋል።

አዲሱ መመሪያ ደረቅ እንጀራ ለገበያ እንዲቀርብ የሚፈቅድባቸው ቦታዎች፤ ለእንጀራ ብቻ ተብለው የተዘጋጁ የእንጀራ መሸጫ መደብሮች፣ ዳቦ ቤቶች እንዲሁም አጠቃላይ ምግብ አቅራቢዎች ማለትም ካፌ፣ ሬስቶራንት እና ሆቴሎችን ጨምሮ በምግብ ነክ ምርት አቅራቢ መደብሮች ውስጥ ብቻ ነው ተብሏል።

ዳይሬክተሩ አቶ እስጢፋኖስ፤ እንጀራ ከተመረተ (ከተጋገረ) በኋላ የሚጓጓዝበት መንገድም ቁጥጥር ከሚደረግባቸው ነገሮች መካከል አንዱ እንደሆነ አብራርተዋል።

ደረቅ እንጀራ ከተመረተበት ቦታ ለተገልጋዩ በሽያጭ ወደሚቀርብበት ቦታ ሲጓጓዝ ትክክለኛ እና ለብክለት ያልተጋለጠ እንዲሆን መመሪያው ያስገድዳል።

የዝግጅት ሥራው የሚጠናቀቅበት እና ሥራ ላይ የሚውልበት ጊዜ ያልተጠቀሰው አዲሱ መመሪያ፤ "አሁን ያለውን 'ጎጂ መስሎ የማይታይ' የተሳሳተ አሰራር መቀየርን ዓላማው ያደረገ ነው" ተብሏል።

መመሪያው በተጨማሪም፤ እንጀራው የሚታሸግበት/የሚሸፈንበት ስስ ላስቲክ ለምግብ መጠቅለያነት የሚያገለግል መሆን አለመሆኑ ተጠንቶ; ደረጃ እንዲወጣለት የሚያስገድድ አንቀጽ እንደተካተተበትም አቶ እስጢፋኖስ ጨምረው ለአሐዱ ተናግረዋል።

ዳይሬክተሩ በመጨረሻም በርካታ ደረቅ እንጀራ አምራቾች በግል እና በቡድን በመደራጀት በሕጋዊ መንገድ የእንጀራ ማምረት እና መሸጥ ሥራ ላይ እንደተሰማሩ ጠቅሰው፤ ከቅርብ ጊዜ ወዲህ የዘርፉ ቁጥጥር መጠናከሩ እንጀራን ከባዕድ ገነር ጋር ቀላቅሎ የማምረት ሕገ-ወጥ እና ኢ-ሞራላዊ አሰራር እንዲቀንስ ማድረጉን አስረድተዋል።

(አሐዱ ሬዲዮ)

11/17/2025

የናይጄሪያ አሰልጣኝ የተናገረው

"በኮንጎ ተሸንፈን ከአለም ዋንጫ ማጣሪያ ውጭ የሆንነው ኮንጎዎች ድግምት አሰርተውብን ነው በድግምት ነው የተሸነፍነው "

11/17/2025

የተመራቂዋ ሙሽራ፤ የልጃችን የሊዛ ደሳለ የ40ኛ ቀን መታሰቢያ

በደሴ ከተማ በአሰቃቂ ሁኔታ ተደፍራ የተገደለችዉ የወጣት ሊዛ ደሳለ የ40ኛ ቀን መታሰቢያ ዛሬ ህዳር 8/2018 ዓ.ም.በራያ ቆቦ እንደተከናወነ ወላጆቿ ገለፁ።

መስከረም 28 ቀን 2018 ዓ.ም. በደሴ ከተማ ቦርከና ቀበሌ ሀቢታት ተብሎ በሚጠራዉ ቦታ ላይ በአሰቃቂ ሁኔታ ተደፍራ ህይወቷ ያለፈው የ21 ዓመት ወጣት ተማሪ ሊዛ ደሳለ ሞላ የ40ኛ ቀን መታሰቢያ ዛሬ ህዳር 8/2018 ዓ.ም.በራያ ቆቦ ቅዱስ ጊዮርጊስ ቤተክርስቲያን ወላጆቿ መምህር ደሳለ ሞላ እና ወላጅ እናቱ ወ/ሮ የንጉሴ ጌጡ ከራያ ቆቦ በስልክ አብራርተዋል።

ወላጆቿም ሳግ በተናነቀበት አኳኋን እንዲህ አሉ
"የተመራቂዋ ሙሽራ የልጃችን የሊዛ ደሳለ የ40ኛ ቀን መታሰቢያ ሰርጓም ምርቃቷም ፍትሀቷም ዛሬ ህዳር 8/2018 ዓ.ም.ነዉ!!"በማለት ከራያ ቆቦ ከተማ ገልፀዉልናል።

በደሴ ከተማ በሚገኘው ድሪም ሳይንስ እና ቴክኖሎጂ ኮሌጅ የአራተኛ ዓመት የፋርማሲ ተማሪ የነበረችው ሊዛ፣ በዚህ ዓመት የፊታችን ሰኔ ወር ትምህርቷን አጠናቃ ለመመረቅ እየተዘጋጀች ነበር።ከምርቃቷ በኋላ ደግሞ ከእጮኛዋ ጋር ልትጋባ(ትዳር ሊመሰርቱ)የመጨረሻዉ ምዕራፍ ላይ ደርሰዉ በዝግጅት ላይ ነበሩ።

👉ዛሬ ህዳር 8/2018 ዓ.ም.የአርባ ቀን መታሰቢያ ፍትሀት ብቻ ሳይሆን...!! ምርቃቷ፣ሰርጓ ነዉ በማለት ወላጆቿ ከራያ ቆቦ አብራርተዋል።በቀጣይ ተማሪ ሊዛ ደሳለ ሞላ ህልፈት ፍትህ ርትህ እንዲያገኝ እና ስሟን የሚያስታዉስ ህያዉ የሚያደርግ የበጎ አድራጎት ድርጅት ወይም ፋዉንዴሽን በማቋቋም የሊዛን ዓይነት ሰለባ ለሚያጋጥማቸዉ ወጣት ሴቶች ተማሪዎች ሁሉ ተደራሽ የሆኑ በጎ ስራዎችን በተግባር በመስራት ሊዛን የምትታሰብበት ዘላቂ እቅዶችን እንደሚዘረጉ ወላጆቿ ነግረዉናል።

ራያ ቆቦ (ቆቦ ከተማ) ተወልዳ ያደገችዉ የ21 ዓመቷ ወጣት ሊዛ ደሳለ ከአንድ ወር ከሳምንት በፊት ማለትም መስከረም 28 ቀን 2018 ዓ.ም. በደሴ ከተማ ሞባይል ስልክ ለማሠራት ከምሽቱ አንድ ሰዓት አካባቢ ከቤቷ በወጣች በአንድ ሰዓት ውስጥ የአስገድዶ መድፈር ጥቃት ተፈፅሞባት መንገድ ዳር ወድቃ የተገኘች ሲሆን በጭንቅላቷ፣ አንገቷ ከኋላና ከፊት በከባድ ድብደባ የደርሰባትን ሊዛ ወደ ወደ ደሴ ሪፈራል ሆስፒታል ብትወሰድም ህይወቷን ማትረፍ ሳይቻል ቀረ።ስርዓተ ቀብሯም በተወለደችበት በራያ ቆቦ ተፈፀመ።

በመምህር ደመወዝ በግል ኮሌጅ በማስተማር ለቁምነገር ልትበቃ ስትል የጠለቀችዉ ሊዛ ...!!

ቅስማቸዉ በሀዘን የተሰበረዉን የተማሪ ሊዛ ደሳለ ወላጆች መምህር ደሳለ ሞላና አካል ጉዳተኛነቷ ያልበገራት ጠንካራ እናት ወ/ሮ የንጉሴ ጌጡ ከነገሩን ሀሳብ መካከል የሚከተለውን ማንሳት ተገቢ ነዉ።

"በሊዛ ሞት ያስተዛዘነን መላ የኢትዮጵያ ህዝብ ነዉ፤ፈጣሪ ሁሉንም ከእንደኛ ዓይነት ሀዘን ይጠብቃችሁ። መቃብር ቤቷን በመስራትና ከአርባ ቀኗ ማግስት ጀምሮ ተማሪ ሊዛ ደሳለ በወላጆቿ በቤተሰቦቿ በማህበረሰቡ ቀና ትብብር ስሟን ከመቃብር በላይ ለማዋል ወደኋላ አንልም!"

በተያያዘ ዜናበሰሜን ወሎ ዞን ቆቦ ከተማ ተወላጅ የነበረችውና በደሴ ከተማ በድሪም ሳይንስ ቴክኖሎጂ ኮሌጅ የ4ኛ ዓመት ተማሪ የነበረችው ወጣት ሊዛ ደሳለ ግድያ ጋር በተያያዘ የተጠረጠረዉ ግለሰብ ህዳር 2/2018 ዓ.ም.በፖሊስ እጅ መግባቱንና
ተጠርጣሪው ወጣት ደሳለ ሲሳይ የሚባል በደሴ ከተማ የታክሲ ረዳት ሆኖ ይሰራ እንደነበር የከተማ ፖሊስ መምሪያ መግለፁ የሚዘነጋ አይደለም።

በመጨረሻም
የተማሪ ሊዛ ደሳለ ወላጆች መምህር ደሳለ ሞላ እና አካል ጉዳተኛነቷ ያልበገራትን እናቷን ወ/ሮ የንጉሴ ጌጡ..በሚቻለዉ ሁሉ ለማስተዛዘን ለማገዝ እንዲሁም ስለተማሪ ሊዛ ደሳለ ሞላ የመቃብር ቤት የ40 ቀን መታሰቢያ ድግስ በበጎነት መርዳትና የስሟ መታሰቢያ ህያዉና ቋሚ ነገር ማድረግ ፈጣሪ የሚወደዉ ስራ ነዉ።

የተማሪ ሊዛ ደሳለ ወላጆችን ለማገዝ..

መምህር ደሳለ ሞላ

➢የኢትዮጵያ ንግድ ባንክ
አካውንት ቁጥር
1000084653385

➢በስልክ.ቁጥር
0912797848

"የራያ ቆቦዋ ተወላጅ ተመራቂ ሙሽራችን ተማሪ ሊዛ ደሳለ የሁላችንም ዉብ ፍሬ ተምሳሌት ናት አንረሳሽም፤ነፍስ ይማር"

_ዘጋቢ
ጋዜጠኛ ሲሳይ መንግስቴ

11/17/2025

የማርበርግ ቫይረስን በአጭር ጊዜ ለመቆጣጠር ከሚመለከታቸው አካላት ጋር በቅንጅት እየተሰራ ነው አሉ የጤና ሚኒስትር

ዶ/ር መቅደስ ዳባ፡፡

ሚኒስትሯ በሰጡት መግለጫ የማርበርግ ቫይረስ በሽታ ታማሚ ከተረጋገጠበት ቀን ጀምሮ እስካሁን በበሽታው ለተጠረጠሩ 17 ሰዎች የላብራቶሪ ምርመራ ተደርጓል፡፡

ከዚህ ውስጥም 3ቱ የማርበርግ ቫይረስ እንደተገኘባቸው እና ሕይወታቸው እንዳለፈ መረጋገጡን ነው የገለጹት፡፡

እስካሁን 6 ሰዎች የማርበርግ ቫይረስ በሽታ ምልክቶች አሳይተው ሕይወታቸው ያለፈ ሲሆን÷ የሽታውን ምልክቶች ካሳዩ ሰዎች ጋር ንክኪ የነበራቸው 129 ሰዎች ተለይተው ክትትል እየተደረገላቸው ይገኛል ብለዋል።

ወረርሽኙን በአጭር ጊዜ ለመቆጣጠርም ጤና ሚኒስቴር ከኢትዮጵያ የሕብረተሰብ ጤና ኢንስቲትዩት፣ ከክልል ጤና ቢሮዎች፣ ከክልል የሕብረተሰብ ጤና ኢንስቲትዩቶች እንዲሁም ከተለያዩ ባለድርሻ አካላት ጋር በቅንጅት እየሰራ ነው ብለዋል፡፡

በዚህ መሰረትም ድንገተኛ የሕብረተሰብ ጤና ክስተት ፈጣን ምላሽ ዕቅድ በማውጣት በየደረጃው በተቋቋሙ የድንገተኛ የሕብረተሰብ ጤና አደጋ ማስተባበሪያ ማዕከላት አማካኝነት እየተሰራ መሆኑን አመልክተዋል፡፡

እንዲሁም ሁሉን አቀፍ ፈጣን ምላሽ ሰጪ ቡድን ወደ ቦታው በመላክ የማርበርግ በሽታ ቅኝትና ምላሽ ስራዎች በተቀናጀና በተጠናከረ መልኩ በትኩረት እየተሰራ ይገኛል ነው ያሉት፡፡

እንደሀገር በሽታውን ለመመርመር የሚያስችል የላቦራቶሪ አቅም በመገንባት በአሁኑ ወቅት በኢትዮጵያ የሕብረተሰብ ጤና ኢንስቲትዩት ውስጥ በራስ አቅም ምርመራዎች እየተከናወኑ ነው ብለዋል፡፡

በሽታው በተከሰተባቸው አካባቢዎች የተደራጀ የለይቶ ማቆያ እና ማከሚያ ማዕከላት የተቋቋመ ሲሆን÷ በሌሎች ክልሎች ደግሞ በሽታው ቢከሰት ለማከም የሚያስችል ዝግጅት እየተደረገ ይገኛል።

ለእነዚህም ተቋማት የሚያስፈልጉ የሕክምና ግብአቶችና የኢንፌክሽን መከላከያ ቁሳቁሶችን ለማሟላት ጥረት እየተደረገ መሆኑን ጠቅሰዋል፡፡

በመላኩ ገድፍ

11/17/2025

የተጣለው የ 30% ግብር በቀጣይ ወር ስራ ይጀምራል

በነዳጅ ምርቶች ላይ የተጣለዉ አጠቃላይ የ30 በመቶ ግብር በቀጣይ ወር ተግባራዊ እንደሚሆን ተገለፀ

የኢትዮጵያ መንግሥት ለረጅም ጊዜ የዘለቀውን የነዳጅ ድጎማ ቀስ በቀስ ለማስወገድ ከሚወስዳቸው ሰፋፊ የኢኮኖሚ ማሻሻያዎች አንዱ የሆነው አዲስ የግብር አወቃቀር ከሚቀጥለው ወር ጀምሮ ተግባራዊ ሊሆን ነው።

ይህ አዲስ እርምጃ በነዳጅ ምርቶች ላይ 15 በመቶ ተጨማሪ እሴት ታክስ (VAT) እና 15 በመቶ ኤክሳይዝ ቀረጥን ያካተተ አጠቃላይ 30 በመቶ ታክስ መጣል ሲሆን፤ የኢትዮጵያ ነዳጅ አቅራቢ ድርጅት ከአንድ ወር በኋላ ታክሱን መሰብሰብ ይጀምራል።

በአዲሱ መመሪያ መሠረት፣ ነዳጅ አቅራቢ ድርጅቱ የተሰበሰበውን ግብር በሙሉ ለገቢዎች ሚኒስቴር ማስገባት ግዴታው ሲሆን፤ መንግሥት በዚህም እስከ ታኅሣሥ 2018 ዓ.ም ድረስ ለቤንዚንና ናፍጣ መሸጫ ዋጋዎች ሁሉንም ህጋዊ የግብር መጠን ጨምሮ ሙሉ ወጪን የመሸፈን ግብ ላይ ለመድረስ አቅዷል።

የገንዘብ ሚኒስቴር ከአዲሱ በጀት ዓመት ጀምሮ በነዳጅ ምርቶች ላይ አጠቃላይ 30 በመቶ ግብር ሙሉ በሙሉ ተግባራዊ ሊያደርግ ማቀዱን ከሁለት ወራት በፊት መዘገቡን አስታዉሶ ካፒታል አስነብቧል፡፡

Via Sheger fm

11/17/2025

ነቢየ እግዚአብሔር ቅዱስ ኢሳይያስ በትንቢቱ ምዕ 37÷16 “አቤቱ በኪሩቤል ላይ የምትቀመጥ የእስራኤል አምላክ የሰራዊት ጌታ ሆይ አንተ ብቻኽን የምድር መንግሥታት ሁሉ አምላክ ነህ ሰማይንና ምድርን ፈጥረሃል” በማለት ይናገራል፡፡

ኪሩቤል የተባሉት የልዑል እግዚአብሔርን ዙፋን በፍርሀት በረዐድ ኹነው የሚሸከሙ መላእክት ናቸው፡፡ “የሚሸከሙት” ሲባል ግን በጸጋ የሚያድርባቸው፣ የሚቀድሱት፣ ዙፋኑን ተሸክመው ይታያሉና እንዲህ ተባለ እንጂ “በጠፈር ተቀምጦ መሠረትን ይሸከማል፤ ሁሉ በመሃል እጁ የተያዘ የዓለም ዳርቾችም በእጁ ያሉ” እንዲሉት አባቶች የሚሸከማቸውስ እርሱ ነው፡፡

ጌታችን እሳታውያን በሆኑ በኪሩቤል ጀርባ ላይ ተቀምጦ በአንድነት በሦስትነት እንደሚቀደስ ልበ አምላክ ቅዱስ ዳዊትም በመዝ 18÷10 “በኪሩቤልም ላይ ተቀምጦ በረረ፣ በነፋስ ክንፍ በረረ” በማለት ይገልጸዋል፡፡

ቅዱስ ዮሐንስም በራእይ 4÷6‐7 “በፍርሀት ሆነው ዙፋኑን ስለሚሸከሙት ስለ አርባእቱ እንስሳ ሲገልጽ “በዙፋኑም ፊት ብርሌ የሚመስል የብርጭቆ ባሕር ነበረ፤ በዙፋኑም መካከል በዙፋኑም ዙሪያ በፊትና በኋላ ዐይኖች የመሏቸው አራት እንስሶች ነበሩ፤ ፊተኛውም እንስሳ አንበሳን ይመስላል፤ ሁለተኛውም እንስሳ ጥጃን ይመስላል፤ ሦስተኛውም እንስሳ እንደ ሰው ፊት ነበረው፤ አራተኛውም እንስሳ የሚበርረውን ንስር ይመስላል አራቱም እንስሶች እያንዳንዳቸው ስድስት ስድስት ክንፎች አሏቸው በዙሪያቸውና በውስጣቸውም ዐይኖች መልተውባቸዋል፤ ቅዱስ፣ ቅዱስ፣ ቅዱስ የነበረውና ያለ የሚመጣውም ሁሉንም የሚገዛ ጌታ አምላክ እያሉ ቀንና ሌሊት አያርፉም” ይለናል፡፡

ሊቁ ቅዱስ ኤጲፋንዮስም ስለ ሥነ ፍጥረትን ነገር በሚናገረው መጽሐፉ አኗኗራቸውን በጥልቀት ሲተነትነው “ከነገደ ኪሩቤል ሁለት ገጸ ሰብእና ገጸ አንበሳን ከሱራፌል ሁለት ገጸ ንስርና ገጸ ላሕምን አንሥቶ ከኢየሩሳሌም ሰማያዊት በላይ ከሰማይ ውዱድ በታች አቁሞ በነርሱ ላይ ሰማይ ውዱድን እንደ መረሻት ጫነባቸው፤ በላይም ሕብሩ በረድ የመሰለውን ዙፋን እንደ ሠረገላ ጭኖባቸዋል፤ እነዚህንም በምሥራቅ፣ በምዕራብ፣ በሰሜን፣ በደቡብ በአራቱ ማዕዘን ጀርባቸውን ወደ ውስጥ ፊታቸውን ወደ ውጪ እያደረገ አቁሟቸዋል” ይለናል፡፡

የእነዚህ አርባዕቱ እንስሳ ፊታቸው በርካታ ምስጢራትን ሲያመለክቱ ገጸ ሰብእ በማቴዎስ፤ ገጸ አንበሳ በማርቆስ፤ ገጸ ላሕም በሉቃስ፤ ገጸ ንስር በዮሐንስ ተመስሏል፡፡ በሌላ ምስጢር የሰው ገጽ፣ የጌታን ሰው የመሆን ነገር፤ የላም ገጽ በቀራንዮ ላይ ደሙን ማፍሰሱን፤ የአንበሳ ገጽ የጌታችንን ትንሣኤ፤ የንስር መልክ የጌታን ዕርገት እንደሚያመለክቱ መተርጒማን ይተነትኑታል፡፡

የሰው መልክ ያለው ስለ ሰው ፍጥረት ይለምናል፤ የአንበሳ መልክ ያለው ስለ አራዊት ይለምናል፤ የንስር መልክ ያለው ስለ አዕዋፍ ይለምናል፤ የላም መልክ ያለው ስለ እንስሳት የሚለምን ሲሆን ከመላእክት ሁሉ ይልቅ በእግዚአብሔር ዘንድ በባለሟልነት የቀረቡ ናቸው፡፡ አባ ጊዮርጊስ ዘጋሥጫም እጅግ ምጡቅ በሆነው ዕውቀቱ የወልድ የባሕርይ አባቱን አብን በአንበሳ ይመስለዋል፤ ሥጋን ተዋሕዶ ፍጹም ሰው የሆነው ወልድን በሰው ይመስለዋል፣ በአምሳለ ርግብ ወርዶ በወልድ ራስ ላይ ተቀምጦ የታየው መንፈስ ቅዱስን የንስር መልክ ባለው መስሎታል፡፡ የጌታችን ቅዱስ ሥጋው የሚፈትትባት፤ ክቡር ደሙ የሚቀዳባት በአራቱ ኪሩቤል አምሳል አራት መአዝን ያላት ቤተ ክርስቲያንን በገጸ ላሕም አምሳል ገልጦ አመስጥሮታል፡፡ በየዓመቱ ሕዳር 8 ዓመታዊ በዓላቸው ይከበራል፡፡ ገዳማውያንም በኪሩቤል ላይ አድሮ ለሚኖረው በቅን ይገዙለታል፡፡ ገዳማቸውን እንደግፍ በዓታቸውን እናጽና፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

11/17/2025

ዩኒቨርሲቲ ስንማር አንዳንድ ሴቶች የሆነ ትምህርት ''F'' ሲያገኙ ወይም ሲወድቁ ''አስተማሪው ጠይቆኝ እምብይ ስላልኩት ነውኮ ''F'' የሰጠኝ'' ብለው የመምህራንን ስም እያጠፉ ይሰክሱን ነበር።

በገገማው ቀሚስ አሰፍቶ የኖረውና ከቅድስት ስላሴ መንፈሳዊ ኮሌጅ 3 ትምህርት ''F'' አምጥቶ ማለፍ ያቃተው በጋሻውም ቅድስት ቤተክርስቲያን ላይ ያለቃቅስ ይዟል።

ለእንዲህ ያለ ሰነፍ ተማሪ ትኩረት መስጠት ሳይሆን ''መጀመሪያ ሂድና Fህን ፋቅ (ደግመህ ተምረህ አሻሽል) ማለት ነው የሚሻለው።

የእሱን ንግግር እንደ ማስረጃ የሚወስድ ሰው ካጋጠማችሁም ከሰነፍ ተማሪ እንደሚኮርጅ የዞረበት ተማሪ ቁጠሩት።

ጨርሰናል!!

Via Addis Mekonnen

11/17/2025

አባቱ ሲሞት ከታላቅ ወንድሙ ጋር ሀብቱን በመካፈል ለድሆች መጸወተ፤ መንፈስ ቅዱስ ኪሮስ ብሎ ጠራውና መሔድ ወዳለበት መራው፡፡

ሲሄድም ከአንዲት በዓት የራስ ፀጉሩ እስከ እግሩ የሚደርስ፣ አባ በብኑዳ የሚባል ግርማው የሚያስፈራ ገዳማዊ ወጥቶ “ኪሮስ መነኲሴ ለመሆን ወደዚህ መጣህን? አለው፡፡ ይህ በሀገረ ሮም ከአባቱ ንጉሥ አብያ ከእናቱ አንሰራ ታኅሣሥ 8 ቀን የተወለደ ጻድቅ አባት በቅድስና ሕይወትና ትጋት ማዕረግ አባ ኪሮስ ከመባሉ በፊት “ዲላሶር” ተብሎ ይጠራ ነበር፡፡

ኪሮስም ቀርቦ ተባረከና ሦስት ቀን ከቆየ በኋላ ደግሞ ጠየቀው፡፡ እርሱም “አዎ በጣም እፈልጋለሁ” አለው፡፡ አባ በብኑዳም ትንሽ ደመናን ጠርቶ ወደ አስቄጥስ ገዳም በመሄድ የምንኲስናን ልብስ አምጥቶ አለበሰው፡፡ ለአባ በብኑዳ ሁልጊዜ በሠርክ ሰማያዊ ኅብስትና ወይን ቅዱስ ሚካኤል ያመጣለት ነበር፡፡

አባ ኪሮስ ለአባ በብኑዳ እየታዘዘ ይኖር ነበር፡፡ አንድ ክፉ ልብ ያለው መነኩሴ ወደ አባ በብኑዳ መጣ፡፡ የሠርክ ጸሎት ሲጸልዩ ቅዱስ ሚካኤልም የተዘጋጀ ኅብስትና ጽዋዐ ወይን ለአባ በብኑዳ ሰጠው፡፡ እንግዳው ግን አላየውምና “ይህ ጽዋና ኅብስት ከየት መጣ? ይህ ባሕታዊ መሠሪ ነው” አለ፤ አባ በብኑዳም “ለምንክፉ ታስባለህ?” አለው፤ መነኲሴውም ደንግጦ ተቀምጠው መመገብ ጀመሩ፡፡ መነኲሴው ከዚያ ኅብስተ ሰማይ በልብሱ ደብቆ ወደ አስቄጥስ ገዳም ሄደ፡፡ መነኰሳቱንም ሰብስቦ ያን ኅብስተ ሰማይ እያሳየ አወራላቸው፡፡ ይህን ሲነጋገሩ ቅዱስ ሚካኤል መጥቶ ያችን የኅብስት ቁራሽ ወደ ሰማይ ወሰዳት፡፡ እግዚአብሔርም “የተቀደሰውን ለውሻ የሰጠ በብኑዳ ክፉ አደረገ፤ ስለዚህም በረከት ይከለከላል፣ በአንበሳ ተሰብሮም ይሞታል፤ ይህንንም ኅብስት በበረሃ ላለ ፊልሞና ለሚባል መነኲሴ እስከ ዕለተ ሞቱ ሲሳይ እንዲሆነው ስጠው” አለው፡፡

የአስቄጥስ ገዳም ቅዱሳንም ያን መነኲሴ “እኛን ማን መምህርና ፈራጅ አድርጐ ሾመን” አሉት፡፡ ከእነሱ ሸሽቶም ታንቆ ሞተ፡፡ አባ በብኑዳም ይመጣለት የነበረው መና ስለቀረ አባ ኪሮስ ፍሬ እየለቀመ ያመጣ ነበር፡፡ አባ በብኑዳ በርትቶ ይጸልይ ነበር እንጂ አይመገብም፡፡ አንድ ቀንም ኪሮስ ፍሬ ሰብስቦ ሲመለስ አባ በብኑዳ አጽሙ በየቦታው ተበታትኖ አንበሳ ሲበላው አጊኝቶ አዘነ፡፡ አርባ ዓመትም መሬት ላይ ተጣብቆ ሲጸልይ ግማሽ ሥጋው አለቀ፤ ጌታችን ኢየሱስ ክርስቶስ አስነስቶ መላ ሰውነቱን ዳበሰው፤ ሰውነቱ እንደ ሕፃን ሆነ፡፡ በምድር ላይ ሰግዶ ጌታችን እንደ መብረቅ ሲለወጥና እልፍ አእላፋት መላእክት ሲያመሰግኑት አያቸው፡፡ ጌታችንም “ኪሮስ ሆይ በምድር ላይ እንዳንተ ትዕግሥትን የለበሰ አላገኘሁም፤ ለዚያ እንግዳ መነኲሴ ቅድሳቴን ለምን ሰጣችሁት?

የበብኑዳን ሥጋ ለአራዊት የሰጠሁት፤ የስጋ ጥፋቱ ቅጣት ነው፣ ለሁሉ ሥራ ፍዳ አለውና፤ አምላኩ በምድር ላይ የገሠጸው ሰው ብፁዕ ነው፡፡ ነፍሱ ግን በቅድስና አርፋለች አለው፡፡ ኪሮስም “ጌታዬ ሆይ ፍርድህ ቅን ነው” አለ፡፡ ከዚህ በኋላም ቅዱስ ኪሮስ በገድልና በትሩፋት እየተቀጠቀጠ ከኖረ በኋላ በ270 ዓመቱ ሐምሌ 8 ቀን አርፏል፡፡ ልጅ በማጣት የተቸገሩ ግድሉን አዝለው ቤተ ክርስቲያኑን ሲዞሩ ልጅ ያገኛሉ፡፡ የዘከረው በረከት እንደሚያገኝም ቃል ኪዳን ተሰጥቶታል፡፡ ጌታችንም የአስቄጥስ ገዳም አባ ባውማ ሥጋውን ገንዞ እንዲቀብረው አደረገ። ገድሉንም የጻፈለት እርሱ ነው፡፡

ገዳማውያን ስለ ጌታችን ፍቅር ተጋድለዋል፡፡ ገዳማትን እንደግፍ በዓታቸውን እናጽና፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

11/16/2025

ከሕጋዊ አደን የሚገኝ ገቢ ከፍተኛ ድርሻ ለማኅበረሰቡ እንዲውል እየተደረገ ነው

ከህጋዊ አደን ከሚገኝ ገቢ 80 በመቶ የሚሆነውን ለማህበረሰቡ ልማትና ድጋፍ ማዋል እየተቻለ መሆኑን የኢትዮጵያ የዱር እንስሳትና ጥበቃ ባለስልጣን አስታወቀ፡፡

በባለስልጣኑ የብሄራዊ ፓሪኮች መሪ ስራ አስፈጻሚ አዳነ ጸጋዬ (ዶ/ር)፤ ህጋዊ አደን ለአደን በሚፈቀዱ እንስሳት ላይ ብቻ የሚተገበር መሆኑን ለጋዜጣ ፕላስ ተናግረዋል።

ህጋዊ አደን እየሞተ ያለን እንስሳ ጥቅም ላይ የማዋል ተግባር መሆኑን ያነሱት አዳነ (ዶ/ር)፤ ህጋዊ አደን የሚፈቀደው ባረጁ ወንድ እንስሳት ላይ ነው ብለዋል፡፡

በዚህም በየዓመቱ ቀላል የማይባል ገቢ እየተገኘ መሆኑን ተናግረዋል።

ለአብነትም አንድ የደጋ አጋዘን በሕጋዊ መንገድ ሲታደን በጥቅሉ አስከ 20 ሺህ ዶላር ገቢ እንደሚገኝ አዳነ (ዶ/ር) ጠቁመዋል፡፡

ሌሎች እንስሳትም እንዲሁ በደረጃቸው ተገቢው ክፍያ እየተከፈለ በህጋዊነት እንደሚታደኑ አንስተው፤ ከዚህ ከሚገኘው ከፍተኛ ገቢ 80 በመቶ የሚሆነውን ለማህበረሰቡ ልማትና ድጋፍ የማዋል ተግባር እየተከናወነ ነው ብለዋል፡፡

የብዘሃ ህይወት መጠበቅ ለሀገር ያለውን ፋይዳ በፓርኮች አካባቢ ለሚኖሩ የማህበረሰብ ክፍሎች ግንዛቤ መፍጠር እየተቻለ መሆኑን አብራርተዋል።

እንስሳቱ እንዳይታደኑ በሁሉም ፓርኮች ላይ የታጠቁ የጥበቃ ሰራተኞች ተሰማርተው ከአካባቢው ማህበረሰብና የጸጥታ አካላት ጋር በጋራ እንደሚሰሩ ጠቁመዋል፡፡

11/16/2025

ቢቢሲ ከዓለማችን እጅግ ኃያል ሰው ጋር ከባድ የሕግ ፍልሚያ ገጥሞታል፤ ቀጥሎ ምን ይሆናል?

ቢቢሲ ለዶናልድ ትራምፕ ያቀረበው ይቅርታ የክስ ዛቻውን የሚያስቆም እንደሆነ የሚያስብ ማንኛውም ሰው በግልጽ ተታልሏል።
የቢቢሲ ቦርድ ሊቀመንበር ሳሚር ሻህ ዋና ዳይሬክተሩ እና የኒውስ ዋና ሥራ አስፈፃሚ ከሥልጣን ከተነሱ በኋላ ባደረጉት ቃለ ምልልስ ላይ ጠቅለል አድርገውታል። ፕሬዝዳንቱን "የክስ ዶሴ ይዘው ወደ ፍርድ ቤት መሄድ የሚመርጡ" ሲሉ ጠርተዋቸዋል።
ትራምፕ በተለያዩ የአሜሪካ የሚዲያ ኩባንያዎች ላይ ያቀረቧቸው የሕግ ክሶች ብዛት ለተመለከተ ይህ የሊቀ መንበሩ ገለጻ ጠቅለል ያለ መግለጫ ነው።
ፕሬዝዳንቱ፣ በጂቢ ኒውስ ቃለ ምልልሳቸው ላይ በመመስረት፣ "አስከፊ" አርትዖት አድርገው በሚመለከቱት በግልጽ ተጎድተዋል፤ እና አሁን ኮርፖሬሽኑን የሚከሱበት የገንዘብ መጠን ከፍ ብሏል።
ትራምፕ አርብ ዕለት በኤር ፎርስ ዋን ላይ እያሉ፣ ለጋዜጠኞች የተናገሩት አሃዝ "ከ1 ቢሊዮን ዶላር እስከ 5 ቢሊዮን ዶላር" እንደሚሆን ነው።
ይህንን በአውድ ለማስቀመጥ፣ ቢቢሲ ባለፈው ዓመት ከፈቃድ ክፍያ ያገኘው ዓመታዊ ገቢ 3.8 ቢሊዮን ፓውንድ ነበር።
ትራምፕ አርብ ዕለት ትራምፕ "ከአፌ የሚወጡትን ቃላት ቀይረዋል" ሲሉ ተናግረው፣ ፓኖራማ የንግግሩን ሁለት ክሊፖች "ፍጹም የተለየ ትርጉም" ለመስጠት ለምን አንድ ላይ ቆርጠው እንደቀጠሉ ማወቅ እንደሚፈልጉም ተናግረዋል።
ፕሬዝዳንቱ የተከሰተው ነገር ሆን ተብሎ እንዳልሆነ የተሰጠውን የቢቢሲ ምላሽ አይቀበሉም።

ይህ በቢቢሲ ታሪክ ውስጥ በጣም ከባድ ወቅት ነው። ቢቢሲ ስሙን የገነባው ገለልተኛ የዜና ተቋም በመሆን ነው፤ በዓለም ላይ ተቋማትን ማመን በተሸረሸረበት ዘመን ታማኝ የዜና ምንጭ በመሆን ስሙን ተክሏል።
በምትኩ ኮርፖሬሽኑ ከታማኝነት በተቃራኒው የቆመ ነው ተብሎ ተወነጀለ፤ እና በዓለም ላይ ካሉት ኃያላን ሰዎች ጋር ውድ የሆነ የፍርድ ቤት ክስ ተጋርጦበታል።
ታዲህ ነገሩ ከዚህ ወዴት ሊያመራ ይችላል?

ፕሬዝዳንቱ ለመጀመሪያ ጊዜ ጉዳዩን ወደ ሕግ ለመውሰድ ካስፈራሩበት ወቅት ጀምሮ፣ ኮርፖሬሽኑ ካሳ ሊከፍላቸው እንዳልፈለገ ግልጽ ነበር። ምንም ዓይነት ስህተት ቢፈጠር፣ በፓኖራማ ፕሮግራም ሳቢያ በትራምፕ ላይ ምንም ጉዳት እንዳልደረሰ ያምናል።
ትራምፕ ፕሮግራሙ ከተላለፈ በኋላ ብዙም ሳይቆይ ፕሬዝዳንት ሆነው የተመረጡ የተመጡ መሆን እና ቢቢሲ እንደሚለው ፕሮግራሙ በማንኛውም የአሜሪካ ቻናሎች ላይ አልተላለፈም። ታዲያ ይህ እንዴት ሊጎዳው ቻለ?
ከቢቢሲ ውጭም ያሉ ሆኑ የድርጅቱ ተቀጣሪዎች የሚስማሙበት ከዜጎች የተሰበሰበን የአገልግሎት ክፍያ ገንዘብ ለትራምፕ ክስ በካሳ መልክ መክፈል አማራጭ አይደለም።
አንድ የቀድሞ የቢቢሲ ከፍተኛ ኃላፊ እንደገለጹት ቢቢሲ የካሳውን ጥያቄ ውድቅ ማድረጉ "ትክክለኛው እርምጃ ነው"።
ነገር ግን ፕሬዚዳንቱ ክስ ለመመስረት ከወሰኑ ቢቢሲ "በፍሎሪዳ ውስጥ ምርጥ ጠበቆችን ማግኘት" እንዳለበት ተናግረዋል።
ጉዳዩን በስምምነት መጨረስ የሚለው አማራጭ የሚያገለግለው በረዥም ጊዜ የሚወጣን ወጪ ለመቀነስ ነው።
አሁን ቢቢሲ ሙሉ ትኩረቱን በቻርተሩ እድሳት ላይ በሚደረጉ ውይይቶች ላይ ትኩረት ማድረግ በሚገባው በዚህ ጊዜ ረጅምና ውድ በሆነ የፍርድ ቤት ክርክር ውስጥ የሚያልፍ ይመስላል።
የቢቢሲ ከፍተኛ ሹማምንት በአሁኑ ወቅት ለድርጅቱ ወሳኝ የሆነው ጉዳይ ላይ፣ እአአ በ2028 ከሚጀምረው አዲሱ ቻርተር በፊት፣ በመንግሥት እና በቢቢሲ መካከል ዓላማው፣ ስፋቱ፣ የገንዘብ ምንጩ ላይ በሚደረጉ መጻዒ ዕድሉን በሚመለከቱ ንግግሮች ላይ ማተኮር ነበረባቸው።
ቢቢሲ ይህንን ሊመሩ የሚገባቸውን ሰው ዋና ዳይሬክተሩን ቲም ዴቪን አጥቷል።
አሁን ከፍተኛ የቢቢሲ ኃላፊዎች ከዶናልድ ትራምፕ ጋር በጣም ጎጂ እና የኅልውና ጉዳይ በሆነው የሕግ ጉዳይ ላይ ይጠመዳሉ። የሕግ ክፍያዎች ብቻ በጣም ውድ ሊሆኑ ይችላሉ።
ቢቢሲ ስህተቱን ቀደም ብሎ ግልጽ አድርጎ ቢያርመው ኖሮ ይህ ሁሉ ሊወገድ ይችል ነበር። በምትኩ ረጅም መንገድን መርጧል።
ነገር ግን ሌላ አማራጭ መንገዶች ሊኖሩ ይችላሉ።
ቢቢሲ የዩኬ መንግሥት ጣልቃ እንዲገባ ሊጠይቅ ይችላል? ከጠቅላይ ሚኒስትር ኪር ስታርመር የሚላክ መልዕክት የትራምፕ ሀሳብን ሊያስቀይር ይችላል? ስታርመር ጣልቃ ገብተው ያላቸውን ተዐዕዕኖ አሜሪካ ላይ መጠቀም ይፈልጉ ይሆን?
በዚህ ሳምንት ለቢቢሲ አንድ አዎንታዊ ነገር የባህል ሚኒስትሯ ሊሳ ናንዲ ኮርፖሬሽኑን የተከላከሉበት ጠንካራ መንገድ ነው።
በርካታ ሰዎች ተቋሙ ላይ ያላቸውን እምነት ገልፀው፣ ቢቢሲን "በጨለማው ዘመን በተራራው ጫፍ የነበረ ብርሃን" ብለውታል፤ አክለውም አገሪቱን 'ሴሌብሪቱ ትሬተርስ' በሚለው ዝግጅቱ ወይንም ቪኢ ዴይ ላይ በሚሰጠው ሽፋን ወደ አንድነት የሚያመጣ ሲሉ አሞካሽተውታል።
ዶናልድ ትራምፕ በሌላ በኩል ቢቢሲን "ከሐሰት ዜና የከፋ" ሲሉ ጠርተውታል። ኮርፖሬሽኑ እና ጋዜጠኞቹ ምግባረ ብልሹ ናቸው ብለዋል።
በትራምፕ እና በቢቢሲ መካከል ያለው ፍጥጫ እና ፍትጊያ አሁን በይፋ ተጀምሯል።

BBC

11/15/2025

በዩናይትድ ኪንግደም (UK) የጥገኝነት ጥያቄያቸው ተቀባይነት ያገኘ ስደተኞች በአገሪቱ በቋሚነት እንዳይቆዩ እንደሚደረግ ተገለጸ።

ይህ ጉልህ የፖሊሲ ለውጥ የፊታችን ሰኞ በአገር ውስጥ ሚኒስቴሯ ሻባና መሕሙድ በኩል በምክር ቤት ይፋ እንደሚደረግ ቢቢሲ ዘግቧል።

በፖሊሲው መሠረት፤ ጥገኝነት ያገኙ ስደተኞች በዩኬ ለተወሰነ ጊዜ ብቻ የሚቆዩ ይሆናል።

ዩኬ ጥገኝነት ጠያቂዎችን በዘላቂነት የምታኖርበት አሠራር ሊለወጥ እንደሆነ የተገለጸ ሲሆን፤ የፖሊሲ ለውጥ የተደረገው በጀልባ የሚገቡ ስደተኞችን ቁጥር ለመቀነስ ነው ተብሏል።

የጥገኝነት ጥያቄያቸው ተቀባይነት ያገኘ ሰዎች " አገራቸው መመለስ አስጊ አይደለም " ተብሎ በሚታመንበት ወቅት ላይ ወደ አገራቸው እንደሚመለሱ ይደረጋል።

አሁን ላይ ዩኬ ለጥገኝነት ጠያቂዎች የአምስት ዓመት የቆይታ ጊዜ ትፈቅዳለች። ከዚያም ስደተኞች በዩኬ በዘላቂነት ለመቀጠል ማመልከት ይችላሉ።

ፖሊሲው የተወሰደው ከዴንማርክ እንደሆነ ተነግሯል።

የዴንማርክ ግራ ዘመም ሶሻል ዴሞክራት መንግሥት በአውሮፓ ጠንካራውን የስደተኞች ፖሊሲ በመተግበር ይታወቃል።

ጥገኝነት ጠያቂዎች የሁለት ዓመት የመኖሪያ ፈቃድ ከተሰጣቸው በኋላ በድጋሚ ማመልከት አለባቸው። ዜግነት ለማግኘት ያለው ሒደት ግን ከጊዜ ወደ ጊዜ ፈታኝ እየሆነ መጥቷል።

የዴንማርክን አሠራር ያደነቁት የዩኬ የአገር ውስጥ ጉዳይ ሚኒስትር፤ " በምርጫ ወቅት የተሻለ የሕዝብ ድምጽ ያስገኘ አካሄድ ነው " ሲሉ አሞካሽተውታል።

የዩኬ ሌበር ፓርቲ ጠንካራ እርምጃ ካልወሰደ " የጨለማ ኃይሎች ይወርሱናል " ሲሉ አስጠንቅቀዋል።

ዴንማርክ ስደተኞች ቤተሰቦቻቸውን የሚወስዱበትን ሒደት በማራዘም የምትታወቅ ሲሆን፤ ይህ አሠራርም በአገር ውስጥ ጉዳይ ሚኒስትሯ ተወድሷል።

ዩኬ ለስደተኞች ያላት መልካም አቀባበል በጀልባ ወደ አገሪቱ የሚገቡ ጥገኝነት ጠያቂዎች ቁጥር እንዲጨምር ማድረጉን ገልጸዋል።

BBC

11/15/2025

♦️"...በቃ ከሠል ታውቃለህ...?...በሳሙና ስታጥበው ብትውል አይፀዳም፤ በሴቶች እግር ኳስ ይሄ የግብረሠዶም ጉዳይም እንደዛ ነው የሆነብን..."

👉አሠልጣኝ ብርሃኑ ግዛው (ኢትዮጵያ ንግድ ባንክ)

✍️✍️በጋዜጠኛ ይስሀቅ በላይ (ሀትሪክ ስፖርት ኦፊሺያል)

የኢትዮጵያ ንግድ ባንክ ዋና አሠልጣኝና የኢትዮጵያ የሴት እግር ኳስ አሠልጣኞች የሙያ ማህበር ፕሬዝዳንት አሠልጣኝ ብርሃኑ ግዛው በወቅታዊው የሴቶቻችን ገመና ጉዳይ በተለይ የተመሳሳይ ፆታ ግንኙነትን (ግብረ ሰዶማዊነትን) በተመለከተ ከሀትሪክ ስፖርት ኦፊሺያል ኤክስኪዩቲቭ ኤዲተር ጋር ካደረጉት ቆይታ የተወሠደ።

🎤ሀትሪክ፡-…የሀዋሳ ከተማዋ ተጫዋች ለምለም አስታጥቄ ላይ ደረሠ የተባለውን ጥቃት አስመልክቶ ቪዲዮው በቅርቡ እንደ አዲስ ስለተለቀቀ ብዙ ሰው ጋ ደረሠ እንጂ ይሄ ነገር ከተፈፀመ እኮ በርካታ ቀናቶች አልፈዋል...ከዚህ አንፃር መግለጫችሁና ድርጊቱን ማውገዛችሁ የዘገየ አይመስልህም…?...

📌አሰልጣኝ ብርሃኑ፡-… ትክክል ነህ ጉዳዩ ልክ ቪዲዮው የተለቀቀ እለት የተከሰተ መሰለ እንጂ ችግሩ የተፈጠረው ከ15 ቀን በፊት እንደሆነ ነው ስናጣራ የሰማነው...የሚገርምህ ይሄ ነገር መከሰቱን አልሰማንም፣አናውቅምም ነበር... ነገሩን እንደ አዲስ ክብደት የሰጠው እያለቀሰች የተለቀቀው ቪዲዮ ከወጣ በኋላ ነው...ዞሮ ዞሮ ግን ከ15 ቀናት በፊትም ይሁን ዛሬ የተፈፀመ ድርጊቱ በፍፁም መደገም የለበትም...ችግሮች ቢኖሩ እንኳን የሚፈታበት መገድ ዱላ ስላልሆነ ድርጊቱ በየትኛውም መንገድ ተቀባይነት የለውም…ቪዲዮው መውጣቱ የባለጉዳዩን ማህበራዊ ህይወት ሊያቃውሱ ይችላሉ ነገር ግን ለብዙዎች ትምህርትም ይሰጣሉ... ምክንያቱም ሴቶች እግር ኳስ ላይ የምናያቸው ብዙ ችግሮች አሉ...አላስፈላጊ ስልጣኖችን የመጠቀም፣ በጥቅም የመያዝ፣የቤተሰቧቸውን ደካማ ጎን በማየት በዛ ለመጠቀም የማሠብ ነገር እንዳለ እንሰማለን፤ ከዚህ አልፎ ብዙ የሚደረጉ ነገሮችም አለ…

🎤ሀትሪክ፡-…በሴቶች እግር ኳስ ከሚደረግ ጉዳትና በደሎች አንፃር ይሄ ትንሹ ነው የሚሉ አሉ... ትቀበለዋለህ…?...

📌አሰልጣኝ ብርሃኑ፡-… እውነት ነው ከሚሰሙት ነገሮች አንፃር ለጆሮ በጣም ዘግናኝ ናቸው...ስለሚደረጉ አስፀያፊ ድርጊቶች በጆሮአችን እንሰማለን...አንዳንድ ቪዲዮዎች ሲወጡ ወይም ደግሞ ተደረጉ የተባሉ ነገሮች በአደባባይ ቢነገሩ የአሰልጣኞች፣የክለብ ኃላፊዎችን ጨምሮ ጉዳቸው ይወጣል…
ሀትሪክ፡-… በዚህ ጉዳይ ላይ በግልፅ ምላሽ እንድትሰጠኝ ነው የምፈልገውና በሴቶች ላይ ጾታዊ ትንኮሳ፣ሴትነታቸውን የመጠቀም አስገዳጅ ወሲባዊ ግንኙነት፣ለቃሉ ይቅርታ ግብረሠዶም ሳይቀር የመፈፀም ነገሮች እንዳሉ በስፋት ይወራልና በዚህ ዙሪያ ምንድነው የምትሉኝ…?...

📌አሰልጣኝ ብርሃኑ፡-… አሁን እኮ ይሄ ነገር መነጋገሪያ የሆነው ቪዲዮው በማኅበራዊ ትስስር ገፅ ይፋ በመሆኑ ነው፤ ባይወጣ እኮ ማንም አያውቀውም ተደፋፍኖ ይቀር ነበር፤ በሴቶች እግር ኳስ ዙሪያ ግብረሠዶምን ጨምሮ ለጆሮ የሚከብዱ ብዙ ነገሮችን እንሰማለን…ግን ባለጉዳዩ ወይም ስማቸው የሚነሱ ወገኖች ደፍረው ወደ አደባባይ አያወጡም፣ አንተ በጥያቄ እንዳነሳኸው ብዙ ነገሮች ይሰማሉ፣ ግን በአሉባልታ ደረጃ ከመስማት የዘለለ አይደለም፤ የራሱ የችግሮቹ ባለቤቶች ይደብቃሉ፣ በሽማግሌ ይያዛሉ፣ በማስፈራርት ወደ ኋላ እንዲሉ ይደረጋል፣ ሴትን ልጅ በሴትነቷ መጠቀም ምን አይነት ደስታስ?ምን አይነት እርካታስ ይሰጣል?እቤቷ ውስጥ ያለባትን ችግር ወይም ክፍተቶቿን ተጠቅሞ እንደዚህ ማድረግስ ምን አይነት የአእምሮ ሠላምን ይሰጣል?ሁሌም እኔ በግሌ እንደዚህ አይነቱን ነገር የምጠየፈው የማልቀበለውም...!...

🎤ሀትሪክ፡-…?..... ሌላው ብሬ ሁሉም ባይባልም በጣም ጨዋ ሴት ተጫዋቾች እንዳሉ የሚታወቅ ቢሆንም እነሱም የተመሳሳይ ፆታ ግንኙነት በግብረሠዶምም ሲብጠለጠሉ ይሠማል በዚህ ላይ ምን ትላለህ...?...

📌አሰልጣኝ ብርሃኑ፡-… ዕውነት ለመናገር የማይባል ነገር የለም፤ እንዳልከው በግብረሠዶም ስማቸው የሚነሳ ተጫዋቾች እንዳሉ ትሠማለህ ከወሬ በዘለለ ግን በማስረጃ ያቀረበ ግን የለም፤ ከስንዴ መሃል እንክርዳድ እንደማይጠፋው ሁሉ እንደዚህ አይነት ችግር ያለባቸው ሊኖሩ ይችላሉ። የማዝነው ግን በጣም ጨዋ የሆኑ ተጫዋቾችም አብረው መጨፍለቃቸው ነው በጣም የሚያመኝኝ፤ ይሄንን የግብረሠዶምን ወሬ ከሴቶች ቡድን ማፅዳት አለመቻሉ ይቆጨኛል፤ይሄ ነገር ምን እንደሆነብኝ ታውቃለህ...?...

🎤ሀትሪክ፡-…?.....ምን ሆነብህ...?...

📌አሰልጣኝ ብርሃኑ፡-… በቃ ከሠል ታውቃለህ...?...በሳሙና ስታጥበው ብትውል አይፀዳም ይሄ የግብረሠዶም ጉዳይም እንደዛ ነው የሆነብን፤ ስማችንን እንደከሠል አጥቁሮታል፤ በሳሙና ብናጥበውም አልፀዳ ያለ ነገር ሆኖብናል፤ በዚህ ጉዳይ መናገር የምፈልገው በዚህ ዙሪያ የሚያወሩ ወይም የሚያውቁ ሠዎች ካሉ ያጋልጡ፤ እኛም ወደህዝቡ አውጥተን እናጋልጣቸዋለን፤ ከዚህ ውጪ እስከ መቼ የሴት ተጫዋቾችን በዚህ ደረጃ ጥላሸት ቀብተን እንደምንጓዝ አይገባኝም....

🎤ሀትሪክ፡-…?.....ግን እኮ በዚህ በሀሜት ደረጃ እናንተ አሠልጣኞችም በጣም ትታማላችሁ፤ሙያቸውን፣ደካማ ጎናቸውን ተጠቅመው የግብረስጋ ግንኙነት የሚፈፅሙ፣ ያስረገዙ፣ እንድታስወርድ ያደረጉ፣አረ እንደውም የአሠልጣኝነት ሙያቸውን ተጠቅመው ያስወለዱ አሠልጣኞች አሉ በሚል በሀሜት የሚቦጭቋችሁ ቁጥራቸው ጥቂት አይደለምና ምን ትመልስላቸዋለህ...?...

📌አሰልጣኝ ብርሃኑ፡-… (በጣም እንደማዘን እያለ)...እንደዚህ አይነት ነገር ስሠማ በጣም ያመኛል፤አንተ እንደሠማኸው እኔም የአሠልጣኞች ስም እየተነሳ ሲብጠለጠል እሠማለሁ፤ግን አሁንም ከወሬ የዘለለ ነገር አላየሁም፤እንደዚህ የሚሉ የሚያወሩ ሠዎች ለምን ጓሮ ጓሮውን እንደሚያወሩ አላውቅም፤የሚያውቁት ነገር ካለ እንዲያጋልጡ ነው የምማፀናቸው፤ዕውነት ተደርጎ ከሆነ ሴቶቻችንን በዚህ ደረጃ አጥቅተው ከሆነ ይቅር የማይባል ኃጢአትም ወንጀልም ነው፤እኔ እርግጠኛ ሆኜ መናገር የምችለው ስለራሴ ብቻ ነው፤ከደሙ ንፁህ ነኝ ብቻ ሳይሆን ርካሽ ስሜቴን ለማርካት ከመሮጥ ይልቅ የሴቶች እግር ኳስ እንዲያድግ፣ተጫዋቾቹ መኪና፣ቤት እንዲገዙ፣ሀብት እንዲያፈሩ፣ትዳር ይዘው የተሻለ ህይወት እንዲመሩ ከሀገር አልፈው ወጥተው እንዲጫወቱ ከማድረግ የዘለለ እንዳልኩህ እዚህ ርካሽ የሆነ ነገር ውስጥ አለመኖሬን ጉዳዩንም አምርሬ እንደምጠየፍ ነው የምገልፅልህ...

🎤(ሀትሪክ፡-…?... .የመጨረሻ ጥያቄዬ ከዚህ ሁሉ ሀሜትና ድርጊት ለመገላገል ሴት ተጫዋችቾ በሴት አሠልጣኞችና ወጌሻዎች፣ የቡድን መሪዎች ቢሠለጥኑ ችግሩ ሊቀረፍ ይችላል ብለው ሀሳብ የሚጠቁሙ አሉ፤ሀሳቡ ይዋጥልሀል...?...

📌አሰልጣኝ ብርሃኑ፡-… በፍፁም አይዋጥልኝም፤ ምክንያቱም እግር ኳስ የሁለቱም ፃታ...ብዙ ወንዶች ያሉበትን ሀገር ሴት መሪ ስትመራ እያየን፣ሴት ዶክተር ወንዱን፣ወንዱ ደግሞ ሴቷን ሲመረምሩ፣ሲያክሙ እያየን እንደዚህ አይነት ሃሳብ ማቅረብ ተገቢ አይደለም፤ ከፃታው ይልቅ ዲሲፒሊንና አእምሮ ላይ መስራት ነው መፍትሄ የሚያመጣው፤እንደ አሠልጣኝ መሠረት ማኔ አይነት ጀግና አሠልጣኞች እኮ ወንዶች አሠልጥነዋል ታዲያ ወንዶች ሴቶችን ማሠልጠናቸው ለምን በክፉ ይነሳል፤ይሄ የወንዱን የመስራት መብት መግፈፍና ማግለል ነው፤ከዚህ ይልቅ የሚባለውን ከወሬ በዘለለ ያደረጉ ካሉ ከአካባቢው ዞር አድርጎ እርምጃ መውሠድ ነው የምለው....

Ethio Daily ኢትዮ ዴይሊ

11/17/2025

11/17/2025

11/17/2025

11/17/2025

11/17/2025

11/17/2025

11/17/2025

11/17/2025

11/16/2025

11/16/2025

11/15/2025

11/15/2025

Address

Telephone

Website

Alerts

Shortcuts

Share

Category