Oromia Media Network

12/22/2025

OMN: Kaayoo Qabsoo Oromoo galmaan gahuuf maaltu barbaachisa?

12/21/2025

OMN: Kaayoo Qabsoo Oromoo galmaan gahuuf maaltu barbaachisa?
Har'a 7:00 PM EST ( halkan sa'aatii 9:00 ALI) LIVE!
Gaaffii ykn Yaada qabdu?
OMN WhatsApp/ Telegram / +1 (825) 747-8696

OMN: Kaayoo Qabsoo Oromoo galmaan gahuuf maaltu barbaachisa?

12/21/2025

Dorgommiin waancaa Afrikaa 35ffaa har'a Morookoo Magaalaa Rabaat Staadiyeemiin Moolaay Abdallaatti qopheessituu Waancichaa Morookoo fi Komoroos jiddutti jalqabe.

Morookoon boqonnaa booda gooliwwan Brahim Diyaaz fi Ayyuub El Kaabiin galchiin 2 fi 0 injifatte.

12/21/2025

OMN: Kaayoo Qabsoo Oromoo galmaan gahuuf maaltu barbaachisa?

Hirmaattonni
1. Prof. Asaffaa Jaalataa
2. Dr Tsagaayee Araarsaa
3. Jamaal Ibraahim

12/20/2025

OMN: Lafaa fi Lafee, Tokkummaa (Oromummaa) fi Sabboonummaa Oromoo, Kutaa 2ffaa

12/20/2025

Godina Wallagga Bahaa aanaa Kiiramuutti caasaan mootummaa qabata araara jedhuun humnoota finxaaleyyii Faannoof golgaa ta'aa jiraa jedhan jiraattonni.

Jiraattonni OMN'f yaada kennan, mootummaan naannoo Oromiyaa nu hubachuu qaba, bara baraan araara jedhee caasaan aanaa dubbii miliqsaa asgahee jedhan.

Caasaan aanaa ammas kanumatti jiraachuu eeranii, humnoota finxaaleyyii Faannoo waliin araaramni godhamu akka hin jiraanne himaniiru.

Humni kun gandoota 10 caalaa to'atee uummata Oromoo keessaa buqqaasuu kan dubbatan jiraattonni, humna kana waliin dubbiin araara jedhamee caasaan aanaa ittiin deemu humnoota Finxaaleyyiif golgaa ta'uuf kan kaayyeffate akka ta'e himan.

Humni finxaalessa Faannoo yeroo dubbiin itti hammaatu yeroo bitachuu fi deebisee sirriitti ofgurmeessuuf keettoo caasaa aanaa keessa naqateen dubbii miliqsuuf araara jedhee sochii jalqabsiisa jedhan.

Caasaa aanaa keessa hooggansa ta'ee kan hojjatu, firri aantees isaa hooggansa Faannoo ta'ee kan uummata buqqisu faatu jira, mootummaan Oromiyaa haqa keenya barbaada taanaan caasaa aanaa qulqulleessuu qabaa jedhan.

Kana malees humnoota finxaaleyyii irraa meeshaa hiikee naannoo sanaaf nageenya mirkaneessuu akka qabu dubbataniiru.

Kan sanaan achii dubbiin araara jedhamu, keessattuu yeroo mootummaan Faannoo waliinin walwaraanaa jira jedhutti, araara Faannoo waliin jechuun caasaan gara gadii waanti godhaa jiru fudhatama hin qabaatu jedhaniiru.

12/20/2025

OMN: Walaloo; Qe’ee duudhaa kan Akaakoo Dhaalan dhabee lafa Abbaa koo!

Qe’ee duudhaa kan Akaakoo Dhaalan dhabee lafa Abbaa koo!Join this channel to get access to perks:https://www.youtube.com/channel/UCmAnzjcjIgtWuE6AnBCViTg/join

12/20/2025

OMN: ODUU MUDDEE 20, 2025
~Weerarri Faannoo Lixa Oromiyaatti hammaatee ummanni buqqa’e
~Ameerikaan Gaazaaf humna Waraanaa Itoophiyaa gaafatte
~Ameerikaan waraanni waliinii Sudaan akka dhaabbatuuf hojjataa jira jette

~Weerarri Faannoo Lixa Oromiyaatti hammaatee ummanni buqqa’e~Ameerikaan Gaazaaf humna Waraanaa Itoophiyaa gaafatte~Ameerikaan waraanni waliinii Sudaan akka d...

12/20/2025

Godina Arsii aanaa Suudeetti caasaan mootummaa gibira humnaa olii fi buusiiwwan garaagaraa nu gaafataa jiraa jedhan jiraattonni.

Jiraattonni OMN'f yaada isaanii kennan, gibira galii uummataatiin walhin gitnee fi buusiiwwan hin malleen dararaa hamaa keessa jiraachuu himaniiru.

Caasaan gandatti ramadame dhiheenyatti tajaajila nuuf kenna jennee eegaa turre kan jedhan jiraattonni, tajaajila eegaa turan dhabuu fi caasaan gandaa hojii isaa guddaa galii walitti qabuu akka godhate dubbataniiru.

Galii walitti qabuun gaarii ta'uu eeranii, galiin walitti qabamu garuu humna uummataan kan walgite ta'uu akka qabu dubbataniiru.

Haalli amma jiru garuu gibiraa fi buusii humna uummataan walgitu sassaabuu otoo hin taane, maallaqa isin gaafanne akka feetan ta'aa fidaa jechuu dha jedhan.

Mootummaan rakkoo isaanii hubachuufii akka qabu gaafatanii, gibirrii fi buusiin gaafatamu kan humna uummataan walgitu ta'uu akka qabu dubbataniiru.

12/20/2025

Godina Jimmaa aanaa Nadhii Gibeetti mindaan keenya seeraan ala nurraa citaa jiraa jedhan barsiisonni.

Barsiisonni OMN'f yaada isaanii kennan, doozara binnaa mindaa ji'a tokko gadi dhiisaa nuun jedhanii jedhu.

Jireenya qaalii kana keessatti mindaa ji'a tokko akkamiin dhiisuu dandeenya jedhanii kan gaafatan barsiisonni, dirqisiisanii isaan mallatteessisaa akka jiran dubbataniiru.

Barsiisaa yaada kana morme WBO deeggarta jechuun sababa itti barbaadanii caasaan mootummaa doorsisaa akka jiru himaniiru.

Dhimma kana irratti waajjira barnootaa aanaa Nadhii Gibee dubbisuuf yaaliin goone ammaaf hin mikkoofne.

Yaada isaanii akkuma arganneen isin biraan geenya.

12/20/2025

Godina Wallagga Bahaa aanaalee Kiiramuu fi Giddaa Ayyaanaatti haleellaan humnoota finxaaleyyii Faannoo hammaachuu jiraattonni himan.

Haleellaan kun gara aanaa Guutoo Giddaa kan dhiheenya magaalaa Naqamtee jirtuuttis babal'achuu jiraattonni OMN'f yaada isaanii kennan dubbatan.

Haleellaan humnoota Finxaaleyyii waggootaaf ture xiqqoo akka qabbanaa'uu fakkaatee ture kan jedhan jiraattonni, hidhattoonni kun haleellaan raawwatan irra deebiin laboobuu himaniiru.

Jiraataan aanaa Kiiramuu OMN'f yaada isaanii kennan nageenya isaaniif jecha maqaan isaanii akka dhahamu hin barbaadne tibbana qofaa namoonni kumaatamaan lakkaa'aman qe'ee isaanii irraa buqqaafamuu dubbataniiru.

Gandoota Ashuu Kusaayee, Baabbuu fi Guddina Jireenyaa jedhamanii uummanni Oromoo buqqaafamuu kan dubbatan jiraattonni, hidhattoonni kunneen asjiraachuu hin dandeessan nuun jedhanii jedhu.

Qe'ee keenyatti laga Abbayyaa cehanii dhufanii asjiraachuu hin dandeessan nuun jechuun kun dubbii saalfachiisaa dha jedhan.

Mootummaan naannoo Oromiyaa jiraachuudhuma isaatuu nu shakkisiisa kan jedhan jiraataan kun, caasaa gandoota hedduu humnoonni finxaaleyyii Faannoo qabatanii akka jiran dubbatan.

Jiraataan aanaa Giddaa Ayyaanaa OMN dubbise immoo amma ammaa Faannoo jalatti bullaafii mootummaa jalattii bullaadhaa walii isaa wallaallee jedha.

Hidhattoonni kunneen hanga sadarkaa aanaatti hidhata tolfatanii qabu, hidhatanii gandoota hedduu keessa qubatanii jiruu jedhe.

Gaaf fedhan duulaan bobba'anii uummata buqqaasanii, qe'ee uummataa mancaasanii, saamanii waan fedhan godhaa jiraachuu himanii, qaama humna kana irratti tarkaanfii fudhatee uummata tasgabbeessu akka dhaban dubbate.

Jiraataan aanaa Guutoo Giddaa immoo yaada kennaniin duraan aanaalee naannawaa daangaatti rakkoo keessa ture, amma rakkoon qe'ee keenyas dhufee jedhan.

Humnoonni kun andaara magaalaa Naqamtee dhufanii tibbanuma uummata buqqaasuu kan dubbatan jiraataan aanichaa, humni kun uummata irratti balaa guddaa aggaamuu himaniiru.

Furmaata waaraa barbaadnaa jedhu jiraattonni yaada isaanii OMN'f kennan.

12/20/2025

Waancaan Afrikaa 35ffaan qopheessummaa Morookootiin dilbata boruu muddee 21 bara 2025 irraa jalqabee hanga Amajjii 18 bara 2026tti adeemsifamaa.

Bara 1957 qopheessummaa Sudaanin kan jalqabe waancaan Afrikaa bara kana yeroo 35ffaaf qopheessummaa Morookootiin geggeefama.

Bara kana yeroo lammataaf kan qopheessitu Morookoon tapha baniinsaa magaalaa guddoo biyyattii Rabaat keessatti Istaadiyeemii guddicha mootii Moolaay Abdallaa kan daawwattoota kuma 69 ol qabatu keessatti Komoroos waliin taphatti.

Maqaa Atilaas Laayinsi jedhamuun kan beekamu gareen biyyaaleessa Morokoo kubbaa miilaatiin Afrikaa keessaa sadarkaa jalqabaarra, addunyaarraa ammoo sadarkaa 11ffaarra kan jiru yoo ta'u, biyyoota waancaa kana ni injifatu jedhamani eeggaman keessaa isa tokko.

Waancaa Afrikaa 35ffaa kana irratti biyyoonni Afrikaa 24 kan hirmaatan yoo ta'u, ramaddii 6tti qooddamuun falmii taasisuu.

Ramaddi A jalatti Morookoo, Maalii, Zaambiyaa fi Komoroos waliin ramadamuun wal falmu

Ramaddii B: jalatti Masirii, Afrikaa Kibbaa, Angooolaa, Zimbaabuwee.

Ramaddii C: jalatti Naajeeriyaa, Tuniiziyaa, Yugaandaa, Tanzaniyaa.

Ramaddii D: jalatti Senegaal, DR Koongoo, Beenin, Botiswaanaa.

Ramaddii E: jalatti Algeeriyaa, Burkinaa Faasoo, Iqquwaatooriyaal Giinii, Sudaan.

Ramaddi F: jalatti Ayivorii Kost, Kaameruun, Gaabon, Mozaambiik waliin ramadamuun morkii miidhagaa taasisu.

Ramaddiiwwan hunda keessaa gareeleen qabxii olaana argatan lama lama kallattiin marsaa mo'anii darbuutti ce'u. Dabalataan gareeleen afur qabxii gaarii qabaachuun sadarkaa sadaffaan xumuranis marsaa ittaanutti ni ce'u.

Bara 2030tti Ispeen fi Porchugaal wajjiin qopheessummaa waancaa addunyaatiif qophii irraa kan jirtu Morokoon dorgommii kanaaf Istaadiyeemiiwaan garagaraa miidhagsitee jirti.

Magaalota biyyatti jaha keessatti Istaadiyeemiiwwan sagala dorgommii Waancaa Biyyoota Afrikaa kanaaf kan qopheessite Morookoon, Istaadiyeemiiwwan 4 magaalaa guddoo biyyatti Rabaat keessatti argamu.

Waancaa Afrikaa kanaa Biyyi Misraa yeroo 7, Kaameruun yeroo 5, Gaanaan yeroo 4, Naayijeeriyaa yeroo 3, Ayveerikoosti yeroo 3 injifachuun biyyoota olaantummaa qabaniidha.

Itoophiyaan biyyoota waltajjii waancaa Afrikaa hundeessan keessa takka taatus seenaan waancaa Afrikaa irratti qabdu xinnaa ta'uu isaattu dubbatama.

Itoophiyaa bara 1962 waancaa Afrikaa qopheessuun waancicha kan injifatte yoo ta'u irra deebiin bara 1968 fi 1976 qopheessitus injifachuu hin dandeenye.

Hirmaannaan waancaa addunyaa irratti qabdus gadi bu'aadha.