Voice of Kampuchea Krom - VOKK

Home
United States
San Jose, CA
Voice of Kampuchea Krom - VOKK

ប្រភពព័ត៌មានពិតស្ដីពីដែនដីកម្ពុជាក្រោម ។

វិទ្យុសំឡេងកម្ពុជាក្រោម គឺជាសំឡេង របស់សហព័ន្ធខែ្មរកម្ពុជាក្រោម ផ្សាយ ចេញពីសហរដ្ឋអាមេរិក សម្រាប់បំរើ ដល់បងប្អូនជនរួមឈាមខែ្មរ និងខែ្មរក្រោម ដែលកំពុងរស់នៅ លើមាតុភូមិកំណើតដ៏ជាទីស្រឡាញ់របស់យើង ។

វិទ្យុសំឡេងកម្ពុជាក្រោម ផ្សាយជាខេមរ ភាសា ដែលផលិត ដោយសហព័ន្ធខែ្មរ កម្ពុជាក្រោម បានចាប់បដិសន្ធិនូវថៃ្ង ទី ០១ ខែមិថុនា ឆ្នាំ ២០០១ ក្នុងគោល បំណងផ្សព្វផ្សាយនូវ ព្រឹត្តិការណ៍ថ្មីៗ ពី មាតុភូមិកម្ពុជាក្រោម និងសកម្មភា

ព ចលនាតស៊ូ ដោយអហឹង្សា នៃសហព័ន្ធ ខែ្មរកម្ពុជាក្រោម លើឆាក អន្តរជាតិ ព្រមទាំងពាំនាំនូវទង្វើរំលោភសិទ្ធិមនុស្សពីសំណាក់ រដ្ឋអំណាចយួន កុម្មុយនិស្តទៅលើបងប្អូនជនជាតិដើម ខែ្មរក្រោម ។

វិទ្យុសំឡេងកម្ពុជាក្រោម ជាប្រភពព័ត៌មាន ពិត ដើម្បីផ្តល់នូវ ភាពយុត្តិធម៌ សច្ចធម៌ ក្នុង ការទាមទារសិទ្ធិសេរីភាព និងជំនឿ សាសនាពីរបបគ្រប់គ្រងក្រុងហាណូយ ជូនដល់បងប្អូនជន រួមឈាមខែ្មរក្រោម ដែលកំពុងទន្ទឹងរងចាំនូវ សិទ្ធិសម្រេច វាសនាខ្លួន ដោយខ្លួនឯង ស្របតាមច្បាប់ អង្គការសហប្រជាជាតិ ។

វិទ្យុសំឡេងកម្ពុជាក្រោម ផ្សាយជារៀង រាល់ថៃ្ង តាមប្រព័ន្ធ អ៊ីនធឺណិត http://vokk.net ។

ក្រុមការងារ នៃ វិទ្យុសំឡេងកម្ពុជាក្រោម សូមប្រសិទ្ធិពរជ័យ ដល់ប្រិយមិត្ត អ្នកតាមដានស្តាប់ និងទស្សនានៅគ្រប់មជ្ឈដ្ឋាន បានប្រកបដោយ ព្រះពុទ្ធ ពរទាំងឡាយ ៤ ប្រការគឺ អាយុ វណ្ណៈ សុខៈ និង ពលៈ កុំបីឃ្លៀងឃ្លាតឡើយហោង ៕

សូមអរព្រះគុណនិងអរគុណ !

06/08/2025

ខួប ៧៦ ឆ្នាំ កម្ពុជាក្រោមនៅក្រោមអាណានិគយួន រៀបចំដោយ សាខា សហព័ន្ធខ្មែរកម្ពុជាក្រោម ប្រចាំទីក្រុង តូរនតូ ប្រទេសកាណាដា ថ្ងៃទី ០៨ ខែមិថុនា ឆ្នាំ ២០២៥ ។

06/07/2025

ខួប ៧៦ ឆ្នាំ កម្ពុជាក្រោមនៅក្រោមអាណានិគយួន រៀបចំដោយ សាខា សហព័ន្ធខ្មែរកម្ពុជាក្រោម ប្រចាំទីក្រុងមែលប៊ន រដ្ឋវិចតូរីយ៉ា ប្រទេសអូស្ត្រាលី ថ្ងៃទី ០៧ ខែមិថុនា ។

06/06/2025

សាខា សហព័ន្ធខ្មែរកម្ពុជាក្រោម ប្រចាំទីក្រុង ម៉ែលប៊ន រដ្ឋវិចថូរីយា ប្រទេសអូស្រ្តាលី រៀបចំស្រេចហើយ ដើម្បីត្រៀមប្រារព្ធពិធីខួប ៧៦ ឆ្នាំ កម្ពុជាក្រោមនៅក្រោមអាណានិគមយួន (៤ មិថុនា ១៩៤៩ - ៤ មិថុនា ២០២៥) នៅថ្ងៃសៅរ៍ ស្អែកនេះ ។

06/05/2025

សេចក្ដីថ្លែងការណ៍ របស់ សហព័ន្ធខ្មែរកម្ពុជាក្រោម (KKF) ថ្ឡែងដោយ ព្រះតេជព្រះគុណ សឺង យ៉ឹង រតនាប្រធាន គណៈកម្មការព័ត៌មាន នៃ សហព័ន្ធខ្មែរកម្ពុជាក្រោម នៅក្នុងកម្មវិធីរំឭកខួប ៧៦ ឆ្នាំ កម្ពុជាក្រោមនៅក្រោមអាណានិគមយួន ដែលរៀបចំដោយ សមាគមប្រជាធិបតេយ្យខ្មែរក្វាងជូ ប្រទេសកូរេខាងត្បូង ថ្ងៃទី ១ ខែមិថុនា ឆ្នាំ ២០២៥ ។

06/04/2025

Virginia Thach Program - VOKK in English on June 1, 2025

06/04/2025

ពិធីរំឭកខួប ៧៦ ឆ្នាំ កម្ពុជាក្រោមនៅក្រោមអាណានិគមយួន (៤ មិថុនា ១៩៤៩ - ៤ មិនថុនា ២០២៥) រៀបចំដោយ មិត្តសមាគមខ្មែរកម្ពុជាក្រោមនៅបារាំង នៅថ្ងៃទី ៧ ខែមិថុនា ឆ្នាំ ២០២៥ ។

06/04/2025

មនុស្សជាង ៣០០ នាក់រំលឹកខួប ៧៦ ឆ្នាំបារាំងផ្ទេរកម្ពុជាក្រោមឱ្យវៀតណាមគ្រប់គ្រងខុសច្បាប់
---
មនុស្សជាង ៣០០ នាក់ បានចួបជុំគ្នានៅទីស្នាក់ការសមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិឌ្ឍន៍ ក្នុងរាជធានីភ្នំពេញនៅព្រឹកថ្ងៃទី ០៤ មិថុនា ដើម្បីរំលឹកខួប ៧៦ ឆ្នាំ ដែលបារាំងផ្ទេរកម្ពុជាក្រោមឱ្យវៀតណាមគ្រប់គ្រងដោយខុសច្បាប់ ។

ពិធីនេះផ្ដោតបង្ហាញសារប្រាប់ពិភពលោកថា បារាំងបានផ្ទេរដែនដីកម្ពុជាក្រោមឱ្យវៀតណាមដាក់អាណានិគមរំលោភសិទ្ធិមនុស្សគ្រប់រូបភាពជាបន្តបន្ទាប់ជាច្រើនឆ្នាំមកហើយ ។

អ្នកចូលរួមពិធីនេះ ភាគច្រើនជាពលរដ្ឋខ្មែររស់នៅរាជធានីភ្នំពេញ ក្រុមយុវជន អង្គការសង្គមស៊ីវិល ព្រមទាំងគណបក្សនយោបាយចំនួន ០៤ រួមមានគណបក្សឆន្ទៈខ្មែរ, គណបក្សជំនាន់ថ្មី, គណបក្សប្រជាធិបតេយ្យមូលដ្ឋាន និងគណបក្សកម្លាំងជាតិ ។

អនុប្រធានសមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិឌ្ឍន៍ លោក ស៊ឺន ជុំជួន ថ្លែងថា ដែនដីកម្ពុជាក្រោមគ្រប់គ្រងដោយវៀតណាម តើរដ្ឋាភិបាលវៀតណាមមានការគោរពសិទ្ធិមនុស្សឬនៅ? លោកថា ចាប់តាំងពីឆ្នាំ ២០១៤ មកទល់ពេលនេះ ការរំលោភសិទ្ធិមនុស្សនៅវៀតណាម នៅតែមានការកើនឡើង ។

លោកអំពាវនាវឱ្យអ្នកសិក្សាស្រាវជ្រាវ អង្គការសង្គមស៊ីវិល ស្ថានទូតប្រទេសមហាអំណាច និង អង្គការសហប្រជាជាតិ ព្រមទាំងភាគីពាក់ព័ន្ធ ធ្វើការសិក្សាស្រាវជ្រាវ ពីទង្វើរបស់វៀតណាម ដែលរំលោភសិទ្ធិពលរដ្ឋខ្មែរក្រោម ហើយទាមទារឱ្យវៀតណាមត្រូវគោរពគោលការណ៍សិទ្ធិមនុស្ស ហើយកែប្រែប្រព័ន្ធច្បាប់របស់វៀតណាម ដែលមានលក្ខណៈរឹតត្បិតសេរីភាពខ្មែរក្រោម ។

លោក ស៊ឺន ជុំជួន៖ «គោលបំណងសំខាន់ៗ ៥ ចំណុច ចំណុចទីមួយ ទិវាចង់ចាំដែលបារាំងបានធ្វើអាណានិគមដែនដីកម្ពុជាក្រោម យើងចង់បង្ហាញឱ្យសាធារណៈជនជាតិ និងអន្តរជាតិជ្រាប ។ ចំណុចទីពីរ យើងចង់បង្ហាញកត្តាប្រវត្តិសាស្ត្រដែលមានជាប់ទាក់ទងអ្វី ដែលជាចំណុចសំខាន់ផ្សាភ្ជាប់រវាងសងកម្ពុជា និងកម្ពុជាក្រោម ។ ទីបី ក្រោយពីបារាំងប្រគល់អាណានិគមឱ្យវៀតណាម តើបងប្អូនខ្មែរក្រោម មានបញ្ហាប្រឈមអ្វីខ្លះ ដែលវៀតណាមដាក់អាណានិគមដែនដីខ្មែរក្រោម» ។

បារាំងផ្ទេរដែនដីកូស័ងស៊ីន (កម្ពុជាក្រោម) ឱ្យវៀតណាមនោះ គ្រប់គ្រងនៅថ្ងៃទី ៤ ខែមិថុនា ឆ្នាំ ១៩៤៩ មកទល់ពេលនេះ មានរយៈពេល ៧៦ ឆ្នាំមកហើយ ។

ក្នុងពេលកម្ពុជាក្រោម ក្រោមការគ្រប់គ្រងដោយអាណានិគមបារាំង (១៨៦២-១៩៤៩) បារាំងបានហៅ កម្ពុជាក្រោម ថា «កូស័ងស៊ីន» ។ ក្រោយពីវៀតណាមគ្រប់គ្រងដែនដីកម្ពុជាក្រោម វៀតណាមបានព្យាយាមប្រើយុទ្ធសាស្ដ្រច្របាច់បញ្ចូលទឹកដីកូស័ងស៊ីន (កម្ពុជាក្រោម) ឱ្យទៅជាប្រទេសវៀតណាមតែមួយ ហើយយុទ្ធសាស្ដ្រនេះ បានសម្រេចជោគជ័យនៅថ្ងៃទី ៣០ ខែមេសា ឆ្នាំ១៩៧៥ ។ បច្ចុប្បន្ន វៀតណាមហៅខ្មែរកម្ពុជាក្រោមថា «ខ្មែរណាមបូ» ។

ប្រធានគណបក្សជំនាន់ថ្មី ដែលចូលរួមកម្មវិធីនេះ លោក មាជ សុវណ្ណារ៉ា បានបង្ហោះសារតាមបណ្តាញសង្គមនៅថ្ងៃទី ០៤ មិថុនា ថា លោកសំណូមពរដល់រដ្ឋបាលក្រុងហាណូយ មេត្តាកុំជាន់ឈ្លីសិទ្ធិសេរីភាពបងប្អូនខ្មែរក្រោម ដែលប្រតិបត្តិជំនឿសាសនា ប្រពៃណី វប្បធម៌ ដែលជាអត្តសញ្ញាណជាតិខ្មែរកម្ពុជាក្រោម ។

លោក ម៉ាជ សុវណ្ណារ៉ា៖ « ស្នើសុំទៅរដ្ឋាភិបាលវៀតណាម ឱ្យជួយមើលថែរក្សាបងប្អូនខ្មែរកម្ពុជាក្រោម ដូចដែលមេដឹកនាំកំពូលៗរបស់វៀតណាម តែងតែស្នើដល់មេដឹកនាំកម្ពុជាជារឿយៗ ឱ្យយកចិត្តទុកដាក់ លើជនជាតិខ្លួន ដែលកំពុងរស់នៅលើទឹកដីកម្ពុជា មិនថាបញ្ហាសន្តិសុខ សុវត្ថិភាព និងសិទ្ធិសេរីភាព ទៅនឹងផលរបររកស៊ីប្រចាំថ្ងៃ ដោយគ្មានការរើសអើងជាតិសាសន៍ ឬហិង្សាណាឡើយ» ។

យុវជនដែលចូលរួមកម្មវិធីនេះ លោក រំចង់ សំណាង ថ្លែងមូលហេតុដែលលោកចូលរួមពិធីនេះ ដើម្បីរំលឹកវីរភាព ឧកញ៉ា សឺន គុយ ដែលពលីជីវិតទាមទារដែនដីកម្ពុជាក្រោម។ លោកថា កម្មវិធីនេះមានសារៈសំខាន់ណាស់ ផ្តល់ឱកាសឱ្យយុវជនស្វែងយល់ និងសិក្សា ដាស់ស្មារតីឱ្យពលរដ្ឋខ្មែរទាំងក្នុង និងក្រៅប្រទេស កុំភ្លេចដែនដីកម្ពុជាក្រោម និងពលរដ្ឋខ្មែរក្រោមសាច់ឈាមរបស់យើង ។

លោក រំចង់ សំណាង៖ « ខ្ញុំផ្តាំផ្ញើដល់បងប្អូនខ្មែរ ក្នុង និងក្រៅប្រទេស ជាពិសេសយុវជន ធ្វើយ៉ាងណាកុំភ្លេចខ្លួនថា យើងជាខ្មែរ យើងរក្សាឱ្យបានអត្តសញ្ញាណជាតិ អក្សរខ្មែរ និងវប្បធម៌ខ្មែរ។ យុវជនចូលរួមទាំងអស់គ្នាប្រើប្រាស់អក្សរខ្មែរ និងវប្បធម៌ ជាដើម» ។

ដែនដីកម្ពុជាក្រោមស្ថិតនៅប៉ែកខាងកើត ឆៀងខាងត្បូង នៃព្រះរាជាណាចក្រកម្ពុជា ។ ក្នុងរជ្ជកាល ព្រះបាទជ័យជេដ្ឋាទី ២ អំឡុងឆ្នាំ ១៦១៨ - ១៦២៨ ព្រះអង្គមានមហេសីអាណ្ណាមនាម ង្វៀន ភុក ង៉ុក វ៉ាន ត្រូវជាបុត្រីរបស់ព្រះចៅ ង្វៀន ភុក ង្វៀន ។

អំឡុងពេលនោះ ស្ដេចអាណ្ណាមបានសុំខ្ចីដីខ្មែរក្រោមមួយផ្នែក នៅក្នុងតំបន់បារាជ ដូនណៃ កំពង់ក្របី និងព្រៃនគរក្នុងរយៈពេល ៥ ឆ្នាំដើម្បីហ្វឹកហាត់កងទ័ព ទីតាំងពាណិជ្ជកម្មព្រមទាំងបង្កើតទីស្នាក់ការគយ ។ ក៏ប៉ុន្តែក្រោយពេលព្រះបាទជ័យជេដ្ឋាទី ២ សោយទិវង្គត ក្នុងឆ្នាំ ១៦២៨ លំហូរនិគមជនជនជាតិអាណ្ណាម (យួន) បានដឹកជញ្ជូនកូនចៅមកកាន់តែច្រើនឡើងៗ មកក្នុងទឹកដីកម្ពុជា។ រីឯស្ដេចអណ្ណាមក៏មិនបានសងទឹកដីខ្មែរ ដែលបានខ្ចីនោះមកឱ្យខ្មែរវិញឡើយ រហូតមកទល់ពេលនេះ ។

ឯកសារខ្លះសរសេរថា រាជវង្សខ្មែរសឹងតែគ្រប់រជ្ជកាលតែងតែទាមទារសិទ្ធិជាម្ចាស់លើដែនដីកម្ពុជាក្រោម ប៉ុន្តែភាគីវៀតណាមយកលេសស្នើសុំពន្យារពេលសងជាបន្តបន្ទាប់ ។

រីឯលោកឧកញ៉ា សឺន គុយ បានប្រយុទ្ធតតាំងនឹងយួនក្នុងរជ្ជកាលស្ដេចយួន ២ អង្គគឺ ស្ដេច ម៉ិញ ម៉ាង (Minh Mang) និង ទេវ ទ្រី (Thieu Tri) ។ កាលនោះលោកពលីជីវិត ដោយសុខចិត្តប្រគល់ខ្លួនឱ្យវៀតណាម កាន់ក្បាលសម្លាប់ ដើម្បីប្តូរឱ្យយួនរក្សាដែនដី ប្រជារាស្ដ្រ ព្រះពុទ្ធសាសនា និងវប្បធម៌ ទំនៀមទម្លាប់ ប្រពៃណីខ្មែរ ឱ្យគង់វង្សមកដល់សព្វថ្ងៃនេះ ៕

អត្ថបទដោយ លោក ម៉ែន ចន្ធី

---គេហទំព័រ---
✓ សំឡេងកម្ពុជាក្រោម (VOKK)
👉 www.vokk.net
✓ សារព័ត៌មាន ព្រៃនគរ
👉 www.preynokornews.info
---ទាក់ទង---
👉 Tel: +1 (408) 7917556
👉 Email: [email protected]

06/04/2025

ពិធីរម្លឹកខួប ៧៦ ឆ្នាំថ្ងៃអាណានិគមបារំាងផ្ទេរការគ្រប់គ្រងទឹកដីកម្ពុជាក្រោមទៅឱ្យអាណានិគមវៀតណាមត្រួតត្រាបន្តដោយខុសច្បាប់កាលពីថ្ងៃទី៤ ខែមិថុនា ឆ្នាំ ១៩៤៩ ។ ពីធីនេះប្រព្រឹត្តទៅនៅទីស្នាក់ការសមាគមខ្មែរកម្ពុជាក្រោមដើម្បីសិទ្ធិមនុស្ស និងអភិវឌ្ឍន៍ ក្នុងសង្កាត់គោកឃ្លាំង ខណ្ឌសែនសុខ រាជធានីភ្នំពេញ ។

06/04/2025

ពិធីរម្លឹកខួប ៧៦ ឆ្នាំថ្ងៃអាណានិគមបារំាងផ្ទេរការគ្រប់គ្រងទឹកដីកម្ពុជាក្រោមទៅឱ្យអាណានិគមវៀតណាមត្រួតត្រាបន្តដោយខុសច្បាប់កាលពីថ្ងៃទី ៤ ខែមិថុនា ឆ្នាំ ១៩៤៩ ។ ពីធីនេះប្រព្រឹត្តទៅនៅទីស្នាក់ការសមាគមខ្មែរកម្ពុជាក្រោមដើម្បីសិទ្ធិមនុស្ស និងអភិវឌ្ឍន៍ ក្នុងសង្កាត់គោកឃ្លាំង ខណ្ឌសែនសុខ រាជធានីភ្នំពេញ ។

06/04/2025

ពិធីរំឭកខួប ៧៦ ឆ្នាំ កម្ពុជាក្រោមនៅក្រោមអាណានិគមយួន (៤ មិថុនា ១៩៤៩ - ៤ មិនថុនា ២០២៥) រៀបចំដោយ សមាគមខ្មែរក្រោម ទីក្រុង អូរឡែនដូ រដ្ឋ Florida សហរដ្ឋអាមេរិក នៅថ្ងៃទី ៨ ខែមិថុនា ឆ្នាំ ២០២៥ ។

06/04/2025

សេចក្ដីនិមន្ត និងអញ្ជើញ នៃ ពុទ្ធិកសមាគមខ្មែរក្រោម-អូស្ត្រាលី សាជីវកម្ម ចូលរួមពិធីបុណ្យរំឮកគុណវីរបុរសខ្មែរ ។

Address

San Jose, CA

Telephone

+14085505060

Website

http://vokk.net/

Alerts

Be the first to know and let us send you an email when Voice of Kampuchea Krom - VOKK posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Voice of Kampuchea Krom - VOKK:

Shortcuts

អំពីយើងខ្ញុំ

វិទ្យុ “សំឡេងកម្ពុជាក្រោម” ជាកម្មវិធីផ្សាយព័ត៌មាន ផលិតដោយនាយកដ្ឋានព័ត៌មាននៃសហព័ន្ធខែ្មរកម្ពុជាក្រោម ដែលមានមូលដ្ឋាននៅសហរដ្ឋអាមេរិក ។

វិទ្យុ “សំឡេងកម្ពុជាក្រោម” បានចាប់បដិសន្ធិ នៅថៃ្ងទី ០១ ខែមិថុនា ឆ្នាំ ២០០១ ក្នុងគោលបំណងផ្សព្វ ផ្សាយនូវព័ត៌មាន និងអំពីព្រឹត្តិការណ៍ថ្មីៗ ដែលកើតឡើងនៅដែនដីកម្ពុជាក្រោម និងអំពីសកម្មភាពចល នាតស៊ូដោយអហិង្សារបស់សហព័ន្ធខែ្មរកម្ពុជាក្រោមនៅលើឆាកអន្តរជាតិ ដើម្បីទាមទារសិទ្ធិសម្រេច វាសនាខ្លួនដោយខ្លួនឯង ជូនពលរដ្ឋខ្មែរក្រោមម្ចាស់ស្រុកនៃដែនដីកម្ពុជាក្រោម ។

វិទ្យុ “សំឡេងកម្ពុជាក្រោម” ជាប្រភពព័ត៌មានពិត និងជាវេទិកាមួយផ្ដល់ឱកាសឲ្យពលរដ្ឋខ្មែរក្រោម នៅ កម្ពុជាក្រោមអាចបញ្ចេញមតិ ខណៈដែលពួកគេ ត្រូវបានរដ្ឋាភិបាលវៀតណាមបំបិទមាត់ទាំងស្រុង ។

វិទ្យុ “សំឡេងកម្ពុជាក្រោម” ផ្សាយជារៀងរាល់ថៃ្ង តាមរយៈគេហទំព័រដែលមានអាសយដ្ឋាន www.vokk.net ។

Voice of Kampuchea Krom - VOKK

06/08/2025

06/07/2025

06/06/2025

06/05/2025

06/04/2025

06/04/2025

06/04/2025

06/04/2025

06/04/2025

06/04/2025

06/04/2025

Address

Telephone

Website

Alerts

Contact The Business

Shortcuts

Share

Category

អំពីយើងខ្ញុំ