Dagon Information

06/15/2023

💐

" လာမယ့် ဇွန် ၁၉ မှာ နိုင်ငံလုံးကျွတ် ပန်းသပိတ်ဆင်နွှဲကြပါစို့။ ကျနော်တို့တွေ အဲ့ဒီနေ့မှာ ဘုရားပန်းအိုး အသစ်တင်ကြမယ်၊ အိမ်တွင်းအိမ်ပြင်၊ အိမ်ရှေ့တိုင်းမှာ ပန်းတွေထိုးကြမယ်၊ ဆင်ကြမယ်။ ပန်းအလှတွေ ချိတ်ဆွဲပြင်ဆင်ကြမယ်။ Online ကော Off-line မှာပါ ပန်းသပိတ်ကမ်ပိန်း ဆောင်ရွက်ကြမယ်ဗျာ။

လမ်းမထက်မှာ ‌နိစ္စဓူဝ လှုပ်ရှားသွားလာကြမယ့် အမျိုးသမီး၊ အမျိုးသား ပြည်သူအားလုံးကလည်း ပန်းပန်ကြမယ်၊ ရင်ဘတ်မှာ ပန်းထိုးကြမယ်ဗျာ။ ပန်းနဲ့ပတ်သက်ဆက်နွယ်တဲ့ လှုပ်ရှားမှုမျိုးစုံကို မိမိတို့ ဉာဏ်ရှိသလို ဆန်းသစ် တီထွင် ကွန့်မြူးပြီး ဖော်ဆောင်ကြမယ်ဗျာ။ ပန်းအမျိုးအစားကိုတော့ ကန့်သတ်မထားပါဘူး။ မိမိတို့နှစ်သက်ရာ၊ အဆင်ပြေရာ၊ လက်လှမ်းမီရာ ပန်းကို အသုံးပြုနိုင်ကြပါတယ်ဗျာ။ "

“ဗေဒါပျံ အံကိုခဲ ပန်းပန်လျက်ပဲ”

အခုလာမယ့် (ဇွန်လ၊ ၁၉ ရက်၊ ၂၀၂၃ ခုနှစ်) ဟာ အဓမ္မ ဖမ်းဆီးခံထားရတဲ့၊ ပြည်သူအများ မြတ်နိုး လေးစား တန်ဖိုးထားရတဲ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အသက် (၇၈) နှစ်ပြည့် မွေးနေ့ချိန်ခါ ဖြစ်ပါတယ်။

အဲ့ဒီနေ့မှာ မွေးနေ့ရှင် ဒေါ်အောင်ဆန်းစုကြည်နှင့်တကွ အဓမ္မ ဖမ်းဆီးခံထားရတဲ့ သောင်းနဲ့ချီတဲ့ ရဟန်းရှင်လူ ကျောင်းသားပြည်သူ နိုင်ငံရေးအကျဥ်းသားများကို ဂုဏ်ပြုလေးစား၊ အောက်မေ့သောအားဖြင့်လည်းကောင်း၊ တော်လှန်ရေးသမိုင်းအဆက်ဆက် ကျရာကဏ္ဍကနေ တာဝန်ကျေပွန်စွာ ထမ်းရွက်နေကြ‌တဲ့ အမျိုးသမီးထုရဲ့ ဂုဏ်ရည်ကို ဖော်ညွှန်းသောအားဖြင့်လည်းကောင်း ကျွန်တော်တို့ ပြည်သူလူထုအားလုံးက ပန်းသပိတ်လူထုလှုပ်ရှားမှုကြီးကို နိုင်ငံလုံးကျွတ် ဖော်ဆောင်၊ ဆင်နွှဲကြဖို့ တိုက်တွန်းနှိုးဆော်အပ်ပါတယ်။

ဒီပန်းသပိတ်လှုပ်ရှားမှုရဲ့ အဓိပ္ပာယ်က ကျနော်တို့လူထုက ဒီစစ်အာဏာရူးတွေရဲ့ ရက်စက်ယုတ်မာ အကြမ်းဖက်မှုတွေကြောင့် ကြောက်ရွံ့၊ သွေးပျက်၊ ချောက်ခြားပြီး တော်လှန်ရေးမှာ နောက်ဆုတ်သွားမှာ မဟုတ်ဘူး၊ ဇွဲလျော့သွားမှာ မဟုတ်ဘူး၊ သွေးအေးသွားမှာ မဟုတ်ဘူး။ ကျနော်တို့ဟာ စစ်မိစ္ဆာတွေကို ဆက်လက်ပြီးတော့ အစွန်းကုန် ရင်ဆိုင်တိုက်ပွဲဝင်သွားကြမှာ ဖြစ်တယ်။ ကြောက်သွားမှာ မဟုတ်ဘူး၊ ကျနော်တို့ ပြည်သူတွေဟာ ဘယ်လောက်ပဲ ဒုက္ခဆင်းရဲမျိုးစုံကို ခံနေရပါစေ၊ အာဏာရူးကို မောင်းထုတ်ဖို့အတွက်ဆို ကြံ့ကြံ့ခံလျက်ပဲ၊ ပန်းပန်လျက်ပဲဆိုတာကို ဖော်ညွှန်းခြင်းပဲ ဖြစ်ပါတယ်။

နောက်ထပ် အဓိပ္ပာယ်တစ်ခုကတော့ ဇွန် ၁၉ ရက် မွေးနေ့ရှင် ဒေါ်အောင်ဆန်းစုကြည်ရဲ့ပုံရိပ်ကို ကမ္ဘာက‌ရော ၊ ကျနော်တို့မြန်မာပြည်သူတွေကပါ ပန်းနဲ့တွဲပြီး ရှုမြင်တတ်ကြတယ်မို့လား။

ဇွန် ၁၉ မှာ ပန်းသပိတ်လှုပ်ရှားမှုအပြင် အနုပညာရှင်တွေ၊ Social Influencers တွေကလည်း လူထုကို ဖျော်ဖြေတင်ဆက်မှုအချို့ ပြုကြမယ်လို့ သိရပါတယ်။ အထူးသဖြင့် ခွန်အားဖြည့် မိငယ်၊ သွေးမုန်တိုင်း၊ အရေးကြီးပြီ အစရှိတဲ့ တော်လှန်အားဖြည့် သီချင်းတွေကို ဆိုကြ၊ တီးကြမှာပါ။

ဒါ့ကြောင့် ကျနော်တို့တွေ လာမယ့် ဇွန် ၁၉ မှာ နိုင်ငံလုံးကျွတ် ပန်းသပိတ်ဆင်နွှဲကြပါစို့။ ကျနော်တို့တွေ အဲ့ဒီနေ့မှာ ဘုရားပန်းအိုး အသစ်တင်ကြမယ်၊ အိမ်တွင်းအိမ်ပြင်၊ အိမ်ရှေ့တိုင်းမှာ ပန်းတွေထိုးကြမယ်၊ ဆင်ကြမယ်။ ပန်းအလှတွေ ချိတ်ဆွဲပြင်ဆင်ကြမယ်။ Online ကော Off-line မှာပါ ပန်းသပိတ်ကမ်ပိန်း ဆောင်ရွက်ကြမယ်ဗျာ။

လမ်းမထက်မှာ ‌နိစ္စဓူဝ လှုပ်ရှားသွားလာကြမယ့် အမျိုးသမီး၊ အမျိုးသား ပြည်သူအားလုံးကလည်း ပန်းပန်ကြမယ်၊ ရင်ဘတ်မှာ ပန်းထိုးကြမယ်ဗျာ။ ပန်းနဲ့ပတ်သက်ဆက်နွယ်တဲ့ လှုပ်ရှားမှုမျိုးစုံကို မိမိတို့ ဉာဏ်ရှိသလို ဆန်းသစ် တီထွင် ကွန့်မြူးပြီး ဖော်ဆောင်ကြမယ်ဗျာ။ ပန်းအမျိုးအစားကိုတော့ ကန့်သတ်မထားပါဘူး။ မိမိတို့နှစ်သက်ရာ၊ အဆင်ပြေရာ၊ လက်လှမ်းမီရာ ပန်းကို အသုံးပြုနိုင်ကြပါတယ်ဗျာ။

လက်နက်အားကိုး ဗိုလ်ကျချင်တဲ့ ဖက်ဆစ်အာဏာရူးတွေက ဓားရေးတွေ ဘယ်လောက်ပဲပြပြ ကျနော်တို့ လူထုတော်လှန်ခြင်းရဲ့ ပန်းတွေကတော့ ဖွေးဖွေးလှုပ်အောင် ဆက်လက် ပွင့်နေမှာဖြစ်ကြောင်းကို လာမယ့် ဇွန် ၁၉ မှာ တစ်နိုင်ငံလုံး အုံးအုံးကြွကြွ သက်သေပြလိုက်ကြပါစို့။


#၁၉ဇွန်_ပန်းသပိတ်

01/27/2023

"တသံတည်းညီ တချီတည်းရုန်း"

●──●──●──●──●──●──●

တိတ်ဆိတ်ခြင်းရဲ့ ကျယ်လောင်တဲ့ အသံတွေနဲ့ ကျနော်တို့ဟာ စစ်အာဏာရှင်ကို ခြောက်ခြား တုန်လှုပ်အောင် အကြိမ်ကြိမ် အခါခါ ပြုလုပ်ပြီးခဲ့ကြပြီးပါပြီ။ လာမယ့် ၂၀၂၃ ခုနှစ်၊ ဖေဖော်ဝါရီလ ၁ ရက်နေ့ဟာ စစ်အာဏာသိမ်းမှု (၂) နှစ်ပြည့်ချိန် ၊ ပြည်သူ့နွေဦးတော်လှန်ရေး (၂) နှစ်ပြည့်ချိန်လည်းဖြစ်ပါတယ်။ အဲ့ဒီနေ့မှာ ကမ္ဘာကြီးကို ကျွန်တော်တို့ ပြည်သူတွေဟာ အကြမ်းဖက်စစ်ကောင်စီရဲ့ ရက်စက်ဖိနှိပ်မှုတွေကြားထဲကပဲ ရရာ နည်းပေါင်းစုံနဲ့ ဆက်လက်တိုက်ပွဲဝင်နေကြောင်း ထပ်မံ မှတ်ကျောက်တင်ဖို့လိုပါတယ်။

ဒါ့ကြောင့် ကျနော်တို့ဟာ နွေဦးတော်လှန်ရေးကြီး (၂) နှစ်ပြည့်တဲ့ (၁ ဖေဖော်ဝါရီ ၂၀၂၃)နေ့မှာ ပြည်သူတွေရဲ့ တိတ်ဆိတ်တဲ့အသံတွေ၊ ခြောက်ကပ်နေတဲ့လမ်းမတွေ၊ ပြင်းပြတဲ့အောင်စိတ်တွေနဲ့အတူ “Silent Strike” ကို ထပ်မံ ပုံဖော်ကြဦးမှာပဲ ဖြစ်ပါတယ်။

၂၀၂၃ ခုနှစ်၊ ဖေဖော်ဝါရီလ ၁ရက်နေ့မှာ မနက် (၁၀) နာရီကနေ ညနေ (၃) နာရီတွင်းမှာ

ကျနော်တို့အားလုံး အပြင်ကို (လုံးဝ) မထွက်ကြဘဲ မိမိတို့အိမ်အတွင်းမှာသာ နေထိုင်ကြမယ်။ အဲ့ဒီနေ့၊ အဲ့ဒီအချိန် လမ်းတွေထက်မှာ၊ အများပြည်သူနေရာတွေမှာ လူသူကင်းမဲ့ ခြောက်သွေ့နေ တိတ်ဆိတ်နေခြင်းနဲ့ စစ်ကောင်စီကို ကြောက်လန့်စေကြမယ်။ ကျွန်တော်တို့ပြည်သူတစ်ရပ်လုံးဟာ အကြမ်းဖက်စစ်အာဏာရှင်ကို သွေးမအေးသေးပဲ ဆက်လက်တော်လှန်နေဆဲဖြစ်ကြောင်း ထပ်မံပြသကြရမှာလည်း ဖြစ်ပါတယ်။ ပြည်သူတစ်ရပ်လုံးအနေဖြင့် စစ်ကောင်စီဘက်မှ ခြေလှမ်းပြင်လာတဲ့ “တရားမဝင်အတုအယောင်ရွေးကောက်ပွဲ”ကိုလည်း လက်သင့်မခံကြောင်းကိုပါ တပါတည်း ကမ္ဘာသိ ထုတ်ဖော်ပြသရမှာဖြစ်ပါတယ်။

"တသံတည်းညီ တချီတည်းရုန်း"ရင်း ၂၀၂၃ ခုနှစ် တော်လှန်နှစ်ရဲ့ အဆုံးသတ်အတွက်၊ အဆုံးဖြတ်အဖြစ် ဆက်လက်တိုက်ပွဲဝင်ကြဖို့ မေတ္တာရပ်ခံအပ်ပါတယ်။

#တရားမဝင်အတုအယောင်ရွေးကောက်ပွဲ_လူထုအားနဲ့တိုက်ဖျက်ကြ”

#လုံးဝအုပ်ချုပ်ခွင့်မရစေရ

#တိတ်ဆိတ်ခြင်းဖြင့်_အကျယ်လောင်ဆုံးဟစ်ကြွေးကြ

01/26/2023

ဘာပြောချင်လဲ…???

NUG ကို ပြည်သူက ဘာပြောချင်လဲ။

မင်းအောင်လှိုင်ကို ပြည်သူတွေက ဘာတွေပြောနေလဲ။

Collaboration by _ AJAY _AAMIJ_SOSMYANMAR

#လုံးဝအုပ်ချုပ်ခွင့်မရစေရ

!
!

12/19/2022

တောင်ဒဂုံမြို့နယ် Scout Channel

မိဘပြည်သူများ

အာဏာသိမ်းချိန်မှစ တောင်ဒဂုံမြို့နယ်ကို စစ်အုပ်ချုပ်ရေးနယ်မြေအဖြစ်သတ်မှတ် အချိန်မှစပြီး

စခ ၊ ရခ နှင့် လက်ပါးစေကျွန်ရူးတွေဟာ ကျတော်တို့ပြည်သူတွေအပေါ် ရည်ရွယ်ချက်ရှိရှိ အနိုင်ကျင့်ရမ်းကားနေတယ် ဒါကိုပြည်သူများလဲအံကြိတ်ခံနေရတယ် ၊ယခုထိတိုင်လဲခံနေရတုန်း

တော်လှန်ရေးကို တစ်ဖက်တစ်လမ်းကနေ ကူညီရမယ်
ခင်ဗျားတို့ပါဝင်ရမယ်
ပါဝင်ဖို့လဲဖိတ်ခေါ်တယ်

ကျွန်တော်တို့ South Dagon Scout Infos(SDG) ကို နေ့စဥ် စခ၊ရခ နှင့် ဒလန် လှုပ်ရှားမှုများ၊ စခ ရခ တို့၏ နေ့စဥ် ကင်းပတ်ချိန်၊ သွားလာရင်း စခ ရခ များတွေ့လျှင်

သို့သတင်းပေးပို့နိုင်ပါတယ်

ထို့အတူ စကစ အလိုကျ ရမ်းကားနေသော ဒလန်များ၏ ကိုယ်ရေးအချက်အလက်များအားလည်းပေးပို့နိုင်ပါတယ်ခင်ဗျ။

အစွမ်းကုန် ချကြမယ်ဗျာ

သတင်းပေးပို့ရန်-

SDG Scout Channel-https://t.me/SouthDagon

နေ့စဥ်ဝင်ရောက်ဆွေးနွေးရန်-https://t.me/Nway_Oo_South_Dagon

SDG Scout Page-SouthDagon Information page

12/13/2022

SouthDagon Information

12/02/2022

◾ဒဂုံတက္ကသိုလ်ကျောင်းသား (၇) ဦးအပါအဝင် ယုံကြည်ချက်ကြောင့် သေဒဏ်ချမှတ်ခံထားရသော ကျောင်းသားပြည်သူများနှင့်အတူ တသားတည်းရပ်တည်သည် - Profile Photo Campaign

အာဏာသိမ်းအကြမ်းဖက် စစ်အုပ်စုက ၂၀၂၂ ခုနှစ် နိုဝင်ဘာလ ၃၀ရက်နေ့မှာ ဒဂုံတက္ကသိုလ်ကျောင်းသား ၇ ဦးဖြစ်တဲ့ ကိုခန့်ဇင်ဝင်း၊ ကိုသူရမောင်မောင်၊ ကိုဇော်လင်းနိုင်၊ ကိုသီဟထက်ဇော်၊ ကိုဟိန်းထက်၊ ကိုသက်ပိုင်ဦးနှင့် ကိုခန့်လင်းမောင်မောင် တို့ကို သေဒဏ်ချမှတ်ခဲ့ပါတယ်။

သေဒဏ်ချမှတ်တာ၊ စီရင်တာတွေဟာ လူ့အခွင့်ရေးစံနှုန်းအရ ဘယ်လိုမှ မကိုက်ညီသလို နိုင်ငံတကာမှာလည်း သေဒဏ်နဲ့ပတ်သတ်ပြီး တားဆီးကန့်သတ်ထားတာတွေရှိပါတယ်။ ဒီလိုတွေရှိပါလျက်နဲ့ လူငယ်လူရွယ်ကျောင်းသားတွေကို စစ်အုပ်စုက အဓမ္မသေဒဏ်ချမှတ်နေတာဟာ သူတို့ကိုဆန့်ကျင်တဲ့ ဒီမိုကရေစီအရေးလှုပ်ရှားသူတွေကို အလုံးစုံပျက်သုဉ်းတဲ့အထိ လက်စားချေမယ်ဆိုတဲ့ စစ်အုပ်စုရဲ့ ယုတ်မာရိုင်းစိုင်းတဲ့ ဖက်ဆစ်သရုပ်ဖြစ်ပါတယ်။

မြန်မာနိုင်ငံမှာ သေဒဏ်ချမှတ်ခံထားရသူ ၁၄၀ ကျော်ရှိနေပြီး ယင်းတို့အနက်မှ ထင်ရှားသူ (၄) ဦးကို ရက်စက်စွာစီရင်ကွပ်မျက်ခဲ့ပြီးဖြစ်ပါတယ်။ ဒဂုံတက္ကသိုလ်ကျောင်းသား ၇ဦးအပါအဝင် ဒီမိုကရေစီအရေးအတွက်လှုပ်ရှားရင်း သေဒဏ်ချမှတ်ခံရတဲ့ ကျောင်းသားပြည်သူများနဲ့အတူ တသားတည်း ရပ်တည်ရင်း စစ်ကောင်စီရဲ့ အဓမ္မသေဒဏ်ချမှတ်နေမှု၊ စီရင်နေမှုတွေကို ပြင်းပြင်းထန်ထန် ရှုတ်ချပါတယ်။

ကျောင်းသားပြည်သူများအနေဖြင့်လည်း စစ်အုပ်စုရဲ့လုပ်ရပ်ကို ချွင်းချက်မရှိဆန့်ကျင်ပြီး သေဒဏ်ချမှတ်ခံထားရတဲ့ ကျောင်းသားပြည်သူများနဲ့ တစ်သားတည်းရပ်တည်ကြောင်းကို အောက်ပါ Profile photo ကို ချိန်းပြီး ပြသကြဖို့တိုက်တွန်းပါတယ်။ ဆက်လက်ပြီးတော့လည်း ဒီဖြစ်ရပ်တွေရဲ့ အဓိကတရားခံဖြစ်တဲ့ စစ်အာဏာရှင်စနစ်ကို အမြစ်ဖြတ်နိုင်ဖို့အတွက် တော်လှန်ရေးကိုအရှိန်မြှင့်ကြဖို့ အလေးအနက်တိုက်တွန်းလိုက်ပါတယ်။








(Profile Photo ပြောင်းတဲ့အခါ အထက်ပါစာများနဲ့ # များကို ကူးယူဖော်ပြပေးဖို့ တိုက်တွန်းပါတယ်)

10/11/2022

10/11/2022

08/08/2022

07/14/2022

အရှေ့ဒဂုံ ၃ ရပ်ကွက် နှင့် ၇ ရပ်ကွက်တို့တွင် ဧည့်စာရင်များစစ်နေ

အရှေ့ဒဂုံ (၃) ရပ်ကွက် ဗိုလ်ဖိုး၀င်း (၃) လမ်းထဲတွင် ၁၀နာရီ ၂၀ မိနစ်လောက်က ဧည့်စာရင်းစစ်နေကြောင်းသတင်းရရှိထားပါသည်။ တစ်အိမ်လုံး အိမ်ရှေ့ထွက်ပြရပြီး စခ ရခ ၁၅ ကောင်လောက် နှင့် အုပ်ကြီးလည်းပါ အစစ်ဆေးကြမ်းနေကြောင်းသိထားရပါသည်။

(၇) ရပ်ကွက်ရတနာသီရိလမ်းမှာလည်း ကြက်တူရွေး အိမ်ကားအနက်မှန်မည်းတစ်စီး နဲ့ခွေးတွေဝင်နေကြောင်း သတင်းမီဒီယာတစ်ခုတွင်ဖော်ပြထားကြောင်းတင်ပြအပ်ပါသည်။

10:30 PM
ဧည့်စစ်သတင်များပေးရန် -> t.me/DGN_Info

မြောက်ဒဂုံ အရှေ့ဒဂုံ နှင့် တောင်ဒဂုံသတင်းများပေးပို့နိုင်ပါသည်။

07/14/2022

မြောက်ဒဂုံရှိ ရဲထောက်ပံ့ရေးဌာနကို နန်းထိုက်အောင် စစ်ဆင်ရေးအဖြစ်တိုက်ခိုက်ခံရ ၊ ရဲများထိခိုက်သေဆုံးမှုရှိ

Jul 14 | Dagon Information

ဒဂုံမြို့သစ်မြောက်ပိုင်းရှိ ရဲထောက်ပံ့ရေးဌာနကို ယနေ့ နံနက် ၆ နာရီအချိန်တွင် တော်လှန်ရေးတပ်ဖွဲ့က ကား ၁ စီးဖြင့် လာရောက် ပစ်ခတ်ခဲ့သဖြင့် ရဲ ၂ ဦး‌ သေဆုံးကြောင်း ဒေသခံ ပြည်သူများနှင့် သက် ဆိုင်ရာ တော်လှန်ရေးအဖွဲ့များက ပြောသည်။

မြောက်ဒဂုံ ရဲထောက်ပံ့ရေးဌာနကို တော်လှန်ရေးရဲဘော် သေနတ်သမားများက နံနက် ၆ နာရီ ကျော်ခန့်တွင် ပစ်ခတ်ခဲ့ခြင်းဖြစ်ပြီး ရဲထောက်ပံ့ရေးဌာနရှေ့ရှိ ဘန် ကာကို ဦးတည် တိုက်ခိုက် ခဲ့ခြင်းဖြစ်ကြောင်း၊ ဒဂုံမြို့သစ်မြောက်ပိုင်း၊ အမှတ် ၂ လမ်းမကြီးနှင့် အနော်ရထာလမ်းထောင့်ရှိ ရဲထောက်ပံ့ရေးဌာန ဘန်ကာရဲကင်းကို တိုက်ခိုက်မှုသည် အထူးတပ်ဖွဲ (တောင်ပိုင်းတိုင်း)က နန်းထိုက်အောင် စစ်ဆင်ရေးအဖြစ် တိုက်ခိုက်ခြင်းဖြစ်ကြောင်း၊ တိုက်ခိုက်မှုအတွင်း ရဲ ၂ ဦးသေဆုံးပြီး ဒဏ်ရာရသူများနိုင်ကြောင်း တော်လှန်ရေးတပ်ဖွဲ့က တရားဝင် ထုတ်ဖော်ပြောဆိုထားသည်။

07/13/2022

Kaung For You Education မှ ကျောင်းသား၊ ကျောင်းသူများ၏ အချက်အလက်ပေါက်ကြားမှုများနှင့် ဆရာမ ၁ ဦးကို စစ်ကောင်စီက ဖမ်းဆီးသည့်အပေါ် လက်ခံနိုင်ဖွယ်မရှိဟု အ.က.ရ ဗဟိုဌာနချုပ်က စာထုတ်

ရန်ကုန်၊ ဇူလိုင် ၁၃

Kaung For You Education တွင် တက်ရောက်သင်ကြားနေသော ကျောင်းသူ၊ ကျောင်းသားများ၏ ကိုယ်ရေးအချက်အလက်များ ပေါက်ကြားခြင်းနှင့် ယနေ့ ဇူလိုင်လ ၁၃ ရက်တွင် ဆရာမ ၁ ဦး စာသင်နေစဉ် အကြမ်းဖက်စစ်ကောင်စီက ဝင်ရောက်ဖမ်းဆီးသွားခြင်းအပေါ် စိတ်ပျက်သလို လက်ခံနိုင်ဖွယ်မရှိဟု အခြေခံပညာကျောင်းသားများရေးရာအဖွဲ့ ချုပ် (အ.က.ရ - ဗဟိုဌာနချုပ်) ဗဟိုအလုပ်အမှုဆောင်အဖွဲ့က စာထုတ်ပြန်သည်။

Kaung For You Education တွင် တက်ရောက်သင်ကြားနေသော အသက်မပြည့်သေးသည့်ကျောင်းသား၊ ကျောင်းသူများ၊ ဆရာ၊ ဆရာမများကို အကြမ်းဖက် စစ်ကောင်စီ၏ လက်ပါးစေများမှ ခြိမ်းခြောက်မှုများအပြင် နေအိမ်များသို့ စာသင်နေချိန်အတွင်း လာရောက် ဖမ်းဆီးခြင်းများကိုလည်း ပြုလုပ်ခဲ့သည်အပြင်၊ ယနေ့ နေ့လယ် ၁၁ နာရီ ဝန်းကျင်တွင် ကလောမြို့တွင် နေထိုင်သည့် Kaung For You Education မှ ဆရာမတစ်ဦးကိုလည်း ဖမ်းဆီးသွားသည်ဟု မိမိတို့ အဖွဲ့ချုပ်မှ ကြားသိရှိရသည့်အပေါ် များစွာ စိတ်ပျက်မိသည်ဟု ထုတ်ပြန်ချက်တွင် ဖော်ပြသည်။

အ.က.ရ ဗဟိုဌာနချုပ်က ကျောင်းသားများ၏ အချက်အလက်များ ပေါက်ကြားသည့် ကိစ္စနှင့် ပတ်သက်၍ တာဝန်ယူမှု၊ တာဝန်ခံမှုကိစ္စများ ဆောင်ရွက်ရန် Kaung For You Education သို့ တိုက်တွန်းထုတ်ပြန်ထားပြီး အခြေအနေများကို ဆက်လက်စောင့်ကြည့်လျှက်ရှိကြောင်းလည်း ထုတ်ပြန်ထားသည်။

Kaung For You Education တွင် တက်ရောက်နေသော ကျောင်းသား၊ ကျောင်းသူများအနေဖြင့် ကြုံတွေ့နေရသော အခြေအနေများ၊ အကြောင်းအရာများကို အ.က.ရ ဗဟိုဌာနချုပ်သို့ သတင်းပေးပို့နိုင်ကြောင်းနှင့် ကျောင်းသား၊ ကျောင်းသူများထံ အသိပေးနှိုးဆော်မှုများကို ဆက်လက်ပြုလုပ်သွားမည်ဖြစ်ကြောင်း၊ လက်ရှိ ဖြစ်ပေါ်နေသော Kaung For You Education နှင့် ပတ်သက်သည့်အခြေအနေများကို အနီးကပ်စောင့်ကြည့်လျှက်ရှိကြောင်းနှင့် ဖြစ်ပေါ်လာသည့် ကိစ္စရပ်များအပေါ် Kaung For You Education အုပ်ချုပ်ရေးအဖွဲ့များမှ တာဝန်ခံရမည်ဖြစ်ကြောင်း အခြေခံပညာကျောင်းသားများရေးရာအဖွဲ့ ချုပ် (အ.က.ရ - ဗဟိုဌာနချုပ်) ဗဟိုအလုပ်အမှုဆောင်အဖွဲ့က ယနေ့ ထုတ်ပြန်လိုက်သည်။

Khit Thit Media