09/20/2026
الحمد اللہ آج متاثرین سی ڈی اے E-12 میں لیٹر تقسیم کیے
رکن قومی اسمبلی انجم عقیل خان متاثرینِ E-12 کے جائز حقوق کی فراہمی کے لیے ایک بار پھر عملی اقدام کرتے ہوئے سی ڈی اے افسران کے ہمراہ متاثرین کو پلاٹس کے الاٹمنٹ لیٹر دینے کے لیے موقع پر پہنچ گئے۔
آج 15 سے زائد متاثرین کو موقع پر ہی الاٹمنٹ لیٹر تقسیم کیے گئے، جبکہ باقی متاثرین کے کیسز کو ایک ہفتے کے اندر پراسس مکمل کرکے الاٹمنٹ لیٹر جاری کرنے کی ہدایات دی گئیں۔
اس موقع پر ڈی سی سی ڈی اے، ڈائریکٹر انفورسمنٹ، کوآرڈینیٹر ڈویلپمنٹ حارث خان گولڑہ، بیرسٹر ہشام سہیل سمیت متاثرین کی بڑی تعداد موجود تھی۔
تمام متاثرین کے جائز حقوق کے لیے ان کے ساتھ کھڑا ہوں۔ انتظامیہ سے بھی کہتا ہوں کہ اپنے آباؤ اجداد کی نشانیاں چھوڑ کر جانا آسان نہیں ہوتا۔ تمام متاثرین کو ان کا جائز حق دیا جائے تاکہ وہ پُرامن طریقے سے اپنی زمینیں خالی کر سکیں۔
رکن قومی اسمبلی انجم عقیل خان نے چیئرمین سی ڈی اے، اے ڈی سی آر ڈاکٹر انعم، ڈی سی سی ڈی اے، متعلقہ ڈائریکٹرز اور ممبران کا بھی شکریہ ادا کیا جو متاثرین کو ان کی دہلیز پر ان کے حقوق فراہم کرنے کے لیے عملی اقدامات کر رہے ہیں۔
