Oromia Freedom Media

01/01/2026

Dhaabbanni Basaasa Ameerikaa (​CIA)n himannaa Puutiin haale!

OFM:Amajjii.01/2026.CIAn Pireezidaantiin Raashiyaa Vilaadmiir Puutiin ''Yukireen na ajjeesuuf masaraa kiyyarratti haleellaa gaggeessite'' jechuun odeeffannoon Doonaald Tiraampitti odeeffannoo himan kan dhugaarraa fagaate ta'uu CIAn beeysise.

Akka gabaasa haaraa miidiyaalee gurguddoo (CNN fi New York Times) irratti ba’e agarsiisanitti:-

Ragaan hin jiru: Qondaaltonni basaasa Ameerikaa Qorannoo gaggeessaniin Yukireen Vilaadmiir Puutiin ykn maatii isaa ajjeesuuf yaaltee akka turte ragaa tokkollee hin arganne.

Bilbila Puutiinii fi Tiraamp: Puutiin dhiheenna kana Doonaald Tiraampitti bilbilaan akka himanitti Yukireen isa ajjeesuuf yaaltee akka ture ibsanii turan. Tiraampis jalqaba irratti odeeffannoma kana gaazexeessitootaaf himanii turan.

Deebii CIA: Daarektarri CIA Joon Raatkiliif
Tiraampiif gabaasa kennaniin, himannaan Raashiyaa marii nagaa karaa irraa maqsuuf “kan hojjetame” ta’uu akka hin oolle himaniiru.

Pireezidaant Zelensky himannaa kana “soba guutuu” jechuun haalaniiru.

Ogeeyyiin akka jedhanitti Yukireen mooraa Puutiin osoo hin taane buufata waraanaa fagoo jiru haleelte.

Xiinxaltoonni siyaasaa akka jedhanitti Raashiyaan himannaa kana kan dhiheessitu weerara Yukireen irratti raawwattu cimsuu fi Ameerikaan deeggarsa Yukireen irratti gootu akka dhaabdu dhiibbaa gochuufi jechuun tilmaama kaa'u.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

01/01/2026

OFM;Oromia Freedom Media Dambalii Gunguma Ummataa Hundeefama isaa waggaa 5ffaa Amajjii 01/2026.

Oromia Freedom Media Dambalii Gunguma Uummataa;...,Miidiyaan keessan miidiyaan Uummataa Odeeffannoo waytaawaa Biyya keessaa, taatewwan Biyya Alaa Hordoftoota...

01/01/2026

Invastimantii Holdings Itiyoophiyaa sirna gabaasa malaammaltummaa haaraa eegaluu ifatti beeysise.

OFM:Amajjii.01/2026.Daandii Qilleensaa Itiyoophiyaa fi Itiyoo Teeleekoom dabalatee dhaabbilee mootummaa 40 ol kan of keessatti hammatu Invastimantii Holdings Itiyoophiyaa sirna gabaasa malaammaltummaa haaraa eegaluu ifatti beeysiseera.

Sirni kun namni kamiyyuu bakka jiru osoo hin ilaalin, malaammaltummaa iccitii eeggateen gabaasuuf kan dandeessisu ta’uu ibsameera.

Sirni gabaasa malaammaltummaa kun “Adera” jedhamee kan moggaafame yoo ta’u, yeroo ammaa marsariitii intarneetii tokko irratti argama.

Ejensichi akka beeysisetti, sirnichi yeroo dhiyootti bifa appii mobaayilaan fayyadamtootaaf ni dhiyaata.

Akka ibsa Invastimantii Holdings Itiyoophiyaatti, hojjettoonni fi qaamoleen dhimmi ilaallatu weebsaayitii kana fayyadamuun gabaasa malaammaltummaa Afaan Amaaraa fi Ingiliffaan erguu ni danda’u.

Dabalataanis, gabaasni kun fuulduratti Afaan Oromoo, Afaan Affaarii fi Afaan Tigriinyaan akka dhiyaatu ibsameera.

Itti aanaan Hojii Gaggeessaa Ol'aanaa Invastimantii Holdings Itiyoophiyaa, Obbo Habtaamuu Haayila mikaa’el, sirna kana jalqabsiisuun malaammaltummaa dhaabbilee misooma mootummaa keessatti muudachuu danda’u ittisuuf ta'uu ibsan.

Akkasumas Malaammaltummaan yoo raawwatameef, itti gaafatamummaa seeraa mirkaneessuuf tarkaanfii murteessaa ta’uu ibsaniiru.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

01/01/2026

Leenjisaan Cheelsii Enzoo Mareeskaa aangoo gadhiise.

OFM:Amajjii.01/2026.Leenjisaan kilaba Chelsii Eenzoo Mareeskaa waancaa kilaboota addunyaa Chelsii wajjin injifachuu ji'oota jaha booda aangoorraa kaafame.

Namni ganna 45 kun kilabnisaa sadarkaa shanaffaarra osoo jiruu kilabicha gadhiisuuf dirqameera.

Ammoo haalli garee kanaa tibbanaa gaarii miti. Taphoota walitti aanan darban torba keessaa tokko qofa injifate.Taphoota jaha keessaas qabxii jaha qofa argachuu danda'e.

Gahumsa gadaanaa ji'a Muddee keessa agarsiserraa kan ka'es qabxii 15n Arsenaalirraa fagaateera.

Garee leenjistootaa Enzoo Mareeskaa erga Cheelsii qabatanii Konfireensi Liigiifi Waancaa Kilaboota addunyaa injifataniiru.

Qabxii dhabuu tibba kanaan wal-qabatee Mareeskaan hooggansa kilabichaa ewajjin dhibdee seenuun gabaafamaa ture. Mareeskaanis ifatti muddamni jiraachuu himeera.

Mareeskaan bara 2024 Leester Siitii gadhiisee Cheelsii waliin waliigaltee waggoota shanii mallatteesse.

Eenzoo fi kilabichi lamaanuu waliigalteen akka adda bahaniidha miidiyaaleen kan gabaasan.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

01/01/2026

IQQO' Daba seenaa Oromoo irratti barreeffame sirreessuuf hojjetaan jira jedhe.

OFM:Amajjii.01/2026.‎Inistitiiyuutiin Qo'annoofi Qorannoo Oromoo seenaafi eenyummaa Oromoo gadi fageenynaan qorachuun daba seenaa irratti barreeffame sirreessuun dhalootatti dabarsuuf xiyyeeffannoon hojjataa jiraachuu ibseera.
‎
‎Daayirektarri Ol'aanaan Inistitiiyuutii Qo'annoofi Qorannoo Oromoo Dirribaa Tarrafaa (PhD) Inistitiiyuutichi eennummaafi seenaa dhugaa Oromoon qabu gadi fageenyaan qorachuun dhalootatti dabarsuufi daba seenaa Oromoorratti barreeffamaa ture sirreessuuf hojii bal'aa hojjetaa akka jiru ibsaniiru.
‎
Inistitiiyuutichi erga hundaa’e hanga ammaatti kitaabolee 88 ol seenaa, aadaafi duudhaa, aartii, afaanii fi ogbarruu Oromoo irratti afaanota garaa garaan kan maxxanse yoo ta’u, waggoota afur keessatti qofa kitaaboleen 33 maxxanfamuu ibsaniiru.

Inistiitiyuutichi waggaa waggaan hayyoota seenaa, duudhaafi ogbarruu Oromoorratti qorannoo gaggeessan, dhaabbilee barnootaa garaagaraa fi qooda fudhattoota adda addaa kora akkanaa irratti hirmaachisaa akka jiru Dooktar Dirribaan ibsaniiru.

‎Pireezidaantiin Yuunivarsiitii Amboo Baayisaa Lataa (PhD) gama isaaniitiin yunivarsiitichi qorannoo fayyadamummaa hawaasaa mirkaneessu irratti hojiilee bal’aa hojjetaa akka jiru dubbataniiru.

Korri Qorannoo Aadaafi Yaa’iin Aartii Oromoo 4ffaan Yunivarsiitii Ambootti taa’amaa jira.

Kora kanarrattis qorannoowwan mata duree adda addaa irratti xiyyeeffatan 20 dhiyaachuun mariin adeemsifamaa jiraachuu odeeffannoon Kallacha Oromiyaa irraa argame ni agarsiisa.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

01/01/2026

Dho'iinsa mana dhugaatii tokko keessatti muudateen yoo xiqqate namootni 10 du'an.

OFM:Amajjii.01/2026.Siwiizerlaandi mana dhugaatii tokko keessatti dhowiinsa uumameen, kanneen bara haaraa sababeeffachuun bashanna turan keessaa gariin yoo du’an, hedduun madaawan.

Balaan kun riizoortii Iskaay magaalaa Kiraans-Montaanaa kan kibba lixa Siwiizarlaand turetti kamisa Amajjii 01 muudachuu poolisiin himeera.

Sky News akka gabaasetti balaa kanaan yoo xiqqaate namoonni 10 du’aniru.

Miidiyaalee biyya keessaa baay’inni namoota dhumanii sanaa ol ta’uu gabaasan. Dubbii himaan poolisiin hanga namoota dhumanii hin himne.

Hedduun garuu qaamni isaanii gubachuun waldhaansa fayyaarra jiru jedheera.

Battala dhowiinsi muudatetti mana dhugaatii kana keessa namoonni 100 caalan akka turan dubbii himaan poolisii kun himeera.

Kana hordofee tuutni ittisa balaa fi baraarsaa kan bobbaafame yoo ta’u, naannichatti uggurri sochii kaayameera.
Tahus ka'umsi balichaa kan hin himaneefi,
Kiraans-Montaanaa keessatti uggurri balalliis kaayamuu poolisiin hime.
Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

01/01/2026

Kantiibaan magaalaa New York Zohran Mamdaniin Bara haaraa kanatti Qur'aanaan kakuu raawwate.

OFM:Amajjii.01/2026.Mamdaaniin Qur'aana Qulqulluu Muslimaatiin Kantiibaa Niiw Yoork kakuu raawwate isa jalqabaa ta'e.

Dimookiraat Namni ganna 34 kun Gamoo naanawa Bulchiisa Magaalichaatti buufata baaburaa keessatti halkan walakkaan akkuma darbeen, kakuu seenuun ifatti Kantiibaa Magaalaa Niiw Yoork ta'eera.

Kantiiboota kanaan duraa Macaafa Qulqulluu qabatanii kakatanii turan irraa adda ta’uun,Seenaa Keessatti Mamdaaniin nama Qur’aanaan kakuu seenuun aangoo isaatti kan fayyadamu isa jalqabaa ta’a.

Akkasumas kantiibaa magaalaa Niiw Yoork kan jalqabaa Eeshiyaa Kibbaa fi dhalootaan Afrikaa ta’a.

Sooshaal Dimookiraat kantiibaa magaalaa guddittii ta’uuf kaadhimamaa ta'uu isaa erga labsee booda guutuu biyyattiitti dubbii falmisiisaa ta'ee ture.

Pireezidaant Doonaald Tiraamp Mamadaniin Kaadhimamaa ta'anii wayita dhiyaatanitti, Mamdaanii filattoonni akka hin filanne ifatti gaafatanii turan.

Garuu erga Mamadaanii Kantiibaa Magaalaa Niiw Yoork tahuun filatamee booda Tiraamp gara Waayit Haawusitti waamuun waliin haasa'anii turuun ni yaadatama.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

01/01/2026

UN'n Yaa’ii Waliigalaa baajata idilee dhaabbatichaa bara 2026 Doolaara biiliyoona 3.45 raggaasise.

OFM:Amajjii.01/2026.Dhaabbani Dhaabbata Mootummoota Gamtoomanii Yaa’iin Waliigalaa baajata idilee dhaabbatichaa bara 2026 Doolaara biiliyoona 3.45 raggaasiseera.

Nagaa fi nageenni, misoomni itti fufiinsa qabu, fi mirgi namoomaa utubaawwan ijoo sadan dhaabbatichaa yoo ta’an, Yaa’iin Waliigalaa miseensota 193 qabu kun hojiiwwan kana uwwisuuf bajata doolaara biiliyoona 3.45 bara 2026 raggaasisee jira.

Baajanni ragga’e kun baajata Barreessaan Muummichi Dhaabbata Mootummoota Gamtoomanii yaada dhiyeessan irraa doolaara miiliyoona 200 kan caalu yoo ta’u, baajata bara 2025f ragga’e doolaara biiliyoona 3.72 irraa garuu %7 gadi ta’a.

Baajata idilee Dhaabbata Mootummoota Gamtoomanii dhimma siyaasaa Dhaabbata Mootummoota Gamtoomanii, haqaa fi seeraa, mirga namoomaa, tumsa naannoo fi hariiroo hawaasaaf kan oolu yoo ta’u, kunis baajata nagaa eegsisuu Dhaabbata Mootummoota Gamtoomanii irraa adda.

Barri baajata nagaa eegsisuu Dhaabbata Mootummoota Gamtoomanii bara baajataa ji’a Onkoloolessaa hanga Sadaasaa yoo ta’u, baajatni idilee ammoo Muddee hanga Amajjiitti kan turuudha.

Baajata bara 2025/26 nagaa eegsisuu Dhaabbata Mootummoota Gamtoomaniis Doolaara biiliyoona 5.38n kan ragga’e yoo ta’u, kunis kan bara darberraa gadi bu’eera.

Dhaabbanni Mootummoota Gamtoomaniis sababa baajataatiin, bara haarawa har'a irraa eegalee iddoon hojii 2,900 ol akka badu ibseera.

Dhaabbanni Mootummoota Gamtoomanii irra deddeebiin biyyoonni kaffaltii isaanirraa eeggamu kaffaluu dadhabuu isaaniitiin hanqinni baajataa muudatataa akka jiru dubbataa turuun kan yaadatamuudha.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

01/01/2026

Simannaa Bara Haaraa 2026 Biyyoota Garagaraa Keessatti Suuraan:-

01/01/2026

Happy New Years!! Officially the end of 2025 Oromia Freedom Media wants to thank you all for the support we’ve received this year as we continue to the next. Oromia Freedom Media will continue to bring accessible and accurate news coverage for our supporters. Please continue to share and subscribe to our channels as we enter this new year. Happy New Years!!

12/31/2025

US lammiilee hidda dhalattoota Somaalee ta'an lammummaa Ameerikaa irraa mulquuf 'odiitii' godhaa jirti.

OFM:Muddee.31/2025.Bulchiinsi Pireezidaant Traamp kibxata akka jedhetti, US dhimma baqattummaa lammiilee Ameerikaa hidda dhaloota Somaalee ta'anii oodit gochaa turte.

Sakatta'iinsa (oodiitii ragaa baqattummaa) lammiilee kanneenii keessatti yoo waliin dhahuun qorannoodhaan irra gahame lammummaan ni mulqama (haqama).

"Akkaataa seera Ameerikaatti namni tokko waliin dhahuun lammummaa yoo argate lammummaan sun irraa mulqama," jedhan Hoggantuu itti aantuun dhimma nageenna biyya keessaa Tiriishiyaa MacLaafiin.

Lammummaa mulquun kun darbee darbee tarkaanfii fudhatamuu fi waggoota waan fudhatu dha. ragaan Wiirtuu Odeeffannoo Seeraa Baqattootaa bara 1990 fi 2017 jidduutti dhimmoonni akkanaa 11 qofti akka raawwataman agarsiisa.

Tiraamp erga jalqaba bara faranjootaa 2025 aangotti dhufee as imaammata baqataa hamoo garaagaraa kanneen akka dirqiin biyyarraa ari'uu, viisaa fi heyyama jireennaa mulquu, seen-duubee miidiyaa hawaasaa baqatttootaa qorachuu fa'a fudhataa jira.

Gareeleen mirga namoomaa imaammata Tiraamp kana bal'inaan balaaleffaataa turani.

Tiraamp fi michuuwwan isaa imaammata kanneen nageenna biyya keessaa fooyyessuuf akka hojiirra oolchan dubbatu.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg

12/31/2025

Itiyoophiyaa dabalatee biyyoonni kudha torba bara haaraa 2026tti qarqaarsa Ameerikaa karaa Mootummoota Gamtoomaniitiin kennamu akka argatan himame.

OFM:Muddee.31/2025.Bara 2026 kanatti biyyoota hanqina gargaarsa namoomaa cimaa keessa jiran 17 gargaarsa Ameerikaa karaa Dhaabbata Mootummoota Gamtoomanii (UN) argachuuf qophaa’an keessaa Itiyoophiyaan, Suudaan fi Suudaan Kibbaa akka jiran ibsame.

Kunis waliigaltee deeggarsa namoomaa doolaara Ameerikaa biiliyoona 2 ta’u kan Gamtaa Mootummootaafi Yunaayitid Isteetis jidduutti mallatteeffameen kan deeggaramu ta’uu beeysifameera.

Waliigalteen kun Wiixata Magaalaa Jeeneevaatti kan raawwatame ta’uu ibsameera.

Fedhiin gargaarsa namoomaa addunyaa guutuutti dabalaa dhufuu isaa Gamtaan Mootummootaa akeekkachiisuu hordofee, Ameerikaan hojiiwwan gargaarsa namoomaa addunyaa deeggaruuf maallaqa ol'aanaa kennuuf waadaa galteetti.

Qindeessaan garee gargaarsa ariifachiisaa Dhaabbata Mootummoota Gamtoomanii, Toom Fileechar, waliigalteen kun Itiyoophiyaa dabalatee biyyoota rakkoo gargaarsa namoomaan miidhaman keessatti lubbuu namoota miliyoonaan lakkaa’aman baraaruuf gumaacha ol'aanaa qaba jedhan.

Fileechar itti dabaluunis, addunyaan yeroo ammaa rakkoolee wal-xaxaa hedduu, buqqa’iinsa jiraattotaa, wabii nyaataa dhabuu, akkasumas miidhaa haala qilleensaa waliin qabsoo cimaa keessa jiirti jechuun, fedhiin gargaarsa namoomaa daran dabalaa kan dhufeef, waliigalteen Gamtaan Mootummootaafi Ameerikaa jidduutti mallatteeffame kun deebii hatattamaa fi abdii haaraa ta’ee akka dhiyaatus eeran.

Toom Fileechar hojjettoota gargaarsa namoomaa addunyaa maratti haala rakkisaa fi sodaachisaa ta’e keessatti hojjechaa jiran galateeffachuun, bara darbe “namoota hojii namoomaa irratti bobba’an hundaaf bara baay'ee cimaa” akka ture ibsuunii, waliigalteen kun abdii haaraafi bu’uura haaromfame kan kennu ta’uu cimsanii dubbataniiru.

Qarqaarsi Kun lubbuu namoota miliyoona kudhaniin lakkaa’aman baraaruuf gumaacha ol'aanaa taasisuuf akka karoorfamees eeraniiru.

Walii galteen Kun Itiyoophiyaa, Suudaan Kibbaa, Suudaan, Yukireen, Heeyitii, Naayijeeriyaa, Moozaambiik, Miyanamaar, Rippabiliika Dimookiraatawaa Koongoo (DRC), Baanglaadiish, Sooriyaa, Yugaandaa, Keeniyaa, Chaad, Guwaatemalaa, Honduraas fi El Salvaador keessatti hojiiwwan gargaarsa namoomaa gaggeeffaman deeggaruuf kan ooluu ta'as jedhameera.

Gamtaan Mootummootaa gama isaatin, maallaqni kun bara 2026 kan addunyaa guutuutti namoota miiliyoona 87 deeggaruuf kaayyeffatee qophaa'e ta'uu ibseera.

waliigalteen Gmataa Mootummootaafi Ameerikaa jidduutti mallatteeffame kun, addunyaan rakkoo namoomaa hamaa yeroo dheeraaf hin aragamin keessa jirtu, keessahuu biyyoota akka Itiyoophiyaa, Suudaanii fi Suudaan Kibbaa qarqaarsa hatattamaa fi bu’uura jireennaaf murteessaa ta’e argamsiisuun abdii haaraa uumaa jedhamee eegama.

Odeeffannoo haarofti yeroo-yeroon akka isin dhaqqabuuf Link armaan gadii cuqaasaa...👇
https://oromiafreedommedia.org/
https://t.me/oromiafreedommedia
https://youtube.com/?si=9levqC2qNnOL83aY_share
https://www.instagram.com/oromiafreedommedia_ofm?igsh=MWg2d2lieGs3ZnNzZA==
https://x.com/OFM__News?fbclid=IwdGRjcAM4ioxleHRuA2FlbQIxMQABHs7usqX_ejZwRi1QlM5lE1161cscyGnve-7TjhTZ24Gg5i4ydblFCxYOYBiq_aem_5BjCcPHjytI4vxsNxu5VMg