ቀለም መረጃ Kelem Mereja

ቀለም መረጃ Kelem Mereja Our media spotlights things inlight of colors. To explore realty & knowledge follow us. Informing the realities around the world focusing Ethiopian Issues

ቀለም ነገሮችን ለማየት የሚያስችለን በብርሃን የሚገለጽ ነው። ሚዲያችንም ነገሮችን በተለያዩ አግባቦች በማብራት ያሳያል። ከቀለም እውነትንም ዕውቀትንም ይቅሰሙ፡፡ Kelem means Color which shows us things with reflextion of light.

09/17/2026

የተንኮል ጉድጓድ ስትቆፍር አታጥልቀው፤ የሚገባበትን አታውቀውም!

“ከአምስት ሺህ በላይ ተማሪዎች የዝውውር ማመልከቻ አስገብተዋል።” — ፕሮፌሰር ክንደያ ገብረህይወትበትግራይ ክልል ባለው ነባራዊ ሁኔታ በክልሉ በሚገኙ ዩኒቨርሲቲዎች ይማሩ የነበሩ ተማሪዎች በ...
09/17/2026

“ከአምስት ሺህ በላይ ተማሪዎች የዝውውር ማመልከቻ አስገብተዋል።” — ፕሮፌሰር ክንደያ ገብረህይወት

በትግራይ ክልል ባለው ነባራዊ ሁኔታ በክልሉ በሚገኙ ዩኒቨርሲቲዎች ይማሩ የነበሩ ተማሪዎች በክልሉ አስቻይ ሁኔታ እስኪፈጠር ድረስ በሌሎች የመንግሥት ዩኒቨርሲቲዎች በጊዜያዊነት እንዲመደቡ መወሰኑን ተከትሎ፣ እስከ አሁን ከአምስት ሺህ በላይ ተማሪዎች የዝውውር ማመልከቻ ማስገባታቸውን የትምህርት ሚኒስቴር አማካሪ ሚኒስትር ዴኤታ ፕሮፌሰር ክንደያ ገብረህይወት አስታወቁ።

የትምህርት ሚኒስቴር በትግራይ ክልል የሚገኙ ዩኒቨርሲቲ ተማሪዎችን በጊዜያዊነት በሌሎች የመንግሥት ዩኒቨርሲቲዎች ለማስመደብ ማመልከቻዎችን እያስተናገደ ይገኛል። ሚኒስትር ዴኤታው እንደገለጹት፤ ቀደም ሲል በመቐለ፣ አክሱም፣ ዓዲግራትና ራያ ዩኒቨርሲቲዎች ትምህርታቸውን ሲከታተሉ የቆዩት ተማሪዎች ባለው የፀጥታ ሥጋት ምክንያት ተመልሰው ለመማር እንደማይችሉ ባሳወቁት መሠረት ማመልከቻቸውን በሚኒስቴሩ ድህረ ገፅ በኩል እያስገቡ ይገኛሉ።

በእነዚህ ዩኒቨርሲቲዎች ውስጥ ታጣቂዎች መኖራቸውን የጠቀሱት ፕሮፌሰር ክንደያ፤ ይህም የተማሪዎችና የወላጆች ዋነኛ የደኅንነት ሥጋት በመሆኑና ታጣቂዎቹ ከግቢዎቹ እንዲወጡ ቢጠየቅም ባለመውጣታቸው የተማሪዎችን በሰላም የመማር መብት ለማረጋገጥ ጊዜያዊ ዝውውር መወሰኑን ገልጸዋል።

ተማሪዎቹ ቀደም ሲል በአካል እየመጡ ሲመዘገቡ የነበረ ቢሆንም፣ ቁጥራቸው በርካታ በመሆኑ አሁን ላይ ሚኒስቴር መሥሪያ ቤቱ ባዘጋጀው ድህረ ገፅ አማካይነት የቀደመ ዩኒቨርሲቲያቸውን፣ የትምህርት ዘመናቸውንና ፕሮግራማቸውን በመሙላት እያመለከቱ ይገኛሉ።

ውሳኔው ሙሉ በሙሉ የተማሪዎችን ደኅንነትና የመማር መብት ከማስከበር ውጪ ምንም ዓይነት ፖለቲካዊ ተያያዥነት እንደሌለው የተናገሩት አማካሪ ሚኒስትር ዴኤታው፤ በክልሉ አስተማማኝ የመማር ማስተማር ሁኔታ ሲፈጠር ተማሪዎቹ ወደ ቀድሞ ዩኒቨርሲቲዎቻቸው ተመልሰው ትምህርታቸውን እንደሚቀጥሉ ተናግረዋል።

በፍሳሽ መውረጃ ቱቦ ወደ መኖሪያ ቤት በመዝለቅ የስርቆት ወንጀል የፈጸመው ግለሰብ ፅኑ እስራት ተወሰነበት::ቀለም መረጃ Kelem Mereja (መስከረም 07 ቀን 2019 ዓ.ም) ተከሳሽ ዐዲሱ...
09/17/2026

በፍሳሽ መውረጃ ቱቦ ወደ መኖሪያ ቤት በመዝለቅ የስርቆት ወንጀል የፈጸመው ግለሰብ ፅኑ እስራት ተወሰነበት::

ቀለም መረጃ Kelem Mereja (መስከረም 07 ቀን 2019 ዓ.ም) ተከሳሽ ዐዲሱ እንደግ የስርቆት ወንጀሉን የፈጸመው ጳጉሜን 5 ቀን 2018 ዓ.ም በኮልፌ ቀራንዮ ክፍለ ከተማ ወረዳ 2 ካራ ቆሬ አካባቢ ነው።
ተከሳሹ በፍሳሽ መውረጃ ቱቦ ውስጥ ሾልኮ ወደ መኖሪያ ቤት ግቢ ገብቷል፡፡ በመቀጠለም የግል ተበዳይ ቤታቸውን ክፍት አድርገው መኝታ ቤት በነበሩት ሰዓት ሳሎን የነበረ እና የዋጋ ግምቱ 40 ሺህ ብር የኾነ ሳምሰንግ ታብሌት ስልክ እና 2 ሺህ 500 ብር የሚገመት ጃኬት በአጠቃላይ 42 ሺህ 500 ብር የሚገመት ንብረት ሰርቆ ሊሰወር ሲሞክር ተበዳይ ባሰሙት የድረሱልኝ ጥሪ በፖሊስ አባላትና በኅብረተሰቡ ትብብር እጅ ከፈንጅ ተይዟል፡፡
ግለሰቡ በቁጥጥር ስር ከዋለ በኋላ አስፈላጊዉ ምርመራ ተጣርቶ በዐቃቤ ሕግ ክስ ተመሥርቶበታል፡፡ ተከሳሹ ከዚህ ቀደምም በውንብድና ወንጀል ተከሶ በ2 ዓመት ፅኑ እስራት ተቀጥቶ ፍርዱን ጨርሶ እንደወጣ እና ደጋጋሚ ወንጀል ፈጻሚ መኾኑን የፖሊስ ምርመራ መዝገብ ያመለክታል።
የተከሳሽ ዐዲሱ እንደግ ጉዳይን የተመለከተው የፌዴራል የመጀመሪያ ደረጃ ፍርድ ቤት ኮልፌ ቀራንዮ ምድብ ፈጣን ወንጀል ችሎት ጥፋተኝነቱን በሰው ማስረጃዎች ካረጋገጠ በኋላ ተከሳሹን ያስተምራል ሌሎች ወንጀል ፈጻሚዎችንም ያስጠነቅቃል ሲል በፈጸመው የስርቆት ወንጀል መስከረም 06 ቀን 2019 ዓ.ም በዋለው ችሎት በ4 ዓመት ከ7 ወር ፅኑ እስራት እንዲቀጣ ወስኖበታል፡፡

ፕሬዝዳንቱ ቤቶችን እና ዲጂታል መተግበሪያዎችን ለመመረቅ ድሬዳዋ ገቡ፡፡ቀለም መረጃ Kelem Mereja (መስከረም 07 ቀን 2019 ዓ.ም)የፌዴራል ጠቅላይ ፍርድ ቤት በበጎ ፈቃድ የገነባቸዉ...
09/17/2026

ፕሬዝዳንቱ ቤቶችን እና ዲጂታል መተግበሪያዎችን ለመመረቅ ድሬዳዋ ገቡ፡፡
ቀለም መረጃ Kelem Mereja (መስከረም 07 ቀን 2019 ዓ.ም)
የፌዴራል ጠቅላይ ፍርድ ቤት በበጎ ፈቃድ የገነባቸዉን ቤቶች ሊመርቅ ነው፤ የድሬ ዳዋ ፍርድ ቤቶች ያለሙትን ዲጂታል መተግበሪያም ሥራ ሊያስጀምር ነው፡፡
የኢፌዴሪ ጠቅላይ ፍርድ ቤት ፕሬዝዳንት ቴዎድሮስ ምሕረት ዛሬ ረፋዱን ድሬዳዋ ገብተዋል፡፡ ፕሬዝዳንቱ ወደ ድሬዳዋ ያቀኑት በክረምት የበጎ ፈቃድ መርሐ ግብር የተገነቡ የዐቅመ ደካማ ቤቶችን መርቆ ለማስረከብ እና የድሬዳዋ ከተማ አስተዳደር የመጀመሪያ ደረጃ እና ይግባኝ ሰሚ ፍርድ ቤቶች ያለሟቸዉን ዲጂታል ቴክኖሎጂዎች መርቆ በይፋ ሥራ ለማስጀመር ነው፡፡ መተግበሪያዉ ከወረቀት ነፃ የዳኝነት አገልግሎትን በመስጠት የኢትዮጵያን የዲጂታላይዜሽን ጉዞ የሚያፋጥን እንዲሁም የተገልጋዮችን እርካታ የሚጨምር ነው፡፡
የጠቅላይ ፍርድ ቤት ፕሬዝዳንቱ ድሬዳዋ ሲደርሱ የከተማዋ ከንቲባ፣ አፈ ጉባኤ እና ምክትል አፈ ጉባኤ በአውሮፕላን ማረፊያ ተገኝተዉ ደማቅ አቀባበል አድርገውላቸዋል፡፡

ዛሬ የመሬት መንቀጥቀጥ ሰምታችኋል?
09/16/2026

ዛሬ የመሬት መንቀጥቀጥ ሰምታችኋል?

ሐሳባችሁን አካፍሏት!ሰናይት ትባላለች፡፡ የ16 ዓመት ልደቷን በቅርቡ ያከበረች ታዳጊ ናት፡፡ ገና ሩጣ ያልጠገበች፣ ትልቅ ሕልም ያላት የዘጠነኛ ክፍል ተማሪ ነበረች፡፡ በአካባቢዉ በነበረ የፀ...
09/16/2026

ሐሳባችሁን አካፍሏት!

ሰናይት ትባላለች፡፡ የ16 ዓመት ልደቷን በቅርቡ ያከበረች ታዳጊ ናት፡፡ ገና ሩጣ ያልጠገበች፣ ትልቅ ሕልም ያላት የዘጠነኛ ክፍል ተማሪ ነበረች፡፡ በአካባቢዉ በነበረ የፀጥታ ችግር ምክንያት ትምህርቷን አቋርጣ ትዳር የያዘችው ገና በ15 ዓመቷ ነበር፡፡ ባገባች በስድስት ወር ውስጥ አረገዘች፡፡ አሁን ላይ የ5 ወር ነፍሰ ጡር ናት፡፡ ባል ሲያገባት “ሰላም ከሰፈነ ትምህርቷን አስቀጥላለሁ!” ብሎ የነበረ ቢሆንም አሁን አንጻራዊ ሰላም ሰፍኗልና ወደ ትምህርት ቤት ልመለስ ስትለው እርግዝናዋን ምክንያት አድርጎ ከለከላት፡፡ በሽማግሌ ቢጠየቅም “እማራለሁ ካለች ትፍታኝ” ብሎ ድርቅ አለ፡፡

ጉዳዩን ወደ ሕግ ለመውሰድ ብታስብም ጋብቻዉ በድብቅ እና ያለዕድሜ የተፈጸመ በመኾኑ ቤተሰቦቿ ላይ ተጠያቂነት እንዳያመጣ፣ ሕግ ትዳሩን ፈራሽ አድርጎባት ያረገዘችውን ልጅ የብቻዋ ለማሳደግ እንዳትገደድም ሰግታለች፡፡ እናንተ ውድ ተከታታዮቻችን ለዚህች ምስኪን ታዳጊ ምን ትመክሯታለችሁ፡፡

ምስሉ ለልጅቷ ደኅንነት ሲባል በሰው ሠራሽ አስተውሎት የተዘጋጀ ነው፡፡

ብጥለው ገለበጠኝ፡- ሰሞነኛዉ የግብጽ ጨዋታቀለም መረጃ Kelem Mereja (መስከረም 06 ቀን 2019 ዓ.ም)የግብጹ መገናኛ ብዙኃን አህራም ኦንላይን ትናንት ባወጣዉ ዘገባ “የኢትዮጵያ ቀጣ...
09/16/2026

ብጥለው ገለበጠኝ፡- ሰሞነኛዉ የግብጽ ጨዋታ

ቀለም መረጃ Kelem Mereja (መስከረም 06 ቀን 2019 ዓ.ም)
የግብጹ መገናኛ ብዙኃን አህራም ኦንላይን ትናንት ባወጣዉ ዘገባ “የኢትዮጵያ ቀጣናዊ መሻት የሰላምና ደኅንነት ስጋት ደቅኗል” የሚል የግብጻውያን ፖለቲከኞች እና ተመራማሪ ነን ባዮች ውይይትን በሰፊዉ ዳስሷል፡፡ የግብጽ የስትራቴጂካዊ ጥናት ማእከል ባካሄደዉ የውይይት መድረክ ተነሣ ብሎ ያወጣዉ ዘገባ “የኢትዮጵያ የቀጣናዉ ኃያል የመኾን እና ውስጣዊ አለመረጋጋት የዓባይ ተፋሰስ ሀገራን እና የአፍሪካ ቀንድን ውጥረት አባብሶታል” ይላል፡፡ የግብጽ የውኃ ደኅንነት፣ የቀይ ባሕር ነጻ እንቅስቃሴ እና የሱዳን መረጋጋት ጉዳይ የውይይቱ ማእከል እንደነበሩ ዘገባዉ ያሳያል፡፡
የኢትዮጵያ ብቸኛ ታሪካዊ ጠላት የኾነችዉ ግብጽ ምኑን ከምን እንዳገናኘችው ግልጽ አይደለም፡፡ የኢትዮጵያ የቀጣናዉ ኃያል መኾን ከሱዳን መረጋጋት፣ ከቀይ ባሕር ነፃ እንቅስቀሴ እና ከግብጽ የውኃ ደኅንነት ጋር እንዴት እንዳገናኙት ፍጹም ግልጽ አይደለም፡፡ ይልቁንም ለተጠቀሱት ስጋቶች ዋነኛ ተጠያቂዋ ግብጽ ናት፡፡
ግብጽ የዓባይን ውኃ በቶሽካ ፕሮጀክት አማካኝነት ወደ በረሃ ፍሰቱን በማስቀየር ለከፍተኛ መስኖ እየተጠቀመችበት ነው፡፡ በዚህ ምክንያት ወደ ሜዴትራኒያን ባሕር በመግባት የባሕሩን ጨዋማነት የሚቀንሰዉን ንጹሕ ውኃ በማስቀረት የባሕር ሥነ ምኅዳሩን ለጉዳት ዳርጋዋለች፡፡ በዚህ ምክንያት እስራኤል፣ ፍልስጥኤም፣ ስፔን፣ ግሪክ፣ ሊቢያ እና ሌሎችም ከ20 በላይ የሜዲትራኒያን ተዋሳኝ አገራት ለጨዋማ ውኃ ማጣራት ከፍተኛ ወጪ እያወጡ ነው፡፡ በሥነ ምኅዳሩ መጎዳት ምክንያት የዓሣ ምርት እየቀነሰ ነው፤ ዐዳዲስ ፍጡራን ጭምር እየታዩበት ነው፡፡ ኢትዮጵያ ግን በዓባይ ወንዝ ላይ ታዳሽ ኃይል አመንጭታ፣ ዓመቱን ሙሉ ንጹሕ ውኃ ለታችኞቹ ተፋሰስ የምትለቅቅ ሀገር ናት፡፡ ግብጽ ይህንን የራሷን በደል ነው ወደ ኢትዮጵያ አብዝቶ በመጮኽ ለማስረሳት እየጣረች የምትገኘው፡፡
የቀይ ባሕር ነፃ እንቅስቃሴን ከሚያውኩ ሀገራትም ግብጽ ግንባር ቀደሟ ናት፡፡ ገብጽ በየመን የእርስ በርስ ግጭት ውስጥ ከሳዑዲ ዐረቢያ ጋር (እ.አ.አ 2015 ጀምሮ) እጇን በማስገባት የሀውቲ ንቅናቄን ለማዳከም በሰፊዉ ስትሠራ ኖራለች፡፡ የየመንን ባሕር ዳርቻዎች በኃይል ለመቆጣጠር ጥራለች፤ ዳሩ አልቻለችም እንጅ፡፡ አሁን የሀውቲ እንቅስቃሴ ልክ የበሽር አል አሳድን መንግሥት ድንገት ከደፈጣ ወጥቶ እንዳስወገደዉ የሶሪያ አማጺ ኃይል ሀውቲም ድንገተኛ የማጥቃት እንቅስቃሴ ውስጥ ሲገባ የበረገገችው ግብጽ ትኩረት ለማስለወጥ ኢትዮጵያ ላይ እየባረቀች ነው፡፡ እውነታዉን ግን ሀውቲም ሌላውም ዓለም ያውቃል፡፡ የቀይ ባሕር እንቅስቃሴ እንዲደናቀፍ ከግብጽ፣ ኤርትራ እና ሳውዑዲ በላይ እየሠራ ያለ ኃይል የለም፡፡ እንዲያውም ኢትዮጵያ ወደ ቀይ ባሕር ብትወጣ ገለልተኛ እና የታፈረ የቀጣናዉ አረጋጊ ኃይል በመኾን አካባቢዉን ከመቸውም በላይ ሰላማዊ ታደርገዋለች፡፡
የሱዳን የእርስ በርስ ጉዳይም መስከን ያቃተዉ በግብጽ በጥባጭነት ነው፡፡ ግብጽ እና ኤርትራ የጀኔራል አልቡርሃንን ጦር በመደገፍ እልቂቱን እያባባሱ ይገባኛሉ፡፡ ግብጽ አልቡርሃንን የምትፈልገዉ ኢትዮጵያን ይወጋልኛል በሚል ብቻ አይደለም፤ አልቡርሃን ከጄኔራል ሀምዳን ደጋሎ ጋር ሲዋጋ ግብጽ በሰሜናዊ የሱዳን ድንበር አካባቢ ያሉ አወዛጋቢ ግዛቶችን ለመጠቅለል እንዲመቻት ጭምር ነው፡፡ በግብጽ ስሌት መሠረት የሱዳን መበጥበጥ ሦስት ጥቅሞች አሉት፤ አወዛጋቢ ግዛቶችን ለመውረስ፣ ደካማዉን መንግሥት የኢትዮጵያ መውጊያ ጦር አድርጎ ለመጠቀም እና በድህነት ውስጥ እየኖረ ዓባይን በበቂ የማይጠቀም የሱዳን መንግሥት ለማኖር፡፡
እንግዲህ እነዚህን ኹሉ ሀቆች ለመደፍጠጥ ነው የኢትዮጵያ ቀጣናዊ መሻት ለአፍሪካ ቀንድ እና ቀይ ባሕር አካባቢ ስጋት ነው እያለች የምትጮኸው፡፡ ትክክለኛዉ የመካከለኛዉ ምሥራቅ፣ ቀይ ባሕር እና አፍሪካ ቀንድ ስጋት ግን ግብጽ ናት፡፡ ግብጽ በአሜሪካ የጦር መሳሪያ እና የበጀት ድጎማ ተታልላ ዐረቡን ዓለም የሸጠች፣ በአሜሪካ በኩል ጥቅሟ ከተጓደለ ደግሞ አሜሪካ ባስታጠቀቻት መሳሪያ እስራኤልን ለማጥፋት በተጠንቀቅ የተቀመጠች የመካከለኛዉ ምሥራቅ ባለሁለት ሰይፍ የመቅሰፍት ምንጭ ናት፡፡ ያም ኾነ ይህ ግን ኢትዮጵያ ፍላጎቷን ለማሳካት ግብጽንም ኾነ የሌላዉን ቡራኬ አትፈልግም፡፡ በግፍ ሀገር የመውረር ወይም በሌላ ሀገር ጉዳይ ጣልቃ የመግባት ታሪክም የላትም፤ አይኖራትምም፡፡ በብሔራዊ ጥቅሟ እና ሉዓላዊነቷ ላይ የሚቃጣን ስጋት እና ደንቃራ ነቅሎ የመጣል፣ በመቃብሩ ላይ ሰንደቋን ከፍ የማድረግ ደግሞ ዘለዓለማዊ ታሪክ አላት፡፡ ለዚህ 16 ጊዜ ጦርነት ሞክራ ኹሉንም የተሸነፈችዉ ግብጽ ሕያዉ ምስክር ናት!

በከተማዋ የሚስተዋለውን የትራንስፖርት እጥረት ለመፍታት ለኮድ 1 ብቻ ይፈቀድ የነበረው የተማሪዎች ሰርቪስ አገልግሎት ለሁሉም ተሽከርካሪዎች እንዲፈቀድ መደረጉ ተገለጸቀለም መረጃ Kelem Me...
09/16/2026

በከተማዋ የሚስተዋለውን የትራንስፖርት እጥረት ለመፍታት ለኮድ 1 ብቻ ይፈቀድ የነበረው የተማሪዎች ሰርቪስ አገልግሎት ለሁሉም ተሽከርካሪዎች እንዲፈቀድ መደረጉ ተገለጸ

ቀለም መረጃ Kelem Mereja (መስከረም 06 ቀን 2019ዓ.ም) ትምህርት ቤቶች በሚከፈቱበት ጊዜ የትራንስፖርት እጥረቱን ለመፍታት ኮድ 3ን ጨምሮ በትምህርት ቤቶችና በወላጆች ፈቃድ የወሰዱ ተሽከርካሪዎች ተማሪዎችን በማመላለስ ሥራ እንዲሰማሩ መደረጉን ቢሮው ለጣቢያችን አስታውቋል፡፡

የአዲስ አበባ ከተማ ትራንስፖርት ቢሮ በመስከረም ወር የአደባባይ በዓላትን ጨምሮ ትምህርት ቤቶች ሲከፈቱ በከተማዋ የትራንስፖርት አገልግሎት እጥረትና መስተጓጎል ስለሚጋጥም ይህንን ችግር ለመቅረፍ ቢሮው የተለያዩ ጥረቶችን በማድረግ ላይ መሆኑን የአዲስ አበባ ትራንስፖርት ቢሮ የኦፕሬሽን ዘርፍ ምክትል ኃላፊ አቶ ዳኛቸው ሽፈራው ለጣቢያችን ገልጸዋል፡፡

ትምህርት ሲከፈት በከተማዋ ውስጥ ከ1 ሚሊዮን በላይ ተማሪዎች እንቅስቃሴ ስለሚያደርጉ ይህም ከመደበኛ ሰራተኞች የስራ ሰዓት ጋር ተመሳሳይ ስለሆነ የትራፊክ ፍሰት መጨናነቅ፣ የታክሲና የብዙሃን ትራንስፖርት እጥረት እንደሚያጋጥም አክለው፤ ይህንንም ለማስተካከል ከዚህ በፊት የነበረውን ገደብ በዚህ ዓመት በማንሳት በሕጉ መሰረት አገልግሎት እንዲሰጡ እንደሚደረግ ተናግረዋል፡፡

የተማሪዎች የኮንትራት ታክሲ አገልግሎት የሚሰጡ ተሽከርካሪዎች ተማሪዎችን ብቻ በማመላለሳቸው የሕዝብ አገልግሎት የሚሰጡበት ሁኔታ እንዳይቀንስ ቢሮው ያስቀመጠው አቅጣጫ ተሽከርካሪዎቹ ተማሪዎቹን ከጠዋቱ 1 ሰዓት ከ30 ቅድመ-ሰዓት አድርሰው በተርሚናላቸው ውስጥ መገኘት እንዳለባቸው እንደሚያደርጉም ገልጸዋል፡፡

የተማሪ የትራንስፖርት አገልግሎት የሚሰጡ ተሽከርካሪዎችና አውቶቡሶች በተጠቀሰው ሰዓት በቦታቸው መገኘታቸውን በተርሚናላቸው ውስጥ ከ1 ሰዓት ከ30 ደቂቃ በፊት በፊርማ ማረጋገጥ ስላለባቸው ይህንን የመቆጣጠር ሥራ በስፋት እንደሚሰራ ኃላፊው አስረድተዋል፡፡

የተሳለጠ የትራንስፖርት አገልግሎት እንዲኖር ወላጆች ልጆቻቸውን በጠዋቱ ወደ ትራንስፖርት ቦታ መላክ እንዳለባቸውም ገልጸዋል፡፡

አሳዛኝ ዜና!ከሰሞኑ መጥፋቱ በማኅበራዊ ሚዲያ ሲገለጽ የነበረው ደስታዉ ባንቲደር ዛሬ አስከሬኑ ተገኝቷል። እየወጡ ያሉ መረጃዎች እንደሚያመለክቱት ከቀናት ፍለጋ በኋላ አስከሬኑ ዓባይ ወንዝ ው...
09/15/2026

አሳዛኝ ዜና!

ከሰሞኑ መጥፋቱ በማኅበራዊ ሚዲያ ሲገለጽ የነበረው ደስታዉ ባንቲደር ዛሬ አስከሬኑ ተገኝቷል። እየወጡ ያሉ መረጃዎች እንደሚያመለክቱት ከቀናት ፍለጋ በኋላ አስከሬኑ ዓባይ ወንዝ ውስጥ ተገኝቷል።

ለቤተሰቦቹ እና ወዳጅ ዘመዶቹ መጽናናትን እንመኛለን!

#ባሕርዳር
fans

ኧርሊንግ ሃላንድ ለካሮት ዋጋ መናር ምክንያት መኾኑ ተሰማ።ቀለም መረጃ Kelem Mereja (መስከረም 05 ቀን 2018 ዓ.ም)በኧርሊንግ ሃላንድ ምክንያት የካሮት ዋጋ ላይ ከፍተኛ ጭማሪ ተከ...
09/15/2026

ኧርሊንግ ሃላንድ ለካሮት ዋጋ መናር ምክንያት መኾኑ ተሰማ።
ቀለም መረጃ Kelem Mereja (መስከረም 05 ቀን 2018 ዓ.ም)
በኧርሊንግ ሃላንድ ምክንያት የካሮት ዋጋ ላይ ከፍተኛ ጭማሪ ተከስቷል።

የፈረንሳዩ ሌ ኪፕ ይዞት በወጣው ዘገባ መሠረት ጤናማ አመጋገብን የሚያዘወትረው የማንችስተር ሲቲው አጥቂ ኧርሊንግ ሃላንድ ከዓለም ዋንጫዉ ወቅት አንሥቶ በኖርዌይ ወጣቶች የካሮት አጠቃቀም ላይ ተፅዕኖ አሳድሯል።

የኧርሊንግ ሃላንድ ተወዳጅ ከረሜላ እየተባለ የሚጠራዉን ካሮት የሚያዘወትሩ ወጣቶች እየበዙ ነው። በዚህም የተነሣ ባለፉት ሳምንታት በሀገረ ኖርዌይ ከፍተኛ የዋጋ ንረት መከሰቱ ተሰምቷል።

ግዙፍ አጥቂ ሀገሩን በዓለም ዋንጫ እስከ ሩብ ፍፃሜው ከማድረሱ ባለፈ በፍራፍሬዎች እና በአትክልቶች ላይ ያለው ፍጆታ እንዲጨምር ምክንያት በመኾኑ የሀገሪቱ አርሶ አደሮች በከፍተኛ ኹኔታ ምስጋናቸውን እያቀረቡ ይገኛሉ።

በማኅበራዊ ትስስር ገጹ ላይ የዕለት ተዕለት የኑሮ ሂደቱን የሚያጋራው ሃላንድ ለፍራፍሬዎች እና አትክልቶች ልዩ ፍቅር አለው። በተለይም ካሮትን አዘውትሮ ሲጠቀም ይስተዋላል።

ሃላንድ በተፈጨ ካሮት ላይ ከመወሰን ይልቅ በተፈጥሮ ቅርጻቸው እንደ ጣፋጭ ምግብ ወይም መክሰስ ሲመገባቸው ታይቷል።

ይህ በአመጋገብ ውስጥ አላስፈላጊ የስኳር መጠን ክምችትን ለማስወገድ የሚጠቀምበት መንገድ መሆኑንም ሌ ኪፕ አስነብቧል።

ሃላንድ በአንድ ወቅት "በእርሻ ቦታዎች ተከብቤ ነው ያደግኩት አትክልቶች እንዴት እንደሚበቅሉ አያለው የአርሶ አደሮችን ሥራ እመለከታለው ያ የምግቤን ጥራት እንድገነዘብ አድርጎኛል”ብሎ ነበር።

የኖርዌይ የግብርና ሚኒስቴር ባወጣው አንድ መረጃ ደግሞ በሀገሪቱ ከፍተኛ የፍራፍሬ እና አትክልት ፍጆታ የተከሰተ ሲሆን ካለፈው ዓመት ጋር ሲነፃፀር ደግሞ ለካሮት ያለው ፍላጎት በከፍተኛ ኹኔታ ጭማሬን አሳይቷል።

Address

Seattle, WA
1000

Telephone

+13609419683

Website

Alerts

Be the first to know and let us send you an email when ቀለም መረጃ Kelem Mereja posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ቀለም መረጃ Kelem Mereja:

Shortcuts

Share

Category