https://www.facebook.com/665333110195583/

ቀለም መረጃ Kelem Mereja, Seattle, WA (2026)

09/25/2026

ተስማሙ እንጅ!
በትሕነግ የተቀሰቀሰዉን ጦርነት ተከትሎ ራሱ ትሕነግ በፍርሃት ተውጧል፡፡ ሕዝቡ አንቅሮ እንደተፋዉ የተገነዘበዉ ትሕነግ በትግራይ ክልል የቴሌኮም እና የኤሌክትሪክ አገልግሎት አቋርጧል፡፡ ታዲያ የትሕነግ ሰዎች እነ አሉላ እና እነጃዋር ያመኑትን ጉዳይ ኢንሳይድ ጋምቤላ የተባለ ገጽ ደግሞ ኢንተርኔቱን እና ኤሌክትሪኩን የፌዴራል መንግሥት እንዳቋረጠዉ ዘግቧል፡፡ ይህንን ከባለቤቱ ያወቀ ቡዳ ነው ከማለት ውጭ መከራከር አይቻልም፡፡

09/25/2026

ትሕነግ በጀመረዉ ማጥቃት ምንክንያት 436 ወታደሮቹ ተገደሉ፤ 220 ደግሞ ቆስለዋል፡፡
ቀለም መረጃ Kelem Mereja (መስከረም 15 ቀን 2019 ዓ.ም)
የትግራይ ሕዝብ ነፃነት ግንባር (ትሕነግ) ዛሬ በሰሜን ምሥራቅ ዕዝ ላይ ማጥቃት መጀመሩን ተከትሎ መከላከያ ሠራዊት በወሰደዉ የመልሶ ማጥቃት ርምጃ ተቀጠቀጠ፡፡ መከላከያ ሚኒስቴር በማኅበራዊ ሚዲያ ገጹ ይፋ እንዳደረገዉ በዛሬዉ መልሶ ማጥቃት 436 የትሕነግ ጦር አባላት ተደምስሰዋል፤ 220 ቆስለዋል፤ 44 ተማርከዋል፡፡
የሰሜን ምሥራቅ ዕዝ የአንድ ኮር አዛዥ ብርጋዲየር ጀኔራል ዐዲሱ በድሩ እንደገለጹት የጠላትን ሎጅስቲክ የሚያዳክም ኪሳራ ደርሶበታል፡፡ ዐራት ዲሽቃ፣ 18 መትረየስ፣ ስድስት ስናይፐር፣ 83 ክላሽን ኮፍ፣ 15 አይኮም የመገናኛ ሬዲዮ፣ ሁለት ዓይነት 77 ሬዲዮ፣ ሦስት አርፒጂ የጦር መሳሪያ፣ ከ5 ሺህ በላይ የመትረየስ እና 1 ሺህ 590 የዲሽቃ ጥይት በቁጥጥር ስር ውሏል፡፡
ትሕነግ በዚሁ የግዳጅ ቀጣና 31ኛ፣ 26ኛ፣ 15ኛ እና 44ኛ እያለ የሚጠራቸውን ዐራት አርሚ ታጣቂዎችን ሙሉ ለሙሉ አሰልፎ ነበር።

09/25/2026

ሞተር ብስክሌት ማሽከርከር ላልተወሰነ ጊዜ ተከለከለ

ቀለም መረጃ Kelem Mereja (መስከረም 15 ቀን 2019 ዓ.ም)፦ ከዛሬ ከመስከረም 15 ቀን 2019 ጀምሮ ባለሁለት እግር ሞተር ብስክሌት በአዲስ አበባ ማሽከርከር እንደተከለከለ የአዲስ አበባ ፖሊስ ዋና ጠቅላይ መምሪያ ገለጸ።

አንዳንድ ወንጀል ፈጻሚዎች ሞተር ብስክሌትን በመጠቀም የቅሚያ እና የስርቆት ወንጀል ሲፈጽሙ ተይዘው ምርመራ እየተጣራባቸውም ይገኛል።

ወንጀል ፈጻሚዎች ከቦታ ቦታ ለመዘዋወር እና የተሰረቁ እቃዎችን ለማጓጓዝ ሞተር ብስክሌትን በብዛት እንደሚጠቀሙ ፖሊስ አስታውቋል።

ቁጥራቸው ቀላል የማይባል የሞተር ብስክሌት አሽከርካሪዎች የትራፊክ ደንቡን እንደማያከብሩ በተለይ ቀይ መብራትን መጣስ፣ ሌሎች ተሽከርካሪዎችን በመግጨት ማምለጥ፣ ሄልሜት ሳያደርጉ ማሽከርከር፣ የተፋፋቀ እና ለእይታ አስቸጋሪ የሆኑ የሠሌዳ ቁጥሮችን መጠቀም በአሽከርካሪዎቹ በስፋት የሚስተዋሉ የደንብ ጥሰቶች መሆናቸውን ፖሊስ ገልጿል።

ወንጀልን ለመከላከል እና በሞተር ብስክሌት አሽከርካሪዎች የሚፈጸምን የደንብ ጥሰት ለመቆጣጠር ከዛሬ ከመስከረም 15 ቀን 2019 ዓ.ም ጀምሮ ከኮድ 4 እና ከፖሊስ ሞተር ብስክሌት ውጭ በአዲስ አበባ ከተማ ባለ ሁለት እግር ሞተር ብስክሌት ማሽከርከር መከልከሉን የአዲስ አበባ ፖሊስ ዋና ጠቅላይ መምሪያ አስታውቋል።

የሞተር ብስክሌት አሽከርካሪዎች እና ባለ ንብረቶች አስፈላጊውን እንዲፈጽሙ ፖሊስ አሳስቦ ነገር ግን ይህንን ማሳሳቢያ በሚተላለፉ ላይ ህጋዊ እርምጃ እንደሚወስድም የአዲስ አበባ ፖሊስ ዋና ጠቅላይ መምሪያ አስታውቋል።

09/24/2026

ጄኔራል ታደሰ ወረደ ታፍነው ተወሰዱ።

ቀለም መረጃ Kelem Mereja (መስከረም 14 ቀን 2019 ዓ.ም)

ለ18 ሰዓታት ያህል የተመደቡላቸው ጠባቂዎች በሙሉ በሌላ ተቀይረው ቤተሰቦቻቸው ወደ ቤት መግባት እና መውጣት እንዳይችሉ ተደርገዉ የነበሩት የትግራይ ክልል ጊዜያዊ አስተዳደር ፕሬዚዳንት ጄነራል ታደሰ ወረደ ሙሉ በሙሉ በቁጥጥር ስር ውለው ወዳልታወቀ ስፍራ ተወስደዋል።

ለቀድሞ ፕሬዜዳንቱ ቅርበት ያላቸው አንድ ምንጭ ዛሬ መስከረም 14 ቀን 2019 ዓ.ም ከሰዓት በኋላ ለቲክቫህ ኢትዮጵያ በሰጡት መረጃ " ጀነራሉ ከመኖሪያ ቤታቸው ወደ አልታወቀ ቦታ በታጣቂዎች ተወስደዋል" ብለዋል።

"የትግራይ ኃይሎች የመረጃ ደኅንነት ኃላፊ የነበሩት ኮሎኔል ተወልደ ገብረትንሣኤ እና ሌሎቸ ከፕሬዜዳንቱ ቅርበት ያላቸው ግለሰቦችም በተመሳሳይ ወደ አልታወቀ ቦታ ተወስደው ታስረዋል" ሲሉም ጠቁመዋል።

ትሕነግ ጄኔራል ታደሰን የቁም እስረኛ አድርጎ ይዞ የአሜሪካ አምባሳደር ጭምር እንዳያገኟቸው አድርጎ ነበር።

09/24/2026

ድል ሲጠፋ ድል የመፍጠር ስትራቴጅ በትሕነግ

ትሕነግ በፈጠረዉ የውሸት ትብብር ራሱ ጭምር ተሸውዶ የገባበት ጦርነት እየለበለበዉ ነው። የጨነቀ ዕለት እንዲል ዳኘ ዋለ ትሕነግ ሲጨንቃት የድሮ ምስል እየመዘዘች የድል ዜና ብላ እየጨፈረች ነው።

09/24/2026

" የኢትዮጵያ ጎረቤት አገራት ግጭቱን ከሚያባብሱ ማንኛውንም ድርጊቶች ሊቆጠቡ ይገባል " - አፍሪካ ሕብረት
(መስከረም 14 ቀን 2019 ዓ.ም)
የአፍሪካ ሕብረት ኮሚሽን ሊቀ መንበር ማሕሙድ አሊ ዩሱፍ በሰሜን ኢትዮጵያ እንደገና የተከሰተው ውጥረትና ወታደራዊ መካረር እጅግ እንዳሳሰባቸው ገልጸዋል።
በተለይም ህወሓት የመቐለ፣ አክሱም እና ሽረ አውሮፕላን ማረፊያዎችን መያዙና መቆጣጠሩ፣ የፌዴራል መንግሥት ሠራተኞችንም መያዙ በዚህም ምክንያት የሲቪል የአየር በረራ አገልግሎቶች መስተጓጎላቸው እንዳሳሰባቸው ጠቅሰዋል።
ሊቀ መንበሩ በተጨማሪ፣ በደቡባዊ ትግራይ እና በአፋር ክልል በአንዳንድ አካባቢዎች ግጭት እየተባባሰ መምጣቱ እንዳሳሰባቸው ገልጸዋል።
በቅርቡ የተፈጠሩ አዳዲስ የፖለቲካና የወታደራዊ ጥምረቶች ሁኔታውን ይበልጥ ሊያወሳስቡት እና እ.ኤ.አ ከ2020 ጀምሮ የመሳሪያ ድምጽ ጸጥ ለማድረግ የተገኙ ውጤቶችን ሊቀለብሱ እንደሚችሉ አስጠንቅቀዋል።
እ.ኤ.አ በ2022 በፌዴራል መንግሥት እና በህወሓት መካከል በፕሪቶሪያ የተፈረመው የጦርነት ማቆም ስምምነት አሁንም በኢትዮጵያ ዘላቂ ሰላም፣ መረጋጋትና እርቅ ለማምጣት ዋና መሠረት እንደሆነ አረጋግጠዋል።
በትግራይ የሚገኙትን የሲቪል አውሮፕላን ማረፊያዎች መያዝና መቆጣጠር በፕሪቶሪያ ስምምነት የተገቡ ቃል ኪዳኖችና ግዴታዎችን የሚጥስ እንደሆነ ገልጸዋል።
እንደ ሊቀ መንበሩ ገለጻ፣ ይህ ዘላቂ ሰላምና መረጋጋት ላይ ለመድረስ በከባድ ጥረት የተገኙ ውጤቶችን አደጋ ላይ ሊጥል ይችላል።
ሊቀመንበሩ፣ ሁሉም ወገኖች ከፍተኛ ጥንቃቄ እንዲያደርጉ እና ውጥረቱን ይበልጥ ሊያባብሱ የሚችሉ ሁሉንም ድርጊቶች እንዲያቆሙ ጥሪ አቅርበዋል።
እንዲሁም በፕሪቶሪያ ስምምነት ማዕቀፍ ውስጥ በቀጥታ የሚደረገው ውይይት ሳይዘገይ እንዲቀጥል አሳስበዋል።
የኢትዮጵያ ጎረቤት አገራትም ግጭቱን ከሚያባብሱ ማንኛውንም ድርጊቶች እንዲቆጠቡ አስጠንቅቀዋል። አክለውም " ግጭቱ እንዲቆም እና ንግግር እንዲደረግ " ሚናቸውን እንዲወጡ ጠይቀዋል።
የፕሪቶሪያ ስምምነት አሸማጋይ የሆኑት የአፍሪካ ኅብረት የአፍሪካ ቀንድ ልዩ መልዕክተኛ እና የቀድሞው የናይጄሪያ ፕሬዝዳንት ኦሉሴጎን ኦባሳንጆ፤ ዲፕሎማሲያዊ ጥረታቸውን እንዲቀጥሉ በአፍሪካ ኅብረት ኮሚሽን መጠየቃቸውን ሊቀ መንበሩ ገልጸዋል።

09/24/2026

ትሕነግ ጦር በሰሜን ወሎ ዞን መመታቱ ተገለጸ፡፡

ቀለም መረጃ Kelem Mereja (መስከረም 14 ቀን 2019 ዓ.ም)

የኢፌዴሪ መከላከያ ሠራዊት በማኅበራዊ ገጹ እንዳስታወቀዉ በርካታ የሕወኃት ጦር አባላት ሙት፣ ቁስለኛ እና ምርኮኛ ኾነዋል፡፡
የመንግሥትን ተደጋጋሚ የሰላም ጥሪ እና የዓለማቀፍ ተቋማትን ምልጃ ወደጎን በማለት ጦርነትን ምርጫዉ ያደረገዉ ትሕነግ መስከረም 12 ቀን 2019 ዓ.ም ከሌሊቱ 9፡00 በሰሜን ምሥራቅ ዕዝ የግዳጅ ቀጣና ማጥቃት መጀመሩን መከላከያ ሚኒስቴር አስታውቋል፡፡

የጠላትን ተልእኮ ተሸክሞ ጥቃት የጀመረዉን ትሕነግ ለመመከት በተወሰደ ፀረ-ማጥቃት 272 ጠላት መግደሉን፣ 260 ማቁሰሉን እና በርካቶችን መማረኩን ሚኒስቴሩ አስታውቋል፡፡ ድሉ የተመዘገበዉ በሰሜን ወሎ ዞን ተኩለሽ፣ ድልድይ፣ ቀይ ዐፈር፣ በረሃ ማርያም፣ ባይብዋ፣ በጭሮ እና ኩቤ ቀረንሳ በሚባሉ አካባቢዎች ነው፡፡ ከጥቃት የተረፈዉ ኃይል ተበታትኖ መመለሱንም መረጃዉ አመላክቷል፡፡

በግንባሩ 04 ዲሽቃ፣ 22 መትረየስ፣ 08 ስናይፐር፣ 50 ክላሽንኮፍ ጠብመንጃ፣ 03 አርፒጂ7፣ 1ዐ አይኮም የመገናኛ ሬድዮ፣ 01 ዓይነት 77 የመገናኛ ሬድዮ፣ 03 የድሸቃ ወሳ እግር፣ 11 የአይኮም መገናኛ ባትሪ እና 12 አይኮም ቻርጀር ይገኙበታል።

ትሕነግ የፕሪቶሪያ ስምምነትን በመጣስ የሽግግር መንግሥቱን በኃይል ማስወገዱ፣ ሠራዊቱን ትጥቅ አስፈትቶ ለተሐድሶ ኮሚሽን ከማስረከብ ይልቅ ተጨማሪ ኃይል በግዳጅ እያፈሰ ማሠልጠኑ፣ ከሕገ መንግሥቱ እና ከፕሪቶሪያ ስምምነት በማፈንገጥ ፅምዶ እያለ ከሻቢያ፣ ከሱዳን እና ግብጽ ኃይሎች ጋር መቀናጀቱ በቅርቡ ደግሞ እንደ ሸኔ ካሉ የሽብር ቡድኖች ጋር ትብብር ለሕልውና መመሥረቱ ይታወሳል፡፡ እነዚህን ኹሉ ጥፋቶቹን ከግጭት ለመራቅ ሲባል መንግሥት በዝምታ ሲመለከተዉ፣ ዓለማቀፍ ተቋማት ከድርጊቱ እንዲታቀብ ሲመክሩት ባለመስማት ከሰሞኑ ይፋዊ ጥቃት በመክፈቱ በመከላከያ ሠራዊት እና ሌሎችም የፀጥታ ኃይሎች እየተመታ ይገኛል፡፡

09/24/2026

ኢትዮጵያ እና ጂቡቲን በነዳጅ ቧንቧየሚያስተሳስር ፕሮጀክት ይፋ ተደረገ፡፡
ቀለም መረጃ Kelem Mereja (መስከረም 14 ቀን 2019 ዓ.ም)
የኢፌዴሪ ጠቅላይ ሚኒስትር ዐቢይ አህመድ (ዶ.ር) እና የጂቡቲ ፕሬዝዳንት ኢስማኤል ኦማር ጊሌ ኢትዮጵያ እና ጂቡቲን የሚያስተሳስር የነዳጅ ቧንቧ ፕሮጀክትን አስጀመሩ፡፡
የጅቡቲ ዳመርጆግን ከኢትዮጵያ ደወሌ የሚያገናኝ እና ታላቅ ስትራቴጂካዊ ኢንቨስትመንት መኾኑ በጠቅላይ ሚኒስትር ዐቢይ የተገለጸዉ የተጣራ ነዳጅ ማስተላለፊያ ቧንቧ መስመር በኢትዮጵያ ኢንቨስትምንት ሆልዲንግስ እና በዳንጎቴ ግሩፕ ጥምረት የሚተገበር በኹለቱም ጫፎች የማከማቻ ተርሚናሎችን ያቀፈ ነው፡፡
ጠቅላይ ሚኒስትር ዐቢይ እንዳስታወቁት የተጣራ ነዳጅ ቧንቧ መሥመሩ የሎጂስቲክስ ወጭን እና መዘግየትን በመቀነስ፣ የኢነርጂ ዋስትናን ያጠናክራል፤ እንዲሁም የኢትዮጵያ-ጅቡቲ የንግድ መሥመርን ፍጥነት እና ዘላቂነትን ያሳድጋል።
‎
‎መሠረተ ልማቱ ከነዳጅ ማስተላለፊያ ቧንቧ መሥመር ዝርጋታ በላይ፣ የአፍሪካውያንን ኢንቨስትመንት እና በጋራ መልማትን ማእከል ያደረገ፣ ለዘላቂ ዕድገት፣ ለቀጣናዊ ትስስር እና ይበልጥ አስተማማኝ ለኾነ የጋራ ኢኮኖሚያዊ ዕጣ ፈንታ የሚደረግ ሰፊ ኢንቨስትመን እንደኾነም ጠቅላይ ሚኒስትር ዐቢይ በማኅበራዊ ገጻቸዉ አስተላልፈዋል።
ጂቡቲ ዋነኛ የኢትዮጵያ ገቢ እና ወጪ መተላለፊያ ኮሪደር ናት፡፡ ኢትዮጵያ ታዳሽ ኃይልን በቅናሽ፣ ንጹሕ የመጠጥ ውኃን ደግሞ በነጻ ለጂቡቲ ታቀርባለች፡፡ ይህም የኹለቱ ሕዝቦች የግንኙነት ጥልቀት ማሳያ ተደርጎ የሚወሰድ ነው፡፡ የኢትዮጵያ ታሪካዊ ጠላት የኾነችዉ ግብጽ ጂቡቲን ከኢትዮጵያ ለመነጠል ተደጋጋሚ ጥረቶችን ብታደርግም የጂቡቲ ሕዝብ እና መንግሥት ግን ከኢትዮጵያ ጋር ያለዉ ጠንካራ ወዳጅነትና ጉርብትና እንደሚበልጥባቸው ይነገራል፡፡

09/24/2026

‎ጠቅላይ ሚኒስትር ዐቢይ አሕመድ ለይፋዊ የሥራ ጉብኝት ጅቡቲ ገቡ።
ቀለም መረጃ Kelem Mereja (መስከረም 14 ቀን 2019 ዓ.ም)

ጠቅላይ ሚኒስትር ዐቢይ ጂቡቲ ሲደርሱ ፕሬዚዳንት ኢስማኤል ኦመር ጊሌ ደማቅ አቀባበል አድርገውላቸዋል። ኹለቱ መሪዎች በኢትዮጵያ እና በጅቡቲ መካከል ያለውን ኢኮኖሚያዊ ትስስር ይበልጥ ለማጠናከር ያለመ የጋራ ፕሮጀክት ይፋ የሚኾንበትን መድረክ እንደሚታደሙ ይጠበቃል።

09/24/2026

ኤርትራውያን አብዮት ለማካሄድ ማቀዳቸውን ተሰማ፡፡
ቀለም መረጃ Kelem Mereja (መስከረም 14 ቀን 2019 ዓ.ም)
በኢትዮጵያ እና በሌሎች ሀገራት የሚንቀሳቀስ ኤርትራውያን የዲያስፖራ ንቅናቄ፣ የፕሬዚዳንት ኢሳይያስ አፈወርቂን መንግሥት ለመጋፈጥ እና የዲሞክራሲያዊ አብዮት አካል በመሆን በሂደት ወደ ኤርትራ ለመመለስ እየተደራጀ መሆኑ ታወቀ።
«ሀአሬትዝ» የተሰኘው የእስራኤል ጋዜጣ እንደዘገበው፤ የንቅናቄው አባላት እንቅስቃሴዎቻቸውን በአሜሪካ፣ በስዊድን፣ በጀርመን፣ በእስራኤል እና በኢትዮጵያ ከሚገኙ ማኅበረሰቦቻቸው ጋር በመተባበር እየሠሩ ይገኛሉ። «ብሪጌድ ንሐመዱ» በመባል የሚታወቀው ይህ ቡድን፣ በኤርትራ መንግሥት ላይ ይደረጉ የነበሩ ጥረቶች ውጤታማ አልነበሩም ካለ በኋላ፣ አዲስ የተቃውሞ ኃይል ሆኖ ብቅ ማለቱን ገልጿል።
በዘገባው የንቅናቄው የፋይናንስ ሥራ አስኪያጅ እንደሆኑ የተገለጹት ካናዳዊ-ኤርትራዊው ዳዊት ተፈሪ፣ የተቃውሞ እንቅስቃሴው ከ2014 ዓ.ም. ጀምሮ «በአዳዲስ ፊቶች፣ በአዳዲስ ድምፆች እና በአዳዲስ አሠራሮች» ሽግግር ማድረጉን ተናግረዋል።

የንቅናቄው አመራሮች ለፋይናንስ፣ ለዲፕሎማሲ፣ ለማኅበረሰብ ቅንጅት እና ለወታደራዊ ጉዳዮች ኃላፊነት ያላቸውን አካላት ያካተቱ እንደሆኑ ተዘግቧል። እንደ «ሀአሬትዝ» ዘገባ የቡድኑ መሪ እንደሆኑ የተጠቀሱት በየነ ገረዝጊሔር መቀመጫቸውን በአዲስ አበባ አድርገዋል።
ቡድኑ በውጭ ሀገራት የሚኖሩ ኤርትራውያንን ማስተባበር እና በሂደትም ወደ ሀገራቸው የሚመለሱበትን መንገድ ማመቻቸት ዓላማው እንደሆነ ገልጿል። «ሀአሬትዝ» እንደዘገበው፣ ንቅናቄው በሚንቀሳቀስባቸው ሀገራት ውስጥ ወደ ሁለት ሚሊዮን ገደማ የሚጠጉ ኤርትራውያን ስደተኞች እና ጥገኝነት ጠያቂዎች ይኖራሉ ተብሎ ይገምታል።
ኤርትራ እ.ኤ.አ. በ1993 ከኢትዮጵያ ነፃነቷን ካገኘችበት ጊዜ ጀምሮ በኢሳይያስ አፈወርቂ እየተመራች ትገኛለች። ሀገሪቱ ብሔራዊ ምርጫ አካሂዳ የማታውቅ ሲሆን፣ ሕገ-መንግሥቷ ሳይተገበር እና ነፃ መገናኛ ብዙኃን እንደታገዱ ይገኛሉ።
የኤርትራ መንግሥት ላለፉት ዓመታት ያልተወሰነ የብሔራዊ አገልግሎት፣ የፖለቲካ ነፃነቶች ገደብ እና ሕገ-ወጥ እስራቶችን በማስመልከት ከዓለም አቀፍ ማኅበረሰብ ከፍተኛ ትችት ሲሰነዘርበት ቆይቷል። የኤርትራ ባለሥልጣናት በበኩላቸው የሀገሪቱን የፖለቲካ ሥርዓት እና የብሔራዊ አገልግሎት ፕሮግራም ከብሔራዊ ደኅንነት እና ከቀጣናዊ አለመረጋጋት ስጋቶች አንጻር ሲከላከሉ ይታያሉ። ይሁን እንጅ ቀጣናዉን የሚያውኩትም ራሳቸው ሻቢያዎች ናቸው፡፡ በሱዳን ቀውስ ውስጥ ጄኔራል አልቡርሃንን፣ በኢትዮጵያ ግጭት ውስጥ ወያኔን በመደገፍ ከግብጽና ሶማሊያ ጋር ጥምረት ፈጥረዉ ኢትዮጵያን ለማስጨነቅ በመሞከር እየተወራጨ የሚገኘው ሻቢያ ነው፡፡

ቀለም መረጃ Kelem Mereja

09/25/2026

09/25/2026

09/25/2026

09/24/2026

09/24/2026

09/24/2026

09/24/2026

09/24/2026

09/24/2026

09/24/2026

Address

Telephone

Website

Alerts

Contact The Business

Shortcuts

Share

Category

Listing takedown request