Border News Agency, 626 Eldrid Drive, Silver Spring, MD (2026)

01/07/2026

စစ်တွေကို ထိုးစစ်ဆင်သိမ်းယူဖို့အာရက္ခတပ်တော်ကြိုးစားနေ

01/07/2026

စစ်တွေကို ထိုးစစ်ဆင်သိမ်းယူဖို့အာရက္ခတပ်တော်ကြိုးစားနေ

Border News Agency
စစ်တွေ၊ဇန်နဝါရီ ၇။

အာဏာသိမ်းစစ်တပ်ထိန်းချုပ်ထားတဲ့ပြည်နယ်မြို့တော်စစ်တွေကို အာရက္ခတပ်တော်(AA)ထိုးစစ်ဆင်သိမ်းယူဖို့ကြိုးစားနေတယ်လို့ မြေပြင်စစ်ရေးသ တင်းရင်းမြစ်တွေက ဆိုကြပါတယ်။

အဲဒီစစ်တွေမြို့နယ်မှာပစ်ခတ်သံတွေကြားနေကြရပြီးစစ်တွေမြို့နယ်မှာအာရက္ခတပ်တော်ကခြေကုတ်ယူရသွားတာဖြစ်နိုင်တယ်လို့လည်း ဆိုကြပါတယ်။

အဲဒီလိုပစ်ခတ်မှုတွေရှိနေပေမယ့် မြို့တွင်းနေပြည်သူတွေကတော့ ပုံမှန်အတိုင်းရှိနေကြတုန်းပဲလို့ စစ်တွေမြို့ခံတွေက ဆိုကြပါတယ်။

"မြို့ပြင်မှာတော့ပစ်ခတ်သံတွေမကြာခ ဏဖြစ်နေကြပါတယ်။မြို့ထဲမှာတော့ဘာမှမဖြစ်သေးပါဘူး။'' လို့ စစ်တွေမြို့တွင်းနေအမျိုးသမီးတဦးက ဇန်နဝါရီ လ ၇ ရက်၊ဒီနေ့ညနေ ၇ နာရီအချိန်ခန့်မှာ Border News Agency ကို ပြောပါတယ်။

အဲဒီစစ်တွေမြို့နယ်ရှိ ရခိုင်ပြည်နယ်လွှတ်တော်အ ဆောက်အအုံတွေကို အာဏာသိမ်းစစ်တပ်ကပြန် လည်ပြုပြင်နေသလို ဖုန်းလိုင်းတချို့ကိုလည်း ပြန်ဖွင့်ပေးထားတယ်လို့ စစ်တွေမြို့ခံတွေကဆိုကြပါတယ်။

အိန္ဒိယနိုင်ငံရဲ့ကုလားတန်ဘက်စုံစီမံကိ န်းတည်ရှိရာစစ်တွေမြို့ကို အာရက္ခတပ်တော်(AA)က ရသေ့တောင်၊ပုဏ္ဏားကျွ န်း၊ပေါက်တောစတဲ့သုံးမြို့နယ်ကဝိုင်းပတ်ထားပါတယ်။

အဲဒါကြောင့် အာဏာသိမ်းစစ်တပ်ဟာစစ်တွေမြို့နယ်ပတ်ပတ်လည်ရေပင်ပြင်မှာရေတပ်စစ်သင်္ဘောကြီးတွေအ များအပြားချထားသလိုမြို့နယ်အစပ်နေရာတွေမှာခံစစ်တွေအခိုင်အမာတည်ဆောက်ထားပါတယ်။

အာရက္ခတပ်တော်(AA)ရဲ့ပြည်နယ်မြို့တော်သိမ်းထိုးစစ်ဟာအပြင်းထန်ဆုံးဖြစ်လာနိုင်ပြီးနှစ်ဘက်အဆုံးအဖြတ်ပေးမယ့်နောက်ဆုံးတိုက်ပွဲတွေဖြစ်သွားနိုင်တယ်လို့ စစ်ရေးလေ့လာစောင့်ကြည့်သူတွေက ဆိုကြပါတယ်။

"အေအေကသာ စစ်တွေမြို့သိမ်းထိုးစ စ်ကိုစတာမှန်ရင် ရပ်တော့မှာမထင်ပါဘူး။အချိန်တနှစ်ကျော်ယူပြီးသေချာပြင်ဆင်ထားမယ်လို့မြင်ပါတယ်။စစ်တွေကို သိမ်းနိုင်ရင်အဆုံးအဖြတ်တိုက်ပွဲတွေပြီးသွားပါပြီ။အာဏာသိမ်းစစ်တပ်ကလည်း လွှတ်တော်ခေါ်နိုင်အောင်ကာကွယ်မှာမို့ အပြင်းထန်ဆုံးတိုက်ပွဲတွေဖြစ်လာနိုင်ပါတယ်။'' လို့ စစ်ရေးလေ့လာစောင့်ကြည့်သူတဦးက Border News Agency ကို ပြောပါတယ်။

တရုတ်စီမံကိန်းတွေရှိတဲ့ကျောက်ဖြူမြို့ကို အာရက္ခတပ်တော်ကအပြင်းအထန်ထိုးစစ်ဆင်တိုက်ခိုက်နေပေမယ့် အပြီးသတ်မသိမ်းနိုင်သေးခင်မှာပြည်နယ်မြို့တော်မှာပစ်ခတ်မှုတွေပြန်ဖြစ်လာတာပါ။

ကျောက်ဖြူ၊စစ်တွေ၊မာန်အောင်သုံးမြို့နယ်ကို အာရက္ခတပ်တော်ထိုးစစ်ဆင်သိမ်းယူဖို့ကျန်နေပြီးမာန်အောင်မြို့နယ်မှာတော့ နှစ်ဘက်ထိတွေ့မှုတွေမရှိသေးပါဘူး။

အာဏာသိမ်းစစ်တပ်ဟာ ပြည်နယ်လွှတ်တော်ခေါ်ယူနိုင်ဖို့အတွက် ပြည်နယ်မြို့တော်ကိုအသဲအသန်ကာကွယ်မှာဖြ စ်သလိုအာရက္ခတပ်တော်ကလည်း နောက်ဆုံးလက်ကျန်တမြို့တည်းသီးသန့်ကိုအပြီး သတ်သိမ်းနိုင်ဖို့ အပြင်းထန်ဆုံးထိုးစစ်ဆင်တိုက် ခိုက်မှာမို့ မြို့ရှိပြည်သူတွေသတိထားပြင်ဆင်ထားသင့်တယ်လို့ သတိပေးထားကြပါတယ်။

Photo - AA

Website - https://burmese.bnanews.net/news/16937/

#အာဏာသိမ်းစစ်တပ် #စစ်တွေ

01/07/2026

မြိုင်မှာ စစ်ကော်မရှင်တပ်လေကြောင်းတိုက်ခိုက်လို့တဦးသေဆုံး (ဓာတ်ပုံသတင်း)

Border News Agency
မကွေး၊ ဇန်နဝါရီ ၇။

မကွေးတိုင်း၊ မြိုင်မြို့နယ်၊ ကြက်မောက်ကျေးရွာကို စစ်ကော်မရှင်တပ်လေကြောင်းတိုက်ခိုက်လို့ အရပ်သားတဦးသေဆုံးပြီး ခြောက်ဦးဒဏ်ရာရသွားတယ်လို့မြိုင်ပကဖက ဇန်နဝါရီလ ၇ ရက်၊ ဒီနေ့ ထုတ်ပြန်ပါတယ်။

အဲဒီ ကြက်မောက်ကျေးရွာကို ဇန်နဝါရီလ ၆ ရက်၊ မနေ့က စစ်ကော်မရှင်တပ်လေကြောင်းတိုက်ခိုက်ခဲ့တယ်လို့ဆိုပါတယ်။

အဲဒီလိုတိုက်ခိုက်ခဲ့တာကြောင့် အသက်ဆယ့်ခြောက်နှစ်အရွယ်အမျိုးသမီးတဦးသေဆုံးပြီးအမျိုးသားလေးဦးနဲ့အမျိုးသမီး နှစ်ဦးဒဏ်ရာပြင်းပြင်းထန်ထန်ရသွားတယ်လို့ ဆိုပါတယ်။

အဲဒီအပြင် နေအိမ်နှစ်လုံးလည်း ပျက်စီးသွားတယ်လို့ဆိုပါတယ်။

စစ်ကော်မရှင်တပ်ဟာ တော်လှန်ရေးတပ်တွေထိန်းချုပ်ထားတဲ့နေရာတွေရှိ ပြည်သူတွေကို ရွယ်ရွရွယ်ရွရှိရှိလေကြောင်း၊လက်နက်ကြီးတွေနဲ့ ပစ်ခတ်တိုက်ခိုက်နေတာကြောင့် ပြည်သူတွေသေဆုံး၊ဒဏ်ရာရနေကြပါတယ်။

စစ်တပ်က အာဏာသိမ်းပြီးနောက်ပိုင်း မြန်မာနိုင်ငံအနှံ့ စစ်ကော်မရှင်တပ်လေကြောင်းတိုက်ခိုက်မှုအကြိမ်ပေါင်း လေးထောင်ကျော်ပြုလုပ်ခဲ့ကြီး ပြည်သူ လေးထောင့်ခြောက်ရာရှစ်ဆယ်ကျော်သေဆုံးခဲ့တယ်လို့ အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာနက ထုတ်ပြန်ထားပါတယ်။

ဓာတ်ပုံ - မြိုင်ပကဖက

Website - https://burmese.bnanews.net/news/16926/

#မကွေးတိုင်း #မြိုင်မြို့နယ် #ကြက်မောက်ကျေးရွာ #စစ်ကော်မရှင်တပ် #လေကြောင်းတိုက်ခိုက်

01/07/2026

ဘုံသဘောတူညီချက်ကိုဆက်လုပ်သွားမယ်လို့ အာဆီယံပြော

Border News Agency
နေပြည်တော်၊ဇန်နဝါရီ ၇ ။

မြန်မာ့နိုင်ငံရေးအကျပ်အတည်းကို ဖြေရှင်းနိုင်ဖို့ အာဆီယံရဲ့ဘုံသဘောတူညီချက်ငါးရပ်ကို ဆက်ပြီးအကောင်အထည်ဖော်လုပ်ဆောင်သွားမယ်လို့ ဖိလစ်ပိုင်နိုင်ငံခြားရေးဝန်ကြီးမစ္စမာရီယာထရီဆာပါရန်နိုလာဇာဇို ကဆိုပါတယ်။

နေပြည်တော်မှာ ဇန်နဝါရီလ ၆ ရက်နေ့က အာဏာသိမ်းစစ်‌ခေါင်းဆောင်မင်းအောင်လှိုင်နဲ့တွေ့ဆုံမှုအပြီးမှာ မစ္စမာရီယာကပြောကြားခဲ့တာပါ။

အာဆီယံအထူးကိုယ်စားလှယ်အဖြစ် မြန်မာနိုင်ငံကို သုံးရက်ကြာရောက်ရှိနေတဲ့ ဖိလစ်ပိုင်နိုင်ငံခြားရေးဝန်ကြီး မစ္စမာရီယာ ထရီဆာပါရန်နိုလာဇာဇိုဟာ မင်းအောင်လှိုင်အပါအဝင် စစ်ကော်မရှင်အဖွဲ့ဝင်တချို့နဲ့တွေ့ဆုံခဲ့ပါတယ်။

အဲဒီလိုတွေ့ဆုံရာမှာ ဖိလစ်ပိုင်ဟာ အရင်က ခန့်အပ်ခဲ့တဲ့အာဆီယံအထူးကိုယ်စားလှယ်တွေအကောင်အထည်ဖော်နိုင်ဖို့ ကြိုးစားခဲ့တဲ့ အာဆီယံဘုံသဘောတူညီချက်ငါးရပ်အကောင်အထည်ပေါ်ရေး ဆက်ပြီးလုပ်ဆောင်သွားမယ်လို့ မစ္စမာရီယာကဆိုပါတယ်။

အဲဒီအပြင် မစ္စမာရီယာဟာ စစ်‌ခေါင်းဆောင်မင်းအောင်လှိုင်၊ နိုင်ငံခြားရေး ဝန်ကြီးသန်းဆွေ ၊စစ်ကော်မရှင်ဝန်ကြီးချုပ်ညိုစောတို့နဲ့ တွေ့ဆုံခဲ့ပြီး စစ်ခေါင်းဆောင်က ကျင်းပနေတဲ့ရွေးကောက်ပွဲအကြောင်း ရှင်းပြခဲ့သလို အကျဉ်းချခံထားရတဲ့ ဖိလစ်ပိုင်နိုင်ငံသားတဦးကိုလည်းလွှတ်ပေးခဲ့တယ်လို့ ဆိုပါတယ်။

နောက်ပြီး နှစ်နိုင်ငံတို့အကြား နိုင်ငံရေးကဏ္ဍ၊စီးပွားရေးကဏ္ဍနဲ့ ကုန်သွယ်မှုကဏ္ဍတွေမှာပူးပေါင်းဆောင်ရွက်မှုတွေမြင့်တင်သွားမှာဖြစ်သလို ဖိလစ်ပိုင်ကမြန်မာနဲ့ပတ်သက်လို့ဦးစားပေးလုပ်ဆောင်သွားမယ်လို့လည်းဆိုပါတယ်။

ဓာတ်ပုံ - စစ်ကော်မရှင်

Website - https://burmese.bnanews.net/news/16922/

#မြန်မာ့နိုင်ငံရေး #အာဆီယံ #ဘုံသဘောတူညီချက်

01/07/2026

အာရက္ခဒေသမှာဝါးနဲ့ဓနိချပ်တွေ ရောင်းအားကောင်းနေ

Border News Agency
ပုဏ္ဏားကျွန်း၊ ဇန်နဝါရီ ၇။

အာရက္ခတပ်တော်ထိန်းချုပ်နယ်မြေမှာပွင့်လင်းရာသီရောက်လာလို့ ဝါးနဲ့ဓနိီးချပ်တွေရောင်းအားကောင်းနေတယ်လို့ ရောင်းချသူတွေက ဆိုကြပါတယ်။

အဲဒီလိုဝါးနဲ့ဓနိချပ်တွေ ရောင်းအားကောင်းနေတာဟာ အာရက္ခအဆုံးစစ်ပွဲအတွင်း စစ်ကော်မရှင်တပ်က လေကြောင်းတိုက်ခိုက်တာ၊ လက်နက်ကြီးပစ်ခတ်တာတွေကြောင့် ပျက်စီးသွားတဲ့နေအိမ်တွေကို ပြန်ပြီးဆောက်လုပ်လာကြတယ်လို့ ဆိုပါတယ်။

အဲဒီအပြင် မိုးရာသီအတွက်နေအိမ်တွေပြုပြင်ဖို့နဲ့ စစ်ဘေးရှောင်တွေမှာနေအိမ်တွေဆောက်လုပ် ပြုပြင်ဖို့ ဝယ်ယူတာတွေကြောင့် ရောင်းအားကောင်းနေတာလို့ ဆိုကြပါတယ်။

"ဝါးနဲ့ဓနိချပ်တွေကတော့ရောင်းအားကောင်းတယ်။ဝယ်သူတွေလည်းများတယ်။ နွေရာသီဘက်ရောက်လာတော့ နေအိမ်တွေပြုပြင်တာ။ခြံစည်းရိုးကာရံဖို့အတွက်ဝယ်ယူကြတယ်။"လို့ ပုဏ္ဏားကျွန်းမြို့နယ်က ဝါးနဲ့ဓနိချပ်တွေရောင်းချသူဒေါ်အေးကျော့စိန်က Border News Agency ကို ပြောပါတယ်။

အဲဒီအပြင် အာရက္ခဒေသမှာအိမ်ဆောက်ပစ္စည်းတွေလည်းအဆမတန်ဈေးမြင့်တက်နေတာကြောင့် ဒေသခံတွေဟာ ငွေကြေးအခက်အခဲတွေနဲ့ စစ်ပွဲကာလဖြစ်တာမို့ တိုက်တာအဆောက်အအုံတွေ မဆောက်လုပ်နိုင်ကြဘူးလို့ဆိုကြပါတယ်။

ငွေကြေးအရင်းအနှီးအများမကုန်ဘဲ အကုန်အကျနည်းပါးတဲ့ဝါးနဲ့ဓနိချပ်တွေဝယ်ယူပြီး နေအိမ်ဆောက်လုပ်ကြသူတွေများပြားလာလို့ ရောင်းအားကောင်းနေတာလို့ ဆိုပါတယ်။

"ခုကစစ်ပွဲကာလလေ။ငွေတွေအများကြီးကုန်ကျပြီးတိုက်အိမ်တွေဆောက်နေလဲ လေကြောင်းနဲ့လက်နက်ကြီးပစ်လို့ပျက်စီးမယ့်အန္တရာယ်ကိုကြောက်ရတယ်။ဝါးနဲ့ဓနိမိုးပြီး အိမ်တွေပဲဆောက်နေကြတယ်။ နွေရာသီဆိုအရိပ်အမိုးလည်းကောင်းတယ်။" လို့ ပုဏ္ဏားကျွန်းမြို့နယ်က ဒေသခံအမျိုးသားတဦးက Border News Agency ကိုပြောပါတယ်။

အာရက္ခဒေသမှာ ဝါးအလုံးရေတရာကို အရွယ်အစားနဲ့အရှည်အပေါ်မှုတည်ပြီး ကျပ်ခြောက်သောင်းကနေကျပ်တသိန်းကျော်၊ဓနိအချပ်ရေ တရာကိုလည်းအရွယ်အစားပေါ်မှုတည်ပြီး ကျပ်သုံးသောင်းခွဲအထိဈေးနှုန်းရှိနေတယ်လို့လည်း ဆိုကြပါတယ်။

အာရက္ခဒေသမှာ မွေးမြူရေးခြံတွေလည်း အရင်ကထက်ပိုမိုဆောက်လုပ်လာလို့ သောင်းနဲ့ချီတဲ့ဓနိချပ်တွေနဲ့ ဝါးအလုံးရေထောင်ပေါင်းများစွာကို အချိန်တပတ်ကျော်ခန့်အတွင်း မြန်မြန်ဆန်ဆန်ရောင်းချနိုင်တယ်လို့လည်း ရောင်းချသူတွေက ဆိုကြပါတယ်။

ဓနိချပ်တွေဟာ အာရက္ခဒေသမြေပုံ၊ မြောက်ဦးနဲ့ မင်းပြားစတဲ့မြို့နယ်တွေကအများအပြားထွက်ရှိပြီး အာရက္ခတပ်တော်ထိန်းချုပ်နယ်မြေတွေမှာဖြန့်ချိရောင်းချနေကြပါတယ်။

အဲဒီအပြင် ဝါးတွေဟာလည်း ကုလားတန်မြစ်အထက်ပိုင်းဒေသ၊လေးမြို့ချောင်းအထက်ပိုင်းဒေသနဲ့ ယိုးချောင်းအထက်ပိုင်းဒေသတွေကအများအပြားထွက်ရှိကြတယ်လို့လည်းဆိုကြပါတယ်။

လက်ရှိမှာ ဝါးနဲ့ဓနိချပ်တွေဟာ အရင်နှစ်ကထက် ဝယ်ယူကြသူတွေပိုများနေလို့ ရောင်းအားကောင်းနေတာလို့ ရောင်းချနေသူတွေက ဆိုပါတယ်။

Photo - BNA

Website - https://burmese.bnanews.net/news/16919/

#အာရက္ခတပ်တော် #ပွင့်လင်းရာသီ #ဝါး #ဓနိီး

01/07/2026

ရောင်းအားကောင်းနေတဲ့ အာရက္ခဒေသက ဝါးနဲ့ဓနိီးတွေ (ဓာတ်ပုံသတင်း)

Border News Agency
ပုဏ္ဏားကျွန်း၊ ဇန်နဝါရီ ၇။

အာရက္ခတပ်တော််ထိန်းချုပ်နယ်မြေတွေမှာ စစ်ကော်မရှင်တပ်ကြောင့် ပျက်စီးသွားတဲ့ နေအိမ်တွေကို ပြန်ပြီးဆောက်လာကြတာမို့ ဝါးနဲ့ဓနိီးချပ်တွေ ရောင်းအားကော
င်းနေပါတယ်။

အိမ်ဆောက်ပစ္စည်းဈေးနှုန်းမြင့်တက်တာနဲ့ စစ်ပွဲအန္တရာယ်ကြောင့် အာရက္ခပြည်သူတွေဟာ အကုန်အကျနည်းပြီး အရိပ်ရတဲ့ ဝါး၊ဓနိီးတွေကိုသာအဓိကအားထားနေကြရပါတယ်။

ဝါးအလုံးတရာကို ကျပ်ခြောက်သောင်းမှ တသိန်းကျော်၊ ဓနိီးအချပ်တရာကိုကျပ် သုံးသောင်းခွဲခန့်ထိဈေးနှုန်းရှိနေပါတယ်။

နေအိမ်တွေအပြင် မွေးမြူရေးခြံတွေပါဆောက်လုပ်လာကြတာမို့ အချိန်တပတ်အတွင်းအများအပြားရောင်းအားကောင်းနေတယ်လို့ ဝါးနဲ့ဓနိချပ်ရောင်းနေသူတွေကဆိုကြပါတယ်။

အဲဒီဝါးနဲ့ဓနိီးတွေကို မြေပုံ၊ မင်းပြားနဲ့ မြစ်ကြောင်းအထက်ပိုင်းဒေသတွေမှထွက်ရှိပြီး အာရက္ခတပ်တော်ထိန်းချုပ်နယ်မြေတွေမှာဖြန့်ဖြူးရောင်းချနေကြပါတယ်။

Website - https://burmese.bnanews.net/news/16909/

#အာရက္ခတပ်တော်် #စစ်ကော်မရှင်တပ်

01/07/2026

နွားထိုးကြီးမြို့နယ်တိုက်ပွဲမှာ စစ်ကော်မရှင်တပ်ဖွဲ့ဝင်ခုနှစ်ဦးသေဆုံး (ရုပ်သံ)

Border News Agency
မန္တလေး၊ ဇန်နဝါရီ ၇။

မန္တလေးတိုင်း၊ နွားထိုးကြီးမြို့နယ်တိုက်ပွဲမှာ စစ်ကော်မရှင်တပ်ဖွဲ့ဝင် ခုနှစ်ဦးသေဆုံးသွားတယ်လို့ မြင်းခြံခရိုင်အမှတ် ၉ တပ်ရင်းမှ ဇန်နဝါရီလ ၆ ရက်၊မနေ့ကထုတ်ပြန်ထားပါတယ်။

အဲဒီနွားထိုးကြီးမြို့နယ် ကုကုန်းရွာထဲ တပ်စွဲထားတဲ့အင်အားခြောက်ဆယ်ခန့်ရှိတဲ့ စစ်ကော်မရှင်တပ်ဖွဲ့ဝင်တွေဟာ ပြီးခဲ့တဲ့ ဒီဇင်ဘာလ ၃၁ ရက်နေ့က ပြည်သူ့ကာကွယ်ရေးတပ်ဖွဲ့တပ်စွဲထားတဲ့နေရာကို ထိုးစစ်ဆင်လာတယ်လို့ဆိုပါတယ်။

အဲဒီတိုက်ပွဲမှာ စစ်ကော်မရှင်တပ်ဖွဲ့ဝင် အများအပြားသေဆုံးခဲ့ကာ ကုကုန်းရွာထဲကို ပြန်ဆုတ်ခွာသွားပြီး လက်နက်ကြီးပစ်ကူနဲ့တိုက်လေယာဉ်တွေပစ်ကူပေး ခဲ့တယ်လို့ ဆိုပါတယ်။

အဲဒီတိုက်ခိုက်မှုကို Myingyan Black Tiger (MBT)မြင်းခြံခရိုင်အမှတ် ၉ တပ်ရင်းနဲ့အတူ ဗိုလ်စားပြောက်ကျားတပ်ဖွဲ့၊ Burmese Guerrilla Force (BGF)တပ်ဖွဲ့၊ မြင်းခြံခရိုင် ဒရုန်းတပ်ဖွဲ့( MDDS ) တွေ ပူးပေါင်းလုပ်ဆောင်ခဲ့တာဖြစ်ပြီး လက်နက်ခဲယမ်းအချို့ သိမ်းဆည်းရရှိခဲ့တယ်လို့ ဆိုပါတယ်။

ရုပ်သံ - မြင်းခြံခရိုင်အမှတ် ၉ တပ်ရင်း (Myingyan Black Tiger)

#မန္တလေး #နွားထိုးကြီးမြို့ #စစ်ကော်မရှင် #မြင်းခြံခရိုင်

01/07/2026

သက္ကမအမျိုးသားနေ့မှာ သက္ကမလူငယ်များအသင်းကဆုတောင်းမေတ္တာပို့

Border News Agency
ပုဏ္ဏားကျွန်း၊ ဇန်နဝါရီ ၇။

သက္ကမအမျိုးသားနေ့အတွက်သက္ကမဌာနေတိုင်းရင်းသားလူငယ်များအသင်း (CIYA) က အဝေးရောက်သက္ကမပြည်သူတွေနဲ့ လူထုတရပ်လုံးကို ဆုတောင်းမေတ္တာ ပို့သလိုက်ပါတယ်။

ဇန်နဝါရီလ ၇ ရက်၊ ဒီနေ့မှာ ကျရောက်တဲ့ ၁၅ကြိမ်မြောက် သက္ကမအမျိုးသားနေ့အတွက် သက္ကမဌာနေတိုင်းရင်းသားလူငယ်များအသင်းကဆုတောင်းမေတ္တာ ပို့သလိုက်တာပါ။

အဲဒီသက္ကမလူမျိုးတို့ရဲ့ ပျောက်ကွယ်လုနီးပါးဖြစ်နေတဲ့ စာပေ၊ယဉ်ကျေးမှုနဲ့ ဓလေ့ထုံးတမ်းတွေကို ပြန်လည်ဖော်ထုတ်လာခဲ့တာဟာ ဒီနေ့မှာ ၁၅ နှစ်ပြည့်ခဲ့ပြီလို့ဆိုပါတယ်။

အဲဒီလို တန်ဖိုးရှိတဲ့အမျိုးသားအမွေအနှစ်တွေကို စောင့်ထိန်းကာကွယ်ရတာဟာ သက္ကမလူမျိုးတိုင်းရဲ့ သမိုင်းပေးတာဝန်ဖြစ်တယ်လို့ ဆိုပါတယ်။

အဲဒီအပြင် သက္ကမလူငယ်တွေအနေနဲ့လည်း အမျိုးသားယဉ်ကျေးမှုတွေမပျောက်ကွယ်စေဖို့နဲ့ နိမ့်ကျနေတဲ့ပညာရေး၊ ကျန်းမာရေးနဲ့လူမှုရေးကဏ္ဍတွေကိုလည်း သက္ကမလူထုနဲ့အတူလက်တွဲပြီး အစွမ်းကုန်မြှင့်တင်ဆောင်ရွက်သွားမယ်လို့ ဆိုပါတယ်။

ဒီနေ့ကျရောက်တဲ့ ၁၅ ကြိမ်မြောက် သက္ကမနေ့ကစပြီး ပြည်တွင်းပြည်ပမှာရှိတဲ့ သက္ကမလူထုတွေ၊ရခိုင်ပြည်ရှိလူမျိူးတွေအားလုံး၊မြန်မာနိုင်ငံသူ၊နိုင်ငံသားတွေအားလုံးနဲ့ကမ္ဘာသူ၊ကမ္ဘာသားအားလုံး ကျန်းမား၊ချမ်းသာပါစေကြောင်း ဆုတောင်းမေတ္တာ ပို့ထားပါတယ်။

Website - https://burmese.bnanews.net/news/16906/

#သက္ကမ #အမျိုးသားယဉ်ကျေးမှု

01/07/2026

နွားထိုးကြီးမြို့နယ်တိုက်ပွဲမှာ စစ်ကော်မရှင်တပ်ဖွဲ့ဝင်ခုနှစ်ဦးသေဆုံး (ဓာတ်ပုံသတင်း)

Border News Agency
မန္တလေး၊ ဇန်နဝါရီ ၇။

မန္တလေးတိုင်း၊ နွားထိုးကြီးမြို့နယ်တိုက်ပွဲမှာ စစ်ကော်မရှင်တပ်ဖွဲ့ဝင် ခုနှစ်ဦးသေဆုံးသွားတယ်လို့ မြင်းခြံခရိုင်အမှတ် ၉ တပ်ရင်းမှ ဇန်နဝါရီလ ၆ ရက်၊မနေ့ကထုတ်ပြန်ထားပါတယ်။

အဲဒီနွားထိုးကြီးမြို့နယ် ကုကုန်းရွာထဲ တပ်စွဲထားတဲ့အင်အားခြောက်ဆယ်ခန့်ရှိတဲ့ စစ်ကော်မရှင်တပ်ဖွဲ့ဝင်တွေဟာ ပြီးခဲ့တဲ့ ဒီဇင်ဘာလ ၃၁ ရက်နေ့က ပြည်သူ့ကာကွယ်ရေးတပ်ဖွဲ့တပ်စွဲထားတဲ့နေရာကို ထိုးစစ်ဆင်လာတယ်လို့ဆိုပါတယ်။

အဲဒီတိုက်ပွဲမှာ စစ်ကော်မရှင်တပ်ဖွဲ့ဝင် အများအပြားသေဆုံးခဲ့ကာ ကုကုန်းရွာထဲကို ပြန်ဆုတ်ခွာသွားပြီး လက်နက်ကြီးပစ်ကူနဲ့တိုက်လေယာဉ်တွေပစ်ကူပေး ခဲ့တယ်လို့ ဆိုပါတယ်။

အဲဒီတိုက်ခိုက်မှုကို Myingyan Black Tiger (MBT)မြင်းခြံခရိုင်အမှတ် ၉ တပ်ရင်းနဲ့အတူ ဗိုလ်စားပြောက်ကျားတပ်ဖွဲ့၊ Burmese Guerrilla Force (BGF)တပ်ဖွဲ့၊ မြင်းခြံခရိုင် ဒရုန်းတပ်ဖွဲ့( MDDS ) တွေ ပူးပေါင်းလုပ်ဆောင်ခဲ့တာဖြစ်ပြီး လက်နက်ခဲယမ်းအချို့ သိမ်းဆည်းရရှိခဲ့တယ်လို့ ဆိုပါတယ်။

ဓာတ်ပုံ - မြင်းခြံခရိုင်အမှတ် ၉ တပ်ရင်း (Myingyan Black Tiger)

သတင်းအပြည့်အစုံဖတ်ရန် - https://burmese.bnanews.net/news/16897/

#မန္တလေး #နွားထိုးကြီးမြို့နယ် #စစ်ကော်မရှင်တပ် #မြင်းခြံခရိုင်

01/07/2026

ကယန်းအမျိုးသားတပ်မတော်မှာ တပ်ရင်းအသစ်တိုး (ဓာတ်ပုံသတင်း)

Border News Agency
လွိုင်ကော်၊ ဇန်နဝါရီ ၇။

ကယန်းအမျိုးသားတပ်မတော်မှာ တပ်ရင်းအသစ်တိုးဖွင့်ပွဲနဲ့ ရုံးချုပ်ဖွင့်ပွဲ ဗဟိုဌာနချုပ်ကို ဇန်နဝါရီလ ၇ ရက်နေ့က ကယန်းဒေသတနေရာမှာ ပြုလုပ်ခဲ့ပါတယ်။

အဲဒီကယန်းအမျိုးသားတပ်မတော်ကို ပြီးခဲ့တဲ့၂၀၂၄ ခုနှစ်၊ အောက်တိုဘာလ၂၉ ရက်နေ့မှာ တပ်ရင်းရှစ်ခုနဲ့စတင်ဖွဲ့စည်းခဲ့တာပါ။

အဲဒီ အမှတ် ၂၁၁၄၊ ၂၁၁၅ တပ်ရင်းနှစ်ရင်းကိုတိုးဖွင့်ပြီး ခုတပ်ရင်းဆယ့်သုံးရင်းအထိ တိုးချဲ့ဖွဲ့စည်းနိုင်ခဲ့တယ်လို့ဆိုပါတယ်။

အဲဒီ တပ်ရင်းသစ်ဖွင့်ပွဲကို ကယန်းအမျိုးသားတပ်မတော်ထောက်ပို့ကိုယ်စားလှယ်တွေဖြစ်တဲ့ ဗိုလ်အိုက်ဆန်းနဲ့ ခွန်းအက်ဒွက်မှ 4x4 wheels ကားတစီးနဲ့ စစ်ဖက်ဆိုင်ရာအသုံးအဆောင်ပစ္စည်းတွေအတွက် ကျပ်သိန်းနှစ်ရာ့နှစ်ဆယလှူဒါန်းခဲ့တယ်လို့ဆိုပါတယ်။

အဲဒီအပြင် ကယန်းအမျိုးသားတပ်မတော် နိုင်ငံရေးဦးဆောင်ကော်မတီဝင်တွေ၊ စစ်ဖက်ဆိုင်ရာစစ်ဦးစီးမှူး၊ ဒုစစ်ဦးစီးမှူး၊ တပ်ဗိုလ်တပ်မှူးတွေ၊တပ်ရင်းသစ်တပ်သား
တွေနဲ့ထောက်ပ်ို့ကိုယ်စားလှယ်တွေတက်ရောက်ခဲ့တယ်လို့ဆိုပါတယ်။

ဓာတ်ပုံ - ကယန်းအမျိုးသားတပ်မတော် (KNA)

Website - https://burmese.bnanews.net/news/16886/

#ကယန်းအမျိုးသားတပ်မတော် #ကယန်း

01/07/2026

သရက်မြို့နယ်မှစစ်ကော်မရှင်တပ်တွေကိုတော်လှန်ရေးတပ်တွေတိုက်ခိုက်

Border News Agency
သရက်မြို့၊ ဇန်နဝါရီ ၆။

သရက်မြို့နယ်၊ ဆင်ကော်ကျွေးရွာမှာ အင်အားသုံးဆယ့်ငါးဦးခန့်ရှိတဲ့စစ်ကော်မရှင်တပ်ဖွဲ့ဝင်တွေကိုတော်လှန်ရေးတပ်တွေပိတ်ဆို့တိုက်ခိုက်ခဲ့တယ်လို့ သရက်ခရိုင်အမှတ် ၄ တပ်ရင်းမှဇန်နဝါရီလ ၆ ရက်၊ မနေ့ကထုတ်ပြန်ပါတယ်။

အဲဒီစစ်ကြောင်းကို ပြည်သူ့ကာကွယ်ရေးတပ်မတော်၊ သရက်ခရိုင်အမှတ် ၄ တပ်ရင်းမှ ပြီးခဲ့တဲ့ဒီဇင်ဘာလ ၂၄ ရက်နေ့တိုက်ခိုက်ခဲ့တယ်လို့ဆိုပါတယ်။

အဲဒီတိုက်ပွဲမှာ တော်လှန်ရေးတပ်မှ ဝိုင်းပတ်ပိတ်ဆို့ထားခဲ့သလို ၁၂၂ MM၊ ရှော့တိုက်ဒုံးနှစ်လုံးနဲ့ပစ်ခတ်ခဲ့ပြီး တိုက်ခိုက်ရေးဒရုန်းနှစ်စီး၊၆၀ မမ၊ လက်လုပ်ဒရုန်းဗုံးသီး၊ မီးလောင်ဗုံးတွေနဲ့ တိုက်ခိုက်ခဲ့တယ်လို့ဆိုပါတယ်။

အဲဒီလိုတိုက်ခိုက်လို့ စခန်းမှာအခိုင်အမာပြုလုပ်ထားတဲ့ဘန်ကာတွေ လှိုင်ခေါင်းတွေထဲခုခံခဲ့ပြီး ကပစ ၁၂ မ လက်နက်ကြီးပစ်ကူ၊လေကြောင်းမှကာမီကာဇေ ဒရုန်းတွေ၊တိုက်ခိုက်ရေးဒရုန်းတွေနဲ့ အကြိမ်ကြိမ်ပစ်ကူပေးခုခံခဲ့တယ်လို့ဆိုပါတယ်။

အဲဒီအပြင် ဆင်ကော်ရေးစခန်းကို ပြီးခဲ့တဲ့ ဒီဇင်ဘာလ ၂၄ ရက်နေ့မှ ဇန်နဝါရီလ ၆ရက် ဒီနေ့အထိတိုက်ပွဲကာလ ဆယ့်လေးရက်အတွင်း စစ်ကော်မရှင်တပ်မှ ကပစ ၁၂ ကနေ လက်နက်ကြီးပစ်ကူ၊ ဒရုန်းတိုက်ခိုက်တာတွေကြောင့် ဆင်ကော်ကျေးရွာနဲ့မြို့လှကျေးရွာမှနေအိမ်တွေပျက်စီးခဲ့သလို ဒေသခံအများအပြားစစ်ဘေးရှောင်နေရတယ်လို့ဆိုပါတယ်။

အဲဒီတိုက်ပွဲတွေမှာ တော်လှန်ရေးတပ်မှ စစ်ကော်မရှင်တပ်ရဲ့ကာမီကာဇေဒရုန်းနှစ်စီးကို သိမ်းပိုက်ဖျက်စီးနိုင်ခဲ့သလို တပ်ဖွဲ့ဝင်ငါးဦးသေဆုံးပြီးဆယ် ဦးဒဏ်ရာရခဲ့တယ်လို့ဆိုပါတယ်။

အဲဒီသရက်၊ ကံမ၊ မင်းတုန်းမြို့နယ်တွေမှာလည်း ဒီနေ့ထိ စစ်ကော်မရှင်တပ်ဖွဲ့ဝင် အင်အားငါးရာခန့်နဲ့ စစ်ကြောင်းထိုးနေတာကြောင့် ပြည်သူတွေသတိပြုသွားလာနေထိုင်ကြဖို့ အသိပေးထားပါတယ်။

ရုပ်သံ - သရက်ခရိုင်အမှတ် ၄ တပ်ရင်း

#သရက်မြို့နယ် #ဆင်ကော်ကျွေးရွာ #စစ်ကော်မရှင်တပ်

01/07/2026

စပါးဈေးကောင်းမရလို့ အာရက္ခဒေသလယ်သမားတွေရပ်တည်ရခက်ခဲနေ

Border News Agency
ကျောက်တော်၊ ဇန်နဝါရီ ၅။

အာရက္ခတပ်တော်ထိန်းချုပ်နယ်မြေက လယ်သမားတွေဟာသွင်းအားစုစာရိတ်အဆမတန်မြင့်တက်တာနဲ့ စပါးဈေးကောင်းမရတာတွေကြောင့် ရပ်တည်ရခက်ခဲနေကြတယ်လို့ လယ်သမားတွေက ဆိုကြပါတယ်။

စစ်ပွဲဒဏ်ခံနေရတဲ့ကာလတွေမှာ စိုက်ပျိုးစရိတ်ချေးငွေရပ်ဆိုင်းသွားတာ၊ လမ်းပန်းဆက်သွယ်ရေးအခက်အခဲတွေကြောင့် စပါးတွေကိုရောင်းချဖို့ ဈေး ကွက်မရှိကြတာမို့ ရပ်တည်ရေးခက်ခဲနေကြတယ်လို့ လယ်သမားတွေက ဆိုကြပါတယ်။

"စစ်ဖြစ်နေတဲ့အတောအတွင်းလယ်သမားတွေအခက်အခဲပေါင်းစုံရင်ဆိုင်ရတယ်။ စက်နဲ့ ငှားထွန်ရင်ဝါးတရာကို နှစ်သိန်း၊ သုံးသိန်းပေးရတယ်။ အရင်က မိုးဦးကျရင် စိုက်ပျိုးစရိတ်ချေးငွေရပေမယ့် အခုက ဘာမှမရတော့ဘူး။ အကြွေးတွေ၊ အတိုးတွေနဲ့ စိုက်နေရတာ။” လို့ ကျောက်တော်မြို့နယ်ရှိ လယ်သမားတဦးဖြစ်တဲ့ဦးကျော်သောင်းက Border News Agency ကိုပြောပါတယ်။

အဲဒီအပြင် ကုန်စျေးနှုန်းတွေမြင့်တက်လို့ မြေဩဇာတွေမသုံးရတာ၊ ရာသီဥတုမမှန်တာတွေကြောင့် ခုနှစ်စပါးအထွက်နှုန်းမှာ ပြီးခဲ့တဲ့နှစ်တွေကထက် သိသိသာသာလျော့ကျသွားတယ်လို့ လယ်သ မားတွေက ဆိုကြပါတယ်။

အဲဒီလိုစပါးအထွက်နှုန်းလျော့ကျသွားတာ၊စပါးစျေးကောင်းမရတာတွေကြောင့် မိသားစုစားဝတ်နေရေးအတွ က် ပိုမိုကျပ်တည်းလာနေတယ်လို့ လ ယ်သမားတွေကိုကြပါတယ်။

“စပါးလေးကလေးသိန်း၊ပေါ်ဆန်းမွှေးက ခြောက်သိန်းခွဲပဲရှိတယ်။ထွန်ခက ဝါးတရာကိုတသိန်းခွဲ၊မြေဩဇာကတအိတ်ကို နှစ်သိန်းကျော်နေပြီ။ရိတ်သိမ်းခတွေနဲ့ပါဆိုရင်လယ်သမားတွေအရမ်းရှုံးပါတယ်။ ဒီနှစ်မှာ စပါးအထွက်နှုန်းကလည်း အရင်နှစ်ထက် လျော့သွားတယ်။" ကျောက်တော်မြို့နယ်ရှိ လယ်သ မားတဦးက Border News Agency ကိုပြောပါတယ်။

အာရက္ခစစ်ပွဲတွေကြောင့် လမ်းပန်းဆ က်သွယ်ရေးခက်ခဲတာ၊သယ်ယူပို့ဆောင်ရေးစာရိတ်ကြီးမြင့်တာနဲ့ ကုန်စည်စီးဆင်းမှုရပ်တန့်နေတာတွေကြောင့် စပါးစျေးကောင်းမရဘူးလို့လည်း လယ်သမားတွေကဆိုကြပါတယ်။

အဲဒီလို စပါးစျေးကောင်းမရတာတွေကြောင့် လယ်သမားအများစုမှာ မိသား စုစားဝတ်နေရေးအတွက်သာမက လာမယ့်စိုက်ပျိုးရာသီအတွက်ပါ ရင်းနှီးမြှုပ်နှံဖို့ငွေကြေးအခက်အခဲတွေနဲ့ရင် ဆိုင်နေကြရတယ်လို့ ဆိုကြပါတယ်။

“ဒီနှစ်လိုမျိုးဆိုရင် လယ်သမားတွေ အားလုံး လယ်အလုပ်ပြုတ်သွားမယ့် အခြေအနေဖြစ်နေတယ်။ စပါးဈေးကမကောင်း၊စာရိတ်ကများဆိုတော့အကု န်အရှုံးပဲ။အဲဒီတော့ နောက်နှစ်မှာ မိ သားစုစားဖို့လောက်ပဲလျှော့ပြီးထွန်ကြတော့မယ့်အခြေအနေရှိနေပါတယ်။" လို့ လယ်သမားတဦးက Border News Agency ကိုပြောပါတယ်။

အာရက္ခလယ်သမားတွေအတွက်အာရက္ခပြည်သူ့တော်လှန်ရေးအစိုးရက ဒေ သတွင်းစပါးဈေးကွက်ပြန်ပြီးဦး မော့လာစေဖို့နဲ့ သွင်းအားစုပစ္စည်းတွေကိုဈေးနှုန်းသက်သာစွာရနိုင်ဖို့ စနစ်တ ကျစီမံဆောင်ရွက်ပေးဖို့လိုအပ်တယ်လို့လယ်သမားတွေက ဆိုကြပါတယ်။

အဲဒီအပြင် လယ်သမားတွေရေရှည်ရပ်တည်နိုင်ဖို့အတွက် လိုအပ်တဲ့ စိုက်ပျိုးစာရိတ်နဲ့ နည်းပညာအကူအညီတွေကို အာရက္ခပြည်သူ့တော်လှန်ရေးအစိုးရကထိရောက်စွာ ကူညီပံ့ပိုးပေးဖို့ပြည်သူတွေက မျှော်လင့်နေကြပါတယ်။

Website - https://burmese.bnanews.net/news/16883/

#အာရက္ခတပ်တော် #လယ်သမား #မြေဩဇာ

Border News Agency

01/07/2026

01/07/2026

01/07/2026

01/07/2026

01/07/2026

01/07/2026

01/07/2026

01/07/2026

01/07/2026

01/07/2026

01/07/2026

01/07/2026

Address

Telephone

Website

Alerts

Shortcuts

Share

Category