Border News Agency, 626 Eldrid Drive, Silver Spring, MD (2025)

11/12/2025

"ကျေးလက်ဒေသဖွံဖြိုးရေးလုပ်ငန်းတွေမှာ ပါဝင်ခဲ့ပါတယ်။''

11/12/2025

စစ်ကော်မရှင်တပ်ရဲ့တပ်မ ၃၃ မှတပ်ဖွဲ့ဝင်တွေတိုက်ခိုက်ခံရ (ရုပ်သံ)

Border News Agency
ရွှေဘို၊နိုဝင်ဘာ ၁၂။

ရွှေဘိုခရိုင်နဲ့ကန့်ဘလူခရိုင်အတွင်း စစ်ကြောင်းထိုးလာတဲ့ စစ်ကော်မရှင်တပ်ရဲ့တပ်မ ၃၃ မှတပ်ဖွဲ့ဝင်တွေ စစ်ကြောင်းပျက်အောင်ထိ တိုက်ခိုက်ခဲ့တယ်လို့စစ်ကိုင်းတိုင်း ပြည်သူ့ကာကွယ်ရေးအဖွဲ့ ပကဖက နိုဝင်ဘာလ ၁၂ ရက်၊ ဒီနေ့ထုတ်ပြန်ပါတယ်။

အဲဒီကန့်ဘလူခရိုင်နဲ့ ရွှေဘိုခရိုင်အတွင်း ကို နိုဝင်ဘာလ ၁၂ ရက်၊ဒီနေ့မှာ အင်အား တရာခန့်နဲ့ စစ်ကော်မရှင်စစ်ကြောင်းကို တိုက်ခိုက်ခဲ့တယ်လို့ ဆိုပါတယ်။

အဲဒီတိုက်ပွဲမှာ စစ်ကော်မရှင်တပ်သား စစ်ကြောင်းမှူးအပါအဝင်အများအပြား သေဆုံးပြီး စစ်သုံ့ပန်းတွေနဲ့လက်နက်ခဲယမ်းတွေသိမ်းဆည်းရမိခဲ့တယ်လို့ဆိုပါတယ်။

အဲဒီတိုက်ခိုက်မှုကို ကန့်ဘလူခရိုင်ပကဖ အထူးလှုပ်ရှားတပ်ရင်း၊ ရေဦးမြို့နယ် ပကဖဓူဝံအဖွဲ့၊ရွှေဘိုခရိုင်အမှတ် ၃ တပ်ရင်း ခင်ဦး၊ အမှတ်၂၅တပ်ရင်းတန့်ဆည်နဲ့ တော်လှန်ရေးအင်အားစုတွေပူးပေါင်းတိုက်ခိုက်ခဲ့တယ်လို့ဆိုပါတယ်။

#ရွှေဘို #ကန့်ဘလူခရိုင် #စစ်ကော်မရှင်တပ် #ပကဖ

11/12/2025

ပလက်ဝမှာ အာရက္ခပြည်သူ့အစိုးရက ကျန်းမာရေးစောင့်ရှောက်မှုပေး

Border News Agency
ပလက်ဝ၊ နိုဝင်ဘာ ၁၂။

အာရက္ခတပ်တော်ထိန်းချုပ်ထားတဲ့ပလက်ဝမြို့နယ်က ဒေသခံတွေနဲ့ ကုန်သည်တွေကို ကျန်းမာရေးစောင့်ရှောက်မှုပေးခဲ့တယ်လို့ အာရက္ခကျန်းမာရေးဌာနက နိုဝင်ဘာလ ၁၂ ရက်၊ ဒီနေ့ထုတ်ပြန်ပါတယ်။

ပလက်ဝခရိုင်၊ ရှင်းလက်ဝတိုက်နယ်မှ ဒေသခံတွေနဲ့ကုန်သည်စုစုပေါင်းသုံးရာကိုဟာ ပြင်းထန်ဝမ်းပျက်ဝမ်းလျှောကူးစက်ရောဂါကူးစပ်ခံခဲ့ရတယ်လို့ ဆိုပါတယ်။

အဲဒီရောဂါတွေဟာ အိန္ဒိယနိုင်ငံ၊ လုံတလိုင်ခရိုင်မှကာကီကျေးရွာ၊ တွီတင်းကျေးရွာ၊ လုံတင်းကျေးရွာတွေမှအစပျိုးခဲ့တာဖြစ်တယ်လို့ ဆိုပါတယ်။

အဲဒီကူးစက်ခံရတဲ့ အရပ်သားသုံးရာထဲမှ သုံးဆယ်ဦးကို ကျန်းမာလာအောင်ထိ ကုသပေးခဲ့တယ်လို့ဆိုပါတယ်။

အာရက္ခပြည်သူ့ကျန်းမာရေးဌာနမှ အရေးပေါ်တုန့်ပြန်ရေးအဖွဲ့ဟာ ပလက်ဝခရိုင်မှ ဒေသအစိုးရအဖွဲ့အစည်းတွေ၊ NGO၊CSO တွေနဲ့ပူးပေါင်းပြီး ဆေးကုသရေးလုပ်ငန်းတွေ၊ ရောဂါမပြန့်ပွားအောင်ထိန်းချုပ်ရေးလုပ်ငန်းတွေ၊ ကြိုတင်ကာကွယ်ရေးလုပ်ငန်းတွေ လုပ်နေတယ်လို့ဆိုပါတယ်။

အဲဒီလိုထိန်းချုပ်ကာကွယ်ရေးလုပ်ငန်းတွေကို နိုဝင်ဘာလ ၄ ရက်နေ့က လုပ်ခဲ့တာဖြစ်ပြီး ကူးစက်လူနာအသစ် ငါးရာခိုင်နှုန်းလျော့ကျသွားသလို ကူးစက်မှုနှုန်းလည်းလျော့ကျလာတယ်လို့ ဆိုပါတယ်။

အဲဒါကြောင့် ပလက်ဝခရိုင်နဲ့ဆက်စပ်ဒေသတွေမှ အန္တရာယ်ရှိတဲ့အုပ်စု(Risk group) တွေကို ဝမ်းပျက်ဝမ်းလျှောကူးစက်မြန်ရောဂါ ကြိုတင်ကာကွယ်ဆေးတွေ
တိုက်ကျွေးတာ၊ အသိပညာပေးတာတွေကို ဆက်ပြီးလုပ်နေတယ်လို့ ဆိုပါတယ်။

အာရက္ခပြည်သူ့ကျန်းမာရေးဌာနအနေနဲ့လည်း ဒီကူးစက်ရောဂါနဲ့ပတ်သက်ပြီး သတိထားစောင့်ကြည့်နေသလို နောက်ဆက်တွဲအခြေအနေတွေကိုလည်း ဆက်ပြီးထုတ်ပြန်သွားမယ်လို့ဆိုပါတယ်။

ဓာတ်ပုံ - အာရက္ခပြည်သူ့ကျန်းမာရေးဌာန

Website - https://burmese.bnanews.net/news/13680/

#အာရက္ခတပ်တော် #ပလက်ဝမြို့ #ဒေသခံ #ကုန်သည် #ကျန်းမာရေးစောင့်ရှောက်မှု #ကျန်းမာရေးဌာန

11/12/2025

ထားဝယ်ခီးကျေးရွာကို စစ်ကော်မရှင်တပ် လေကြောင်းတိုက်ခိုက်လို့ အမျိုးသမီးတဦးသေဆုံး

Border News Agency
မြိတ်၊ နိုဝင်ဘာ ၁၂ ။

‎မြိတ်ထားဝယ်ခရိုင်၊ ထားဝယ်ခီး‌‌ကျေးရွာအုပ်စု၊ အင့်သင့်ထာနေရာအတွင်းသို့ စစ်ကော်မရှင်တပ်လေကြောင်းတိုက်ခိုက်လို့ အမျိုးသမီးတဦးသေဆုံးသွားတယ်လို့ ကရင်အမျိုးသားအစည်းအရုံးမှ နိုဝင်ဘာလ ၁၂ ရက်၊ ဒီနေ့ထုတ်ပြန်ပါတယ်။

အဲဒီထားဝယ်ခီးကျေးရွာကို စစ်ကော်မရှင်တပ်ဟာ နိုဝင်ဘာလ၁၁ ရက်နေ့၊ နေ့လည် ၁၂ နာရီ ၃၀ မိနစ်အချိန်က လေကြောင်းတိုက်ခိုက်ခဲ့တာလို့ဆိုပါတယ်။

အဲဒီလို တိုက်ခိုက်ခဲ့တာကြောင့် အင့်သင့်ထာနေရာမှာ အလုပ်လုပ်နေတဲ့အသက်ဆယ့်ကိုးနှစ်အရွယ် အမျိုးသမီးတဦးသေဆုံးခဲ့တယ်လို့ဆိုပါတယ်။
‎
စစ်ကော်မရှင်တပ်ဟာ သူတို့အာဏာဆက်တည်မြဲဖို့အတွက် သူတို့ထိန်းချုပ်နေရာတွေမှာ အတုယောင်ရွေးကောက်ပွဲကို အတင်းအဓမ္မပြုဖို့ကြိုးစားနေတယ်လို့ဆိုပါတယ်။

အဲဒီအပြင် သူတို့လက်လွတ်ဆုံးရှုံးခဲ့ရတဲ့ ကေအဲန်ယူ-မြိတ်ထားဝယ်ခရိုင် အုပ်ချုပ်ရာဒေသတွေရှိပြည်သူတွေကို အကြောက်တရားတွေဖြစ်အောင် ရွယ်ရည်ချက်ရှိရှိလေကြောင်း၊ လက်နက်ကြီးတွေမှ ပစ်ခတ်တိုက်ခိုက်နေတယ်လို့ဆိုပါတယ်။

Website - https://burmese.bnanews.net/news/13676/

#‎မြိတ်ထားဝယ်ခရိုင် #ထားဝယ်ခီး‌‌ကျေးရွာ #အင့်သင့်ထာ #စစ်ကော်မရှင်တပ် #လေကြောင်း

11/12/2025

"အချိုးကျကိုယ်စားပြုစနစ်က တိုင်းရင်းသားမျိုးနွယ်စုကဏ္ဍတွေ မြင့်မားလာမယ်မျှော်လင့်ရပါတယ်။''

11/12/2025

ကိုးကန့်မှာ ပြစ်မှုကျူးလွန်သူ သုံးဦးကိုသေဒဏ်ပေး (ဓာတ်ပုံသတင်း)

Border News Agency
လောက်ကိုင်၊ နိုဝင်ဘာ ၁၂။

အမျိုးသားဒီမိုကရက်တစ် မဟာမိတ်တပ်မတော်(MNDAA)ထိန်းချုပ်နယ်မြေအတွင်း အထူးဒေသ ၁ မုံကိုးခရိုင်မှာ ပြင်းထန်တဲ့ပြစ်မှုကျူးလွန်သူငါးဦးကို သေဒဏ်ချမှတ်လိုက်တယ်လို့ နိုဝင်ဘာ လ ၁၂ ရက်၊ ဒီနေ့ထုတ်ပြန်ပါတယ်။

အဲဒီပြစ်မှုကျုးလွန်သူ ကိုဝင်းထွန်းဟာ အသက်ဆယ့်ခြောက်နှစ်အရွယ် အမျိုးသမီးငယ်တဦးကို မုဒိမ်းကျင့်ခဲ့တာကြောင့် ရာဇဝတ်မှုဆိုင်ရာစီရင်ခြင်းဥပဒေ"မူကြမ်း ပုဒ်မ ၁၇၅၊ နောက်ထပ်မူကြမ်းပုဒ်မ ၁၈၄၊ ပုဒ်မခွဲ ၂ ၊ပုဒ်မခွဲ ၃၊အချက် ၅ ချက်နဲ့ ထောင်ဒဏ် ၁၀ နှစ် ချမှတ်ခဲ့တယ်လို့ဆိုပါတယ်။

အဲဒီပြစ်မှုကျူးလွန်သူ ဟိန်းထက်ပိုင်ဟာ ရည်ရွယ်ချက်ရှိရှိထိခိုက်မှုအမှုနဲ့ မူကြမ်း ပုဒ်မ ၁၇၅၊ ပုဒ်မ ၁၅၊ ပုဒ်မခွဲ ၄ နဲ့ ပုဒ်မ ၁၈၁၊ ပုဒ်မခွဲ ၂ နဲ့ ဥပဒေအရ ထောင်ဒဏ် ၁၄ နှစ် ချမှတ်ခဲ့တယ်လို့ဆိုပါတယ်။

Mr. Li Xiao Liang နဲ့ Mr. Jin Lao Er ၊ဇော်ထက်တို့သုံးဦး ရွည်ရွယ်ချက်ရှိရှိလူသတ်မှုကြောင့် ရာဇဝတ်မှုဆိုင်ရာ စီရင်ခြင်းဥပဒေ"မူကြမ်းပုဒ်မ ၁၇၅၊ ပုဒ်မ ၁၇၉ နဲ့သေဒဏ်ချမှတ်ခဲ့တယ်လို့ ဆိုပါတယ်။

သူတို့တွေကို အထူးဒေသ ၁ ရဲ့ တရား စီရင်ရေးအဖွဲ့အစည်းဟာ နိုဝင်ဘာလ ၁၁ ရက်နေ့ကမုံးကိုးခရိုင်မှာ လူထုတရားစီရင်ပွဲလုပ်ပြီး ပြင်းထန်သည့်ရာဇဝတ်မှုအမှု ၅ မှုနဲ့ တရားခံငါးဦးကို ဥပဒေအရအရေးယူပြစ်ဒဏ်ချမှတ်ခဲ့တာလို့ ဆိုပါတယ်။

Website - https://burmese.bnanews.net/news/13658/

#မုံကိုးခရိုင် #ပြစ်မှု

11/12/2025

ဝက်လက်မြို့နယ်၊ လှတောရွာကိုစစ်ကော်မရှင်တပ်မီးရှို့ (ရုပ်သံ)

Border News Agency
စစ်ကိုင်း၊ နိုဝင်ဘာ ၁၂။

စစ်ကိုင်းတိုင်း၊ ဝက်လက်မြို့နယ်၊ လှတောရွာကျေးရွာကို စစ်ကော်မရှင်တပ်ကမီးရှို့ဖျက်စီးနေတယ်လို့Wetlet Informational Network က နိုဝင်ဘာလ ၁၁ ရက်၊မနေ့ကထုတ်ပြန်ပါတယ်။

အဲဒီ လှတောကျေးရွာကို နိုဝင်ဘာ ၁၁ ရက်နေ့က စစ်ကော်မရှင်တပ်တွေဟာ အင်အားတရာဝန်းကျင်နဲ့ဝင်ရောက်ပြီးပြည်သူပိုင်နေအိမ်တွေကို မီးရှို့ဖျက်စီးနေတယ်လို့ဆိုပါတယ်။

အဲဒီလိုမီးရှို့ဖျက်စီးခဲ့တာကြောင့် လှတောရွာရွာမှ အိမ်ခြေရှစ်ဆယ်ကျော် မီးလောင်ပျက်စီးခဲ့တယ်လို့ဆိုပါတယ်။

ရုပ်သံ - Wetlet Informational Network

#စစ်ကိုင်း #ဝက်လက်မြို့ #လှတောရွာကျေးရွာ #စစ်ကော်မရှင်တပ်

11/12/2025

"လူနည်းစုအခွင့်အရေးကာကွယ်စောင့်ရှောက်ဖြေရှင်းဖို့ ကိုယ်စားလှယ်တဦးနဲ့မရပါဘူး။''

11/12/2025

"စစ်တွေမှာ ပြည်သူ့လွှတ်တော်ကိုယ်စားလှယ်လောင်းတဦး ဝင်ပြိုင်မယ်။''

11/12/2025

စစ်ကော်မရှင်တပ် လက်နက်ကြီးပစ်ခတ်လို့ မောတောင်ဒေသခံတွေ တိမ်းရှောင်နေရ

Border News Agency
တနင်္သာရီ၊ နိုဝင်ဘာလ ၁၂။

တနင်္သာရီတိုင်းဒေသကြီး၊ တနောသရီမြို့နယ်၊ ထိုင်း - မြန်မာနယ်စပ် မောတောင်ဒေသအတွင်းက ဒေသခံတွေဟာ စစ်ကော်မရှင်တပ်ရဲ့ လက်နက်ကြီးပစ်ခတ်မှုကြောင့် ထွက်ပြေးတိမ်းရှောင်နေရတယ်လို့ မြိတ်ထားဝယ်ခရိုင်၊ ပြည်သူ့ဆက်ဆံရေးနဲ့ သတင်းပြန်ကြားရေးက နိုဝင်ဘာလ ၁၂ရက်၊ ဒီနေ့ထုတ်ပြန်ပါတယ်။

အဲဒီမောတောင်ဒေသကို စစ်ကော်မရှင်တပ်က နိုဝင်ဘာလ ၁၀ရက်နေ့ကစတင်ပြီး လက်နက်ကြီးပစ်ခတ်မှုတွေ ဆက်တိုက်ပြုလုပ်နေတာလို့ ဆိုပါတယ်။

အဲဒီပစ်ခတ်မှုကြောင့် ဒေသခံတွေဘေးလွတ်ရာကို ထွက်ပြေးတိမ်းရှောင်နေကြရတယ်လို့ ဆိုပါတယ်။

စစ်ကော်မရှင်တပ်ဟာ အာဏာဆက်တည်မြဲရေးနဲ့ အတုယောင်ရွေးကောက်ပွဲကို အတင်းအဓမ္မပြုလုပ်ဖို့ ကြိုးပမ်းနေတယ်လို့ ဆိုပါတယ်။

လူထုကို အကြောက်တရားဖြစ်ပေါ်စေဖို့ ရည်ရွယ်ချက်ရှိရှိ တိုက်ခိုက်မှုတွေကို ကျူးလွန်နေတယ်လို့ ဆိုပါတယ်။

အဲဒီအပြင် ကေအဲန်ယူ - မြိတ်ထားဝယ်ခရိုင်အုပ်ချုပ်တဲ့ဒေတွေက ပြည်သူလူထုကြောက်လန့်အောင် လေကြောင်းဗုံးကြဲတိုက်ခိုက်တာ၊ လက်နက်ကြီးပစ်ခတ်တာတွေ ပြုလုပ်နေတယ်လို့ ဆိုပါတယ်။

Photo - KNU

Website - https://burmese.bnanews.net/news/13654/

#တနင်္သာရီတိုင်း #ထိုင်း #မြန်မာ #မောတောင်ဒေသ #စစ်ကော်မရှင် #လက်နက်ကြီး

11/11/2025

မူးမြို့နယ်မှာ စစ်ကော်မရှင်တပ်ဒရုန်းနဲ့ ပစ်ခတ်လို့ အမျိုးသားတဦးသေဆုံး (ဓာတ်ပုံသတင်း)

Border News Agency
မူး၊ နိုဝင်ဘာလ ၁၁။

ကရင်အမျိုးသားအစည်းအရုံး ကော်သူးလေးအုပ်ချုပ်နယ်မြေ၊ ခလယ်လွီထူခရိုင်၊မူးမြို့နယ်နဲ့လယ်ဒိုမြို့နယ်မှာ စစ်ကော်မရှင်တပ်က ဒရုန်းနဲ့ ပစ်ခတ်မှုကြောင့် အမျိုးသားတဦးသေဆုံးပြီး နေအိမ်ရှစ်လုံးနဲ့စာသင်ကျောင်းတကျောင်း ပျက်စီးခဲ့ပါတယ်။

သေဆုံးသူဟာ မူးမြို့နယ်၊ မန်ကျည်းကုန်းကျေးရွာက အသက်ငါးဆယ်ငါးနှစ်အရွယ် ဦးမောင်ငယ်ဖြစ်ပါတယ်။

စစ်ကော်မရှင်တပ်က နိုဝင်ဘာလ၆ရက်နေ့၊ညနေ ၃နာရီကျော်အချိန်ခန့်က မန် ကျည်းကုန်းကျေးရွာကို ဒရုန်းနဲ့ ဗုံးသုံးလုံးပစ်ခတ်မှုကြောင့် ဦးမောင်ငယ်ဟာ ပွဲချင်းပြီးသေဆုံးခဲ့သလို နေအိမ်ခြော က်လုံးလည်း ပျက်စီးခဲ့ပါတယ်။

အဲဒီအပြင် လယ်ဒိုမြို့နယ်၊ တောင်ခင်ကျေးရွာကိုလည်း အောက်တိုဘာလ ၂၈ ရက်နေ့နဲ့ ၂၉ ရက်နေ့က စစ်ကော် မရှင် ဒရုန်းနဲ့လာရောက်ပစ်ခတ်လို့ နေအိမ်နှစ်လုံးထပ်ပျက်စီးခဲ့ပါတယ်။

Photo - KNU

Website- https://burmese.bnanews.net/news/13646/

#ကရင်အမျိုးသားအစည်းအရုံး #ကော်သူးလေးအုပ်ချုပ်နယ်မြေ #ခလယ်လွီထူခရိုင် #မူးမြို့နယ်

11/11/2025

ပေါက်တောကို စစ်ကော်မရှင်တပ် လက်နက်ကြီးပစ်ခတ်လို့ ငါးဦးဒဏ်ရာရ

Border News Agency
ပေါက်တော၊ နိုဝင်ဘာ ၁၁။

အာရက္ခတပ်တော်(AA)ထိန်းချုပ်ထားတဲ့ ပေါက်တောမြို့နယ်ကို စစ်ကော်မရှင်တပ်က လက်နက်ကြီးပစ်ခတ်လို့ ငါးဦးဒဏ်ရာရရှိသွားတယ်လို့ နိုဝင်ဘာလ ၁၁ ရက်၊ ဒီနေ့ အာရက္ခပြည်သူ့ကျန်းမာရေးဌာနက ထုတ်ပြန်ထားပါတယ်။

အဲဒီပစ်ခတ်မှုကြောင့် အမျိုးသမီးတဦးနဲ့အမျိုးသားလေးဦးစုစုပေါင်းငါးဦးမှာ အပြင်းစား၊ အသေးစားနဲ့အလတ်စား ဒဏ်ရာတွေရသွားတယ်လို့ဆိုပါတယ်။

စစ်ကော်မရှင်တပ်ရဲ့ စစ်တွေမြို့အခြေစိုက် ရေတပ်စခန်းနဲ့စစ်တွေမြို့၊ အမှတ် ၁၂ ရဲတပ်ရင်းက နိုဝင်ဘာာလ ၁၁ရက်၊ ဒီနေ့နေ့လယ် ၁၂နာရီခွဲအချိန်ခန့်က ပေါက်တောမြို့နဲ့ ငပြီကျွန်းအနီးကို လက်နက်ကြီးတွေ ပစ်ခတ်တိုက်ခိုက်ခဲ့တာလို့ ဆိုပါတယ်။

အဲဒီပစ်ခတ်မှုကြောင့် ပေါက်တောမြို့၊ သရဲရွာလမ်းခွဆုံအနီးမှာ လက်နက်ကြီးကျည်လေးလုံး၊ ငပြီကျွန်းအနီးမှာ လက်နက်ကြီးကျည်နှစ်လုံး ကျရောက်ပေါက်ကွဲခဲ့တယ်လို့ဆိုပါတယ်။

စစ်ကော်မရှင်တပ်ရဲ့ စစ်တွေမြို့အခြေစိုက်တပ်ရင်းတွေက အောက်တိုဘာလ ၂၉ရက်၊ နေ့လယ် ၂နာရီအချိန်ခန့်ကလည်း ပေါက်တောမြို့နယ်၊ တောင်ညိုကျေးရွာဘက်သို့ လက်နက်ကြီးကျည်တွေပစ်ခတ်လို့ အသက်ငါးနှစ်အရွယ် မိန်းကလေးငယ်တဦးသေဆုံးသွားပြီး ဖခင်အပါအဝင်နှစ်ဦးဒဏ်ရာရရှိသွားပါတယ်။

အဲဒီအပြင် စစ်တွေမြို့ကပ်းစပ်အနီးရှိ စစ်ကော်မရှင်တပ်ရဲ့ စစ်ရေယာဉ်တစီးက စက်တင်ဘာလ ၁၇ရက်နေ့၊ ညနေပိုင်းအချိန်ကလည်း ပေါက်တောမြို့ နယ်ဘက်ကို လက်နက်ကြီးကျည်နဲ့လှမ်းပစ်ခတ်လို့ မင်းတဲကျေးရွာက အသက်နှစ်ဆယ့်ငါးနှစ်အရွယ် မလှသန်းနုမှာ ဘယ်ဖက်ရင်အုံကျည်စထိမှန် ဒဏ်ရာရခဲ့ပါတယ်။

Website - https://burmese.bnanews.net/news/13642/

#အာရက္ခတပ်တော် #ပေါက်တောမြို့ #စစ်ကော်မရှင် #လက်နက်ကြီး #အာရက္ခပြည်သူ့ကျန်းမာရေးဌာန

Border News Agency

11/12/2025

11/12/2025

11/12/2025

11/12/2025

11/12/2025

11/12/2025

11/12/2025

11/12/2025

11/12/2025

11/12/2025

11/11/2025

11/11/2025

Address

Telephone

Website

Alerts

Contact The Business

Shortcuts

Share

Category