Kello Media

04/21/2025

Maanguddoon addunyaarratti dhageettii qabuu fi Hogganaa mana amantaa Kaatolikii ture Pope Francesco du'aan boqote.

Falmaa mirga namoomaa keessa tokko kan ta'e Pope Francesco har'a du'aan boqochuu isaa miidiyaaleen gabaasaniiru.

Maanguddoon kun bara 1936 kan dhalaten yoo ta'u waggaa 88 ol jiraatanii lubbuun darbuu isaanii himameera. Dhalootaan biyya Arjeentiinaa kan turan namni kun addunyaa naga qabeettii uumuuf ifaajjee hedduurra akka turan eerama.

Lolli addunyaa irratti adeemsifamu akka dhaabbatu sagalee ta'aa akka ture himama. Lola Oromiyaa keessaa akka dhaabbatu gaafachuu dabalatee waraanni Raashiyaa fi Yuukireen gidduu akka dhaabbatuuf ifaajaa tureera. Abbootii irree irrattis dubbiiwwan jajjabaa kennuun abaaraa akka ture himama.

04/21/2025

Hidhattoonni Faannoo "osoo qabsoorra jirruu barsiisuu fi barachuun hin danda'amu" ejjennoo jedhuun naannichatti barsiisota miidhaa akka jiran himame.

Humnoonni naannoo Amaaraatti Faannoo jedhamanii hundaa'an kan kaayyoo ifa ta'e hin qaban jedhaman yeroo hedduu haala seeraaf naamusa waraanaa hin eegganne hedduu osoo raawwatanii himatamu. Inumaa jibba sabummaarraa kan ka'e hawwaasa Oromoo fi kaan bifa jumulaan ajjeesuun komatamu.

Humnoonni jalqaba Kaaba Itoophiyaa waraana gaggeeffamaa ture harka bitaa mootummaa Federaalaa ta'uun TPLF haleelaa turan kunneen, yakkoota hawwaasa nagaarratti raawwataniin hedduu himatamu.

Gabaasni har'a arganne akka jedhetti hidhattoonni finxaaleyyii Faannoo naannoo Amaaraa keessatti "osoo nuti qabsaa'aa jirru barachuu fi barsiisuun hin danda'amu" jechuun barsiisotaa fi barattoota irratti haleellaa geessisaa jiraachuu jiraattota wabeeffachuun maddi oduu kanaa OMN gabaaseera.

Kanarraa kan ka’e barsiisonnii fi barattoonni naannoo Amaaraa keessattuu baadiyyaatti yaaddoo nageenyaatiin manneen barnootaa irraa fagaachuu isaanii himameera.

Akkasumas bakkoota hanga tokko nageenyi jiruu fi manneen barnootaa hojii baruu fi barsiisuuttillee hidhattoonni finxaaleyyiin kunneen akka tasaa dhufuun barsiisota akka ukkaamsanii fudhatan dubbataniiru.

Barsiisota erga ukkaamsanii fudhatamanii booda sarbama mirga namoomaa hamaa akka raawwatanii fi hanga ajjeesuutti akka gahan jiraattonni eeraniiru.

Jiraattonni akka jedhanitti hidhattoota Faannoo godina Kaaba Goojjam magaalaa Mar'aawwii hidhattoonni kun lo'anii seenuun tibba darbe barsiisota heddu ajjeesuu jiraattonni magaalattii ibsaniiru jedha gabaasichi.

Amma ammoo viidiyoon hidhattoonni Faannoo naannoo Amaaraatti barsiisota ukkaamsanii qaban ifatti dararaa jiran agarsiisu miidiyaa hawaasaa irratti naanna'aa jira.

Ragaan biiroo barnootaa naannichaa barattoonni naannichaa miliyoonaan lakkaa’aman yaaddoo nageenyaatiin mana barumsaatii ala ta’uu isaanii ni mul’isa

Biiroon Barnootaa Naannoo Amaaraa kanaan dura manneen barnootaa naannoo Amaaraa keessatti erga waraanni kaabaa turee fi amma sababa walitti bu'iinsa naannicha keessatti deemaa jiruun miidhaan irra gahe deebisanii ijaaruuf birrii biiliyoona 112 ol akka barbaachisu ibsee ture.

04/18/2025

Qabeenyi miidiyaa Addis Standard qaamolee mootummaan saamamuu hoji gaggeessituun dhaabbatichaa Tsadalee Lammaa ibsite.

Miidiyaa walabaa kan ta'e Addis Standard qaamolee mootummaatiin sakatta'insii waajjira isaatti taasifamuu himameera. Miidiyaan sodaa tokko malee gabaasa loogii hin qabne baasuun beekamu kun tibbana dhimma gabaasa wellisaa Andualem Gosaa wal qabatee qeeqamaa tureera.

Akka har'a hoji gaggeessituun miidiyaa kanaa Tsadale Lammaa meeshaaleen Elektirooniksii jalaa saamamuun harka Foolisii galuu ibsiteetti. Odeeffannoowwan argataa turan hedduuf nageenya eegaa turuu himuun, erga meeshaan ittiin hojjetan Foolisiin tohatamee as icciita maamiloota isaanii tiksuu danqamuu ibsameera.

04/18/2025

Obboleessa Lammaa Magarsaa dabalatee maatiin isaa hidhamuu gabaafame.

Namni bulchiinsa mootummaa Itoophiyaa ammaaf oolmaa addaa oolee qabu, jiraachuuf hundaa'uu PP keessatti gumaacha guddaa kan taasise Lammaa Magarsaa maatiin jalaa hidhamuu himame.

Lammaa Magarsaa bara 2018 Aangoo isaaf malu Abiyyi Ahemad dabarse jedhamuun miidiyaaleen mootummaatti dhiyoof kaan gabaasaa turaniiru. Booda keessa ammoo wal dhaban jedhamaa ture.

Gabaasa har'a bahaa jiruun ammoo maatii fi firoonni Dr. Lammaa Magarsaa qaamolee mootummaan hidhamaa jiraachuun himamee jira.

Namoonni maatiifi firoota Dr. Lammaa Magarsaa ta'an qaamolee nageenyaa mootummaatiin isin maatii Lammaa Magarsaati jedhamuun hidhaatti guuramaan jedha gabaasichi.

Akka maxxansa Jaawar Mohaammad jalaa hubatametti obboleessa Dr.. Lammaa kan ta'e Obbo Darajjee Magarsaa dabalatee firoonni isaanii hidhamaa jiru

Kana malees ilmaan eessumman isaa lama kan maqaan isaanii Obbo Addaam Fayyisaa fi Obbo Geetuu Tashoomee jedhaman hidhamaniiru.

Maatiin jumlaan hidhamaa jiran kunneen mana hidhaa Godina Wallagga Bahaa, Aanaa Gudayyaa Jareetti yeroof geeffamuu maddi kun gabaaseera.

Dhiheenya kana mootummaan Itoophiyaa Dr. Lammaa Magarsaa bakka isaan jiraatan biyya Xaaliyaaniitii dabarfamanii akka kennamaniif yaalii guddaa taasisaa turuu gabaasuun keenya ni yaadatama.

04/18/2025

Naannoo Amaaraa irraa kan Oromiyaatti imaluun dhukkubsataa fakkeessuun daa'imaan kadhataa turte murtii argatte.

Himatamttun Daa'ima osoo hin dhukubsatin dhukubsataa kalee fakkeessudhaan kadhaa irrattii boba'udhaan yakka goyyomsuu fi Burjaajessu raawwattee Hidhaa cimaadhaan Adabamuu Kominikeeshiniin Qajeelcha Poolisii magaalaa Jimmaa fuula miidiyaa dhuunfaa isaan beeksise.

Shakkamtuu maqaan ishee Simmanyi Ayinee jedhamtu daa’ima maqaan ishee Dastaa Naggaa umurii 8 kan taate Naanno Amaara Ummata Agawo Aanaa Injibaara irraa kan dhufan daa’ima kana Kaleen ishee miidhamee waan jiru fakkeessudhan faayila sobaa qopheessun wilcherii irraa keesse Utuu ittin kadhattu baatii darbe keessa qabamuu ishee gabaasuun keenya nii yaadatama.

Haaluma kanaan Manni Murtii Ol’aana Godina Jimmaa shakkamtuu gocha Burjaajessuu fi goyyomsuu raawwatte kana isheedhaf fakkaattota ishee ni barsiisa jedhee kan amane Dhadhacha Eebila 8/2017 ooleen hidhaa cimaa waggaa saddetii fi qarshii kuma lamaaf dhibba shaniin adabuudhan, qarshiin waliin qabame kuma shanifi dhibba shani fi tokoo (5501) Mootummaaf galii akka ta’uu fi daa’imni itti kadhataama turte gara maatii isheetti akka deebitu murteesse jira.

Kadhattuun ka'umsa naannoo Amaaraa taasifachuun Oromiyaa godina Jimmaatti sobaan hawwaasa kadhataa turte kun ji'atti qarshii kuma dhibbootaan lakkaa'amu argataa akka turte gabaafamaa ture.

Haalli kana fakkaatu haraa miti, yeroo hedduu rakkataa fakkaachuun gowwomsitoonni magaalaalee Oromiyaa keessatti yakka waliin dhahuu kana fakkaatuun nii hamatamu

04/18/2025

Itoophiyaa keessatti maddi rakkoo siyaasa guddaan Masaraa Minilik kan Qawween gadi dhaabbate ta'uu obbo Mikaa'el Booran ibsan.

Namni siyaasaa hogganaa ABO keessaa tokko ta'an obbo Mikaa'el Booran fuula miidiyaa dhuunfaa isaaniin madda rakkooti kan jedhan akeekaniiru.

"Maddi rakkinoota Itoophiyaa keessa turanii fi jiranii guddaan rakkoo siyaasaa ti. Maddi rakkoo siyaasaa kun ammoo Masaraa Minilik keessa." Kan jedhan namni kun; Silaa Maddi aangoo siyaasaa mootummaa kamiituu ummatoota mootummicha jalatti bulan tahuu male. Sanatu takkaa tahee hin beeku." Jechuun ibsu.

"Aangoon siyaasaa masaraa Minilik qawweedhaan gadi dhaabbate. Qawweedhaan tikfamaa har’a gahe. Sanumatu itti fufaa jiraasi." Jedhan.

Akka Obbo Mikaa'el Booran jedhanitti "Waggoota 7 dura (2018) jijjiiramni Qabsoo Bilisummaa Oromootiin argame haala kana ni geeddara sehamee gariidhaan abdatamee ture." Sun garuu milkii dhabuu akeekan.

"Warri akka sanatti hin abadatinis qabsoon kana boodaa hanga duraanii ulfaataa hin tahu jedhanii tilmaaman. Sababni isaa kan wiirtuu aangootti dhufe OPDO warra Mooraa Qabsoo Bilisummaa Oromootti dabalamnee jirraa, sabni keenyaa fi kaanis dhiifama nuuf godhaa jechaa turan waan tahaniifi. Isaan garuu aangoo harkatti galfachuu mirkaneeffannaan warra isaan duraa caalaa bulguu tahanii as bahan. Akkanaan maddi aangoo siyaasaa masaraa Minilik Ummata tahuun (mootummaa ummataa argamsiisuun) abjuu tahee hafe." Jedhu

"Amma dhugaan jirtu, sababa rakkoo siyyaasaa Itoophiyaa kanaan miidhaan biyyaa fi ummata irra gahe lubbuu dhala namaa fi qabeenya biyyaa gar-malee badeen yoo madaalame inni waggoota 7 dabranii kan waggoota 27 isaan dura turee dachaa hedduudhaan caala." Jedha barreeffamni kun

"Kuni tahuun ammoo hagasuma takka diddaan mootummaa irratti gaggeeffamus akka babal’atu taasise. Mootummaan diddaa golee biyyattii hedduu keessaa isa mudatan afaan qawweetiin tohachuu yaalus danda’uutti hin jiru. Danda’uufis hin deemu. Kun ammoo yoo akkanumaan itti fufe gama tokkoon sirna-dhablummaa, gama kaaniin abbaa-irrummaa dagaagsee badiisa waliigalaatti akka geessu tilmaamuun hin ulfaatu." Jedhan

Akka furmaataatti kan eeraniin ammoo "madda rakkinichaa beekanii akkaataa sun itti furamu irratti hojii hojjetamuu qabu hojjechuu ykn. sanaaf qabsaawuu qofatu daandii furmaatatti geessu taha. Kanaan achi miidhama suukanneessaa iddoo adda addaatti ummata irra gahaa ooluu fi yakkoota gurraan dhagahuun namatti ulfaatu dalagamaa oolan tokko tokkoon fuudhanii garuma fedhanii fi namatti fakkaatetti hiikkatanii burjaajawuu fi wal burjaajessuun ummata dhimmamnuufis tahe qabsoo haqaaf gaggeeffamu waan fayyadu hin qabu." Jedhaniiru

Dhuma barreeffama kanaan "Yoo rakkinichi madda isaa irraa hin furamin guyyaan boruu isa har’aa caalaa dukkana, hamaa fi jibbisiisaa tahaatuma deema" jedhaniiru

04/17/2025

አንዱዓለም ጎሳ ፍርድ ሂደት ላይ የመገናኛ ብዙሃን እንዳይታደሙ ታገዱ
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

04/17/2025

Miidiyaaleen dhaddacha Qananii Addunyaa akka hin dhaggeeffanne ittifaman
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

04/15/2025

የኮሪዶር ልማት ፕሮጀክት “በአስቸኳይ እንዲቆም” አምነስቲ ጠየቀ
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

04/15/2025

Eebla 15 GGO hawwaasa Oromoon yaadatamee ooleera
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

04/15/2025

Wayiita magaalaa Naqamtee dabalatee magaalota hedduu keessatti iyyeessarratti manni diigamaa jirutti gocha kana balaaleffachuun Amnesty International mootummaa Itoophiyaa akeekkachiise

Misooma daanduu maqaa jedhuun bara kana mootummaan humnaan uummata buqaasuu isaatu gabaafamaa jira. Misoomni daandii gaarii fi barbaachisaa ta'us, mirga lammiilee sarbaa misoomni hojjetamu gaarii akka hin taane dhaabbileen mirga namoomaa falmaa jiran.

Daandii Koriidarii jechuun kan diigamaa jiru cinatti, hawwaasa baadiyyaa fi qarqara magaalaa jiraataan humnaan buqqisuun bakka garaa garaatii mul'ataa jira. Tibbana jechoon torban darberraa qabee hanga har'aatti magaalaa Naqamtee kutaa bulchiinsa Ganda Gaarii jedhamtu keessaa manneen hawwaasaa 100 ol ta'u humnaa diigamaa jiraachuu isaatu himama.

Daandii jedhame kun kan Koriidariin wal qabatullee miti, daandii Federaalaati. Daandii Kaasaa qaba jechuun waggoota 5 oliif hawwaasa mariisisaa turan, karaa duraa irraa jallisuun inumaa harka qalleeyyii irratti manni diigamaa akka jiru himame. Ijaarsa manaa magaalaa Naqamtee keessaa diigamaa jiru hedduun isaa kan hawwaasni qoraan gurguree, Kasala gubee ijaarrate ta'uu odeeffanneerra.

Mootummaan humnaan waraana itti naqee lammiilee 1000 ol ta'an humnaan buqqaasaa jiraachuu iyyaafanneerra. Abbootiin warraa hedduun daa'imman isaanii faana dirree irratti hafuuf dirqamaniiru.

Wayiita kun ta'aa jirutti dhaabbileen mirga namoomaaf falman gocha kana mootummaan akka dhaabu gaafataniiru. Mootummaan Federaalaa Itoophiyaa misooma kooridarii magaalota 58 keessatti gaggeessaa jiru ''atattamaan'' akka dhaabu dhaabbatni mirga namoomaaf falmu Amnesty gaafateera.

Dhabbatni Aministii intarnaashinaal ibsa Ebla 14 baaseen miidhaa piroojektichi mirga namoomaarraan gahu hanga qoratamutti, warri kaafaman bakka biraa argatanittiifi eeggannoon hojiirra oolutti piroojektichi akka dhaabatu gaafate.

Namootni misooma kanaaf buqqa'an seera namoomaa idila aaddunyaan qabamaa jiraachuun akka mirkaneeffamu dhaabbatichi gaafateera.

Dhaabbatichi gabaasa kana kan baase qorannoo dhimmicharratti gaggeessaa tureen, Sadaasa bara 2024 keessa namootni 872 ta'an kutaa magaalaa Finfinnee kutaa bulchiinsa Boolee fi Lammii Kuraa keessaa humnaa buqqa'uu bira gaa'ee ta'uu ibseera.

Dhaabbatichi akka fakeenyaatti magaalaa Finfinnee haa fudhatu malee miidhamni kun magaalaalee biyyattii hunde keessatti raawwataa akka jiru himameera.

04/14/2025

Miliyoon Dirribaa tohatamuu Foolisiin magaalaa Finfinnee beeksise.

Naamusa hawwaasa biyyattiin ala deeme kan jedheen Miliyoon Dirribaa hidhamuu Foolisiin Finfinnee beeksiseera. Nama kanaan Poolisiin Magaalaa Finfinnee qabiyyeewwan aadaa, amantaa fi duudhaa Itoophiyaatiin faallaa ta'an miidiyaa hawaasaarratti qoodaa ture jedheera. Kanaafiis hidhuu isaa ibsuun, qorataa akka jiru beeksise.

''Namni Miliyoon Dirribaa jedhamu viidiyoowwan miidiyaalee hawaasaa adda addaarratti gadhiisu namoota hedduu biraa dheekkamsa kaasaa ture'' jedha ibsichi.

Himannaa namoonni kaasaniin cinaatti seera yakkaa Itoophiyaan gochaan faallaa amala gaarii yakkaan nama gaafachiisa jedha Poolisiin.

Poolisiin Finfinnee qabiyyeewwan Miliyoon gadhiise keessa kan dhiyoo paantii dubartootaafi qabduu harmaan mul'ate kabaja dubartootaa kan tuquufi safuu kan cabsee waan ta'eef to'annoo jala olfamee qoratamaa jira jedha.

Viidiyoowwan miidiyaalee adda addaarratti gadhiifaman duudhaa hawaasaa kan sarban ta'aa dhufaniiru jechuun namoota viidiyoolee akkasii gadhiisan irratti tarkaanfii fudhachuun akka itti fufu ibseera.

Miliyoon Dirribaa naannoo Birbirsa Goorootti viidiyoowwan isaatii paantii fi qabduu harmaa dubartootaa kaawwatee osoo socho'u viidiyoo agarsiisu qooduu booda miidiyaalee hawaasaa gubbaa hedduu qeeqamaa ture.

Namootni seeraa hedduun heera biyyattii xuquun yakkaan gaafatamuu akka malu maxxansaa turan. Hawwaasni akka hidhamu dhiibbaa uumaa tureera. Gochi Miliyoon Dirribaan raawwatamu hawwaasa biratti yeroo hedduu qeeqama. Inni garuu akka ofitti amanamummaatti fudhata jedhamuun daran namoota kaaniin akka qeeqamu ta'eera.

04/13/2025

Battee Urgeessaa Biiftuu ifaa lixedha!
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

04/12/2025

Legacy of Hope: A Fundraising Tribute for Urge Dinegde

04/12/2025

Legacy of Hope: A Fundraising Tribute for Urge Dinegde
👇👇👇

Legacy of Hope: A Fundraising Tribute for Urge Dinegde

04/10/2025

የትራምፕ የታሪፍ ጦርነት ወዴት ያመራ ይሁን ?
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

04/10/2025

Miidiyaan hawwaasa dhibdee Eertiraa fi Itoophiyaa hammeessaa jira jedhame
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

04/09/2025

ABO WBO'n tibbana loltoota mootummaa dhibbaan lakkaa'aman haleeluu hime
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...