Kush Broadcasting Corporation

03/11/2025

02/22/2025

Korri waliin ABO fi KFO ajandaalee 6 Hoteela Ilillii keessatti irratti mari'achaa turan ijjannoo waloo fudhachuun guraandhala 22, 2025 milkiin xumurameera. Murtiilee adda addaas dabarseera. Achi keessa haalli Oromiyaa keessa jiru gara sirna badiballaa (anarchy) tti osoo hin jijjiiramin jaarmiyaaleen karaa nagaatiin qabsaa'an, warri afaan qawweetiin qabsoo Bilisummaa godhanii fi mootummaan biyyan bulcha jedhu lola dhaabanii walitti dhufuun mari'atanii akka Mootummaa Cehuumsa Biyyoolessa Oromiyaa (MCBO) ijaaran yaada murtii dabarseera.

Warra ajandaalee gaafataniif
1. Nagaa Oromoo buusuu fi tiksuu
2. Rakkoo daangaa Oromiyaa furuu
3. Tokkummaa fi ijaarsa ummata Oromoo
4. Birmadummaa ummata Oromoo fi walabummaa Oromiyaa
5. Hariiroo Oromoon sabaa fi sablammoota wajjin qabaachuu qabu
6. Hariiroo Oromiyaa fi Mootummaa Federaalaa jidduu jiru

11/13/2024

Alert ‼️

Eessaa Garamitti?
========

Qabsoon Qeerroo Bilisummaa Oromoo dhamaatii yeroo dheeraatiin bara 2014 keessa yeroo hin yaadamnee fi hin eegamnetti dhohe,wareegama barbaachisaa itti baasuun hanga bara 2018 kan ture jijjiirama maqaa jedhuun Warraaksichi butamuun isaa kan hubatamudha.

Haala sochii fi adeemsa siyaasaa impaayera Itoophiyaa yeroo ammaa yoo ilaalle,gartuleeb kaayyoo hin qabne qabsoo Qeerrootti erga abbaa of taasisanii booda uummati keenya gidiraa bara Dargii dhagahaa guddannetti deebi'e.

Yeroo ammaatti,haala uummattooti impayerattii irra jiran yennaa hordofnu uummattooti Itoophiyaa hundi mootummaa Biltsiginnaa irraa abdii kutatanii jiru.

Odeessi keessoo biltsiginnaa akka agarsiisutti WARRAAKSI UUMMATTOOTA CUJQURFAMAA ITOOPHIYAA deebi'ee boba'uu akka danda'u shakkuun yaaddoo keessa galanii jiru.Mirkana oduu keessoo kanaatiif Biiroon Dargaggoo fi Ispoortii Oromiyaa yaaddoo keessa seenuun dargaggoo gara diinagdeetti galchina jechuun xiyyeeffannaa dargaggootaa wayita bonaa kanatti fincila dhohuu malu hambisuuf xiyyeeffannaan hojjechaa akka jiran hubanneerra.

Kanaafuu, Warraaksi irra deebii dhalachuun waan fardiidha.Hangasitti garuu haaldureewwan barbaachisan mijeessuun kan itti fufnu ta'a!

Nu eegaa! !

09/20/2024

Lammii kiyya Oromoo, bagan jiraadhee nagaan deebi'ee isin arge. Haluma qabsoo taheetu dararaa hedduu dabarsine; hiree Oromoo maraati. Aniif Jaallan kiyya illee jiraannee har'a geenye. Garuu, kan baayyee gara nu gubeefi eelaa tahe, Jaal Battee Urgeessaa of biraa dhabuun boqonnaa nu dhorke. Gumaan isa bilisummaa ni taati!

Jaallan qabsoo, miseensonniifi deeggartoonni, akkasumas, haawsni bal'aan kan biyya keessaafi alaa addatti kan biyya hambaatiifi biyya keessa manneen hiraarsaa adda addaa nuti naanneffamaa turretti dhuftanii nu gaafachaa turtan galata guddaa qabdu.
Kanneen Lubbuu kiyya hambisuufi har'a gahuu kiyyaaf sababa taatan hedduu keessaa Dr Tsaggaayee Araarsaa dhaabbataan qoricha naa dhiyeessuuf sagalee naaf tahuu, Obbo Tuulii Baay'isaa Abukaattummaan alatti akka lubbuun kiyya hin baaneef akka sabni na birmatee na cinaa dhaabbatu gochuu, Komishinar Daraartuu Tulluu Qoricha Ji'a Jahaa naaf dhiyeessuu, Dr Ilillii Jamaal Qoricha Ji'a lamaa naaf dhiyeessuun, Yaanneet Dinquu Qoricha Ji'a Lamaa naaf dhiyeessuun warri na gargaartan galata guddaa narraa qabdu. Kanneen maqaa keessan ammatti dhahuu hin feene, warri yeroo hundaa na cinaa dhaabbachuun Bassoo, Dammaafi waan ani nyaachuu dandahu naaf dhiyeessitan hundi galata qabdu. Midiyaalee adda addaa sagalee nuuf taatan hundi, akkasumas namoonni dhuunfaa karaa sabahimaalee of harkaa qabdaniin cubbuu nurratti dalagame saaxilaa turtan hundi galatoomaa;galanni keessan bilisummaa saba keenyaa haa tahu.

Lammiin keenya biyya keessaafi alaa dinagdeefi haamileen dandammannee akka harra geenyu nu gargartan hundi onnee kiyya keessa jirtu. Jaarmiyaalee adda addaa biyya keessaafi Idil Adduunyaa Komishinii mirga namoomaa Itoophiyaa, Boordii Filannoo Itoophiyaa, Human Right Watch galatooma. Qabsoon sabaa haga bilisummaa itti fufa. Tokkummaa keenya cimsinee wal taanee gara fuula duraa akka tarkaanfannu shakkii tokkollee hin qabu.

Haalota biroo keessa turreefi itti deemnu bal'inaan ibsuuf walitti deebina. Birraa milkii nuuf haa tahu.

Gada Gabisa

09/05/2024

Qabsaawota haqaa hoogganoota oromoo baga nagaan mana dukkanaa sana keessaa baatan!! Hiikamuu keessanitti heddu gammanneerra.

07/30/2024

Raabaadoori Haaraa!

07/28/2024

Haqa haqaaqame!!

07/25/2024

IBSA EJENNOO KORA MISEENSOTA ABO AWUROOPPAA FI UK

Qabsoon Bilisummaa Oromoo kallacha bilisummaa Oromoo kan tahe ABOtiin keessaaf alaan
qindoomee barootaaf adeemaa bu’aalee Oromoon har’a argate hundaa fideera. Kana diinnis firris
haaluu hin danda’u. Adeemsa Qabsoo bilisummaa Oromoo Adda Bilisummaa Oromoon dursamu
keessatti har’as akkuma duraanii lafee dugdaa tahuun kutannoon dhaaba isaanii ABO fi waraanaa isaanii WBO tumsuun, waan qabsoon gaafattuf gumaacha barbaachisu gochuun har’as, caasaan ABO-biyya alaa hojii qabsoo isaanii osoo hin sharafiin itti fufanii jiru.
Haaluma Kanaan bara kanas miseenstoni ABO Awurooppaa fi UK, magaala guddittii Swiidiin,Stookolmitti kora bara kanaa milkiin raawwataniiru. Korri kun, guyyaa lamaaf kan gaggeeffame yoo tahu hirmaattoonni kanneen miseensota ABO ta’anii fi hawaasni Oromoo
haala armaan gadiin gaggeeffataniiru;

I. Guyyaa jalqabaa Hiriira guddaa balaaleffannaa sirna koloneeffataa fi faashistii mootummaa Itoophiyaarratti haala milkii qabuun magaala Stookolm keessatti gaggeessuun, shororkeessituu tahuu mootummaa Itoophiyaa balaaleffatameera.

Hiriirri kun fuuldura galma Paarlaamaa biyya Swiidinitti kan xumurame yoo tahu, sarbamiinsa mirga namoomaa fi haala uummanni OROMOO keessa jiru xalaayaadhanis gochaan mootummaa Sanaa katabamee qaamota mootummaa biyyatti ol’aanoo fi akkasumas mormitoota siyaasaa biyyittiitiin gahameera.

II. Mariin bal’aan miseensotaa ABO godina Awurooppaa, UK fi Hawaasa Oromoo
waliin gaggeeffameera. Marii kanarratti Qondaaltotni Dhaabaa biyya keessaa fi
biyya alaa mata duree adda addaa irratti dhimmoota mariif tahan dhiyeessaniiru.
III. Guyyaa lammataa irratti, mariin miseensotaa qofaan gaggeeffameera. Haala kana
keessattis, Haala Qabsoon bilisummaa Oromoo irra jiru, xaxaalee fi danqaalee
diinnni QBO irratti karaa mul’atuuf hin mul’anneen hojjachaa jiran gadi
fageenyan xinxaalamuun fala waliin kaa’uun mari’atameera.

Mura marii kanaa irratti, kõrri miseensotaa kun walii galteen Ibsa ejjennoo baafachuun,
irbuu isaanii haaromfachuun qabsoo isaanii kallacha qabsoo bilisummaa Oromoo kan tahe
ABO jalatti kan itti fufan ta’uu tokkummaan qabxiilee armaan gadii murteeffatanii jiru.
1. Hidhaa, ajjeechaa fi gidiraa mootummaa shororkeessituu Itoophiyaa miseensota
ABO fi akkasumas uummata keenya bal’aa irraan gahaa jiru ni balaaleffana!
2. Hidhamtoonni siyaasaa keessattuu hooggantonnii fi miseensonni ABO badii tokko malee
manneen hidhaa impaayera Xoophiyaa keessatti dararamaa jiran haal-duree tokko malee
akka hiikaman ni gaafanna; yakkamtoonni lubbuu ilmaan Oromoo qaxara cabsaa jiran
seeraf akka dhiyaatan cimsinee gaafanna.
3. QBOtiif tumsa goonu kan biyya keessaa fi alaa walhubannaa fi kutannootiin holola
diigumsaa QBO irratti qiyyaafate hunda irra aanee galma kaayyoo keenyaa gahuuf nutis
dirqama keenya bahuuf qophii tahuu keenya ifa goona!
4. WBO (Waraana Bilisummaa Oromoo) akkuma waggoota dheeraaf osoo hin nuffinii fi hin
dadhabiin tumsaa fi sagalee ta’aafii turretti kan booddes hololli diinaa fi shirri farra
qabsoo bilisummaa Oromoo kamuu WBO irraa adda nu hin baasu!
5. Uummata Oromoof ammallee sagalee tahuu fi qabsoo uummata keenyaa deeggaruuf
akkuma barootaf goone sichis hawaasaa Oromoo baldhaa fi qaamota mirga dhala namaaf
falman faana tahuun cimsinee kan hojjannu tahuu ifoomsina.
6. Caasaan ABO biyya alaa tokkummaasaa tiksee diigumsa keessaa fi alaan diinni
qindeessee irratti aggaammate irraa of-eegee QBO roga sirriin akka itti fufnu jaallan
keenyaa ardiilee adda addaa irran jiranii fi Hawaasa Oromoo baldhaaf waamicha
oromummaa goona!
7. Mootummotiin demokratawwaa, Jaarmooleen Idilaa adunyaa fi Qamooleen dhimii
nagaa fi Tasgabbiin ganfa Afrikaa daran Ityophiyaan nu ilaalaa jedhaan dhibdee
jiruu karaa nagaa akka furmaataa itti barbadan ni gaftnaa.
IUOf!
Miseensota ABO Godina Awurooppaa fi UK
Adoolessa bara 2024,

Sweden, Stockholm.

07/22/2024

Daandiin dhugaa yoomiyyuu mo'ataa dha.

Kanneen shiraan ABO dadhabsiisuuf yaaltu hundishee dhumishee badiisa. Ofuma isheen of dhabamsiisti.

ABO-qc = Yakkaa fi shira ishee haga shirtu shirteen booda dhuma irratti Ofumsheen dhabamte.

ABO- Jijjiiramaas = Yakkaa fi shira ishee haga shirtu shirteen booda dhuma irratti ofumasheen dhabmte.

ODF-Leencoo Lataas - Yakkaa fi Shira ishee haga shirtu shirteen booda dhuma irratti ofumasheen dhabamte.

ABO-sodarees = PP jala galteen booda Yakkaa fi shira ishee haga shirtu shirteen booda ofumasheen dhabmte.

Ammas jarittiin biyya alaa teessee ABO-wbo ofiin jettu farda harcaatuu ABO-qc, ABO-jijjiirama, ODF-Leencoo Lataa, ABO-sodaree fi PP taate kun ammaaf yeroodhaaf shira ishee fi yakka ishee qabsoo uummata oromoo irratti dalagaa jirti malee eessayyuu hin geessu dhumishee akkuma abbootii shiraashee dhuma irratti ofuma isheen dhabamti.

ABOn garuu daandii dhugaa irratti haqa qabatee barabaraan lalisaa injifataa ni jiraata!

07/12/2024

Maqaa balleessii diinni isa irratti duulaa jirtu ilaalchisee ibsa gooticha waraana bilisummaa oromoo irraa kenname:

07/11/2024

WBO jechuun kunoo warra akkanatti Oromiyaa keessaa diina mulluu gochaa jiruudha malee warritti ABO-wbo jettee biyya alaa keessaa munaagdu kana miti. Dhugaa Kana utuma Isinitti hadhaawu liqimsaati bishaan irratti dhugaa!!

07/11/2024

WBOn biyya keessaa falmaa gochaa jiru hatattamaan warritti hattuu ABO-wbo ofiin jettu kana irratti ibsa baasuu qaba.

07/11/2024

Jarri ABO-wbo jedhamtu ABO irratti ni ololti faannoo fi TDF waliin garuu ni hojjetti.

07/11/2024

ABO fi WBOn biyya keessaa qabsoo finiinsaa jiru ABO-wbo jedhamtu garuu biyya alaa teesse shira finiinsaa jirti.

07/11/2024

ABO fi WBO jechuun warra biyya keessaa qabatamaadhaan diina waliin kokkee walqabaa jiruu dha, malee warritti afuuftuu fi hattu ABO-wbo ofiin jettu biyya alaa teessee kijibaa fi shira oomishaa ooltu miti.

07/11/2024

ABO-wbo jedhamtu ergamtuu diinaa kan PP ti malee WBO bakka bu'uu gonkumaa hin dandeessu.

07/10/2024

Obsi Daangaa Qaba!

Salphoo soqolatte soqola gargaaruu jedhan.

Warrittiin maqaa WBOtiin, ABO-wbo jettee biyya alaa kana keessaa daldala siyaasaa daldaltuu fi Farrummaa irratti bobbaatee jirtu hundi hojii olola rakasa ishee fi farrummaa qabsoo ummata oromoo irraa hin dhaabbattu taanaan bor akka itti gaabbituu fi itti gaafatama seenaa jalaaa akka hin baane beekuu qabdi!!!

Hub:- Waraanni Bilisummaa Oromoo WBOnis jaritti hattuu,sobdootaa fi maqaa WBOtiin ABO-wbo ofiin jechaa nagada siyaasaa daldalaa ooltu kana irratti utuu jarri kun balaa guddaa amma qaqqabsiisaa jiran caalaatti daranuu utuu qabsoo saba kanaa qileetti hin darbatiin dura akka bakka isa hin buunee fi Hattoota akka taate ibsa irratti baasee ifatti saaxilee Uummata oromoof ifa gochuun dirqama yeroon isaa gaafatu ta'ee jira. Kanaaf obsi daangaa qaba xannachoota qabsoo keessaa kana ifatti saaxilanii kutanii of keessaa baasanii qabsoo saba kanaa danddammachiisuun dirqama WBO fi kan qabsaawota haqaa ti.