RN05

09/07/2026

? ትግሉ ኢህአዴግ ሳልሳዊን ለማዋለድ ወይንስ አዲስ ሥርዓት ለመመስረት?!
🚩 "ራስን በመስታወት የመመልከት" ፖለቲካ!
~~~~~~~~~~~

ያኔ በፖለቲካው የለውጥ ሞቅታ ዘመን፣ “ኢህአዴግን ማፍረስ ሀገር ማፍረስ ነው፤ ስለዚህ ሀገሪቱ በሰላም እንድትቀጥል ከተፈለገ ሥርዓቱን እንዳለ አቅፎና ደግፎ መሪውን ብቻ መቀየር ይበቃል!” የሚለው አካሄድ አደገኛ መሆኑን ገና ከጥንስሱ ጀምሮ በፅኑ ስንቃወመው እንደነበር ይታወቃል። ለዚህም ግልፅ ማረጋገጫ የሚሆኑ በርካታ ማስረጃዎች በዚህ በፌስቡክ ገፃችን ላይ በፅሁፍ እንዲሁም በዩቲዩብ ስርጭታችን በስፋት ያነሳናቸውና የተሟገትንባቸው ሀሳቦች ለታሪክ ተሰነደው ይገኛሉ።
ሆኖም ግን ያ የሰጋነው አልቀረም። የመጀመሪያውን ኢህአዴግ አቀናጅቶ የነበረው አወቃቀር በደንብ ሳይፈተሽ፣ ከነበረው ጥፋትና ወንጀል ማፅዳት ሳይቻል፣ በኃላፊነት መጠየቅ የነበረባቸው አካላት ሳይጠየቁ ቀሩ። እንዲያውም በተቃራኒው “ለውጥ” በሚል ሽፋን ተለዋውጠውና ተቀባብተው ሁለተኛው ኢህአዴግ (ብልፅግና) ውስጥ በጥፋታቸው እንደቀጥሉ ሰፊ እድል ተመቻቸላቸው። "ራስን በመስታወት የመመልከት" አይነት ተመሳሳይ አካሄድ በመከተላችን ውጤቱ ዛሬ ሀገራችን ያለችበት ውስብስብ ቀውስ ሆነ።
ታሪክ ራሱን ሲደግም ደግሞ ይበልጥ ያሳዝናል። አሁንም በሀገራችን “ለውጥ ያስፈልጋል” የሚሉ ሀይሎች በተለይም እንደ አቶ ጃዋር መሐመድ እና መሰል አስተሳሰብ ያላቸው ፖለቲከኞች—ያንኑ የቀድሞውን የተሳሳተ አካሄድ ሲደግሙት ይስተዋላል። የብልፅግና ፓርቲ የሚያካሂዳቸውን ልማቶችም ሆነ የሚፈፅማቸውን ገዝፈው የወጡ ጥፋቶች በአንድ ግለሰብ (በጠቅላይ ሚኒስትር ዐቢይ አሕመድ) ትከሻ ላይ ብቻ የመጫን አዝማሚያ ይ ይታያል።
የእነሱ መከራከሪያም፦ “ጠቅላይ ሚኒስትሩን መቀየር ብቻ ሀገርን ያድናል፤ አጠቃላይ የመንግስትን መዋቅርና ሥርዓት ተጠያቂ ማድረግ ወይም በሌላ ተቋማዊ ሥርዓት ለመተካት መታገል ግን ሀገረ-መንግስቱን ማፍረስ ነው” የሚል ይመስላል። ይህ ዓይነቱ አስተሳሰብ በርግጥም እጅግ የሚያስገርም ብቻ ሳይሆን ከቀደመው ስህተት አለመማርን ያሳያል።
እውነታው ግን ይህ ነው፦
የስም ለውጥ ተቋማዊ ለውጥ አይደለም፦ የኢህአዴግን ስም በመሰረዝ እና አዲስ ስም በመለጠፍ ብቻ የሚፈለገው መዋቅራዊና ፖለቲካዊ ለውጥ ሊመጣ አይችልም።
ግለሰብን ነጥሎ መታገል አደጋው፦ ሙሉውን የብልፅግና መዋቅርና አስተሳሰብ ሳይነኩ፣ አንድን ግለሰብ ብቻ ነጥሎ በመታገልና በመጣል፣ አሁንም በዚያው ነባር ካቢኔና መዋቅር ሌላ ስም ሰጥቶ ለመቀጠል ማሰብ ከንቱ ልፋት ነው።
በመሰረታዊ ህዝባዊና ተቋማዊ ለውጥ ላይ ሳያተኩሩ፣ የፖለቲካ ተዋንያንን ብቻ በመቀያየር የሚደረግ ጉዞ “ኢህአዴግ ሳልሳዊን” ከመውለድ ባለፈ፤ እንዴት አዲስ አስተሳሰብ፣ ዴሞክራሲያዊ ባህል እና አስተማማኝ ተቋም ያለው ሀገራዊ ሥርዓት ሊፈጥር ይችላል?!
ትግላችን ግለሰቦችን የመቀየር ጨዋታ ሳይሆን፣ የሀገሪቱን ስር የሰደደ የፖለቲካ ቀውስ የሚፈታ አዲስና ፍፁም ዴሞክራሲያዊ ሥርዓት የመገንባት አቅጣጫን መከተል አለበት።
የእናንተስ ሃሳብ ምን ይመስላል?? ?
የእናንተን እይታ በኮመንት መስጫው ላይ አጋሩን!
=============
ለተጨማሪ መረጃ ቴሌግራማችንን ተቀላቀሉ
https://t.me/RNZeroFive

09/02/2026

መናበብ ጠፍቶ እንጂ፣ የሚያዳምጥ የለም እንጂ፣ "አትንኩብኝ! አትናገሩብኝ" ባዩ በዝቶ መንገድ ይጋርድ ሆኖ እንጂ፣ የሚሰጡ ጥቆማዋችን ተከትትሎ መፍትሄ ለማበጀት የሚሞክር የለም እንጂ ፤ በእዉነቱ ስህተቶች እንዲህ ሊደጋገሙ ይባስ ብሎም ሊደነድኑ ባልቻሉ ነበር፡፡
የመጅሊሱ አመራሮች በየመድረኩ የሚያደርጓቸው ንግግሮች በስሜት ሳይሆን በስሌት እንዲሆኑ ደጋግመን ማስታወሻ ማኖራችን , የመጅሊሱ መሪዎች አማካሪዎቻቸዉንና የጽፈት ቤት ሃላፊዎቻቸዉን የመረጧቸው በችሎታቸው ከሆነ በአግባቡ እንዲጠቀሙባቸው፣ ምክራቸዉንም ያዳምጡ ዘንድ ደጋግመን ማስታወሳችን ይታወሳል፡፡ ለምሳሌ ይህንን ያቀረብነው ከአመት ከመንፈቅ በፊት ነበር ፡፡ ዛሬ የሆነው የባሰው ነው!
https://www.facebook.com/RNZeroFive/posts/pfbid02mx23kdzEt17gMzfcgEFxJMmnfXMS78HPzS7vuBASnkEHwti4AtTVsRQpbj7gkuuUl

~~ "አማካሪ የሚያሻቸው የመጅሊሱ አማካሪዎች!"
~~~~~~~~~


ሸህ ሀጂ እና አማካሪዎቻቸው በ EBC ህንጻ ውስጥ ተገኝተው ለተቋሙ የሰጡት ምስክርነት ገራሚ በመሆኑ በትዝብት ብእር እሄድበታለሁ እያልኩ ሳያመቸኝ ቀርቶ ኖሮ ሳልዳስሰው ቀርቼ ነበር። እነሆ ጥሩ እንደሄደበት የሚገልጽ መልእክት በውስጥ ሲደርሰኝ " !" የሚል ርዕስ ከኔ ሰጥቸው፣ የቀረውን የዲኑ አሊ ትዝብት እንዳለ ወደናንተ ማምጣቱን መርጫለሁ! ከዛ በፊት ግን የኔን አጭር መንደርደርያ ላክል!
እንደሚታወቀው መሪዎች የሚራመዱትም ሆነ በየተጋበዙበት የሚናገሩት አልያም ነገሮችን የሚገመግሙት- በግል የሚያስቡትን ወይንም የፈለጉትን እንደወረደ ሳይሆን የወከሉትን ህዝብ ጥቅምና ሞራል በጠበቀ መልኩ እንደሆነ ይታወቃል። በመሆኑም መሪዎች የት ሲሄዱ ምን መናገርና ምንን መጠንቀቅ ብሎም ምን አይነት ቅሬታ ማቅረብና ምን አይነት ማስተካከያዎችን መጠቆም እንደሚገባቸው ያዘጋጇቸው ዘንድ ነው አማካሪ የሚመደብላቸው።
መጅሊሱን ያየን እንደሁ ደግሞ ግቢው የሞላው "አማካሪዎች" በተሰኙ ሰዎች መሆኑን በኩራት የሚናገሩት ነው። ከዚህም ውጭ ዋነኛ ስራው ተቋሙን በትክክለኛው መንገድ ይጓዝ ዘንድ ጊዜ ወስዶ መዛግብቶችን አቀናጅቶ በቂ እገዛ የሚያደርግ የሙሉ ቀን የጽህፈት ቤት ሀላፊም ይመደብላቸዋል፣ በመጅሊሱ ግቢ ውስጥ ደግሞ ይህ እዉን ሆኗል ተብለናል። እና ችግሩ የመጣው ከየት ነው? የሚለው የኤሊቱና የህዝቡ ጥያቄ ሊሆን ግድ ይላል ለማለት ነው።
በመሆኑም የመጅሊሱ ሰዎች ለ EBC የሰጡት አስተያየት የተቃኘው ከማን አንጻር ነው? የሚለውን ለማየት ወደ ጽሁፉ በቀጥታ እወስዳቹሀለሁ። መልካም ንባብ!!
~~~~~~~~~~~~~

ሸኽ ሃጂ EBCን ሲጎበኙ የሰጡት ምስክርነት ግር ብሎኛል።
"""""""""""""""""""""""""""""""""""""""""""""""""""""""""""""""""""""""""""
እንዲህ አሉ፥_
"ኢቢሲ በይዘቱ ብዝሃነትን እና አካታችነትን ያማከለ ተቋም ነው"።

በፍፁም ይህን አይሉም ባይ ነኝ። ብለው ከሆነ ግን አካታችነት ሌላ ትርጉም አለው ወይም መጅሊሱ ሸጦናል።

የሙስሊሙን በደል የሚደብቅ
ግለሰቦች በሚሰሩት ስህተት ሙስሊሞችን የሚተች እና የሚያሸማቅቅ
ፍፁም ሙስሉሞችን ያገለለ ተቋም በምን መስፈርት ይሆን አካታች የተስኘው?

~ድምፃችን ይሰማ የቅርብ ጊዜ ትውስታ ነው ። በተቃራኒው የተዘገበ ሙስሊሙ የተገፋበተ ተሸብረን ግን አሸባሪ የተባልንበት ክስተት አይረሳም!

~የሞጣ ክስተት እጅግ አሳዛኝ እና መስጅዶች ችቦ የሆኑበት እየተመረጡ የሙስሊም ንብረቶች የጋዩበት ግን የኢቢሲን ትኩረት የተነፈገ ክስተት

~እስቴ ጃራገዱ እንዲሁ በ ኢቢሲ ትኩረት ካጡ የሙስሊሞች መበደል ምልክት ሆነው አልፈዋል

~ወለጋ ላይ ያን ያህ ቁጥር ያለው ሙስሊም ሲገደል ሲታረድ እና ሲሰደድ ኢቢሲ ምን ብሎ ነው አካታች የምንለው?

~ጎንደር በሚይዝያው ግርግር በርካቶች ሸሂድ ሆኑ በአንድ ጉድጓድ ብዙዎች ተቀበሩ መስጅዶች ተቃጠሉ የሙስሊሞች ንብረት ተዘረፉ ወደሙ ለኢቢሲ ግን ይህም ክስተት ለዜናው አልምጠነም እና ዘለለው ።

ለሌሎች ደሞ ሲሆን ያልተደረገውን ተደረገ ለማለት ማንም አይቀድመውም። የጅማን እና የወራቤን ክስተት መጥቀስ ይቻላል።
ይህ ሆኖ ሳለ የመጅሊሳችን ፕሬዝደንት ክቡር ዶር ሸኽ ሃጂ ኢቢሲ አካታች ነው ያሉት ከምን ተነስተው ይሆን?

ይህ ዛሬ ሳይሆን ነገም እኔ ብቻም ሳልሆን ትውልድ ደጋግሞ የሚጠይቀው ምላሽ የሚሻ ጥያቄ ነው።

ዲኑ ዓሊ /አቡሱመያ/ እንደጻፈው
.

-----
*** በጋዛ ዙርያ ዘገባችን ምክንያት ፌስቡክ ተከታታዮቻችን ኖቲፊኬሽን እንዳይደርሳቸው ስላደረገ እርሶ ሼር ያድርጉን ! የቴሌግራም ቻናላችንን ሊንክ ተጭናችሁ ተቀላቀሉን t.me/RNZeroFive

08/30/2026

ከ የአውሮፓዊያን ኢትዮጵያዊያን ሙስሊም ተቋማት ኔትዎርክ (አኢሙተኔ) የተሰጠ የሃዘን መግለጫ


በአላህ ስም አጅግ ርህሩህ አጅግ አዛኝ በሆነው

የአውሮፓዊያን የኢትዮጵያዊያን ሙስሊም ተቋማት ኔትዎርክ እና በአውሮፓ የኢትዮጵያዊያን ሙስሊሞች ማህበራትና አባላቶቻቸው

በአባታችን ሃጂ ነጂብ ሙሃመድ ህልፈት የተሰማንን ሃዘን እንገልጻለን።

ኢና ሊላሂ ወኢና ኢለይሂ ራጂኡን

እኛ የአላህ ነን፤ ወደርሱም ተመላሾች ነን!ሀጂ ነጂብ ሙሀመድ (ረህመቱላሂ ዓለይሂ) በዳያስፖራ የሚገኘውን የኢትዮጵያ ሙስሊም ማህበረሰብ በማደራጀት፣ እምነቱንና ማንነቱን የሚጠብቅበትን ማህበረሰባዊ መዋቅር በመመስረት እና በመሪነት በማገልገል በታሪክ የማይረሳ አሻራ ያሳረፉ ታላቅ አባት ነበሩ። በሀገር ቤት የሚገኘውን የኢትዮጵያ ሙስሊም ማህበረሰብ የሚመለከቱ የመብትና የፍትህ ጉዳዮችንም ከፊት ለፊት በመሆን ሲታገሉ፣ ለዚህም ዓላማ ጊዜያቸውን፣ ጉልበታቸውንና ሀብታቸውን መስዋእት አድርገዋል።

ከዲያስፖራ እስከ ሀገር ቤት የዘለቀው የአመታት ትግላቸው መገለጫ ከሆኑት ተግባሮቻቸው መካከል በአውሮፓ ያለው ሙስሊም ማህበረሰብ ባለበት አካባቢ ራሱን በማደራጀት ይጠናከር እና ከሰሜን አሜሪካ ካሉ ሙስሊም ማህበራት ጋር በተቀናጀ መልክ ይንቀሳቀስ ዘንድ ያደረጉት ጥረት ሰምሮ በ2007 (እአአ) በዋናነት የሁለቱ አህጉሮች ጥምር የሆነ የዲያስፖራ ሙስሊሞችን ልዑካን ቡድን በመምራት እስከ አገር ቤት ድረስ የኢትዮጵያዊያን ሙስሊሞችን አጀንዳ አንግበው ለመንግስት ያቀረቡበት ሂዴት ለትውልድ የሚተላለፍ ጉልህ አበርክቶ ነበር።

በረጅም የአገልግሎት ዘመናቸው ለማህበረሰቡ ያበረከቱት አስተዋጽኦ ከአንድ ትውልድ በላይ የሚዘልቅ ሲሆን፣ የጣሉት ውርስና ያሳረፉት አሻራም ለቀጣይ ትውልዶች እንደ ትልቅ ምሳሌ የሚቆይ ነው። ሀጂ ነጂብ በህይወታቸው ያገለገሉበትን ዓላማ እና ማህበረሰባዊ ኃላፊነት በቀጣይ ትውልድ ላይ በማስተላለፍ ረገድ የማይረሳ አስተዋጽኦ አበርክተዋል። የእሳቸው ህልፈት ለቤተሰቦቻቸውና ለቅርብ ወዳጆቻቸው ብቻ ሳይሆን፣ ለመላው የኢትዮጵያ ሙስሊም ማህበረሰብ ትልቅ ኪሳራ ነው። በተለይም ለዓመታት ከጎናቸው ለቆሙ፣ አብረዋቸው ለሰሩ እና ከእሳቸው ልምድና እውቀት ለተማሩ ሁሉ ይህ ህልፈት ከባድ ሀዘን ነው።

አላህ ሱብሓነሁ ወተዓላ ሀጂ ነጂብን በሰፊው ራህመቱ ይሸፍናቸው፣ ኃጢአታቸውን ይማርላቸው፣ መቃብራቸውን ያስፋላቸውና ከነቢያት፣ ከሲዲቂኖች፣ ከሰማዕታትና ከሷሊሆች ጋር በጀነተል ፊርደውስ ያኑራቸው።

አላህ ለቤተሰቦቻቸው፣ ለዘመድ አዝማዶቻቸው፣ ለወዳጆቻቸው እና ለመላው የኢትዮጵያ ሙስሊም ማህበረሰብ ጽናትና ትዕግሥት ይስጥልን። ያሳረፉት አሻራ እንዲጸና፣ የጀመሩት መልካም ስራ እንዲቀጥል እና ያለፉበት መንገድ ለቀጣዩ ትውልድ ብርሃን እንዲሆን ሁሉም
ሙስሊም በተለይም የዲያስፖራው ሙስሊም ህብረተሰብ ጠንክሮ መስራት እንደሚገባን ራስችንን እያስታወስን አላህም ይረዳን ዘንድ በፅኑ እንለምነዋለን።

አላህ ይዘንላቸው፣ ጀነተል ፊርደውስንም ይወፍቃቸው።

ለመላው ቤተሰብና ለኢትዮጵያ ሙስሊም ማህበረሰብ አላህ ትዕግሥቱን ይስጥ።

የአውሮፓዊያን ኢትይጵያዊያን ሙስሊም ተቋማት ነኔትዎርክ

ኦገስት 30፣ 2026

08/30/2026

የሐዘን መግለጫ
~~~~~~
«ኢና ሊላሂ ወኢና ኢለይሂ ራጂዑን»
(እኛ የአላህ ነን፤ ወደ እርሱም ተመላሾች ነን)

በዲያስፖራው ኢትዮጵያውያን ሙስሊሞች ዘንድ በበጎ አድራጎት፣ በማህበረሰብ አደራጅነት፣ እንዲሁም በተለያዩ ሀገር አቀፍ እና ዓለም አቀፍ እንቅስቃሴዎች ግንባር ቀደም ተሳታፊ የነበሩትና የአሜሪካው «ፈርስት ሒጅራ ፋውንዴሽን» ፕሬዝዳንት ሐጂ ነጂብ መሐመድ ወደ ተጠሩበት የሐቅ ዓለም ወደ አኺራ መሄዳቸውን በድንጋጤ ዉስጥ ሆነን ሰምተናል።

የ ዝግጅት ክፍል ባልደረቦች በሙሉ በሐጂ ነጂብ ህልፈት የተሰማንን ጥልቅ ሐዘን እየገለጽን፤ አላህ (ሱ.ወ) በራህመቱ እና በምህረቱ ጀነተል ፊርዶስን እንዲለግሳቸው ዱዓችን ነው።

ለቤተሰቦቻቸው፣ ለወዳጅ ዘመዶቻቸው፣ ለፈርስት ሒጅራ ፋውንዴሽን አባላት፣ እንዲሁም ለመላው የሙስሊሙ ማህበረሰብ አላህ (ሱ.ወ) «ሶብሩን ጀሚል» እና መጽናናትን እንዲሰጥ ከልብ እንመኛለን።

የዝግጅት ክፍላችን በሐጂ ነጂብ መሐመድ ዘመናት የተሻገሩ በጎ ሥራዎች፣ ማህበራዊ አገልግሎቶች እና ያሳለፉት አዎንታዊ ታሪክ (Legacy) ዙሪያ በልዩ ዝግጅታችን ወደፊት የምንዳስሠው ይሆናል።

አላህ ይርሃማቸው!

የ ዝግጅት ክፍል

08/25/2026

ዋይ! ኢራን "ክፉ" ናት!
~~~~~~

| ኔታንያሁ- "ኢራን ልጄን ለመደምሰስ (ለመግደል) ሞክራ ነበር!" |
የእስራኤል ጠቅላይ ሚኒስትር ቤንጃሚን ኔታንያሁ ኢራን በልጃቸው ላይ የግድያ ሙከራ አድርጋለች ሲሉ ከሰሱ። ኔታንያሁ ለቻናል 14 (Channel 14) የእስራኤል የቴሌቪዥን ጣቢያ በስልክ በሰጡት ቃል፦ «ኢራን ከልጆቼ አንዱን ኢላማ አድርጋ ነበር፤ አንደኛውን ልጄን ለመግደልም ሞክራለች» ብለዋል። በልጃቸው ዙሪያ የነበሩ የፀጥታ ኃይሎች ባይኖሩ ኖሮ ሙከራው ይሳካ እንደነበርም አክለው ገልጸዋል።
ኔታንያሁ ጥቃቱ የተቃጣበት የትኛው ልጃቸው እንደሆነ አልተናገሩም። በተጨማሪም የግድያ ሙከራው የት እንደተደረገ እና እንዴት ማከሸፍ እንደተቻለ የጠቆሙት ነገር የለም። የኤፒ (AP) የዜና ወኪል ላቀረበው ጥያቄም የኔታንያሁ ቢሮ ተጨማሪ ማብራሪያ ለመስጠት ፈቃደኛ አልሆነም።

አሜሪካ ከእስራኤል ጋር በመሆን በኢራን ላይ የከፈተችውን ጦርነት የጀመረችው በፌብሩዋሪ 28 ነበር። (ምንጭ፦ RND / AP)
እነሆ እኔም ይህንን ዜና ካነበብኩ በኋላ "ኢራን ክፉ ናት! ናትያንያሁና ቤተሰቦቻቸው ብሎም ጽዮናዊያን ለመግደል እንጂ ለመገደል እንዳልተፈጠሩ አታውቅምን?" ስል ራሴንም ጠየኩ ኢራንንም ታዘብኩ!
የእናንተስ ሃሳብ ምን ይመስላል?? ?
የእናንተን እይታ በኮመንት መስጫው ላይ አጋሩን!
=============
ለተጨማሪ መረጃ ቴሌግራማችንን ተቀላቀሉ
https://t.me/RNZeroFive

08/24/2026

ከረዥም አመታት ኮማ በዃላ -በአውሮፓ የሙስሊሞች ኔት ወርክ ዳግም ተመሰረተ!
~~~~~~~~
ከ ዝግጅት ክፍል
በአውሮፓ የኢትዮጵያውያን ሙስሊም ማህበራት ኔት ወርክ ምስረታ ጉባኤ ላይ ለመሳተፍ ኖርዌይ ኦስሎ የደረስነው ጁመዓ ረፋዱ ላይ ነበር። የጁመዓ ሠላት ኦስሎ ከተማ ከሚገኙት ግዙፍ መሳጂዶች መካከል በአንደኛው ሠገድን። መስጂዱ ግዙፍና ሶስት ፎቆች ያሉት ቢሆንም ጢም ብሎ ሞልቶ ስለነበር በረንዳ ላይ ነበር ተጋፍተን የሠገድነው። በርካታ በቦታ ጥበት የተነሳ ያልሠገዱ ምዕመናን እኛ ሠግደን ቦታ እስከምንለቅላቸው በትዕግሥት ይጠብቁ ነበር። አሥር ደቂቃ ለማይሞላ ጊዜ ለቆምንበት የፓርኪንግ አገልግሎት ከመቶ ክራውን በላይ ከፍለንና በውድነቱ እየተደመምን የኔት ወርኩ ምሥረታ ጉባኤ ወደሚካሄድበት ቦታ አመራን።
አዳራሹ በታዳሚዎች ተሞልቶ አቶ አብዬ ያሢን በኔትወርኩ ምስረታ ዙርያ ገለጻና ማብራሪያ ለመስጠት ሲያቆበቁብ ደረስን። አዳራሹ ውስጥ በርካታ የተለመዱ ፊቶች ይታያሉ። የዩኬ ጀመዓ የአዳራሹን ቀኝ ክንፍ ወረውታል። ስዊድኖች መሃል ለመሃል መድረኩ ፊት አፍጠዋል። በአዳራሹ ግራ ክንፍ የኖርዌይ ጀመዓ አባላት በብዛት ተኮልኩለዋል። ዙሪያውን ደግሞ እህቶች ከበውታል። አብዛኛው ታዳሚ የኖርዌይ ጀመዓ አባላት ቢሆኑም ሁሌም እስላማዊ እንቅስቃሴዎች ባሉባቸው ስፍራዎች በሙሉ ግንባር ቀደም ከሆኑት ከእንግሊዝና ከስዊድን ጀመዓዎችም በርካቶች ተገኝተዋል። ቁጥራቸው ከእንግሊዝና ከስዊድን ጋር ባይስተካከልም የማይናቅ ቁጥር ያላቸው የጉባኤ ተሳታፊዎች ከቤልጂየም፣ ከሆላንድና ፊንላንድ መጥተዋል። አንዳንድ ከጀርመንና ሌሎች የአውሮፓ አገራት የመጡ ታዳሚዎችም ነበሩ።
አብዬ ያሲን የኔትወርኩ መመሥረት አስፈላጊ ሆኖ የተገኘበትን ምክንያት ካስረዳና ድርጅታዊ መዋቅሩም ምን ሊመስል እንደሚችል ካብራራ በኋላ መድረኩ ለጥያቄ ክፍት ሲሆን ከዚህ ቀደም ተመስርቶ የነበረው በአውሮፓ የኢትዮጵያውያን ሙስሊሞች ኔት ወርክ የፈረሰበትን ምክንያት እንዲብራራ ተጠየቀ። የቀሞው ኔት ወርክ የመጀመርያ ጉባኤውን ያደረገው እንደፈረንጆቹ በ2009 በስዊድን አገር ጉተንበርግ ከተማ ነበር። አብዛኞቹን አሁን በቅርበት የምናውቃቸው ወንድሞች ለመጀመርያ ጊዜ በአካል ያገኘናቸው በዚያን ወቅት ነበር። በዚያ በጉተንበርጉ ጉባኤ ላይ ለመጀመርያ ጊዜ በአካል ካገኘናቸው ወንድሞች መካከል አንዳንዶች ወደ አኪራ ሄደዋል፣ አላህ ምህረቱን ያውርድላቸው። አንዳንዶች ጡረታ ውጥተው በአገር ቤትና አውሮፓ ተመላላሾች ሆነዋል። አንዳንዶች አባት ከመሆን ዘለው አያቶች ሆነዋል። በርካቶች ግን በዚህም ጉባኤ ላይ ታድመዋል።ይህ ደግሞ በበኩሉ ምንም እንኳን የመጀመርያው ኔት ወርክ አስደሳች ትዝታዎችን ጥሎ ቢከስምም አባላቱ ግን በእየጀመዓዎቻቸው የነበሯቸው ተሳትፎዎች እንደቀጥሉ መሆናቸውን ማሳያ ስለነበር አስደሳችና ተስፋ ሰጪ ስሜትን የጫረ ነበር። ምንም እንኳን የመጀመርያው ኔት ወርክ ስኬቶችና ክስመት የፈጠሩት ጠንካራ አወንታዊና አሉታዊ ስሜቶች የነበሩ ቢሆንም እነኝህ የቀድሞ አባላት አሁንም በድጋሚ የኔትወርኩ ምስራታ ላይ መታደማቸው ብቻ ሳይሆን ለመስረታውም ስኬት ሲያሳዩ ያስተዋነው መነሳሳት ምዕመናኑ ኔት ወርኩን ምን ያህል እንደሚፈገው ግልጽ ጠቋሚ ነበር።
ምንም እንኳን በአውሮፓ የሙስሊሞች ኔት ወርክ ምስረታ ከዚህም በፊት ተሞክሮና መልካምም ስኬትን አስመዝግቦ በአንዳንድ ምክንያቶች ቢከስምም ኦስሎ ላይ የተመሰረተው አዲሱ ኔት ወርክ ቀደሞ ከነበረው የሚለይባቸው ባህርያት በዝርዝር ገለጻ ተሰጠባቸው። በተለይ አሁን በዲያስፖራውም ሆነ በሃገራችን የሙስሊሙ ሁኔታ ከዚህ ቀደም ከነበረው የሚለይባቸው ባህሪያት አሁን ለተፈጠረው አዲስ ኔት ወርክ የሚፈጥራቸው እድሎችና ተግዳሮቶች በስፋት ተዳሰሱ።
የኔት ወርኩን ምስረታ አስመልክቶ የቀረበው ዝግጅት ከተጠናቀቀ በኋላ በምስረታ ጉባኤው ላይ እንዲሳተፉ ተጋብዘው የመጡት እና ከኢትዮጵያ፣ እንዲሁም ከአሜሪካ በየተራ እየተነሱ ለታዳሚው ምክር ሲሰጡ አመሸን። እኔ በበኩሌ ከምክሩ ይልቅ ለረጂም ጊዜ ያላገኘኋቸውን ወዳጆቼ አግኝቼ ተቃቅፌ ጠረቤዛ እመካከላችን አድርገን ስናወጋ ማምሸቱን እመርጥ ነበር፣ ነገር ግን ያ አልሆነም።ምክሩ በላይ በላዩ ሲደራረብ በጣም ስለመሸ እራት ከተበላ በኋላ ጉዞ ወደ ማደሪያችን ሆነ።
የማደርያ ቦታው ጉባኤው ከተካሄደበት አዳራች 46 ኪሎ ሜትሮች ገደማ ርቆ የሚገኝ ቦታ ነበር። እኛ መኪና ነበረን። መኪና ላልያዙቱ የኦስሎ ጀመዓ መጓጓዣ አዘጋጅቶ ስለነበር የሎጂስቲክ ችግር አልነበረም። የተዘጋጀው ማረፊያ ቦታም ምቹና ንጽህናውን የጠበቀ ነበር። ሆኖም ማደሪያችን ስንደርስ ግማሽ ለሊት ደርሶ ስለነበርና በማግሥቱ ቅዳሜ በሚደረገው ጉባኤ ላይ በጊዜ መገኘት የግድ ስለሆነ ከመተኛት ሌላ አማራጭ አልነበረንም።

የቅዳሜው የጉባኤ ቀን በርካታ የተለያዩ ዝግጅቶች የተስተናገዱበት ነበር። የደዓዋ ፕሮግራሞች፣ ወርክ ሾፕና ውይይቶች ሲደረጉ ካመሸን በኋላ የጉባኤው ማሳረጊያ የሆነው የኦስሎ ጀመዓ የራሱን መስጂድ ለማቋቋም የጀመረውን እንቅስቃሴ ለማገዝ የሚያስችል የፈንድ ሬዚንግ ዝግጅት ነበር። ዝግጅቱ በሸይክ ሰይፈል ኢስላም ከአሜሪካና ኡስታዝ አቡበከር አህመድ ከኢትዮጵያ የተመራ ሲሆን ከሁለት ሚሊዮን ክራውን በላይ የተሰበሰበበትና በድምቀት የተከናወነ ነበር።
የኔት ወርኩ ጉባኤ የምስረታ መሆኑን ከግምት ውስጥ ስናስገባ በብዙ መልኩ ስኬታማ ነበር ማለት ይቻላል።በተለይ የጉባኤው አዘጋጅ የኦስሎ ጀመዓ እንግዶቻቸውን ያስተናገዱበት መንገድ እንከን የማይወጣለት ነበር። የማረፊያ ቦታው፣ የመጓጓዣ አገልግሎቱ ሎጂስቲኩ በግሩም ሁኔት የተከናወነ ነበር። ምግብን በተመለከት የኖርዌይ ጀመዓ የእንግዶቻቸውን ፍላጎት ለማርካት የሄዱበት ርቀት በሌላው የአውሮፓ ጀመዓ ሊኮረጅ እጅግ የሚከብድ፣ የዝግጅቱን ደረጃ ከቁመት አርቆ የሠቀለ ነበር ስል ማጋነን ከመሰላችሁ ሌሎች በጉባኤው ላይ የተሳተፉ ወንድሞችና እህቶችን ጠይቃችሁ ማረጋገጥ ትችላላችሁ ከማለት በዘለለ የምጨምረው የለኝም።
እኔ በበኩሌ ኔት ወርኩ በድጋሚ መመስረቱ መልካም ዜና ሆኖ ነው ያገኘሁት። ኔት ወርኩ ፍላጎቱን ከአቅሙ ጋር አመጣጥኖ፣ የተወሰኑ በተጨባጭ ሊተገበሩ የሚችሉ ሥራዎች ላይ አተኩሮ ከሠራ ውጤታማ ሊሆን እንደሚችል አምናለሁ። በአውሮፓ ያለው ሙስሊም ማህበረሰብ የጋራ የሆኑ ፍላጎቶችና ተግዳሮቶች አሉት ። እነኝህን ፍላጎቶቹንና ተግዳሮቶችቹን በስኬት ለመወጣት በኔት ወርኩ መተሳሰሩ በርካታ ጠቀሜታዎች አሉት። አሁን የኔት ወርኩ አመራር ማድርግ የሚጠበቅበት እነኝህን ጠቀሜታዎች ተጨባጭ በሆነ መልኩ ለአባላቱ ማሳየት ነው።
ከዚህ ሁሉ ሂደት በዃላ በስተመጨረሻም በእለተ ቅዳሜ ኦገስት 22/2026 ከተለያዩ የአውሮፓ ሀገራት በመጡ በ 8 ያህል ማህበራት ፊርማ ኔትወርኩ በኦስሎ ከተማ ዳግም በይፋ የተመሰረት ሲሆን፣ የቀጣዩ አመት ጉባኤውን ደግሞ በአውሮፓዊትዋ ዋና መዲና በቤጅየም ሀገር እንደሚደረግ ታውጆ መስራች ጉባዬው ተጠናቋል።
የእናንተስ ሃሳብ ምን ይመስላል?? ?
የእናንተን እይታ በኮመንት መስጫው ላይ አጋሩን!
=============
ለተጨማሪ መረጃ ቴሌግራማችንን ተቀላቀሉ
https://t.me/RNZeroFive

08/24/2026

በመሰረቱ ፕሬዝደንቶች የሚመረጡት ቀጥታ በህዝቡ ነው። እኛ ዘንድ በፓርላማ የተደረገው ተመራጩ ፕሬዝደንት ከህዝባቸው ይልቅ በፓርላማው ስለሚተማመኑም አይደል?

08/17/2026

የምክክሩ ሂደት እንደሚያሳየው "አዲስ አበባ የኦሮምያ ዋና ከተማ ፣ የፌደራል መንግስቱ ደግሞ መቀመጫ ትሆናለች " ከተባለ፣ከጉባዬው በዃላ የኢትዬጵያ ዋና ከተማ የት ነው?

08/16/2026

ጽንፈኛው የእስራኤል ሚኒስትር አወዛጋቢ ግግር ሌላ ዓለም አቀፍ ውግዘት አስከተለ
~~~~~~

በመካከለኛው ምስራቅ ያለው ውጥረት ከርሮ በቀጠለበት በዚህ ወቅት፣ የእስራኤል ጽንፈኛው የብሔራዊ ጸጥታ ሚኒስትር ኢታማር ቤን-ግቪር በጋዛ ላይ የሰጡት ከባድ እና አወዛጋቢ አስተያየት ዓለም አቀፍ አጀንዳ ሆኗል።
ሚኒስትሩ በጋዛ ሰርጥ ያለውን ወቅታዊ ሁኔታ አስመልክቶ በሰጡት ቃለ መጠይቅ ላይ፦ «ሊኖሩ የማይገባቸው ሰዎች፤ እነሱ ሰዎችም አይደሉም!» ማለታቸው ከፍተኛ አዲስ ቁጣና ውግዘት አስከትሏል።
የሰብአዊ መብት ተሟጋቾች እና አለም አቀፍ ተቋማት እንደሚያስረዱት፣ የቤን-ግቪር አገላለጽ የፓለስታናውያንን ሰብአዊነት ሙሉ በሙሉ የሚክድ እና የዘር ማጽዳት ወንጀልን የሚያበረታታ አደገኛ ፖለቲካዊ ርዕዮተ ዓለም ነጸብራቅ ነው።
,
ጽንፈኛው ሚኒስትር በጋዛ ላይ የሚወሰደው ወታደራዊ እርምጃ ተጠናክሮ መቀጠል እንዳለበት እና የክልሉ ነዋሪዎች ላይ የሚደርሰው ስቃይ ትክክለኛ እርምጃ መሆኑን ለማሳየት የሞከሩባቸው ሐረጎች በሰላም ድርድር ላይ ትልቅ ጥላ አጥልተዋል።
ይህ አባባል የእስራኤልን መንግሥት የውጪ ግንኙነት አቋም የበለጠ አስቸጋሪ ያደረገው ሲሆን፣ የጺዮናዊትዋ አፓርታይድ እና የጦር ወንጀለኞች ሃገር የሆነችው የእስራኤል አጋር ሀገራት ጭምር በንግግሩ ላይ ያላቸውን ጽኑ ተቃውሞ እያሰሙ ይገኛሉ።
ተንታኞች እንደሚሉት፣ በኃተታ የተሞሉና የሰዎችን ሕይወት ዋጋ የሚቀንሱ እንዲህ ያሉ ጽንፈኛ መግለጫዎች በቀጣናው ያለውን ዘላቂ ሰላም እና መፍትሔ እጅግ አዳጋች እያደረጉት ይገኛሉ።
የብሔራዊ ጸጥታ ሚኒስትር ኢታማር ቤን-ግቪር በጽንፈኛ አቅዋማቸው የሚታወቁ ሲሆን ብዙ አለም አቀፍ ህጎች ጋዛ ዉስጥ የጦር ወንጀል ለመፈጸሙ እንደማሳያ ከሚጠቀሱ የእስራኤል ባለስልጣናት መካከል ከዋነኞቹ ይመደባሉ፡፡ በቅርቡ በእስራኤል ዉስጥ ያሉና ፍልስጤማዊያን በብዛት የታሰሩበት እስር ቤት ዙርያው በአዞዎች እንዲከበብ ሃሳብ ማቅረባቸው ይታወሳል፡፡
የእናንተስ ሃሳብ ምን ይመስላል?? ?
የእናንተን እይታ በኮመንት መስጫው ላይ አጋሩን!
=============
ለተጨማሪ መረጃ ቴሌግራማችንን ተቀላቀሉ
https://t.me/RNZeroFive

08/12/2026

ስለ በጨዋ ደምብ እንወያይ!
~~~~~
1.ለመሆኑ የአዲስ አበቤ ስነ ልቦና ምን አይነት ነው?
2. አዲስ አባባን በአንድ ብሄር ወይንም በአንድ እምነት አልያም በአንድ ባህል መመደብና መፈረጅ ይቻላልን?!
3.ካልሆነስ አስተዳደራዊ መፍትሄው ምን ይመስሎታል?
ሀሳብዎን ያካፍሉን!