Afar Voice

Afar Voice Afar Voice is an independent media that covers Horn of Africa affairs and connects it to the world.

Founded by dedicated volunteers, we invite you to contribute to our growth. We are seeking assistance in terms of financial support and team collaboration.

07/13/2025

Kilbatti Rasul Saay kee Salaam Wagittaamal Walal Gudgud Gexsite
********
Kilbatti Rasul Saay kee Salaam Wagittaamal Rasu kee Daqoorit Miraacinu Kee Amni Saqoltih Missoowe Walal Gudgud Rasi Inyta Abqaala Magaalal Gexsen

Tama Gudgudul Rakaakayak Saay kee Salaam Biirok Naharsi Saqal Gifta Gaddo Cammolo kee Rakaakyak Fayya le Miraaciinuy Kilbatti Rasuk Rasu kee Daqoorit Miraaciini Elle geytimen.

Gudgud Miraaciseh Yan Rakaakayak Saay kee Salaam Biirok Naharsi Saqal Gifta Gaddo Cammolo Eretriya Takku Tigray Fan Aban Gexo Qafar Giclo kee Curriinoh Aban Gexo Akkewaytam Kinnuk Qafar Ummatta Tabisle Anewayni Butta Tassacakkem Faxxintah Tanim kee Tahah Miraaciini Isi Doorik Yawqem Faxxintah Tanim Yescesse.

Eretriyah Doolat Qaalamal Xakak Sinnal tamixxige Baaxo kinnim Yescesseh Yan Gifta Gaddo Cammolo Eretriya fan Gexxe Butta Qafar Ummattal Abtem Gano Kinnuk Garcite mari ken dirab oytil ken Kataye-wayoonuh Rasu kee Daqoorit Xintoota Dumak yayse Gurral Taamittam Faxxintam Diggoose .

Tama Gudgudul Geytimeh yan Rakaakayak Fayya le Miraaciini Isinni le Katuk Daqoorit Miraaciini Ummattâ Xaqut Isinnik Haak Tama Caagidil Baxsa le Taama Abaanam Faxxintah Tanim kee Kulli Uddurul Tekkeh tan Taamoomi Kusaaqisak Yanih yan Cooca Baxissa Heenih Yaaxigeenim Faxxintam Yiysixxigen.

Rasu kee Daqoorit Miraaciini Isinni le Katuk Abeenih Yanin Yaabal Eretriya Takku Tigray fan takke Gexo Ummatta Awlise Wayta Gexo Kinnih Tanim Ascassuuk Qagaaqagitak Ummatta Luk Walal Gudguditte Gexseenih Yaniinim kee Foocah Tayse Taama Elle Abeloonum Diggoosen.

Raceena: Afar Mass Media Agency

07/13/2025

Tigray rakaakay Qadwâ magaalal mangoh tan qande(TDF) Dooqasseh tanim qaddoosen.
*******
Tigray rakaakaakak Cuwwaacat (TPLF) xaagih raceenah tan Xaagih warkat elle qaddoossennal Tigray qaskarih dooqayso elle gexseenim Qadwâ magaalak Yakaatil 11 diqsittah tan koqsô booxa kinnih tanim qaddoosen.

Tigray qande(TDF) Dooqaysimteh tan qaskarah tu gactek Army 42 Kore 423 kinnih tanim yescessen.

Tama dooqaysoh aracal Tigray qandek fayyo le caddoh miroctiiy, Qadwâ dariifak Rasittê miroctiiy, daqoorit mirooctii kee Qadwâ magaalah ummatta edde tengelem warsen.
Dooqaysimteh tan Tigray Qaskar Dooqaysoh aracal baxaabaxsa le qaskariyyoh mayballa yuybulleenim qaddooseenim kee Tigray qandek Qadwâ magaalal dooqaysimteemik ixxima ahaay duma maamixxiginna.

Tama bisle xaaguh Tigray rakaakay Suudaanak Porti Suudaan dariifal fanah qande ruubak Sudaanal qande aydakaakanisak geyrimtam qaddoosen, Ititoopiyak Aytî buxah oytitte elle tascassennal Cuwaacat Silaacitte Tigray fanah akak culusaah Qande aydakaakanah Sudaan fanah akak ruubam Eretriyah gitte kinnim Itiyoopiyak aytî buxah oytitte tascassem warsan.

Tigray qande Suudaanal aydakaakanissam Suudaanak Kalalí qandeh saqalah yan Qabdulfattaac burhaan exxa kinnih tanim qaddooseenim kee Tigray qandeh saqoltii kee Sudaanak kalalí qandeh mirooctih fanal qaskariyyoh angaarawitte ginniimteh tanim kee Tigray qande Qabadulfattaac Al-Burhaan qandeh Qokoluh Suudaanak (RSF)
Sissiguk matrâ qandet carbi abak sugteh tanim qaddoosen..

Tigray qande Qusba aydakaakanitte baaxoh addaa kee cugaaneenâ baaxooxal absiisaanam dariifal kaxxa bohoy kataasak geytimtam warsan.

07/13/2025

Ellacbo QADARAY raaqeh suge tahka
14 QADARAY 2025 GIFTA SALEH GINE
QAX MEQE GURRALQAX MEQE WEELOOLA
QAX MEQE QADARITE NEH XAYYOOSA
GIFTA SALEC MACAMMAD CASSAN
ANKACTU-EMEQA

07/13/2025

14 QADARAY 2025 GIFTA SALEH GINE
QAX MEQE GURRALQAX MEQE WEELOOLA
QAX MEQE QADARIYET NEH XAYYOOSA
GIFTA SALEC MACAMMAD CASSAN
ANKACTU-EMEQA

07/13/2025

Awroppah Inkiinoh Egla Metah Shirkatat Giffole Digaala Tatrusele axcuk qambaalan.
*******
Facebook kee Inistagiram Ikoytiinuh leh tan Metah Kambani Teetit yantifiqeh yan marak numtin amoh oytitteh mabbuux wagittaamal abteh tan gita maliinook gexxaamah
Awrobah Inkiinoh Eglak Ayrol 20 Miliyoonih Dolaarih Digaala kaal madaqele axcuk qambaalaanam Royters xaagih raceena qoddoosse.

Metah Shirkat Facebook kee
Instaagiraam Applikeeshinittet tantifiqeh tan maqmiilwah
namma doorit xayyoossam kee tohum 1haytô dooritih Facebook kee Instaagiraam Hebeltô maysaxxagoogi sinnim edde yantufiqeenim faxeenik Lakqô mekla essertam kee 2haytô dooritih tu gactek Applikeeshinit lakqô mekla sinnim edde yantifiqeeniih laakin Numtin Amoh (cankah) oytittet Metah Shirkat edde tantifiquh Idnisah yan gexsit leh tanim qaddoosen.

Tohuuk ugutak Metah Shirkatih gexsit kee taama Awroppah Inkiinoh Eglak teyyeeqeh tan Digitaal qadaagâ madqat yaaqateh yan gexsit kinniimih taagah Awroppah inkittiinoh egla teyyeeqeh tan madqat taaqateh tan Shirkatitte kusaaqisak faxximta digaala teetil tatrusaanamih abbootan leemih taagah
Awroppah inkittiinoh egla METAh Shirkatah edde gexsittah tan gita maliinok Is raaqissuh maabitina teetih yeceenih sugeenim qaddoosen.


Namma alsih addat Awroppah Inkiinoh Egla Metah Shirkat Facebook kee Inistegraamat yantifiqeh yan maral qadaalat le doorit acee waytam teetik nuble axcuk 228 Miliyoonih Doolarih digaala teetil heenih sugeenim warsan.

tama namma alsih addat tama madqa tassakaxxem duude waytek Meta ayrol geytah tan culentak 5% gaba digaalah teetil heelem Awroppah unkittiinoh egla qaddoosse.

META Shirkat Isle Kabuk edde gexsitak sugteh tan gexsit tiysiisem tiysixxigeh sugtem takkay Is abteh tan milaaguu kee maysaasa Awroppah inkittiinoh egla daffeesseh tan dirkî ximmooma gibe waytam qaddoose.

07/13/2025

Alfittel loowimta gabbí qaxih suudaani xabboh xiinak gabbí qaxih suudaan uguteh yan carbih gudmah Itiyoopiya culak geytimaanam qaddoosen.
****
Gabbí qaxih Suudaanak kalalí qandee kee gira le gaaduleh fanat uguteh yan carbiik gexxaamah baaxo cabak gudak geytimtah mango alfitte takkeh tan gabbí qaxih suudaanih ummatta ayrô culmah Itiyoopiyak gambellah rakaakay culteh tanim gambillah rakaakayih mirooctii kee galli maroh eglak xabboh xiinâ komishiin (UNHCR) tiysixxige.

Tatureh yan March alsaay,sanat 2025 qimbisak gabbí qaxih suudaanak kalalí qandee kee doolatal Saduh tan gira le gaaduleh fanat uguteh yan carbiik gexxaamah mangoh tan gabbi qaxih suudaanih ummatta Itiyoopiyak Gambellah rakaakayak Wantaawah daqaar culak geytimaanam Wantawah Daqaarih saqalah yan Gifta Gaatwich Buuz Qaddoose.

Gifta Gaatwich Buuz elle qaddoosennal Gabbí qaxih suudaanaak gambellah rakaakay fanah temeeteh tan xabboh xiinah faxxiima maaqidda xayyose weenim kee Taham fanah Gambella culteh tan Xabboh xiina 50 alfiik daga takkeh tanim kee Gambellah ummatta Isih xiqtam abta way tama xabboh xiinah qokol abta exxaaxi ane waytam yiysixxige.

Galli maroh eglak xabboh xiinâ Komishiin (UNHCR) elle yiysixxigennal Alaaqaa kee sayyo edde mangoh tan Gabbi qaxih Suudaanih xabboh xiina cuduuduk tabba itteh Itiyoopiyak Gambellah rakaakayak Wantaawah daqaar culteh tanim diggoowtem Garman xaagih raceena tiysixxige.

Galli maroh eglak xabboh xiinâ komishiin Jarman xaagih raceenah elle qaddoosennal Gabbi qaxih xiina cubekkah dariifak kuddeh tewqeemih taagah maaqiddi dagnaay, Qaafiyat ayfaafih waytiiy, edde gacaanah yanin Shiraaqitteh dagna ken toofeh tanim qaddoosen.

Xabbih xiinah ayfaafih missoynak Gambellah luddih saqal elle qaddoosennal Gifta Mezgebe Gebremaryam elle yescessennal Gabbi qaxih Suudaan uguteh yan carbiik gexxaamah 35 alfiik daga takkeh tan xabboh xiina Cuduud argiquk gambellah rakaakayak Wantawah Daqaar culteh tanim qaddoosem kee Tama xabboh xiina elle nookisan arooca xisoonuh Gambellah rakaakay esserak gambellah rakaakay Laakdong diqsita arac teceeh kee xabboh xiinah arooca xisoonuh taakume bicittek gaba kaleenih geytimaanam warsan.

Ahaak afal Gabbi qaxih suudaanal yekkeh yan carbiik gexxaamah kuddeh tan xabboh xiina Gambellah rakaakayak 7 takke xabboh xiinâ fanteenaanil 380 alfiik daga takkeh tan ummatta tanim qaddoosen.

07/12/2025

Djiboutik goobaqad dariifal dariifah ayyuntat yoofeh yan gibdi leê waytoo kee bakaakarak gexxaamah Goobaqa sayyo leê taqabik calli keenih yantacawwuh seeco tatrusak geytiman.
*********

Djiboutik Goobaqad ummatta leek kaxxa gibdaabinih addat geytimtam tiysixxegem kee Goobaqad ayyunti leê waytoh taqabi mango udduuruh keenil yanim kee Goobaqad ummatta leê taqabik calli geytuh baxaabaxsa le udduurah doolat Esseroora hayteh sugtem takkay immay Djiboutî doolat keenih teceeh tan calli ane waam warsen.

Goobaqad sayyo leê waytoo kee gibdaabina wagsiisak bicseenih yanin Vidyo baxaabaxsa le ayyuntiinô retteemal fixiixak geytimtam.

Goobaqad sayyo rubteh tan Vidyô farmol elle yascassen innal Boodook Lee Ayyunta Fanah Beytah Tan Xabaxitte Kafin Duyyeeya Axcih Xaa kee Caxxat Alfimteemih taagah Lee goobaqad Ayyunta Fanah Akah Guftah tan gititte Hoorimak geytimtaamih taagah ayyunti kaxxa gibdaabinat Geytimam qaddoosen.

Goobaqad sayyo Ta viidiyô sumaq akah ruubtu duuddem inki inki dariifâ saqoltî luk fantaaxaw leh tan maritte Isí tuxxiiqih taagah goobaqad ummatta leh tan leê waytî gibdaabina buulak Leê wayto ane waytam celsiissah tan tan maritteh tan numma diggoosoonuh ruuben Vidiyo kinnim qaddoosen.

Goobaqad Sayyo tama farmol inteemih nel yan leê waytoh taqabii kee gibdaabina ane waam ceelisak gita maliinoh tan oytitte tatrussaah fixiixissah tan maritte tanim qaddoosen.

Tonnaah Inki Goobaqad xaylok numuk teenah yan toobokoyti elle qaddoosennal Ayyunta kaxxaam biyaakak geytimta leê waytô taqabittek doolat tibbo beytem kaxxaam hagga kaah hayteh tanim kee Tonnaah Isinni tû xiiqih taagah dariifak doolat saqoltî luk gacak Ayyunti esseroo kee Ummatta leh tan leê gibdaabinitte Aalle waytam ceelsak Ummaattah essero boolam faxa mari yanim yescesse.

Tama Toobokoyti abeh yan yaabal iyyeemih Goobaqad dariifah miraaciini Goobaqad ayyuntal yan gibdaabinak tu mayaaxigaanaay inkinnah yan taqabi yangaddeeniih ,sugeh yan taqabih calli yeceenim ceelisak Diraab riportitte xayyoosaanam qaddoose.

Ellecabol goobaqad sayyoo kee tama toobokoyti ruubeh yan Vidiyol
leê bakaarah biyaakitah yan ayyuntah faxxiima calli abaanam faxximtam kee tonnaah ta farmo mango arooca guftuh tabaatabisaanam esseren .

Giobaqad sayyoh Farmo ahaak gubal tan Vidiyol ankacisa!

07/12/2025

Tigrayak sadí partih tan salsaay wayyaane asaaku teyyeeqeh tan maybalaalaqal Itiyoopiyak Naharsí malaak Tigray rakaakayal Bood ugtaamak cubbi abittaanam faxximta axcuk abeh yan yaab kaxxaam tesscekkeh tanim kee Tigray rakaakayal yan taqabi Walalal yafdigeenim faxximtam tiysixxige.
********

Salsaay wayyaane Diqsitta sadí partik saqalah yan Adane Alula haylu abeh yan yaabal iyyeemih Dr Abiyyi acmad Parlamâ foocal abeh yan yaabal Tigray rakaakayal kaxxa qawwalayla kataasu waah yan carbi ugtele axcuk abeh yan yaab kaxxam yessecekkeh kaxxam yessecekke.

Dr Abiyyi acmad Julay alsak 3 /2025 Parlamâ foocal abeh yan yaabal Tigray rakaakayal fooca fanah kaxxa qawwalayla kataasu waah yan carbi yakkeemik afal diini abbobti tangagayyem faxximtam kee diini abboti awayî saaqat Tigrayal carbi akke wayuh angagayye waytek carbi qimbisek sarra yakke angagoyyi abam Aalle waam qaddooseh yan.

Tigray Rakaakayak Diini abbobti xayí ayroorah addat yeyyeeqeenih yanim maybalaalaqal Iyyeenim Itiyoopiyak Naharsí malaak Dr Abiyyi Acmadat tangooroweh tan erga xisak ruubeloonim yescesseenim kee Dr abiyyi acmad Tigray caaloota elle yableh yan gurra kaxxaam kaah yasscakkeenim qaddoosen.

Salsaay wayyaanek Angaaraw mankatabih saqalah tan Birahaan asbaha abteh tan yaabal Itiyoopiyak federaal doolat Tigray ummattal baahteh tan Zulmik madqaak yan gitaak tasmaaqem elle faxxiimak tenekkel Tigray ummattat meysisso abak geytimtam kaxxa gita maliino kinnim qaddoosse.

Salasaay wayyaaneh Parti Tigray caddol inkih tan exxaaxi edde tangaleh tan walal yekkem faxximta axcuk seeco xayyoossem kee federaal doolat Kee TPLF butta edde gexsittah tan uma gexsit tessecekkeh tanim qaddoosen.

07/12/2025

Interview with Cassim Ahmed Dini: Diplomat and Political Analyst.

07/12/2025

Acarra Waqla Djibuutî loowwol 6:00 elle guftâ kel Massakaxxa le Kaasim Acmaddiini saanih ( Afar Voice Live)siinih xayyoysenno.
kaa xayyossu waytam Massakaxxa le Ali Sultaan kinnuuk massakaxxaay kunnabna luk nee qambaltaanam sin kassisna.

Address

Columbus, OH

Telephone

+13177624276

Website

Alerts

Be the first to know and let us send you an email when Afar Voice posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Afar Voice:

Shortcuts

Share

Category