Taem Media ጣዕም ሚዲያ, Merrybrook Court, Virginia Beach, VA (2025)

09/27/2025

መልካም የመስቀል በዓል

ጣዕም ሚዲያ

09/19/2025

“አታውጡኝ… ሁለቱ ልጆቼ እጄን ይዘውኛል”💔
***
👤 በቴዲ ካሳ Teddy Kassa
እ.ኤ.አ. በታህሳስ 15 ቀን 1999 በቬንዙዌላ ውስጥ ቫርጋስ በተባለ አካባቢ ትልቅ የጭቃ ናዳ አደጋ ተከስቶ ከፍተኛ የመሬት መንሸራተት እና የጎርፍ መጥለቅለቅ አስከትሏል፣ ከተሞችን በሙሉ ቀበሯል፡፡ በአደጋው ከ8ሺ በላይ ቤቶች ወድሟል፣ ከ10ሺ እስከ 30 ሺ ሰዎች ህይወታቸውን እንዳጡም ይገመታል።

ይህ ልብ የሚሰብር ክስተት የፍቅርን እና የቤተሰብ ትስስርን ያሳየም ሆኖ አልፏል፤ ነገሩ እንዲህ ነው፡፡

ይህ በምስሉ ላይ የሚታየው አባት በጭቃ ውስጥ ተይዞ ነበር። በስፍራው የደረሱ የድንገተኛ አደጋ ሰራተኞች ሊያወጡት ሲሞክሩ ልጆቹ እጁን እንደያዙት ስለተሰማው "አታውጡኝ፣ ልጆቼ እጄን ይዘውኛል" ብሎ መለሰላቸው። እጁን የያዙት ልጆቹን ትቶ እጁን ከእጃቸው መለያየት አልፈለገም። ይልቁንም እሱ ከልጆቹ ጋር እጅ ለእጅ እንደተያያዘ መሞትን መርጦ የራሱን ሕይወት መስዋዕት አድርጓል።

የዚህ የአባት የመጨረሻ ቃል የቫርጋስ አደጋ ምን ያህል አስከፊ እንደነበር ከማሳየቱም በላይ፣ ፍቅር ከሞት የበለጠ ጠንካራ መሆኑን የሚያሳይ አሳዛኝና ልብ የሚነካ ታሪክ ነው።

አንዳንድ መስዋእትነቶች ልዩ ናቸው። አንዳንዴ አንተ እየኖርክ ሌሎችም እንዲኖሩ የምትከፍለው መስዋእትነት አለ። በሌላ በኩል ደግሞ አንተ ሞተህ ሌሎች እንዲኖሩ የምትከፍለው መስዋእትነት አለ።

በዚህ ታሪክ ያየነው መስዋዕትነት ደግሞ አባትም ሆነ ልጆች ያልተጠቀሙበት፣ ማናቸውም ያልተረፉበት ነገር ግን እጃቸው ከእጁ እንዳይለያይ በመፈለግ፣ እጁ ከእጃቸው ተለያይቶ ቢተርፍ በህይወት ዘመኑ ሊሰማው የሚችለውን ፀፀት በመፍራት እንዲሁም አልጨክን ያለ አባትነቱን ያየንበት ልዩ መስዕዋትነት ነው።

ከዚህም ከዚያም
ጣዕም ሚዲያ

09/13/2025

የዓለማችን የምንጊዜም ዉዱ የመርከብ አደጋ
***
በማርች 2022 ፌሊሲቲ ኤስ የተባለች መርከብ በሰሜን አትላንቲክ ውቅያኖስ አዞረስ በተባለ ስፍራ አቅራቢያ በእሳት ተያይዛ ሰጠመች። በዚህም በሺዎች የሚቆጠሩ የቅንጦት መኪናዎችን ወደ ውቅያኖስ ወለል ሰደደች።

ከጭነቶቿ መካከል በዓለም ላይ ተፈላጊ የሆኑ እንደ ፖርሽ፣ አውዲ፣ ቤንትሌይ እና ላምቦርጊኒ ያሉ ብራንዶች ይገኙበታል። ይህም በባህር የተዋጠ እጅግ በጣም ከፍተኛ ሀብት ነበር።

ይህ የመርከብ አደጋ በአትላንቲክ ውቅያኖስ ውስጥ እጅግ አስገራሚ ከሆኑ ዘመናዊ የመርከብ አደጋዎች አንዱ ሆኗል።

ከትዝብት አሰፋ Tizbit Assefa ገፅ እንዳገኘነው

ከዚህም ከዚያም
ጣዕም ሚዲያ

09/09/2025

ዓባይ ለኢትዮጵያ ጣዕም ነው!

09/06/2025

ቀንጃ በተመልካቾች እየተደነቀ ነው፡፡ አረ አጨብጭብǃǃǃ
🎦 በአለም ሲኒማ (በቦሌ እና በመገናኛ)
🎦 በአዶት ሲኒማ
🎦 በሴንቸሪ ሲኒማ
🎦 በጋስት ሲኒማ
🎦 በቫምዳስ ሲኒማ
🎦 በፒያሳ የመንግስት ሲኒማ ቤቶች በኢትዮጵያ ሲኒማ፣በአምፒር ሲኒማ እና በአምባሳደር ሲኒማ
🎦 በአድዋ ሲኒማ
መታየቱን ቀጥሏል፡፡

08/27/2025

አተርፍ ባይ አጉዳይ ማለት እንዲህ ነው
***
👤 አንዷለም መኮንን Andualem Mekonnen

የ51 ዓመቱ የሰሜን ዳኮታው ነዋሪ ስቲቭ 2023 ላይ ባንዱ ቀን ስራ ቦታው ሆኖ ፤ ከወደ እንግሊዝ በኢሜል በህልሙም በውኑም አልሞ አስቦት የማያውቀው pው ጠበቃ ወደርሱ በቅርቡ እንደሚመጣ ከሚጠቁም መልዕክት ጋር . . . ያው ውርስ ሲባል እንዲህ የዋዛ አልነበረም ፤ የ30 ሚሊየን ዶላር ውርስ 😯

በዚህ የውርስ ገንዘብ የሚገዛውን ሰፊ መሬት፣ ስለሚከፍተው የመኪና የመለዋወጫ ሱቅ . . . እየዘረዘረ ከቤቱ ደርሶ በር ሲያንኳኳ ፤ ሁለት የተለያየ ቀለም ያለው ካልሲ፣ ቱታ፣ በቱታው ላይ ድርያ፣ በላዩ ሹራብ፣ በሹራቡ ላይ "ደን ተከላ ለአገር እድገት" የሚል ቲሸርት የለበሰች ለአስር ዓመታት አብራው የኖረች የ47 ዓመቷ ሚስት ኢና በር ከፈተች

እንደዚያ እንደ ጨርቅ ኳስ ተደቦልቡላ፤ በሰላሳ ሚሊየን መነፅር ሲመለከታት . . . "ተዚህች ሴትማ እስከወዲያኛው መለያየት አለብኝ" የሚል ሃሳብ ለቅፅበት ብልጭ አለበት ፤ ከብልጭታው መለስ ሲል የውርሱን ዜና አሳወቃትና በደስታ ፈነደቀች፡፡

ከለንደን የጠበቃውን መምጫ ቀን በጉጉት እየተጠባበቁ ባሉበት ባንዱ ቀን ስቲቭ ላንዱ ጓደኛው በጨዋታ መሃል "አደራ ምስጢር ነው" ብሎ ብሩን ሲቀበል ከሚስቱ ኢና ለመለየት እንዳሰበ ሹክ ይለዋል፡፡ ያ ጓደኛው ጥሩ ምስጢር ጠባቂ ኖሯል ሲበር ሄዶ ለኢና "ባለቤትሽ ጉድ ሊሰራሽ ነው . . ." ብሎ ሁሉን ዘረገፈላት፤ ሚሽት ጨሰች፣ ነደ.ደች፤ እንዲህ ከታሰበልኝማ አታቀኝም፤ አስቀድሜ ወደ ሰባተኛው ሰማይ እሸኝህና ውርሱን እሟ ቀሊጦ ነው የምለው አለች ለራሷ፡፡

ጠበቃው ከለንደን ይመጣል በተባለበት ቀን ስቲቭ ኢናና ጓደኞቻቸው ተሰባስበው ከአውሮፕላን ማረፊያው ጠበቃውን ሲጠባበቁ ፤ ስቲቭ ድንገት ሆዱን ይቆራርጠው ጀመር . . . እየቆየ ሲሄድ ህመሙ እየጨመረ መጣ . . . የሚጠበቀው ጠበቃም ብቅ አልል አለ፤ ሲቲቭ ከ30ሚሊየን ጥበቃ ጉጉት እኩል ህመሙም አብሮ ይጨምር ያዘ፡፡ በስተመጨረሻ ህመሙን ስላልቻለ ጓደኞቹ ወደ ሆስፒታል እንውሰደው ቢሉም ፤ ሚስት ኢና "ኧረ የከፋ አይደለም ሙቀቱ ነው . . . ትንሽ ቢተኛ ያልፍለታል" ወደ ቤት አድርሱት ብላ ጠበቃውን ጥበቃ ቀጠለች . . . ጠበቃው ግን ወፍ

ከቀናት በኋላ የስቲቭ ህመም ተባብሶ የውርሱን መጨረሻ ሳያይ ህይወቱ አለፈ፡፡

በስቲቭ አሟሟት የሚስቱ ኢናን እጅማ አለበት የሚል ጥርጣሬ የገባቸው ጓደኞቹ ለፖሊስ አመለከቱ፡፡ ፖሊስ ሲመረምር እውነትም ኢና ብቸኛ ወራሽ ለመሆነ በየቀኑ በሚጠጣው መጠጥ በጥቂቱ መ.ርዝ ጠብ ታደርግ ኖሯል ፤ 25 ዓመት ተፈረደባትና ወህኒ ወረደች፡፡

ወገኔ የሁለቱ መንገብገብ 30 ሚሊየን ዶላር ያለ ወራሽ ከሜዳ ቀረ ብለህ በከንቱ እንዳትቆጭብኝ፤ ሲጀመር የ30 ሚሊየን ዶላር የውርስ መልዕክቱ የስካመሮች የማጭበርበሪያ መንገድ ነበር እንጂ አውራሽም የስቲቭ የሩቅ ዘመድ የሚባል በአየርላንድ ምድር አልተፈጠረም

እና ምን ለማለት ነው ከክህደቱም ከመ.ርዝ ቅመማውም በፊት በጥልቀት እንመርምር 😁

ከዚህም ከዚያም
ጣዕም ሚዲያ

08/21/2025

እውነተኛ ታሪክ ነው -
***
ባለትዳርና የሁለት ሴት ልጆች እናት ነኝ አንድ የመንግስት መስሪያ ቤት ውስጥ ተቀጥሬ እሰራለሁ ከዛች ክፉ ምሽት በፊት በትዳሬ በልጆቼ ባጠቃላይ በኑሮዬ እንደኔ ደስተኛ ሰው አልነበረም።

ያንን ቀን እንደ ሁልግዜው በስራ ገብታዬ ነበር ያሳለፍኩት ሆኖም አመሻሽ ላይ መጨረስ የሚኖርብኝ ስራ ስለነበር በመደበኛ ሰዓቴ አልወጣሁም። ለባለቤቴም ትንሽ ማምሸቴ ስለማይቀር በጊዜ ልጆቹ ጋር እንዲገባ ደውዬ ነግሬው ወደ ስራዬ ተመለስኩ ከምሽቱ 3:40 ስራዬን አጠናቅቄ ከቢሮዬ ወጣሁ በዛን ሰዓት ሚኒባስ ታክሲ ማግኘት የማይታሰብ ስለነበር የኮንትራት ታክሲዎች ከተደረደሩበት ስፍራ ደርሼ በወቅቱ ከነበሩት ሹፌሮች እድሜው በ40ዎቹ አጋማሽ የሚገመት ጎልማሳ መርጬ ወደሰፈሬ ለማድረስ የጠየቀኝን ሂሳብ ምንም ሳልከራከር ተስማምቼ ገባሁ ላዳዋ ግን ከፊትም ከኃላም ታርጋ አልነበራትም ግራ ገብቶኝ ስጠይቀው አሁሁን ነው ትራፊኮች የፈቱብን አለኝ እኔም ብዙ ሳልጨነቅ ጉዞ ጀመርን።

የአዲስ አበባ የቤት ኪራይ ስላማረረን እኔና ባለቤቴ ከከተማ ትንሽ ወጣ ያለ ቦታ ቡራዩ አከባቢ መሬት ገዝተን ቤት ሰርተን ከገባን ገና አመት አልሆነንም ነበር። ሹፌሩ በማላውቀው ወይም ባልለመድኩት መስመር ላዳዋን አዙሮ ሲነዳ ግራ ተጋብቼ የኔ ወንድም ወዴት ነው የምትወስደኝ ስለው አይ በዚ በኩል አቋራጭ መንገድ አለ ይቀርበናል ብዬ ነው አለኝ እኔም በጣም ስለመሸ ምናልባት እንዳለውም ቶሎ ያደርሰን ይሆናል ብዬ ዝም አልኩ ጥቂት ከተጓዝን በኃላ የመብራት ብርሃን እንኳን በሌለበት ድቅድቅ ጨለማ ውስጥ በድንገት መኪናዋን አቆማት ምነው ምን ሆንክ አልኩት ደንግጬ። እኔንጃ መኪናዋ ተበላሽታ ነው መሰለኝ ቆይ ወርጄ ከኃላ ልያት አለኝና ወርዶ የኃላውን ኮፈን ከፈተው ብዙም ሳይቆይ እኔ የነበርኩበትን የኃላ በር ከፍቶ ይቅርታ ከጎንሽ የእጅ ባትሪ አለ አቀብይኝ አለኝ ግራ ተጋብቼ "የቱጋ ነው" ብዬ ወደጎኔ ስዞር አንገቴ ስር የሽጉጥ አፈሙዝ ደቀነብኝ፡፡

አንዲት ነገር እተነፍሳለው እጮሃለው ብትይ በአንዲት ጣቴ ብቻ ምላጯን ስቤ እስከዘላለሙ አሰናብትሻለው አለኝ ወንድሜ ገንዘብ ከፈለክ ቦርሳዬ ውስጥ ያለውን ሁሉ ውሰድ እያልኩ ተንተባተብኩ፡፡ ገንዘብሽን ሳይሆን ገላሽን ነው የምፈልገው አሁን አንድ በአንድ የለበስሽውን አውልቂ አለኝ ለመንኩት እባክህ የሁለት ልጆች እናት ነኝ እባክህ ባለትዳር ነኝ አልኩት ግን አልተሳካልኝም ሽጉጡን ወደኔ እያቀረበው በሄደ ቁጥር ነፍሴ ተጨነቀች ልጆቼ በአይምሮዬ ውስጥ ተመላለሱ እንባ ሳይሆን ደም እያነባሁ ያለኝን ነገር ሁሉ ፈፀምኩ የተመኘውን ገላ እንደልቡ ተጫውቶበት ሲያበቃ ለፖሊስ እጠቁማለው ለሰው አወራለው ብትይ እጨርስሻለው አለኝ።

እራሴን ለማረጋጋት ሞከርኩና ህመሜን ስብራቴን ዋጥ አድርጌ ውይ ምን ችግር አለው በፊትም እኮ ሳታስገድደኝ እንዲሁ ብትጠይቀኝ እንስማማ ነበር ሽጉጡን ስላየሁ ነው እንጂ የደነገጥኩት ምንም ችግር አልነበረውም ባይሆን ስልክ ቁጥርህን ስጠኝና ሌላ ጊዜ ተደዋውለን በሰፊው አሪፍ ጊዜ እናሳልፋለን አልኩት።

ከት ብሎ ሳቀና ባንቺ ቤት አሁን ምንም የማላውቅ ፋራ አርገሽኛል አለኝ እኔም ያለ የሌለ መሀላ እየደረደርኩ ላሳምነው ሞከርኩ በመጨረሻም ያንቺን ስልክ ቁጥር ስጪኝና እኔ ደስ ባለኝ ቀን እደውልልሻለው አለኝ ሰጠሁት ከዛም ወደ ቤቴ አድርሶኝ ልክ ምንም እንዳልተፈጠረ እየሳኩኝ ደስተኛ መስዬ አመስግኜው ተለየሁት።

እቤት ስደርስ ቁጭ ብሎ የሚጠብቀኝ ባለቤቴ ላይ ተጠምጥሜ እያለቀስኩ ያጋጠመኝን ሁሉ ነገርኩት ድንጋጤ ድንዝዝ ቢያደርገውም እኔ እንድረጋጋ ብቻ አቅፎ ሲያባብለኝ ቆየና ጠዋት ለፖሊስ እንደምናመለክት ነግሮኝ አደርን።

በንጋታው ወደ ሆስፒታል ሄጄ ሙሉ ምርመራ አድርጌ ኤች አይ ቪ ለመመርመር ከ3 ወር በኃላ ደግሜ እንድመጣ ነግረውኝ ወደ ፖሊስ ጣቢያ ሄደን ካመለከትን በኃላ ወንጀለኛውን ለመያዝ ብቸኛው አማራጭ ያን ቀን ስልኬን ስለሰጠሁት እስኪደውል ብቻ መጠበቅ ነበርና ከ1 ሳምንት በኃላ ቅዳሜ ቀን የማላውቀው ቁጥር ተደወለ ሳነሳው እሱ ነው ምንም እንዳልተፈጠረ እንባዬን ወደ ውስጤ እየመለስኩ በሰላም አወራሁት ድምፁንም እየቀዳሁት ነበር።

ሰሞኑን ሁኔታዎችን አመቻችቶ እንደምንገናኝ ነገረኝና ዘጋው እሄን ለፖሊስ አመልክቼ በቀጣይ እስኪደውል መጠባበቅ ጀመርኩ ከ3 ቀን በኃላ በሌላ ስልክ ቁጥር ደወለ አሁንም ሰላም ብሎኝ ዘጋው በንጋታው በሌላ ስልክ ቁጥር ደወለ አሁንም አንምግሮኝ ዘጋ በ4ኛው ላይ ልክ መጀመርያ ቀን በደወለበት ስልክ ደግሞ ደወለ ሰሞኑን እንደምንገናኝ ነገረኝ ፖሊሶችም ድጋሜ የደወለበትን ስልክ ይዘው የታክሲ ደንበኛ በመምሰል ደወሉለትና ለስራ እንደሚፈልጉት ነግረው ያዙት እኔ ተጠርቼ ሄድኩኝ ሳየው እራሱ ነው ዘልዬ ላንቀው ስል አጠገቤ የነበረው ፖሊስ ያዘኝ የክስ መዝገብ ተከፍቶ ምርመራ ተደርጎበት ሰውዬው ከዚ በፊትም ብዙ የወንጀል ሪከርድ እንደነበረበት ታውቆ የ16 አመት እስራት ተፈረደበት።

እኔ ከ 3 ወር በኃላ ሀኪም ቤት ሄጄ ኤች አይ ቪ ስመረመር በደሜ ውስጥ ቫይረሱ እንዳለ ተነገረኝ። ዛሬ ፈጣሪና ውዱ ባለቤቴ ከጎኔ ባይኖሩ ኖሮ በህይወት አልኖርም ነበር እራሴን ለማጥፋት ስሞክር ስንቴ ከሞት አፋፍ ተርፌያለሁ ቆይቼ ሳስበው ግን ቢያንስ ለልጆቼና በቫይረስ መያዜን እንኳን እያወቀ እስከዛሬ ከጎኔ ላልተለየኝ ባለቤቴ ስል መኖር እንዳለብኝ ገብቶኛል። ግን ሁሌም እፈራለው ምክንያቱም ሴት ልጆች ወልጃለው የኔ እጣ እንዳይደርሳቸው ሁሌም እፈራለው ከትምህርት እስኪገቡ እንኳን ልቤ አይረጋጋም እንደ እስረኛ ከግቢ አላሶጣቸውም ሱቅ እቃ እንዲገዙ እንኳን አልካቸውም።

ይህ ሁሉ ከሆነ 7 አመት አልፎታል እኔ ግን ዛሬም ህመምተኛ ነኝ ልቤ ተሰብሯል ፈሪ ነኝ ትንሽ ነገር ያስደነግጠኛል እራሴን አሞኝ ከተኛሁ በዛው ሞቼ የምቀር ይመስለኛል ልጆቼ የኔ እጣ እንዳይደርሳቸው ያስጨንቁኛል እኔን ብሎ ብዙ የተጎዳው ባለቤቴ ያሳዝነኛል። የኔ ውድ ባለቤቴ የልጅነቴ ታመምሽ ተበላሸሽ ብሎ ያልሸሸኝ እሱ ብቻ ነው። ሴት እህቶቼ ሴት ልጆቼ ከኔ ታሪክ ተማሩ ተጠንቀቁ።

ከዚህም ከዚያም (ከፌስቡክ መንደር ያገኘነው)

ጣዕም ሚዲያ

08/20/2025

ኢትዮጵያዉን ችሮታ በማድረግ ከአለም ሀገራት 22ኛ ደረጃን ይዘናል ተባለ።
***
በየአመቱ የአለም ሀገራትን የችሮታ ደረጃ የሚያወጣው የአለም ልግስና ሪፖርት በ2025 ኢትዮጵያን ከ101 ሀገራት 22ኛ ደረጃ ላይ አስቀምጧል።

ሪፖርቱ ኢትዮጵያውያን የገቢያቸውን 1.51 ፐርሰንት ለበጎ አድራጎት ስራዎች፣ ለሀይማኖታዊ ምፅዋትና ለሌሎች ልገሳዎች ያውላሉ ብሏል።

አፍሪካውያን ከሌሎች አህጉራት ጋር ሲነፃፀር የተሻሉ ለጋሾች እንደሆኑም ሪፖርቱ አሷይቷል።

አውሮፓዉያን የገቢያቸውን 0.64 ፐርሰንት ሲለግሱ አፍሪካውያን ግን የገቢያቸውን 1.5 ፐርሰንት ወይም የአውሮፖውያንን እጥፍ ያህል ይለግሳሉ።

አፍሪካውያን በብዙ ኢኮኖሚያዊ ጫና ውስጥ ሆነዉ የተሻለ ልገሳ ማድረጋቸው ችሮታ ከሀብት በዘለለ ከጥብቅ ማህበረሰባዊ ግኑኝነትና ሀይማኖታዊ ምክንያቶች የሚመነጭ እንደሆነ አሷይቷል።

Ethiopian Business network

ጣዕም ሚዲያ

08/16/2025

በኢትዮጵያ ያሉ የግብር (ታክስ) ዓይነቶች ብዛት ስንት ይመስላችኋል?
***
1- የደሞዝ ገቢ ግብር
2- የትርፍ ገቢ ግብር
3- የተጨማሪ እሴት ግብር
4- የእሴት እድገት ግብር
5- የኤክሳይዝ ግብር
6- የንግድ ማገላበጥ ግብር
7- ከኩባንያ ትርፍ ተካፋይነት ግብር
8- የጣሪያና ግድግዳ ግብር
9- የንብረት ባለሀብትነት ግብር
10- የጦርነት ታክስ
11- የመብራት ግብር
12- የመንገድ ፈንድ ግብር
13- የትራንስፖርት ግብር
14- የኮቴ ግብር
15- አመታዊ የተሽከርካሪ ግብር
16- የባንክ ቤት ግብር
17- የአፈር ግብር
18- የፅዳት ግብር
19- የቴሌቪዥን ግብር

እስቲ እናንተም ጨምሩበት?

Ethiopian Business Review

ከዚህም ከዚያም
ጣዕም ሚዲያ

08/07/2025

ሐና ዊልያም በማደጎ ወደ አሜሪካ ስትመጣ የ8 ዓመት ልጅ ነበረች። የመጣችበት ቤት ግን ተገቢውን እንክብካቤ አልተደረገላትም ። ኬሪ ውልያም እና ባለቤትዋ ላሪ ውልያም ሰድስት ልጆች ያላቸው ሲሆን ከኢትዮጵያ ሐናን እና አንድ የ10 ዓመት ወንድ ልጅ በማደጎ ወደ አሜሪካ አምጥተዋል።

እ.አ. አ May12, 2011 ኬሪ ዊልያም 911 በመደወል ልጇ ሀና ዊልያም ራስዋን ስታ መሬት ላይ መውደቅዋን ህይወቷ እንዳለፈ ትናገራለች።
ነገሩ እንዲህ ነው ።

ሐና በማደጎ የገባችበት ቤት ገሀነብ ሆኖባት ነበር። ሐና ብዙ ድብደባ ተፈጽሞባታል፤ በርሃብ ተቀጥታለች። በተደጋጋሚ በረሃብ ከመቀጣትዋ የተነሳ ሰውነቷ እጅግ በጣም የከሳ ነበር።

May10 ሐና ጥፋት አጠፋች ተብላ ቅጣትዋ ውጪ መቆየት ነበር። ከፍተኛ ዝናብ እና ብርድ በጣም ነበረ። ኬሪ እንደምትለው ሐና እቤት እንድትገባ ብትጠራ። አልገባም እንዳለች እና ውጪ መቆየት እንደመረጠች ነው፤ ይህ ግን ውሸት ነው፤ ሐና ውጪ የነበረችው ቅጣት ተበይኖባት ነው። በርሀብ የተጎዳው የሐና ሰውነት በዛን ቀን የነበረውን ብርድ አልቋቋም ብሎ ነው ህይወቷ ሊያልፍ የቻለው። ሐና ሰውነቷ በጣም የከሳ፣ ፀጉሯ የተቆራረጠ እና በሰውነቷ ላይ ብዙ የመደብደብ ምልክቶች እንደነበሩ ፖሊስ ተናግሯል ።

ኬሪ ውልያም እና ላሪ ውልያም ፍርድ ቤት ቀርበው ሁለቱም ጥፋተኛ ተብለዋል። ኬሪ ወደ 37 ዓመት የጽኑ እስራት የተፈረደባት ሲሆን። ላሪ ውልያም ወደ 28 ዓመት ተፈርዶበታል። በወቅቱ ከኢትዮጵያ በማደጎ ያመጡት ወንድ ልጅ እና የነሱ ሰድስት ልጆች ግዜያዊ ማቆያ ተወስደዋል።

ሐና ውልያም ( ለማደጎ ከመሰጠትዋ በፊት ሙሉ ስሟ ሐና አለሙ በፍቃዱ ነበር ) በማደጎ የተሰጠችው በ2008 ነበር፤ ሶስት የስቃይ ዓመታትን አሳልፋ በመጨረሻም ረሃብ እና ዱላ መቋቋም ያቃተው ሰነትዋ ወደ ዘላለማዊው እረፍት ሄዷል።

እ.አ.አ ከ2008 እስከ 2011 ባለበት ዓ.ም ወደ 13ሺ ኢትዮጵያኖች ወደ አሜሪካ በማደጎ መጥተዋል ።

ሐና ከዛ ስቃይ ህይወት ካረፈች 14 ዓመት ሆናት ። ነፍስ ይማር 🙏

|***
👤 በመንበረ ካሳዬ Menbere Kassaye

ጣዕም ሚዲያ
🎙የሚያነሳሱ ታሪኮች፤ የሚያገናኙ ድምፆች

Taem Media ጣዕም ሚዲያ

09/27/2025

09/19/2025

09/13/2025

09/09/2025

09/06/2025

08/27/2025

08/21/2025

08/20/2025

08/16/2025

08/07/2025

Address

Telephone

Website

Alerts

Contact The Business

Shortcuts

Share

Category

Our Story