07/30/2025
នៅវេលាពេលព្រឹក ថ្ងៃទី៣០ ខែកក្កដា ឆ្នាំ២០២៥ មេកងទ័ពកម្ពុជាបានរាយការណ៍ទៅអនុព័ន្ធយោធា និងមន្រ្តីទូតនានាចំនួន ១៣ប្រទេសអំពីហេតុការណ៍ ដែលទាហានថៃបានប្រើល្បិចចាប់ខ្លួនទាហានកម្ពុជាចំនួន២០នាក់ (រត់រួចម្នាក់ និងសង្ស័យថាត្រូវបានបាញ់សម្លាប់ ២នាក់) ក្រោយបទឈប់បាញ់ចូលជាធរមាន។
ការចាប់ខ្លួននេះបានកើតឡើងនៅសមរភូមិជាំតែ ខណៈពេលដែលទាហានកម្ពុជា ដើរទៅចាប់ដៃគ្នាជាមួយទាហានថៃ។ លុះពេលដើរត្រឡប់មកវិញ ស្រាប់តែទាហានថៃបានភ្ជង់កាំភ្លើង និងចាប់ខ្លួនទាហានកម្ពុជាតែម្ដង។
បើតាមការអះអាង ក្រុមទាហានថៃមិនទាន់ដោះលែងទាហានកម្ពុជានៅឡើយទេ គិតត្រឹមរសៀលថ្ងៃដដែល។
